مشاهدة النسخة كاملة : مقدمة برمجة
msamido 01-09-2008, 10:15 AM بسم الله الرحمن الرحيم
فى البداية يا جماعة عايز نتفق على شوية اساسيات وعندى سؤال ياريت كل واحد يجاوبنى عليه فى البداية :
إنت(ى) ليه دخلت(ى) حاسبات ؟؟
ومش عايز حد يقولى علشان بحب الكومبيوتر كلنا بنحب الكومبيوتر حتى طلبة الحقوق بيحبوا الكومبيوتر اوك ؟
نبدأ بقى
أولا يعنى إيه برمجة "programming " ؟
كلمة برمجة من معناها الحرفى يعنى بيعمل برامج طيب يعنى ايه بيعمل برامج ويعنى ايه برنامج ؟
البرنامج هو وسيط بين الآلة وبين الإنسان يعنى البرنامج بيكون ليه وظائف اساسية مطلوب من الكومبيوتر ينفذها والإنسان مينفعش يطلبها من الكومبيوتر كده من نفسه مثال بسيط خالص وكلنا بنستخدمه _ الآلة الحاسبة _ هى برنامج بسيط وظيفته الأساسية القيام ببعض العمليات الحسابية فهى تقوم بدور الوسيط بين الحاسب والإنسان للقيام بالعمليات الحسابية " ينفع تيجى كده وانت على الـ desktop مثلا وتروح عامل 5 * 6 وتضغط انتر وتستني النتيجة ؟؟ " خليك مستنى بقى :)
هو ده البرنامج والبرمجة بقى هى صنع هذه البرامج " كلام حلو لغاية دلوقتى ؟"
نيجى للموضوع علميا شوية
علمياً البرمجة هى وسيط بين لغة الكومبيوتر ولغة الإنسان
لغة الكومبيوتر ؟؟
يا ترى الكومبيوتر بيتكلم بأى لغة بالظبط ؟؟
الكومبيوتر لغتة هى لغة (0 و 1 ) بس هى دى كل الأبجدية بتاعته مش بيفهم غير زيرو وواحد وتسمى binary
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان
1000 بلغة الكومبيوتر هى ثمانية بلغة الإنسان
حد خد باله من أى حاجه ؟؟
مش مهم
المهم إن دى لغة الكومبيوتر والإنسان علشان يتعامل معاه مفيش حل غير إن حد فيهم يفهم لغة التانى ؟
وطبعا الكومبيوتر قال اشمعنه انا اللى اتعلم لغة الإنسان والإنسان قال اشمعنه أنا اللى أتعلم لغة الكومبيوتر وفى النهاية جابوا حل وسط وهو لغات البرمجة
لغات البرمجة هى لغات وسيطة ليس إنجليزية عادية وبالتأكيد مش زيرو وواحد
هى دى بقى اللى بتقوم بدور الوسيط بين المبرمج والكومبيوتر ومن خلالها يتم تصنيع البرامج
هنختم موضوعنا بقى المرة دى بأشهر أنواع لغات البرمجة
أشهر أنواع لغات البرمجة هى :
(c) وتسمى لغة السى بكل فصايلها بقى من (سى "c" و سى بلس بلس "++c" وفيجول سى "Visual c" وأهمها على الإطلاق فى المرحلة الحالية السى شارب "#c" ) ولغة البرمجة دى بتتبع شركة مايكروسوفت فهى من تتولى تطوير البيئات المختلفة فى استخدامها زى ايه البيئات دى" كلمة البيئات ترجمة حرفية لـenvironment"
زى مثلا Visual Studio. Net ودى حاجه هنتكلم عنها باستفاضة بعدين
(Java) لغة الجافا
وهى لغة برمجة أخرى تتبع شركة SUN
أهم ثالث لغة برمجة هى الفيجوال بيسك "visual basic" ومنها أيضا فيجوال بيسك دوت نت "vb.net"
طبعا مش هى دى بس كل لغات البرمجة لكن اشهرها واكثرها استخداما فى الأسواق
ايه بقى يا عمنا الفرق بين اللغات دى
أهم حاجه لازم نفهمها إن أساسيات البرمجة واحدة بغض النظر عن اللغة المستخدمة فى البرمجة لكن الأساس واحد والفكر واحد لكن تطبيق الفكر بيختلف من لغة لغة والإختلاف بيكون فى أبجدية اللغة أو بلغتها الصحيحة اسمها syntax الفرق بيكون فى الـ syntax
طبعا لسه مش واضحة النقطة دى لكن هتوضح اكتر لما نبدأ برمجة إن شاء الله
فى النهاية عايز أقول إنى مدرس فاشل جدا وأنا اصلا قاعد برتجل الموضوع ده كده ومش ماشى بنظام فى الكورس ده المهم أكون وصلت أى حاجه واللى عايز أي سؤال يسأل إن شاء الله أجاوب ؟
شكرااااااااااا
.
.
واحـد من النــاس 01-09-2008, 11:10 AM إنت ليه دخلت حاسبات ؟؟
عشان باحب الكمبيوتر :d
بص هو انا اصلا ما كنتش حاططها في دماغي لأني ما كنتش اعرف نظامها كنت فاكر لو دخلتها هابقى مهندس كمبيوتر مش مبرمج
المهم انا اصلا كنت هادخل آداب على قد مجموعي وكنت متفائل بيها بس لما قعدوا يقولولي ادخل هندسة خاصة قلت ما دام كده كده خاص يبقى اقعد على مكتب بلا هندسة بلا وجع دماغ :d
وبردو لما عرفت معلومات عن الكلية واهتماماتها حبيتها لأني زي مابيقولوا كده ــ هما مين معرفش :d ــ باحب ابقى ورا الكاميرا ( فين التشابه معرفش ) ما علينا انا قصدي مثلا بدل ما العب اللعبة اخترعها
وبجد انت شرحك تمام اوي
جزاك الله خيرا
:)
msamido 01-09-2008, 11:21 AM اتمنى أكون وصلت معلومة
وياريت تقولى استفدت ولا لأ ولو ليك اسئلة عن الموضوع يااريت
Tawfeek Yahia 01-09-2008, 01:00 PM الاول انا دخلت حاسبات لاني شايف ان المستقبل ليها كله دا طبعا غير اني بموت في حاجه اسمها كمبيوتر وانترنت وابتكار وعندي في عائلتي نماذج مشرفه اووووي معاهم حاسبات ومعلومات ودلوقتي هما اكبر من 30 سنه ومكانهم عااالي جدااا والحمد لله وانا باخدهم نماذج ليا
وشكرااا علي المعلومات دي ..وانت كدا اكدت لي ان معلوماتي صح والحمد لله ...
LA STELLA 01-09-2008, 05:17 PM فى البداية يا جماعة عايز نتفق على شوية اساسيات وعندى سؤال ياريت كل واحد يجاوبنى عليه فى البداية :
إنت(ى) ليه دخلت(ى) حاسبات ؟؟
نجاوب الاول السؤال دا قبل ما نكمل الموضوع ،،
:)
انا حدوتة طويلة شوية
بس الحدوتة دى كانت قبل اما اكتب الرغبات اصلا
لانى فى الاخر كتبت فى الرغبات الرغبة الاولى حاسبات عين شمس والحمدلله جت لى و مكنتش هكتب هندسة بس كتبتها عشان البيت بقى وكدة بس رغبة 17 او 18 تقريبا
طب هما 11 حاسبات فى مصر ،، ايه بقى اللى اتكتب بين حاسبات وهندسة ؟؟؟
اللى اتكتب فى النص
كان بكل بساطة
تخطيط عمرانى وفنون تطبيقية وتربية نوعية
خصوصا التخطيط العمرانى والفنون التطبيقية
حاجة فيها ديزاين بصفة عامة
وهو دا الشىء اللى بحبه
من زمان وانا صغيرة كنت بقول عاوزة ادخل كلية الفنون والاداب
" كلية من اختراع خيالاتى الطفولية ايامها "
كبرت شوية
وبقيت فى اعدادى
وعرفت الكليات ،، ورسيت وقررت وحطيت هدفى و لم يتغير
واختارت
وكان اختيارى هو : فنون تطبيقية
وفضلت بحلم بيها وبسعى لها لحد قبل التنسيق !
لانى بكل بساطة رحتها
وخدت الكورس بتاعها وامتحنت القدرات بتاعتها فى الكلية ونجحت والحمدلله
بس مشوارها صعب جدا
هتقولوا لى مش حجة اللى بيحب حاجة يروح لها لو فى اخر الدنيا
ماشى ، بس لازم نكون واقعيين ، انا صحتى بعد كدة هتبقى فين ؟ هل ساعتها مع الوقت هيبقى عندى المقدرة انى ادى الحاجة اللى بحبها دى ؟؟ لاء طبعا
مشوار ساعتين ونص ، خرافة ! واسمى فى نفس المحافظة ، وناس بتيجى من محافظات تانية بتيجى فى اقل منى بكتير معرفش ازاى
وكان بيتهد حيلى فيه بصراحة
غير انى لقيتنظرة عدم رضا مع الوقت فى البيت
يا سلااااااااام ، هدخل كلية هتهد حيلى وتموتنى وكمان اهلى مش راضيين عنى بنسبة 100% !!!!!!!
قلت طب ليه ما اعيدش حساباتى
وافتكرت قول ربنا سبحانه وتعالى : (( وعسى ان تحبوا شيئا وهو شر لكم ))
طبعا مامتى جت كلمتنى
فنون ايه وخمس سنين ايه - بعد اما كانت سايبة لنا حرية الاختيار تماما فى موضوع الكليات دا وبيتنا بيرفض موضوع كليات القمة - واتكلمنا بهدوء
وحسبناها
وخصوصا المواصلات عندنا مش حلوة خالص
واقنعتنى بحاسبات
وببص لقيت انا خويا نفسه يدخل حاسبات كمان
بس مشكلتى ان انا مكنتش اعرف عنها حاجة
دورت وبحثت
حبيتها مع الوقت ، يمكن مش اد فنون تطبيقية
بس تقبلتها
ومع مرور الوقت اقتنعت بيها جدا جدا
بس مكنتش متصورة ان مجموعى يجيبها
لان بعد امتحانات السنة دى قلت انا خلاص فى اداب وضاعت فنون تطبيقية
جينا لكتابة الرغبات
وكتبتها زى ما سبق وقلت
ودعيت ربنا يكرمنى باللى فيه الخير ليا لانه هو وحده اعلم الخير فين
بس مش كان ع بالى تيجى رغبة اولى رقم واحد كدة اصلا
يمكن لما بشوف نتيجة التنسيق
ولقيت رغبة اولى هى اللى جت لى
ساعتها اتأكدت وقلت فعلا ، جايز الخير مش كان فى فنون تطبيقية خالص
وربنا رايد لى خير فى مكان تانى
،،
غير انى يعنى بموت فى الفيزياء والرياضة
بالمناسبة مش بطيق الكيمياء ،، اللى اعرفه ان حاسبات مفهاش كيمياء صح ؟؟
ولو كدة ( يبقى فعلا حاسبات هتبقى انسب لى من فنون )
طبعا انا ردى طويل جدا وبعتذر عليه
وبشكر حضرتك ع الموضوع ولى عودة تانية ان شاء الله لما اكمل الموضوع ،،
بس السؤال استوقفنى
:)
LA STELLA 01-09-2008, 05:36 PM مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان
1000 بلغة الكومبيوتر هى ثمانية بلغة الإنسان
حد خد باله من أى حاجه ؟؟
مش مهم
لا فاهمين ،، الفيزياء الباب الخامس الفصل ال15 :d
1001 بلغة الكمبيوتر هى 9 بلغة الانسان
101 بلغة الكمبيوتر هى 5 بلغة الانسان ،، وهكذا
والتحويل من النظام العشرى للثنائى والعكس ،، كانت لعبة حلوة بنحب نلعبها :cool:
binary
Decimal
وتسمى binary
يعنى النظام الثنائى
---
طبعا لسه مش واضحة النقطة دى لكن هتوضح اكتر لما نبدأ برمجة إن شاء الله
واحنا فى الانتظار ان شاء الله عشان نفهم اكتر :rolleyes:
وحلو اوى المود اللى بدأنا ندخل فيه
------
لغات البرمجة هى لغات وسيطة ليس إنجليزية عادية وبالتأكيد مش زيرو وواحد
هى دى بقى اللى بتقوم بدور الوسيط بين المبرمج والكومبيوتر ومن خلالها يتم تصنيع البرامج
نقدر نقول تقوم بدور الوسيط
يعنى بفرض ان الكمبيوتر والانسان دول شخصين
بيتكلموا لغتين مختلفتين ( وهما فعلا لكل واحد لغته الخاصة بيه )
فلغات البرمجة بتقوم هنا بدور المترجم او ال translator
اللى هو اصلا بيبقى بردو قايم بدور الوسيط عشان يسهل التعامل بين الطرفين
============
ياترى انا فاهمة صح ؟ :d
مستنين حضرتك وجزاك الله كل خير عنا :)
وكل سنة وانتم طيبين
msamido 01-09-2008, 06:07 PM لا فاهمين ،، الفيزياء الباب الخامس الفصل ال15 :d
1001 بلغة الكمبيوتر هى 9 بلغة الانسان
101 بلغة الكمبيوتر هى 5 بلغة الانسان ،، وهكذا
والتحويل من النظام العشرى للثنائى والعكس ،، كانت لعبة حلوة بنحب نلعبها :cool:
Binary
decimal
يعنى النظام الثنائى
---
جميل أوى كده تمام
واحنا فى الانتظار ان شاء الله عشان نفهم اكتر :rolleyes:
وحلو اوى المود اللى بدأنا ندخل فيه
------
إن شاء الله أنا بس حابب احطكم فى المود ده لانكم مش هتلاقوه أول ما تدخلوا الكلية هتبقوا بعيد شوية عنه علشان محدش يصاب بالإحباط بس فى البداية فده يعتبر تمهيد لمود برمجة إن شاء الله
نقدر نقول تقوم بدور الوسيط
يعنى بفرض ان الكمبيوتر والانسان دول شخصين
بيتكلموا لغتين مختلفتين ( وهما فعلا لكل واحد لغته الخاصة بيه )
فلغات البرمجة بتقوم هنا بدور المترجم او ال translator
اللى هو اصلا بيبقى بردو قايم بدور الوسيط عشان يسهل التعامل بين الطرفين
============
ياترى انا فاهمة صح ؟ :d
بالظبط الله ينور عليكى يا حابى
مستنين حضرتك وجزاك الله كل خير عنا :)
وكل سنة وانتم طيبين
جزانا الله واياكم كل الخير واتمنى
اكون وصلت معلومات وإن شاء الله ربنا يقدرنى واكمل معاكم
نجاوب الاول السؤال دا قبل ما نكمل الموضوع ،،
:)
انا حدوتة طويلة شوية
:)
طويلة شويتين بس طبعا براحتك احكى زى ما انتى عايزه :)
والحمد لله دايما بيختارلنا الأفضل
وبالتوفيق ان شاء الله فى حاسبات ومعلومات
الاول انا دخلت حاسبات لاني شايف ان المستقبل ليها كله دا طبعا غير اني بموت في حاجه اسمها كمبيوتر وانترنت وابتكار وعندي في عائلتي نماذج مشرفه اووووي معاهم حاسبات ومعلومات ودلوقتي هما اكبر من 30 سنه ومكانهم عااالي جدااا والحمد لله وانا باخدهم نماذج ليا
وشكرااا علي المعلومات دي ..وانت كدا اكدت لي ان معلوماتي صح والحمد لله ...
كويس جدا ربنا يكرمك ان شاء الله وتكون قدوة انت كمان زى نماذج عائلتك
والعفو وان شاء الله تكون فى معلومات جديدة فى الموضوعات القادمة ان شاء الله
.
.
badnamef4 24-03-2009, 03:27 PM بسم الله الرحمن الرحيم
السلام عليكم و رحمة الله و بركاته
أطلب إذن نقل هذا الموضوع و إن كان له تكملة مع بعض التصرف(زي مثلاً: حرف ناقص،الناس اللي أنا بكلمهم مش بتوع حاسبات عشان كده مش أسأل السؤال الأولاني)
و بالطبع إن شاء الله سأذكر مكان نقل الموضوع.
السلام عليكم و رحمة لله و بركاته.
محمد سليمان 2010 25-08-2009, 05:58 PM إنت ليه دخلت حاسبات ؟؟
علشان ملحقتش هندسة الزقازيق بس جاتلي هندسة منوف
و مكنش ينفع اسافر
20000 16-10-2009, 09:31 PM اولا انا دخلت علشان المجموع بس بعد كده اقتنعت بيها وحبتها لكن ممكن طلب بس وهو ان محضرات بتنزل على النت حد يقدر يجمعها لنا في موقع واحد لو مفيش تعب
drop water 09-11-2009, 05:26 PM انا دخلتها لان هندسة راحت منى بس لما دخلت وشوفتها وشوفت المناهج والدكاترة والمهندسين حبيتها وحبيت انى اكون زيهم
ادعولى بقى
asmaa samraa 23-12-2009, 02:06 PM l انا ف حاسبات حلوان لو حد معايا يرد ضرورى
ABDSSH80 13-10-2010, 07:33 PM جزاك الله خير
eng_klose 30-10-2010, 01:12 AM لآنها كلية جميلة ويوجد فيها فرص للابداع
محمد خليفة 6 07-03-2011, 10:59 AM شمعنا يعنى بتوع كلية حقوق هما بس اللى بيحبوا الكمبيوتر
وعلى العموم انا بحب الكمبيوتر اوى من زمان وانت مغلطتش
انا كان حلم حياتى انى ادخل حاسبات بس اهو نصيب بقى مش
زعلان لانى انا حابب الحاجة دى وبطور نفسى بنفسى فيها دايما
وعايز احقق الحلم اللى محققتهوش فى الدراسة انى احققة فى
شغلى ان شاء الله انا الحمد لله بشتغل فى التصميمات دلوقتى
وقررت انى اتعلم برمجة وشبكات sisco وان شاء الله هدخل امتحانها
لانى بحب الحاجة دى اوى ونفسى اكون متميز فيها واخدم بلدى
انتوا بجد فى كلية جميلة اوى واتمنالكوا التوفيق
فيها وجميل جداً شرحك ومبسط اتمنى لك ولكل الاصدقاء هنا
مستقبل مشرق ومشرف باذن الله
ام عربى 23-04-2011, 07:51 PM انا تخصصى ليس حاسبات ولكن عملى اخصائية تكنولوجيا واريد ان اتعلم بالصوت والصورةبرنامج الفيجوال باسك بأقصى سرعة لأنه يدخل فى مجال عملى
cg man 20-05-2011, 12:58 AM موضوع رائع بالتوفيق
ROMEOOOO 29-07-2011, 03:51 AM شكرا علي هذه المقدمة الممتازة
sygma-zita 05-08-2011, 02:16 PM كان حلمى من زمان كل ما باشوف لعبة على الكمبيوتر أو برنامج انى أعرف .... إيه ورا الكلام ده كله ؟؟؟
ايه اللى حصل علشان الناتج الجميل ده يطلع ؟؟؟؟!!!!!!!1
مع إنى مش باحب ألعب على الكمبيوتر ....لكن المؤثرات شدتنى أوى
قرأت اسم الكلية فى الجرنال مرة وأنا ف تالتة إعدادى .. و جمعت معلومات عنها و عرفت ان ده مطلبى
ققرت انى أكافح لحد ما وصلتلها , و أنا بطبعى لما بانوى على حاجة باعملها مضبوط أوى
و دلوقت أنا حاسبات الزقازيق
شكراً يا جماعة على حسن الإستماع
العربي الصغير 08-08-2011, 09:53 AM يا ترى الكومبيوتر بيتكلم بأى لغة بالظبط ؟؟
الكومبيوتر لغتة هى لغة (0 و 1 ) بس هى دى كل الأبجدية بتاعته مش بيفهم غير زيرو وواحد وتسمى binary
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان
1000 بلغة الكومبيوتر هى ثمانية بلغة الإنسان
معلش أنا مش فاهم الحتة دي ، إزاي أعرف أقرا لغة الكمبيوتر ، يعني ليه 100 بلغة الكمبيوتر هي 4 بلغة الإنسان ، ممكن حد يوضح لي ؟؟
ananoo 09-08-2011, 07:18 AM يا ترى الكومبيوتر بيتكلم بأى لغة بالظبط ؟؟
الكومبيوتر لغتة هى لغة (0 و 1 ) بس هى دى كل الأبجدية بتاعته مش بيفهم غير زيرو وواحد وتسمى binary
مثال بسيط على لغة الكومبيوتر :
0 بلغة الكومبيوتر هى زيرو بلغة الإنسان
1 بلغة الكومبيوتر هى واحد بلغة الإنسان
10 بلغة الكومبيوتر هى اتنين بلغة الإنسان
11 هى ثلاثة بلغة الإنسان
100 بلغة الكومبيوتر هى أربعة بلغة الإنسان
1000 بلغة الكومبيوتر هى ثمانية بلغة الإنسان
معلش أنا مش فاهم الحتة دي ، إزاي أعرف أقرا لغة الكمبيوتر ، يعني ليه 100 بلغة الكمبيوتر هي 4 بلغة الإنسان ، ممكن حد يوضح لي ؟؟
iهوة المفروض الموضوع ده كان موجود في الفصل بتاع الفزياء الحديثة في الفزياء بتاعت ثانوي بس اللي فهمته انها اتلغت :blush:
فانا هاحول اشرحلك الموضوع ببساطة
الاول عاويزن نفهم نظام الاعداد بتعانا العادي اللي بيسموه " النظام العشري " وخد بالك اوي من حتة العشري
طيب يعني ايه عشري؟
يعني ان انا عندي عشر رموز عشان اعبر بيهم عن الارقام اللي همة (1و2و3و4و5و6و7و8و9و0)
ويعني برده ان الbase بتاعي او الاساس هيبقى 10 ... طيب يعني ايه؟؟
خلينا ناخد مثال : رقم زي كدة 254
اول خانة اللي هية الاحاد لما اكون عاوزة اعرف العدد الحقيقى بتعاها بقول 4 اللي هوة نفس الرقم يعني كاني ضربت في "1"
طيب تاني خانة اللي هية فيها رقم5 لو انا عاوز اعرف قيمة العدد بالضبط بضرب الرقم في"10" عشان يبقى القيمة 50
طب وتالت خانة عشان اعرف قيمة العدد بضربه في "100 " عشان يبقى 200
وبكدة الرقم ده هيبقى عبارة عن 4 مضروبة في "1" زائد 5 مضروبة في "10" زائد 2 مضروبة في "100"
طيب اشمعنى بقى احنا ضربنا في الرقام الحمرا دي بالذات؟؟؟؟
ده لان احنا ماشيين بنظام عشري والموضوع ده جا من هنا
"1" --> 10 اس 0
"10" --> 10 اس 1
"100" --> 10 اس 2
وهكذا في الخانات اللي بعد كدة
طيب نظام الكمبيوتر شغال بالنظام الثتائي
يعني ايه ؟؟
يعني الbase بتاعي او الاساس 2
ويعني عندي رمزين بس اقدر اعبر بيهم عن الارقام اللي همة (0و1)
طيب يلا ناخد مثال: الرقم ده 100 بنظام الثنائي يبقى كام في النظام العشري ؟؟
الاول لازم نعرف كل خانة قيمتها بكام
الخانة الاولى --> 2 اس 0 يعني ==>"1"
الخانة التانية --> 2 اس 1 يعني ==>"2"
الخانة التالتة --> 2 اس 2 يعني ==>"4"
وهكذا
يبق4ى عشان اجيب قيمة الرقم (100)بالضبط هيبقى عبار عن
0 مضروب في 1
+
0 مضروب في 2
+
1 مضروب في 4
يعني الناتج النهائي يبقى كام؟؟ 0+0+4=4
طيب او عاوز اكتب رقم 5 مثلا هيبقى كدة
101
وتقدر تتاكد منها بنفس الطريقة
يارب تكون فهمت مني حاجة :blush:
لو في اي اسئلة ان شاء الله اجاوبك
~TheGhosT~ 10-08-2011, 07:06 AM و أنا اللى كنت فرحان إنهم لغو الفيزياء الحديثة من عندنا
هو إحنا هنحتاج حاجات كتير منو فى الكلية ؟
ananoo 10-08-2011, 07:31 AM و أنا اللى كنت فرحان إنهم لغو الفيزياء الحديثة من عندنا
هو إحنا هنحتاج حاجات كتير منو فى الكلية ؟
متقلقش على فكرة كله بيتشرح من الاول
وهوة اصلا الفصل كان فصل كبير اوي ورخم كويس انهم لغوه من عندكم :d والجزء اللي هتحتاجه منه يعتبر بسييييييييط اوي وسهل كمان
هوة بس النظام الثنائي اللي اتكلمت عنه فوق والابواب المنطقية (تقريبا ده اسمها )
وفي الكلية هيتشرح من الاول خالص
mohamed yhia 10-08-2011, 01:59 PM l انا ف حاسبات حلوان لو حد معايا يرد ضرورى
انا كمان فى حاسبات حلوان
~TheGhosT~ 10-08-2011, 08:42 PM طيب الحمد لله :d
medo shamy 17-08-2011, 07:16 PM الاول انا دخلت حاسبات لاني شايف ان المستقبل ليها كله دا طبعا غير اني بموت في حاجه اسمها كمبيوتر وانترنت وابتكار وعندي في عائلتي نماذج مشرفه اووووي معاهم حاسبات ومعلومات ودلوقتي هما اكبر من 30 سنه ومكانهم عااالي جدااا والحمد لله وانا باخدهم نماذج ليا
وشكرااا علي المعلومات دي ..وانت كدا اكدت لي ان معلوماتي صح والحمد لله ...
ياريت بعد اذنك طبعا تقولنا هما بقوا ايه دلوقتي يعني شغلهم عامل ايه مكانتهم الاجتماعيه دخل الوظيفه و شوية حاجات زي كده يعني لان لسه مش عارف عنها اي حاجه غير اي هبقى مبرمج و انا شايف ان دي مش حاجه كبيره اوي يعني .
mtarek 20-08-2011, 06:38 AM انا كمان جاتلي حاسبات حلوان ...و الحمدلله على كل شئ يا ريت لو حد عندو معلومات مفصلة عن قسم هندسة برمجيات يفدنا علشان انا بجد محتاج اعرف عنو اكتر:049gc0:
venuse_love2000 26-11-2011, 02:36 PM معلومات جيدة و قيمة جزاكم الله خيرا
venuse_love2000 26-11-2011, 02:42 PM معلومات جيدة و قيمة جزاكم الله خيرا
ahmed7500 02-01-2012, 10:37 PM ربنا يوفقني ويوفق الجميع
حسام الشرقاوى 07-01-2012, 04:06 AM كنت بتمنى هندسة الكترونيات
لكن التنسيق بقى منه لله
ولاقيت ان حاسبات ومعلومات اقرب حاجة لميولى
hassan111 03-03-2012, 08:14 AM شكرا على المجهود الرائع
adnan 10-04-2012, 07:11 AM شكراجزيلا لكم
adnan 10-04-2012, 07:24 AM بسم الله الرحمن الرحيم
جزاكم الله خيرا
coming_soon1986 02-09-2012, 01:59 AM بالتوفيق للجميع
amralmagic 12-09-2012, 02:03 AM ميررررررررررررررسي ع المجهود
mustafasss 25-09-2013, 07:05 PM شكرا..............
ballymody 30-10-2013, 08:45 AM هل جامعة الازهر فيها كلية حاسبات ومعلومات ولا لا ؟
ضروري الرد
E-mail On Facebook
https://www.facebook.com/fired74:022yb4: (https://www.facebook.com/fired74)
shasaa 08-12-2013, 11:36 PM لانى ملحقتش هندسة الصراحة
kkjkj 10-01-2015, 02:25 PM مبرمج يعني الافضل تفكير والافضل في ايجاد الحلول
kkjkj 10-01-2015, 02:28 PM "ساعة البرمجة" حملة عالمية بتوصل لملايين من الطلاب فى أكتر من 181 بلد
عبارة عن مقدمة لعلوم الحاسب ومدتها ساعة
و من أهدافها إن هى توصل للناس إن آى شخص ممكن يتعلم اساسيات البرمجة و بتساعده عشان يوصل للى بيحلم بيه
kkjkj 10-01-2015, 02:29 PM نصيحة مهمة لازم نقولهالك هى انك مينفعش تماطل فى اى شغل ، مشروع او حتى فكرة شغال عليها
حتى لو راسم كل حاجة فى دماغك و شايف حلها ايه
لازم تبدأ تشتغل فيها وتشوف ال Errors اللى هتطلعلك اول لما تبدأ شغل
وتبدأ تحلها بنفسك ... اوعى تماطل
kkjkj 10-01-2015, 02:30 PM نصيحة مهمة لازم نقولهالك هى انك مينفعش تخاف من البرمجة او بمعنى تانى متتخضش و تقول صعبة و مش هكمل !
قسم اى حاجة كبيرة صعبة لحاجات صغيرة ، بعد لما تقسمها هتقدر انك تحل المشكلة مهما كانت كبيرة .. اوعى تخاف
ialone 20-12-2015, 09:33 PM عاوزه شرح لل c
|