|
مشاهدة النسخة كاملة : التحويل!!!!!!!! محمد.فوكس 27-08-2008, 02:52 PM السلام عليكم.. مين حول لعلوم اليكس .. و يا ريت اللي يرد يقول هو علوم و لا علوم/رياضة و جامعة ايه سواء حول او محولش. انا عن نفسي في علوم/رياضة المنصورة... و معرفتش احول اليكس. و بفكر احول كلية تانية .. عشان نظام الدراسة في علوم المنصورة وحش. ***star*** 27-08-2008, 03:05 PM قولتلك قبل كدا متحولش النظام ده جامد جدا....بس لو عايز تحول حول بقي انت حر..وانا علوم قسم كيمياء ميكرو جامعه القاهره ....الفرقه الثالثه محمد.فوكس 27-08-2008, 03:10 PM قولتلك قبل كدا متحولش النظام ده جامد جدا....بس لو عايز تحول حول بقي انت حر..وانا علوم قسم كيمياء ميكرو جامعه القاهره ....الفرقه الثالثه يا مان انت كيميا يعني دخلت احسن قسم. انا اصلا كان نفسي ادخل علوم عشان الكيميا يعني لو ينفع كنت كتبت في الرغبات علوم/كيميا و بعدين غير اني مش هدخل الحاجة اللي كنت عايزها .. كمان هتغرب .. انا راجل و مش مشكلة عندي السفر.. بس اسافر عشان حاجة تستاهل. و لا ايه؟ Dr.ahmed91 27-08-2008, 03:10 PM انا ليا واحد صاحبي جايب 367 وحول من تجارة لعلوم رياضة في اسكندرية ***star*** 27-08-2008, 03:14 PM يا مان انت كيميا يعني دخلت احسن قسم. انا اصلا كان نفسي ادخل علوم عشان الكيميا يعني لو ينفع كنت كتبت في الرغبات علوم/كيميا ^_^ و بعدين غير اني مش هدخل الحاجة اللي كنت عايزها .. كمان هتغرب .. انا راجل و مش مشكلة عندي السفر.. بس اسافر عشان حاجة تستاهل. و لا ايه؟ بص ياباشا...............مفيش حاجه اسمها مفيش قسم كيميا......امال هي اسمها علوم ليه.......مش بعيد تطلع اشاعه علي علوم المنصوره انهم بياخدو عربي وفرنساوي وايطالي بدل الكيمياء والفيزياء.......بص انا ليا ناس كتير اوي اصحابي في علوم المنصوره ...فيها اقسام بالنسبه للرياضه احسن قسم (كيمياء جيولوجيا) محمد.فوكس 27-08-2008, 03:16 PM انا ليا واحد صاحبي جايب 367 وحول من تجارة لعلوم رياضة في اسكندرية ايوة يا مان .. طبعا ده تصرف طبيعي و مقبول جدا. اكيد علوم/رياضة احسن من تجارة لو الاتنين في محافظتك .. ده غير موضوع الاقسام اللي انا بتكلم فيه .. اني مش هدخل القسم اللي كان نفسي فيه. محمد.فوكس 27-08-2008, 03:19 PM بص ياباشا...............مفيش حاجه اسمها مفيش قسم كيميا......امال هي اسمها علوم ليه.......مش بعيد تطلع اشاعه علي علوم المنصوره انهم بياخدو عربي وفرنساوي وايطالي بدل الكيمياء والفيزياء.......بص انا ليا ناس كتير اوي اصحابي في علوم المنصوره ...فيها اقسام بالنسبه للرياضه احسن قسم (كيمياء جيولوجيا) يا مان انا اتمنى ان كلامك يكون صح بس للاسف كل الؤشرات بتقول غير كده. ببساطة.. اللائحة بتاعت الكلية بتقول كده... ده غير ان في واحد من اتحاد الطلبة كان بيساعدني اني املا الاستمارة و قالي ان الاقسام المتاحة ليا مافيهاش كيميا .. و ده اللي مكتوب في دليل الكلية .. و الاختيارات اللي موجودة في الاستمارة مش مكتوب فيها كيميا. ***star*** 27-08-2008, 03:22 PM اخر معلومه اقدر اقولهالك ...ادام انت درست كيمياءفي الثانويه العامه ودخلت علوم....يبقي ليك قسم كيمياء رغم عن انف وزير التعليم العالي................ Nogha 27-08-2008, 03:32 PM مفيش حاجه اسمها مفيش قسم كيميا......امال هي اسمها علوم ليه.......مش بعيد تطلع اشاعه علي علوم المنصوره انهم بياخدو عربي وفرنساوي وايطالي بدل الكيمياء والفيزياء.......بص انا ليا ناس كتير اوي اصحابي في علوم المنصوره ...فيها اقسام بالنسبه للرياضه احسن قسم (كيمياء جيولوجيا) انا كمان و الله عندى احساس انها اشاعة مش عارفة ليه هو انت مش درست كيميا زيك زى علمى علوم؟ دى حاجة غريبة و الله العظيم ادام انت درست كيمياءفي الثانويه العامه ودخلت علوم....يبقي ليك قسم كيمياء رغم عن انف وزير التعليم العالي................ كلام اسلام صح 100% مين حول لعلوم اليكس .. و يا ريت اللي يرد يقول هو علوم و لا علوم/رياضة و جامعة ايه سواء حول او محولش انا كانت جيالى علوم قنا و حولت الكس (علمى علوم) محمد.فوكس 27-08-2008, 03:33 PM أمال ايه اللي كان مكتوب في استمارة التقديم ..و ايه اللي قالهولي بتاع اتحاد الطلبة .. انا اصدق مين دلوقتي ؟ انا هتجنن .. و هو ده اللي بقوله من الصبح .. انا واخد كيميا في ثانوية عامة يبقى من حقي اتخصص كيميا .. يعني ارفع قضية على الوزارة ولا اعمل ايه ... و بعدين اشاعة ازاي و هي مكتوبة في ورقة التقديم و لائحة الكلية و قالهالي طالب من اتحاد الطلبة؟ ***star*** 27-08-2008, 03:36 PM http://www.mans.edu.eg/facscim/arabic/SServieses.htm شوف ده موقع علوم المنصوره ...علشان تتاكد من كلامي ***star*** 27-08-2008, 03:38 PM أمال ايه اللي كان مكتوب في استمارة التقديم ..و ايه اللي قالهولي بتاع اتحاد الطلبة .. انا اصدق مين دلوقتي ؟ انا هتجنن .. و هو ده اللي بقوله من الصبح .. انا واخد كيميا في ثانوية عامة يبقى من حقي اتخصص كيميا .. يعني ارفع قضية على الوزارة ولا اعمل ايه ... و بعدين اشاعة ازاي و هي مكتوبة في ورقة التقديم و لائحة الكلية و قالهالي طالب من اتحاد الطلبة؟ قبل كدا ايه ودلوقتي ايه؟!!!!!!!!.....ايه كانو يعني حاطين قسم كيمياء عرض خاص لفتره محدوده.....حتي نفاذ كميه المركبات والعناصر من الكليه ولا ايه؟؟؟؟؟!!!! محمد.فوكس 27-08-2008, 03:39 PM http://www.mans.edu.eg/facscim/arabic/SServieses.htm شوف ده موقع علوم المنصوره ...علشان تتاكد من كلامي يا مان .. انا مش بكدبك لاسمح الله .. بس الكلام ده في الورقة اللي كتبت فيها رغبات الشعبة ..في ايه دليل اكتر من كده؟ ***star*** 27-08-2008, 03:42 PM Syllabus Groups Mathematics - Physics- Chemistry - English Mathematics & Physics Group. Mathematics - Physics - Chemistry - Botany- Zoology - English Chemistry Group. Mathematics - Physics - Chemistry -Geology- Botany - Zoology- English Geology Group. Mathematics - Physics Chemistry- Botany - Zoology-English Biology Group. دي المواد الرئيسيه اللزم دراستها لعلمي رياضه وعلمي علوم.... محمد.فوكس 27-08-2008, 03:43 PM الجدول اللي حضرتك اديتني اللينك بتاعه .. اعتقد انه بتاع السنة اللي فاتت .. و النظام الجديد هيطبق اول سنة السنادي (على حظي المهبب) و كمان مش كاتبين علمي علوم ولا رياضة .. ماهو في قسم كيميا لكن مش كاتبين الراضة ليهم ولا لأ .. و اهم حاجة حضرتك تفسر ازاي اللي انا لقيته و اختارته و انا بقدم؟ ***star*** 27-08-2008, 03:44 PM يا مان .. انا مش بكدبك لاسمح الله .. بس الكلام ده في الورقة اللي كتبت فيها رغبات الشعبة ..في ايه دليل اكتر من كده؟ عارف ياباشا والله....بس تلاقي في حاجه غلط .....اصل الموقع اللي باعتهولك ده....موقع السنه دي وفيه نظام الساعات المعتمده كمان.....وبعدين ثق تماما انك عندك كيمياء وليك قسم كيمياء.....وربنا يوفقك ...ويارب متطلعش الكيمياء صعبه بالنسبالك:d:d ***star*** 27-08-2008, 03:49 PM والله انت شككتني في نفسي يافوكس....ياعم نظام الساعات المعتمده اهه نازل ...كاتبين ان المحاضرات تحتسب بساعه معتمده واحده...والسكاشن بساعتين ....والماده علي بعضها بتلاته.......وبعدين نظام الساعات المعتمده لسه مطبق السنه دي عندكم....يبقي اخر تحديث للموقع كان من فتره قريبه.......استني هروح اشرب وهاجي.....انت تعبتني محمد.فوكس 27-08-2008, 03:55 PM هنياْ... طيب .. دلوقتي انا اختارت جيوفيزياء.. ايه القسم اللي اختاره عشان اتخصص كيميا .. و لو اني مقتنع ان لسه مككن اتخصص كيميا؟ ***star*** 27-08-2008, 03:58 PM ادامك اقل حاجه قسم كيميا فيزياء......وادامك كيمياء جيولوجيا........ محمد.فوكس 27-08-2008, 04:02 PM ماهو المشكلة اني ملقتتش الحاجات دي في الرغبات .. ده اللي هيجنني.. انا كان اهون عليا اجي اي حاجة في اسكندرية بدل حرقة الدم دي..عندك حق.. أمال انا خدت كيميا في ثانوية عامة ليه.. و بعدين بالمناسبة اكتر حاجة نزلت مجموعي هي الكييا و كانت هتخليني احول ادبي. ***star*** 27-08-2008, 04:07 PM ماهو المشكلة اني ملقتتش الحاجات دي في الرغبات .. ده اللي هيجنني.. انا كان اهون عليا اجي اي حاجة في اسكندرية بدل حرقة الدم دي..عندك حق.. أمال انا خدت كيميا في ثانوية عامة ليه.. و بعدين بالمناسبة اكتر حاجة نزلت مجموعي هي الكييا و كانت هتخليني احول ادبي. وتاعبني معاك كل ده...وتقولي عايز ادخل كيمياء وادور عليقسم الكيمياء......فوكس روح حول صنايع وابتدي من الأول....هتدخل هندسه مستريح:p:p:p:p محمد.فوكس 27-08-2008, 04:14 PM تاعبك من الاول ازاي .. مانا عمال اقولك من الصبح اني ملقيتش كيميا في الرغبات .. و انت تقولي في حاجة غلط .. انا مش فاهم قصدك. و بعدين انا فكرت في حكاية معهد فني صناعي..غير انها مش مضمونة .. بس للاسف انا مكتبتهوش في الرغبات .. يعني مش من حقي احوله ***star*** 27-08-2008, 04:18 PM [quote=محمد.فوكس;716267]تاعبك من الاول ازاي .. مانا عمال اقولك من الصبح اني ملقيتش كيميا في الرغبات .. و انت تقولي في حاجة غلط .. انا مش فاهم قصدك. و بعدين انا فكرت في حكاية معهد فني صناعي..غير انها مش مضمونة .. بس للاسف انا مكتبتهوش في الرغبات .. يعني مش من حقي احو حاول تشوف طريقه تحول بيها اسكندريه...سواء علوم او ا كليه تانيه كويسه....لأنك كدا شكلك هتروح تتعب بجد في المنصوره...ويللا ربنا يوفقك......وانا هروح اخد فتره راحه كدا علي قسم تاني .....وتبقي شوف الموقع كدا وفيه عندك في الموقع ده تليفونات شئون الطلبه تبقي اتصل بيهم واسأل ...ويللا ربنا معاك محمد.فوكس 27-08-2008, 04:26 PM يعني خلاص مفيش كيميا صح؟.. و هل في ولو بريق امل اني احول اسكندرية بأي طريقة ؟ و المعهد الفني الصناعي هل ينفع اروحه و انا مكتبتهوش في الرغبات؟ ولا خلاص مفيش تحويلات السنادي و قفلت على كده؟ و لو انا محضرتش السنادي خالص و حبيت آجي اسكندرية السنة اللي جاية و اعيد سنة اولى ينفع؟ يا ريت الرد على الاسئلة دي ***star*** 27-08-2008, 04:37 PM يعني خلاص مفيش كيميا صح؟.. اه خلاص بالنسبه للكيمياء لغوها خالص...ونقلوها اداب بأذن الله و هل في ولو بريق امل اني احول اسكندرية بأي طريقة ؟ السنه دي تقريبا لا ,,بس ينفع تحول كليه تانيه اسكندريه....يااما تقدم سبب قهري لتحويلك و المعهد الفني الصناعي هل ينفع اروحه و انا مكتبتهوش في الرغبات؟ طبعا no comment علي سؤالك دي!!!!!!!!!!! ولا خلاص مفيش تحويلات السنادي و قفلت على كده؟ مقدرش افتي في حاجه معرفهاش و لو انا محضرتش السنادي خالص و حبيت آجي اسكندرية السنة اللي جاية و اعيد سنة اولى ينفع؟ لازم تنجح في علوم المنصوره.....لازم تطلع منها فريش...يعني مش معاك ولا ماده علشان تحول اسكندريه يا ريت الرد على الاسئلة دي يـــــــــــــــــــــــــــــ الحمد لله ـــــــــــــــــــــــــــــــــــارب lala_2002 29-08-2008, 12:17 PM انا جتلى علوم/رياضة الزقازيق بس مش حروح ادعولى احول اليكس لانى بحب كلية العلوم دى اوى وكان نفسى ادخلها من زمان وعايزة ادخل قسم فيزيا حيوية يااااااااارب Nogha 31-08-2008, 12:34 AM ان شاء الله و نكون اصحاب كمان و ابقى طمنينى هو لسا فيه باب للتحويل؟ قوليلى بليز علشان فيه وحدة قريبتى عايزة تعرف ثانكس اذكر الله 31-08-2008, 02:19 AM الحمد لله انا علوم المنصورة ومش فاهم حاجة فى نظام الساعات المعتمدة واعتقد ان مافيش كيمياء يعنى ازاى انت متخصص شعبة هندسية وعاوز تطلع دكتور تحاليل مثلا يا ابنى والله فى اقسام فى رياضة تحفة منها متلا احصاء وعلوم الحاسب................ ولو عاوز تعرف هتطلع اية قولى وانا هقولك وسيبك من بقيت الاقسام دى كلها لان كلها بتطلعك على مدرس والواحد مش عندة خلق اصلا انه لسة هيدرس واعمل استخارة كدة وتوكل على الله محمد.فوكس 31-08-2008, 10:17 AM الحمد لله انا علوم المنصورة ومش فاهم حاجة فى نظام الساعات المعتمدة واعتقد ان مافيش كيمياء يعنى ازاى انت متخصص شعبة هندسية وعاوز تطلع دكتور تحاليل مثلا يا ابنى والله فى اقسام فى رياضة تحفة منها متلا احصاء وعلوم الحاسب................ ولو عاوز تعرف هتطلع اية قولى وانا هقولك وسيبك من بقيت الاقسام دى كلها لان كلها بتطلعك على مدرس والواحد مش عندة خلق اصلا انه لسة هيدرس واعمل استخارة كدة وتوكل على الله بص يا مان .. مش بالضرورة ان اللي يدخل كيميا يعني عايز او هيطلع دكتور تحاليل و بعدين ايه يعني لما يكون رياضة و بقوا دكاترة تحاليل مهو هيدرس المواد اللي تؤهله لكده.. و لو عايزين محدش من الرياضة يطلع دكتور تحاليل كانو لغوا مثلا الكيما الحيوية او التحليلية. لكن مينفعش يلغوا الكيميا كلها لأن طلبة الرياضة درسوها زي الاحياء في الثانوية العامة. و بعدين انا مش بفكر في دكتور تحاليل دي .. انا هدفي .. كيميا عضوية (بترول او اسمدة) .. كيميا فيزيائية (حديد و صلب) كيميا تحليلية ( أدوية أول تحاليل مش شرط تحاليل طبية ممكن تحاليل مركبات المواد الغذائية او اي مواد لمعرفة مكوناتها) كيما حيوية (أدوية) .. ده غير الغزل و النسيج الخ الخ.. يعني مينفعش تقتصر الكيميا كلها على العلمي علوم |