دار المسنين


https://fbcdn-photos-g-a.akamaihd.net/hphotos-ak-xtl1/v/t1.0-0/s526x395/12510342_1114275005250194_8035218520527309340_n.jp g?oh=bcd7e1855ffc434bcedb100c34017952&oe=57540B3E&__gda__=1461989409_2fbf66bfddf43bd516f4467d6c9623d 5

بتلم ليه الهدمتين والطرحتين والشبشبين ؟
ماتقوللي يا ابني واخدني فين؟؟؟
علي بيت جديد؟!! .. ما أنا ليه بيت
هو أنا يا ابني اشتكيت؟
مش عايزه يا ابني بيت جديد…
البيت دهه أنا عشت فيه خمسين سنــــــــه
ما اعرفش غيـــره أي بيت ؟؟؟
أنا جيت عروسه صغيرة
وقعدت فيه لمّا أتحنيت
مين اللي قال أنا عاوزة بيت
أسأل بلاط الأرض ؟؟؟..
وأسأل كـــل حيــط
مش عايزة غيره أي بيت ؟!!
أنا عشت يا ابني سنين هنا ..
وأتمنى أموت برضك هنــــا
أفتح عينيه كل يوم ..
وأقفل عينيه كل يوم
علي فرشتي ومخدتي والبطانية واللحاف
علي أيد أبوك بتضمني ف صورة الزفاف
بتدفي قلبي وتحضنه ف سنيـــــــن عجاف
في الأوضه دي
أنا لسّه عايشه ويّا أبوك عمري اللي فـــــات !!!
أصل الحبايب لوسابوك،
بيعيشوا فيك بالذكريات ..
خليني يا ابني ويّا أبوك أصحي وابــات
واشم ريحته ف الحاجـــــــات
وأعيش معاه باقي الساعات
مين اللي قالك .. إنه مــــــــــــــــــات؟!
لسّّّه البدل جوّه الدولاب ..
جنب السرير أخر كتاب
نضارته أهي وعبايته أهي
ولسّّه سجادة الصلاة..
والسبحة فوقها منـــوّره ف سنين عجاف
ولسّّّه بااسمع ضحكته وسط السكـــــــات
أنا عايشه يا بني بحاجة أبوك متونســــــــه
وبدخلتك ويّا العيال متونّسه
وأنا عارفه يا ابني،إن خدتني البيت الجديد
رايحه أتنســي ..
وأنا يا ابني مش عاوزة أتنسي ؟!!
فإن كنت محتاج الوســع لأجل العيــــال؟
هات العيـــــــــــــال
أنا عندي يا ابني سرير كبير
حاارقد علي حرف السريــــر
وحاسيب لهم باقي السرير
وإن كنت محتاج السرير ؟؟؟.
خد السريــــــــــــر!!!
إن شالله أنام فوق الحصير
لكن أنام وسط الأمـان !!!
خليني يا ابني ف وسطهم ..
قدّرني (واحده) منهــــم
أصحي وأبات على حسهم باقي الزمان ..
وماهوش كتير ؟؟؟..
صدقني يا ابني ماهوش كتير !!
أنا مش حاأعيش أدّ اللي عيشته
ولا نفسي أعيش بعد اللي شفتــه
كمّّل جميلك .. واستر الباقي ف حياتي
أنا عمري يا ابني قصاد عينيك ..
فرّطت ف أمي أو حماتـي؟
إن كان ده مني ف يوم حصل
أنا كنت أقول باخد جزاتي
ما تقوللي إيه خلاني يا ابني أهون عليك
وساحبني ويا الهدمتين
رايح تسلمني بأيديك
فرطت ف امك؟.. قوللي ليه
أنا عمري يوم فرطت فيك
وإن كان علي ضيق المكان
ما أنا قلتلك خد السريـــر !!!
وإن كان علي ضيق المعيشة
أبوك سايبلي معاش كبيـــــــر
قسمته يا بني من زمان: النص ليك ..
والربع مصروف العيـــــال
والباقي مصروف الـــــدوا !!
لكن خــلاص..
وحياة عينيك ما عاد حايلزمني الدوا
خد المعاش .. كل المعـــــــــــــاش !!!
لكن بــلاش ..
أحس إن ربايتي فيك راحت بـــلاش
( دار المسنين _ الشاعرة زينات القليوبي )


الشاعرة زينات القليوبى

أبكتنا هذة القصيدة المؤلمة

أبكتنا هذة القصيدة المؤلمة

هى فعلا قصيدة مؤلمة جدا مستر بيومى

الله احفظنا من أرذل العمر

جزاك الله خيرا وبارك الله فيك

ما اصعب هذا الاحساس الا وهو قسوة الابناء
طرح رائع استاذى ..سلمت يمناك

دار المسنين


https://fbcdn-photos-g-a.akamaihd.net/hphotos-ak-xtl1/v/t1.0-0/s526x395/12510342_1114275005250194_8035218520527309340_n.jp g?oh=bcd7e1855ffc434bcedb100c34017952&oe=57540b3e&__gda__=1461989409_2fbf66bfddf43bd516f4467d6c9623d 5

بتلم ليه الهدمتين والطرحتين والشبشبين ؟
ماتقوللي يا ابني واخدني فين؟؟؟
علي بيت جديد؟!! .. ما أنا ليه بيت
هو أنا يا ابني اشتكيت؟
مش عايزه يا ابني بيت جديد…
البيت دهه أنا عشت فيه خمسين سنــــــــه
ما اعرفش غيـــره أي بيت ؟؟؟
أنا جيت عروسه صغيرة
وقعدت فيه لمّا أتحنيت
مين اللي قال أنا عاوزة بيت
أسأل بلاط الأرض ؟؟؟..
وأسأل كـــل حيــط
مش عايزة غيره أي بيت ؟!!
أنا عشت يا ابني سنين هنا ..
وأتمنى أموت برضك هنــــا
أفتح عينيه كل يوم ..
وأقفل عينيه كل يوم
علي فرشتي ومخدتي والبطانية واللحاف
علي أيد أبوك بتضمني ف صورة الزفاف
بتدفي قلبي وتحضنه ف سنيـــــــن عجاف
في الأوضه دي
أنا لسّه عايشه ويّا أبوك عمري اللي فـــــات !!!
أصل الحبايب لوسابوك،
بيعيشوا فيك بالذكريات ..
خليني يا ابني ويّا أبوك أصحي وابــات
واشم ريحته ف الحاجـــــــات
وأعيش معاه باقي الساعات
مين اللي قالك .. إنه مــــــــــــــــــات؟!
لسّّّه البدل جوّه الدولاب ..
جنب السرير أخر كتاب
نضارته أهي وعبايته أهي
ولسّّه سجادة الصلاة..
والسبحة فوقها منـــوّره ف سنين عجاف
ولسّّّه بااسمع ضحكته وسط السكـــــــات
أنا عايشه يا بني بحاجة أبوك متونســــــــه
وبدخلتك ويّا العيال متونّسه
وأنا عارفه يا ابني،إن خدتني البيت الجديد
رايحه أتنســي ..
وأنا يا ابني مش عاوزة أتنسي ؟!!
فإن كنت محتاج الوســع لأجل العيــــال؟
هات العيـــــــــــــال
أنا عندي يا ابني سرير كبير
حاارقد علي حرف السريــــر
وحاسيب لهم باقي السرير
وإن كنت محتاج السرير ؟؟؟.
خد السريــــــــــــر!!!
إن شالله أنام فوق الحصير
لكن أنام وسط الأمـان !!!
خليني يا ابني ف وسطهم ..
قدّرني (واحده) منهــــم
أصحي وأبات على حسهم باقي الزمان ..
وماهوش كتير ؟؟؟..
صدقني يا ابني ماهوش كتير !!
أنا مش حاأعيش أدّ اللي عيشته
ولا نفسي أعيش بعد اللي شفتــه
كمّّل جميلك .. واستر الباقي ف حياتي
أنا عمري يا ابني قصاد عينيك ..
فرّطت ف أمي أو حماتـي؟
إن كان ده مني ف يوم حصل
أنا كنت أقول باخد جزاتي
ما تقوللي إيه خلاني يا ابني أهون عليك
وساحبني ويا الهدمتين
رايح تسلمني بأيديك
فرطت ف امك؟.. قوللي ليه
أنا عمري يوم فرطت فيك
وإن كان علي ضيق المكان
ما أنا قلتلك خد السريـــر !!!
وإن كان علي ضيق المعيشة
أبوك سايبلي معاش كبيـــــــر
قسمته يا بني من زمان: النص ليك ..
والربع مصروف العيـــــال
والباقي مصروف الـــــدوا !!
لكن خــلاص..
وحياة عينيك ما عاد حايلزمني الدوا
خد المعاش .. كل المعـــــــــــــاش !!!
لكن بــلاش ..
أحس إن ربايتي فيك راحت بـــلاش
( دار المسنين _ الشاعرة زينات القليوبي )


الشاعرة زينات القليوبى

الله كم مؤلمة هذه القصيده فعلا فيه ابناء قاسيين جدا مع الاسف

واحيي هذه الشاعرة التي عبرت بكل تفاصيل مشاعر واحاسيس هذه الام وترجمتها الى كلمات

شكرا استاذي الفاضل احسنت الاختيار

تحياتي وتقديري

ما اصعب هذا الاحساس الا وهو قسوة الابناء
طرح رائع استاذى ..سلمت يمناك

صدقت أستاذتى الفاضلة أم علاء

ما أصعب الاحسا بقسوة الأبناء

جزاك الله خيرا وبارك الله فيك

الله كم مؤلمة هذه القصيده فعلا فيه ابناء قاسيين جدا مع الاسف

واحيي هذه الشاعرة التي عبرت بكل تفاصيل مشاعر واحاسيس هذه الام وترجمتها الى كلمات

شكرا استاذي الفاضل احسنت الاختيار

تحياتي وتقديري


بالفعل أستاذتى الفاضلة أم فيصل

لقد نجحت الشاعرة فى التعبيرعن قسوة الأبناء

جزاك الله خيرا وبارك الله فيك

قلبي وجعني اوي والله :(
ربنا يرحمنا برحمته ويجعلنا بارين باهلنا
جزاك ربي الجنة والدي الغالي ^^

قلبي وجعني اوي والله :(
ربنا يرحمنا برحمته ويجعلنا بارين باهلنا
جزاك ربي الجنة والدي الغالي ^^

ألف سلامة عليكى ابنتى الغالية

هى فعلا قصيدة مؤثرة جدا

اللهم آمين

فكما تدين تدان

جزاك الله خيرا وبارك الله فيك