بسم الله الرحمن الرحيمالسلام عليكم إخوانى أعضاء ومراقبين ومشرفين هذا المنتدى الرائع الذى يشرفنى أن أكون أحد أعضائه
وكل عام وحضراتكم جميعا بكل خير
وكل رمضان وأنتم إلى الله أقرب وعلى الطاعة أقدر وعن غى الشيطان أبعد
اللهم آمينالحمد لله أديت الامتحان اليوم الأربعاء 27/8/2008 ولى تعليق وصرخة
التعليق : جو الامتحان وطريقته والإعداد له لايتليق بمن لهم الفضل فى تعليم وتربية أبناء هذا البلد العريق .
وبصراحة تعليق آخر ما الهدف الرئيسى من هذه الاختبارات ... أنا لا أعلم من يعلم وبصدق يخبرنى .
الصرخة : أنا كأخصائى أول ثانوى تكنولوجيا التعليم وأعمل بمدرسة ثانوية ومنتدب إلى مدرسة إعدادية أعامل فيها معاملة وكيل مدرسة ( أخصائى أول ثانوى ) ، حاصل على ICDL منذ عام 2003 يعنى فى أول دفعة حصلت على الرخصة وعندما حصلنا عليها حصلنا على مكافأة مالية مقدارها 1000 جنيه كحافز من الوزارة .
أتعامل من الكمبيوتر من برامج وصيانة بأسلوب جيد وملم به والحمد لله ( هذا بفضل الله تعالى ومنه على )
والحمد لله لى ابن عمره تسع سنوات والحمد لله وحده على ذلك يعنى داخل الصف الرابع الابتدائى بإمكانه التعامل مع الكمبيوتر بطريقة - آسف فى التعبير - أفضل من كثير من مدرسى الحاسب المتعاقدين والذين هم معى فى نفس المدرسة . مع الاعتذار لمدرسى الحاسب أنا أقول بعض منهم - حاش لله أن أسيئ لإخوانى المعلمين .
فى توجيه الحاسب الآلى يرفضون أن نقوم بتدريس مادة الحاسب الألى فى الفصول ... فكيف نتساوى معهم اليوم فى امتحان واحد ؟!!!!!!!!!!!!! هل هذا عدل ؟!!!! للملاحظة ولا سؤال واحد فى تخصصنا ( تكنولوجيا التعليم ) وهذا يعنى أن معدى الأسئلة بعيدى كل البعد عن ظروف المدرسة والالمام بتخصصاتها الدقيقة
السؤال ( الصرخة ) : برجاء اسناد تدريس مادة الحاسب لنا فى المدارس .
مع تمنياتى بالتوفيق للجميع .

اهلا استاذ تايجر

انا اخصائيه اوساط وحاصله على Icdl

عام 2003

وفعلا الامتحان ليس له علاقه بعمل الاخصائى

((والله اعلم جاوبت الحاسب بالبركه))

وكل الهدف من الامتحان هو الامتحان وصرف مبلغ لابأس به من ميزانيه الكادر وان الوزاره بتطور وبتعمل شغل


موولد وصاحبه غايب

عموما

بالنجاح ان شاء الله

يا جماعة امتحان الحاسب اللى عنده خبرة بسيطة جدا ها يحله

المشكلة كانت فى امتحان العربي والتربوي

اما الحاسب فالمفروض يااستاذة ان تقومى بحله فى اسرع وقت لان من يحصل على ال icdl قادر على حل هذا الامتحان واصعب منه كمان

اما انا يا استاذ تايجر مدرسة متخصصة فى مدرسة لغات اعدادى و ثانوي و حاصلة على icdl و اقوم بالتدريس فى معهد للكمبيوتر كعمل خاص و احضر للدراسات العليا فى الكمبيوتر معى ب علوم كمبيوتر
اذا كنت تصرخ فبجانب صراخى لن يكون لك صوت
اين كرامتنا
اين عزتنا
اين اهدافنا
اين احلامنا
فكل شىء ضاع

الأستاذ اللى بيقول ان امتحان الحاسب كان سهل ، أنا مدرس حاسب من عشر سنوات ولى خبرة تقارب 16 سنة وحاصل على شهادة Icdl العام الماضى ولم أجد فى الإمتحان ما يخص مناهجنا التى ندرسها أى صلة إلا القليل جداً الذى لا يتعدى الأربع أو خمس نقاط وحسبنا الله وتعم الوكيل

سيدى الفاضل أنا أخصائى تكنولوجيا وامتحن معى موجهين حاسب آلى ومدرسين ثانوى حاسب وكان باين عليهم خيبة الأمل والعجز فى إجابة مادة تخصصهم والامتحان ليس له أى علاقة بال Icdl أو منهج الحاسب الآلى بل هو الكترونيات على لوغاريتمات على تعجيزات

الأخ إلى بيقول الامتحان سهل انت بتترسم علينا ولا اية
مفيش شك ان الامتحان كان رخم شوية حتى على المبرمجين
مقصدوش انه صعب أوى لكن يحتاج لوقت اطول وظروف افضل في الامتحان عشان نعرف نركز ونحل في الوقت المحدد
ولا رأيكم اية يا جماعة ؟؟؟؟؟؟

مين قال ان امتحان الحاسب كان سهل ايه الكلام ده اكيد ممتحنش معانا انا اخصائية تكنولوجيا ومعايا icdl ويدوب لسة مخلصاها وحياه ربنا امتحناتها اسهل من امتحان الحاسب ميت مرة ، انا شغلي كله معتمد على الاوفيس والبرامج والنت مالي انا والبرمجة والالكترونيات وحتى الاسئلة اللى من البرامج اللي بنشتغل بيها على طول والله ماهي سهلة والنظري كل الاجابات شبة بعض وتحير وده مش رأي لوحدي ده رأي زمايلى كلهم اخصائيين ومدرسين حاسب وربنا يكون في عوننا جميعاً ،خرجين من الامتحان حسين بالفشل وان بعد 13 سنة شغل وخبرة منعرفش حاجة وicdl اللي على مستوى العالم العربي ودليل على اجادة الكمبيوتر بلا اي قيمة .

أظن أكتر ناس إتظلمت فى موضوع الكادر هما أخصائى التكنولوجيا

لان كل مدرس أو أخصائى إجتماعى أو نفسى أو إعلام داخل يمتحن وفاهم هو هيمتحن فى إيه

لكن أخصائى التكنولوجيا داخل يمتحن فى مناهج ميعرفهاش

ولما نؤل يا ناس دربونا زى مدرس الحاسب

يؤلوا لا مدرسين الحاسب أحق بالتدريب

حسبى الله ونعم الوكيل

محدش فاهم حاجه فى الوزاره دى

والدليل آهه

قسم كامل بيمتحن فى شىء مش تخصصه

هو أخصائى التكنولوجيا علاقته إيه بالبرمجه

وهو إمتى إدرب عليها ولا على غيرها

إزاى يساوينا بمدرس الحاسب لإعدادى ولثانوى؟؟؟

الأعجب انه كان معانا أخصائى إعلام وامتحن معانا نفس الامتحان نظراً لعدم وجود كراسة لتخصصه

ياعم انت باصص لمدرسى الحاسب الآلى فى مدرستك لكنك لم ترى الكثير من مدرسى الحاسب الآلى الذين يفوقون قدراتك الكمبيوترية

كل عام وانتم بخير
انا مدرس اول حاسب آلى تعليم تجارى ومعى icdl ودرجاتى فيها عالية جدا ومع ذلك صدمت من الامتحان فكلنا خرجنا لم نعرف الامتحان موجة إلى اى فئة ولا كلمة من منهجنا للامانة سؤال if و alu والباقى إلى الان مش عارفين فى اى كتاب وحالاتنا النفسية جميعا زفت بالاضافة للاحباط انا مش عارف هدخل الفصل ازاى بعد كدة مع ان اللى بندرسة للطلبة حاجة والامتحان حاجة تانية خالص
ربنا يصبرنا جميعا