الموضوع مهم جدااااا اخر مقارنة بين تعليم الازهر و تعليم العام [الأرشيف]

مشاهدة النسخة كاملة : الموضوع مهم جدااااا اخر مقارنة بين تعليم الازهر و تعليم العام

mohammed1990

29-08-2008, 06:22 PM

بسم الله الرحمن الرحيم
يا جماعه احنا بنحاول نوضح الفروق بين الازهر و التربية و التعليم و لية طلبة الازهر كارهين التعليم بتاعه
الازهر
1 المواد كتير جدا جدا 18 ماده فى الثانوية
2 الكليات قليلة جدا على عدد الطلبة
3 مستوى التعليم فى النازل
4 مستوى الطلبة زبالة جدا جدا
5 الغش فى الامتحانات يسحق فرص التكافؤ فى دخول الكلية
6 صعوبة التنسيق و مش فاهم معنى التنسيق الالكترونى
و احنا بنقف طوابير
7 التنسيق على مرحلة واحده تخنق الطلبة
8 ادخال الرغبات كلة ذى بعضه اللى جاب 99% ذى
اللى جاب 55%

العام
1 كل سنة بيدرسوا 5 مواد فقط
2 فى كل محافظة توجد جامعه
3 مستوى التعليم افضل من الازهر
4 مستوى الطلبة وسط
5 ما فيش غش مما يساعد ان كل طال ياخد حقة
6 التنسيق بسهولة جدا
7 التنسيق عى 3 مراحل
8 ادخال الرغبات حسب المجموع

و غيرها من المقارنة

لو عندك اى مقارنة اخرى يا ريت تكتبها

احمد فاروق1991

29-08-2008, 08:46 PM

نسيت حاجة يا استاذ

الاساتذة فى الازهر الصراحة مستوى الطلبة اعلى منهم
ولكن فى التربية والتعليم الاساتذة على مستوى عالى جداااااااااااااااااااااااااااااااااااااااااااا من الكفأة

ولذلك طلبة الازهر لما يحبوا يخدوا دروس بياخدوا مع مدرسين من التربية والتعليم بالاخص فى المواد العلمية

بنت ازهريه

29-08-2008, 09:15 PM

جزاك الله خيرا
على المقارنه الرائعه دى
السلام عليكم

أيمن الوزير

04-09-2008, 01:30 PM

سامحكم الله علي محاربة الأزهر يا أيها الأزهريين

سا محكم الله يا من تحاولون الإساءة بهذا الصرح العتيق

amaly

04-09-2008, 04:28 PM

بداية يا mohammed1990 السلام عليكم
أرى أن معظم مواضيعك تدور حول السب فى الأزهر وطلبة الأزهر وأساتذة الأزهر
ولست أدرى لماذا أنت محروق جدا من الأزهر بهذا الشكل
هل أنت طالب أزهرى ؟ أو كنت تدرس فى الأزهر ؟
أن كنت كذلك فهل كنت طالبا ناجحا أم فاشلا ؟
على العموم سوف أرد فى كل جزئية كتبتها أنت عسى أن يهديك الله وإيانا والمسلمين أجمعين

أنت قلت
المواد كتير جدا جدا 18 ماده فى الثانوية
شيئ طبيعى جدا أن المواد تكون فيها شيء من التخصص ؟ مثل البلاغة والنحو والصرف والتفسير والحديث والعروض بالأضافة إلى اللغة الأنجليزية والفرنسية
فمن وجهة نظرى فهى مواد مهمة لطالب الأزهر الذى سوف تكون من بين مهامة فى المستقبل نشر دين الله

خذ عندك مثلا طالب الثانوى الصناعى قسم ملابس جاهزة فإنه يدرس رسم هندسى - باترون - خامات- مقايسات - معدات- زخرفة - بالأضافة إلى المواد الأساسية مثل العربى والعلوم والأنجليزى والرياضيات وهكذا

إذن كل تعليم يدرس المواد المخصصة من أجله
إذن العيب ليس فى الأزهر ولامواد الأزهر

أنت قلت
الكليات قليلة جدا على عدد الطلبة
من وجهة نظرى لاأرى ذلك
الكليات والطلبة فى تناسب طردى
فمثلا هناك كليات يتم أفتتاحها عند الحاجة
ويجب ان تراعى أن المعاهد الأزهرية قليلة العدد بالنسبة للمدارس
كما أن كثافة الفصول فى الأزهر تكون فى المتوسط خمس وثلاثون طالبا مقارنة بالمدارس

أنت قلت
مستوى التعليم فى النازل
ياأخى هذا حال التعليم بصفة عامة سواء كان أزهرى أو غير أزهرى
والله العظيم لقد رأيت فى الأعدادى تعليم عام طلبة لا يعرفون الكتابة جيدا أو القراءة ودخلوا ثانوى عام ودخلوا جامعة

أنت قلت
مستوى الطلبة زبالة جدا جدا
أنا سألتك سؤال فى البداية وهو هل أنت طالب أزهرى ؟ أو كنت تدرس فى الأزهر ؟
إن كان كذلك فإنك بذلك تكون قد حكمت على نفسك
وإن كان غير ذلك فلا تحكم على شيء ولاتطلق أحكام عامة ومطلقة على شيء لا تعرفه

أنت قلت
الغش فى الامتحانات يسحق فرص التكافؤ فى دخول الكلية
لست معك فى هذة النقطة
مبدئيا دعنا نتفق على أن الغش حرام
الغش لاينفع الطالب الضعيف أبدا
عندما يغش الطالب الضعيف ويدخل كلية أعلى من مستواة فإنه فى الغالب لايكمل فيها ويحول إلى كلية أقل منها فى المستوى وفى أحسن الظروف يأخذ السنة فى سنتين
وحتى لوفرضنا جدلا أنك لم تغش وهناك طالب أخر قد غش ودخل كلية أفضل منك فيكفيك ياأخى أنك أطعت الله ولم تغش وربما يكرمك الله فى كليتك وتأخذ منها شهادة تستطيع أن تعمل بها ويبارك لك الله فى هذا العمل وهذا عن تجربة شخصية
وهل ترى الأن أن هناك من يعمل بشهادته؟
فى زمن قلت فيه فرص العمل بالشهادات

أنت قلت
صعوبة التنسيق و مش فاهم معنى التنسيق الالكترونى
و احنا بنقف طوابير
التقدم إلى مكاتب التنسيق فى التربية والتعليم كان يتم كذلك وكان هناك طوابير والتنسيق الألكترونى لم يبدأ فى التربية والتعليم إلا منذ سنتين فقط وبالتأكيد سوف يقوم الأزهر بتطبيقة بعد أن يستقر

أنت قلت

التنسيق على مرحلة واحده تخنق الطلبة
8 ادخال الرغبات كلة ذى بعضه اللى جاب 99% ذى
اللى جاب 55%
أعتبر أن هذ سوء تنظيم

أنت قلت
ما فيش غش مما يساعد ان كل طال ياخد حقة

أكيد أنت لم تسمع أخبار المنيا وحادث تسريب الأمتحانات
ربما تقول أن هذه حوادث فردية
حاول أن تقابل طالب ثانوية وتسألة هل غششت فى امتحان الثانوية العامة من زميلك ؟
وكم مادة قام بالغش فيها ؟؟

أخيرا ربنا يهديك يامحمد ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍!!!!!!!

mohammed1990

04-09-2008, 06:13 PM

هل أنت طالب أزهرى ؟ أو كنت تدرس فى الأزهر ؟
أن كنت كذلك فهل كنت طالبا ناجحا أم فاشلا ؟

‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍

بسم الله الرحمن الرحيم
انا طالب ازهرى
وكنت بدرس فى معهد الدراسة اقدم معهد على مستوى الجمهورية
انا اسمى محمد عبده محمد
رقم جلوسى 100011 و جايب 94% و تقدر تتاكد من موقع الازهر
دا خلاف 3 درجات من تصحيح التوحيد
انت لو جيت المعهد بتاعى و درست فية يوم واحد هتقول اكتر بكتير من انا اللى بقولة

king mo7amed

04-09-2008, 06:18 PM

تعليم ؟؟ هوة فيه تعليم في مصر ولا انا نايم

mr.soliman

06-09-2008, 10:54 AM

الاخ Mohammad
لا استغرب من كتابتك لهذه المواضيع لانه يبدو من كلامك ان هذا هو مستوى تفكيرك القاصر
وليس معنى خيبتك وبلادتك ان كل الطلاب مثلك ومجموعك الذى تتحدث عنه كان سيحصل عليه اى شخص متخلف عقليا مع قليل من المذاكرة
اعرف طلابا كثيرين فى الازهر حصلو على 98 و 99 ومش بالغش لانك من الذين كانو يتمنون ان يتفوقو بالغش
زمن ادراك ان مستوى المدرسين ضعيف انا مدرس بالازهر وعندى طلبه كتير جدا من التربيه والتعليم وازاى عرفت ان مستوى التعليم فى العام افضل هو انت ازهرى ولا تربيه وتعليم ولا الاتنين
(انها لا تعمى الابصار ولكن تعمى القلوب فى الصدور )

mohammed1990

06-09-2008, 01:36 PM

الاخ mohammad
لا استغرب من كتابتك لهذه المواضيع لانه يبدو من كلامك ان هذا هو مستوى تفكيرك القاصر
وليس معنى خيبتك وبلادتك ان كل الطلاب مثلك ومجموعك الذى تتحدث عنه كان سيحصل عليه اى شخص متخلف عقليا مع قليل من المذاكرة
اعرف طلابا كثيرين فى الازهر حصلو على 98 و 99 ومش بالغش لانك من الذين كانو يتمنون ان يتفوقو بالغش
زمن ادراك ان مستوى المدرسين ضعيف انا مدرس بالازهر وعندى طلبه كتير جدا من التربيه والتعليم وازاى عرفت ان مستوى التعليم فى العام افضل هو انت ازهرى ولا تربيه وتعليم ولا الاتنين

(انها لا تعمى الابصار ولكن تعمى القلوب فى الصدور )

احب اقول لك يا استاذ سليمان انك جاهل ولا تعرف شئ
فعدد الطلبة الذين حصلوا على اعلى من 94% هم 1655 طالب من اصل 91000 طالب امتحنوا فى الثانوية الازهرية
و لى الشرف انى لم اغش فى الامتحانات و غيرى غش و تفوق على و جاب 100% و 99%
و اخيرا شكرا لك على ادبك

زهرة الاسلام

07-09-2008, 02:19 AM

والله العظيم ما يصح اللى احنا بنعمله ده .يا جماعة دا احنا فى رمضان .(المسلم من سلم المسلمون من لسانه ويده)

mmmmoooo

07-09-2008, 02:46 PM

السلام عليكم
انا درست بالتربية و التعليم و الان مدرسة بالازهر
فى طلاب فى الازهر فعلا ممتازين
و على فكرة الطالب الى مذاكر كويس هو الى ممكن يعرف يغش و لكن الطالب الى مش مذاكر طبعا مش هيعرف يغش
و الغش موجود فى كل مكان
وبعدين انت من الازهر المفروض تدافع عليه مش تهاجمه

mohammed1990

07-09-2008, 02:50 PM

وبعدين انت من الازهر المفروض تدافع عليه مش تهاجمه

كونى ازهرى هو ما يدفعنى حتى نظهر مشكلة الغش و نحاول ان نحلها
الحلول : ان يبدأ الطالب بنفسة
: ان يمنع المراقب الغش باى وسيلة

mmmmoooo

07-09-2008, 02:58 PM

الازهر مش زى زمان الان فى تقدم و فعلا الطلابة بتذاكر و نحن بنحاول ان يظهر الازهر فى احسن صورة
و كفاية ياعم ان انت حفظت القران
انا بحفظ و لكن بجد صعوبة
شفت دى ميزة ولا عيب

أيمن الوزير

07-09-2008, 11:46 PM

الأخ محمد 1990 لقد كنت أراك دائما لبقا في كلامك رغم كلامك الكثير ضد الأزهر والأزهرين ولقد شعرت أنك تهين كل معلم بردك الغريب علي الأستاذ الفاضل ( سليمان ) بالله عليك يا أخي لا تشتم فهو ليس أسلوب مسلم وخاصة ونحن في الشهر الكريم وتيقن أنك علي خطأ كبير وستثبت لك الأيام ذلك

وتأكد أن الجميع يناقضك سواء في التربية والتعليم أو الأزهر فلماذا تتعصب لرأيك

الجميع يردون عليك بالدليل

ويردون علي كل كلمة تسيء فيها للأزهر فلماذا تتمسك بكلامك , إنها ليست رجولة , لأنه ليس من الرجولة التمسك بالباطل

وعلي الرغم من كثرة سلبيات التربية والتعليم إلا أننا لم نجد من يشن هذه الحروب عليهم فلماذا تساعد في هدم التعليم الديني في مصر ؟ بالله عليك اتق الله

mohammed1990

08-09-2008, 12:23 AM

الاخ mohammad
لا استغرب من كتابتك لهذه المواضيع لانه يبدو من كلامك ان هذا هو مستوى تفكيرك القاصر
وليس معنى خيبتك وبلادتك ان كل الطلاب مثلك ومجموعك الذى تتحدث عنه كان سيحصل عليه اى شخص متخلف عقليا مع قليل من المذاكرة
اعرف طلابا كثيرين فى الازهر حصلو على 98 و 99 ومش بالغش لانك من الذين كانو يتمنون ان يتفوقو بالغش
زمن ادراك ان مستوى المدرسين ضعيف انا مدرس بالازهر وعندى طلبه كتير جدا من التربيه والتعليم وازاى عرفت ان مستوى التعليم فى العام افضل هو انت ازهرى ولا تربيه وتعليم ولا الاتنين

(انها لا تعمى الابصار ولكن تعمى القلوب فى الصدور )

يا استاذ ايمن لماذا هو وصفنى ب ( ان هذا هو مستوى تفكيرك القاصر
وليس معنى خيبتك وبلادتك ان كل الطلاب مثلك ومجموعك الذى تتحدث عنه كان سيحصل عليه اى شخص متخلف عقليا مع قليل من المذاكرة )
لو كان كلامى سيئا فأنا آسف على ما بدر منى فى حق الاستاذ سليمان

هانى الشرقاوى

08-09-2008, 01:14 AM

أنا اسمى محمد
طالب للاسف أزهرى (وصمة عار حتفضل ملا حقنى على طووووووووووووول )
كان حلم حياتى أدخل هندسة بس للاسف ما جبتش غير 94 يعنى لو لحقت حيبقى فى قنا (واه يا بوى )
والله العظيم أنا حسبت لنفسى ومع المدرسين بالميت أوى وطلع مجموعى فوق 98.5 وازاى بقدرة قادر بقوا 94
على فكرة أنا متشاؤم الى حد ما وبتحامل على نفسى وبظلمها قبل ما أرمى باللوم على الاخرين يعنى كنت بحسب الدرجات بالناقص
ده ولاد .....(بلاش أحسن ) أخدوا منى سبع درجات فى الشفوى طب بالذمة حرام ولا حلال ويا ربته سلنى فى أى حاجة انما بقولى لقب عمان بن عفان ايه
وكمل يا حبيبى (كتب عليكم الصيام )
من الاخر أنا كاره الازهر من قبل الموضوع الثانوية ده
وبصراحة الموضوع لو بايدى كنت ولعت فى الازهر كله بجاز معفن وريحته طالعة
ثم ايه أزهر ده اللى عاملين مقارنة بينه وبين العام (بلاش فضايح والنبى )

مس رانيا حسن

08-09-2008, 04:49 AM

السلام عليكم ورحمه الله وبركاته
اخوتى واخواتى من طلاب الازهر أعلم جيدا مدى معاناتكم
الشديده من الازهر ونظامه وعدم تكافؤ الفرص فى الالتحاق بالكليات
بالاضافه الى المعاناه تشتد لدى الفتيات نظرا لقله كليات البنات
مقارنه بالبنين
قد مررت بهذا الاحساس المرير عندما حرمت من الالتحاق بالكليه التى اتمناها
بسبب التصحيح السىء فى الثانويه الازهريه
لكن مرت السنوات وما توفيقى إلا بالله عليه توكلت وإليه أنيب
اقول لكم اخوتى يكفيكم فخرا دراستكم للعلوم الدينيه
وحفظ القران الكريم فتلك نعمه كبيره حرم منها زملاؤكم فى التربيه والتعليم
والذين لديهم غبطه منكم اخوتى لهذا السبب
التميز ليس أنك خريج ازهر او خريج تربيه وتعليم
و انما هو فى علمك فى ذاتك فى شخصك أنت
انت من تجبر من حولك على احترامك وتقديرك
تذكروا جامعه الازهر تخرج منها الكثير من العلماء والرواد فاجعلوهم قدوة لكم
فى النهايه اتمنى للجميع التوفيق
فى أمان الله

مسيو وليد عسكر

08-09-2008, 04:55 AM

mohammed1990

08-09-2008, 01:13 PM

يعنى هو العام مبيخرجش عباقرة و دكاترة متميزين فى كل المجالات

أيمن الوزير

09-09-2008, 03:20 PM

العباقرة في كل مكان

وكذلك الضعاف في كل مكان

أما أنا فلان بن فلان فلا يميزني إلا ما أنا فيه من قمة أو قاع

يا أخواني فلنقتدي برسولنا

يا أخواني فلنكن كشجرة النخيل يرميها الصغار بالطوب فيجنوا أحسن الثمار

وإن لم تخدمنا الظروف في الدراسة فكم من العثرات التي واجهتنا وكم من العثرات التي سوف تواجهنا سنقابل الكثير من التحديات فلنكن لها أندادا

ولا نبكي أبدا علي اللبن المسكوب واعلم يا من لم تصل بدرجاتك لكلية الهندسة أن الله يقول

: َعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ }

واعلم أن ما أخطأك ما كان ليصيبك

وبإذن الله ستتفوق في مجالك وتحقق مالم يحققه أقرانك من طلاب كليات الهندسة فتوكل علي الله ولا تيأس

toty7070

09-09-2008, 08:37 PM

السلام عليكم ورحمة الله وبركاتة
اخوتى فى الله
انا من بورسعيد التعليم العام عندنا فى حالة مأساة نحن نعانى من مافيا التعليم العام من مدرسين المدارس من واستغلال اعمال السنة الى اقصى حدود
مع العلم ان عندى بنت بالصف الثانى الاعدادى هذا العام وابنى ان شاء الله للاول الاعدادى
وكنت فى حيرة شديدة هل اخرجهم من الازهر ام لا والسبب الوحيد هو كثرة المواد التى اخشى ان تعجزهم وخايفة لايقدروا عليها واكون جنيت عليهم مع العلم انى ادخلتهم الازهر للقرآن وتعلم دينهم وجو الالتزام نوعا بالازهر عن التعليم العام الذى لن يروا فيه مدرسة منتقبة او مدرس ملتحى ينصحهم ويعلمهم فى دينهم
والحمد لله رب العالمين الفترة السابقة من التعليم بالازهر لم اشكو الا من اشياء لاتذكر فلا نشتكى من تحكم المدرسين باعمال السنة وفيه شرح من المدرسين واهتمام الحمد لله
ولكنى استخرت الله وتقدمت بطلب للتربية والتعليم للتحويل وجاءت الموافقة
ولكنى نصحنى كل من حولى ومن هم بالتعليم العام انهم يعانون من
1-لايوجد شرح نهائى بالمدرسة
2-لاينجح من لايأخد درس عند مدرس الفصل لانه لن يضع له اعمال سنة فلابد وحتما من مجموعة التقوية او درس عند مدرس الفصل فى الحالتين
3-المدرسين يعطوا الاود بتوعهم بالدروس امتحانات الشهر واخر العم ايضا وعلامات بورق الامتحان ليتميزوا بها وينجحوا بكل سهولة
4-الادب والاخلاق بالمدارس العام الان مرعبة كما وصفوها لى سجائر بالمدرسة وباب المدرسة مفتوح يخرجوا فى اى وقت شاؤا وبلطجة من الطلاب
5-عدد الطلاب بالفصل يصل عندنا ل70 طالب بالفصل وهناك 80 ايضا
6- قالت لى صديقى ان ابنتها فى فصل تقوية من الان يبلغ عدد الطلاب فيه 93 طالبه والمدرس قال فاضل 7 طلاب -اول شهر اخذ من كل طالب 45 ج علشان الملزمة ثم 35 ج كل شهر
7-عوزة اقول الاخلاق والتدين والسلوكيات من البنات والبنين تذهل من الصور اللى على موبايلاتهم والافلام والاغانى والكليبات والالفاظ المتداولة وكله عادى
8-امتحانات العام اصعب من الازهر

اما فى الازهر
*************
حفظ القرآن الكريم تعلم العلم الشرعى
عدد الطلاب بمدرسة اولادى التجريبى اقل
الاخلاق افضل بكثير نوعا
يوجد شرح بالمدرسة واهتمام من المدرسين الا من رحم الله
الامتحانات اسهل الحمد لله
العيوب
******
الترم الواحد فى الابتدائية والاعدادية
المفروض مراعاة عمل مواد علمية تناسب الازهر يعنى (العلوم -والدراسات- والرياضة )تكون المناهج اقل فى المرحلة الاعدادية والثانوية لان ده هو الصعب اوى الكم بتاع هذه المواد اصبح اصعب من زمان واكثر اوى

انا لم اخرج ابنتى من الازهر حتى الان ولكن ابنى لااعرف هل سوف يستطيع على هذا الكم بالصف الاول الاعدادى وهناك قرار ان التحويل اصبح فى المرحلة الابتدائية فقط يعنى لو لم يستطيع التكيف فى الصف الاول الاعدادى حبس وضاع
انا بين ويلين حبيت اشارك بمقارنة ولو انها حتى الصف الاول الاعدادى حسب خبرتى
واعرف رايكم ايه فى حيرتى الشديدة مع العلم امامى حتى يوم 11-9-2008
اخر فرصة للتحويل لابنى للعام الذى فيه كل ماذكرت لكم عندنا فى بورسعيد ولا حول ولا قوة الا بالله العلى العظيم

amaly

10-09-2008, 06:46 AM

أيمن الوزير

10-09-2008, 12:53 PM

سيدتي ( توتي ) لماذا تحاولين تحويل أولادك من الأزهر رغم كل مآسي الربية والتعليم التي شرحتيها ولا يستطيع أحد أن ينكرها فأنا مدرس بالتربية والتعليم وأشهد بالله أنها صادقة وهذا هو حال المدرسين إلا ما رحم ربي

إن مواد الأزهر وإن كانت كثيرة إلا أنها سهلة سلسة بدليل انظري إلي مجموع من حولك من الطلاب تجدي الكثير قد تجاوز 95 بالمائة مما يدل علي سهولة المواد

وإن كنا نبحث عن السهل فبصراحة النوم أسهل ولن يصل الفرد منا إلي أمانيه إلا بالمشقة والتعب

abo gad

10-09-2008, 02:49 PM

الحمد لله ................ وشهد شاهد من أهلها
أرأيت يامحمد 1990
هناك الكثير والكثير يامحمد 1990 يحدث فى التعليم العام
إتق الله وارجع عن مهاجمة الأزهر
وربنا يهدينا ويهديك ...... وارض بجموعك فى الثانوية الأزهرية
كفاية ياأخى إنك تستطيع أن تقرأ فى المصحف بطريقة سليمة
بالله عليك ختمت القرأن كم مرة من أول رمضان إلى الأن ؟ ....

والله انت كلامك مية مية وصح الصح
ومينفعش الكلام اللى محمد 1990 بيقوله ده
انا عن نفسى كان عندى واحد صحبى فى الازهر وكان دايما بيشكر لى فى الازهر وكنت اتمنى انى ادخل الازهر من كتر كلامه عنه
ده كان بيقول شعر فى الازهر
والحمد لله ربنا كرمة وجاب 98.5 % ومن غير غش
راجع نفسك يا حماده 1990

elsayed.111

12-09-2008, 02:04 AM

والله انتوا عالم فاضيه

elsayed.111

12-09-2008, 02:06 AM

كل واحد فيكو بيستعرض..

والباقى مستنى دوره..

رامى الشاذلى

12-09-2008, 02:07 PM

الموضوع ده صح100فى100 بس فى معلومه كمان ان كل المدارس الابتدائى لا يوجد بها مدرسين دراسات اجتماعيه وعلوم ليه مش عارف انا اخصائى فى مدرسه ازهريه وصعبان عليه الطلبه
شكر على الموضوع

mohammed1990

16-09-2008, 04:59 PM

الموضوع ده صح100فى100 بس فى معلومه كمان ان كل المدارس الابتدائى لا يوجد بها مدرسين دراسات اجتماعيه وعلوم ليه مش عارف انا اخصائى فى مدرسه ازهريه وصعبان عليه الطلبه
شكر على الموضوع

يمكن ميكونش فى التربية و التعليم مدرسين دراسات و علوم عندك انت
لكن والله عندنا فى كل التخصصات
و معتقدش ان ده عيب يتفوق فية الازهر على العام

الجنتلة

16-09-2008, 08:17 PM

نسيتو اهم حاجة ان الكوسة فى الازهر زيادة شوية ولا اية

salama201043

17-09-2008, 09:40 AM

جزاك الله خيرا
على المقارنه الرائعه دى
السلام عليكم