السلام عليكم . لظروف خاصة لن أستطيع الذهاب للمراقبة وأعرف انهم لا يقبلون اعتذارات . ماهو الضرر الواقع على بالظبط من عدم الذهاب ؟

خصم المده من المرتب وكمان جزاء عده ايام واحيانا حرمان من الامتحانات وبس0000000000000000000000000

شكرا على الرد والاهتمام . لكن هل فى مدة الامتحان ينفع امضى فى المدرسة بتاعتى ؟ ولا هيتحسب انقطاع عن العمل ؟ والجزا بتاعه كام يوم بالظبط وهل هيتشال بعد 6 شهور من الملف ولا هيفضل ؟

الاضرار بالغة جدا جدا جدا : لازم تحضر
و ممكن تروح أول يوم و تحكي ظروفك لرئيس اللجنة و هو ممكن يقبل عذرك
اوعي ماتروحش

يا ريت واحد فاهم القانون يرد لإني كمان عندي ظروف عائلية تجبرني أتخلف عن الإمتحان

شكرا يا أستاذ بيومى على النصيحة . لكن انا عايز اعرف الضرر بالظبط بتاعها لأنى فعلا مش رايح وللاسف مقدم اعتذار عالنت وما اخدوش به للاسف . وزارة مش بتراعى اى ظروف للناس وكأنها سخرة مش عمل حكومى .

السلام عليكم .. لازم تروح المراقبة لان فى جزاء وتحقيق فى الوزارة والجزا قد يصل لخصم شهرين من المرتب
ممكن حضرتك تروح الاجتماع اللى فى المدرسة اللى هو قبل الامتحان بيوم وتحكى لرئيس اللجنة على ظروفك وهو ممكن يقبل اعتذارك وربنا يوفقك

اخى العزيز اذهب للجنة الثانويه بالمديريه التابع لها وحاول معاهم

http://www.modars1.com/t52218-topic
ادخل على الرابط ده وحاول

موضوع الاعتذار ده هري في هري ..انا عملت لا أرغب على موقع الوزاره وبرده جالي وبرده مش رايح ..اللي عارف الجزاءات يتكلم والا يسكت خالص وبرده مش رايح

التعليم: الاعتذار عن أعمال امتحانات الثانوية يبدأ بالمديريات من يوم 29 مايو إلى 1 يونيو
http://www.modars1.com/t52240-topic

شكرا يا أساتذة على الردود . لكن برضو مطلعتش بأى نتيجة انا عايز اعرف الجزا بالظبط بتاعها لو سمحتوا . اما موضوع الاعتذار فبتبقى فى ظروف خارجة عن ارادة الواحد لكن مفيش اثبات او ورق وفى الحالة دى طبعا مش بيقبلوا الاعتذار . عشان كده بسال على عقوبتها لأنى فعلا مش رايح وهل ممكن توصل انى اخسر الشغل بسببها ولا لأ

اكيد مش هتوصل ان تخسر شغلك بسببها انا عن نفسى ان جالى مش رايحه واللى يحصل يحصل

اخي الحبيب
الجزاءات منصوص عليهاتفصيليا اسفل الصفحة الاولي من جواب الندب الخاص بالملاحظ

ًروح يومين بس وبعد كده اقعد في بيتكم هيعملك استمارة باليومين وهتقبضهم فلوس ومش هتتحول تحقيق

رجاء الافادة من الخبراء عاوز اقدم اعتذار عن المشاركة في امتحانات الثانوية العامة 2016 وجبت تقرير طبي بس مش عارف اقدم الاعتذار فين بالضبط واخر موعد للاعتذار علما بأني من القليوبية

يقدم الاعتزارللكنترول الذى ارسل لك جواب الندب ولازم ىكون من القومسيون العام

أعرف واحد أخذ 4 أيام جزاء ودا مع الرأفه

شوف ياسيدى بلغ رئيس الجنة انك مريض وعايز تتحول لقمسيون طبى وارسل بيانات المدرسة بتاعتك فى التلغراف واحتفظ بصورة التلغراف سوف يرسل ررئيس الجنة للمدرسة الى هيا هتحولك للقمسيون الطبى العام الى هو فى المحافظة المنصورة مثلا هتروح القمسيون وانتا ونصيبك بقا كدة احسن من الانقطاع وحاول تتاخر فى الذهاب للقمسيون لانة هيعودك للعمل فترجع على قوة مدرستك بدلا من الرجوع على قوة اللجنة وربنا يوفقك

الحمد لله علي نعمة الإسلام