مشاهدة النسخة كاملة : دمعة ع الحدود


ام علاء
07-04-2016, 08:22 PM
ولادنا ماتوا ع الحدود
صوت الصراخ ويا البرود
قبل ما يكلوا تمرهم
قالوا حماس ويا اليهود
طب نقول يا مين لمين
ما مات احمد وبنيمين
هو فين بس الضمير
عاش ما بنا ليه حزين
وادي الملايكة من ولادنا
ماتوا فوق خط الحديد
مات معاهم حلم غالي
ويا قطر من الصعيد
واتنزع نبض قلبي
وانقطع منه الوريد
لما اشوف صورة ابني
في حلم عابر من بعيد
طب نقول يا مين لمين
ما مات احمد وبنيامين
هو فين بس الضمير
عاش ما بنا ليه حزين
وادي صراخي ودمعتي
وادي الامي في محنتي
وادي اللي كانوا عزوتي
بقوا جراحي في رحلتي
طب نقول يا مين لمين
ما مات احمد وبنيمين
هو فين بس الضمير
عاش ما بنا ليه حزين
وادي انين نبض البيوت
والساعات لازم تفوت
مرة حزينة مدمعه
على خيوط العتكبوت
طب نقول يا مين لمين
ما مالت احمد وبنيامين
هو فين بس الضمير
عايش ما بنا ليه حزززززززين


كلمات الشاعر.. مختار معوض

Mr. Bayoumy Ghreeb
07-04-2016, 08:42 PM
قصيدة زجلية معبرة : اشكرك أتي الكريمة