السلام عليكم

هى نتيجة امتحان الكادر امتى؟؟؟؟؟وعلى اى موقع

انا عمتى امتحنت عربى....والله شىء يكثف

هما فاكرين كدة لو مدرسين نجحوا اصلا يبقى مستوى تعليم بقى عالى

الاساس اصلا منهج تعبان

انا فى كلية اداب فرنسى

عليكم السلام

هتموت وتعرف الموقع والموعد علشان تشمت فى أساتذتك ههههههههههههههههههه

الكارثه اللي مابعدها كارثه لو موجه الماده-او مدرس اول الماده رسب في مادة التخصص-حد يقوللي-هايتابع مدرسيه ازاي وبأي وش يوجههم ويعرفهم طرق التدريس الصح من الخطأ----الله المستعان-----شيئ خر يجول بخاطري ماهي الضماناتلنا كمدرسين بأن نمذج الاجابه والتي مجابه بالقلم الرصاصهاتفضل علي حالها بدون تدخل خارجي----وانتم فاهمين بالطبع ماقصدته---خصوصا ان هناك ثقه عمياء في وزارتنا وبالأحري القائمين عليها

الافادة افادكم الله حد يعرف التيجه امتى وازاى هنعرفها؟
واللا هى سر!

d"]أنا
شوفو وصلنا لايه
أمي الحاجة دعت لى وقالت روح يا ابني ربنا يعلى مراتبك وتنجح وتاخد الشهادة الكبييييرة ،،
أما بنتى الصغيرة فقامت من النوم مبكرا يوم الامتحان على غير العادة وكأنها تقصد ما تفعل وقالت لى يابابا اوعى تنسى القلم الرصاص والأستيكة ، وابري القلم كويس علشان خطه يبقى حلو ، مش عارف مين قالها على حكاية القلم الرصاص دى مع إنى كنت مخبي عليها .
ولما رجعت لقيت أولادي كلهم واقفين في أول الشارع ، منتظرين عودتى ، ولما شفتهم حاولت أستخبى منهم لكن لمحونى ولاد الإيه وجريوا ناحيتي وهم بيهتفوا ( جيم - حا ناجحين إن شاء الله ) وحاولت أسكتهم لكنى فشلت لأن أولاد الشارع كلهم اتلموا عليهم. ولأن العبارة دى مش بتتقال غير في موسم امتحانات الطلاب ، تعجب الجيران فخرجوا مندهشين ، متسائلين عن السبب، وإذا عرف السبب بطل العجب ، لما رأونى في هذه الزفة البلدي وأنا كالعريس في وسط هذا الهتاف أخذت الست أم خالد تدعو لى قائلة يارب تنجح يا أستاذ ، والست أم أحمد - بصفتها ست مثقفة - تسألنى الامتحان عامل ايه يا أستاذ ؟ لأنها بتحب تتعرف على الثقافات المختلفة ، ووجدت زميلي وجاري مدرس الرياضيات يجري نحوي وهو يلهث ويسألنى اللجنة كانت عاملة ايه فيه غش ولا هيمسكوها عليناولاد الـــ ......
المشكلة الكبيرة إنى لما روحت البيت أولادي بيسألونى عملت ايه يابابا في الامتحان ، فأجبت بثقة - وكنت قد خططت لذلك من قبل - نجحت يا أولاد وجبت 98 % فترد على ابنتى الكبرى وهي مازالت في سنة خامسة ابتدائي ، النتيجة بتاعتكم لسة في شهر عشرة . فصعقت وسكت .
هذا بعض ماحدث وسنوافيكم ببقية الأخبار في الحلقة القادمة
هذا وإنا لله وإنا إليه راجعون في كرامتنا[/B]

النتيجة ستكون متعلقة فى شيتات من الحجم الكبير على باب المدرسة علشان الرايح والجاى يقدر يشوفها

نتيجة ستكون متعلقة فى شيتات من الحجم الكبير على باب المدرسة علشان الرايح والجاى يقدر يشوفها

أحلى رد

كلة اعد بيتريق على وزارة........وعلى فكرة يعنى........اغلبية مدرسين مصر مش هينجوا حتى لو نجحوا يبقى خلاص يعنى كدة....لما يقول اانا نجحت فى امتحان الكادر يبقى مش حد زية


لاسف نظام منهج اصلا غلط....لما يشوفوا دة الاول....يشوفوا المدرسين

انا كلية اداب بس مش عايز اطلع مدرس

شكرا

مدرس اتقدم لخطوبة واحده ابوها سالة بكدر ولا من غير
هههههههههههههههههههههههههههههههههههههههه

ع عليه العوض علي أخر الزمن المدرس بيمتحن ومستني النتيجة جاتنا نيله في حظنا الهباب

الخير من الله دائما


لو لنا رزق فان الله هو الرزاق

لا وزير تعليم ولا حتى مين ـــــــــــ

بقدر يتكم ما كتبه الله لنا من ارزاق


عارفين يا اخوانى المدرسين انا توكلت على الله وحليت واتعشم الخير وانجح مش عشان الفلوس فقط

(الفلوس كتير وخير ربنا كتير بس النفس اللى تصرف )المهم الصحه يا اخونا


سمعت ولعله سمع خير والله وكنت صاحيه وانا واقفه قدام اللجنه

ان دكتور من الدكاتره قالوهم انهم لا زم يعملوا امتحانات وهى صوريه والكل هينجح الا قليلا بنقول قليلا

حتى لا تقوم كل المصالح والوزارات بمظاهرات ويعرفوا ان الله حق وان مافيش فلوس من غير امتحان فيسكتوا ولا يطالبوش يكونوا زى بتوع التربيه والتعليم

عارفين انا صدقت واستبشرت وقلت خير اللهم اجعله خير ودخلت على اللجنه وهات يا حل وربنا يستر ويكون صح


والله يوسعرزقنا ونقبض الاف الجنيهات بس تقضينا

أنا رأيي إن 99% من المدرسين هينجح في التخصص، ولكنه 10% فقط هما الي هينججوا في العربي العام والتربوي، لأن المادة الي فضلت أشرح فيها 15 سنة صعب أسقط فيها وخاصة الأسئلة كانت سهلة بالنسبة للتخصص، بينما العربي والتربوي جت بطريقة حل ألغاز وإجابات متقاربة جدا، رغم المناقشات أثناء الامتحان، ومفيش اتقاق على إجابة محددة، حتى بين مدرسين العربي نفسهم، اختلفوا في حلول أسئلة كثيرة من العربي العام.

انت يا بتاعة الفرنساوى,, يالللى مش عايزة تطلعى مدرسة.. و اللة عملتى طيب.. حاجة تكسف.. و ليس حاجة تكثف

اتتوقعون؟؟؟؟؟ حين يرسب المدير والوكيل والناظر مذا يقول لهم المدرسين والتلاميذ؟ انها لكارثة لاندرى ابعادها لقد عملت الوزارة هذة الفوضى وتريد المثالية هذة الامتحانات للطلبة الجامعين ويشرف عليها المدرسين والان العكس حصل سوف تحصدون افعالكم وتتلقون جزاءكم من المجتمع والشعب الجعان الفقير خليكم فى المكيفات واحنا مش لقين ناكل الدكتور وصل مرتبة الى1852جنية بدون امتحانات كيف يمتحن ومن هيمتحنوة كلهم علامة فى مجالهم فانكم تخافا تمتحنوهم لاكن نحن بدون نقابة وصوتنا فى المجتمع مهضوم سوف تسمعون صوتنا فى اقرب انتخابات فى الدولة وترون فعلتكم ؟؟؟؟

تكمله:المدرس الناجح سوف يمشى يتباه بنفسه ويعلى سعره فى الدروس الخصوصية ويطلب مايشأمن الفلوس ويتفاخلر امام المدير الراسب انه بمرتب اعلى منة ويقول له ماذا عملك الكرسى والمدير يقوم بالاضهاد فى الغياب و........ والمدرس الراسب يقاوم اوامر المدير الناجح ويحقد عليه وينعكس ذلك على افعاله داخل الفصل بالاضهاد للتلاميذ واولياء الامور وتكون هناك مشاكل لاحصر لها والمجتمع ينبذة لانه راسب الكادر ليس لانه لم ياخذ فلوس تعينة على المعيشة الى اين تأخذوننا حد يفهمنى ؟؟؟؟؟