مشاهدة النسخة كاملة : العلم .. احنا فين منه وهو فييييين مننا !!
براءة 26-08-2008, 05:49 PM الجامعات العربية خارج التصنيف العالمى لافضل 1000 جامعة
اما عن افضل 3 الاف جامعة
فجاءت الدول العربية برصيد 6 جامعات (اللهم لا حسد)
الامارات ومصر وفلسطين والسعودية والكويت
الجدير بالذكر
الجامعة المصرية الوحيدة كانت ال auc
الجامعة الامريكية فى القاهرة
بصراحة معرفش جامعة القاهرة اللى كانت من كام سنة رقم 401 تصنيفيا راحت فين
يعنى حتى الجامعة المصرية الوحيدة تعليم امريكى ،، مش مصري ..
مش هتطرق للاسباب اوى لكن
السبب الاساسي اكيد ان البحث العلمى ملوش ف مصر اولوية
لا جهات مسئولة او حتى ادارية ولا طلاب مهتمين
وان ظهر النابغة .. فمصر بتتخلص منه !!
ايوه بتقوم عاملاله خدمة العمر وتسفره بره وساعتها بس هيعرف انه كسب نفسه وعيلته ومستقبله
ونادرا ما هيرجعلها
ولو كان نابغة اوى يبقي الموضوع هيخرج من ايده
لان الدول اللى احتضنته اكيد مش هتفرط فيه ..
عاوزة افهم
ليه مفيش اهتمام بالبحث العلمى فى الوطن العربي
معتقدش علشان موارد مالية
اقلها دول الخليج مثلا او الدول اللى عندها معادن وبترول ونفط
غباء
الجامعات الاولى العشرين كانت لدول الولايات المتحدة وبريطانيا واليابان
وطبعا لا يخفى علينا الان دور الدول دى فى العالم .. دول ماسكة العالم من عدة نواحى
الحاجة اللى تزعل اوى وتقهر بجد
ان اسرائيل جاءت فى ترتيب اول 100 دولة برصيد 7 جامعات من اصل 15 موجودة اصلا فى الاراضي المحتلة
دولة لم يكتمل ع وجودها قرن
وبجد حزينة انى بتكلم عليها ك "دولة" !!
الدول العربية .. دول اصابها التخلف والجهل
مقدرش اتضايق لما حد يقول علينا كده
كبيرنا لما حد بيتكلم بنقوله
*ده احنا اللى اخترعنا الصفر واحنا واحنا اللى عملنا وسوينا زمااااااااااااااان
_زمان ؟
_طيب ودلوقتى..
*دلوقتى كل حاجة اتبنت ع انجازاتهم زمان
_انجازاتهم ... طيب وفين انجازاتك .. مفيش مش كده ؟ متخلف !!
قبل ما الوم اى حد
هتكلم علينا اولا كأفراد
بعد ما الهيافة والعبط والسفه ملت ادمغتنا مبقاش عندنا دماغ يتفكر بيها صح
بتتعلم ليه ؟؟ علشان الشغل
يااااااااااااااه هدف بجد يستحق انك تعيشله؟
هدف اخرق
بجد بجد تفاهة
هو المستقبل فلوس ؟؟ اخر حاجة المفروض نفكر فيها
ده رزق .. مقدرلك من قبل ما تتولد
انا عايش علشان رسالة
انا مكلف من ربنا
مش علشان اتعلم 15 سنة ولا حاجة واخرج لم اضف جديد
تفكير غلط ف غلط
بجد انا حاسة اننا فى مهزلة
هبدأ اخجل من كونى عربية حمقاء
نفسي بجد اشوف كل يوم مسلمين جداد ع الساحة
نفسي اشوف جامعات اسلامية تعتلى التصنيف العالمى
نفسي الدول الاسلامية تكون دور علم
نفسي نفكر صح شوية
جائزة نوبل نفسي اسمع ان اغلب علمائها من المسلمين
نفسي نرتقى بتفكيرنا
المؤسسات القيادية هيا مجموعة افراد تفكيرها مادى غبي .. ميختلفوش عننا
بيل جيتس انسحب بشركة مايكروسوفت
ليه ميطلعش مننا منافسين احسن منه؟
الولدين اللى عملوا محرك البحث جوجل احسن مننا ف حاجة؟
حتى العلماء من العرب لو فضلوا ف بلادهم فهم مهملين
بجد انا نفسي نحب العلم .. نحطه قدام عنينا هدف مفيش غيره
انت مسلم ولو اعترف بيك العالم كشخص محترم
انت كده هتخدم اسلامك
انا عن نفسي
طول عمرى بقول لاهلى ولاصحابى انا مش هموت زى ما اتولدت
نادرا ما حد بيستوعب الكلمة بمعناها اللى ف دماغى
ايوه انا اسعى للشهرة
الشهرة كمسلمة باذن الله هتغير كتير وهتأثر فى غيرها وهتكون قدوة
بجد لما ضاعت منى هندسة حزنت جدا جدا جدا
بس اكتشفت ان تفكيرى كان دنيوى الى حد ما
انا كل اللى عاوزاه اطلع للعالم بحاجة
يمكن ربنا كاتبلى ان كلية علوم تجيلى للسبب ده
ومع حزنى الشديد لانى فقدت كلية قمة
بس لما فكرت عرفت انى مكنتش هدّى فيها , لقب مهندسة كان هيرضي غرورى جدا جدا
الحمد لله ع كل حال
عذرا تفكيرى مش منظم لانى مش كاتبه كموضوع عاوزة اسمع له برافو وشكرا
لا انا بفضفض لعل وعسي
حد يحس معايا باللى انا بفكر فيه
وبجد
هموت واشوف علماء الاسلام لهم مكانة متميزة فى العالم
وادعولى ابقي واحدة منهم
واحاول اجاوب ع السؤال المطروح واللى محدش يعرفله اجابه
http://www.al-wed.com/pic-vb/711.gif
العلم والعرب .. الى اين ؟؟
http://www.al-wed.com/pic-vb/711.gif
براءة 26-08-2008, 05:53 PM مواضيع ذات صلة
http://http://www.thanwya.com/vb/showthread.php?t=65875
شتان بين مهند ومهند ... لمروج البحر
CoMMaNdo 26-08-2008, 06:01 PM اكيد الجامعه الامريكيه لازم تاخد مركز
على فكره الحكايه مش حكايه عافيه
او عشان هما امريكا
لا
عشان دى الحقيقه
هما افضل فى المستوى التعليمى
واحنا مفيش اهتمام بالتعليم اصلا
انا خلصت ثانوى
استفدت منه ايه
استفدت انى دخلت جامعه
يارب استفيد منها:)
بس مفيش تعليم حقيقى عندنا فى مصر اصلا
عمالين يمتحنوا المدرسين بدل ميعلموهم
حاجات غريبه بتحصل والله
شكرا على الموضوع
براءة 26-08-2008, 06:09 PM وكمان مفيش ناس عاوزة تتعلم اصلا :)
شكرا .. ليك .. ع .. مرورك ........
CoMMaNdo 26-08-2008, 06:13 PM وكمان مفيش ناس عاوزة تتعلم اصلا
دى الحقيقه
لان مفيش تعليم حلو يخلى الواحد له نفس انه يتعلم
MohammeD el_SadaT 26-08-2008, 06:16 PM عارفه إيه أكتر حاجه ممكن تحسر الواحد
إنى يقرأ موضوع
وطول ما هو بيقرأه نفسه لما يوصل النهايه
يكتشف إنها كانت مزحه ولا حاجه
لكن للأسف بيبقى عارف إن ده الواثع المرير وإن هو بيشتغل نفسه
على الفكره العيب فينا إحنا مش فى الزمن
إحنا شعب
كذب الكذبه وعاش فيها
وإفتكر نفسه بقى علامه الكل بقى بيفتى فى المفتى وكلمه مش عارف بقت فضيحه
الكل بقى بيتدخل فيما لا يعنيه
من الآخر عشنا على شغل ال 3 ورقات وإحنا أحفاد الفرعنه وإحنا اللى سوينا الهوايل
والنب ده
لكن للأسف طول ما إحنا فى الغيبوبه دى ناس كتير هتركب علينا وتدلدل رجليها
وآسف على ألفاظى بس للأسف دى الحقيقه
إحنا اللى عملنا كده فى نفسنا والعيب فينا مش فى الزمن
براءة 26-08-2008, 06:24 PM لان مفيش تعليم حلو يخلى الواحد له نفس انه يتعلم
إحنا اللى عملنا كده فى نفسنا والعيب فينا مش فى الزمن
اهو محمد رد عليكـ
انا بتكلم عن طلب العلم
يعنى مجازا تقدر تقول كده مرحلة ما بعد المدرسة
"الدراسة البحثية"
Tawfeek Yahia 26-08-2008, 06:54 PM العلم والتعليم عند العرب ......... الي العمق ( عمق الفشل يعني)
براءة 26-08-2008, 07:00 PM العلم والتعليم عند العرب ......... الي العمق ( عمق الفشل يعني)
الارتقاء بالعلماء مش فى الخطة اصلا
وحتى كل المؤتمرات والندوات الى بتقام ع هذا الغرار
النتيجة منها
شوية ورق .. تضاف الى سابقتها من نتائج تلك التجمعات
ومحدش بياخد خطوة واحدة لقدام !!
شكرا ليك على المرور ..،،
طبيب عالمى قادم 26-08-2008, 07:34 PM شكرااااااااااااااااااااا على الموضوع
براءة 26-08-2008, 10:15 PM عفوا
وشكرا ليك ع المرور
elkingahmedtito 27-08-2008, 05:25 AM احنا نيمينا خلاااااااااص ومشكووووووور على الموضوع
منى ذكى 27-08-2008, 06:18 AM بصى يا ستى انا الحمد لله بحب العلم جدا والدراسة وعندى موهبة الرسم فلما جيت افكر وانا عارفة ومتأكدة ان مصر مفيهاش تعليم كويس وانى هطلع من الكلية زى ما خرجت وهستفيد بس من الصداقات وكدا قولت انى ادخل فنون جميلة وادرس حاجة بحبها وبعد كدا بقا ابقا اظبط نفسى كورسات لانى بجد عايزة ادرس لغات كتير وكمبيوتر وانا فقدت الامل انى ممكن اتعلم ده عادى مفيش حل غير الكورسات
شكرا على الموضوع المهم
أحمد2025 27-08-2008, 06:45 AM عارفة يارحمة المشكلة ايه
ان الناس مش عايزة تتعلم
والمدرسين مش بياخدوا فلوس علشان يعلموا حد
الموضوع كبير
المنظمة تحتاج الى اعادة صياغة
شكرا يارحمة على التوبيك الهام
mR . mOstafa Fathi 27-08-2008, 06:59 AM على ارئ محمد
بنوهم نفسنا ونعيش فى الوهم
التعليم مبقاش مساعد
هخرج من الكلية الا باصدقائى
وشكراَ
براءة 27-08-2008, 11:49 AM بصى يا ستى انا الحمد لله بحب العلم جدا والدراسة وعندى موهبة الرسم فلما جيت افكر وانا عارفة ومتأكدة ان مصر مفيهاش تعليم كويس وانى هطلع من الكلية زى ما خرجت وهستفيد بس من الصداقات وكدا قولت انى ادخل فنون جميلة وادرس حاجة بحبها وبعد كدا بقا ابقا اظبط نفسى كورسات لانى بجد عايزة ادرس لغات كتير وكمبيوتر وانا فقدت الامل انى ممكن اتعلم ده عادى مفيش حل غير الكورسات
شكرا على الموضوع المهم
بصي يا قمر
انتى ممكن تعملى من مجالك رسالة
يعنى مثلا انا كنت بفكر زمان انى اعمل كارتون اسلامى بس مش واضحة رؤيته انه اسلامى يعنى للكل
لا
حاجة نضيفة وكويسة ومعتقدات سليمة وتحبيب ف الاسلام بشكل غير مباشر
احنا محتاجين كل الاتجاهات تتوظف صح
شكرا ليكى اول بنت ترد ع الموضوع :)
براءة 27-08-2008, 11:52 AM عارفة يارحمة المشكلة ايه
ان الناس مش عايزة تتعلم
والمدرسين مش بياخدوا فلوس علشان يعلموا حد
الموضوع كبير
المنظمة تحتاج الى اعادة صياغة
شكرا يارحمة على التوبيك الهام
طيب وبعدين
المشكلة كده متحلتش
انا رأيي نخرج من نطاق الظروف المفروضة علينا ونبدأ احنا بنفسنا الرحلة
طلب العلم مش صعب بس
للى يحطه ف دماغه ويشيل اى حاااااااااجة تانية
شكرا يا احمد ع مرورك الطيب ...،،
براءة 27-08-2008, 11:56 AM على ارئ محمد
بنوهم نفسنا ونعيش فى الوهم
التعليم مبقاش مساعد
هخرج من الكلية الا باصدقائى
وشكراَ
كالعادة
كلنا عمالين نرمى المسئولية ع عاتق غيرنا :D
ممكن احنا نعمل حاجات كتير بدون الالتفات الى منهجية التعليم او المعلمين او او او
:)
شكرا مصطفى ع ردك ،،،
withoutname2100 27-08-2008, 01:23 PM مشكلتنا..ان مشكله العلم والتعليم هي اكتر مشكله بتواجهنا واحنا مش مدركين كدا..او مدركين وبنستهبل..{سوري} المشكله هنا افراد ودوله..الافراد اللي لازم يفكروا ويجتهدوا ويخترعوا ويطلع منهم علماء..والدوله اللي المفروض تستقبلهم وتراعيهم وتساعدهم..لكن هل دا بيحصل؟؟انا هتكلم عالدوله لان بصراحه شوفت والله شباب مصريين عباقره بمعني الكلمه وعاملين بحوث هتخلينا في مقدمه الدول وتطلعنا من خط الفقر..لكن للاسف حد يروح كدا معهد البحوث ..ولا التنميه..هتلاقي الارشيف مليان بملايين الابحاث اللي اصحبها عانوا عشان يطلعوها واخرتها تحت السلم..فعلا بدأت احس ان نظام دولتنا بيحارب النجاح..كانهم بياخدوا مرتباتهم عشان يخلونا دوله ناميه متخلفه..في فرق شاسع ما بين نظام التعليم عندنا ونظام التعليم فاي دوله متقدمه..عندهم بيربوا الاطفال كويس جدا وينموا مهارتهم ولو وجدوا فاي واحد منهم لمحه بسيطه من الذكاء ياخدوه ويفروله كل شئ ويشوفوا هو متفوق فايه..هنا الطفل المصري بيكون اذكي طفل فالعالم لحد ما يدخل التعليم المصري ولو ربنا كرمه وفضل عنده شويه ذكاء لحد ما يكبر وعمل بيهم بحث يهدوه ويحطموه ..ويقلولوله فوت علينا السنه الجايه فنفس الميعاد..ولما يزهق ويسافر بره ويقدروه ويبقي عالم مشهور..ياااه نقول خاين ساب بلده مش بلده اللي علمته ونورته اولي بيه..فعلا محدش ينسي فضل بلده ولا حاجه ..بس فين المساعده اللي هتخليه عالم المساعده اللي موجوده بره مش هنا؟؟هقلكم حاجه ومعلش طولت عليكم ..دي سمعتها من الدكتور زويل نفسه فحديث...كان بيتكلم مع رئيس الوزراء او وزير مس فكره المهم قال الدكتور زويل انه عايز يفتح معهد بحوث كبير فمصر وهيصرف عليه من معاه بس يوفروله المكان والمعهد ده هيغير مصر وكدا..االمهم الدوله وفرتله مبني قديم كدا دورين ..قال هيظبطوا وكدا..بعدها قالتلوا الحكومه معلش احنا هناخد الدور الاول مش عارفه للمصلحه الفلانيه اصل في اذمه..معتش عنده الا دور واحد ..نفس الموضوع اتكرر لحد ما وفق بيه الحال الا اوضه..اوضه واحده بس للدكتور زويل عشان يعمل فيها ابحاثه..يااااه عمار يا مصر..دا الدكتور اللي اي دوله تتمناه..ياريته طلب ميزانيه ولا فلوس..دا عايز مكان..مكان بس...يلا ربنا ينشلنا من اللي احنا فيه وان الله لايغير قوم حتي يغيروا ما في انفسهم...
براءة 27-08-2008, 05:39 PM عندك حق ف كلامكـــــــ
فعلا مهزلة :|
بس بردو الشباب المصلري العباقره دول مش المفروض يحطوا ايديهم ع خدهم :)
شكرا ليك جدا
حسيت انك تفاعلت مع الموضوع ............
أحمد بلما 27-08-2008, 05:48 PM للأسف الشديد
احنا ممكن ناخد مركز علي مستوي العالم في الكورة أو السينما أو الرقص الشرقي أو أي شئ من عوامل التفاهة والضياع
انما نحتل مركز علمي مرموق علي مستوي العالم ، دا كان زمان وجبر
لأنك في الوقت الراهن تجد مصر أبوابهامفتوحة للفنانين والفنانات و المغنيين و الراقصات من كل انحاء الارض
لكن للأسف الشديد
الوحيد اللي بيخرج من مصر بلا رجعة هو رجل الدين ورجل العلم
إنا لله وانا إليه راجعون
براءة 27-08-2008, 05:53 PM للأسف الشديد
احنا ممكن ناخد مركز علي مستوي العالم في الكورة أو السينما أو الرقص الشرقي أو أي شئ من عوامل التفاهة والضياع
انما نحتل مركز علمي مرموق علي مستوي العالم ، دا كان زمان وجبر
لأنك في الوقت الراهن تجد مصر أبوابهامفتوحة للفنانين والفنانات و المغنيين و الراقصات من كل انحاء الارض
لكن للأسف الشديد
الوحيد اللي بيخرج من مصر بلا رجعة هو رجل الدين ورجل العلم
إنا لله وانا إليه راجعون
ولا حتى الكورة :D
ولا اى حاااااااااااااجة
بس احنا صدرنا للغرب 3 حاجات جامدة
الرقص الشرقي والاكل الشرقي والشيشة :D
كلامك أضاف .. شكرا ليك ع المشاركة ،،
kalifor 27-08-2008, 06:00 PM احنا كنا فى تصنيف جامعة شنغهاى 400 وشوية من 500
احنا هننهب:d
و التقرير مظبوط 100%
هبدأ اخجل من كونى عربية حمقاء
النسبة للعربية مفيهاش فخر على فكرة....مشيها مسلمة:)
وان شاء الله ادينا بتحاول اهو....بس دى عاوزة توجه مجتمع
احنا بلدنا لسه بتاعت نحكم عقلنا ....نقلع كلنا
وكلام عبيط......
البلد عاوزة رجالة....وهم مش موجودين:)
براءة 27-08-2008, 06:08 PM احنا كنا فى تصنيف جامعة شنغهاى 400 وشوية من 500
احنا هننهب:d
و التقرير مظبوط 100%
النسبة للعربية مفيهاش فخر على فكرة....مشيها مسلمة:)
وان شاء الله ادينا بتحاول اهو....بس دى عاوزة توجه مجتمع
احنا بلدنا لسه بتاعت نحكم عقلنا ....نقلع كلنا
وكلام عبيط......
البلد عاوزة رجالة....وهم مش موجودين:)
اها كنا 401 فى التصنيف الصينى ده
وكانت جامعة القاهرة تقريبا ف 2006
كانت !
وبالنسبة لعربية
المشكلة بجد ان فى عيون الغرب
العرب = المسلمين
طبعا مش اقصد بيها حاجة بس بجد احنا كمجتمع انا بقيت بخجل منه
متبرية منه من الاخر
بس انا هعمل حاجة ومش بهزر :D
الله المستعان
شكرا ليك ع المرور ,, شكلك حد بيفهم .........
براءة 27-08-2008, 06:15 PM وبعدين 401 دى كمان مش فخر اوى
دى خيبة :d
الشفق الباكي 27-08-2008, 07:49 PM ربنا يستر علينا
يعنى اشمعنى العلم اللى هنكون فيه كويسين
دا لاعداله ولا سياسه ولا اجتماعيات ولا اخلاق وكل حاجه فوضى حتى الرياضه بقت اندر زيروووو
براءة 27-08-2008, 08:47 PM عندك حق :)
هيا بايظة بايظة اصلا
بس معلش خلى عندك امل فيا :d
shokran leeeeeeeeeeeeky ya sokara enty :x
نورتى الموضوع
kalifor 28-08-2008, 01:05 AM وبعدين 401 دى كمان مش فخر اوى
دى خيبة :d
كويس اننا دخلنا
بيدل اننا ابتدينا على الطريق:D
وفاء البحر 28-08-2008, 01:09 AM التعليم اصبح في خبر كان
ونحن قد ضعنا من زمن الزمان
براءة 28-08-2008, 01:47 AM عاوز تقنعني اننا السنة الي جاية دي هنبقي ال??? مثلا؟
متحاولش :d
ادخل جامعة القاهره ومن ع الباب
هتعرف انها مستحيل تكون ع بداية الطريق
دي كباريه مش جامعه محترمه
براءة 28-08-2008, 01:49 AM طيب والحل !
يا نسيبه يضيع يا نتحرك احنا
انا حاسه ان الحل ف ايدينا والله :d
وفاء البحر 28-08-2008, 02:32 PM ياريت كلنا فعلا نبقي ايد واحده علشان نعمل حاجه للبلد دي
ahmed2845 28-08-2008, 08:06 PM احنا كشعب محنا مخاصمين العلم من زمان يجى من 500 سنة كدة
ده احنا كمان وصلنا اننا بنحارب العلم مش مخاصمينه بس
براءة 29-08-2008, 02:10 PM وفاء
شكرا ليكي ع مرورك وتفاعلك
وأهم حاجه ان اصبحت جواكي رغبه ف التغيير :)
براءة 29-08-2008, 02:15 PM عندك حق يا أحمد
ده انا مره قلت اني عاوزه اخد نوبل
ناس اتريقت عليا وقالولي انتي بق وبتاعت كلام
:d
شكرا ليك ع مرورك ،
dr.zomba 29-08-2008, 02:43 PM الجامعات العربية خارج التصنيف العالمى لافضل 1000 جامعة
اما عن افضل 3 الاف جامعة
فجاءت الدول العربية برصيد 6 جامعات (اللهم لا حسد)
الامارات ومصر وفلسطين والسعودية والكويت
الجدير بالذكر
الجامعة المصرية الوحيدة كانت ال auc
الجامعة الامريكية فى القاهرة
بصراحة معرفش جامعة القاهرة اللى كانت من كام سنة رقم 401 تصنيفيا راحت فين
يعنى حتى الجامعة المصرية الوحيدة تعليم امريكى ،، مش مصري ..
مش هتطرق للاسباب اوى لكن
السبب الاساسي اكيد ان البحث العلمى ملوش ف مصر اولوية
لا جهات مسئولة او حتى ادارية ولا طلاب مهتمين
وان ظهر النابغة .. فمصر بتتخلص منه !!
ايوه بتقوم عاملاله خدمة العمر وتسفره بره وساعتها بس هيعرف انه كسب نفسه وعيلته ومستقبله
ونادرا ما هيرجعلها
ولو كان نابغة اوى يبقي الموضوع هيخرج من ايده
لان الدول اللى احتضنته اكيد مش هتفرط فيه ..
عاوزة افهم
ليه مفيش اهتمام بالبحث العلمى فى الوطن العربي
معتقدش علشان موارد مالية
اقلها دول الخليج مثلا او الدول اللى عندها معادن وبترول ونفط
غباء
الجامعات الاولى العشرين كانت لدول الولايات المتحدة وبريطانيا واليابان
وطبعا لا يخفى علينا الان دور الدول دى فى العالم .. دول ماسكة العالم من عدة نواحى
الحاجة اللى تزعل اوى وتقهر بجد
ان اسرائيل جاءت فى ترتيب اول 100 دولة برصيد 7 جامعات من اصل 15 موجودة اصلا فى الاراضي المحتلة
دولة لم يكتمل ع وجودها قرن
وبجد حزينة انى بتكلم عليها ك "دولة" !!
الدول العربية .. دول اصابها التخلف والجهل
مقدرش اتضايق لما حد يقول علينا كده
كبيرنا لما حد بيتكلم بنقوله
*ده احنا اللى اخترعنا الصفر واحنا واحنا اللى عملنا وسوينا زمااااااااااااااان
_زمان ؟
_طيب ودلوقتى..
*دلوقتى كل حاجة اتبنت ع انجازاتهم زمان
_انجازاتهم ... طيب وفين انجازاتك .. مفيش مش كده ؟ متخلف !!
قبل ما الوم اى حد
هتكلم علينا اولا كأفراد
بعد ما الهيافة والعبط والسفه ملت ادمغتنا مبقاش عندنا دماغ يتفكر بيها صح
بتتعلم ليه ؟؟ علشان الشغل
يااااااااااااااه هدف بجد يستحق انك تعيشله؟
هدف اخرق
بجد بجد تفاهة
هو المستقبل فلوس ؟؟ اخر حاجة المفروض نفكر فيها
ده رزق .. مقدرلك من قبل ما تتولد
انا عايش علشان رسالة
انا مكلف من ربنا
مش علشان اتعلم 15 سنة ولا حاجة واخرج لم اضف جديد
تفكير غلط ف غلط
بجد انا حاسة اننا فى مهزلة
هبدأ اخجل من كونى عربية حمقاء
نفسي بجد اشوف كل يوم مسلمين جداد ع الساحة
نفسي اشوف جامعات اسلامية تعتلى التصنيف العالمى
نفسي الدول الاسلامية تكون دور علم
نفسي نفكر صح شوية
جائزة نوبل نفسي اسمع ان اغلب علمائها من المسلمين
نفسي نرتقى بتفكيرنا
المؤسسات القيادية هيا مجموعة افراد تفكيرها مادى غبي .. ميختلفوش عننا
بيل جيتس انسحب بشركة مايكروسوفت
ليه ميطلعش مننا منافسين احسن منه؟
الولدين اللى عملوا محرك البحث جوجل احسن مننا ف حاجة؟
حتى العلماء من العرب لو فضلوا ف بلادهم فهم مهملين
بجد انا نفسي نحب العلم .. نحطه قدام عنينا هدف مفيش غيره
انت مسلم ولو اعترف بيك العالم كشخص محترم
انت كده هتخدم اسلامك
انا عن نفسي
طول عمرى بقول لاهلى ولاصحابى انا مش هموت زى ما اتولدت
نادرا ما حد بيستوعب الكلمة بمعناها اللى ف دماغى
ايوه انا اسعى للشهرة
الشهرة كمسلمة باذن الله هتغير كتير وهتأثر فى غيرها وهتكون قدوة
بجد لما ضاعت منى هندسة حزنت جدا جدا جدا
بس اكتشفت ان تفكيرى كان دنيوى الى حد ما
انا كل اللى عاوزاه اطلع للعالم بحاجة
يمكن ربنا كاتبلى ان كلية علوم تجيلى للسبب ده
ومع حزنى الشديد لانى فقدت كلية قمة
بس لما فكرت عرفت انى مكنتش هدّى فيها , لقب مهندسة كان هيرضي غرورى جدا جدا
الحمد لله ع كل حال
عذرا تفكيرى مش منظم لانى مش كاتبه كموضوع عاوزة اسمع له برافو وشكرا
لا انا بفضفض لعل وعسي
حد يحس معايا باللى انا بفكر فيه
وبجد
هموت واشوف علماء الاسلام لهم مكانة متميزة فى العالم
وادعولى ابقي واحدة منهم
واحاول اجاوب ع السؤال المطروح واللى محدش يعرفله اجابه
http://www.al-wed.com/pic-vb/711.gif
العلم والعرب .. الى اين ؟؟
http://www.al-wed.com/pic-vb/711.gif
انتي بتتكلمي فإيه؟
عايزه جامعة القاهره يبقي ليها تصنيف ازاي؟
الدكاتره بتوع الجامعه اصلا مش لاقيين ياكلوا لو حد عايز يحضر اي رساله بتكون علي حسابه
عايز اقولك اننا اقل ميزانيه حطينها هي ميزانية التعليم
دا لو مش الاقل علي مستوي العالم
يبقي عايزه علماء ازاي؟
لما دكتور محترم في جامعه يدي درس خصوصي تخيلي دكتور جامعه مبجل المفروض مقامه من مقام نائب في مجلس الشعب او محافظ
يجري ورا الفلوس بس معذور مفيش مورد تاني
يبقي التلاميذ هيحترموه ازاي؟
لما اكون بتكلم مع واحد يسالني انت جاتلك كلية ايه قاوله تجاره جامعة القاهره يقولي اشطه بنات بقي وبتاع بقوله مش اساسي يا عم قالي امال ايه لزمة الجامعه لو مكنتش عشان البنات
واحد في ثانوي بيسالني بيقولي هي انهي كليه اللي فيها بنات اكتر عشان يدخلها
انتي متخيله التفاهه وصلت لفين لدرجة انه مستقبله هيبنيه علي الكليه اللي فيها بنات اكتر
وتقوليلي عايزين جايزة نوبل هه
لعلمك ناس كتير جدا مش عايزه تموت زي ما اتولدت وانا من الناس دول
بل وهبدأ انفذ حلمي دا من بداية الداراسه وممكن من قبلها
بس مهما عملنا يا رحمه هنفضل زي ما احنا طلما الدوله زي ما هي بتحقر العلماء والمتعلمين وبتسعي لتخريج جيل من الحمير عشان محدش يكون فاهم حاجه
احمد زويل فين يا رحمه؟
مجدي يعقوب فين ؟
ومن الدعاة فين عمر عبد الكافي ؟
فين عمرو خالد ؟
وفين وفين
بس برضو ارجع واقول ان الله لا يغير ما بقوم حتي يغيروا ما بأنفسهم
ويارب الشباب يرتقوا بالتفكير اكتر من كدا مش يبقي همنا استار اكاديمي ومين اللي كسب
ومهند هيعيش ولا هيموت
وعمرو دياب وتامر حسني عماد بعرور
يلا ربنا يستر
شكرا يارحمه علي الموضوع الجميل:)
هو انتي حولتي لعلوم ولا ايه؟
براءة 29-08-2008, 03:30 PM :dانتي بتتكلمي فإيه؟
عايزه جامعة القاهره يبقي ليها تصنيف ازاي؟
الدكاتره بتوع الجامعه اصلا مش لاقيين ياكلوا لو حد عايز يحضر اي رساله بتكون علي حسابه
عايز اقولك اننا اقل ميزانيه حطينها هي ميزانية التعليم
دا لو مش الاقل علي مستوي العالم
يبقي عايزه علماء ازاي؟
لما دكتور محترم في جامعه يدي درس خصوصي تخيلي دكتور جامعه مبجل المفروض مقامه من مقام نائب في مجلس الشعب او محافظ
يجري ورا الفلوس بس معذور مفيش مورد تاني
يبقي التلاميذ هيحترموه ازاي؟
لما اكون بتكلم مع واحد يسالني انت جاتلك كلية ايه قاوله تجاره جامعة القاهره يقولي اشطه بنات بقي وبتاع بقوله مش اساسي يا عم قالي امال ايه لزمة الجامعه لو مكنتش عشان البنات
واحد في ثانوي بيسالني بيقولي هي انهي كليه اللي فيها بنات اكتر عشان يدخلها
انتي متخيله التفاهه وصلت لفين لدرجة انه مستقبله هيبنيه علي الكليه اللي فيها بنات اكتر
وتقوليلي عايزين جايزة نوبل هه
لعلمك ناس كتير جدا مش عايزه تموت زي ما اتولدت وانا من الناس دول
بل وهبدأ انفذ حلمي دا من بداية الداراسه وممكن من قبلها
بس مهما عملنا يا رحمه هنفضل زي ما احنا طلما الدوله زي ما هي بتحقر العلماء والمتعلمين وبتسعي لتخريج جيل من الحمير عشان محدش يكون فاهم حاجه
احمد زويل فين يا رحمه؟
مجدي يعقوب فين ؟
ومن الدعاة فين عمر عبد الكافي ؟
فين عمرو خالد ؟
وفين وفين
بس برضو ارجع واقول ان الله لا يغير ما بقوم حتي يغيروا ما بأنفسهم
ويارب الشباب يرتقوا بالتفكير اكتر من كدا مش يبقي همنا استار اكاديمي ومين اللي كسب
ومهند هيعيش ولا هيموت
وعمرو دياب وتامر حسني عماد بعرور
يلا ربنا يستر
شكرا يارحمه علي الموضوع الجميل:)
هو انتي حولتي لعلوم ولا ايه؟
الدكاترة بتوع الجامعة ؟؟
مهما كانت مرتباتهم او ظروفهم او او او
انا اعرف انها المفروض امانة
يعنى تواجده كدكتور فى الجامعة معناه انه موافق ع ما هو فيه
وهو موجود لهدف المفروض يحققه
اما فى حكاية الميزانية دى ف انت عندك حق
احنا ممكن نخصص ميزانية للكورة للرقص للغنا لفيلم من اياهم لكن التعليم عيب :d
انا بردو اصحابى كانوا بيقولولى بلاش هندسة علشان معروف ان بنات هندسة وحشين .. الصيت مش هيبقي تمام :d
وبعدين اللى عاوز يروح كلية كلها بنات ده اكبر معذور
عيل بقي وتفكيره عيالى .. معلش معلش :p
احمد زويل يا عادل كتبه اللى كسرت الدنيا بره
متباعتش ف مصر
محدش فينا اهتم اصلا يجيبها او يدور عليها
حاجة تكسف
بص
مصر بتتبري من الناس النضيفة اللى فيها .. بتقرف :d
وبعدين احنا كمان نايمين ف العسل بردو
يعنى هاتلى اعقل واحد هنا اسئله عملت ايه مفيد ف حياتك هتلاقي انجازاته صفر كبييير
شباب عاوز توعية وقيادات عاوزة الحرق
وبعدين كمان اولياء الامور معلش فى الكلمة طلعوا بيعظموا فى شكل البنى ادم قدام غيره وبس
لكن يزرعوا فيك تبدع ف مجالك متلاقيش
يلا الله المستعان
ايه النوم ده :d انا حولت حلوان من جمالها يعنى ولا غاوية شحططة وساعتين مواصلات
ايوه انا حولت علوم
مسمعتش عن رحمة زويل؟ :d
ahmed2845 29-08-2008, 05:32 PM عندك حق يا أحمد
ده انا مره قلت اني عاوزه اخد نوبل
ناس اتريقت عليا وقالولي انتي بق وبتاعت كلام
:d
شكرا ليك ع مرورك ،
انا طبعا تقصدينى انا لما كنا فى منتدى العلوم وكنتى بتقولى انا حاخد نوبل وانا اتريقت عليكى
بس انتى فهمتى وجه نظرى غلط
انا مقلتلكيش متاخديش نويل
انا كنت بقولك ان مشوار المعيدة والدكتوراة ونويل ده حاجة صعبة جداا عشان تعملى حسابك وتعملى حساب بردو ان دراسة الكلية مش زى الدراسة فى المدرسة
بس انت فهمتينى غلط وقعدتى تقولى انا مش بحب التشاوءم والتحبيط
على العموم انا بتمنى للكل الخير وياريت يبقى كل المصريين بيهتموا بالعلم وعايزين يبقوا حاجة كبيرة زيك كدة
ونسيب الكسل والتنفيض للعلم اللى بقالنا سنين منفضينله لحد ما بقى ده حالنا
وهو ده اللى قصدته من ردى
براءة 29-08-2008, 05:43 PM انا طبعا تقصدينى انا لما كنا فى منتدى العلوم وكنتى بتقولى انا حاخد نوبل وانا اتريقت عليكى
بس انتى فهمتى وجه نظرى غلط
انا مقلتلكيش متاخديش نويل
انا كنت بقولك ان مشوار المعيدة والدكتوراة ونويل ده حاجة صعبة جداا عشان تعملى حسابك وتعملى حساب بردو ان دراسة الكلية مش زى الدراسة فى المدرسة
بس انت فهمتينى غلط وقعدتى تقولى انا مش بحب التشاوءم والتحبيط
على العموم انا بتمنى للكل الخير وياريت يبقى كل المصريين بيهتموا بالعلم وعايزين يبقوا حاجة كبيرة زيك كدة
ونسيب الكسل والتنفيض للعلم اللى بقالنا سنين منفضينله لحد ما بقى ده حالنا
وهو ده اللى قصدته من ردى
دراسة الكلية مش زى دراسة المدرسة
انا مكنتش بذاكر اصلا :d
وبعدين يا أحمد ولا يهمك انا اخدت الكلمة عادى
وبعدين انا عارفه ان المشوار صعب
وصعب جدا جدا كمان
واقرب للمستحيل
ووالدى ضدى وبيتحدانى بيقولى هتسقطى
وكل ما اقابل واحدة فى الشارع تقولى حرام عليكى .. حولى
والدكاتره اول اسبوع هيقولولنا اللى فاكر نفسه داخل علوم علشان يطلع احمد زويل يبقي غلطان :d
و و و و و
بس انا بقي موتى و سمى حد يشكك ف قدراتى
مش بقول انى عبقرية ،، بس لازم اعمل حاجة :)
كله ضدى ... وكله بيتريأ ... وكله براحته :d
واللى ف دماغي لازم يتحقق باذن الله :)
شكرا ليك يا احمد ع ردك تانى وبجد انا اخدت ردك ساعتها عادى وقلت يمكن احنا اللى كنا ضايقناك ساعتها شوية .
وربنا معاك انت كمانــــ ،،
طبيب عالمى قادم 29-08-2008, 05:57 PM مشكوووووووووووووور والدليل على كلامك الدروس الخصوصية ومفيش شرح فى المدارس
براءة 29-08-2008, 06:04 PM مشكوووووووووووووور والدليل على كلامك الدروس الخصوصية ومفيش شرح فى المدارس
:rolleyes:
الدروس الخصوصية دى علشان الطاب كسلانة
ومفيش شرح دى كانت عندى ف مدرستى سببها الطلبة الظريفة
ايا كان
الموضوع بردو حله ف ايدينا
شكرا ليك
طبيب عالمى قادم 29-08-2008, 08:20 PM وبعدين 401 دى كمان مش فخر اوى
دى خيبة :d
كلامك صح بس مهوش بالنسبة لتنسيق السنة اللى فاتت
براءة 29-08-2008, 08:34 PM مش فاهماك :rolleyes: كنت عاوزة ارد والله :rolleyes:
king mo7amed 01-09-2008, 05:55 PM مين اصلا عاوز يتعلم الشعب فاضي لايه ولا لايه الشباب بتروح الجامعه تسمع اغاني عالموبايلات واللي رايح يقابل حبيبه هي دي الجامعه مسرح العلم ...................
براءة 02-09-2008, 12:39 AM :d
عندك حق والله
بس معلش ،،
احنا هنبقي شباب مختلف ان شاء الله
اهم حاجة ناويين؟
وهناخد خطوات ايجابية ؟
على فكره
احنا الشاهده اللى بناخدها من اى جامعه هنا مابتسواش اى حاجه بره
يعنى بدامهتاخد شهاده من هنا هتشتغلبها هنا احسنلك(ابقى قابلنى)
يا اما تلطلع تسافر بره بالشاهده اللى معاك وان شاء الله هيشغلوك زبال(موت يا حمار)
شكرا يا رحمه على الموضوع
|