متدين = ارهابي = لازم نبعد عنه عشان دا مؤذي [الأرشيف]

مشاهدة النسخة كاملة : متدين = ارهابي = لازم نبعد عنه عشان دا مؤذي

dr.zomba

28-08-2008, 10:12 PM

السلام عليكم ورحمة الله وبركاته

كنت النهارده بقلب في المواقع ودخلت علي موقع لينك

لقيت مقال انا كنت بفكر فيه وبيقول كل اللي انا عاوزه اسيبكم مع المقال

****----------------***********************------------------****

كتب: محمد رفعت - لأن معظم كتاب السيناريو وصناع السينما بشكل عام ليسوا من المتدينين ، فقد شوهوا صورة المتدين على الشاشة ، وأظهروه في صورة " الدرويش " المنعزل عن الحياة ، أو المتطرف المعادى للمدنية والمجتمع مثل شخصية الطالب التي جسدها محي إسماعيل بطريقة كاريكاتيرية في فيلم " خلى بالك من زوزو " ، وبالطبع انتصر الفيلم لشخصية " زوزو " ابنة الراقصة التي اختاروها كفتاة مثالية للجامعة ، في حين ظل " محي " يصرخ بهستيرية " جمعاء .. جمعاء "

ومع بداية المد الإسلامي ، وظهور تيارات الإسلام السياسي ، عقب الثورة الخومينية في إيران ، اختفى التسامح تماماً في علاقة السينما المصرية بالتدين ، واختفت شخصيات مثالية طيبة ومعتدلة مثل " الشيخ حسن " الذي ظل يعطف على المجرم الخارج من السجن أو فريد شوقي في فيلم " جعلوني مجرماً " وإن لم ينجح في إنقاذه من اضطهاد المجتمع له ، باعتباره " رد سوابق " أو خريج إصلاحية .
وحلت مكان " الشيخ حسن " الطيب المتسامح شخصيات أخرى تتخذ من الدين ستاراً للتواكل والإهمال في العمل بحجة أداء الصلاة مثل الشخصية التي لعبها الممثل أحمد عقل ، الموظف في مجمع التحرير من خلال فيلم " الإرهاب و الكباب " .
أو ستاراً للسرقة والابتزاز وارتكاب الفواحش مثل دور صاحب شركة توظيف الأموال ، حسن مصطفى في فيلم أحمد زكى وإيناس الدغيدي " امرأة واحدة لا تكفى " ، و شخصية الحاج " جلال الشرقاوي " في فيلم " البدروم " للمخرج الراحل عاطف الطيب ، وإن كان " الطيب " نفسه هو الوحيد الذي قدم شخصية الشاب المتدين بشكل إيجابي فى أفلام الثمانينات ، وهى شخصية المعيد بكلية الاقتصاد والعلوم السياسية " أحمد سلامة " في فيلم " أبناء وقتلة " ، والذي يرفض إغواء زوجة أخيه له ، ويرتبط بمعيدة محجبة زميلة له بالكلية ، ويلقى محاضرات عصرية عن الاقتصاد الإسلامي ، والغريب أن كاتب سيناريو الفيلم حكم على هذه الشخصية بالموت برصاصة طائشة من غريم والده القديم " مجدي وهبة " ، والذي اكتشفنا في نهاية الفيلم أنه والد الفتاة المتدينة التي يحبها أبن عدوه القديم " شيخون " .
وتحت زعم محاربة التطرف والإرهاب .. قدم عادل إمام أكثر من فيلم بداية من " الإرهابي " ، وحتى " حسن ومرقص " ، يخلط فيه بين التدين بمعناه الصحيح ، وبين التشدد المرفوض ، وجماعات العنف التي حملت أسم الإسلام ظلماً وعدواناً ، وهى بعيدة كل البعد عن روحه ورسالته للناس أجمعين .
وسار على نفس النهج كتاب ومخرجون ونجوم آخرون أساءوا كثيراً إلى صورة المتدين الحقيقي ، وحاولوا تحدى مشاعر الشعب المتدين فطرياً بالإساءة إلى صورة الفتاة المحجبة أو المنقبة ، والتركيز على النماذج الشاذة التي تتخذ من الزى المحتشم وسيلة للخداع والتمويه ، وكأن كل المحجبات أو المنقبات كاذبات ومخادعات .. ووجد بعض صناع الأفلام في هذه الطريقة غير المباشرة بديل آمن لنشر أفكارهم الخبيثة عن الدين والتدين ، بدلاً من مغامرة المجاهرة بها ومواجهة غضب الناس وحنقهم كما حدث مع وزير الثقافة فاروق حسنى بسبب تصريحاته حول الحجاب .
ويأتي وحيد حامد على رأس هؤلاء الكتاب الذين يحاولون دس السم في العسل ، وتشويه صورة المتدين من خلال نماذج شاذة وأحداث ملفقة ، وشخصيات وهمية أبدعها خياله ، ولا يخلو فيلم أو مسلسل لهذا الكاتب منذ " العائلة " وحتى " دم الغزال " من شخصية أو شخصيات متطرفة ، دفعتها ظروفها الصعبة وصدامها مع المجتمع وفشلها في التكيف إلى طريق التزمت والتشدد ، وكأن كل من يؤدى فروض الدين ، أو يذهب للصلاة في المسجد بانتظام ، هو بالضرورة متطرف أو إرهابي .
ولا ينافس وحيد بعد لينين الرملي على تشويه صورة المتدين في السينما ، سوى المخرج خالد يوسف ، وأفكاره في هذا الجانب لا تختلف كثيراً عن أفكار وحيد حامد ولينين الرملي وبالطبع عن أستاذه يوسف شاهين في النظرة للدين والتدين على الطريقة الإسلامية .
وسيظل الحال على ذلك الفهم المغلوط والتشويه المتعمد ، حتى يفطن المتدينون الحقيقيون إلى خطورة سلاح السينما والإعلام بشكل عام في تشكيل وعى الجماهير ونظرتهم للأمور ، ويظهر مبدعون ملتزمون دينياً يقدمون لنا صورة حقيقية للمتدين المعتدل على الشاشة .. فهل من مستجيب ؟!

****---------------------*****************--------------------****

مين فينا متأثرش بالافلام دي ولو للحظه؟

انا واحد من الناس وانا صغير لو كنت لقيت واحد بلحيه كنت بخاف منه وباخد جنب عشان متوقع انه هيطلع من جيبه مسدس ولا دبابه وهيموتني

كان تفكيري عن اي حد مربي لحيه انه لازم يكون ارهابي واخدتها قاعده حتي لو كان طيب كنت بقول اكيد بيمثل

اه اكيد في ناس فهمين الدين غلط دي حاجه محدش يقدر ينكرها بس بردو مينفعش ناخد الناس دول قاعده علي كل المتدينين

وبما ان الفكره دي الناس اتأثرت بيها لدرجة لو شافوا واحد بيصلي في الجامع بيعمل ( أ ب ) دين بقوا يقولوا : متشدد وبعد كدا ممكن يتحول ويبقي ارهابي

يا جماعه لازم نفهم اللي بيدور حوالينا لازم نعرف المخطط اللي بيتعمل علينا لان اكيد يعني كل الافلام دي مش مجرد صدفه عاديه دا تخطيط وتخطيط محترم اوي

ربنا يستر علينا وربنا يهدي كل عاصي

thedreamer33

28-08-2008, 11:46 PM

ahmed2845

28-08-2008, 11:57 PM

عندك حق يا مان الناس كلها خدت فكرة غلط عن الملتحين والمتديين
لانه مش لازم الملتحى او المتدين يكون بيفكر بعدوانية
عمر التدين ما كان دليل على تطرف الشخص وعدوانيته
مش بس كده
دول كمان دايما يطلعوا المأذون فى المسلسلات والافلام على انه شخص تافه والبطل يشده من هدومه ويبهدلوه ولا كانه رجل دين وليه احترامه
والانيل من كده كمان النكت اللى بيطلعها الشباب على الشيوخ والشتيمة اللى بيلقاها رجل الدين دلوقتى
مش عارف اقول ايه

Dr.Nobel

29-08-2008, 03:16 AM

والله عندك حق في كل كلمة قولتها

ومش في الافلام بس والحياة كمان

انا واحد داخل كلية صيدلة كل الناس حتي العميد بيقولك ابعد عن اسرة النور

ليه ؟ من غير ليه

دي اسرة متدينة وكلهم بدقون والبنات منهم بالنقاب يبقي مش تنفع تعرفهم حتي مع انهم اسرة عادية مش متذمتة يعني ولا شاديين اوى ولا اى حاجة

الناس كلها تقولك عايز تعرف حاجة اسال الاسر التانية بس بلاش اسرة النور

ده منطق غلط جداااااا وبضايق من حاجة زي دي لما تحصل

وياريت المفهوم ده يتصلح

وشكرا علي موضوعك

ندى رامي

29-08-2008, 01:19 PM

فعلا الافلام والمسلسلات مشوهة المنظر خالص
و بتحاول ترسيخ فكرة ان المتدين ارهابى وان الناس كلها فى نظره كفار
بالنسبه للتأثير للاسف هما وصلوا للى هما عاوزينه الى حد كبير واستطاعوا بالتكرار انهم يحققوا ده

جزاك الله خيرا

أحمد بلما

29-08-2008, 01:23 PM

حسبي الله ونعم الوكيل في اعلامنا الهابط الفاشل اللي جعل من المتدينين ارهابيين وجعل من شعوب العرب شعوب هلس و مسخرة لا تهتم الا بكل ماهو ساقط وتافه .منهم لله

Dr.Mai

29-08-2008, 02:18 PM

أولا أشكرك ع الموضوع لانه فعلا مهم
ثانياً فكرة ان المتدين ارهابي مش واصله للعرب بس دي واصله كمان للغرب
يحكي أحد المشايخ انه كان راكب الطياره وبيصلي أول ما قال الله أكبر
راكب أجنبي قعد يصرخ ويقول ارهابي وحصل شغب فظيع جدا ده لان كلمة الله أكبر كانت بالنسبه له بدايه لعمليه ارهابيه زي ماكل الغرب فاهمين ان الاسلام دين الارهاب
شكرا ع الموضوع مره تانيه
http://img519.imageshack.us/img519/838/df960bc9d81wm2.gif

محترف الأدسنس

29-08-2008, 03:06 PM

المشكلة تكمن في الجذور من كون المنبع غير معروف ....

مع انه معروف ولكن جاء ضباب فجعل الشكوك والاوهام تغطيه........

الآن لا تستطيع أن تثق في أحد او تظن انه يرشدك إلى الصواب

كيف والشكوك تدور حوله؟

ربما............ولكن.......

من الناحية الاعلامية صحيح وشكرا.......

Dr.diamond

29-08-2008, 03:32 PM

عندك حق فى كلامك
دايما فى الافلام عشان يقولك ان ده ارهابى يلبسوه ابيض فى ابيض ويكون طبعا بلحيه وممكن يبقى عايش فى خيمه بعيد فى الصحرا ويخلوه يشوف اى حد يقول عليه كافر
وبكده الناس تفهم ان اى واحد لابس ابيض ومربى لحيته يبقى ارهابى
وطبعا بيبالغوا جدا فى الفيلم
ولازم يطلعوا الاخوان جماعه ارهابيه واى كلام
وبكده بيبعدوا عن الدين وبيأثروا على الناس ويفهموا الشباب ان اللحيه مثلا تشدد والنقاب تشدد برضه ويبعدوا الناس عن الدين خالص ويفهموهم ان هو ده الصح
انا لحد دلوقتى عمرى ما شوفتهم عملوا فيلم او مسلسل بيصور المتدين الصح او الاخوان على حقيقتهم بمميزاتهم الحقيقيه وعيوبهم

COoL HEaRT

29-08-2008, 10:21 PM

بسم الله الرحمن الرحيم

فى البدايه اهنيك ع اختيار الموضوع المميز ده بجد رائع

نيجى للمهم ........ انا الصراحه مليش تعليق ع المقاله لانها الصراحه زى مبيقولوا لا تشوبها شائبه

بس عامه احنا كلنا اتاثرنا بالافلام دى وانا بردو كنت بخاف من المنقبات جداا ولسه بردو بخاف مع العلم ان خالتى وبنتها منقبات

انا مش معترضه عليه بس بقى فى حجات وحشه بتتعمل وبيكون وسيله فى ستر المجرمين

طبعا استخدامه الغلط هو السبب ملوش علاقه بالدين احنا اللى اسأنا لدينا ولنفسنا

وبالنسبه للافلام اللى بوظت وشوهت كلمه مسلم او مسلمه........ يعنى المخرج بيحتاج انه يحط مشهد انفجار عبوه ناسفه ولا بتاع

ميلقيش قدامه غير الارهابى ..ويلزقلك الارهابيين فى المسلمين

ويحطلك كام صوره فى الافيش عن عربيه مولعه ولا بتاع

واحنا زى الأمامير ندخل الفيلم ونشوف تلاقى ان .......... المتدين = الارهابى =لازم نبعد عنه عشان دا مؤذى :d

ويبقى الحال كما هو عليه

وفعلا تخطيط محترم واللى بيلعبها لاعبها صح اوووى وعرف يدخل من نقطه كويسه

بس معرفش ..امتى تفكيرنا هيتغير ...هل هنفضل كده ؟؟؟؟؟؟؟؟!!!!!!!

ولا هنتغير؟؟ وايه اللى هيغيرنا !! احنا اللى مفروض نغير نفسنا بس ازاى ؟؟

فين التوعيه فين الناس اللى خايفه ع الدين ؟؟

فى اسأله كتير ...موضوع كويس وقابل للنقاش ...

وليا عودات متكرره بس لما يكون فى نقاش

فى رعايه الله وربنا يكرمكوا

dr.zomba

30-08-2008, 02:07 AM

عندك كل الحق فيما تقول
ونخلى بالنا الناس دى مبتتماداش الا علشان بندفع فلوس وندخلهم افلامهم
يبقى احنا لما نشوف حاجة زى كده مندخلهاش اصلا
وحاجة تانية ابلغ رد على الناس دى
ان اكون انا مثال للمسلم العصرى
المتمسك بتعاليم دينه
والمشارك بفعالية فى مجتمعه
وشكرا على الموضوع

ماهو ياريت الناس متدخلش الافلام دي كانت هتفرق جامد والله بس للاسف العكس هو اللي بيحصل تلاقي الواحد من دول بنقد فيلم زي حين ميسره مثلا وتاني يوم يكون داخله

اكيد طبعا لازم نبدأ بنفسنا ونكون احنا مسلمين كويسين بس المشكله ان التيار المعاكس شديد يعني الميديا دي من اقوي الاسلحه اللي بيقدروا يسيطروا بيها علي عقول الناس

ربنا يهدي

شكرا علي المرور الجميل:)

عندك حق يا مان الناس كلها خدت فكرة غلط عن الملتحين والمتديين
لانه مش لازم الملتحى او المتدين يكون بيفكر بعدوانية
عمر التدين ما كان دليل على تطرف الشخص وعدوانيته
مش بس كده
دول كمان دايما يطلعوا المأذون فى المسلسلات والافلام على انه شخص تافه والبطل يشده من هدومه ويبهدلوه ولا كانه رجل دين وليه احترامه
والانيل من كده كمان النكت اللى بيطلعها الشباب على الشيوخ والشتيمة اللى بيلقاها رجل الدين دلوقتى
مش عارف اقول ايه

وغيره وغيره وعادل امام وهو بيتريق علي المنقبات والمتدينين عموما

الفكره كلها انهم عايزين يضيعوا هيبة المتدينين واحترامهم قدام الناس

منغير ما تقول الموضوع واضح زي الشمس

شكرا علي المرور الجميل:)

والله عندك حق في كل كلمة قولتها

ومش في الافلام بس والحياة كمان

انا واحد داخل كلية صيدلة كل الناس حتي العميد بيقولك ابعد عن اسرة النور

ليه ؟ من غير ليه

دي اسرة متدينة وكلهم بدقون والبنات منهم بالنقاب يبقي مش تنفع تعرفهم حتي مع انهم اسرة عادية مش متذمتة يعني ولا شاديين اوى ولا اى حاجة

الناس كلها تقولك عايز تعرف حاجة اسال الاسر التانية بس بلاش اسرة النور

ده منطق غلط جداااااا وبضايق من حاجة زي دي لما تحصل

وياريت المفهوم ده يتصلح

وشكرا علي موضوعك

يعني بقت الدقن والنقاب دي سمعه مش كويسه

لا حول ولا قوة الا بالله

المشكله ان المنطق دا بقي صعب يتغير بس لما كل واحد هيبدأ بنفسه الموضوع هيتغير اينعم تغير بطئ بس احسن من مفيش

شكرا علي المرور الجميل:)

فعلا الافلام والمسلسلات مشوهة المنظر خالص
و بتحاول ترسيخ فكرة ان المتدين ارهابى وان الناس كلها فى نظره كفار
بالنسبه للتأثير للاسف هما وصلوا للى هما عاوزينه الى حد كبير واستطاعوا بالتكرار انهم يحققوا ده

جزاك الله خيرا

وربنا يستر من اللي جاي لو مفهمناش

وجزاكي مثله

وشكرا علي المرور الجميل:)

حسبي الله ونعم الوكيل في اعلامنا الهابط الفاشل اللي جعل من المتدينين ارهابيين وجعل من شعوب العرب شعوب هلس و مسخرة لا تهتم الا بكل ماهو ساقط وتافه .منهم لله

فعلا حسبي الله ونعم الوكيل

بس برضو لازم نغير من نفسنا عشان محدش يمسك علينا حاجه

وربنا ينصر المسلمين

شكرا علي المرور الجميل:)

أولا أشكرك ع الموضوع لانه فعلا مهم
ثانياً فكرة ان المتدين ارهابي مش واصله للعرب بس دي واصله كمان للغرب
يحكي أحد المشايخ انه كان راكب الطياره وبيصلي أول ما قال الله أكبر
راكب أجنبي قعد يصرخ ويقول ارهابي وحصل شغب فظيع جدا ده لان كلمة الله أكبر كانت بالنسبه له بدايه لعمليه ارهابيه زي ماكل الغرب فاهمين ان الاسلام دين الارهاب
شكرا ع الموضوع مره تانيه
http://img519.imageshack.us/img519/838/df960bc9d81wm2.gif

لا حول ولا قوة الا بالله

يعني بدل ما ندعوهم للاسلام نكرههم فيه ونخوفهم منه

منهم لله اللي عملوا كدا

شكرا علي المرور الجميل:)

المشكلة تكمن في الجذور من كون المنبع غير معروف ....

لا المنبع معروف وعلي فكره انت كان ممكن تستغني عن المنبع او الجذور لان الاتنين هيدوا نفس المعني

مع انه معروف ولكن جاء ضباب فجعل الشكوك والاوهام تغطيه........

دا زي ما بيقولوا كدا السر اللي الناس كلها عارفاه

الآن لا تستطيع أن تثق في أحد او تظن انه يرشدك إلى الصواب

بعد القرآن والسنه لا مفيش

كيف والشكوك تدور حوله؟

يبقي متثقش في حد من الاساس غير كلام ربنا ثم الرسول اكيد دول مفيش فيهم شكوك

ربما............ولكن.......

من الناحية الاعلامية صحيح وشكرا.......

انا حاسس اني عايز اعيط

ردك في تحويرات كتير مينفعش طبعا ارد عليه كله مره واحده عشان كدا هرد علي كل نقطه لوحدها

بعد اذنك يا حسام حاول ردك يكون بعيد عن الفلسفه بعد كدا لان في ناس كتير بتبقي عايزه تقرأ الردود وتستفيد مش لازم نعقد الامور في وشهم

وشكرا لمرورك:)
عندك حق فى كلامك
دايما فى الافلام عشان يقولك ان ده ارهابى يلبسوه ابيض فى ابيض ويكون طبعا بلحيه وممكن يبقى عايش فى خيمه بعيد فى الصحرا ويخلوه يشوف اى حد يقول عليه كافر
وبكده الناس تفهم ان اى واحد لابس ابيض ومربى لحيته يبقى ارهابى
وطبعا بيبالغوا جدا فى الفيلم
ولازم يطلعوا الاخوان جماعه ارهابيه واى كلام
وبكده بيبعدوا عن الدين وبيأثروا على الناس ويفهموا الشباب ان اللحيه مثلا تشدد والنقاب تشدد برضه ويبعدوا الناس عن الدين خالص ويفهموهم ان هو ده الصح
انا لحد دلوقتى عمرى ما شوفتهم عملوا فيلم او مسلسل بيصور المتدين الصح او الاخوان على حقيقتهم بمميزاتهم الحقيقيه وعيوبهم

ولا انا شوفت حاجه زي كدا

هما لازم يعملوا كدا ويبينوهم بالطريقه دي

دي سياسه عليا

والله الواحد تعب من اللي بيحصلنا دا

ربنا يهدي الجميع

مشكور علي المرور الجميل:)

بسم الله الرحمن الرحيم

فى البدايه اهنيك ع اختيار الموضوع المميز ده بجد رائع

نيجى للمهم ........ انا الصراحه مليش تعليق ع المقاله لانها الصراحه زى مبيقولوا لا تشوبها شائبه

بس عامه احنا كلنا اتاثرنا بالافلام دى وانا بردو كنت بخاف من المنقبات جداا ولسه بردو بخاف مع العلم ان خالتى وبنتها منقبات

انا مش معترضه عليه بس بقى فى حجات وحشه بتتعمل وبيكون وسيله فى ستر المجرمين

طبعا استخدامه الغلط هو السبب ملوش علاقه بالدين احنا اللى اسأنا لدينا ولنفسنا

وبالنسبه للافلام اللى بوظت وشوهت كلمه مسلم او مسلمه........ يعنى المخرج بيحتاج انه يحط مشهد انفجار عبوه ناسفه ولا بتاع

ميلقيش قدامه غير الارهابى ..ويلزقلك الارهابيين فى المسلمين

ويحطلك كام صوره فى الافيش عن عربيه مولعه ولا بتاع

واحنا زى الأمامير ندخل الفيلم ونشوف تلاقى ان .......... المتدين = الارهابى =لازم نبعد عنه عشان دا مؤذى :d

ويبقى الحال كما هو عليه

وفعلا تخطيط محترم واللى بيلعبها لاعبها صح اوووى وعرف يدخل من نقطه كويسه

بس معرفش ..امتى تفكيرنا هيتغير ...هل هنفضل كده ؟؟؟؟؟؟؟؟!!!!!!!

ولا هنتغير؟؟ وايه اللى هيغيرنا !! احنا اللى مفروض نغير نفسنا بس ازاى ؟؟

فين التوعيه فين الناس اللى خايفه ع الدين ؟؟

فى اسأله كتير ...موضوع كويس وقابل للنقاش ...

وليا عودات متكرره بس لما يكون فى نقاش

فى رعايه الله وربنا يكرمكوا

والله التوعيه موجوده والناس اللي بتتغير كتير

بس زي ما قولت قبل كدا التيار المعاكس شديد اوي اوي طريق السينما والميديا دا من اقوي الطرق تأثيرا علي الناس

ومن اسهل الطرق اللي بتاكل دماغ الناس

وبرضو زي ما قولت قبل كدا التغيير موجود فعلا بس بطئ جدا والتيار المعاكس اقوي منه عشان كدا مغطي عليه

وبالنسبه للناس اللي بتتخذ من الدين ستار ليها دول للاسف بيساعدوا التيار المعاكس وهما مش قاصدين وفي كتير منهم بيكونوا قاصدين ودول مندسين

والخوف من دول بقي بجد

بس لو بصينا اصلا للارهاب اللي علي حق هنلاقي ان امريكا من اكبر الدول الراعيه

يكفي ان الواحد وهو ماشي في طريقه للبيت او لاي حته بيكون مش ضامن انه هيروح يبقي فين الارهاب هنا ولا هناك؟

ربنا يستر من اللي جاي لان الدور جاي علينا

شكرا علي المرور والرد الجميل

وتنوري بأي مناقشه:)

اوركيديا

30-08-2008, 02:21 AM

MBM-MaDo

30-08-2008, 02:54 AM

هاقلك حاجة انا عارف واحد عشان مربى لحيته..

مسجل خطر فى امن الدولة..

و لو حصل تفجرات فى جنوب الصومال...

بيبعتوا له....

الحكومة عايزة كدة...

و ان شاء الله ليا رد تانى لانى مش مصحصح دلوقت..

ان شاء الله ليا باك..

شناكل..

dr.zomba

30-08-2008, 09:03 PM

اكيد المتدين ارهابى

مش هو عايز يبقى صح
عايز يوقفلهم البيزنس بتاعهم كله
يعنى لو صوروا المتدين صح
و الناس حبته و عرفته و حبت الصوره
و بقت عايزه تبقى زيه
يبقى هما حيكلو منين
حيشحتو يعنى
لا
يبقى خلاص يرفعو شعار احنا ضد التشدد
لحيه لا
طرحه حتى مش حقول خمار او نقاب لا
ده حتى اللبس المحترم بس بقى دلوقتى لا

اقولك على حاجه منقدرش نعيب عليهم الا بمقدار
لو واحد احنا عشره
هما بيدورو على لقمه العيش بتاعتهم
بيكسبو من كده
يعنى بيستفادو من الكلام ده
يعنى من الاخر فيه سبب للى بيعملوه
اما احنا بقى ايه السبب
ليه بنسمع الكلام و نصدق
ليه بنعامل كل حاجه بقلب بفته بيضه
و كمان نبتدى نطبق كلامهم على اللى حوالينا
ده و ده و ده و كمان ده متشدددددددددددددددددددددددددددددددددين
مينفعش الكلام ده الاحسن نبعد عنهم

الموضوع اننا و زى كل حاجه احنا اللى بنعمل كده فى نفسنا

فى رعايه الله

الفكره كلها اننا بنعمل كدا غصب عننا في مثل بيقولك الزن علي الودان امر من السحر

ودول بيزنوا علي ودنا وعنينا ودمغنا واحلمنا وكل حاجه

تقلبي اي قناه تلاقي نفس الهدف من كل برنامج او مسلسل تفتحي اي جرنان هتلاقي نفس الكلام

تتدخلي علي النت وتقلبي شويه هتلاقي نفس الحوارات

احنا مجبرين علي اللي بيحصل دا لسبب واحد ان كتير مننا مش فاهم عشان كدا سهل التأثير عليه وزي ما قولت قبل كدا الفاهم بيلاقي موجه اكبر منه مغطيه عليه عشان مينشرش حاجه ويبقي الحال كما هو عليه وتفضل الناس نايمه ويفضل البيزنيس بتاعهم ماشي

مشكور علي المرور الجميل

في امان الله:)

هاقلك حاجة انا عارف واحد عشان مربى لحيته..

مسجل خطر فى امن الدولة..

و لو حصل تفجرات فى جنوب الصومال...

بيبعتوا له....

الحكومة عايزة كدة...

و ان شاء الله ليا رد تانى لانى مش مصحصح دلوقت..

ان شاء الله ليا باك..

شناكل..

طبعا منور المنتدي كله يا مبدع وليك وحشه

والعينه اللي بتقول عليها دي في منها كتيييييييييييييييييير اوي

مستني ردك التاني يا باشا ونورت الموضوع

مشكور علي المرور الجميل:)

Tawfeek Yahia

30-08-2008, 09:11 PM

kalifor

30-08-2008, 10:51 PM

يا سيدى دى ناس جهلة....
بلا عادل امام بلا بتاع

الاجمل فى الموضوع
انه مبقاش يتضحك علينا بالكلام ده....
واتعرفت نواياهم الخبيثة...
...(( ولا يحيق المكر السئ الا بأهله..))
ان شاء الله خير اوى قادم

د/ ماجدولين

30-08-2008, 11:28 PM

السلام عليكم
حضرتك كلامك صح جدااااااا
والمصيبة أن احنا قاعدين وساكتين:(
أذا كانت الأفلام دى مش بتأثر علينا عشان احنا عارفين ديننا كويس
بس هى بجد بتآثر ع الغرب برة:confused:
أنا ليا واحدة صاحبتى كانت بتكلم بنت مسلمة من دولة أوربية ولكن اصلها مصرى:)
ولما جت سيرة الحجاب فى النص
لقت البنت بتقولها أنتى بنت متشدة عشان محجبة:eek::confused:
بجد مفهوم سيئ وخاطئ
وأنا اعتقد كمان
أن العمليات الأرهابية اللى بيعمولها الأرهابين اللى بدقن دول مش مسلمين
دول ناس بيتشبهوا بالمسلمين فى زيهم
طب وبعدين ما القسيس بيربى دقنة:rolleyes: ومش بيمشى غير بالصليب:rolleyes:
حد بيقدر يتكلم:)
والراهبات كمان لبسهم آخر احتشام:rolleyes:
حد بيقول عليهم متشددين:rolleyes:
بالعكس دول بيعتبروهم مثل أعلى:)
والله أنا معايا بنت فى كلية الطب منقبة
لاقيتها مرة بتسألنى بمنتهى البراءة
هو أنا ينفع أقرب من اسرة الزهراء(دى اسرة للبنات فقط بالكلية وتتبع صناع الحياة)؟؟؟؟؟؟؟؟
ولما قولتلها
طب وأية المانع؟؟؟؟؟؟؟؟!!!!!!!!!
قالتلى
دول اسرة متدينة وأنا منقبة يبقى دة ممكن يعملى مشاكل؟؟؟؟؟؟!!!!!!!!!
والله عجبت من زمان
يجهر فية العاصى بمعصيتة ويخجل المؤمن فية من طاعتة:confused:
اللهم ثبتنا وأعنا فليس لنا غيرك
شكرا ع الموضوع

رجب سعد محمود

30-08-2008, 11:47 PM

والله أنا قرأت الموضوع فعجبني جدا وقلت أضيف تعليق صغير ..
حكالي واحد صاحبي مرة .... إن هو كان راكب أتوبيس في مرة وشاف منظر غريب ها تتعجبوا منه ؛ عارفين شاف إيه ؛ شاف ولد صغير ( طفل ) مع والدته ، الولد شاف شاب راكب الأتوبيس بلحية ، صرخ على آخره واتفزع ويقول إرهابي يا ماما إرهابي هيموتني وهيه تقولوا ما تخفش يا حبيبي .. فما كان من الشاب إنه قال للست والدت الطفل ليه يا ست كده مأخدين الولد فكرة سيئة عن المتدينين .. يا ست أنا طالب في كلية الهندسة ومتفوق .. كل ذنبي إني ملتزم بالسنة .. وبعد الشاب عن الولد ورجع ورا خالص في الأتوبيس ...
شوفتوا إن الحاجات دي بتترك أثر على نفوس الأطفال ازاي ... ربنا يستر علينا
قال رسول الله صلى الله عليه وسلم : " يأتي زمان على أمتي القابض فيه على دينه كالقابض على جمر من النار "

الشفق الباكي

31-08-2008, 09:39 AM

فعلا دى حقيقه ان الصورة اللى بتترسخ فى اذهان الاطفال وبتاثر فيهم هى الصورة اللى بينقلها الاعلام
وفعلا لازم نغير المفهوم دا ونحاول ننقل المفهوم الصح

JusT DreaM

31-08-2008, 03:32 PM

فعلا الموضوع ده منتشر وبيتكرر كل يوم
خلاص دلوقت الملتزم بدينه بقى الوحش اللي البلد كلها تخاف منه
احنا عندنا الواحدة اللي بتلبس جيبة وطرحة كبيرة تبقى المتشددة والمفروض الناس تنصحها وتدعيلها بالهداية
انا عن نفسي وانا صغيرة كنت بخاف من الملتحيين
وللاسف دلوقت بيجيبوهم في الافلام والمسلسلات ان هما بيعصو ربنا وبيرتكبو الكبائر بعيد عن الناس وقدام الناس تعمل نفسها المتدينة
ربنا يهدينا يارب ويصلح احوال بلدنا
شكرا على الموضوع
جزاك الله خيرا

MBM-MaDo

01-09-2008, 07:28 PM

طبعا منور المنتدي كله يا مبدع وليك وحشه

والعينه اللي بتقول عليها دي في منها كتيييييييييييييييييير اوي

مستني ردك التاني يا باشا ونورت الموضوع

مشكور علي المرور الجميل:)النور نورك...

و المنتدى منور باعضائه.....

هاولك مثال تانى طالب فى العشرين ناوى يخلص جامعة و يشوف مستقبله...

الولد اتلم على صحبة خير...

ربى دقنه على خفيف...(ده كدة فى الفيوم...)..

واحد فى اسوان حصل له حادث ....

طلع يهودى...

الدنيا تتقلب...

و الواد يتشد من قفاه و يتشال..:huh:

مين اللى معاك و فين المتفجرات.....:ph34r:

طلع من جيبه مصحف...

فضلوا يضربوا فيه لحد ما مات...

و فى التقرير مات و هو بيحاول الهرب(من مكتب المباحث)....<_<

عشان كدة دايما اخرتها بتبقى شناكل.....:wacko:

شناكل....:mellow:

dr.zomba

03-09-2008, 04:36 AM

طبعا موضوعك جميييل .. هجيبلك من الاخر هما واخدين الفكره دي ليه دايما ... لما تلاقي اللي قتل السادات بدقن ومتدين وكان

فرد في الجماعه الاسلاميه ...ولما تلاقي اللي عملوا انفجارات شرم الشيخ من كام سنه برضه بدقن ومتدينين وغيره وغيره

كتييير كل عمليه ارهابيه لازم يكون اللي منفذها او حتي له ايد فيها واحد متدين ...لما تلاقي كل دا لازم الناس كلها يتنقل لها

فكرة (الارهاب والتدين متلازمان )بس طبعا هو كلام مش صح لان كل دا بيكون مدبر او المتدين دا لاقي الاوضاع غلط فبيصلحها

بطريقه حجريه طريقة التمرد بغباء ..........زي واحد كدا .......شكرا

هو فعلا بيكون عايز يصلح اوضاع غلط بس بغباء

بس علي الاقل مننشرش غسيلنا اللي مش نضيف قدام العالم كله

يعني لو كانت الحكومه دي بتخاف علي الدين فعلا كانت منعت الموضواضيع دي بطريقه او باخري

بس طبعا هما ليهم مزاج ليها عشان يكون تأثيرها علي الناس زي دلوقتي كدا

ربنا يستر من اللي جاي

شكرا علي المرور الجميل:)

يا سيدى دى ناس جهلة....
بلا عادل امام بلا بتاع

الاجمل فى الموضوع
انه مبقاش يتضحك علينا بالكلام ده....
واتعرفت نواياهم الخبيثة...
...(( ولا يحيق المكر السئ الا بأهله..))
ان شاء الله خير اوى قادم

ممكن حضرتك وانا وكل اللي في سننا يكونوا واكبر مننا بقوا مبيتأثروش بالكلام دا انما التعليم في الصغر كالنقش علي الحجر ودا اللي هما بيعملوه الطفل لما يكبر علي ان الراجل اللي بدقن وجلابيه دا متدين هتبقي حاجه ثابته عنده وهتاخد وقت علي ما تتغير دا اذا اتغيرت

ربنا يهدي الكل

شكرا علي المرور الجميل:)

السلام عليكم

حضرتك كلامك صح جدااااااا
والمصيبة أن احنا قاعدين وساكتين:(
أذا كانت الأفلام دى مش بتأثر علينا عشان احنا عارفين ديننا كويس
بس هى بجد بتآثر ع الغرب برة:confused:
أنا ليا واحدة صاحبتى كانت بتكلم بنت مسلمة من دولة أوربية ولكن اصلها مصرى:)
ولما جت سيرة الحجاب فى النص
لقت البنت بتقولها أنتى بنت متشدة عشان محجبة:eek::confused:
بجد مفهوم سيئ وخاطئ
وأنا اعتقد كمان
أن العمليات الأرهابية اللى بيعمولها الأرهابين اللى بدقن دول مش مسلمين
دول ناس بيتشبهوا بالمسلمين فى زيهم
طب وبعدين ما القسيس بيربى دقنة:rolleyes: ومش بيمشى غير بالصليب:rolleyes:
حد بيقدر يتكلم:)
والراهبات كمان لبسهم آخر احتشام:rolleyes:
حد بيقول عليهم متشددين:rolleyes:
بالعكس دول بيعتبروهم مثل أعلى:)
والله أنا معايا بنت فى كلية الطب منقبة
لاقيتها مرة بتسألنى بمنتهى البراءة
هو أنا ينفع أقرب من اسرة الزهراء(دى اسرة للبنات فقط بالكلية وتتبع صناع الحياة)؟؟؟؟؟؟؟؟
ولما قولتلها
طب وأية المانع؟؟؟؟؟؟؟؟!!!!!!!!!
قالتلى
دول اسرة متدينة وأنا منقبة يبقى دة ممكن يعملى مشاكل؟؟؟؟؟؟!!!!!!!!!
والله عجبت من زمان
يجهر فية العاصى بمعصيتة ويخجل المؤمن فية من طاعتة:confused:
اللهم ثبتنا وأعنا فليس لنا غيرك

شكرا ع الموضوع

والله فعلا مش بعيد يكونوا اللي بيعملوا العمليات دي متشبهين في زيهم

بس الاكيد انهم مش مسلمين من داخلهم

""المسلم من سلم الناس من لسانه ويده""

وللاسف فعلا الواحد بقي يخاف يعبد ربنا ويعمل الف باء عباده عشان خايف يتقال عليه متشدد او يتعمله مشكله فعلا

اللهم امين

شكرا علي مرورك الجميل:)

والله أنا قرأت الموضوع فعجبني جدا وقلت أضيف تعليق صغير ..
حكالي واحد صاحبي مرة .... إن هو كان راكب أتوبيس في مرة وشاف منظر غريب ها تتعجبوا منه ؛ عارفين شاف إيه ؛ شاف ولد صغير ( طفل ) مع والدته ، الولد شاف شاب راكب الأتوبيس بلحية ، صرخ على آخره واتفزع ويقول إرهابي يا ماما إرهابي هيموتني وهيه تقولوا ما تخفش يا حبيبي .. فما كان من الشاب إنه قال للست والدت الطفل ليه يا ست كده مأخدين الولد فكرة سيئة عن المتدينين .. يا ست أنا طالب في كلية الهندسة ومتفوق .. كل ذنبي إني ملتزم بالسنة .. وبعد الشاب عن الولد ورجع ورا خالص في الأتوبيس ...
شوفتوا إن الحاجات دي بتترك أثر على نفوس الأطفال ازاي ... ربنا يستر علينا
قال رسول الله صلى الله عليه وسلم : " يأتي زمان على أمتي القابض فيه على دينه كالقابض على جمر من النار "

لا حول ولا قوة الا بالله بقي المتدين دلوقتي يتخاف منه

للاسف حققوا هدفهم وطلعوا المتدينين بالصوره اللي هما عيزنها

حسبي الله ونعم الوكيل

مشكور علي المرور الجميل:)

فعلا دى حقيقه ان الصورة اللى بتترسخ فى اذهان الاطفال وبتاثر فيهم هى الصورة اللى بينقلها الاعلام
وفعلا لازم نغير المفهوم دا ونحاول ننقل المفهوم الصح

هو دا المفروض نغير مفهومنا بس فين بقي

شكرا علي المرور الجميل:)
فعلا الموضوع ده منتشر وبيتكرر كل يوم
خلاص دلوقت الملتزم بدينه بقى الوحش اللي البلد كلها تخاف منه
احنا عندنا الواحدة اللي بتلبس جيبة وطرحة كبيرة تبقى المتشددة والمفروض الناس تنصحها وتدعيلها بالهداية
انا عن نفسي وانا صغيرة كنت بخاف من الملتحيين
وللاسف دلوقت بيجيبوهم في الافلام والمسلسلات ان هما بيعصو ربنا وبيرتكبو الكبائر بعيد عن الناس وقدام الناس تعمل نفسها المتدينة
ربنا يهدينا يارب ويصلح احوال بلدنا
شكرا على الموضوع
جزاك الله خيرا

هما عايزين يطلعوهم انهم هما الوحشين وهما اللي عايزين يبوظوا البلد عشان الناس تكرههم

وحصل

وجزاكم مثله

شكرا علي المرور الجميل:)

النور نورك...

و المنتدى منور باعضائه.....

هاولك مثال تانى طالب فى العشرين ناوى يخلص جامعة و يشوف مستقبله...

الولد اتلم على صحبة خير...

ربى دقنه على خفيف...(ده كدة فى الفيوم...)..

واحد فى اسوان حصل له حادث ....

طلع يهودى...

الدنيا تتقلب...

و الواد يتشد من قفاه و يتشال..:huh:

مين اللى معاك و فين المتفجرات.....:ph34r:

طلع من جيبه مصحف...

فضلوا يضربوا فيه لحد ما مات...

و فى التقرير مات و هو بيحاول الهرب(من مكتب المباحث)....<_<

عشان كدة دايما اخرتها بتبقى شناكل.....:wacko:

شناكل....:mellow:

احنا حكومتنا طيبه ولا بتبهدل ولا بتموت من التعزيب ولا اي حاجه خالص

الله يرحمه ويرحمنا من اللي جاي

مشكور علي المرور الجميل للمره التانيه يا مبدع شرفت موضوعي:)

maldeno

03-09-2008, 07:15 AM

جزاك الله خيرا
احنا بنبوظ في صورتنا في الاعلام

dr.zomba

04-09-2008, 04:17 AM

جزاك الله خيرا
احنا بنبوظ في صورتنا في الاعلام

وجزاكم مثله

للاسف كلامك صح احنا اللي بنبوظ صورتنا بأيدينا وعلي مستوي العالم

حسبي الله ونعم الوكيل

مشكور علي مرورك الجميل:)

COoL HEaRT

04-09-2008, 04:42 AM

dr.zomba

05-09-2008, 08:19 PM

هو فعلا بيكون عايز يصلح اوضاع غلط بس بغباء

بس علي الاقل مننشرش غسيلنا اللي مش نضيف قدام العالم كله

يعني لو كانت الحكومه دي بتخاف علي الدين فعلا كانت منعت الموضواضيع دي بطريقه او باخري

بس طبعا هما ليهم مزاج ليها عشان يكون تأثيرها علي الناس زي دلوقتي كدا

فعلا هى بقت كده الحكومه بتاعتنا الله يجازيها كانت ممكن تمنع المهازل دى بس تقول ايه بقى

بس الصراحه اللى عاوز يفهم الدين صح ميرحش يتفرجع افلام من امتى يعنى وهم بيجيبوا حقايق فى الافلام دى

عشان بس منكنش بنضحك ع نفسنا ونقول ان الدوله هى السبب اى نعم الوسيله اللى دخلوا بيها لعقول الناس اكثر تاثير

بس اللى عاوز يعرف فعلا واللى بيشغل دماغه مش هيكتفى بافلام وغيره لا هتلاقيه بيدور عشن يعرف الحقيقه

وبالنسبه

الناس كلها عارفه انهم مش بيجيبوا حقايق في الافلام وقليل لما تلاقي حد كبير مصدق اللي بيحصل في الافلام

بس هما بيشتغلوا علي الصغيرين عشان يربوهم علي كدا من الاول

وبالنسبه للغرب هما بيصدقوا كدا لانهم عايزين يصدقوا وعايزين يشمتوا فينا وقليل لما تلاقي حد منهم تفكيره محايد عشان يدور علي حقايق من مصادر تانيه

الدوله هي السبب بس دا مينفعش اننا علينا مسؤليه بردو يعني لو كل اولياء الامور منعوا طفالهم من الفرجه علي الافلام دي او حتي يخليهم يتفرجوا بس بعد كدا يشرحلهم الحقيقه انما محدش فاضي للاسف عشان يفضل يشرح الاب في الشغل وبيرجع عايز ينام والام في المطبخ ومش بتخرج منه

التعليم في الصغر كالنقش علي الحجر

ماحنا كنا كلنا كده مع الوقت الخلفيه دى هتتغير

بالرغم ان الموضوع خطر

فالواحد مفروض يحاول يوعى الناس زى الموضوع اللى انت عامله مثلا

وعامه ربنا يهدينا جميعا ان شاء الله

وهنا بقي دور الاهل انهم يعرفوا اطفالهم فين الحقيقه زي ما قولت فوق

امين

مشكوره علي المرور والرد للمره التانيه

نورتي الموضوع:)

dr.saeed

10-09-2008, 01:23 AM

http://www3.0zz0.com/2008/09/09/23/999534447.png
دة دائما مبدأ الفاسقين
والمضلين
ومبدأ بردة شياطين الانس

7med@

10-10-2008, 12:59 PM

dr.zomba

10-10-2008, 01:44 PM

http://www3.0zz0.com/2008/09/09/23/999534447.png

دة دائما مبدأ الفاسقين
والمضلين

ومبدأ بردة شياطين الانس

بالظبط يا سعيد

بس للاسف شياطين الانس بقت اسوء من شياطين الجن

ربنا يرحمنا ويسترها معانا

نورت الموضوع يا سعيد :)

dr.zomba

12-10-2008, 12:56 AM

في البداية اشكرك على المقالة الجميلة دي
و الافلام المصرية شوهت صورة الدين في عين الناس وبقى لازم ان الملتحي يكون ارهابي ولابس ابيض وبيكلم بالعربية الفصحي ... إلخ
وانا حصل معايا موقف مرة كنت باكلم واحد انجليزي وعايش في روسيا فعرف ان اسمي احمد فقالي انت مسلم قلتله اه قالي bye bye لانه عرف اني مسلم يبقى اكيد ارهابي سواء بدقن او من غير .

والله كنت بتكلم مع واحد ملتحي من كام يوم الراجل ياعيني حاسس انه غريب يعني بيهزر معانا وكل حاجه وهو جاي ماشي بيقولنا عشان متفتكروش ان الملتحي دا حاجه وحشه ولا حاجه

يعني حتي الراجل حاسس ان الناس بتبصله علي انه شخص مش طبيعي من كتر اللي بيحصله

واحنا اللي وصلنا للغرب الكلام دا من اللي الاعلام بيعمله

ربنا يسترها مع الناس

نورت الموضوع وشكرا علي مرورك :)