ياجماعة كل اللي اتقال عن امتحان الكادر اشاعات.
ان النهاردة امتحنت تخصص E
الامتحان في الثلاث مجالات ممكن الاجابة عليهم بسهولة ويوجد تقريبا نسبة 20% من الآسئلة الصعبة لكن الباقي كله سهل والوقت كافي جدا مع العلم اني استلمت الورق الساعة 11 ونصف، خلصت الساعة 1 وربع وكل سؤال خد وقته الكافي للتفكير

المهم تكون قرأت مايخص الامتحان من مواضيع كويس جدا يعني الامتحان من المواضيع اللي الوزارة حددتها.

النجاح سهل جدا

:) :lol: :) :D :rolleyes:

ههههههههههههه يعنى كل المدرسين فشله وانت الوحيد اللى مفيش مثيلك في مصر ......والله برافو عليك .....( وعجــــبي )

اللى بيسمع كلمة أهله شو بنإلوا
شاطر !!!!!!!!!!! شاطر !!!!!!!!!!!!!!!!

انت بتنصح بعدم تصديق الاشاعات و انت بتروج اشاعات..طب يا شاطر اتحداك ان تقدم سؤال واحد من اسئلة التربوى التى تضمنها الامتجان..يكون جاء فى نماذج الوزارة او سبق و نشر فى اى منتدى ..اتق اللة

فين الاسئلة يا وحيد عصرك
والله تلاقيك جاوبت غلط

ثم اليوم ما فيش E

من فضلك لاتهجس تلاقيك من أقارب اللى بالى بالك ( اللى إتبهدل فى جامعة عين شمس)

ههههههههههه ال سهل ال
كوسه كوسه كوسه

اللى بيسمع كلمة جمله شو بنإلوا
حامر !!!!!!!!!!! حامر!!!!!!!!!!!!!!!!

والله أنا امتحنت اليوم والامتحان صعب جدا والوقت قليل جدا والتربوي لايعقل

يا راجل دا انا راجع من الامتحان الان والوقت غير كافى وأسئلة التربوى كلها صعبة متتحلش إلا بالبركة

يا رجل أنت معانا ولا معاهم قول الحق عشان ربنا ينجحك

اللى بيسمع كلمة أهله شو بنإلوا
شاطر !!!!!!!!!!! شاطر !!!!!!!!!!!!!!!!

انا امتحنت النهاردة الامتحان الغاز وفوازير دة مش امتحان يقيم مدرس ابدادة امتحان للتعجيز مش

أحييك أخى الغلبان على هذا التعليق الساخر اضحكتنى هداك الله

يا راجل اتقي الله دا أنا مدرس عربي واتلخبطت في عربي غير المتخصصين ..ثلاث قطع طويلة وأسئلة رخمه ..والتربوي زي الزفت

ياريت يامعلمى الأجيال يكون أسلوبنا فى الحوار أرقى من كده

ييا جماعه قولوا كل خير والرد الصحيح هو ربنا يسمع منك ياعم وجزاك الله كل خير

ياسلاااااااااااااااااااااام على العبقرية كانت فين دى والله تلاقيك واخد الامتحان
وعجب ياما هانشوف

:confused::confused:ياسلاااااااااااااااااااااام على العبقرية كانت فين دى والله تلاقيك واخد الامتحان
وعجب ياما هانشوف:p:p

مين بيقول مفيش امتحان انجليزي النهارده ؟؟؟؟ الامتحان كان اليوم واسئله التخصص يتحل منها 60 في الميه والباقي ولا فهمت عاوز ايه لانه بيتكلم استراتيجيات تدريس وانا نسيتها فقمت بحلها حسب خبرتي وربنا يستر
بالنسبه للعربي دول بيتفننوا انهم لخبطوا مخك وانت بتقرا الاسئله انا نافوخي ورم من كتر من قريت الاسئه واحاول امشيها مع اللي موجود بالقطعه
التربوي لوغاريتمات واربعين في المائه يحل بالبركه ده الخلاص من الاخر من غير لف ولا دوران

حرام عليكم بهدلتوا الراجل
هو قال وجهة نظرة ويجب علينا كمعلمين نحترم وجهة نظرة

مممكن الاجابة اللى حضرتك حلتها عشان اعرف انا عملت صح والا غلط

ربنا يرفقك

ياجماعة الامتحان يتحل فى 20دقيقة ازاى؟ اقولكم نعمل حادى بادى ونعلم فىالدواير مش هياخد حاجة

حتى التخصص لغة انجليزية كان معظمه طرق تدريس واسترتيجيات ولا يمكن الاجابة عنها بسهولة وبصراحة هو اصعب امتحانات التخصص اليوم وكل ما قرأناه هنا عن الانجليزي لم يفيد بشئ وربنا يستر

شكل الستاذ عادل من الخمسة في المائة الموعودين من الوزير بانهم ناجحين
انا امتحنت اليوم .............. الامتحان كان من كوكب اخر

شكل الاستاذ عادل من الخمسة في المائة الموعودين من الوزير بانهم ناجحين
انا امتحنت اليوم .............. الامتحان كان من كوكب اخر

كل واحد يخلي باله من جمله......أقصد كادره

يعنى النجاح مضمون يا صاحب الموضوع

طيب متاكد انك ناجح يعنى درجة النجاح كام تعرفها طبعا لا يعنى مش مضمون حتى لو حليت صح

ممكن تكون 99 %

:mad: ياجماعة الامتحان يتحل فى 20دقيقة ازاى؟ اقولكم نعمل حادى بادى ونعلم فىالدواير مش هياخد حاجة

كيف هذاونحن جميعا لا ندرى ماذا فعلنا فى تلك اللوغاريتمات

فكرتنى بتصريحات الحكومة الرشيدة كانت الاسئلة فى مستوى الطالب المتوسط وكلة تمام

يارجل خليك موضوعى انا امتحنت امس وكان تخصص رياضى ابتدائى وكان يوجد عدد ليس بالقليل من منهج المرحلة الاعدادية
والامتحان يحتاج لاكثر من 4 ساعات
اتقى الله واتكلم بموضوعيه
اخو وحبيبك الموضوعى ابو صلاح الدين

ياراجل خليك موضوعى

انا بقول لصاحبنا اللهم اجعله خير وابقى اتغطى كويس الظاهر انك كنت بتمتحن فى دوله تانيه
التخصص شبه معقول والعربى نص نص لانى شوفت مدرسين العربى مختلفين فيه فما بالك بغير المتخصص
والتربوى على الرغم انى خريج تربيه والله اول مره فى حياتى اشوف الحاجات دى وكل اللجنه حلته بالبركه

احلى حاجة فى الاسئلة الاختيارى كل واحد يطلع فرحان وقال ايه الباشا حل كويس
ربنا يخليك يا عم البرم

اخنقوا الواد دة عامل فالح يا خويا ناقينك احنا والله ما حد هيعبرك

هههههههههههههههههههه ضحكتنى انت تبع كله تمام يا فندم واحلام سيادتك اوامر وشلوت سيادتك دفعه للامام وعمار يامصر

يا سلااااااااااااااااااااااااااااااام

ياجماعة الراجل حلم انه حل الامتحان انتو زعلانين ليه والله حاجة غريبة حتى الحلم عليه شتيمة

الامتحان جيد ولكن كان يجب ن نأخذ فرصة للتدريب لمدة سنة على الأقل لأن التربوي له مدارس وافكار حتى أن أستذة التربوي أنفسهم ممكن يخطأوا عند الحل وأسئلة التخصص وخاصة العربي كويسة ولكن مدرسي لمرحلة الإعدادية لم يدرسو البلاغة والأدب والشعر ولم يمارسوا هذه لمجالات لسنين طويلة التدريب أولاً ووبعد الحل الذي تم اليوم يمكن ننجح ولكن فين مقياس النجاح أظن أن لوزارة حتنجح المدرسين بنسبة الميزانية الموجودة مع العلم أنها سيتم سرقة 30 في المائة منه قبل ما توصل لسيادتكم وأرجو ألا تزيد نسبة السرقة عن كدخ وشكرا للأستاذ عادل إبراهيم لتفاؤله .

يا شيخ اتقى الله ،ده لو احمد زويل قعد ادام الامتحان 3 دقايق هيبلم:huh: وهيجيله زهايمر
وهيتنازل عن نوبل
وبالمناسبه هتروح فين فلوس الكادر لما المعلمين يسقطوا بالمنظر ده؟؟
سؤال برىء
وربنا يجعل كلامنا خفيف عليهم:rolleyes:

يا جماعة أنتوا كلكوا ماصدقتوا تلاقوا حد تطلعوا فيه همكم ... الراجل عنده حق .. احنا حاليا ليس بأيدينا شئ سوى الخضوع لإرادة الجندى اللى قالنا لما تذاكروا و تنجحوا هتأخدوا الفلوس ..... طيب نعمل إيه طبعا نذاكر و نثبت لكل الخلق اللى عماله تتريق علينا من الغفير للوزير كأننا يدوبك لسه هنفك الخط و نقول لهم فلوسنا و حقوقنا و رزق عيالنا و إحنا أحق بيها من الحرامية و نتعب شوية و نصهين شويتين و نستعين بالله قبل كل شئ على الظلم و الظلمة

انت اكيد فاشل

ربنا يطمنك

امتحان التربوي ليس له اى دخل بما درسناه او ما نمارسه والعربي معقول ماعدا صعوبة القطع الانجليزي كله استراتيجيات ومفردات غريبة لدرجة اني ممكن اكون جاوبت كله غلط

ايه يا عم ده الله عليك انت تقول لزويل اقوم وانا اقعد مكانك ال سهل ال يا عم روح اجرى

اليوم كنت فى الامتحان 26/8/ 2008
يا جماعة تربوى اليوم كاملا فى مشاركة elsayd2006
وأسئلة العربى العام جميلة فى مشاركة ( ليمو 161977)

إن شاء الله الكل ناجح ما داد ادى اللى عليه
يا جماعة هى ورطة الوزارة .......

والله شكلك كده متوصي انا دخلت الامتحان النهارده والتربوي كان كله الغاز والتخصص من الثانوية العامة مش علوم عامه لمعلم اعدادي

عندى فكره انا اروح الامتحان راكب جمل احمر منه مافيش --- يا ترى ممكن يكون ليه واسطه

امتحنت اليوم والامتحان صعب جدا والوقت قليل جدا والتربوي صعب صعب صعب

اخ عادل ابراهيم 2500 انت عايش فى الغيبوبة انت ال صح والجميع غلط

كفاية ال بنسمعه من الاولاد والبهدلة من كل افراد المجتمع

حتى لو نجحت ياباشا وخت 500فى المية برده صورتك انهزت وكرامتك راحت

لان وزارتك مش واثقة فيك

فهمت يا 2500 000000 ولا بلاش

علي فكرة أنا من رأيه

الموضوع ان نفكر كويس قبل مانجاوب

بالنسبة للتربوي والتخصص محتاج معلومات طازة عنهم

يعني يكون دارس دراسات أو ...........

يعنى أنت عايز تفهمنا انك جاوبت الميت سؤال فى الوقت ده.يعنى كل سؤال اخد منك دقيقه تقريبا ؟؟؟؟ ازاى ده بأه ؟؟؟؟؟؟
ممكن تقولى العربى لوحده خاد منك وقت اد ايه؟
يا راجــــــــــــــــــــــــل ؟؟؟؟؟؟؟

ههههههههههههههههههههههههه واضح انكم عايزين جنازة وتشبوا فيها لطم براحة شوية
بس بصراحة هي غلطتك مش لازم افزلكة يعني والامتحان سهل وجميل من امتي في في مصر حد بيقول كدا
1!!!!!!!!!!!!!!!!!!!

بسم الله والصلاة والسلام على أشرف المرسلين .
حضرت الامتحان يوم الثلاثاء ، والله مهازل حصلت ، غش جماعي ، مراقبين متعجبين ، من الآخر كلام فارغ . الطريقة عشوائية وفوضاوية ، للأسف الفكرة ممتازة لأنها عملية صقل للمعلم واسترجاع للمعلومات ، لكن الطريقة خاطئة والقائمين عليها غير مؤهلين ، ولا هم له إلا الروتين .

نتفق على الأتى
1- أنة اختبار لا يمكن منة تقييم المعلم نظرا لعدة اعتبارات أولها اننا اذا اردنا تقييم المعلم وخبراتة التى اكتسبها طوال الأعوام السابقة فلا يجب الأعتماد علم مجرد ا×تبار وحيد و لكن كما فهمت من التربوى ان النتيجة لكى تكون صادقة لابد ان يكون هناك اكثر من امتحان وان تكون نسبتهم متقارب فى النتائج لتحقق شرط الثبات للاختبار.ثانيا ماهى الدورات التدريبية التى حصل عليها المعلم ليحاسب عليها من استفادة أو عدمة
بإختصار كان معى من هم يحضرون لمناقشة الدكتوراة و خرجوا واثقين من خراب مالطة بعد الأمتحان
2اتفقنا جميعا على ان الوقت غير كاف وهذا صحيح فأنت تجاوب على ثلاث مواد فلو اعتبرنا ان كل مادة مخصص لها ساعة فإن نصيب السؤال فيها هو دقيقتان فقط ماعدا مادة التخصص فنصيب السؤال فيها دقيقة ونصف فقط علما بأن هناك قطع تحتاج قراءة وتفكير و اعادة قراءة يعنى ربع ساعة عى الأقل
علاوة على أنك لا تحصل على كراسة الأسئلة الا بعد مضى نصف ساعة من وقتك

بصراحه انت مستفز يا شاطر...بقي الامتحان خد في ايدك ساع ونص بس؟؟؟؟؟؟ماهو حاجه من اتنين ياما انت قريب الجمل ياما انت دخلت المتحان في الحلم.دا انا ياراجل نافوخي اتحرق في التربوي علشان افهم السؤال بس ،اما اسئله الثلاث قطع في العربي فحدث ولا حرج