السلام عليكم
انا دفعة 2015 (كنت فى 3 السنة اللى فاتت ) أحب فى الظروف العصيبة اللى تمر فيها الثانوية العامة الايام دى :d انى احكيلكم تجربتى فى الموضوع ده علشان تطمنوا كده ان شاء الله وتبقوا مرتاحين.. وانا اسف انى هطول عليكم (الكلام ده خصوصا للناس اللى حاسة انها متأخرة كتير او مذاكرتش حاجة او معدش وقت والكلام ده )

انا الحقيقة كنت بادىء السنة مجتهد وكده ( وده حال تقريبا معظم الطلبة بيبقوا داخلين متحفزين وكده ) .. يعنى تقريبا لحد شهر 12 كده .ومن اول الشهر ده والله مريت باصعب 3 شهور فى حياتى شهر 12 و 1 و 2 .. تقريبا مذاكرتش فيها حاجة .. حصلت ظروف كتير يعنى بارادتى وخارجة عن اردتى .. المهم فجأة لقيت نفسى فى شهر 3 ( يعنى بالظبط من سنة ) لا عارف حاجة ولا ذاكرت حاجة واللى ذاكرته نسيته .. فيعتبر لو بدأت هبدأ من الصفر .. لكنى الحمد لله مستسلمتش واصريت انى هذاكر مهما حصل لانى لو استسلمت مثلا فميش امل خاالص اما لو حاولت فلسه امل .. وقربت من ربنا كتيييير فى الشهور دى وبقيت بدعى ربنا والله فى كل الاوقات وخصوصا فى وقت السحر .. اخر ساعة فى يوم الجمعة (قبل الغروب) .. م الاخر فى كل الاوقااات .. وبجد والله لازم تعرف ( إن الله على كل شىء قدير ) .. احنا ممكن نعرفها معنى اه .. انما واقع والله لازم نبقى موقنين بيها .. المهم علشان مطولش عليكم .. عملت اللى عليا ف الـ 3 شهور دول وانا ثقة فى الله .. والله فى النتيجة ربنا اكرمنى .. والحمد لله حققت اللى انا عاوزه

فبالنسبة بقى للناس اللى كانت مقصرة او مذاكرتش جزء او اى حاجة .. انت والله لو بدأت من الوقتى وعملت اللى عليك فى الايام الجاية دى .. بفضل الله تقدر تحقق اللى انت عاوزه

وفى الاخر كده ,, حط الكلام اللى جاى ده فى قلبك
- أنا عند ظن عبدى بى
- قال ابن القيم والله لو هم أحدكم بإزالة جبل وهو واثق بالله لأزله
وانصحك تسمع الفيديو ده (ان شاء الله هيريحك كتير )
https://www.youtube.com/watch?v=qcyYp_6lCBE

جزاكم الله خيرا ..دعواتكم بالتوفيق

جزاكم الله خيرا ..دعواتكم بالتوفيق

جزاكى مثله .. ربنا يوفقك وتحققى كل ما تتمنيه وجميع طلاب المسلمين

جزاك الله كل خير يا دكتوور :)

جزاك الله كل خير يا دكتور
دعواتك :)

جزاك الله كل خير يا دكتور
دعواتك :)

جزاك الله كل خير يا دكتوور :)


جزاكم مثله ... ربنا يوفقكم وان شاء الله نفرح بيكم اخر السنة

شكرا يادكتور:)