نداء حــــــــــــــــــــــــــــــار الي مشرفي هذا المنتدي أرجوكم
المنتدي ده قرب يفقد مصداقيته .... انا زهقت بصراحة , بالرغم من اني اخدت امتحانات كتير واستفدت من المنتدي ده جدا كمدرس ولكن من المحترمين فقط...
هل يعقل ان كل واحد بيهرج وبيستظرف وبيرخم وبيضيع لنا وقتنا يكتب اي عنوان ملفت زي مثلا "نتيجة امتحان الكادر حصريا" و زي اللي يخش يكتب موضوع مفروغ منه ومعروف واللي يخش بقول نظام الكادر ده وحش ... طب ما كلنا عارفين وخلاص ولا هوا حشو للمنتدي وبس؟
بعض المستظرفين يكتب عنوان نار خطير ونخش نلاقيه بيستهبل وبيستخف دمه ويقولنا انتو صدقتو؟
ايه التلامة دي يا جدعان ... حد يقوله يا جماعة هيا ناقصاك؟
ازاي المواضيع دي تستمر في المنتدي والمشرفين ما يشيلوهاش ؟ ازاي مايعقبوش صحاب المواضيع التافهة دي بالغاء عضويتهم؟
انا مش متحامل عليهم والله , لكن الموضوع بقي مستفز جدا بشكل ممل لدرجة ان اي موضوع عنوانه ملفت مابقتش اقرب منه لاني اتاكدت انه كله هجس
عايزين حاجات تثري المنتدي تميزه عن غيره من المنتديات التعليمية الاخري, عايزين نقرب من بعض كمدرسين ويبقي المنتدي نقطة قوة لينا والمكان اللي يجمعنا عشان نبقي ايد واحدة عايزين نعمل دعاية جامدة جدا للمنتدي لتجميع كل المدرسين في مكان واحد, زي ما اليهود كلهم اتجمعوا في ارض واحدة واصبحو قوة ( قياس مع الفارق طبعا) اقصد ان التوحد في حد ذاته قوة.. عايزين حد يسمع لينا , مش عايزين حد يفرض علينا حاجة نتيجة لضعفنا . عايزين مادة علمية في جميع التخصصات تفيد كل اخوانا في المنتدي, عايزين نتناقش في طرق التدريس , عايز نشارك بعض في كل حاجة, عايزين نتفق علي تسعيرة واحدة للدروس الخصوصية ! :d كده يعني
مش كل واحد مزنوق في كلمة عبيطة يخش يحشي بيها المنتدي...
اعذروني يا جماعة انا كنت مبقوق من العالم الرخمة دي سامحوني ...

اخى الكريم
بارك الله فيك
ان شاء الله المشرفين يعملون على قدم وساق
ولكن كثرة الموضوعات والردود المخالفة دة بيحتاج وقت شويه لتنقيحها
وبالفعل تم حذف موضوعات كتير جدا وردود قد تكون بالمئات وتم ايضا ايقاف اعضاء ممن تتحدث عنهم

نسألك الدعاء
وان شاء الله ترى القسم كما تريد وتحصل منه على اكبر استفادة

ملحوظة :
نشكر حضرتك لتعاونكم معنا بابلاغنا عن موضوع مخالف او رد مخالف
فى موضوع اخبرنا عن مخالفة بقسم الكادر ستجده موضوع مثبت بالاعلى

اخى الكريم لماذا انت حاد هكذا على زملائك دعنا ننفس عن أنفسنا والا سنموت الحقيقة ان معظمنا وجد فى هذا المنتدى المتميز متنفسا لاخراج مالدينا من كبت وانا شخصيا ارى ان هذا القسم من المنتدى بالذات حجرة واسعة تلمنا نحن المدرسون المغلوب على أمرهم واسالك الست مثلنا ناقما على هذا الوضع الخطا وأنا أراك مستسلما لذل امتحان الكادر واعصابك مشدودة جدا لدرجة انك اسرعت بالدخول لموضوع (نتيجة امتحان الكادر ) لعل النتيجة ظهرت وكلنا نعلم وأنت منهم ان النتيجة بعد أسابيع ومعروفة مسبقا فلا داعى للقلق والحكم على زملائك بالرخامة وشكرا وكل عام وانت بخير

معاك حق يا اخي الكريم

معك حق ولكن هؤلاء الدخلا لا اعتقد انهم معلمين وان كانو اعتقد انهم قله قليله لا ترقي لمستوي الجماعه الغالبيه هنا محترمه اوي والحمد لله

الله يفتح عليك قلت اللى كتير منا عايز يقوله

المفروض هذا القسم يتعامل مع ناس كبار فى السن والمقام والمكانة وعلى قدر المسؤلية
لكن للاسف يوجد بعض الهفوات وهذا شيئ متوقع لهذا يوجد موضوع مثبت اخبرنا عن مخالفة بقسم الكادر ونحن نزلها فورا
شكرا لتعاونكم معانا

الرجاء وجود أكثر من مشرف
مشرف خاص بتصحيح الأخطاء الإملائيه ، ومشرف خاص بتصحيح عناوين الموضوعات ، ومشرف خاص بحذف كل موضوع ليس له أهمية ، ومشرف خاص بحذف كل كلمه لا تليق ومشرف خاص بإلغاء عضويه كل شخص مستهان ،،،، وهكذا برجاء العمل
حتى يرقى هذا المنتدى للأفضل
ولكم تحياتى

اشكركم علي المشاركة
انا كنت فاكر ان انا لوحدي اللي قرفان !

ويجيئ الوزير بعدها مقررا أيها المعلم حان امتحانك فلا تكون خجولا

من اجل جنيهان معدودات أنشاؤا لك اكاديمية لتعيش ايامك في الحياة زليلا

قلم رصاص وممحاة وبراية ليس لديك على التزوير دليلا

أه ِ وقد رسبت فلا مناص من حرمانك المال والدرجات سبيلا

ألا أيها الأذلاء فإنني لن أعيش بعد اليوم ذليلا ..

اجمل ما قرأت فى المنتدى شكراً أخى الحبيب على الكلام الجميل وان كلامك يتميز بالحده وزعل بعض الاعضاء لكنه هو الصح بعد ما اصبحنا عرضة للتسالى والعناوين الحارقة للاعصاب والتى يعلم الله من يقوم بكتابتها اهم مدرسون ام طلبة بيضحكوا ع المدرسين؟

هات سيجارة ياعم نسيت العلبة في البيت
الظاهر والله اعلم ان مافيش فايدة
ومصر كلها مابقتش فالحة غير في التهريج

الكلام واضح وصريح اساتذتى الافاضل
نحن لا نمنع التنفس و لكن نعترض على السخرية من المعلم او المعلومة
ركن المعلم للمعلم
وركن الكادر ايضا للمعلم
ولذا يجب ان تساعدونا ان رايتم ماهو غير لائق
الرجاء ارسال لينك الموضوع التافه او غير اللائق فى رسالة خاصة
وسوف يتم التعامل معه فى الحال
مدرس جاد افضل من الف مستهترين هذا هو مبدأنا
ولا تراجع فى الكلام
و بلاش حد يحس بالضيق لان المنتدى ملك لمن يتعامل بايجابية

هات سيجارة ياعم نسيت العلبة في البيت
الظاهر والله اعلم ان مافيش فايدة
ومصر كلها مابقتش فالحة غير في التهريج

ده انت تاعبنا على الفاضى بقى
سيادتك بتهرج فى موضوعك

لا والله
انا برد علي الاخ اللي بيهرج
اصل حضرتك مش واخد بالك انه من اصحاب المواضيع "القيمة"
ارجو تفهمني

عيب عليك تعمل كدة فى موضوعك يا عم شرشر

لو رديت عليك ياعم جريت مش هيبقي منتدي محترم ,, انا والله بجد برجوك انك تجيب مواضيع تفيد الناس مش تشارك بموضوع عبارة عن جملة مالهاش لازمة (ده في رأيي المتواضع) وبكل حب .. وسيبك م اللي انا بكتبه في مواضيعي لاني برد علي الناس اللي المفروض ارد عليهم يا جريت باشا .. وولا عايزني سلبي زي بعض الناس؟؟؟؟؟؟؟

معاك حق يا اخي الكريم

لو رديت عليك ياعم جريت مش هيبقي منتدي محترم ,, انا والله بجد برجوك انك تجيب مواضيع تفيد الناس مش تشارك بموضوع عبارة عن جملة مالهاش لازمة (ده في رأيي المتواضع) وبكل حب .. وسيبك م اللي انا بكتبه في مواضيعي لاني برد علي الناس اللي المفروض ارد عليهم يا جريت باشا .. وولا عايزني سلبي زي بعض الناس؟؟؟؟؟؟؟

اولا افهم من كلامك انك عاوز تشتمنى

ثانيا انت غلطان لانك مش هتصلح الناس

ثالثا الى مقتنع بحاجه ما بيغيرهاشى اوكى

رابعا لاتتقبل مرورى

لا سمح الله, انا لساني يتقطع قبل ما اشتم زميل ليا
انا كنت بس متضايق من بعض مشاركاتك بصراحة مع اني لسه عضو جديد
لانها عناوين وفقط
لكن في مشاركة ليك فيها التربوي والعربي خلتني اغير رأيي وانا عن نفسي حملتها
وماتزعلش مني يا عم انا اسف
وخد مني البوسة دي

هو الحوار فى الاخر هينتهى على ايه ؟
مش ممكن يا افاضل !
رمضان كريم
يارب يا greatmaster يارب تبطل السجاير فى شهر رمضان
ربنا يحبب فيكم خلقه
وبلاش عصبية

انا كدا صدقت كلام مدرس فاضل.......ساعه اما قال ...احذر من لقب((((عضو جديد))))...

معلش يا مستر ما تزعلش نفسك ازمة وتزول ان شاء الله وما تخليش كل حاجة ع اعصابك كدة هدى نفسك هدى نفسك وبعدين يا مستر مش كل المواضيع تافهة يعنى فى ناس بيكتبوا مواضيع حلوة وابقى ادخل مواضيعى وشوف حتلاقيها كلها اى كلام هههههههههههههه..لا بجد يا مستر فى مواضيع حلوة وان شاء الله ربنا يسهل ونقضى ع التافهين والمتحاملين ع المنتدى وربنا يسهل الحال.والسلام عليكم ورحمة الله

معك حق أخى الفاضل وأضيف أن هناك مهرجين وشامتين أيضا وركّاب موجة -كما يقولون- وأعطى لك مثالا فهناك عضو يدعى خيرى زاهر قرأت له مشاركة كتب فيها ما معناه إن لو مدرس راسب درّس لأولادى سأرفع علية دعوة قضائية إننى أتحدى أى مستشار من الوزارة فى مادة تخصصى وأشياء أخرى من هذا القبيل المتكبر ولقد أثارت هذه المشاركة وغيرها لنفس العضو حفيظة عدد كبير من الإخوة ,,,, هذا على سبيل المثال
ماذا تقول فى مثل هذا العضو ؟رأيى أنا أنه حلال فيه الفصل

حسبى الله لا إله إلا هو عليه توكلت وهو رب العرش العظيم

معاك حق يا اخي الكريم

نداء حــــــــــــــــــــــــــــــار الي مشرفي هذا المنتدي أرجوكم
المنتدي ده قرب يفقد مصداقيته .... انا زهقت بصراحة , بالرغم من اني اخدت امتحانات كتير واستفدت من المنتدي ده جدا كمدرس ولكن من المحترمين فقط...
هل يعقل ان كل واحد بيهرج وبيستظرف وبيرخم وبيضيع لنا وقتنا يكتب اي عنوان ملفت زي مثلا "نتيجة امتحان الكادر حصريا" و زي اللي يخش يكتب موضوع مفروغ منه ومعروف واللي يخش بقول نظام الكادر ده وحش ... طب ما كلنا عارفين وخلاص ولا هوا حشو للمنتدي وبس؟
بعض المستظرفين يكتب عنوان نار خطير ونخش نلاقيه بيستهبل وبيستخف دمه ويقولنا انتو صدقتو؟
ايه التلامة دي يا جدعان ... حد يقوله يا جماعة هيا ناقصاك؟
ازاي المواضيع دي تستمر في المنتدي والمشرفين ما يشيلوهاش ؟ ازاي مايعقبوش صحاب المواضيع التافهة دي بالغاء عضويتهم؟
انا مش متحامل عليهم والله , لكن الموضوع بقي مستفز جدا بشكل ممل لدرجة ان اي موضوع عنوانه ملفت مابقتش اقرب منه لاني اتاكدت انه كله هجس
عايزين حاجات تثري المنتدي تميزه عن غيره من المنتديات التعليمية الاخري, عايزين نقرب من بعض كمدرسين ويبقي المنتدي نقطة قوة لينا والمكان اللي يجمعنا عشان نبقي ايد واحدة عايزين نعمل دعاية جامدة جدا للمنتدي لتجميع كل المدرسين في مكان واحد, زي ما اليهود كلهم اتجمعوا في ارض واحدة واصبحو قوة ( قياس مع الفارق طبعا) اقصد ان التوحد في حد ذاته قوة.. عايزين حد يسمع لينا , مش عايزين حد يفرض علينا حاجة نتيجة لضعفنا . عايزين مادة علمية في جميع التخصصات تفيد كل اخوانا في المنتدي, عايزين نتناقش في طرق التدريس , عايز نشارك بعض في كل حاجة, عايزين نتفق علي تسعيرة واحدة للدروس الخصوصية ! :d كده يعني
مش كل واحد مزنوق في كلمة عبيطة يخش يحشي بيها المنتدي...
اعذروني يا جماعة انا كنت مبقوق من العالم الرخمة دي سامحوني ...
صدقت والله يا اخى