ملاحظات حول مسألة المحول في امتحان الثانوية العامة


https://www.youtube.com/watch?v=FtXoLX_e3Q0

عدد لفات 110 وليس 88 كما أدعي بعض المدرسين

المحول يعمل بالحث المتبادل بين ملفين فعند فصل أحد الملفين الثانويان يتغير معامل الحث المتبادل ويتغير التيار والقوة الدافعة فى الملفين الابتدائى والثانوى الأول لأن الملف الابتدائى يتأثر بحث ذاتى أكبر عند فصل أحد الملفين الثانويين والاجابة 88

فى مسألة 2008 حضرتك قولت ان الكفاءة 100 % وعند فصل أحد الملفين الثانويان تظل كما هى وهذا معناه أن القدرة الناتجة من الملف الثانوى الثانى ستزداد لتعادل قدرة الملف الابتدائى أو تقل القدرة فى الملف الابتدائى لتعادل قدرة الملف الثانوى وتظل الكفاءة 100 % وهذا معناه أن تيار الملف الابتدائى يتغير بتغير عدد الملفات الثانوية وهذا ما يحدث فى محولات المنازل . ولا احنا بندفع كهربا ازاى

يا أستاذي الفاضل أرجوك افهمني ده كلام دكاترة

كلام دكاترة بس مش مكرر على طالب 3 ثانوى وانا فاهم كلا م حضرتك بس بقوانين 3 ث هى دى الاجابة الصحيحة انا مش بدرس لطالب هندسة

السلام عليم ورحمة الله
انا شوفت الفيديو وحضرتك عنك لبس كبير لأن الكافاءة نسبة والنسبة تكون ثابتة إلى حد بعيد وليس معنى أنه كان يفقد في أحد الملفين 10 وات أنه تم توفيرهم عن فصله ـ غير مضبوط على الإطلاق

كما انك تطبق قوانين المحول القياسي أو المثالي و هذا خطأ في الاستدلال

وحتى تفهم أكثر ـ أفترض أن المحول يعمل على مصدر قدره لا نهائي وأن قدرة الجهاز اللازمة لعمله محدده

وهنا المحول الغير مثالي يسحب من المصدر دائما قدره أكبر من قدرة الجهاز وفرق القدرة يمثل القدرة المقودة بحيث تظل النسبة ثابتة


لو عايز توضيح اكثر إذا وصلنا جهازين على نفس المحول الثانوي الوحيد تزداد قدرة الملف الثانوي وتزداد القدرة المسحوبة من المصدر

وتأكيدا كلام الزملاء هو الصحيح

وبالنسبة للمثال الذي طرحته فإن بفصل الملف الثانوي الثاني يقل المققود به كما يقل المفقود بالملف الابتدائي وتظل النسبة ثابتة

يا أستاذي الفاضل الحل الذي قدمه بعض المدرسين في نماذج الإجابة حل خاطئ وأطلب منك أن تسأل دكتور متخصص في الهندسة أو الفيزياء هيطلعلك عدد اللفات 110 بدل ما تتهمني باللبس وعدم الفهم

الحل اللي في النماذج 88 لفة إذا حسبت الكفاءة في حالة 88لفة هتلاقيه 150% بدل 75 % أي زادت للضعف لأنك عملت علاقة بين الملف الابتدائي والملف الثانوي الأول فقط واعتبرت أن الثاني ليس به فقد في الطاقة وهذا خلل كبير

ازاي مرة تعتبر 75% مع ملف ثانوي واحد وفي نفس المسألة في المطلوب الثاني تعتبر النسبة أيضا 75% مع الملفين

أزاي يعني ؟؟؟؟؟
هذا لا يعقل

أنا عارف أن نموذج الإجابة هيطلعها 88 لكن أنا بقول لحضراتكم الحل الصحيح 110 بلا شك وبلا جدال

ولكم جزيل الشكر على المشاركة بآرائكم

والحل الصحيح هو
http://store1.up-00.com/2016-06/146573494341.jpg
عدد لفات الثانوي الأول 110 والثانوي الثاني 880
وإثباته
http://store2.up-00.com/2016-06/1465873514771.jpg

انا مقتنع زيك ان مينفعش تأثير المحولين الثانويين يكون زى بعض و و كل واحد لوحدة يدى كفائة 75% بس حلك الى انت منزلة انت حسبت عدد الملفات الثانوى بأستخدام التيار الأبتدائى الى طلعت لو الأتنين مع بعض شغالين فهل دة صح ؟؟

الى ممكن نقول السؤال مقصود بية ان انت تقدر تحسب عدد الملفات الثانوية كلها و هيطلع 264 لفة و الملف الثانوى التانى فرق الجهد بتاعة ضعف الأول معنى كدة ان عدد لفاتة ضعف الأول فواحد ب 88 و واحد ب 176 زى نموذج الأجابة

أنا اعتبرت أن المحولين شغالين مع بعض في المطلوبين الأول والثاني

ايه هي العلاقة التي استندت عليها التي تقول أن طالما جهد الملف الثانوي الأول ضعف الثاني يبقى عدد اللفات ضعف أيضا

أم هي مجرد صدفة

أم كل الاستنتاج غلط من أوله

هوا مش صدفة انا الى اعرفة ان فرق الجهد يناسب طرديا مع عدد اللفات مش شرط بين الثانوى و ابتدائى بس اعتقد بس الحل بتاع النوذج صح لأن لو قولت فرق الجهد للملفين الثانوييين ب 36 فولت و الأبتدائى ب 200 فولت و الكفائة 75% معنى كدة ان عدد لفات الثانوى كلة 264 ازاى انت مطلع واحد فيهم ب 880 ؟؟؟

معنى أن عدد لفات الأول ضعف الثاني أن القدرة المفقودة على الملف الثانوي الأول لا تساوي الثاني أما على حسب كلامك فالفقد في القدرة في الملفين متساوي وهذا رأي فاسد



وبعدين لو جمعت عدد لفات الثانوينن مع بعض 880 و110 هيطلع 990 يعني أقل من 1100 عدد لفات الابتدائي أي أن المحول مازال خافضا للجهد

التناسب الطردي بين فرق الجهد وعدد الفات يكون بين ملف ابتدائي وثانوي ؟

من أين لك أيضا أن التناسب طردي أيضا بين عدد اللفات وفرق الجهد في الملفات الثانوية ؟

هات دليلك وبرهن كلامك ؟

كلامك لا يتحقق إلا إذا كانت قدرة الملف الثانوي الأول تساوي الثاني

وهذا لا يتحقق في المسألة لآن قدرة الأول 4.8 والثاني 1.2

أي أن قدرة الملف الثانوي الأول 4 أمثال الملف الثانوي الثاني

فكيف تعتبر التناسب طردي أيضا بين عدد اللفات وفرق الجهد في الملفات الثانوية ؟!!!


وهذا ينسف كلامك واستنتاجك نسفا

أنتظر تبريرك

طيب يا استاذى الفاضل نفرض جدلا ان الى انا قولتة غلط ازاى عدد ملفات الثانوى كلها ب 264 و انت مطلع واحد منهم ب 880 ؟؟؟

من أين لك بأن عدد اللفات كله 264 اثبت ذلك؟

منا قولت لحضرتك قبل كدة بس انت مصمم على رائيك هعتبر الملفين الثانوين ملف واحد و فرق الجهد بتاع ب 36 فولت و الأبتدائى ب 200 فولت و معايا الكفائة نضرب نسبة فرق الجهد للأبتدائى و الثانوى فالكفائة يدينى نسبة بين عدد اللفات كدة الثانوى ب 264 لفة

علي أي أساس أنت اعتبرت أنه ملف واحد

الفرق في الطاقة فيهم مختلف

أرجوك افهمني

انا مليش دعوة بفرق الطاقة انا بتكلم ف فرق الجهد كأنى حاطط بطاريتين على التوالى بجمع فرق الجهد و عموما انا مش مكذب كلامك ولا بأكدة و انا بنفسى هتأكد من دكاترتى ف هندسة القاهرة زى ما كنت بتقول ف الأول تحياتى

علي أي أساس انت اعتبرتهم توالي ممكن يكونو توازي

أنا أقصد لما تفرض فرض هات دليل عليه

وعلى كل أنا أشكرك ووفقك الله

...................................

اعتبرتهم توالى لأن دة امتحان ثانوية عامة :D مش دوائر كهربية 2 ف هندسة وانا فاكر كنا بنجيب *****lant magnetic circuit كنا بنعتبر الملفات دية كأنها بطاريات و الفقد ف السلوك و المحول الى اخرة مقاومات بس دة بعيد اوى عن فيزياء ثانوى طبعا و اتمنى مكنش ضايقتك ف كلامى خلال الحوار

انا حضرتك عمل اللفات ب66

احنا بندور على مصلحة الطلاب ويا ريت الوزارة تنزل نموذج الاجابة وتمنع الجدل ده

لو توازى كان فرق الجهد بينهم ثابت

ومش ينفع توالي عشان التيار مش متساوي

المساله فيها خطا علمي ومكتب المستشار اعترف بكدا ومع ذلك تم تصحيحها

ومش ينفع توالي عشان التيار مش متساوي

طب لو هيا مش متوازى ولا توالى هيبقو اية !! الفكرة بردوة انة لما فصل الملف الثانوى التانى القدرة فى الأبتدائى هتقل لأن التيار هيبقى اقل (اقل من التيار ونا موصل الملفين مع بعض) لأن فرق الجهد ف الأبتدائى هوا معتبرة ثابت فعادى انى اقول ان كفائة المحول 75% بردوة ف الحالة دية و لما وصلت الملفين الثانويين مرة واحدة التيار ف الأبتدائى هيزيد لأن فرق الجهد ثابت معنى كدة القدرة هتزيد فبرضوة الكفائة هتفضل 75% بصراحة انا مش عارف اية المشكلة فكدة

الحمد لله تم إلغاء المسألة المغلوطة

أولا يا أستاذي الفاضل : في المطلوب الأول لم يذكر ان تشغيل الملف الابتدائي الأول منفرداً ، وبالتالي يكون المقصود أثناء عمل الملفين معاً .
ثانيا : يمكن اعتبار الملفين الثانويين كملف واحد .. وذلك لأن كل لفة يتولد فيها ق د ك مساوية لباقي اللفات بغض النظر عن طريقة التوصيل ، وبالعودة لمسألة 2008 ، اذا اعتبرنا الملفين كملف واحد سيكون عدد لفاته الكلي 90 لفة أي 30+60 وهو نفس الحل .
وبالتالي يكون الحل الصحيح هو 88 بلا شك .
د / بسام مكرم