منذ أن بدأ الحديث عن أمتحانات الكادر وانا اجلس الساعات الطويلة علي النت لمتابعة الامتحانات والموضوعات التي طرحها الزملاء الاعزاء وجزاهم الله خيرا علي مجهودهم وحسن نتيتهم ولكن للاسف الشديد لم يأتي سؤال واحد من تلك الاسئلة وشعرت بالاسف علي الوقت الذي ضاع لان العباقرة أتوا باسئلة لم يسبق لها مثيل الحاجة الوحيدة هي تكرار القطع في اللغة العربية ولكن ترتيب الاسئلة مختلف تماما وحرام تضييع هذا الوقت علي فكرة انا كنت في الامتحان اليوم 27/8/2008 والامتحانات نار الله الموقدة والوقت لايكفي وشكرا محمدالطويلة مطوبس كفر الشيخ

لا اخى العزيز كان هناك حوالى 8 اسئلة مكررة بالنص فى التربوى
وكمان فى العربى 5 بالنص + قطعة البحر

ليه حضرتك تخصص ايه؟

جميع التخصصات اليوم جاء معظمها من الامتحانات السابقة

ماعاد قطعتين العربى والثلاثه هى البحر

المتكررة هنا

انا شخصيا استفدت جدا من المنتدى هنا

وهذا القسم

معاك حق يا محمد

شكرا لكل الزملاء الذين ساهموا وساعدوا من خلال المنتدى وربنا يوفق الجميع .

انا كمان كنت في امتحان الاربعاء الاسود 27 اغسطس .
الحمدلله مجاش اي حاجه من الاسئله اللي منشوره هنا ولا اللي في اي موقع ولا في اي امتحان سابق ولا في الدنيا بحالها,ده بالنسبه للعربي والتربوي وحتى التخصص كمان اللي هوه بالنسبه لي تاريخ مع اني متمكن منه جدا و مذاكر كويس جدا وحليت كل اسئلة الاستاذه الفاضله المشكوره امال وراجعت التاريخ عبر العصور كلها ,انا قلت يمكن انا مش فاكر حاجه حكم السن بقا.ما انا 56 سنه وموجه اول ,يلا كفايه فضايح, طب يا جماعه انتو ايه رأيكم,متستغربوش مااحنا طبعا كنا قاعدين كلنا بنحل على طربيزه واحده,انا قولت فين معلوماتك يافلان ويافلانه اللي همه حيتان الدروس في السناتر والمراكز عندنا,قالولي يا باشا ما انت شايف هوه فين التاريخ ده ,يا جماعه التخصص مكانش تاريخ خالص كان صلصه بتنجان اي حاجه مبفهمش فيها خالص,المهم كنا بنتفق على اجابه نقدر نفهمها ونكتبها,شويه ودخل استاذ من الجامعه بيطمن الناس وقال يا جماعه متخفوش ده مش امتحان ,ده مجرد تقييم والنجاح من 25%بس وكلكم هتاخدو الكادر<طبعا كلام بيطمن بيه المدرسين علشان الناس كانت هتنفجر>,انا هسيب كل واحد يتكلم في تخصصه علشان مقطعش على حد .وكفايه اوي كده علشان انا طولت عيكم زي الامتحان

عدد كبيرمن أعضاء المنتدى أستفاد من الأسئلة التى توضع هنا
شكراً لكل من قدم مشاركة ساعدت هولاء الأعضاء المحترمين