بعد اسبوع راحت نور وريم للدكتور علشان يشوف التحاليل والاشعة .
وفى العيادة :_

نور : خير يا دكتور .

الدكتور : للاسف زى ما توقعت .فى ورم على الرحم .

ريم بدموع : هعيش قد ايه يا دكتور .

الدكتور : ايه يا انسة ريم انتى بتتفرجى على افلام كتير ولا ايه . دى حاجة بسيطة ان شاء الله .

نور : بجد يا دكتور .

الدكتور : بأذن الله احنا بس الاول نعمل تحاليل علشان نتأكد من نوع الورم يعنى نعرف (حميد ولا خبيث )

ريم : طيب ولو طلع خبيث يا دكتور هنعمل ايه .

الدكتور : يا انسة متسبقيش الاحداث . وخلى املك فى ربنا كبير .

ريم : ونعم بالله .طيب اجيب التحاليل لحضرتك امتى .

الدكتور : الاسبوع الجاى فى نفس الميعاد .

نور : متشكرين قوى يا دكتور .

الدكتور : العفو يا بنتى على ايه دة واجبى .

ريم : متشكرين قوى . سلام عليكم .

الدكتور : وعليكم السلام .

وبعد ما خرجوا من العيادة .

نور : متخافيش يا ريم انا معاكى مش هسيبك .

ريم : ماما لوعرفت يا نور هتروح فيها .

نور : واحنا ايه بس اللى هيخلينا نقولها . متقوليش حاجة دلوقتى لحد ما نتأكد ونعرف من التحاليل .

ريم : ربنا يخليكى ليا يا نور مش عارفة لو كنت لوحدى كنت هعمل ايه .

نور : ايه الهبل اللى بتقوليه دة يا ريم . يا بنتى احنا اخوات طب بذمتك انتى عندك اخوات غيرى .

ريم (بضحكة مكسورة ) : لا يا ختى معنديش غيرك .

نور : طب طالما ضحكتى يبقى يالا بقى احنا اتأخرنا .

ريم :ماشى يالا .

وتانى يوم فى مكان تانى (كافيتريا الجامعة ) شابين بيتكلموا :_

اياد : مش عارف اعمل ايه يا مازن بحبها قوى .

مازن : يا ابنى طب ما تروح تقولها .

اياد : اقولها ايه انت كمان هى بتدينى فرصة اتكلم معاها ابدا دى على طول بتصدنى .

مازن : معرفش بقى يا صاحبى بس على الاقل لو صارحتها هيبقى احسن من انك قاعد تحب فيها كدة وهى ولا على بالها .

اياد : خايف يا مازن ..... لو رفضتنى او طلعت مش حاسة بيا هموت .

مازن : بص يا حبيبى انت تموت اسهل . دة ايه الحب المعقد دة . يعنى بتشوفها كل يوم ومعانا فى نفس الدفعة ومش قادر تقولها كلمة بسيطة زى دى .

اياد : اه فعلا بسيطة ....... بس بسيطة على اللى مش حاسس بيها . بقولك ايه اقفل على الموضوع انا ايه اصلا اللى خلانى احكيلك .

مازن : ماشى ماشى دى اخرتها يعنى . انا هروح اجيب حاجة اشربها اجيبلك معايا .

اياد : غور ياض .

ونروح مكان تانى خالص (كافيه برضوا ) .

ايناس : بقولك ايه يا مصطفى انا مش هروح معاك الشقة دى تانى .

مصطفى : ليه بقى يا ست ايناس . ايه اللى حصل .

ايناس : اللى حصل انى تعبت وزهقت احنا بقالنا سنين بنحب بعض وانت واقف محلك سر . مبتعملش حاجة بس بتاخد فلوس وبس .

مصطفى : فى ايه يا ايناس وانا يعنى هعمل ايه .

ايناس : المصيبة انك مش عارف تعمل ايه . احنا لازم نتجوز .

مصطفى : ن ايه نتجوز منين يا اختى .

ايناس : هو ايه اللى منين ...... امال الفلوس اللى بخدها من محمد وبديهالك دى ايه مش علشان ينفع تحوش ونتجوز .

مصطفى : بقولك ايه يا ايناس انا مضحكتش عليكى .. انتى عارفة من الاول ظروفى ولو مستعجلة ع الجواز روحى اتجوزى محمد ما اهه بيحبك .

ايناس : دلوقتى بتقول كدة بعد كل اللى حصل بينا .

مصطفى :ايناس متعصبينيش عليكى كل اللى حصل كان بمزاجك .

ايناس : طيب يا مصطفى انا هصبر لحد ما تيجى وتتقدملى .

مصطفى : ايوة كدة ..... مش تقوليلى جواز وبتاع افلام عربية (http://www.stories-ar.com/2016/03/stories-arabic-movies-storiesarabicmovies.html) دلوقتى . دة انتى اللى عارفة اللى فيها .

وفى الوقت دة كان فى حد واقف بيسمعهم من بعيد واتصدم من اللى سمعه .

وفى بيت نور كانت قاعدة فى اوضتها ومامتها دخلتلها .

مامتها : نور يا حبيبتى .

نور : ايوة يا ماما .

مامتها : بصى يا حبيبتى ...... بباكى خلاص ظبط اموره وهنسافر كمان شهر .

نور :شهر ....... ازاى يا ماما .

مامتها : هو ايه اللى ازاى زى الناس ايه مالك زى ما تكونى اتفاجئتى . احنا مش متفقين ولا ايه .

نور : اتفقنا اتفقنا امتى يا ماما حضرتك نسيتى انى عندى كلية ودى اخر سنة .

مامتها : لا يا حبيبتى انتى مش هتيجى معانا .

نور : بجد يا ماما .

مامتها : ايوة انتى هتقعدى هنا فى الشقة وخالتك هتيجى تعيش معاكى .

نور : طب وسهى يا ماما .

مامتها : مالها ..... سهى لسة صغيرة وهنشوفلها مدرسة هناك .

نور : ايوة يا ما ما بس انتوا هتوحشونى قوى .

مامتها : وانتى كمان يا نور بس هى يادوب باقى السنة دى واول ما تظهر النتيجة وتنجحى هنبعتلك علشان تيجى .

نور : ماشى يا ماما .

ارتاحت نور شوية ع الاقل علشان عرفت انها هتخلص دراستها وقالت على ما السنة دى تخلص تكون فكرت وقدرت تحدد هتعمل معاهم ايه لانها مش عايزة تسافر .

مشكورررررررررررررررررررررررررر