مشاهدة النسخة كاملة : اه يا جبااااااان !!
M.Sherif 30-08-2008, 01:26 PM أنا مدرس انجليزي , خطيبتي مدرسة انجليزي ...بعتلها رسالة حب امبارح بقول فيها : عدد نجوم السما بحبك, عدد ذرات الهوا بحبك. عدد اوراق الشجر بحبك.. عدد الساقطين في امتحانات الكادر بحبك.. عدد الجبناء في مصر بحبك...
بعتتلي قالتلي "انت قلبتها غم في نهاية الرسالة كده ليه يا عم؟"
قولتلها معلش يا حبيبتي الموضوع مأثر فيا جدا لدرجة وانا نايم بقول كلام غريب بقعد اقول يا بابا انا عايز بسكلتة ,,, لو نجحت معلش بقي من حقي بسكلته... واقعد اقول بسكلتة ...بسكلتة....بسكلتة لحد ما امي تصحيني وتقولي اصحي جتك بسكلتة ... وبشوف كمان في الحلم برضه جمال كتير وابل كل شوية وكل يوم احلم بجمل...
المهم اللي اتأكدت منه اننا كشعب أساتذة في الكلام ... ولما اتجرأنا شوية بقينا اساتذة في المظاهرات وشوية بقت اعتصامات وبعديها بيومين برضه غصب عننا دخلنا الامتحانات ولا كأن حاجة حصلت
والله العظيم أنا روحت يوم الامتحان الكلية علي اساس اشارك في اعتصام مش اخش امتحان
اقسم بالله ما قرأت كلمة ولا حرف مذاكرة عشان اخش بيها الامتحان لاني كنت واثق ان الامتحان ده والاسئلة دي لا تتطلب مذاكرة بل لا تتطلب اي شئ!!!!!
لانك ساقط ساقط ولن تفيدك المذكرات والملازم ... و لما روحت الكلية بالنظرة التشاؤمية الغبية دي فوجئت ان كل مدرسين مصر هناك وكلهماو معظمهم ماسكين مذكرات بيدحو فيها وكل واحد معاه قلم رصاص واستيكة وبراية بل شوفت مدرس معاه مقلمة وساندوتشات والله!!!!
النتيجة اللي توصلتلها اننا مانقدرش نصمد ادام اي موقف ولا ناخد رأي واحد بقوة وتصميم .. في النهاية استسلمنا وانا أولكم ... ودلوقتي بحلم بحاجات تانية ... بحلم اني ماشي ورا بنت زي القمر وانا عامل زي الحمار بدون تفكير... واول ما التفتت لي برقت في وشي ولطشتني بالقم وقالتلي "اه يا جباااااااااان"
ساعتها قمت م النوم عامل زي الطفل الرضيع اللي امه حاطة له مشمع !!!!!!!!!
المصري يا جماعة اتعرف عنه الجبن للاسف
اسمع
لو كان هناك عصفور يغرد على غصن شجرة تخيلوا لو مرَّ بجانبه أشخاص من
الجنسيات التالية فماذا يفعل كل منهم ؟
الفرنسي.... يقوم بالغناء مع العصفور.
الأسباني.... يقوم بالرقص على أنغام العصفور.
الإيطالي.... يقوم برسم العصفور.
الإنجليزي.. يقوم بإطلاق النار على العصفور بكل برود.
الهندي..... يقوم بعبادة وتقديس العصفور.
الصيني.... يقوم بأكل العصفور.
الياباني.... يقوم بصنع عصفور إلكتروني مشابه له.
اليهودي... يقوم بالمطالبة بملكية العصفور باعتباره من نسل هدهد سليمان.
الأمريكي... يقوم بصنع فيلم عن جميع الأشخاص الذين مروا على العصفور
المصري...يقوم بالجري كالصاروخ خوفا من العصفور
عارفين ليه؟؟؟؟؟؟؟
عشان الحكومة اقنعته ان اول ما تشوف عصفور اياك وانفلونزا الطيوووووووووور
وتصبحوا علي خير
nermeen68 30-08-2008, 01:29 PM ممكن يأستاذى تعرفنى ازاى اشارك فى المنتدى لكى يتم عرضها كما فعلت انت؟ معلش بتاقل عليك
M.Sherif 30-08-2008, 02:13 PM تسألي في الكلام ده المشرفين يا فندم مش هنا مكانه عشان لا اتعدي علي التخصصات وكمان عشان تفهمي منهم بالتفصيل لاني غير ملم بكل حاجة
greatmaster 30-08-2008, 06:13 PM ممكن يأستاذى تعرفنى ازاى اشارك فى المنتدى لكى يتم عرضها كما فعلت انت؟ معلش بتاقل عليك
اضغطى على كلمه موضوع جديد فى اعلى اليمين
greatmaster 30-08-2008, 06:14 PM أنا مدرس انجليزي , خطيبتي مدرسة انجليزي ...بعتلها رسالة حب امبارح بقول فيها : عدد نجوم السما بحبك, عدد ذرات الهوا بحبك. عدد اوراق الشجر بحبك.. عدد الساقطين في امتحانات الكادر بحبك.. عدد الجبناء في مصر بحبك...
بعتتلي قالتلي "انت قلبتها غم في نهاية الرسالة كده ليه يا عم؟"
قولتلها معلش يا حبيبتي الموضوع مأثر فيا جدا لدرجة وانا نايم بقول كلام غريب بقعد اقول يا بابا انا عايز بسكلتة ,,, لو نجحت معلش بقي من حقي بسكلته... واقعد اقول بسكلتة ...بسكلتة....بسكلتة لحد ما امي تصحيني وتقولي اصحي جتك بسكلتة ... وبشوف كمان في الحلم برضه جمال كتير وابل كل شوية وكل يوم احلم بجمل...
المهم اللي اتأكدت منه اننا كشعب أساتذة في الكلام ... ولما اتجرأنا شوية بقينا اساتذة في المظاهرات وشوية بقت اعتصامات وبعديها بيومين برضه غصب عننا دخلنا الامتحانات ولا كأن حاجة حصلت
والله العظيم أنا روحت يوم الامتحان الكلية علي اساس اشارك في اعتصام مش اخش امتحان
اقسم بالله ما قرأت كلمة ولا حرف مذاكرة عشان اخش بيها الامتحان لاني كنت واثق ان الامتحان ده والاسئلة دي لا تتطلب مذاكرة بل لا تتطلب اي شئ!!!!!
لانك ساقط ساقط ولن تفيدك المذكرات والملازم ... و لما روحت الكلية بالنظرة التشاؤمية الغبية دي فوجئت ان كل مدرسين مصر هناك وكلهماو معظمهم ماسكين مذكرات بيدحو فيها وكل واحد معاه قلم رصاص واستيكة وبراية بل شوفت مدرس معاه مقلمة وساندوتشات والله!!!!
النتيجة اللي توصلتلها اننا مانقدرش نصمد ادام اي موقف ولا ناخد رأي واحد بقوة وتصميم .. في النهاية استسلمنا وانا أولكم ... ودلوقتي بحلم بحاجات تانية ... بحلم اني ماشي ورا بنت زي القمر وانا عامل زي الحمار بدون تفكير... واول ما التفتت لي برقت في وشي ولطشتني بالقم وقالتلي "اه يا جباااااااااان"
ساعتها قمت م النوم عامل زي الطفل الرضيع اللي امه حاطة له مشمع !!!!!!!!!
المصري يا جماعة اتعرف عنه الجبن للاسف
اسمع
لو كان هناك عصفور يغرد على غصن شجرة تخيلوا لو مرَّ بجانبه أشخاص من
الجنسيات التالية فماذا يفعل كل منهم ؟
الفرنسي.... يقوم بالغناء مع العصفور.
الأسباني.... يقوم بالرقص على أنغام العصفور.
الإيطالي.... يقوم برسم العصفور.
الإنجليزي.. يقوم بإطلاق النار على العصفور بكل برود.
الهندي..... يقوم بعبادة وتقديس العصفور.
الصيني.... يقوم بأكل العصفور.
الياباني.... يقوم بصنع عصفور إلكتروني مشابه له.
اليهودي... يقوم بالمطالبة بملكية العصفور باعتباره من نسل هدهد سليمان.
الأمريكي... يقوم بصنع فيلم عن جميع الأشخاص الذين مروا على العصفور
المصري...يقوم بالجري كالصاروخ خوفا من العصفور
عارفين ليه؟؟؟؟؟؟؟
عشان الحكومة اقنعته ان اول ما تشوف عصفور اياك وانفلونزا الطيوووووووووور
وتصبحوا علي خير
انته كلامك كله صح احنا شعب كلام بلا افعال بس انته لسه مكتشف كدة
mr fahmy 30-08-2008, 07:02 PM علي فكرة ياأستاذ شرشر
أنا حضرت الإبتدائية وكان الكتاب بتاعنا
شرشر نط عند البط
والله العظيم زي مابقولك كدة
واتخرجت من سنة سادسة
وانا أستطيع أن أعرب أي جملة
ماعدا الحاجات الكبيرة قوى طبعا
ألله يرحمك يا أستاذي
ويحسن إليك
ياللي علمتني من أولي إبتدائي
لسنة سادسة
علي فكرة أنا مصاب بحاله نفسية عجيبة
مخليانى مش قادر أضحك
بس والنبي بلاش حكاية الجُبنا دي
عشان أنا بافكر في الضحية
الضحية بتاعة العيد الكبير
كل ماجي أدبح الاقي الدبيحة بقت ...
ويطلعلي اللمبي يقولي
انت باين سلخت قبل ماتدبح
تحياتي لك ولخطيبتك
وبلاش تنكد عليها في اليومين المفترجين دول
وتحياتي لكل الجنسيات اللي اتكلمت عليها
بس المصري مش حيجري
حايحدفها بالطوب
ويمكن يصطادها كمان
بس بعد مايصطادها حايسبها تطير من إيده
شمس بياض 03-09-2008, 01:13 AM تصدق انت جبااااااااااااااااااااااااااااااااااااان
M.Sherif 03-09-2008, 08:39 AM يا جماعة انا كتبت الموضوع ده كنوع من انواع الفنتازيا والسخرية من موضوع الكادر هوا ده بس الغرض منه وارجو من اللي بيفهم الكلام غلط انه ما يغلطش في حد لو سمحتم ويفكر بعقل يمكن يفهم المضمون وشكرا جزيلا علي مروركم
ihabsaid 03-09-2008, 10:01 AM هو في ايه بقي
السندباد المصري 03-09-2008, 10:31 AM ولا يهمك كلنا في الهوا سوا
amer2 03-09-2008, 11:24 AM ما تزعلش من التعليق
وخلى روحك رياضية
مسيو وليد عسكر 03-09-2008, 12:35 PM استاذ شرشر لديك روح دعابه جميله وخفه ظل تجعلك من اشهر كتاب الكوميديا في مصر وتشرفت بحضرتك
fathy5274727 03-09-2008, 01:04 PM شكرا يا استاذ / شرشر كلامك مرح و جميل ..و تعليق الاستاذ / فهمى راثع
بس لية يا استاذ / شرشر لم ترد عل (nermeen68 ) دى قالت لك ممكن يا استاذى
عموما اسمح لى ان ارد نيابة عنك
الى nermeen68
لو كنت عايزة تعملى موضوع جديد باسمك
اسفل صفحة الكادر الرئيسية التى بها المواضيع
عبارة موضوع جديد اضغطى عليها ستفتح صفحة بها مستطيلان
الاعلى لكتابة العنوان و الاسفل لكتابة الموضوع
وبا لتوفيق
amal_amm 03-09-2008, 01:54 PM اه واه والف اه الاهات كترت مطلوب حد يلحنها
M.Sherif 03-09-2008, 02:47 PM أولا يا جماعة انا اتشرفت والله بردودكم ومروركم الكريم جدا وكل سنة وانتو طيبيبن
ثانيا انا اسمي شريف مش شرشر ومش عارف ايه اللي خلاني اختار الاسم الغريب ده وسبحان الله عمري ماحد دلعني خالص بالاسم ده.
ثالثا ردا علي الاخ مستر ليدر والله انا اتشرفت بوجودك وتعليقك وردودك فضلا عن وجودك في المنتدي وربنا يحبب فيك خلقه اكتر واكتر ....انا مدرس لغة انجليزية واحب جدا اللغة الفرنسية و مدرسينها وتشرفت بيك
رابعا ردا علي الاخ fathy... اشكرك علي مرورك جدا وبالنسبة لسؤالك علي عدم ردي علي الاخت نرمين بصراحة لسببين
اولا اني غير ملم بكل الخبايا وثانيا وده الاهم اني اتصدمت ان اول رد علي موضوعي مالوش اي علاقة بالموضوع اللي انا كتبته وكأني لم اكتب شيئا .. لكن مش بلومها والله واشكرها واشكرك جدا ورمضان كريم
Monier 03-09-2008, 02:51 PM موضوع جميل شكرا لك
تقبل مرورى
Mr.Edwar 03-09-2008, 02:59 PM الإنجليزي.. يقوم بإطلاق النار على العصفور بكل برود.
لي اعتراض بسيط استاذي انا ساقرت الي انجلترا ( بعثات تعليمية )
الانجليزي يترك العصفور انطلاغا من مبدأ انت حر مادمت لم تضر احد
فد ينظر اليه ببرود اه ولكن لم يقترب منه او يضايفه هذه هي الحرية
asmaaslama 03-09-2008, 03:04 PM أنا مدرس انجليزي , خطيبتي مدرسة انجليزي ...بعتلها رسالة حب امبارح بقول فيها : عدد نجوم السما بحبك, عدد ذرات الهوا بحبك. عدد اوراق الشجر بحبك.. عدد الساقطين في امتحانات الكادر بحبك.. عدد الجبناء في مصر بحبك...
بعتتلي قالتلي "انت قلبتها غم في نهاية الرسالة كده ليه يا عم؟"
قولتلها معلش يا حبيبتي الموضوع مأثر فيا جدا لدرجة وانا نايم بقول كلام غريب بقعد اقول يا بابا انا عايز بسكلتة ,,, لو نجحت معلش بقي من حقي بسكلته... واقعد اقول بسكلتة ...بسكلتة....بسكلتة لحد ما امي تصحيني وتقولي اصحي جتك بسكلتة ... وبشوف كمان في الحلم برضه جمال كتير وابل كل شوية وكل يوم احلم بجمل...
المهم اللي اتأكدت منه اننا كشعب أساتذة في الكلام ... ولما اتجرأنا شوية بقينا اساتذة في المظاهرات وشوية بقت اعتصامات وبعديها بيومين برضه غصب عننا دخلنا الامتحانات ولا كأن حاجة حصلت
والله العظيم أنا روحت يوم الامتحان الكلية علي اساس اشارك في اعتصام مش اخش امتحان
اقسم بالله ما قرأت كلمة ولا حرف مذاكرة عشان اخش بيها الامتحان لاني كنت واثق ان الامتحان ده والاسئلة دي لا تتطلب مذاكرة بل لا تتطلب اي شئ!!!!!
لانك ساقط ساقط ولن تفيدك المذكرات والملازم ... و لما روحت الكلية بالنظرة التشاؤمية الغبية دي فوجئت ان كل مدرسين مصر هناك وكلهماو معظمهم ماسكين مذكرات بيدحو فيها وكل واحد معاه قلم رصاص واستيكة وبراية بل شوفت مدرس معاه مقلمة وساندوتشات والله!!!!
النتيجة اللي توصلتلها اننا مانقدرش نصمد ادام اي موقف ولا ناخد رأي واحد بقوة وتصميم .. في النهاية استسلمنا وانا أولكم ... ودلوقتي بحلم بحاجات تانية ... بحلم اني ماشي ورا بنت زي القمر وانا عامل زي الحمار بدون تفكير... واول ما التفتت لي برقت في وشي ولطشتني بالقم وقالتلي "اه يا جباااااااااان"
ساعتها قمت م النوم عامل زي الطفل الرضيع اللي امه حاطة له مشمع !!!!!!!!!
المصري يا جماعة اتعرف عنه الجبن للاسف
اسمع
لو كان هناك عصفور يغرد على غصن شجرة تخيلوا لو مرَّ بجانبه أشخاص من
الجنسيات التالية فماذا يفعل كل منهم ؟
الفرنسي.... يقوم بالغناء مع العصفور.
الأسباني.... يقوم بالرقص على أنغام العصفور.
الإيطالي.... يقوم برسم العصفور.
الإنجليزي.. يقوم بإطلاق النار على العصفور بكل برود.
الهندي..... يقوم بعبادة وتقديس العصفور.
الصيني.... يقوم بأكل العصفور.
الياباني.... يقوم بصنع عصفور إلكتروني مشابه له.
اليهودي... يقوم بالمطالبة بملكية العصفور باعتباره من نسل هدهد سليمان.
الأمريكي... يقوم بصنع فيلم عن جميع الأشخاص الذين مروا على العصفور
المصري...يقوم بالجري كالصاروخ خوفا من العصفور
عارفين ليه؟؟؟؟؟؟؟
عشان الحكومة اقنعته ان اول ما تشوف عصفور اياك وانفلونزا الطيوووووووووور
وتصبحوا علي خير
والله انا بتعجب على المدرسين الى من هذا النوع لو كل معلم احترم نفسه وكان على قدر المسئولية وقد كلمته والتزم وكان له موقف ومبدا ماحدثت هذه المهزلة
M.Sherif 03-09-2008, 03:16 PM اخي الحبيب لا يهمني رد فعل الرجل الانجليزي بقدر ما يهمني ماذا سيفعل المصري في مستقبله وماذا سيقرر؟
محمدمصطفى مصطفى 07-09-2008, 01:48 AM كل عام أنتم بخير
برج الدلو 07-09-2008, 01:54 AM اسفة يا جماعة
بس للاسف بلدنا ديه مفيهاش راجل بجد
بلد مجبتش ولد
حتى ابو غزالة سبنا ومات
الله يرحمه ويرحمنا بقى
سلام يا معلمين
M.Sherif 07-09-2008, 01:57 AM الكلام ده كبير يا برج الدلو باشا
اعتبر ده تهزيق لينا؟؟؟؟؟؟؟؟؟
king mo7amed 07-09-2008, 02:00 AM جميل جدا والله ياعم المصري خلاص راحت عليه
zaza33 07-09-2008, 06:20 AM والله مصر فيها رجالة بس انت مش شايفهم ......
الناس اللى فى المعتقلات بسبب كلمة لا وبسبب عدم موالية للنظام جهارة دول اية ؟
وفى رجالة تانيين بص لنفسك فى المرايا
artman 07-09-2008, 06:29 AM يا جماعة انا كتبت الموضوع ده كنوع من انواع الفنتازيا والسخرية من موضوع الكادر هوا ده بس الغرض منه وارجو من اللي بيفهم الكلام غلط انه ما يغلطش في حد لو سمحتم ويفكر بعقل يمكن يفهم المضمون وشكرا جزيلا علي مروركم
واضح ان الاخوة فارقتهم روح المرح
برغم ان مفهومه يعني
وانا بعتقد ان والحمد لله مفيش مدرس بمصر كلها
قلقان اصلا من نتيجة الكادر
لان الحمد لله كل معلمي مصر بخير
ولا ايه رايكم
مسيو / السيد شلبى 07-09-2008, 09:04 AM شكرا لك على هذه الدعابة
الأستاذة هدى 07-09-2008, 01:38 PM طيب ما اهو احنا المعلمين اللى مربيين الانسان المصرى يعنى مادمنا نحن جبناء طبيعى نربى شعب جبان وعشان كده الحكومة لا تريد لنا حياة كريمة حتى لا نرفع رؤسنا؛ وبالتالى نربى الشعب على رفع رأسه فلهذا تجعلنا نلهث سنوات حتى نحصل على الفتات وفى نهاية الامر لا نحصل على ما حصل عليه الجميع فنكون مازلنا اقل من الجميع وسنظل
بالنسبة للاخت نرمين رأيت ان تحت اسمها عبارة اقرأ مواضيعى الجديدة وتحتها مواضيع منشورة باسمها اذن والله اعلم نحن لم نفهم سؤالها صح .
منى عبد الحافظ 29-11-2008, 10:38 AM الكلام كبير لا يحتاج لدعابة او مرح كفاية اننا بنجرى بجد حتى لو وجدنا عصفور
مابالك بلقمة العيش
yasser 200 29-11-2008, 10:58 AM مش فاهم ايه علاقة الموضوعات اللى مالهاش هدف بقسم الكادر ولا اهو حشو وخلاص
يا جماعة كفاية عليكم استخفاف
ayman615 29-11-2008, 12:20 PM كل عام وانتم بخير
leprince 29-11-2008, 01:44 PM فكرم ممتازه فى عرض الموضوع
ايمن الشريف 29-11-2008, 11:33 PM مستر شريف
تحياتي كلامك حلو كتير بس لا تزعل من اسم شرشر طالما بتشوف في المنام جمال يبقى اكيد اكيد شرشر
متزعلش دي دعابة تحياتي مستر شريف
مس رانيا حسن 30-11-2008, 01:06 AM المصري...يقوم بالجري كالصاروخ خوفا من العصفور
عارفين ليه؟؟؟؟؟؟؟
عشان الحكومة اقنعته ان اول ما تشوف عصفور اياك وانفلونزا الطيوووووووووور
جميله يامستر
ممدوح مصطفى الانصارى 30-11-2008, 03:08 AM موضوع ساخر ورائع ويبعث على الضحك والسرور .
المصرى بيخاف من العصفورة لانه عنده موروث قديم (العصفورة قالتلى ) (هو انت فاكرنى داقق عصافير)
(عصفور فى الايد خير من الف على الشجرة ).
abonazara 05-10-2009, 10:17 PM مقال ظريف جدا
محمد عاطف 22 05-10-2009, 10:48 PM الله ينور عليك
elmister 06-10-2009, 12:07 AM يا جماعة انا كتبت الموضوع ده كنوع من انواع الفنتازيا والسخرية من موضوع الكادر هوا ده بس الغرض منه وارجو من اللي بيفهم الكلام غلط انه ما يغلطش في حد لو سمحتم ويفكر بعقل يمكن يفهم المضمون وشكرا جزيلا علي مروركم
فانتازيا ولا ارتيكريا ...
فى الحقيقة ممكن تكون دوسنتاريا ...
او ملحمة فى جزر الكناريا ....
واوعى يكون فاتك مسلسل زقزقات الكناريا ,....
ihnawbas 06-10-2009, 10:42 PM هم يبكى وهم يضحك
وسالو المدرس ( المتعاقد ) أو (المثبت ) على همومه ... قال كل مايصحى من النوم يلاقمى الهم ماسكه من هدومه.... ولوم على الحكومه ماتلوم لاحد هيلاقى حقه ولا حتى هيعرف يطلع من هدومه ......
متعاقد قرب يطلع من هدومه
Ahmed
MUSTAFAEGYPT 04-12-2009, 04:09 AM تماااااااااااااااااااااااااااااااام
MUSTAFAEGYPT 04-12-2009, 04:10 AM عظيمة يامصرررررررررررررررررررررررررررررررر
Mr.Trueman 04-12-2009, 01:06 PM قال سبحانه وتعالى فى حق فرعون وقومه : "﴿فاستخف قومه فأطاعوه إنهم كانوا قوماً فاسقين * فلما ءاسفونا انتقمنا منهم فأغرقناهم أجمعين * فجعلناهم سلفا ومثلاً للآخرين"
والمعنى واضح طبعا
أ/رضا عطيه 05-12-2009, 12:43 AM ياعم الاستاذ حرام عليك توصف أهلنابالشكل دا وتدوس عليهم فى التراب وتقول عليهم كل دا
لوكنت جيت فى السبعينات أو حتى ياسيدى فى التمانينات
كنت وافقتك على كلامك لأ وقلت أكتر من كدا
شوف قلمك من سنتين كتب كلام وراه بلاوى
خفت ياعم وانت بتكتب ولأ ناوى تكتب تانى
ياعم الشجاعه فى دم المصرى وفيه الخير ليوم الدين
ودا مش كلامى ياأساتذه دا كلام رب العالمين
يمكن يميل ياعم حبه والدنيا تميل عليه حبه
لكن ساعة الجد تلا قيه كله شهامه كله همه
ومش عشان دخلت الكادر وذاكرت كمان قبل الامتحان
وخالفت كلام الناس اللى هي أبقى ياعم شريف جبان
وشكرا------------------
أ/رضا عطيه 23-12-2009, 06:29 PM خير اللهم اجعله خير هما الناس الشجعان راحوا فين؟
teto2204 25-12-2009, 11:03 PM كفاية بقى كلام ف الجبناية دى ويللا بينا نخش فى متاهة جبنايةجديدة يفتحهالنا الجمل او درويش . حاسب يا أخ كله حياخد نصيبه............. من الجبنة Mr SAyed E
shima sayed 27-12-2009, 12:37 PM والله كلام رائع وحلو بس انت ما لكش حق تتهم الشعب المصري بالجبن لأن الشعب المصري يعرف شئ واحد كويس قوي وهو الكلام فنحن أفضل الأمم في الكلام دون فعل شئ
أ/رضا عطيه 30-12-2009, 09:55 PM الكلام أحيانا أفضل من الفعل - وليه دايما بنحب نسىء لأمتنا ولما حد تانى من دوله غريبه يسىء لنا نهد الدنيا
المهم أن نعتز أولا بأنفسنا وأمتنا وابدأ بنفسك
مدرس اللغة 02-01-2010, 02:20 PM ربنا يجعل احلامك كلها خير ويسترها علينا وعلى وزارتنا
أ/رضا عطيه 08-01-2010, 03:18 AM بقول لكم إيه--- ماتيجو ا نشحع منتخب مصر -----واللى وراه مذاكره ربنا يوفقه ويخلى قلبه معانا بس ------وعقله فى مذاكرته --------وربنا يوفق الجميع
مع كامل الاحترام لصاحب الموضوع ------وياريتنا نحول الجبن اللى جوانا (إذا كان فيه أصلا )إلى شجاعه فى حب مصر
sosograph 08-01-2010, 02:24 PM موضوع جيد واقعي طبعا
|