لو بتحب بلدك ... ادخل [الأرشيف] - بوابة الثانوية العامة المصرية

بندق__2007

31-08-2008, 01:15 AM

السلام عليكم و رحمة الله و بركاته

مبدأيا
ليسمح لى زملائى فى مجموعة شباب المستقبل من أجل التغيير أن تكون تلك الكلمات نقطة بداية لتفعيل المجموعة
ممكن تستحملونى دقايق من فضلكم مش عشان سواد عيونى لا عشان بلدنا
حالنا طبعا مفيش واحد فينا مش عارفه و حقنا مفيش حد عنده خلاف على انه متاخد
و كل ما نمشى فى الشارع تسمع الناس بتقول حرام كفاية دول واكلين حقوقنا ده خربوا بيوتنا
بعيدا عن مين دول ...... احنا " هتسالنى انتم مين " " هقولك احنا شباب من أجل التغيير "
بعيدا عن مين اللى واكل حقنا و هو واكله و لا احنا اللى مفرطين فيه و مين الغلطان
بعيد تماما عن كل ده .... بصراحة كدة لو ميلت على ودن اى واحد من اللى بيقول حقنا ضايع
و سألته " حقك ده يطلع ايه يا ابويا ؟ " هيقولك " حقوقنا التعليم و الاسعار ما هم خاربينها و قناة السويس و السياحة "
تسأله تانى " التعليم مش عاجبك فى ايه ؟ " هنا بقى مش هيعرف يرد
تساله تالت " الاسعار اللى غالية غليت ليه ؟ " برده مش هيرد او هيقولك " عشان اللى فوق ياكلوا " هما اللى فوق دول تجار جملة ؟؟!!!
تساله رابع " قناة السويس شغالة ازاى ؟؟ بتجيب قد ايه فى اليوم ؟ " مش هيرد برده
تساله خامس " السياحة بتعمل ايه للبلد و السنة دى هل نسبة السياح قلت و لا زادت ؟ " برده مش هيرد
تساله سادس " تعرف الدستور بتاعنا ؟ " بقولك " اه مش بتاع ابراهيم عيسى " تقوله " ياعم لا الله يهديك دستور مصر "
يقولك " لا يا بنى انا معرفوش " تقوله " طب قانون الطوارئ يا حاج بيقول ايه و لا بينص على ايه ؟ " يقولك " مش عارف "

لا بقى يبقى لا مؤاخذة تستاهل يتعمل فيك كدة و اكتر من كدة
دا انت مش عارف حقك ايه و فين .. انت بتطالب بحقك على انهى اساس إذا كان معاليك ما تعرفش حاجة عن حقك
هتقول انه متاكل
يا جماعة القصد و غايته علشان مصدعكوش قبل ما نطلب حقنا لازم نعرفه لازم نعرف احنا لينا ايه و علينا ايه
و نبطل بقى نغمة المعارضة الجاهلة " هتقولولى انت جاسوس و خاين و عميل " هقولكم انا ليبرالى او يسارى يعنى
بالعربى معارض لكن معارض لسياسة و معارض لمسميات و ليس لاسماء
هتقولولى " ازاى يا فيلسوف "
هقولكم انا مش فيلسوف انا مثلا معارض بعض من سياسة الحزب الحاكم " و ليس الوطنى " هتقولولى ايه الفرق
هقولكم فرق كبييييييييييييييييييير جدا هنشرحه بعدين
بس انا مش معارض للحزب الحاكم و معترض على بعض التصرفات و القرارات الصادرة من السيد رئيس الجمهورية
بصفته و ليس شخصه و لست معارض للانسان " محمد حسنى مبارك "
بمعنى أن القرارات الصحيحة من القيادة السياسية رئيسا و حكومة انا اوافق عليها و ادعمهم فيها
و القرار الذى افتقد للصواب اعترض عليه و ليس على من أصدره
هذه هى الليبرالية كما تعلمتها من الليبراليين العالمين و كما قرأتها فى كتب التاريخ
أما ما يحدث فى الشارع من فوضى و كلمات تتناثر و نحن أصلا نجهل حقوقنا فإننا بذلك نحن الظالمين و ليس أحد آخر

لتلك الكلمات بقية
كى نعرض للشعب القضية
فلا يكون الشعب حرا
إلا بعدما أن يفهم الحرية

اوركيديا

31-08-2008, 02:29 AM

انا مش عارفه حضرتك احنا ممكن نعرف ازاى
و انا شايفه كمان ان شخص الريس برده غلطان
يعنى هو نفسه مينفعش يبقى حاكم
بس هو مستمر
و طبيعى بقى بعد كده كل حاجه
كله كله راجع للراس الكبيره

اما بقى الاسئله فمش كل الناس مش عارفاها
لا فيه ناس كتير قوى عارفاها
بس بعد كده عرفو ياخدو حاجه
لا
يعنى مش فارقه
اللى عارفمن اللى جاهل فى البلد دى
و هو ده قمه الديكتاتوره

C A N D Y

31-08-2008, 02:34 AM

ما يحدث فى الشارع من فوضى و كلمات تتناثر و نحن أصلا نجهل حقوقنا فإننا بذلك نحن الظالمين و ليس أحد آخر

لا بقى يبقى لا مؤاخذة تستاهل يتعمل فيك كدة و اكتر من كدة

...بالظبت كدا
موضوع جميييل و فيه حاجات كتييييير جدا
اهمها
كفاية بأى مصر وحشة..كفاية بأى مش عارفين نعيش..كفاية بأى احنا مظلومين..كفاية بأى الناس ساكتة
كفااااااية كفاية كلام..مش عاجبك حاجة غيرها او حاول تغيرها..كفاية نقد مش ليه لازمة

تانى حاجة
لما تبأى مش عارف ابسط حقوقك..متزعمش ان هى مسلوبة منك و متزعمش ان حد ظلمك لان كدا انت اللى ظلمت نفسك

...و للكلام بقية
و البداية دى مشجعة جدا ...

بس بعد كده عرفو ياخدو حاجه
لا
يعنى مش فارقه
اللى عارفمن اللى جاهل فى البلد دى

هما عملو اى عشان يستحقو انهم ياخدو حاجة؟؟؟!!!

بندق__2007

31-08-2008, 02:36 AM

انا مش عارفه حضرتك احنا ممكن نعرف ازاى

ده اللى ان شاء الله هنعمله كلنا فى المجموعة حملة " مصر الواعية " نوعى الناس بحقوقها

و انا شايفه كمان ان شخص الريس برده غلطان
يعنى هو نفسه مينفعش يبقى حاكم

احب افهم انتى بتتكلمى من انهى منطلق " الدين ام السياسة أم السن .... "
مش معنى كدة انى بدافع عن الريس انا موقفى معروف من سياسة الريس

بس هو مستمر
و طبيعى بقى بعد كده كل حاجه
كله كله راجع للراس الكبيره

الراس الكبيرة لما تستغفلنا يبقى احنا الغلطانين

اما بقى الاسئله فمش كل الناس مش عارفاها

جميل و انا عارف ده

لا فيه ناس كتير قوى عارفاها

لا انا مختلف معاكى مش كتير و لا حاجة

بس بعد كده عرفو ياخدو حاجه
لا
يعنى مش فارقه

لا تفرق لما اتكلم عن علم و على وعى غير لما اتكلم فى حقى و انا مش عارف ده يبقى ضياع حق مش دفاع عنه

اللى عارفمن اللى جاهل فى البلد دى
و هو ده قمه الديكتاتوره

ميرسى لتفاعلك و يارب اكون قدرت اوضح وجهة نظرى

بندق__2007

31-08-2008, 02:39 AM

...بالظبت كدا
موضوع جميييل و فيه حاجات كتييييير جدا
اهمها
كفاية بأى مصر وحشة..كفاية بأى مش عارفين نعيش..كفاية بأى احنا مظلومين..كفاية بأى الناس ساكتة
كفااااااية كفاية كلام..مش عاجبك حاجة غيرها او حاول تغيرها..كفاية نقد مش ليه لازمة

تانى حاجة
لما تبأى مش عارف ابسط حقوقك..متزعمش ان هى مسلوبة منك و متزعمش ان حد ظلمك لان كدا انت اللى ظلمت نفسك

...و للكلام بقية
و البداية دى مشجعة جدا ...

هما عملو اى عشان يستحقو انهم ياخدو حاجة؟؟؟!!!

جميل جدا كلامك و انا يعنى مش عارف اقول ايه

جبت المفيد

ان شاء الله تكون بداية قوية و تستمر بقوة

( لؤلؤة الإسلام )

31-08-2008, 02:54 AM

كلامك جميل يا بندق و مية مية ..
و احنا فإدينا نغير حاجات كتير و المستقبل فادينا ان شاء الله ..

بندق__2007

31-08-2008, 03:00 AM

كلامك جميل يا بندق و مية مية ..
و احنا فإدينا نغير حاجات كتير و المستقبل فادينا ان شاء الله ..

ميرسى لتفاعلك معانا و فعلا بجد المستقبل " اللى مكتوب فى قدرنا " فى ادينا احنا مش فى ايد حد تانى

COoL HEaRT

31-08-2008, 03:05 AM

بندق__2007

31-08-2008, 03:35 AM

مش عارفه انا حاسه ان الشعب مظلوم بجد هم هيعملو ايه ولا ايه يعنى بجد الناس محدش عارف حاجه وده اللى عرف يعمله الحكام خلونا مسلوبى الاراده الحريه اى معلم من معالم الانسانيه .... العيب مش ع الشعب احنا مغيبين ..
ولعلمك فى ناس فاهمه حقوقها وواجبتها بس محدش عارف ياخد لا حق ولا باطل
ليا عوده تانيه باذن الله
بس عاوزه اقوم اخلص الكميا ورايا امتحان بكره :d

الحقيقة انا نقطتى واضحة و مش معترض ان الشعب مظلوم و لكن الاول يعرف حقوقه
دى الخطوة الأولى بعد كدة نطالب بحقنا
و الناس اللى فاهمة دول شوية صغيرين
لازم يكتروا شوية و بعد كدة ساعتها اللى فاهمين هيكونوا كتير
يقدرو يعملوا حاجة مع بعض

وفاء البحر

31-08-2008, 03:38 AM

مدام عم الحج مش عارف يجاوب ع الاسئله دي يبقي احنا المفروض اللي نعرف
احنا امل البلد دي مش مجرد شعارات لازم نعمل حاجه
وان شاء الله البدايه هتكون من هنا
ربنا معانا

علاء عيسى

31-08-2008, 03:38 AM

بندق__2007

31-08-2008, 03:45 AM

مدام عم الحج مش عارف يجاوب ع الاسئله دي يبقي احنا المفروض اللي نعرف
احنا امل البلد دي مش مجرد شعارات لازم نعمل حاجه
وان شاء الله البدايه هتكون من هنا
ربنا معانا

إن شاء الله هيكون ده دورنا نعرف و نعرف الناس بحقنا اللى ضايع
عشان نعرف نطلبه
و البداية هتكون مننا و بينا و من هنا

بندق__2007

31-08-2008, 03:47 AM

قبل ما نطلب حقنا لازم نعرفه لازم نعرف احنا
لينا ايه
و علينا ايه
" صدقت هذا هو لب الموضوع وأساس القضية "
وبه العلاج كله
لو كل منا حكام ومحكومين عرف ماعليه
وقام به

ستجد كل منا أخذ ماله
تحياتى
لفكرك
شرف لأديب مصرى محترم مثلك أن يعلق هذا التعليق على فكرى المتواضع

أشكر لك ردك و أتمنى لك و لنا التوفيق

وفاء البحر

31-08-2008, 03:50 AM

إن شاء الله هيكون ده دورنا نعرف و نعرف الناس بحقنا اللى ضايع
عشان نعرف نطلبه
و البداية هتكون مننا و بينا و من هنا

يا رب نعمل حاجه بجد انا نفسي اعمل حاجه للبلد دي
نفسي اوفي حقها عليه
البلد دي مفيش ذيها بس محتجه اللي ينورها ولو بشمعه
واحنا ان شاء الله هنكون نبراس النور ليها

بندق__2007

31-08-2008, 08:13 AM

يا رب نعمل حاجه بجد انا نفسي اعمل حاجه للبلد دي
نفسي اوفي حقها عليه
البلد دي مفيش ذيها بس محتجه اللي ينورها ولو بشمعه
واحنا ان شاء الله هنكون نبراس النور ليها

متعرفيش انا سعيد بحماسك ده قد ايه على الأقل لسه فيه ناس اليأس ما امتلكهاش
ان شاء الله بإذن الله ربنا يقدرنا نعمل حاجة صح لبلدنا

ميرسى اوى ليكى يا وفاء

Sherif Elkhodary

31-08-2008, 10:45 AM

اولا احييك علي هذا الوضوع الرائع

و فعلا كل الحقوق رايحة في الضياع

و بجد لازم نغير حتي و لو جزء بسيط

شكرا علي موضوعك

و انا معاكوا باذن الله

Ra2oF

31-08-2008, 11:54 AM

ما المشكلة ان الفساد متفشي بطريقة رهيبة في البلد بس الحكومة بسياستها الخبيثة بتلهي الناس بكذا حاجة زي الاسعار و المواصلات و العيش ده الواحد لما يجيب العيش من الفرن بيحث انه مش عايز حاجة تانية :: بعد كل الليلة ديه و اكتر الواحد مبيفكرش في الكلام ده الدستور , ألخ ::: :::
الحكومة سياستها جوع الشعب و عربد في البلد و محدش هيسألك عن حاجة ::
علشان كيده لازم يبقي في وعي عند الشباب و دلوقتي في وعي بصراحة كبير زي حركة 6 ابريل ::
انا عايز اقول حاجة احنا غلطانين :: الظواهري كفر الشعب المصري :: هو طبعا ملوش حق يكفر حد بس هو قال ان الشعب ده ساكت علي الظلم ده كله يبقي كافر ::
يعني بجد لازم نعمل حاجة و يبقي فه تحرك
و جزاك الله خيراا علي موضوعك

COoL HEaRT

31-08-2008, 12:36 PM

طب ممكن سؤال ناويين تعملوا ايه او تقدرو تعملو ايه ؟؟ !! :d

لاحظوا ان احنا مش عارفين نحسن المنتدى هنعرف نحسن البلد لو فى اقتراحات واضحه قولوها

مس رانيا حسن

31-08-2008, 12:38 PM

جزاك الله خيرا
بالفعل علينا فى البدايه ان نعرف ما لنا
بدايه موفقه ان شاء الله
ومجهود رائع وفى انتظار بقيه الموضوع
فى امان الله

biob

31-08-2008, 12:58 PM

انا والله يا جماعه ناوى اخلع من هنا واشتغل واعيش بره
اللى هيقعد فى البلددى لازم يبقى معاه فلوس
ابقوا حلو المشاكلدى بقى على ما اارجع

كركركوكو

31-08-2008, 03:41 PM

مظبوط كل كلامك يابندق
احنا مش هنكون معارضين وخلاص
زي كل الناس
احنا طالبين التغيير
ولازم نكون فاهمين احنا بنعمل ايه
وايه الفرق بين ده وده
ولازم نعرف اننا لينا حقوق
وبرده علينا واجبات
ومتابعينك يابندق
بجد انت راجل بتعجبني لانك فاهم
الي الامام دائما
ــــــــــــــــــــــــــــــــــــــــــــــــــ ــــــــــ
بواسطة (biob)
انا والله يا جماعه ناوى اخلع من هنا واشتغل واعيش بره
اللى هيقعد فى البلددى لازم يبقى معاه فلوس
ابقوا حلو المشاكلدى بقى على ما اارجع

تعرف اني برده ان شاء الله هسافر بره
يعني احنا الاثنين بنفكر في السفر
بس في فرق
انت بتتهرب وعايز المشاكل بتاع البلد تتحل علي الجاهز ودي المشكله اننا كلنا بنعتمد علي بعضنا يعني مفيش حاجه في الحاله دي هتتحل
بس انا لو سفرت عمري ماهنسا بلدي ولا مشاكل بلدي
|||||||||||||||||||||||||||||||||||||||||||||||||| ||||

دي بقي حاجه كده مش عارف بتاع مين بص في واحد صاحبي قالي انه كاتبها

،،،،،،،،،،،،،،،،،،،،،،،،،،،،،،،،،،
عم الحج قاعد حزين
وبيحلف ميت يمين
لاغير السنين
وأخلي ولادي في الهنا عايشين
ويرد عليه سيدنا الافندي
ياعم الحج بتقول لمين
وبتحلف يامين
هما اللي قدامك سامعين
ويرد عليه عم الحج
والدمعه ماليه العين
ولادنا في البلاد ساعيين
بيدورا علي لقمة العيش ومش لاقيين
قوتنا واكلينه الظالمين
هي ثوره واحده ويصحوا النايمين
ونطالب بحقوقنا ونقول عايزين
وبالوضع ده محناش راضيين
لحد ايمته يامصريين هتفضلوا ساكتين
لحد مايحصلكم زي العراق وفلسطين
ليست بقلمي

الشفق الباكي

31-08-2008, 04:25 PM

بصراحه الموضوع حلو اوى
واكيد كل واحد فينا مش مفرط فى حقه بس كله خايف
الحكومه بتتلاعب بالدستور وحقوق الناس وعامله لكل واحد فى قلب بيته ارهاب

!!!دمعة حزن!!!

31-08-2008, 06:18 PM

فكره التغير فى حد ذاتها
فكره جميله جداااااااااااااا

فى حاجه كمان من السهل اننا نعرف حقوقنا وواجبتنا اتجاه بلدنا
بس من الصعب اننا نحصل على حقوقنا

البلد ده اديتنا حاجات كتير بس اخدت مننا حاجات اكترررر

محترف الأدسنس

31-08-2008, 10:31 PM

الحل بسيط وسهل جدا..........
المجتمع لايسير من اعلى لأسفل أبدا
ولا يمكن تغييره بالنظر لأعلى
المجتمع سينتظم إذا عرف كل فرد حقه
إذا عرف من اين يبدأ
إذا بدأ طريقه خطوة للأمام
فلننظر لأنفسنا اليوم
إننا مستهلكون اكثر منا انتاجيون
أين التجارة ؟؟؟
هل تلك الخردوات والمستهلكات الادميه الخسيسة يعد استياردها وتصديرها بالتجارة؟
اين الصناعة؟؟؟
جواب واحد....رحمها الله
اين الأفكار؟؟؟
جواب واحد.......في غيبوبة!!!
اين الوعي القومي والوطني ؟؟؟
جواب واحد.........الله اعلم......

الأستاذة أم معتصم

31-08-2008, 10:47 PM

الموضوع جميل

دعوة للتغير

وحب البلد مش كلام

لكن المشكلة انك كل متحاول تتكلم مع حد يقولك هو انت يعنى الى هتغير البلد

طب ليه نستسلم

الواحد لازم يبدا بنفسه

التغير من الداخل الاول

طبعا كلنا نعرف القصة التى تخبرنا ان الله عز وجل عندما اراد ان يهلك قرية ارسل اليها الملائكة

فقالوا يارب ان فيها عبدا صالحا يعبدك

فقال الله عز وجل به فابدأوا

وطبعا هذا لانه لم يحاول تغيير المنكر

احنا بنطالب بس

الثقافة والمعرفة لحقوقنا وحق بلدنا علينا

انك تكون عارف كل شىء

مش تنساق وراء اى تغير خارجى وخلاص

وتقول اشمعنه انا هكون مختلف

ربنا معانا

بندق__2007

01-09-2008, 05:13 AM

اولا احييك علي هذا الوضوع الرائع

و فعلا كل الحقوق رايحة في الضياع

و بجد لازم نغير حتي و لو جزء بسيط

شكرا علي موضوعك

و انا معاكوا باذن الله

إن شاء الله يا شريف هنعمل حاجة و هنغير كتير فى بلدنا
اللعبة فى ايدينا احنا

ما المشكلة ان الفساد متفشي بطريقة رهيبة في البلد بس الحكومة بسياستها الخبيثة بتلهي الناس بكذا حاجة زي الاسعار و المواصلات و العيش ده الواحد لما يجيب العيش من الفرن بيحث انه مش عايز حاجة تانية :: بعد كل الليلة ديه و اكتر الواحد مبيفكرش في الكلام ده الدستور , ألخ ::: :::
الحكومة سياستها جوع الشعب و عربد في البلد و محدش هيسألك عن حاجة ::
علشان كيده لازم يبقي في وعي عند الشباب و دلوقتي في وعي بصراحة كبير زي حركة 6 ابريل ::
انا عايز اقول حاجة احنا غلطانين :: الظواهري كفر الشعب المصري :: هو طبعا ملوش حق يكفر حد بس هو قال ان الشعب ده ساكت علي الظلم ده كله يبقي كافر ::
يعني بجد لازم نعمل حاجة و يبقي فه تحرك
و جزاك الله خيراا علي موضوعك

مختلف التيارات و الانتماءات حملتنا المسؤولية على اللى احنا فيه كشعب قبل الحكومة
من الليبراليين للاخوان و كمان المتطرفين معنى كدة انهم كلهم على حق
لازم نكون واعيين و مدركين ايه اللى بيحصل و هل ده دستورى و لا لا و اقتصاد البلد رايح فين
و نعرف اللعبة بتتلعب ازاى عشان محدش يضحك علينا

بندق__2007

01-09-2008, 05:21 AM

طب ممكن سؤال ناويين تعملوا ايه او تقدرو تعملو ايه ؟؟ !! :d

لاحظوا ان احنا مش عارفين نحسن المنتدى هنعرف نحسن البلد لو فى اقتراحات واضحه قولوها

بصى يا ستى مش المهم هنعمل ايه ده احنا عارفينه كويس
و لكن الاهم / عدم اليأس احنا مش عارفين نحسن المنتدى و المشاركة الجماعية بالمقترحات لو فى اقتراحات واضحه قولوهاكلامى ارجو انه ما يتفهمش غلط انا مش بحرج و لا اى حاجة انا على قد ما اقدر بصلح مفهوم و تفكير
مش اكتر و الله و ميرسى لمرورك و لو مش حابة تشاركينى بمقترحات تابعينا و هتعرفى هنعمل ايه

جزاك الله خيرا
بالفعل علينا فى البدايه ان نعرف ما لنا
بدايه موفقه ان شاء الله
ومجهود رائع وفى انتظار بقيه الموضوع
فى امان الله

ان شاء الله يا استاذة رانيا نقدر
انضمامك لينا شئ يسعدنا و يشرفنا جدا

COoL HEaRT

01-09-2008, 05:23 AM

والله لو الواحد استسلم للياس كان زمنا متنا من زمان عامه موضوع حلو يا بندق
وعامه انا هتابع عشان اعرف هتعملو ا ايه :d

بندق__2007

01-09-2008, 05:24 AM

انا والله يا جماعه ناوى اخلع من هنا واشتغل واعيش بره
اللى هيقعد فى البلددى لازم يبقى معاه فلوس
ابقوا حلو المشاكلدى بقى على ما اارجع

ان شاء الله ربنا يكرمك

بس هل لو رجعت و لاقيتها اتحلت هتكون مبسوط
و مش هتكون زعلان انك ما شاركتش ؟؟ حتى بانك عرفت حقك فين

يارب بس ما طبقوش قانون الغايب ملوش نايب

بندق__2007

01-09-2008, 05:29 AM

مظبوط كل كلامك يابندق
احنا مش هنكون معارضين وخلاص
زي كل الناس
احنا طالبين التغيير
ولازم نكون فاهمين احنا بنعمل ايه
وايه الفرق بين ده وده
ولازم نعرف اننا لينا حقوق
وبرده علينا واجبات
ومتابعينك يابندق
بجد انت راجل بتعجبني لانك فاهم
الي الامام دائما

متشكر جدا يا كركر و نحن قادرين على التغيير و انا اقل جندى فى تلك الكتيبة التى بإذن الله ستغير شئ
و انا يا كريم ببدأ الموضوع اه .... بس مش معنى كدة انى لوحدى انتم كلكم معايا
و منتظر منكم اكتر من اللى هقدمه

دي بقي حاجه كده مش عارف بتاع مين بص في واحد صاحبي قالي انه كاتبها

،،،،،،،،،،،،،،،،،،،،،،،،،،،،،،،،،،
عم الحج قاعد حزين
وبيحلف ميت يمين
لاغير السنين
وأخلي ولادي في الهنا عايشين
ويرد عليه سيدنا الافندي
ياعم الحج بتقول لمين
وبتحلف يامين
هما اللي قدامك سامعين
ويرد عليه عم الحج
والدمعه ماليه العين
ولادنا في البلاد ساعيين
بيدورا علي لقمة العيش ومش لاقيين
قوتنا واكلينه الظالمين
هي ثوره واحده ويصحوا النايمين
ونطالب بحقوقنا ونقول عايزين
وبالوضع ده محناش راضيين
لحد ايمته يامصريين هتفضلوا ساكتين
لحد مايحصلكم زي العراق وفلسطين
ليست بقلمي

اما دى بقى فجميلة جدا جدا و معبرة جدا جدا

بندق__2007

01-09-2008, 05:34 AM

بصراحه الموضوع حلو اوى
واكيد كل واحد فينا مش مفرط فى حقه بس كله خايف
الحكومه بتتلاعب بالدستور وحقوق الناس وعامله لكل واحد فى قلب بيته ارهاب

الحكومة بتتلاعب لأننا مش فاهمين
ما هو لو واحد ميعرفش حاجة فى الكمبيوتر و جهازه عطل و راح لمهندس قاله ده خرب خلاص و بيعه ب3 جنية
هيبيع .... و الجهاز أصلا شغال بس هو مش عارف عشان كدة المهندس ضربه على قفاه
هى دى السياسة

فكره التغير فى حد ذاتها
فكره جميله جداااااااااااااا

فى حاجه كمان من السهل اننا نعرف حقوقنا وواجبتنا اتجاه بلدنا
بس من الصعب اننا نحصل على حقوقنا

البلد ده اديتنا حاجات كتير بس اخدت مننا حاجات اكترررر

الخطوة الأولى بس اننا نعرفها يا كاميليا
و بعد كدة خليكوا بس معايا و هناخد حقوقنا

بندق__2007

01-09-2008, 05:43 AM

الحل بسيط وسهل جدا..........
المجتمع لايسير من اعلى لأسفل أبدا

الله يفتح عليك كدة بنتكلم صح

ولا يمكن تغييره بالنظر لأعلى
المجتمع سينتظم إذا عرف كل فرد حقه
إذا عرف من اين يبدأ
إذا بدأ طريقه خطوة للأمام

و بدأها بوعى

فلننظر لأنفسنا اليوم
إننا مستهلكون اكثر منا انتاجيون
أين التجارة ؟؟؟
هل تلك الخردوات والمستهلكات الادميه الخسيسة يعد استياردها وتصديرها بالتجارة؟
اين الصناعة؟؟؟
جواب واحد....رحمها الله
اين الأفكار؟؟؟
جواب واحد.......في غيبوبة!!!
اين الوعي القومي والوطني ؟؟؟
جواب واحد.........الله اعلم......

احنا بقى عاوزين نخليه " الله أعلم و نحن أيضا عالمين "

الموضوع جميل

دعوة للتغير

وحب البلد مش كلام

لكن المشكلة انك كل متحاول تتكلم مع حد يقولك هو انت يعنى الى هتغير البلد

قوله ايوة انا هغير البلد

طب ليه نستسلم

الواحد لازم يبدا بنفسه

التغير من الداخل الاول

بالظبط

طبعا كلنا نعرف القصة التى تخبرنا ان الله عز وجل عندما اراد ان يهلك قرية ارسل اليها الملائكة

فقالوا يارب ان فيها عبدا صالحا يعبدك

فقال الله عز وجل به فابدأوا

وطبعا هذا لانه لم يحاول تغيير المنكر

الله عليك

احنا بنطالب بس

الثقافة والمعرفة لحقوقنا وحق بلدنا علينا

انك تكون عارف كل شىء

مش تنساق وراء اى تغير خارجى وخلاص

وتقول اشمعنه انا هكون مختلف

ربنا معانا

الحمد لله ان فيه ناس زيكم لسه فيها الامل و الحب ناحية بلدها

هيا فعلا بينا كلنا هتتغير

بندق__2007

01-09-2008, 06:11 AM

الحملة اللى هنقوم بيها هى حملة على عدة مراحل

الحملة اسمها " مصر الواعية "

الحملة دى أول مرحلة الأولى فيها

" معنى الليبراية "

و ثانى مرحلة

" التوعية الدستورية " بشرح أهم مواد الدستور

و ثالث مرحلة

" التوعية القانونية " بشرح أهم مواد القانون التى تهمنا فى الحياة العادية

و البقية تأتى ............. الافكار موجودة عندى بس هعرضها واحدة واحدة

اللى يقدر يساعد فى التلات مراحل دول يقولى
و اللى عنده توعية فى مجالات تانية يقولى برده

على شات المجموعة او على الايميل الخاص بيا اللى موجود فى الملف الشخصى بتاعى

C A N D Y

01-09-2008, 06:14 AM

عم الحج قاعد حزين
وبيحلف ميت يمين
لاغير السنين
وأخلي ولادي في الهنا عايشين
ويرد عليه سيدنا الافندي
ياعم الحج بتقول لمين
وبتحلف يامين
هما اللي قدامك سامعين
ويرد عليه عم الحج
والدمعه ماليه العين
ولادنا في البلاد ساعيين
بيدورا علي لقمة العيش ومش لاقيين
قوتنا واكلينه الظالمين
هي ثوره واحده ويصحوا النايمين
ونطالب بحقوقنا ونقول عايزين
وبالوضع ده محناش راضيين
لحد ايمته يامصريين هتفضلوا ساكتين
لحد مايحصلكم زي العراق وفلسطين

ياااا...بجد مش عارفة اقول اى ع الكلام دا...نفسى اعرف مين اللى كتبه...بجد جاب المختصر المفيد
و رغم ان الجملة اللى بالاحمر دى بقولها بالى سنتين
بس و انا بقراها انهاردة اثرت فيا كتير
...هو دا حالنا

C A N D Y

01-09-2008, 06:16 AM

بندق__2007

01-09-2008, 06:18 AM

تماااااام..و انا ان شاء الله موجودة فى التلاتة...مع انى مش عارفة هنعمل اى بالظبت فى تالت واحدة دى

خليها عليا انا بس همتك معانا فى اللى تقدرى عليه

Tawfeek Yahia

01-09-2008, 10:03 AM

تحيا الحكومه !!!! وربنا يخليلنا جدو حسني حبيب قلبي

وفاء البحر

01-09-2008, 10:11 PM

بسم الله الرحمن الرحيم
السلام عليكم ورحمه الله وبركاته
مبدئيا يا جماعه التغيير هيبتدي بثلاث مراحل
1- نغير من نفسنا
2- نغير في مجتمعنا الصغير اللي هو منتدانا الجميل ده
3- هنبتدي نحول التغيير ده للي حوالينا بدايه باسرنا
اولا :- تغيير نفسنا ودي حاجه مش هطول في الكلام فيها علشان احنا شبعنا كلام
كل واحد عارف اللي ليه واللي عليه لربنا وللي حواليه وكل واحد عارف هو ماثر في ايه والمفروض يعمل ايه وميعملش ايه
متفقين يبقي كده اوكي لو تخطينا المرحله دي
ثانيا :-المنتدي بصراحه في حاجه مضايقاني ان في هوجه من المواضيع التافهه وسوري في التعبير بس هي ما تستحقش اكتر من كده وده بقي دور المشرفين لان المواضيع ما بنستفيدش منها اي حاجه غير تضييع الوقت عايز تزود مشاركاتك يبقي بحاجه مفيده لان كلامك هتتسال عليه وتتحاسب علي كل حرف
فطلب من الاخوه المشرفين كل واحد يبحث في القسم الخاص بيه ويحذف المواضيع دي
واحنا لحد ما المشرفين يعملوا كده احنا ما نشاركش في المواضيع دي

ثالثا:- تغيير المجتمع من حوالينا
عايزين بقي نبطل نغمه هو احنا هنغير الكون لو حتي هتغير شخص واحد يبقي اسمك غيرت والحد ده هيغير حد تاني وهكذا
نحاول نطبق ده مبدئيا مع اسرتنا ادخل اسلوب الحوار في بيتنا نمي روح المشاركه وخليك ايجابي متبقاش مجرد حاجه في البيت تاكل وتشرب وتنام وتاخد فلوس وتروح دروس وبعدين ما تفلحش في الثانويه العامه:d
انا بتكلم بجد والله خليك او خليكي فعاله
اللي انا اتعلمه هنا في المنتدي مثلا من موضوعنا ده انقله للي حواليه وانتوا عارفين الناس بتاثر في بعضهم ازاي
بدل ما ماما مثلا تقعد تكلم طنت ام الخير :dع الكنافه والبسبوسه :dوانا عملت وسويت
تكلمها عن حقوقنا في البلد وازاي تدافع عنها
بابا يقولك بطلي كلام في السياسه يا بنت:d اقعدي معاه وفهميه ان انتي مش بتتكلمي وخلاص وان انتم عايزين تعملوا حاجه لبلدكوا
انا لسه ما خلصتش كلامي بس نا تعبت دلوقتي :d
بس نحاول يا جماعه علي قد ما نقدر نكون ايجابين شويه
معلشي طولت عليكم
وسامحوني لو بتاخر شويه
يلا كل سنه وانتم طيبيين

!!!دمعة حزن!!!

01-09-2008, 10:15 PM

الخطوة الأولى بس اننا نعرفها يا كاميليا
و بعد كدة خليكوا بس معايا و هناخد حقوقنا

اوكى
انا معاك
وياريت نعمل حاجه بجد

!!!دمعة حزن!!!

01-09-2008, 10:20 PM

بسم الله الرحمن الرحيم

السلام عليكم ورحمه الله وبركاته
مبدئيا يا جماعه التغيير هيبتدي بثلاث مراحل
1- نغير من نفسنا
2- نغير في مجتمعنا الصغير اللي هو منتدانا الجميل ده
3- هنبتدي نحول التغيير ده للي حوالينا بدايه باسرنا
اولا :- تغيير نفسنا ودي حاجه مش هطول في الكلام فيها علشان احنا شبعنا كلام
كل واحد عارف اللي ليه واللي عليه لربنا وللي حواليه وكل واحد عارف هو ماثر في ايه والمفروض يعمل ايه وميعملش ايه
متفقين يبقي كده اوكي لو تخطينا المرحله دي
ثانيا :-المنتدي بصراحه في حاجه مضايقاني ان في هوجه من المواضيع التافهه وسوري في التعبير بس هي ما تستحقش اكتر من كده وده بقي دور المشرفين لان المواضيع ما بنستفيدش منها اي حاجه غير تضييع الوقت عايز تزود مشاركاتك يبقي بحاجه مفيده لان كلامك هتتسال عليه وتتحاسب علي كل حرف
فطلب من الاخوه المشرفين كل واحد يبحث في القسم الخاص بيه ويحذف المواضيع دي
واحنا لحد ما المشرفين يعملوا كده احنا ما نشاركش في المواضيع دي

ثالثا:- تغيير المجتمع من حوالينا
عايزين بقي نبطل نغمه هو احنا هنغير الكون لو حتي هتغير شخص واحد يبقي اسمك غيرت والحد ده هيغير حد تاني وهكذا
نحاول نطبق ده مبدئيا مع اسرتنا ادخل اسلوب الحوار في بيتنا نمي روح المشاركه وخليك ايجابي متبقاش مجرد حاجه في البيت تاكل وتشرب وتنام وتاخد فلوس وتروح دروس وبعدين ما تفلحش في الثانويه العامه:d
انا بتكلم بجد والله خليك او خليكي فعاله
اللي انا اتعلمه هنا في المنتدي مثلا من موضوعنا ده انقله للي حواليه وانتوا عارفين الناس بتاثر في بعضهم ازاي
بدل ما ماما مثلا تقعد تكلم طنت ام الخير :dع الكنافه والبسبوسه :dوانا عملت وسويت
تكلمها عن حقوقنا في البلد وازاي تدافع عنها
بابا يقولك بطلي كلام في السياسه يا بنت:d اقعدي معاه وفهميه ان انتي مش بتتكلمي وخلاص وان انتم عايزين تعملوا حاجه لبلدكوا
انا لسه ما خلصتش كلامي بس نا تعبت دلوقتي :d
بس نحاول يا جماعه علي قد ما نقدر نكون ايجابين شويه
معلشي طولت عليكم
وسامحوني لو بتاخر شويه

يلا كل سنه وانتم طيبيين

كلامك جميل جدا حبيبتى
وبرفعلك القبعه ياحبيبتى
بس ياترى الكلام ده هيتنفذ امتى
ولو اتنفذ هيستمر اد اييييييييييييييييه؟

سامحينى لو كلام قاصى شويه
كل سنه وانتم طيبين
رمضان كريم

وفاء البحر

01-09-2008, 10:55 PM

كلامك جميل جدا حبيبتى
اولا ميرسي لذوقك

وبرفعلك القبعه ياحبيبتى
الله يخليكي بس مش لدرجه دي
بس ياترى الكلام ده هيتنفذ امتى
نبتدي في اقرب وقت
ولو اتنفذ هيستمر اد اييييييييييييييييه؟
دي مهمتنا بقي ان احنا نداوم مش نبتدي سخنين وبعدين ننام:d

سامحينى لو كلام قاصى شويه
ابدا يا حبيبتي رايك علي عيني وراسي بس يا رب يكون قصدي وصلك
كل سنه وانتم طيبين
وانتي طيبه

رمضان كريم

الله اكرم

بندق__2007

02-09-2008, 12:14 AM

بندق__2007

14-09-2008, 01:18 AM

الموضوع عاوز تفاعل اكتر من كدة

احنا مش هننام احنا ناوين نغير بجد

اللى عنده فكرة يا جماعة يقولها سواء عضو او مش عضو فى المجموعة

دى بلدنا كلنا و كلنا لازم نتحرك عشان ننقذها

بلدنا بجد بتغرق و الامل فينا احنا

و ايد لوحدها ما تصقفش انا عاوز كلنا نقف ايد واحدة

و انا عارف ان فيه ناس كتير لسه بتحب بلدها

HAMADA_013

14-09-2008, 05:28 PM

ان الله لايغير ما بقوم حتى يغيروا ما بانفسهم

بندق__2007

15-09-2008, 02:46 AM

ان الله لايغير ما بقوم حتى يغيروا ما بانفسهم

بالظبط كدة

ميرسى يا حمادة

و المرحلة التانية من حملة مصر الواعية تمت و ان شاء الله قريب اوى المرحلة التالتة و الرابعة و الخامسة

و بعدها الحملة التانية و مش هنسكت

f.r.i.e.n.d.s

27-12-2008, 12:38 PM

شكرا على الموضوع ده
وفعلا البلد محتاجه تغيير

Dr.tuty

29-01-2009, 03:41 AM

سبحان الله يا بندق 2007 حضرتك قلت كل كلمة كنت بقولها للي بيعارض علي الفاضية والمليانة علشان بس يبقى زي بقيت الناس
يعني مثلا تلاقي واحد عمال يقولك (على اي موقف)
الشعب المصري دة..............
العرب دول يا اخي.................
مع ان والله احنا مافيش زينا(ودة مش شعارات وكلام فاضي)
احنا يمكن اللي ناقصنا شوية دراية على حبة ثقافة
وياريت قبل ما نقول احنا متاكل حقنا (زي ما قولت) نحاول ندي كل حاجة حقها واول حاجة دينا علشان ربنا يقف معانا
للاسف احنا مش بنعرف نطالب بحقنا المهضوم لان احنا مش عرفينه اصلا بس وارثين ان احنا لينا حق
انا راي نحاول نهتم بدينا شوية بعني تخيل انك تكون بتقرا قران وتصلي ولنا تيجي تتحاسب وتقف قدام ربنا عز وجل تلاقي نفسك مش عارف المبشرين بالجنة او مش حافظ اسماء الله او .. او ..
اعتقد ان دة ممكن يخليك بعد كدة حابب تعرف كل حاجة حوليك
الموضوع مش صعب بس محتاج مجهود شوية مننا

وجزاكم الله خيرا

stuv847

14-05-2009, 10:43 PM

was doing a lot of research on the old Andy Warhol 'Interview' magazine covers, so there's definitely that feel to it. It makes the image wow gold (http://www.wowgold300.com/) more dynamic, that's for sure. This seemed to have that movement The New York-based Matthews started off working in film production and music publicity before making the transition to buy wow gold (http://www.wowgold300.com/) entertainment photography. In her career, she has documented celebrities ranging from pop stars (Britney Spears, Justin Timberlake, Janet Jackson) to politicians (Al Gore, George Bush, John McCain) to sports legends (Tom Brady, Derek Jeter) to rock gods (Mick Jagger, U2, Neil Young). Her experience also includes film and television stills and publicity, advertising campaigns, celebrity weddings and rock tours.

account closed

27-07-2009, 07:58 PM

السلام عليكم ورحمة الله وبركاته

أولا أحب أحيي حضرتك ع الموضوع الرائع ده

فعلا معروف عن المصريين إنهم ناس بتوع كلام وبس

ودى حقيقة مش كدب .

أنا اول مرة أدخل القسم ده

وبجد حبيت اوى الموضوع .

ومعاك بإذن الله .

أما بالنسبة إننا نبدأ بتغيير المنتدى .

أنا لسة متعينة جديد ف القسم .

بس ولله الحمد فعلا طبقت التغيير

بمعنى إن القسم كان 39 صفحة

أصبح 24 صفحة .

دورت ع كل المواضيع المتكررة والموقوفة وما إلى ذلك

وحذفتها أو نقلتها .

وبجد حاسة بالفرق .

معاك بإذن الله مش عشان خاطر بندق أو غيره

عشان خاطر إحنا بنحب مصر أوى أوى

مش احنا بس على فكرة .

لو سألت أى حد من الدول العربية هيقولك كده

عارف لما بقول أنا بموت ف مصر

لازم اتسأل : على ايه ؟

هى مصر عملت لنا إيه ؟

مش كفاية العيشة ؟؟؟؟؟

بجد لازم نعمل حاجة .

بس ياريت الموضوع يكمل مش يتوقف بالله عليكم .

وجزاكم الله خير الجزاء .

افتكر قوله تعالى :

( ومن أحياها فكأنما أحيا الناس جميعا ) .

وشكرا .......

account closed

27-07-2009, 11:49 PM

مملكة الرحمة

13-12-2009, 12:20 PM

موضعكم بجد جميل وبيتكلم عن تغيير لازم يحصل بس السؤال هنا بعد اما كل واحد يعرف علية اية ولية اية هيطالب بحقة ازاى وصوتنا ازاى هيوصل للمسؤلين طب ولو العيب مش من المسؤلين طب هيبقى من مين

baheya

07-04-2010, 07:04 PM

:022yb4:هللى ياشمس البشاير طابت وآن الاوان طلى وحليى الستاير نور الاشاير يبان مصر الشباب العزيزة قامت وكان اللى كان هللى

قال الشباب المداوى شققشق يانور الصباح تظهر اصول البلاوىتطهر عيون الجراح تطرح فى مصر الغناوى ذى النسيم فى الصباح

تسلم عيون الاطبا ويعيش حكيم الزمن هللى

أ/ ابراهيم حسن

29-04-2010, 07:30 AM

ياجماعة أنا من المنصورة وعيز أنضم للجمعية الوطنية من أجل التغيير ــ بقالى كتير بحاول فى الموضوع ده مش عارف أعمل إيه وأزاى أديهم توقيعى ــ بالله عليكم اللى يعرف يرد عليا

الامبراطور محمد

03-09-2010, 12:00 AM

جزاكم الله خير

الامبراطور محمد

03-09-2010, 12:03 AM

جزاكم الله خير علي مجهودكم

ahmedsabri77

02-02-2011, 08:19 PM

انا مش ضد المظاهرات السلمية

بس ضد ان الشعب يكون السبب الاول في التدخل الخارجي
...

عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة
والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه
---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين
واللي ملهمش فيها

abo_maher

04-02-2011, 09:42 AM

اللهم ارحم مصر وصنها وصن أهلها
يا ريت تكونوا تابعتوا اخر الاخبار و عرفتوا ان كل ده من تلفيق الشركه freedom house الامريكيه
اللى خدت شويه شباب مش لاقى اى مليم و ضحكوا عليهم بشويه فلوس و دربوهم كويس قبل كل الحوار ده فترة لقلب نظام الحكم بدايه بالمظاهرات اللى قالوا كان هدفها الاول و الاخير احراج النظام والامن عن طريق استفزازهم و رمى الطوب عليهم عشان طبعا لجنه حقوق الانسان تدخل و شويه شويه تيجى الحرائق فى اهم مؤسسات البلد لاضعاف اقتصاد البلد و كيانها وصولا بالمطالب اللى مكانتش بتخلص لغايه لما نفذلهم كل حاجه طلبوها و لما ملقوش حاجه تانيه قالولو امشى مش عايزينك و يجوا يسالوهم عايزينه يمشى ليه يردوا يقولولك
كده و خلاص ................مش حاجه تحرق الدم
(منقول ومعدل بعض الشئ )

ممدوح حسين موسى

04-02-2011, 10:59 AM

ادعو الله ان يحفظ مصر من الفتنة وتدخل من ليس له حق فينا

**Hagora**

04-02-2011, 01:31 PM

يارب امنح من يكره مصــر

نعمة العقــل ..!!

mfa1

04-02-2011, 04:22 PM

http://www.thanwya.com/vb/life/misc/logo.gif

المشاركة الأصلية كتبت بواسطة abomamado http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=3065064#post3065064)
انا مش ضد المظاهرات السلمية

بس ضد ان الشعب يكون السبب الاول في التدخل الخارجي

...

عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة

والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه

---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين

واللي ملهمش فيها

ارجو من اي شخص يؤيد هذا الرأي ان ينشره في كل المنتديات ويرسله لكل اصدقائه بالايميل و علىالفيسبوك والتويترو ما شابه ذلك ... ارجوكم ، بلدنا بتخرب و لازم نعمل حاجة. اللهم لا تؤاخذنا بما فعل السفهاء منا ، و لا تسلط علينا بذنوبنا من لا يخافك و لا يرحمنا.

لا سيناريو غير هذا

مفيش رجل عاقل الان سيتقدم لرئاستكم

بعدما اهنتم رئيسكم وسببتم اباكم وممثلكم

ومنحتم الفرصه للغرباء ان يهينوه ويطالبوا منه الرحيل

لن يأمن لكم احد بعدما ظهرت بعد المعادن الرخيصه وسطكم

والنفوس الدنيئه

لن يأمن لكم عاقل بعدما فعلتوه ببطل اكتوبر

لن يتقدم لرئاستكم شخص الا وهو ينوى ان يعلمكم الادب

ولن يقبل بحكم شعب مثلكم الا من يريد ان يحكمكم بالحديد والنار

وغدا ستندمون على مبارك وتقولون ياليتنا اعطينا الفرصه

انتم مجموعه من الشعب تتمردون على الكبير وتهينون القائد انتم من لادين لكم ولا مله لانكم لم تسمعون لكلام الله ورسوله واولى الامر منكم

غدا سياتى من يقطع السنتكم ويحكمكم بالنار

اللهم اضرب الظالمين بالظالمين واخرجنا منهم سالمين

( هو ده العقل و الناس اللي بتفهم و هو ده السيناريو المتوقع للشاهد و اتفرج و عاش مرارة فيلم العراق يتخيل و يعرف انهم عيازين كده ربنا يرد كيدهم في نحورهم و ما يحقق اليوم ده و همه على وجه الأرض آمــــــــــــــــــــــــــــــيــــــــــــــــن

mrsamir

04-02-2011, 05:40 PM

الى كل مصرى عاقل
الى كل مصرى يحب بلده
كن حذرا من المخططات التى تحيط بك
الى اين مصر ذاهبة
اسرائيل تحشد قواتها
الرئيس يقدم اصلاحات لم يكن احد يحلم بها
المرتزقة امثال البرادعى اللذين لايعلمون عن مصر شىء اين كان البرادعى فى ازمة العراق اين كان موقفه من اسرائيل وامتلاكها للنووى
يا شباب التحرير لاتدع احد يستغلك
حتى لا تتهم بالخيانة لوطنك
انظر ماذا يريد من فى التحرير يريدونها خراب
لماذا لاتقرأوا التاريخ
فراغ سياسى اذكر محمد على 1805 عندما ولاه الشعب قام بنفى عمر مكرم الى دمياط
وهكذا سيفعل البرادعى بكم
ارحموا شيبة الرئيس
من كان منكم بلا خطيئه فليلقه بحجر
قال الرئيس انه لم يرشح نفسه
فماذا تريدون
كلها شهور ويختم عمله السياسى بما يليق به وبمصر
الرحمة - اليقظة - التفكير يا شباب مصر
اقسم بالله اننى لاانتمى لآية جهة سياسية
ولاارغب الا فى ان ينعم بلدنا بالامن والسلام
فمصر فى خطر يحيق بها المؤامرات ممن تتصورون انهم اصدقاء
اتقوا الله فى مصركم فى شعبكم فى دماؤنا فى اعراضنا