السلام عليكم ورحمه الله وبركاته
كل عام وانت بخير جميعا
يارب تكونوا باحسن حال
انا حابه اتكلم معاكوا عن حكايتي مع السنه اللي كانت بالنسبه ليا ومن نظري ان الوزاره كانت بترفه عن نفسها شويه بس جت علي حسابنا
......
انا بقي متوفقتش في رياضه مش ف الماده بعينها لا ف 3 عموما
بس الحمد لله انا في وسط المجاميع اللي في بلدي بحمد ربنا ع اللي وصلتله
اناثاحسن من غيري كتير اما معاهم مواد او راسب
ربنا ميكتبش عليكوا اي حال من الاحوال التلاته سواء حالي او اللي متوفقوش
........
انا بقي ذاكرت واجتهدت وعملت اللي عليا ويمكن النقطه دي مقصره فيا بشكلين..... مهونه عليا شويه ان انا تعبت بس التوفيق من عند ربنا
وتعباني شويه برده ان تعبي ضاع
بس ف اي حال الحمد لله
اكيد ربنا كاتبلي الخير في مكان احسن
.......
المهم انا لقي دخلت رياضه عشان انا بحب الرياضه جدا جدا
دخلتها وانا عندي هدف اوصله وهيا هندسه
دخلت وناس كتير وقفت قصادي وقالولي هندسه وحشه للبنات ومش عارفه ايه
لكن انا شايفه ان اللي حابب مجال يروح فيه عشان نفسيته متتعبش زي زمايل ليا كتير حبوا يرضوا اهاليهم ودخلوا حاجه غير اللي بيحبوها ومتوفقوش
المهم ..... انا مكنتش منظمه وقتي ابدا ..... كنت بخرج الدروس الساعه 3 العصر ارجع ع 7 او 8 بالليل ..... طبعا باقي اليوم كان ضايع مني وكنت باجي انا .....
كنت بذاكر مواد ع حساب مواد .... بس ع اد مااقدر كنت بعطي كل ماده حقها ولو هضغط ع نفسي
كنت مضيعه نفسي ف الدروس دي ..... كنت باخد مواد خاص ومش عارفه ايه
وطلع الخاص زي العام مفيش اي حاجه بالعكس انت في مجموعه عاديه هتذاكر وتتحدي زمايلك
انا كانت اكبر مشكله عندي اني بشغل نفسي بغيري
كنت شاغله نفسي بزمايلي كانوا بياخدوا دروس خاص وميقلوش وبيخبوا علي ايه مش عارفه .... كان الموضوع دا بيتعبني جداااا 😢
كان جالي فتره من شهر 2 دي نفسيتي بقت تحت الصفر بمراحل حتي فكرت اني اجل
مع انها هيا دي الفتره اللي تحدد فيها مستقبلك

.....
انا بقي بقول لدفعه 2017.....
نظم وقتك
متشغلش بالك بحد
داري نفسك وخليك مفاجأه في النتيجه
حط هدفك قدامك
اتحدي نفسك قبل اصحابك
كون شرف لعيلتك وارفع راسهم

صدقوني ساعه النجاح دي بقدر ماهيا بتفرح واحسن فرحه في الدنيا بعيدا عن فرحه الجواز
علي اد ماهيا بتوجع اوي وبتكسر وبتسيب اثر في حياتك سئ ان في ناس مالهاش اسم بقت حاجه وانت اللي معروف بعبقريتك مش بقيت حاجه ..... بس دايما قول ان ربنا مختار ليك الافضل
(لو علمتم الغيب لاخترتم الواقع)
ولو ربنا محققش حلمك ..... متوقفش وتقول خلاص
لا حلم ضاع فكر في غيره

طبعا انا اتصدمت اما شوفت نتيجتي اما الاقيني نازله في كل ماده 5% واكتر
بس صدقوني حمدت ربنا ..... وصليت ركعتين شكر ليه
لان انا اكيد قصرت من غير مااحس

عاوزه اقولكوا ذاكروا اضعاف المذاكره واعرفوا ان والله والله الامتحانات سهله جدا جدا
سهله علي اللي مذاكر ومتمكن
بالنسبه للرياضه دي عاوزه يمكن ضعف مذاكره المواد التانيه
لانها مش مققتصره..... دي متشعبه جدا ومطالب بكل مسأله وقانون ورقم اخدته من رابعه ابتدائی لحد اخر مهجنك

احنا هنا موجودين مع بعض اللي عنده اي مشكله او استفسار يتفضل وانا معاكوا. وان شاء الله نساعد بعض
وهيكون معانا نخبه من المدرسين يجاوبوا علي جميع اسئلتگم واستفسارتگم
ربنا يوفق الجميع
انا اسفه ... عارفه طولت عليكوا

اختكم في الله ضحي

واضح ان حضرتك نفسيتك تعباني لأن ربنا ماكرمكيش باللي كنتي عايزاه بس الاكيد طالما تعبتي يبقي جزاتك في حتي احسن من اللي كنتي عايزاها بكتير و واضح ماشاء الله انك مؤمنة و هتعدي الفترة دي بصبر و إيمان
انا بس سؤالي الاول ليكي ، مستوي امتحانات دفعتكو بالنسبة ليكي كان متوسط ولا فوق المتوسط ولا صعب ؟ ، و الدرجات اللي نقصتيها دي بسبب نفسيتك في الامتحان ولا كنتي واثقة من نفسك في الامتحان ؟

واضح ان حضرتك نفسيتك تعباني لأن ربنا ماكرمكيش باللي كنتي عايزاه بس الاكيد طالما تعبتي يبقي جزاتك في حتي احسن من اللي كنتي عايزاها بكتير و واضح ماشاء الله انك مؤمنة و هتعدي الفترة دي بصبر و إيمان
انا بس سؤالي الاول ليكي ، مستوي امتحانات دفعتكو بالنسبة ليكي كان متوسط ولا فوق المتوسط ولا صعب ؟ ، و الدرجات اللي نقصتيها دي بسبب نفسيتك في الامتحان ولا كنتي واثقة من نفسك في الامتحان ؟
الامتحانات كانت متوسطة بس تقفيل مش سهل اوووي بس ممكن طبعا بس محتاج شوية تكات كده

الحمد لله على كل شئ

انت ربنا كرمك بنعم كتير افضلهم نعمه الرضا على قضائه دى مش فى ناس كتير

وباذن الله تتفوقى فى المجال الى هتدخليه

وفى يوم هتكتبى هنا لينا ان ربنا فعلا اختار ليكى المكان الصح باذن الله
ربنا معاكى ومعانا

واضح ان حضرتك نفسيتك تعباني لأن ربنا ماكرمكيش باللي كنتي عايزاه بس الاكيد طالما تعبتي يبقي جزاتك في حتي احسن من اللي كنتي عايزاها بكتير و واضح ماشاء الله انك مؤمنة و هتعدي الفترة دي بصبر و إيمان
انا بس سؤالي الاول ليكي ، مستوي امتحانات دفعتكو بالنسبة ليكي كان متوسط ولا فوق المتوسط ولا صعب ؟ ، و الدرجات اللي نقصتيها دي بسبب نفسيتك في الامتحان ولا كنتي واثقة من نفسك في الامتحان ؟

الامتحان كان سهل ..... ومن سهولته انا استهونت بيه ومركزتش ف اجابباتي
لكن المطلوب التركيز وانت تقرأ السؤال اكتر من مره
وتشوفه بيتكلم عن ايه
انا فعلا دخلت ف حاله نفسيه
لكن عدت الحمد لله 😅
الامتحانات والله بتكون سهله ومتكرره
مفيش اي حاجه بتخرج من اللي راجعته واخدته
ممكن تكه او 2
لكن المجمل سهل
ربنا یعینگ
اي اسئله !!!

الامتحانات كانت متوسطة بس تقفيل مش سهل اوووي بس ممكن طبعا بس محتاج شوية تكات كده
بالظبط گدا

الحمد لله على كل شئ

انت ربنا كرمك بنعم كتير افضلهم نعمه الرضا على قضائه دى مش فى ناس كتير

وباذن الله تتفوقى فى المجال الى هتدخليه

وفى يوم هتكتبى هنا لينا ان ربنا فعلا اختار ليكى المكان الصح باذن الله
ربنا معاكى ومعانا
ان شاء الله
ربنا یلینگوا ویگرمگوا یارب
ومیشمتش فیگوا حد
احنا مع بعض ف ای وقت