السلام عليكم .. كان عندي استفسار

دلوقتي أختى خلصت 3 إعدادي وجايبة 185 من 300 .. طبعاً المجموع ده ميدخلهاش ثانوي عام .. وأنا معنديش فكرة عن الثانوي الفني

كنت محتاج حد يعرفني أكتر عن الثانوي الفني وأقسامه اللي بسمع عنها (صناعي - زراعي - تجاري - تمريض - ...) وهل فيه مجالات تانية .. وإيه مستقبل كل مجال .. وإيه الأفضل ليها كبنت

وجزاكم الله خيراً

وهل فيه مدارس أو معاهد خاصة بعد مرحلة الإعدادي ؟

بعد فترة ستصدر نشرة التنسيق الخاصة بمحافظتك وسيتم تحديد مجموع كل من
(صناعي - زراعي - تجاري - - ...) اما التمريض فيشترط الحصول علي مجموع اكبر من مجموع الثانوي

جزاك الله خيراً .. إذاً تمريض مستبعد .. طيب الأفضل إيه ليها كبنت

جزاك الله خيراً .. إذاً تمريض مستبعد .. طيب الأفضل إيه ليها كبنت


بالنسبة لها كبنت امامها ثلاث حلول ثانوي خاص - او اعادة الاعدادية مرة اخري - الالتحاق بالثانوي التجاري ) راعي الحلول علي الترتيب

ربنا يوفقهخا بس بالمجموع ده لا انصحك باعاده السنه او الثانوى الخاص والافضل ان تدخل تجارى مثلا وتجتهد والارزاق بالله

حاول تدور على تنسيق السنة اللى فاتت للمحافظة اللى انت تابع ليها و هتلاقى الخيارات كتير ان شاء الله و كله بيودي معاهد ولو جابت مجموع حلو بتعمل معادلة و تخش جامعه

حاول تدور على تنسيق السنة اللى فاتت للمحافظة اللى انت تابع ليها و هتلاقى الخيارات كتير ان شاء الله و كله بيودي معاهد ولو جابت مجموع حلو بتعمل معادلة و تخش جامعه

طيب معاهد زي إيه وجزاكم الله خيراً

حضرتك من اى محافظة ياأستاذ عبد الرحمن وعلى فكرة غريبة قوى انك تكون طالب بهندسة اسكندرية ومعندكش فكرة عن نظام التعليم فى مصر عموما ومبدئيا نرشح لها تجارة وده افضل حاجة لأنها ان شاء الله تشد حيلها وتجيب فى الدبلوم 75 فى الميه وتخش من خلاله المعهد العالى للدراسات التعاونية بالسيدة زينب وده معهد فوق الممتاز وبيدى بكالوريوس تجارة ادارة اعمال معتمد من المجلس الاعلى للجامعات علما بأن مصاريفه السنوية فى حدود 1600 جنيه وفى حاجات تانى بس أغلبها فى القاهرة وعموما تابع اخبار معهد التمريض القوات المسلحة ومعهد تمريض مستشفيات الشرطة ومعهد تمريض مستشفى المقاولون العرب وربنا يوفقها ان شاء الله بس ماتنساش تبلغنى حضرتك من اى محافظة وبالتوفيق انشاء الله













\