سمعت من أحد الدكاترة فى المركز القومى للبحوث التربوية _واللى لجأت له قبل ذلك ليحل لى التربوى وطلع معلوماته فى الاسئلة اياها كمعلومات جدتى وصيفة فى علوم النانوتكنولوجى_اقول سمعت منه ان النهاية الصغرى لكل فرع فى الاختبار ستكون من 65% ,على اساس تقدير جيد ,وهذه مصيبة وعكس ما قالوه فى الفيديو كنفرانس ,صحيح قالوا كلام كتير ومتناقض كعادة الوزارة لكن 65% ماتقالتش ,يعنى كده نبقى سقطنا فى التربوى والعربى
حرام والله انا ضامن جميع اسئلة التخصص وارسب علشان سؤال يتعلق بنتف ريش بنت حلوة ابواها وحشيين أو موضوع البحراياه اللى غرقنا فيه
وكله كوم وسؤال لما يجيلك طالب من فصل زميلك يطلب منك توضيح سؤال مش فاهمه ,ويحيرك بين اجابتين تجاوبله وتقول لمدرس "تعايره يعنى"والاتجاوبله وماتقلوش "تسيبه على عماه "ويا زميلى الفاضل ماتحاولش تختار لأن الاختيار الصح اللى هيحدده وزير المالية

حتى لو النجاح من 40 % مش حتفرق ؟؟؟؟؟؟؟؟؟؟؟؟

lمدرس زميلى لسه قايلى ان الناجحين هيتاخدوا ذى ما بيحصل فى مكتب التنسيق ,وده اللى فهمه من كلام بتوع الفيديو كونفرانس الله يهد حيلهم قادر يا كريم

انا حاسة بردة ان النتيجة هتكون زى مكتب التنسيق وأن العبرة بالأعداد المطلوبة

النتيجة راسبين أو ناجحين لن نأخذ الكادر لأن كما قرأنا من العام القادم 1/7/2009 وعلى فكره الأزهريين اختبارهم في شهر فبراير والله أعلم

ربنا معنا جميعا
وإذا كان الله معنا فمن علينا ؟

هذا هو المتوقع منهم

نسبة النجاح هتكون مفاجأة كبيرة

الكل هينجح ياناس انتم خايفين كدا ليه

شوف يا استاذي
اعلان الوزير ان النتيجة أواخر اكتوبر ما هو الا اعطاء فرصه لهم لتظبيط النتيجة حسب ما يرونه
فطالما صال وجال الوزير ومستشاريه فى الاعلام يقولون ان الامتحان هو الذي سيحدد كيف ندرب المعلمين وفى اي شئ
اذا فعليهم ان يعلنوا عن كم الف راسب فى اللغة العربية وكم الف راسب فى التربوي وكم الف راسب فى التخصص
وطبعا ارقام كاذبه حتى يواجهوا بها الاعلام ويقولوا بكده قدرنا نحدد القصور فين ومين المحتاجين تدريب
اذا علينا أن لا نأمن لهم بان النتيجة ستكون كله ناجح وبرغم ذلك ايضا فلن تكون نتيجة ضعيفه بل ستكون نسبه عاليه من النجاح
لكى يخرج علينا الوزير ومستشاريه فى الاعلام ليقولوا كلمتهم المشهورة اننا قلنا لكم معلمى مصر بخير

وعمااااااااااااااااااااااااااار يامصر

الكل هينجح ان شاء الله

واللي حصل ده مجرد ديكور

حسبى الله ونعم الوكيل
اللهم بحق بركة هذه الايام المباركة ارنا فيهم يوما اسود عايهم يذيقون الذل فيه كما اذلونا اللهم اميييين

انتم لسه منتظرين النتيجة
النتيجة غش جماعي

الامتحان دة مهزلة حقيقية فى حق كل المدرسين فى مصر. وانا بطالب بأداء الوزير الامتحان مثلنا تماما واتحداة لو نجح فى هذا الامتحان

حقيقى امتحان الكادر خلا من كل معايير الامتحان دى مهزلة بكل المقاييس
ده اقرب ما يكون بانتخابات المحليات

هما هيقولوا حاجة وهيعملوا حاجة تانية إزاي ؟ اسمع .

هيقولوا : أثبت معلموا مصر كفاءتهم وجدارتهم في اختبارات الكادر حيث اجتاز أكثر من 900000 ألف معلم الاختبارات بتفوق منقطع النظير ، تعدت النتيجة العامة 90 % ، مما يثبت للجميع أن منظومة التعليم في مصر صلبة الأركان شامخة الجوانب وأن المعلم المصري يحتل مكانة مرموقة بين معلمي العالم من حيث الجودة والقوة والعلم .

هيعملوا ايه بقى ؟؟

هيعملوا حاجتين ، الأولى انهم هينجحوا اللى عاوزينه على قد الفلوس اللي معاهم يعنى ممكن ينجحوا 30 % بس ، وكل واحد ما ينجحش مننا هيفتكر نفسه من الـ 10 % الخايبين الراسبين ، وما حدش عارف حاجة .

الحاجة التانية تخص الجماعة اللى نجحوهم يبقوا يقابلونى لو أخذوا ولا مليم ، الفلوس اتصرفت على الاختبارات يا باشا ومافاضلش منها إلا اللى يصرف على إعلان النتيجة .

حـــــــــــــــــــــــــــــــرام الوزير كل يوم بكلام شكل ومش عارفين اية الصح
قال دي مرحلة تاسكين وليس بها نجاح او سقوط ورجع تاني وقال النتيجة اخر عشرة والكادر من نوفمبر
علي فكرة الازهر لم يأخذ الكادر هذا الشهر والتلفزيون اعلن ا ن المرحلة الثانية للكادر سوف تطبق علي الازهر في فبراير بدون امتحان

اعتقد ان من يقل ادائه فى امتحان التخصص عن 65% من الممكن الحكم على ضعف كفائته,أما من يقل بفس النسبة فى اختبار اللغة العربية أو التربوى التعجيزى فحرام ان ينال لقب راسب

على فكرة درج نجاح المعلم تختلف عن درجة نجاح المعلم الاول عن المعلم الخبير عن كبير المعلمين لان بكل بساطة نسبة الزيادة في المرتبات مختلفة والخبرة مختلفة والدرجة مختلفة دي حاجة ، الحاجة التانية درجة نجاح مدرسي اللغة العربية في المجال الاول الخاص باللغة العربية لكل المعلمين اكيد اعلى من اي تخصص اخر وتقبلوا تحياتي

أنا عندي مفاجأة للجميع بخصوص النتيجة ....... أتمنى من الله أن تكون صحيحة

أخبرني أحد زملائي المشهورين بالصدق ــــــ أن وكيل الوزارة مر على اللجان يوم الخميس الماضي
وأخبرهم بأن نسبة النجاح في كل الأسئلة ستكون 30% فقط
بمعنى أن مطلوب منك أن تكون أجبت ثلاثين إجابة صحيحة فقط تكفي لنجاحك
.........
وأعتقد بل وأؤكد أن المعلم الذي لن يحصل على هذه النسبة الضئيلة لا يستحق شرف المهنة العظيمة

شوفوا يا اخوان
وكيل وزارة الجيزة قال بالحرف الواحد

كل اللي دخل الاختبار ناجح ان شاء الله

وكرر الكلام دكتور مراقب وكرر الكلام مدير ادارة العجوزة

يا جماعة ليه متقلوش ان دى مؤامرة لكشف المدرسين امام اولياء الامور و تلاميذهم قرصة ودن يعنى علشان يبطلوا يقولوا كادر و ينكسفوا على دمهم
الامتحان تم وضعه بطريقة صعبة ده مش امتحان دة تعجيز وكمان اسئلة التربوى كانت معظمها ذاتية يعنى الحل من وجهة نظر واضعه

مجلس الوزراء يناقش الأربعاء وامتحانات الكادر وارتفاع الأسعار

كتب أشرف الجعار ٣٠/٨/٢٠٠٨http://www.almasry-alyoum.com/photo.aspx?ID=32107&ImageWidth=240 (http://www.almasry-alyoum.com/popimage.aspx?ImageID=32107)نظيف

يستأنف مجلس الوزراء اجتماعاته الدورية الأربعاء المقبل بعد توقفه بسبب العطلة الصيفية للحكومة.
ويستعرض الاجتماع المرتقب برئاسة الدكتور أحمد نظيف مجموعة من التقارير المهمة علي رأسها تداعيات حادث حريق الشوري ودور الحكومة في تأمين المنشآت الحكومية خاصة الأثرية والتاريخية وحماية الوثائق، وكذلك اعتماد المبالغ الخاصة بترميم القاعة الرئيسية لمجلس الشوري.
ويناقش الاجتماع الاستعدادات الحكومية للمؤتمر السنوي للحزب الوطني الذي يعقد في نوفمر المقبل، وموضوعه الرئيسي تعميق اللامركزية وتحقيق العدالة الاجتماعية بالقري الفقيرة.
كما يستعرض الاجتماع تقارير من وزيري التربية والتعليم د. يسري الجمل، والتعليم العالي د. هاني هلال حول الاستعدادات النهائية لبدء العام الدراسي الجديد ٢٠ سبتمبر المقبل، وتوفير الكتاب المدرسي والجامعي، وجداول المحاضرات وكادر المعلمين والامتحانات التي تجري حالياً للمرحلة الثانية من الكادر.
ويتابع مجلس الوزراء الأداء الاقتصادي من خلال تطورات الموقف بالبورصة، ومعدلات التضخم، وارتفاع الأسعار، فيما يعرض وزيرا الاستثمار د.محيي الدين، والتجارة والصناعة رشيد محمد رشيد نتائج زيارتهما الخارجية إلي ماليزيا وكازاخستان وغيرها من التقارير.

عرفت خبر أكيد بنسبة 90% : ان اللغة العربية لغير المتخصصين النجاح من 30% والتربوي 30% والتخصص 40% ومبروك عليكم

فين الدعاء قولوا يارب

لو النجاح من 30% يبقى الكل ناجح انشاء الله - ألف مبروك

لآن لو حد مش عارف اجابة ولاسؤال واحد من الأمتحان و اختار أجابة عشوائية من الأربعة على كل سؤال حيجيب 25% - نظرية الأحتمالات بتقول كده.

الاستاذ سامى بسام وهو رجل موثوق منه فى المنتدى ,أكد ان نسبة النجاح كما سمع من المسؤلين فى العربى والتربوى محصورة بين 50% وبين 60% وده لو حصل تبقى مصيبة