|
مشاهدة النسخة كاملة : ممكن حد يساعدنى romio_3 01-09-2008, 04:32 PM يا جماعة انا عايز اعرف ايه الاسهل الاقتصاد والاحصاء ولا الفلسفه وفعلا زى مبسمع ان الاقتصاد والاحصاء تذاكرو اخر شهر وتجيب ال50 وتاخد فيه درس من شهر واحد ولا لفلسفه مضمون فيه ال50 عشان امتحانالاقتصاد والاحصاء بيجى صعب انا عايز حد يفدنى محمد جبار 01-09-2008, 04:59 PM من غير كلام ياباشا الفلسفه اسهل كثير المنطق بس عايز يتذاكر شويه بس دى ماده تقفيل اما الاقتصاد والاحصاء فهيه سهله بس امتحاناته صعبه اوى انا كنت فلسفه وجايب خمسين ماهينور 2 01-09-2008, 08:24 PM لا والله الاحصاء ولا صعبه ولا حاجه دي ماده لذيذه بس لو انت علمي او ادبي من غير كلام اقتصاد واحصاء وانا كنت اقتصاد واحصاء والحمد لله جبت 50 واي حاجه في الاحصاء لو يعني هاتاخذها انا تحت امرك وعلي فكره الامتحان ولا صعب ولا حاجه بس كان عاوز واحد هادي مش اكتر ولا اقل romio_3 01-09-2008, 09:21 PM شكراا على ردكم بس الى انا فهمته ان الاقتصاد والاحصاء دراسته سهله بس الامتحان بيجى لفف والفلسفه لازم تذكروه من اول السنه هتضمن ال50 عشان الامتحان بيجى دايما سهل وانا بنسبة 75 % هاخد فلسفة عشان الى سمعته السنادى على الاقتصاد و الاحصاء abdallah_ahmed 01-09-2008, 09:27 PM الفلسفه اسهل بكتير انا كنت واخد اقتصاد وفلسفه جيبت 50 فى الفلسفه 40 فى الاقتصاد والاحصاء abdallah_ahmed 01-09-2008, 09:28 PM والاقتصاد ولاحصار ماده لذيذه وسهله جدا بس الامتحانات اللى عملت فينا كده ربنا معاكم romio_3 01-09-2008, 10:01 PM شكر ليك انا كده اكيد فلسفه الاهم الامتحان والدرجه انا مش ضامن الاقتصاد والاحصاء فياض السمان 04-09-2008, 02:32 PM عايزه نصحيتى الفلسفه طبعا CoMMaNdo 04-09-2008, 02:35 PM انا هاقولك حاجه انا خت الاقتصاد والاحصاء السنه الى فاتت ونزلتنى 15 درجه وهيا فعلا مواد سهله بس امتحانها مش مضمون عشان بيجيبوه صعب وخت فلسفه والحمد لله جبت ال 50 لان المواد الادبيه مضمونه ميه الميه نصيحتى ليك خد الفلسفه romio_3 05-09-2008, 06:53 PM شكرا ليكم يا جماعة وانا انشاء الله هاخد فلسفه واضح ان الاقتصاد والاحصاء بضيع فيها درجات والفلسفه مضمونه romio_3 05-09-2008, 06:55 PM بس كده انا هاخد فلسفه وتاريخ وجولوجيا مش كده هيبقى مواد حفظ كتير ولا ايه رايكم semsema_semsema 06-09-2008, 06:28 AM بص ياروميو بالنسبة للاقتصاد والاحصاء فمافيش اسهل منهم فى الثانوية العامة كلها بس المشكلة انك تضمن الاقتصاد يعنى 25درجة لكن الاحصاء دى ونصيحة شوف عشان الاحصاء دى بالذات اقولك ماتخدش اقتصاد واحصاء واسال مجرب لان فعلا والله دا اللى حصل معايا ابتديت الاحصاء من اول السنة واستمريت فيها طول السنة ماانقطعتش الترم التانى يعنى وحليت والله كتاب خارجى كامل فية 26محافظة دا غير الواجبات بتاعة الدرس بالاضافة الى النماذج مع شوية من كتاب المدرسة وكل دا ولا حاجة افاجأ ان الامتحان تعجيزى بمعنى الكلمة واسال وشوف دا غير ان الوقت مابيقضيش فى الاحصاء دى خالص فالاحسن لك تاخد فلسفة مع انى ماجربتهاش بس ابعد كل البعد عن الاحصاء الفلسفة مضمونة وسهلة انت بس لو شايف انها صعبة المطلوب منك تتابع مع مدرس كويس ليس الا وهتقفلها باذن الله romio_3 06-09-2008, 04:33 PM بص ياروميو بالنسبة للاقتصاد والاحصاء فمافيش اسهل منهم فى الثانوية العامة كلها بس المشكلة انك تضمن الاقتصاد يعنى 25درجة لكن الاحصاء دى ونصيحة شوف عشان الاحصاء دى بالذات اقولك ماتخدش اقتصاد واحصاء واسال مجرب لان فعلا والله دا اللى حصل معايا ابتديت الاحصاء من اول السنة واستمريت فيها طول السنة ماانقطعتش الترم التانى يعنى وحليت والله كتاب خارجى كامل فية 26محافظة دا غير الواجبات بتاعة الدرس بالاضافة الى النماذج مع شوية من كتاب المدرسة وكل دا ولا حاجة افاجأ ان الامتحان تعجيزى بمعنى الكلمة واسال وشوف دا غير ان الوقت مابيقضيش فى الاحصاء دى خالص فالاحسن لك تاخد فلسفة مع انى ماجربتهاش بس ابعد كل البعد عن الاحصاء الفلسفة مضمونة وسهلة انت بس لو شايف انها صعبة المطلوب منك تتابع مع مدرس كويس ليس الا وهتقفلها باذن الله الف شكر يا semsema_semsema انا شايف ان فى اجماع على الفلسفه حتى الى مخدهاش واعتقد السنادى عدد قليل هياخد اقتصاد واحصاء بسبب الى سمعناه عن الامتحان السنادى:eek: سيرة الحب 07-09-2008, 11:33 AM روميو متفكرش كدة كل حاجة بالمذاكرة هتبقى سهلة ولو انت عايز حاجة سهلة من غير مذاكرة بيتهيالي الفلسفة حلوة تقبل مروري rania_alix 07-09-2008, 11:54 AM السلام عليكم.. انا مش هقدر اقولك راى لان دى حاجه اكيد ترجعلك بس انا هقولك اللى حصل عايا السنه اللى فاتت. لما انا كنت فى تانيه كان ناس كثير كتبين اقتصاد واحصاء ولما دخلت تالته ملقتش غير فصل واحد بس اقتصاد واحصاء . بس اللى انا فكرت فيه قلت مش معقول هاخد علم نفس وجيولوجيا وفلسفه كل ده غير العربى. فلقيت نفسى هتعب فالحمد لله قررت انى اخد اقتصاد واحصاء على اساس انها ماده بتتقفل على طول. فبدات درس الاقتصاد نصف شهر 10 اخدت الاقتصاد فى 15 حصه بالضبط. والاحصاء بعد اجازة نصف السنه. فوجدت الاقتصاد ماده سهله جدااااااا ووصلت انى مكنتش بذاكرها بعد مابدات الاحصاء غير ايام المراجعه اللى قبل الامتحان. اما الاحصاء لو انت انسان بتحب الرياضه هتحبها جدااااااا. والاحصاء كلها معتمده على الاله الحاسبه وحفظ القوانين بس. اما اللى غير كل الكلام ده ان امتحان الاحصاء مكنش حلو بس الاقتصاد كان سهل جدااااااا. اسفه جدااااا انى طولت عليك بس انا كنت عايز اطمنك. اخيرا متفكرش هتجيب كام فكر فى اللى هتقدر عليه لانى جبت فى الاقتصاد والاحصاء 48.5 واصحابى جابوا 42.5 و 45 . فمش بالدرجات. وربنا معاك ويرشدك للصواب. romio_3 07-09-2008, 04:01 PM الف شكر ل سيرة الحب (http://www.thanwya.com/vb/member.php?u=150265) ول rania_alix (http://www.thanwya.com/vb/member.php?u=56572) nourelgna 08-09-2008, 04:58 PM يا رانيا انتى كان مجموعك الكلى كام اصل انا فى ثانوية عامة romio_3 10-09-2008, 12:31 AM شكرا ليكم جميعا |