|
مشاهدة النسخة كاملة : عايزة مساعدة منكم عن تربية _رياضة DODA 29-08-2008, 06:22 AM انا الحمدالله دخلت كليه تربية_رياضة كنت عايزة لو حد يعرف عنها حاجه يقولي عن المواد مثلا عن الدراسة وكده يعنى وعن الامتحان اللي انا همتحنه هما قالو لي ان في امتحان يوم 6-9 ومش عارفة ده امتحان ايه مسطره 15-09-2008, 01:24 AM بصي يادودا انا مش عارفه انتي في جامعه ايه بس في جامعه عين شمس 7 مواد تقريبا في كل ترم وفي رياضه بحته وتطبيقيه ومواد تربوي زي (طرق تدريس-تكنولوجيا- اداره-مشكلات )وكده وممكن تخدي عربي انجليزي تذوق وكده في سنه تالته بتنزلي حاجه اسمها تربيه عملي ده في الترم التاني وبتبقي في مدرسه ابتدائي قريبه من بيتك وفي سنه رابعه بتزلي مدرسه اعدادي وبيكون في الترمين لو عزتي اي حاجه أنا تحت أمرك TWO EM 09-10-2008, 10:16 PM انـــا طــالب في كلية التربية فعلااا في الفرقة التانية قسم رياضة "عام" وبـدرس في جامعة قنـــاة الســويس .. هي بعيدة شوية عنكم لكن علي فكرة انا اساسا من المنصورة بس الحظ بقي منه لله هو اللي رماني الرمية دي في كلية التربية ... بصي بالنسبــة للمـــواد اللي هتاخديها بدءا من سنة اولي هتنقسم لثلاث اقسام اول قسم .. المــواد الاكاديمية او مواد التخصص المواد اللي فيها تنقسم قسمين رياضــة بحتــه ورياضــة تطبيقيــة البحتة هتدرسي فيها تفاضل وتكامل وهندسة تحليلية وفراغية وجبر خطي ومتقدم ومجرد .. الخ المواد دي كلها انا درستها فعلاا في سنة اولي اوكي ماشي اما الرياضة التطبيقية فبتشمل الديناميكا والاستاتيكا تمام فيه بقي مـــواد تانية بتاخديها في القسم العلمي في اولي وتانية بس وبتنضــاف للمجموع وهي كيمــيــاء وفيــــزيـــــاء بانواعهم يعني انا مثلا درست في سنه اولي كيميا تحليلية وعضــوية وفيزيائية ودرست في الفيزيا حرارة وخواص ماده وكهربية ومغناطيسية وفيه سكاشن يعني عملي لكل المواد دي تـــاني قسم .. المــواد التربـــــــويـــة هتدرسي مادتين او تلاته في كل ترم وكلها بتنضاف للمجموع او بتتحسب تبع االتقدير يعني المواد دي مملة جداا وبصراحة هي مشكلتي في الكلية لانها كم كبير جدا وكلام انشا ودش ووجع دماغ عـ الفاضي ده وجهة نظري فيها طبعا ههههه عموما اسامي المواد اللي درسته في سنه اوليا هي مبادئ تربية . مبادئ تدريس .. المعلم ومهنة التعليم مبادئ علم نفس .. علم نفس النمــو .. تدريس المنهج الدراسي ثالث قســم هو قسم المواد الثقافية المــواد دي مبتنضافش للمجموع بس مواد نجــاح وسقوط طبعــــا يعني ممكن تشليها وفي الغالب بتبقي مادتين في كل ترم .. وبتبقي حاجات بسيطة كده مش معقدة يعني ولا حاجه انا درست في سنه اولي انجليزي وحقوق انسان وعربي وحاسب الي بس كـــده يا ستي شوفتي بقي الموضوع بسيط ازااي ههههههه مواد كتير فعلاا مش كده :d اتمني بجد اكون اديتك فكرة عن اللي ممكن تدرسيه في الكلية وتحيــــاتي مسطره 09-10-2008, 11:11 PM :dايه ده كله كل ده بتدرسوه انت عقد البنت:bosyht9:قبل ماتدخل ياله ربنا معاكو ويكرمكم في السنين الجياه TWO EM 10-10-2008, 02:10 PM :dايه ده كله كل ده بتدرسوه انت عقد البنت:bosyht9:قبل ماتدخل ياله ربنا معاكو ويكرمكم في السنين الجياه هههههههه يعني اخدعها يعني يا مسطرة مش بقولها الحكيكة عشان متتصدمش لما تدخل وتبقي قدام الامر الواقع _______ ربنا معاك انت كمان محمد فري دوم 18-10-2008, 06:06 PM نورتي كلية التربية الرياضية كلهاااااا بس انا في فيصل وزيك في سنة اولي وربنا يعينا كلنا محمد سيد ,, kotomoto2 01-11-2008, 09:26 PM دودا ماتزعليش انا فى سنة اولى تربية رياضية طنطا ولحد دلوقت مش عارفة اية اللى ها ندرسة taher172007 25-11-2008, 05:24 PM ههههههه انا خريج من تربية /رياضة (قصدى تربية/ رياضيات ) لان فيه فرق كبيييييييييييييييييييييييييييييييييييييييييييير بين تربية /رياضيات و تربية /رياضية أظن فرق واضح اتمنى التوفيق لمعلمى رياضيات المستقبل أ / أحمد takytoto 15-01-2009, 02:24 PM انا بردة زيك تربية رياضة جامعة الزقزيق وطلعان عينى:abdoog8:على العموم لو عوزتى اى مساعدة كلمينى:av4056bb7jp3: |