كنت عاوزة اسال سؤال

اسلام المرشد
اتوقف ليه امبارح

كلوا كان متفاجئ بالموضوع ده

وكلوا كان عاوز يعرف
اممممممم
ترقيبا كان حديث المدينة امبارح:D

ومحدش يقول بسبب الموضوع اللى هو عمله

لو هو اتوقف علشان الموضوع بتاع
(حذف قسم كادر المعلم)

ماهو مغلطش
وكلنا اتفاعلنا معاه
وكنا موافقين وهو الموضوع كان مفتوح للتصويت
مش هقول كلنا
علشان فى ناس مشفتش الموضوع او مابدتش رايها
لكن هقول ان الاغلبية اللى دخلوا الموضوع وابدوا ريهم كانوا موافقين
واعتقد ان اللى هو حطه كان اكبر دليل على ان القسم ده يتحذف
واللى احنا قولناه كمان فى راينا واللى كنا بنشتكى منه فى (اخبرنا عن مخالفة)

لا وتقريبا
وكملت بردود بعض الاساتذة المحترمين
اللى بردودهم اكدوا (قم للمعلم ...كاد المعلم ان يكون رسولا)
ودخلوا وردوا فى الموضوع
وفى القسم نفسه كمان

ولا انا غلطانة؟


سؤال تان
ليه التمسك بالقسم ده لما هو واضح ان اللى بيجى من وراه ...........

ولو انتوا مش ملاحظين
طاب لو هو غلط واقترحتوا ان يتعمل عليه اشراف
مكنش من الاول عليه اشراف ليه

لو هو ده السبب اللى يخليه يتوقف

يبقى كل اللى وافق على اغلاق القسم يتوقف
:rolleyes:


للاستاذ عصام انا بقترح يكون لون المشرف الادارى اسود
بصراحة اللون جميل اوى فى الاسامى:D

بصى ياترافل
المنتدى ده اصلا بيحصل فيه حاجات عجيبة
طيب مثلا لو انا امبارح اللى كنت دخلت القسم ده
وكتبت الموضوع بتاع المرشد اللى كتبة
كنت هتوقف مثلا ولا ايه
المنتدى بقت فية حاجات غامضة كتير
ومفيش شفافية اطلاقا
وضرب من تحت الحزام
وبلاوى زرقا
بس احنا بنحاول نعمل حاجة للمنتدى
علشان
احنا بنحبة بجد

بسم الله الرحمن الرحيم

إذا افترضنا أن قرار إيقاف الاخ / اسلام سببه هو حذف قسم الكادر فيكون حديثنا الان عن هذا الاجراء
* تلاحظ للجميع أن ترتيب المنتدى وصل الى الترتيب السادس لأول مرة على مستوى العالم العربى طبقا لموقع رتب
*اجمالى مرتادى قسم الكادر وحده ساعة الذروة حوالى 700 من 1400 اجمالى مرتادى المنتدى كله اى اننا نتحدث عن قسم بنسبة 50 % من المنتدى
*كل هولاء الاعضاء الذين يدخلون قسم الكادر من السادة المدرسين الذين يمرون بمحنة اختبارات الكادر و الذين وجدوا ضالتهم فى هذا المنتدى للبحث عن ايه معلومات او شروحات او اختبارات تساعدهم

اذن يجب ان نعى مدى أهمية هذا القسم بالنسبة للمنتدى

* ما السبب فى حذف قسم الكادر

السبب هو وجود مشاركة او أكثر بها الفاظ خارجة

* هل يعنى وجود مشاركات بها الفاظ خارجة ان نغلق قسم بأكمله
اذا كانت الاجابة بنعم سيصل بنا الحال الى اغلاق المنتدى بالكامل

أين دور المشرف فى حذف المشاركات المخالفة و حذف الموضوعات المخالفة و ايقاف العضو المخالف

( عملية الاستئصال الجراحى هى فشل الاطباء فى العلاج بالدواء )

* ماذا فعل حكماء المنتدى
هنا تظهر الخبرة و الادارة و حسن التصرف و كيفية مواجهة الازمات
هنا و بسرعة كبيرة يظهر الاستاذ / عصام الذى قام بعمل الاتى ( حسب اعتقادى )
1- سرعة فتح منتدى الكادر
2- حذف الموضوع ذى المشاركات المخالفة
3- عمل موضوع خاص بالابلاغ عن الموضوعات و المشاركات المخالفة بهذا القسم
4- التواجد كثيرا بقسم الكادر

حقيقى مدير كبير

دعونا نتعلم الادارة من اصحابها و ليس عيبا ان نخطئ و نتعلم و لكن العيب ان نستمر فى عمل الخطأ

و نحن فى انتظار عودة المرشد و لكن بعد ان يعى هذا الدرس و يصبح مرشد المنتدى

و نحن فى انتظار عودة المرشد و لكن بعد ان يعى هذا

يعى درس ايه ياعم سعيد
ده واحد دخل حط اقتراح يوقفوة!!!!!
ايه ياجماعة فى انتم بتتكلموا ازاى
طيب ايه لزمتوة بقى قسم الإقتراحات والشكاوى كمان
ما نقفل المنتدى احسن ونضيىء الشموع ونبكى
ياجماعة فى سبب تانى المرشد اتوفق علشانه واحنا اصلا مش عارفين ايه السبب ده
ما هو بالعقل كده فى ادارة هتوقف عضو علشان حط اقتراح

ياريت الاخ اسلام يدخل لو هو قاعد ويقولنا ايه الموضوع

عشان نفهم ونحاول نرجع عضويته تانى

بسم الله الرحمن الرحيم

إذا افترضنا أن قرار إيقاف الاخ / اسلام سببه هو حذف قسم الكادر فيكون حديثنا الان عن هذا الاجراء
* تلاحظ للجميع أن ترتيب المنتدى وصل الى الترتيب السادس لأول مرة على مستوى العالم العربى طبقا لموقع رتب
*اجمالى مرتادى قسم الكادر وحده ساعة الذروة حوالى 700 من 1400 اجمالى مرتادى المنتدى كله اى اننا نتحدث عن قسم بنسبة 50 % من المنتدى
*كل هولاء الاعضاء الذين يدخلون قسم الكادر من السادة المدرسين الذين يمرون بمحنة اختبارات الكادر و الذين وجدوا ضالتهم فى هذا المنتدى للبحث عن ايه معلومات او شروحات او اختبارات تساعدهم

اذن يجب ان نعى مدى أهمية هذا القسم بالنسبة للمنتدى

* ما السبب فى حذف قسم الكادر

السبب هو وجود مشاركة او أكثر بها الفاظ خارجة

* هل يعنى وجود مشاركات بها الفاظ خارجة ان نغلق قسم بأكمله
اذا كانت الاجابة بنعم سيصل بنا الحال الى اغلاق المنتدى بالكامل

أين دور المشرف فى حذف المشاركات المخالفة و حذف الموضوعات المخالفة و ايقاف العضو المخالف

( عملية الاستئصال الجراحى هى فشل الاطباء فى العلاج بالدواء )

* ماذا فعل حكماء المنتدى
هنا تظهر الخبرة و الادارة و حسن التصرف و كيفية مواجهة الازمات
هنا و بسرعة كبيرة يظهر الاستاذ / عصام الذى قام بعمل الاتى ( حسب اعتقادى )
1- سرعة فتح منتدى الكادر
2- حذف الموضوع ذى المشاركات المخالفة
3- عمل موضوع خاص بالابلاغ عن الموضوعات و المشاركات المخالفة بهذا القسم
4- التواجد كثيرا بقسم الكادر

حقيقى مدير كبير

دعونا نتعلم الادارة من اصحابها و ليس عيبا ان نخطئ و نتعلم و لكن العيب ان نستمر فى عمل الخطأ

و نحن فى انتظار عودة المرشد و لكن بعد ان يعى هذا الدرس و يصبح مرشد المنتدى

حضرتك مش واخد بالك من حاجة
القسم ده اصلا
اتجاب مليون دليل على اللى بيتكتب جواه
واعتقد ان كان الموضوع بتاع المرشد اكبر دليل على كده
وتصويت الاعضاء كان برده اكبر دليل على كده

يبقى فين الغلط؟

ولو زى ما حضرتك بتقول
انه لو على كده يبقى المنتدى كله يتقفل ليه؟
الحمد لله
الاقسام موجودة وباينة
متقالش فيها موضوع زى اللى اتقال من المواضيع اللى اتكتبت فى موضوع المرشد
ولا شتايم زى اللى بتتقال هناك

ولا انا غلطانة؟؟

أنا معرفش إيه موضوع الإقتراح ده بس إستحاله يتوقف عشان إقتراح
و إن شاء الله إسلام يخش يطمنا
أو حد من الإداره
و نعرف لو فيه سوء تفاهم
أو حاجه حصلت إحنا كأعضاء مش لازم نعرفها

الموضوع طرح فى حجرة الاداريين
ودا كان رد الاستاذ عصام

الموضوع ببساطة تجاوزات من اعضاء فى موضوع فى الكادر وتم وقف كل من خرج وتم سحب الصفة من المدرس الوحيد الذى يحمل الصفة من المنتدى واسلام تجاوب فى الخروج وهو مسؤل فى المنتدى وتم وقف الجميع ثلاثة ايام ومنهم اسلام وساعتها كان معى على الاميل وبلغته بالقرار وهو تقبل بصدر رحب لكى يكون قدوة وليعلم الجميع الكل سواء

راااااااااااااااااااااااااااحة

الرد ده موجه للاستاذ سعيد نجم فقط



بسم الله الرحمن الرحيم


يعتذر عن الدخول بالطريقة دى
لكن أتضح ان الكل و100/100 هيقول المرشد عمل جرم كبير
بس انا لزم أبراء سحتى لان كل واحد هيدخل يقول يستأهل وكلام فاضي
يا استاذ سعيد درس ايه اللى اتعلمته
حضرتك بتقولى المنتدى بئا ترتيبه السادس على مستوى الوطن العربى بفضل قسم الكادر(سيء ألسمعه)
انا مليش دعوة لا بكادر ولا بغيره ولا كان ليا اى دخل بالقسم التعليمى
انما لما ادخل القى مدرس حاطط لينك تدخل عليه تلقى نفسك على موقع جنسي
والتاانى عمل موضوع يشتم فيه مدرس تانى
والتالت عامل موضوع بيقول فيه على الأعضاء
عيال وشباب بتاع *** وبانجو
والعضوة اللى حبت توضح وجهة نظرها من موضوع الكادر القى
استاذ يقولها انتى حيوانه
والتاني يقولها ايه دخلك انتى نكرة لا شيء
والرابع يقولها انتى مش فى طب ولا دكتورة انتى تورة
انتا لو ولى امر طالب فى الموقع وشفت الكلام ده طبيعى هتمنع ابنك او بنتك يدخله
مهو موقع بورنه بئا الانطباع هيكون ايه ؟
المدرسيين بتكلمه مع بعض كده يبئا الأعضاء بيعمله إيه
ومواضيع ها يفه وتافه الا ما رحم ربى
وفى الاخر تقولى المركز السادس على مستوى الوطن العربى
كان من اوله القسم ده يختفى عن الأعضاء اللى هما فى الأساس طلاب ثانوي
بدل ما ادخل القى أستاذ ببقول الحقونى همتحن بكرة ومزكرتش
والتانى جاى فرحان ويقولى غشينا من بعض فى اللجنة
والثالث حاتت كاركتير لوزير التربية والتعليم
مش هو ده القسم اللى خلنا انطلقنا للعالمية المركز السادس
خلينى صريح وخلينا صرحاء احترم ازاى مدرس بعد كل ده
المدرس اللى المفروض يكون قدوة المدرس اللى مقدرش يعمل ربع اللى عمله العمال
فى مختلف مصانع مصر من اعتصامات لما حسه ان كرمتهم اتهانت واخده حقوقهم
المدرس اللى الطالب شاف اسئلته والامتحانات بتاعته استهزاء بيها
اختيار امتحان المدرس اختار من بين القوسين ياراجل عيب اوى كده كادر ايه وكلام فاضى ايه
وفى الاخر تقولى قسم خاله منتدى الثانوية اخد المركز السادس
مش عارف اصدق مين الاستاذ اشرف من مدة يقول المنتدى اخد المركز الاول علشان نتيجة الثانوية العامة
وانتا النهارده تقول المنتدى اخد المركز السادس علشان قسم الكادر
مميزات قسم الكادر
1- جذب عدد كبير من المدرسيين للموقع والعينة ظهرت من اولها من خلال الاسئلة والردود والمناقشات
2- الموقع اخد المركز السادس على مستوى الوطن العربى
3- اصبح للمنتدى شهرة وأسعه اعتقد ان السبب فى الشهرة دى كان الاعضاء اللى هما اساس المنتدى واللى هما ركن المنتدى الاساسى وظهر ده فى يوم النتيجة لما المنتدى اخد المركز الاول
هى دى مميزات القسم

عيوبه
1- كثرة سقوط المنتدى بسبب الضغط الهائل على القسم المنتدى بيقع 3 مرات قبل الاكل وبعده
(ضحيت بالمنتدى كله علشان قسم ) اللي هو فى الأساس منتدى الثانوية العامة وقسم الكادر قسم فرعى فيه
2- كثرة المواضيع فى القسم لدرجة أننا كأعضاء على بال ما بنرد على بعض فى موضوع يكون الموضوع اتنقل 3 صفحه وتكتشف فى الأخر ان اول صفحتين قسم الكادر وكلها مواضيع فى معظمها غريبة ومضحكة
3- اهتزاز صورة المدرس امام الطالب يا اخى اذا ابتليتم فا استروه مش لقى الأستاذ داخل يقول الحقونى عندى امتحان بكرة ومزكرتش حد يلحقنى ببرشمتين
وفى النهاية بقول القسم ده فاشل وسىء السمعه وانا لسه عند راى مش هنعمل بمبدا الضرورات تبيح المحظورات ومدام القسم جيبلنا المركز السادس والشهرة مفيش مانع من شوية خروج عن النص وربنا ساتر حليم

أين دور المشرف فى حذف المشاركات المخالفة و حذف الموضوعات المخالفة و ايقاف العضو المخالف

( عملية الاستئصال الجراحى هى فشل الاطباء فى العلاج بالدواء )


الاستاذة امال عبد الهادى مشرفة القسم كان الله فى عونها قسم شغال 24 ساعة مشاكل هتعمل ايه لوحدها وفى الاخر تقولى ليه كل هذا الحقد والغل على المدرس ؟
بزمتك ده كلام معلش اصل انا ياجماعه كنت اكتر طالب بيتمد على رجليه فى الفصل
اقول ايه بس استغفر الله العظيم
وانا بقترح على الاستاذ اشرف
يبئا يحطلنا لينك مباشر لنتيجة الامتحانات وكل مدرس يدخل برقم الجلوس
يجيب النتيجة ويطمنا وهو كله شهرة للمنتدى يمكن يومها ناخد مركز اول ونتاهل لكاس العالم
اصل شكل المنتخب كده ميطمنش

اها حاجة اخيرة

فى اخر مرة اجتماعنا فيها كان فيه اتفاق
العضو اللى يتوقف ويدخل بعضوية جديدة تتحذف عضويته الجديدة والايقاف يضاعف على العضوية القديمة وياريت ده يتنفذ علشان نبئا مشيين صح وبنفذ القوانين علينا وعلى غيرنا وكلنا نبئا واحد
سلام

هههههههههههههههههههههه
انا عايز افهم بس حاجة ياحنان
هو اسلام اتوقف علشان احط الإقتراح
ولا علشان ايه؟؟
أصل موضوع الإقتراح ده مبرر مقنع ان اسلام يتوقف بصراحة

اقولكم من الاخر اسلام اتوقف ليه
اسلام اتوقف عشان انسان محترم
وديما كدة احنا متعودين
صلاح الدين مشى
اسيل والاستاذ قبانى قليل لما بيدخلوا
وهكذا
وان شاء الله هاحصلهم قريب
فى امان الله

http://www3.0zz0.com/2008/08/27/08/101288435.jpg (http://www.0zz0.com)

موقع الثانوية يطلب أعضاء بهذا الشكل .. فإذا كنت مؤهل لهذه الوظيفة فلتتقدم للآختبار

مع موقع الثانوية مش هتقدر تقول كلمة حق

ملحوظة : توفيراً على أعضاء المنتدى يوجد بالموقع كمامات كافية واللزق متوفر بكمية كبيرة

شعار المنتدى : الساكت عن الحق ملاك أبيض

وكل عام وأنتم بخير

الموضوع ببساطة تجاوزات من اعضاء فى موضوع فى الكادر وتم وقف كل من خرج وتم سحب الصفة من المدرس الوحيد الذى يحمل الصفة من المنتدى واسلام تجاوب فى الخروج وهو مسؤل فى المنتدى وتم وقف الجميع ثلاثة ايام ومنهم اسلام وساعتها كان معى على الاميل وبلغته بالقرار وهو تقبل بصدر رحب لكى يكون قدوة وليعلم الجميع الكل سواء
ده رد الاستاذ عصام
اعتقد ان الرؤية وضحت

ده رد الاستاذ عصام
اعتقد ان الرؤية وضحت
برافوووووووووووووووووووو
دايما كدة بتعلمونا
سلاااااااام

برافوووووووووووووووووووو
دايما كدة بتعلمونا
سلاااااااام


سعيد لحظة لو سمحته
انا مش معترض على قرار الايقاف
قرار الايقاف سليم 100% والاستاذ عصام معاه حق
وانا مقتنع بده
واقسم بالله ما زعلان انا فعلا استحق الايقاف
لانى خرجت عن النص فى قسم الكادر وسمحت لنفسى انى اكون طرف فى مشكلة
القرار سليم وانا استاهل الايقاف وانا قولتها
وانا اتوقفت علشان خرجت عن النص فى ردودى عليهم فى القسم
ومازلت عند رأى قسم كادر المعلم (قسم سىء السمعه )

بسم الله الرحمن الرحيم
احب اوضح للجميع ان المرشد اتوقف لانه رد رد مخالف
وبعدين مش هو لوحده اللى اتوقف فيه كمان مدرسين
اتوقفت واتسحب منهم الصفة
والوقف ثلاثة ايام فقط
لان مافيش حد احسن من حد والكل هنا سواسية
وارجو الالتزام بادب الحوار فى الموضوع
واظن الكل عرف ليه اسلام اتوقف

متهيألي كده مفيش مشكله
قرار الايقاف طلع
واسلام موافق علي القرار وشايف انه يستحقه
رغم اني مشفتش الرد المخالف اللي عشانه هو اتوقف
لكن مادام هو شايف ان القرار سليم
ونفس الرأي لمتخذي القرار
يبقي نحترم القرار ونحترم متخذيه والمطبق عليهم القرار:)

االحقوني يا اساتذة امتحاني بعد بكرة ومش عارف ااي حاجة

اسم موضوع فى قسم الكادر
بالذمة مش حاجة تكسف

اسلام يا ريت ما تعملش مشاركات زيادة بالعضوية دي تاني

بجد يا اسلام

دي من المرات القليلة اللي اكون معاك 100%

انا قدني النصيب مرة اني ادخل هذا القسم لابحث عن اسئلة
لوالدة احد اصدقائي وفجعت لما وجدته

ولا اعلم ماذا يفعل مشرفي هذا القسم ولا كيف وصل الحال الى هذه الدرجه

وانا فعلا قبل كده كان فيه موضوع معمول وانا طلبت غلق هذا القسم