عفواً
سقط
العنوان
سهوا"
.........................................
من ديوان عفواً سقط العنوان سهواً "
ثقافة الشرقية 2001
" علاء عيسى عضو اتحاد كتاب مصر"
............................
مدونتى
"http://alaaeisa.maktoobblog.com/"



عفواً (1 )

جراج " فى وسط البلد
مكتوب عليه ممنوع ..؟
دا ملك لابن الذى ..
ولهيئة المشروع
سألت مين البيه ..
واسم الذى حارسه
قالوا لى بطل هبل
سك لنا ع الموضوع
دا يا ما غيرك سأل
لاكنه مات من الجوع




سقط (2 )"

البيضة " ويا " الفرخة "
على طول سوا فى نقار
والمشكلة كلها
مين ابتدا المشوار
الفرخة قالت :
هس
يا بيضة بايضاكى
والبيضة قالت :
بس
يا فرخة فاقساكى
على طول كده يا ناس
ع الحال ده ليل ونهار
والمشكلة كلها
مين ابتدا المشوار .. ؟
روحنا لواحد شيخ
يحكم لنا بينهم
قلنا يا عم الشيخ
فرق لنا بينهم
الشيخ فى كلمة ونص
مين غير ما حتى يبص
قال :
البيوت أسرار
لاتنين سوا ف النار
الفرخة تبقى الغدا
والبيض لزوم العشا
وان فاض يبقى فطار
واهو كله خير فى الدار


العنوان ( 3 )


" القمح " ويا " الدرا "
دول زرعتين فى الريف
متغيرين فى الشكل
بين " سنبله " و " طراطيف "
طول عمرهم فى خصام
زى " الشتا " و " الصيف "
واخرت المسألة
يتجمعوا فى رغيف !



سهواً ( 4 )


وكان واحد من اياهم ..!
اخد واحدة من اياهم ..!
على حتة من اياهم ..!
وبالصدفة انا وصاحبى
على السكة لمحناهم
وفجأة جه " غفير " عدا
وقام واخدنا وياهم ..!!

اسلوبك جامد جداااااااااااااااااااااااا
نورت المنتدى ويا هلا بيك

جميييييييييييييله جدا
بجد تسلم ايدك
واستمرو منتظرين كل ما هو جديد

طبعا الشكر لكل من زار موضوعى

وللعلم
سيدخل حالا
الأخ مصطفى
كى يحرر المشاركة
ويلغى
رابط مدونتى


ولذا اشكره مرتين
مرة للقراءة
ومرة اخرى
لما سيفعل

ولذا

وجب شكره ووجبت تحيته

واقول له
ان هذا الرابط ليس رابط لمنتدى آخر
حتى يقوم بحذفه
وانما هو رابط مدونتى


وليس به من المخالفات ما يدعه يدلته

وعموما لكل منتدى قوانينه
ولذا وجب عليا احترامها


وما يتناسب معى انفذه وما لم يتناسب معى


أأحترمه بالطبع
تحياتى

لمجهوداتكم الراقية
لكم منى التحية

رائع وجميل جداً ماقدمت تسلم وتدوم لنا عطاءاتك

جميلة القصيدة أوي
و حقيقي أضفت للمنتدى كتير

اسلوبك جامد جداااااااااااااااااااااااا
نورت المنتدى ويا هلا بيك

اشكرك
بس انا مش مصدق توقيعك
لأن اللى بيحب مابيولعشى فى اللى بيحبه
وأنت واضح انك بتحب مصر اوى
كل سنة وانت طيب
ولا تحرمنى مرورك

جميييييييييييييله جدا

بجد تسلم ايدك

واستمرو منتظرين كل ما هو جديد




تشكر وتسلم ويسلم كل من فى المنتدى الكريم
تحياتى
وكل عام والجميع بخير

علاء عيسى
فيلسوف كبير
وشاعر ما لوش حل
نورت يا صاحبى

شكرا ليك اسلوب لذيذ ووراه معانى كتير

اهلا اهلا ابو علاء

كل سنة وانت طيب

اسلوبك بيفكرنى بصلاح جاهين ونجم

لكن والله انت تفوقت وابدعت

كلماتك بسيطه ومعبرة

كما انك تجيد ايضا تطويع الحروف وتوظيفها بشكل جيد

والمشهد امامى بينك وبين الحروف مثل

الفارس والحصان الغير مروض ويقوم بترويضه بكل سهولة

رائع وجميل جداً ماقدمت تسلم وتدوم لنا عطاءاتك


شكرا لكرم زيارتك
تحياتى

جميلة القصيدة أوي
و حقيقي أضفت للمنتدى كتير

شكرا مريم
لزيارتك الكريمة