السؤال ده سالته لنفسى كتير قوى هل فعلا يقطع النت و سنينه
هل فعلا حياه الواحد قبل النت كانت احسن منه بعد النت
او اصلا هى اساسا اتغيرت
ناس اول ما تكلمها على انك بتدخل نت او بتعد عليه لما تكون فاضى
يبداو بقى يحسسوك انك بترتكب الجرم الاعظم
او ان النت ده اساسا مش ليه مميزات و ان كل اللى يدخلو عليه كده
او على الاقل ان عيوبه اكتر بكتير من مميزاته
و انه فيه و فيه و فيه

و على النقيض الاخر تلاقى حد بيقول ان النت ده فعلا غيرله حياته
و خلاه يتعرف على ناس عمره ما كان يحلم انه حيعرفهم
و ان اللى عايز يستفيد منه حيعرف يستفيد
و انه فيه و فيه و فيه

فانا فى البدايه عايزه اسال و ابقى اقول راى فى النهايه
هل أبرمت إتفاقات .. هل تعلمت علما نافعا .. هل حققت مكسبا ماديا ..
هل أثقلت معلوماتك .. هل إكتسبت خبرة فى الحوار مع الآخرين ..
هل لمست أثرا فى شخصيتك ..
من الاخر ايه وجهه نظرك للنت و مفهومك ليه؟؟؟؟

فى رعايه الله

بصى يا اسدات
اولا الموضع دا كل الناس اتكلمت فيه كتير
بس عشان (عرضك حلو):p
هرد ع التوبيك
و بردو اتدبست ف اول رد:p

هو اكيد النت زيه زى التيفى و الموبايل و الكاميرا و اى حاجة جديدة فى حياتنا (و الفيس بوك بردو:p) ليه مزاياه الكتيرة و ليه عيوبه اللى بتضاهى المزايا
زى العملة اللى بوجهين باين ولا سلاح ذو حدين حاجة كدا

المهم خلينا ف النت

مثلا اقرب مثال لفوائد النت عندنا انه وفر علينا مشاوير التنسيق فى الحر دا
و برا الحكومات بأى معظمها الكترونية
و من فوايده الجامدة جدا التشات
اه التشات
يعنى بدل ما بكلم مصر دولى الدقيقة ب10 جنيه بقيت الدقيقة ببلاش
و بردو اتعرفت منه على ناس كتييير افادونى فى مصالح و حاجات كتيرة
و كفاية ان اى معلومة عايزاها بلاقيها فى ثوانى
و بعد ما كنت بروح المكتبة عشان اطلع اللى انا عايزاه من الانسيكلوبيديا (عملية ممكن تاخد 3 ساعات) و اعد اصور فى صور و الكلام دا بقيت بخلص الريسيرش بتاعى فى ساعة بالظبت
و طبعا النت ادانى خبرات كتير فى التعامل مع الناس و ستايلات الحوار و كدا
و هو اللى ساعدنى على تقبل الاختلاف بين حياتى و الحياة فى مصر

دا يعتبر معظم اللى استفدته م النت
اكيد فى ناس بيستفادو منه اكتر منى
دا غير اللى بيكسبو من وراه

المهم بأى ان الاستخدام الغلط
و اللى هو الادمان
و المواقع اللى مش ليها لازمة
و التشات بلا هدف
هو دا اللى بيدمر الانسان
و يذهب عقلة
و يكسبه الذنوب و يخرجه من رحمة الله
و يخليه انسان فاشل اجتماعيا و دينيا و عمليا و من كل النواحى

يعنى اكيييد النت مفيد جدا و نعمة كبيرة اوى اذا احسن استخدامه

...و بس
ثانكس يا اسدات ع التوبيك

أفدنى كتير
وضرنى اكتر
فى امان الله

بص اولا شكرا على طرحك الموضوع لانه فعلا مهم
ثانيا النت بجد مفيد جدا وبيوسع فهمك وفيه حاجات كتير اوى تستفاد منها ع النت
بس للاسف فيه ناس كتير بضيع وقتها ع النت بالساعات عشان تقعد ع الشات وتتعرف على ناس
وكلام فارغ وبس
ربنا هيحاسبنا على الوقت وعلى الوقت اللى ضيعناه فى حاجه مش مفيده
لكن الواحد لو داخل النت عشان يستفيد ويتعلم حاجات كتير وحاطط فى دماغه انه مش قاعد تضيع وقت
هيستفاد منه جدا وممكن النت يغير تفكيره لو مكنش صح يخليه يعيد تفكيره
وممكن برده النت بيوظ الواحد ويخليه يفكر فى حاجات مش صح
فكل ده حسب شخصيه الفرد
فمقدرش اقول ع النت وحش لان الواحد لو استخدمه صح هيستفاد منه اوى

اولا بحيكى يا asdat على الموضوع الهام ده
بالنسبة ليه
النت ده فتح عينى على حاجات كتير
وعرفت ناس اكتر وأكتر
واتعلمت منه حاجات كتير قوى
وانا عمرى ما ندمت على الوقت اللى كنت بقضية على النت غير مرة واحدة بس
وبالنسبة لعيوب النت دى بقى بيتهيألى بتكون على حسب شخصية اللى قاعد على النت
طبعا أكيد فهمانى
شكرا مرة اخرى على التوبيك

السؤال ده سالته لنفسى كتير قوى هل فعلا يقطع النت و سنينه

لع :D
هل فعلا حياه الواحد قبل النت كانت احسن منه بعد النت
معتقدش لانه اخد جزء من حياتى كتير
او اصلا هى اساسا اتغيرت
اه انا فيا حجات كتير اتغيرت
ناس اول ما تكلمها على انك بتدخل نت او بتعد عليه لما تكون فاضى
يبداو بقى يحسسوك انك بترتكب الجرم الاعظم
ههههههههه ..ايوه فعلا بس دول ولا يعرفو اى حاجه او ممكن مجرد اللى سمعوه كلام وانتى عارفه الشعب المصرى يتكلم فى اى حاجه حتى لو مش عارف عليها حاجه
او ان النت ده اساسا مش ليه مميزات و ان كل اللى يدخلو عليه كده
او على الاقل ان عيوبه اكتر بكتير من مميزاته
و انه فيه و فيه و فيه
اكيد انا مش هقول حاجه جديده بالجمله دى بس حسب اللى بيستخدمه وانا احيانا بستخدمه فى حجات هايفه انزل صوره اغنيه ..بس فى نفس الوقت بيفيدنى فى حجات كتير جداا معلومات رايي نفسه بيتاثر بالللى بشوفه يعنى كمان التغيير بيكون للاحسن
و على النقيض الاخر تلاقى حد بيقول ان النت ده فعلا غيرله حياته
و خلاه يتعرف على ناس عمره ما كان يحلم انه حيعرفهم
و ان اللى عايز يستفيد منه حيعرف يستفيد
و انه فيه و فيه و فيه

اه بالظبط

فانا فى البدايه عايزه اسال و ابقى اقول راى فى النهايه
هل أبرمت إتفاقات .اتفقات ايه :D. هل تعلمت علما نافعا اه يعنى الحمد لله.. هل حققت مكسبا ماديا .للاسف لاء لو فى طريقه قوليلى :p.هل أثقلت معلوماتك .. هل إكتسبت خبرة فى الحوار مع الآخرين ..
هل لمست أثرا فى شخصيتك
اه فعلا بجد فى حجات كتير جدااااااااااااا اتغيرت فيا دلوقتى قدرتى ع الكلام اتحسنت ..مقصدش انى خرسا:p.. لا بس بقيت بتناقش بطريقه افضل المعلومات اللى اخدتها كويسه ناس فادتنى كتير اووى
من الاخر ايه وجهه نظرك للنت و مفهومك ليه؟؟؟؟

والله هو دنيا تانيه عالى تانى ناس تانيه بالرغم انه غير واقعى يعنى انا بضايق لما اكون بفكر فى حاجه حصلت ع النت ..مبحبوش يدخل حياتى الطبيعيه ..بس دى حاجه صعب اتحكم فيها..بس الصراحه ايام الدراسه ولا ببقى فاكره حاجه:lol:
فى رعايه الله

ايه يا بنتى المواضيع دى ;) حلو اووى

فى رعايه الله :rolleyes:

النت سلاح ذو حدين لشخص ضعيف النفس......والنت جانب مفيد جدا ومهم وملهوش اضرار لشخص عاقل عارف هو بيعمل ايه .. وليه...النت مفيد جدا بالنسبالي لأني بتعرف فيه علي شخصيات مختلفه ...بتأثر بأيجابياتها...وابعد عن الجانب السلبي فيها....ده غير اني كل يوم لازم افتح موقع معلومات اخد منه علي الاقل يوميا 10 معلومات.....اهه حاجه تفيدني في وقت فراغي..... اما بالنسبه للجانب السلبي اللي فيه .....فده سببه مجتمعنا واهلنا....لأن ( الممنوع ..مرغوب)....تقبلي مروري

النت فى وجهه نظرى الشخصيه جدا مساحه حريه شاسعه بها تكن كما تريد لا كما انت بالفعل
فان اردت ان تكون ذاتك فستكون وان لم ترد فمن الصعوبه ان يكتشف الاخرون ذلك
النت عالم بلا رقابه بلا قيود بلا ضغوط( ان اردت انت ذلك )
ارسم به ما شئت من الاحلام ولونها بما شئت من الالوان وكن مسئولا عما رسمته بنفسك
هو كالحياه نعم بها الخير والشر والجيد والخبيث ولكن هناك أمران
اولا الحريه المخيفه لغير المسئولين ولاصحاب النفوس المريضه والشخصيات الغير سويه
وصعوبه التعرف على حقائق الاشخاص فسيلزم لذلك حظا موفورا ووقتا طويلا وظروف مواتيه وقد لايأتى ذلك مطلقا
القاعده الاولى والذهبيه فى تعاملات النت كن حذرا لا تأمن لاحد ولا تضع مشاعرك امام احد
استفد بكل ما حولك من معلومات ووجهات نظر ودراسات ولكن افصلها عن اصحابها فقد لاتمثلهم بدرجه كبيره وقد تتنافر معهم
تعامل مع الشخصيات على انها محل دراسه او اشخاص خياليه فى روايه خياليه هذا بالنسبه للتعامل مع المنتديات او تعاملات الشخص مع الجنس الاخر
اما التعامل مع من اصبحو اصدقائك فدع الوقت يفعل ما يشاء
لى اصدقاء يعلم الله مدى حبى لهم واثق بهم كثيرا وهذا أتى بعد
وقت طويل
وتبادل ثقه
واطمئنان نفسي
ورؤيه تعاملاتهم مع غيرى
واختبارهم فى مواقف معينه
فلم نصبح اصدقاء بين ليله وضحاها
اما عما جنيته من فوائد
فقد تعرفت على معلومات ومجالات لم اعرفها من قبل
قضى على اوقات فراغ كانت مميته من كثره الملل
تعلمت كيف تتحاور وتتناقش وتختلف وتتعلم فى هدوء واحترام ورقى
اكتسبت صفات جيده اعجبتنى فى اناس وان لم تكن بهم فى الحقيقه الا اننى جردتها كصفات وجعلتها قدوه ومحتذى
بالنهايه لاشئ صادق مئه بالمئه وليس هناك شئ مأمون العواقب وان كان النت فى نظرى اقل المغامرات خطوره

هو ده النت
فى رعايه الله

أنا واحد من الناس اللى النت أثر فيا جداااً فى معاملاتى فى إسلوبى فى كل حاجه
وبجد
هنه الواحد بيحس بالحريه بيحاول يكمل النقص والعجز والكبت اللى فى الحياه فى النت

فانا فى البدايه عايزه اسال و ابقى اقول راى فى النهايه
هل أبرمت إتفاقات .. هل تعلمت علما نافعا .. هل حققت مكسبا ماديا ..
هل أثقلت معلوماتك .. هل إكتسبت خبرة فى الحوار مع الآخرين ..
هل لمست أثرا فى شخصيتك ..
من الاخر ايه وجهه نظرك للنت و مفهومك ليه؟؟؟؟



اكيد طبعا النت غير فيا حاجات كتير جداااا فى اسلوبى فى الكلام وفى شخصيتى وطريقة تفكيرى واتعلمت منه حاجات كتير جداااا فى الحياة
خلانى اجتماعى اكتر من الاول وعلمنى الجرأة والحوار
بجد النت ده من احسن الحاجات اللى حصلتلى فى حياتى
واحسن حاجة فى النت بردو انى عرفت عن طريقه منتدى الثانوية اجمل منتدى اشتركت فيه فى حياتى بجد والله
وزى ما النت ليه عيوبه هو بردو ليه مزايا كتير جداااا زى اللى قلت بعضها

بصراحه النت دا جميل جميل جميل

والنت دا صراحه انا مأقدرشى استغنى عنه ابداااا ع الاطلاق

وبعدين دا كفايه انه خلانا نكلم ناس زى العسل شكل حضراتكم وبعدين النت اثر فيا جداااااا وخلانى انى مقدرشى اعدى يوم من غيرا ما اقعد ع الجهاز وافتح نت
وبعدين النت هو مفيد فى حاجت وموش مفيد فى حاجات مفيد للى يستخدمه صح
وموش مفيد للى موش يستخدمه صح

وبعدين هوه النت وحش فى حاجه انه واخد وقت الواحد مننا اكتر مما تتصورى يمكن موش بقعد واتكلم مع ابى وامى قد ما بعقد ع النت
وحاجات كتير
وفى النهايه اشكرك ع طرحك لهذا الموضوع

ويقطع النت وسنينه

موضوع جميل جزاك الله كل خير

بصى يا اسدات

النت ده حاجة حلوة جدا

ممكن تشوفى العالم كله وانتى قاعدة

لا تكاليف ولا اى حاجة:p

كمان ممكن تعملى ابحاث وانتى قاعدة

ممكن تتعلمى وانتى قاعدة

زى ما احنا موجودين فى المنتدى ده

بس المهم ناخد بالنا

ومش نستعبط وندخل فى متاهات ونقول اصل احنا بتستفاد:rolleyes:

اللى عاوز يستخدمه صح حيستخدمه صح

واللى عاوز يستخدمه غلط حيستخدمه غلط

موضوعك جميل

تسلم ايديكى:)

النت دا ادمان
زى الدم ما بيمشى فى العروق
النت بيمشى زيه
حب النت غريزة فطرية تجرى فى عروق كل مدمن نت مجرى الدم:d
بجد على قد من النت ليه ايجابياته ليه سلبياته
ويمكن سلبياته اكتر من ايجابياته

بصى يا ستى كل اختراع دلوقتى تقريبا ليه عيوب ومميزات الخطأ فين بقى؟
الخطأ هوا فى المستخدم اللى بيوجهه انا لو كويس اكيد هفتح مواقع كويسة استفيد بالوقت وايه هيا المعلومات اللى هشوفها
لو مش كويس هخرج بضياع الاخلاق
طبعا المسئول عن ده هوا التربية لازم نهتم بالتربية والنشأة واننا نزرع فى قلوب اولادنا منذ الصغر الالتزام بالتعاليم الدينية وانهم ميلتزموش بيها بس قدام الناس لا لازم يكون الانسان صادق مع نفسه ويلتزم بدينه وبأدبه
لو كل واحد ربى ولاده صح عمر ده مهيكون حالنا
وشكرا على موضوعك

النت يوفر كل شئ بلا مقابل

استخدامه يتوقف على الاشخاص و معرفتهم لدينهم و تربيتهم

فالنت ليس بالشئ القبيح

بل انه اختلاف الاشخاص و الشخصيات فى مدى خوفهم من الله و حرصهم على انفسهم

ام عن نفسى
فالنت غير فى اشياء كثيرة
فتعلمت علما نافعا و علمت ما وصل الى من علم
تعلمت كيفية التعامل مع الاشخاص والشخصيات المختلفة
تقبلت الاخرين فى حوارهم و فى افكارهم

اذا النت يعتمد على مستخدميه اى نعم جانب من المسئولية يقع على عاتق المفسدين الناشرين للفساد و لكن الجانب الاكبر على المستخدمين لانهم من يقررون


موضوع مهم و رائع و شكرا

بصراحة انا استفدت كتير من النت
بس بردوا ليه سلبيات يمكن اكتر من الاجابيات
المهم الواحد يعرف يوجه نفسه عالنت
و كمان يعرف ينظم وقته
لانه بصراحة بيضيع الوقت جدا

سوف اوافيكى بالرد فى وقت لاحق ان شاء الله

لا ليه مميزات و ليه عيوب
ا نت ليك عقل
خلصت

اللى عاوز يستخدمه صح حيستخدمه صح

واللى عاوز يستخدمه غلط حيستخدمه غلط

ايوه هو دا المضمون اللي فعلا عاوز يستخدمه صح هيستخدمه واللي موش عاوز موش هيستخدمه صح

اه بجد وبصراحه انا استفدت منه كتير جدا فوق ما أي حد يتصور وبعدين النت سلاح ذو حدين اللي عاوز الخير منه هيلاقيه واللي عاوز الشر برضه هيلاقيه بس كل واحد وضميره والله أعلم بمكنونات النفوس ..