حملة مصر الواعية

" شباب المستقبل من أجل التغيير "


انا و شاب مصرى بسيط اتعودنا نركب المترو سوا من شبرا و هو ينزل جامعة القاهرة عشان شغله و انا الدقى بنزل عشان شغلى قريب من هناك كل يوم نتقابل فى المترو فابتدينا نتعرف ... هو اسمه بيومى و يوم بعد يوم ابتدينا ندردش شوية مع بعض ( طبعا ده مش حقيقى و لكنها وسيلة ... على اى حال تعالوا نتخيل و نعيش فى الخيال ده شوية )
و ده الحوار اللى دار بينى و بينه
تعالوا نشوف الحوار اللى دار بينى و بين بيومى النهاردة

- صباح الخير يا بيومى
- صباح النور
- ازيك عامل ايه
- الحمد لله تمام
- احنا كنا اتكلمنا المرة اللى فاتت عن الحقوق لو تفتكر
- طبعا فاكر بس ايه الفايدة.. انا حقى متاخد
- انا معاك بس ينفع تاخد حقك و انت متعرفوش و متعرفش الوسائل الدستورية اللى تاخد بيها حقك
- طب عرفنى جايز افهم
- لازم تفهم .... لو مافهمناش حقنا هنفهم ايه
- طيب يلا انا جاهز
- بص يا بيومى الاول احنا عاوزين نعرف ازاى نعترض و ثقافة الاختلاف مع الهيئات الحكومة و السلطة التنفيذية
- ماشى
- الليبرالية.......
- لا انت كدة مش حلو .. انا اسمع ان الليبرالية وحشة و شيوعية و علمانية
- دى فعلا الليبرالية زمان عند شرق أوروبا عندك حق .. بس احنا مفيش مانع ناخد الحاجات اللى هتفيدنا و نطعمها بتقاليد مجتمعنا و نشيل منها المبادئ العلمانية بمعنى تانى اليبرالية المصرية الحديثة اللى انا عاوزها تختلف عن الليبرالية الشرقية و الليبرالية الاشتراكية
أنا بتكلم على الليبرالية بما تحمله من حرية تعبير و حرية فكر و ضرورة تغيير و اصلاح و النظر إلى المجتمع و مشاكله و محاولة حلها و تداول السلطة السلمى عن طريق شرعى ديمقراطى و دستورى و ليس لها دخل فى الدين إن الدين واضح ما ثبت فى الدين من معاملات سياسية يجب الا ننكره الليبرالية انك تتمتع بالامن و الامان على أرض بلدك و تعبر عن رأيك المعارض بحرية بس بنقد بناء و تبدى بنفسك التغيير
- يعنى ايه ؟
- اقولك يعنى مثلا بدل ما نقول التعليم وحش و بايظ و كوسة و شوربة لا نقول التعليم فيه أخطاء و هى 1 2 3 4 و مقترحات حل هذه المشكلات
1 2 3 4 و ياريت الحكومة تعمل و تنفذ او حتى تناقش هذه المقترحات
هى دى ثقافة الاعتراض من أجل الوطن مش الاعتراض من اجل الاعتراض
-و الله عندك حق كمل
-و كمان الليبرالية تكفل حقوق الانسان و حرية الصحافة إيمانا بأن الصحافة هى رقيب السلطة التنفيذية و ضمير الأمة و حلقة الوصل بينهم
- جميل
-الليبرالية كمان ادواتها هى الدستور و القانون مش الكلام و الجعجعة يعنى اهم من انك تتكلم انك تتسمع ايه فايدة الكلام و انت صوتك مش مسموع و صوتك هيكون مسموع و واضح لو صوتك منخفض و معاك شرعية و عندك وعى
كدة الكل هيسمعك و مش هيقدر يقولك تلت التلاتة كام
-صح و الله كلامك مظبوط قول كمان
-الليبرالية مجمل أفكارها اللى احنا مؤمنين بيها
ضمان الحريات للأفراد

المسؤولية الشخصية للأفراد كل ٍ على حدة

العدالة الإجتماعية

-طيب ما تشرحلى كل واحدة فيهم ينوبك ثواب و بالمرة تقولى على طريقة نعمل بيها الكلام ده و احنا عاوزين نعمل ايه بالظبط بالليبرالية دى
-ده بقى المرة الجاية ان شاء الله عشان محطة الدقى جات و انا هنزل
-ماشى
-خد بالك من نفسك يا بيومى و نتقابل بكرة
-ان شاء الله
-السلام عليكم و رحمة الله و بركاته
-و عليكم السلام و رحمة الله و بركاته
بكرة ان شاء الله ليا كلام مع بيومى هنقله ليكم

هى دى ثقافة الاعتراض من أجل الوطن مش الاعتراض من اجل الاعتراض

ان شاء الله تعرف حقنا وكمان نعرف نخده
وياريت الشعب المصرى يبطل الاعتراض
شعب بيعترض على كل شئ

انا سعيده انى اول واحده برد على موضوعك يااحمد


ان شاء الله يكون ليا مدخلات تانى

هى دى ثقافة الاعتراض من أجل الوطن مش الاعتراض من اجل الاعتراض

ان شاء الله تعرف حقنا وكمان نعرف نخده
وياريت الشعب المصرى يبطل الاعتراض
شعب بيعترض على كل شئ

انا سعيده انى اول واحده برد على موضوعك يااحمد


ان شاء الله يكون ليا مدخلات تانى

ميرسى يا كوكو على ردك و انا اللى اتشرف انك تكونى اول واحدة ترد فى الموضوع

و للحديث بقية

جميل جدا الكلام ده و مستنين باقي الحديث مع بيومي :::

جميل جدا الكلام ده و مستنين باقي الحديث مع بيومي :::

ميرسى ليك يا رؤوف و ان شاء الله تكون بداية كويسة لينا

حملة مصر الواعية

" شباب المستقبل من أجل التغيير "





اليبرالية المصرية الحديثة اللى انا عاوزها تختلف عن الليبرالية الشرقية و الليبرالية الاشتراكية
أنا بتكلم على الليبرالية بما تحمله من حرية تعبير و حرية فكر و ضرورة تغيير و اصلاح و النظر إلى المجتمع و مشاكله و محاولة حلها و تداول السلطة السلمى عن طريق شرعى ديمقراطى و دستورى و ليس لها دخل فى الدين إن الدين واضح ما ثبت فى الدين من معاملات سياسية يجب الا ننكره الليبرالية انك تتمتع بالامن و الامان على أرض بلدك و تعبر عن رأيك المعارض بحرية بس بنقد بناء و تبدى بنفسك التغيير
- يعنى ايه ؟
- اقولك يعنى مثلا بدل ما نقول التعليم وحش و بايظ و كوسة و شوربة لا نقول التعليم فيه أخطاء و هى 1 2 3 4 و مقترحات حل هذه المشكلات
1 2 3 4 و ياريت الحكومة تعمل و تنفذ او حتى تناقش هذه المقترحات
هى دى ثقافة الاعتراض من أجل الوطن مش الاعتراض من اجل الاعتراض
-و الله عندك حق كمل
-و كمان الليبرالية تكفل حقوق الانسان و حرية الصحافة إيمانا بأن الصحافة هى رقيب السلطة التنفيذية و ضمير الأمة و حلقة الوصل بينهم
- جميل
-الليبرالية كمان ادواتها هى الدستور و القانون مش الكلام و الجعجعة يعنى اهم من انك تتكلم انك تتسمع ايه فايدة الكلام و انت صوتك مش مسموع و صوتك هيكون مسموع و واضح لو صوتك منخفض و معاك شرعية و عندك وعى
كدة الكل هيسمعك و مش هيقدر يقولك تلت التلاتة كام
-صح و الله كلامك مظبوط قول كمان
-الليبرالية مجمل أفكارها اللى احنا مؤمنين بيها

ضمان الحريات للأفراد




المسؤولية الشخصية للأفراد كل ٍ على حدة




العدالة الإجتماعية



-

جميل جدا وانا معاك في كل كلمة قولتها
واكتر حاجه عجبتني

هى دى ثقافة الاعتراض من أجل الوطن مش الاعتراض من اجل الاعتراض
ومنتظرينك الحلقة القادمه ان شاء الله
اقصد لما تقابل بيومي :d

هو المترو اتعطل ولا ايه؟؟؟؟؟؟؟؟؟
ولا جاتله دعوه من.........;);)

يارب لما ادخل بكره الاقى عم بيومى ظهر

طبعا النهاردة قابلت بيومى و كملنا كلامنا و حوارنا عن معنى و اهداف و سبل تفعيل الليبرالية
و ده كان الكلام

-صباح الخير يا بيومى
-صباح الفل
-ازيك النهاردة و عامل ايه ؟
-الحمد لله
-فاكر وقفنا امبارح لحد فين ؟
-طبعا فاكر لحد افكار الليبرالية و ازاى نطبقها
-طب الافكار كانت ايه يا بيومى
- ضمان الحريات للأفراد
المسؤولية الشخصية للأفراد كل ٍ على حدة
العدالة الإجتماعية
-جميل يا بيومى اكلمك على كل واحدة فيهم بقى
بالنسبة لضمان الحريات للأفراد ازاى يعنى الليبرالية بتضمن لكل شخص سواء مواطن او مسؤول حريات معينة
-ايوة ... زى ايه بقى ؟
-اقولك زى ايه .. زى حرية التعبير ان كل واحد يقول اللى هو عاوزه ......... حرية التفكير ان كل واحد رأيه من دماغه و كمان حرية العقيدة و الحرية السياسية اللى هى حرية الانتخاب و كمان الترشيح
- ده جميل اوى الكلام ده و الفكرة التانية بقى ؟
--المسؤولية لكل الافراد كل على حدة يا بيومى يعنى كل واحد مسؤول زيه زى الوزير و الرئيس و اكتر
- طب ازاى ؟
-- اقولك ازاى ... بإننا نصلح مجتمعنا اللى نشوفه غلط نصححه و اى سلوك مش صح ما نعملوش و نشارك و نكون ايجابيين و نعبر عن رأينا وكمان نقول مقترحاتنا لصالح البلد و نفهم دستورها عشان نكون عارفين اللى لينا و اللى علينا
و ما نخونش بلدنا بالسكوت على اللى بيحصل فيها يا بيومى و عشان كدة انا بكلمك و بوعيك
-ربنا يخليك ان شاء الله بعد ما اتوعى كدة مش هسكت على حقى و هكون عرفت ازاى اخده و اطالب بيه طب و التالتة بقى ؟
-التالتة يا سيدى العدالة الاجتماعية هى أن يحتل كل فرد في المجتمع المكانة التي يستحقها، وهي مكانة ترتبط بقدراتالفرد لا علاقة لها بأي مؤثر خارجي، بمعنى أن يكون كل فرد فى المجتمع فى المكان الصحيح و المناسب له وفقا لما يتمتع به منقدرات فطرية، فيكون جديراً بمكانة أعلى على شرط المساواة فى المعاملة و تحقيق العدالة فى كل شئ و المساواة امام القانون و امام الناس أي أن الناس كلها زى بعض و متساوية لا يفرقها و لا يميزها دنيويا إلا الكفاءة و القدرة على العطاء
-طب ماهى الفلوس بتحدد القيمة للبنى ادم فلازم الاجور تكون قريبة من بعض مايبقاش واحد عنده 7456 مليار و واحد تانى مش لاقى يا كل و لا انا بتكلم غلط ؟
-لا يا بيومى انت صح جدا جدا لازم تقليل الفوارق بين الدخول عشان نحافظ على العدالة الاجتماعية .
-طب قولى بقى انا كدة فهمت يعنى ايه ليبرالية ممكن تقولى بقى المفروض البنى ادم الليبرالى ده يعمل ايه و يسعى لتحقيق ايه بالظبط ؟
-ده سؤال مهم جدا يا بيومى و اسمحلى اشرحلك بالتفصيل
-اتفضل
-أولا الليبرالى ده شخص منهجه الحوار السلمى شخص صوته مش عالى و لا بيعترض على الحكومة و خلاص الليبرالي ينتقد الحكومة بموضوعية بمعنى انه بيقول هو شايف ايه بالظبط اللى غلط و يحدد مشكلته و أبعاد المشكلة و اللى ممكن تسببه و كمان لو يقدر يقترح حلول للمشكلة و يطرحها على الحكومة او السلطة فى اطار الحوار او اى اطار دستورى زى الصحافة الليبرالية او خطاب لمجلس الشعب او خطاب حتى لرئاسة الجمهورية او المسؤول بصفة مباشرة عن المشكلة دى .... يعنى لو المشكلة فى التعليم يبعت أبعاد المشكلة و مقترحاتها لوزير التعليم و هكذا
-يعنى افهم من كدة اننا ممكن بعد ما نفهم و يكون عندنا وعى بالمشاكل اللى فى بلدنا ممكن نشارك فى حلها عن طريق توصيل مقترحاتنا دى للحكومة من خلال الوسائل اللى انت بتقول عليها دى ؟
-بالظبط كدة .. و تانى حاجة بقى ...............................
-يظهر ان محطة الدقى جت للاسف
-عموما مش مشكلة ان شاء الله نكمل كلامنا بكرة
-ان شاء الله
-خد بالك من نفسك يا بيومى
-ان شاء الله
-السلام عليكم و رحمة الله و بركاته
-و عليكم السلام و رحمة الله و بركاته



و لسه لكلامى مع بيومى بقية .............. استنونى بكرة إذا المترو ما عطلش

مثبت
وياريت الموضوع يفضل نشط وشغال

مثبت
وياريت الموضوع يفضل نشط وشغال


هكذا يكون الكلام و إلا فلا

و ان شاء يا اسلام هيفضل نشط و شغال و مش عارف بجد اشكرك ازاى

تمام تمام :: انا مكنتش اعرف الكلام ده جزاك الله خيراا و :::
مستنين بيومي ::

مشكور يابندق
فاضل شويتين و..........

طبعا اتكلمت مع بيومى النهاردة لأن المترو لسه ما عطلش الحمد لله لأن الشئ اللى ممكن يخلينى ما اكلمش بيومى تانى هو المترو و لو مش المترو برده لازم نقول المترو .... عموما ده كان حوار النهاردة

- بيومى باشا صباح الخير
- صباح النور
- عامل ايه النهاردة ؟
- الحمد لله تمام
- الحمد لله
- ها .. هنكمل كلامنا عن اهداف الليبرالية ؟
- طبعا احنا وقفنا لحد فين يا بيومى
- احنا وقفنا لحد طريقة الاعتراض و وسائل الاعتراض القانونية اللى بتتبناها الليبرالية
- جميل نكمل بقى
- اتفضل
- شوف يا سيدى بعد ما اتكلمنا على المشكلة و ازاى نواجهها و نناقشها و نقترح تعديلاتها و كل ده هنتكلم دلوقتى على هدف تانى هو المساواة بالمعنى الشامل
- بالمعنى الشامل ؟؟
- ايوة يعنى الليبرالى لا يفرق بين مسلم و مسيحى و لا اسود و ابيض و لا صعيدى و لا بحرى و لا عنده اى نوع من انواع التمييز الكل فى الاخر بيعيش على ارض واحدة و على بلد واحدة و كلهم مواطنين زى بعض
- صح
- كمان الليبرالى بيحارب الفساد المالى و الادارى و بيحارب الظلم بكل انواعه و اشكاله بالطرق اللى احنا قولنا عليه و كمان الليبرالية عمرها ما خدمت مصلحة فرد او اتكلمت على حاجة شخصية
- ازاى بقى الحتة الاخرانية دى ؟
- يعنى ما ينفعش عشان الوزير ده ما عينش فلان ابن عمة مراتى يبقى الوزير ده وحش و اطلع بصفتى ليبرالى اعترض على سياسته و على قرارته يبقى انا كدة خنت مبادئ الليبرالية فهمتنى ؟
- اه كده فهمت خلينا بقى نتكلم عن الليبرالية فى بلدنا

- للأسف يا بيومى الليبراليين الحقيقيين فى مصر يتعدوا على الصوابع
- الحقيقيين ؟؟؟ ازاى ؟
- يا بيومى فيه ليبرالى حقيقى و ليبرالى تقليد
- حلوة دى .... طب فهمنى ازاى
- فيه ناس عمالة تجعجع و على طول الخط ضد الحكومة
بل و بتتطرق لسمعة الناس و سبهم فى شخصهم و شتيمة و قضايا و حاجة بصراحة اخر فضيحة دول فاكرين نفسهم ليبرالين
- طب ازاى نعرف ان ده ليبرالى بجد و ده ليبرالى نص كم ؟
- بيومى !!!
- نعم
- هو انا كنت طول الوقت ده بكلم نفسى ؟؟
- لا انا فهمت
- طيب من خلال اللى فهمته عن معنى اليبرالية و اهدافها و اغراضها و صفات الليبرالى تقدر تحكم على الليبراليين مين فيهم صح و مين فيهم غلط
- جميل اوى كدة طب قولى اهم المؤسسات او الاحزاب الليبرالية ؟
- أهم الأحزاب الليبرالية فى مصر الوفد و الغد و جبهة مصر الديمقراطية و المؤسسات بقى ممكن تقول جريدة الدستور و جريدة البديل مؤخرا
- طب مين فى نظرك الليبرالى الحقيقى فى مصر
- من وجهة نظرى المتواضعة الذى أدرك جزءا كبيرا من معنى الليبرالية مع كامل احترامى لليبراليين القدامى و الجدد و رغم اختلافى معه فى بعض النقاط إلا أن رأيى فيه لا يختلف احقاقا للحق هو د. أيمن نور
- انت مختلف مع ايمن نور ؟
- ايوة فى بعض النقاط مختلف معاه و لكنه فعلا انسان عارض النظام بشكل لائق و بشكل دستورى و كون حزب و من خلاله كان العمل بشكل قانونى و ترشح لمجلس الشعب و اعترض على نقاط معينة و كمان ترشح للرئاسة بشكل قانونى يعنى مشيها صح مش بيجعجع على الفاضى زى ناس ... !
- كدة انا فهمت كل ما يخص الليبرالية عاوز بقى اسأل فى حاجة تانية
- خليها المرة الجاية علشان انا هنزل الدقى زى كل مرة
- ماشى
- خلى بالك من نفسك يا بيومى
- ان شاء الله
- السلام عليكم
- و عليكم السلام و رحمة الله و بركاته

و استنوا بيومى بقى يوم السبت

عشان هنتكلم انا و هو فى حاجة جديدة غير مفهوم الليبرالية

تابعونا

جينا بقي لأيمن نور :::
انا عايز اعرف اتحبس ليه ؟! و محدش يقولي علشان وقف قدام الريس :: عايز توضيح يعني ::
و شكرا يا بندق و مستنين بيومي //

جميل يااحمد


بس ايمن نور يدعى لليبراليه زياده عن اللازم

يعنى الحريه زياده عن الازم
والمفروض للحريه حدود
انا مقصدش الحريه السياسيه
انا اقصد الحريه فى كل شئ

جينا بقي لأيمن نور :::
انا عايز اعرف اتحبس ليه ؟! و محدش يقولي علشان وقف قدام الريس :: عايز توضيح يعني ::
و شكرا يا بندق و مستنين بيومي //

ان شاء الله ضمن المفاجآت اللى هتطلع تباعا قريب جدا جدا جدا
هتعرف قصة أيمن نور و قصص تانية كتير هتكون فقط و حصريا لمجموعة شباب المستقبل من أجل التغيير
eXcLuSiVe !!!

استنونا

جميل يااحمد


بس ايمن نور يدعى لليبراليه زياده عن اللازم

يعنى الحريه زياده عن الازم
والمفروض للحريه حدود
انا مقصدش الحريه السياسيه
انا اقصد الحريه فى كل شئ

الحرية اللى بيدعو لها ايمن نور كويسة مع اعتراضى

على حرية العقيدة المبالغ فيها و بعض النقاط و لكن هو أكثر شخص تكلم بفهم عن الليبرالية
و أحسن من أدرك و فهم و سار على نهج الليبرالية فى مصر

الحرية اللى بيدعو لها ايمن نور كويسة مع اعتراضى

على حرية العقيدة المبالغ فيها و بعض النقاط و لكن هو أكثر شخص تكلم بفهم عن الليبرالية
و أحسن من أدرك و فهم و سار على نهج الليبرالية فى مصر

نهج الليبراليه فى مصر
هنا المشكله
يلا ماعلينا
انا مازلت محتفظه برايى
اختلاف الراى لا يفسد للود قضيه

بالظبط هو ده اللي احنا عاوزينه يا بندق ان احنا نوضح مبادءنا اللي عاوزين ننشرها ونوضح وجهه نظرنا بكل بساطه
سامحني انا لو اعرف اساعد في الموضوع كنت ساعدت بس بجد انا ما كنتش اعرف الحاجات دي زي بيومي بالظبط
شكرا ع المعلومات دي

و نستمر ان شاء الله فى المرحلة الثانية من الحملة " مصر الواعية " و هى التوعية الدستورية

و بنناقش فيها مواد الدستور بنشرح بعضها و ننتقد نصوص بعضها و بنطرح التعديلات الدستورية الأخير و نشرح ما جاء فيها


لتلك الكلمات بقية
كى نعرض للشعب القضية
فلا يكون الشعب حرا
إلا بعدما أن يفهم الحرية

النهاردة انا و بيومى رجعنا نتكلم تانى بس شكلنا هنتكلم فى حاجة تانية

عشان بعد ما بيومى فهم الليبرالية بإهدافها و سبل تحقيقها و مبادئها

قال المرة اللى فاتت انه عاوزنى فى حاجة تانية تعالوا نعرف ايه هى

-السلام عليكم
-و عليك السلام و رحمة الله و بركاته
-ليك وحشة و الله يا بيومى
-و انت اكتر
-عامل ايه ؟
-الحمد لله تمام
-قولى .. كنت آخر مرة عاوز تسال على حاجة تانية
-اه
-ايه هى طيب ؟
-الدستور بتاع مصر
-ماله ؟
-عاوزك تقولى بقى اهم المواد اللى فيه و تشرحهالى و حقوقى اللى موجودة فيه و انا ليا و عليا ايه للبلد
-جميل يا بيومى حاجة فعلا مهمة
-خلاص انا سامعك اتفضل
-شوف يا سيدى الدستور المصرى اتحط فى عهد الخديوى توفيق سنة 1882 و الغرض من انشاءه كان لتأكيد استقلال مصر عن الحكم العثمانى و لكن توقف العمل به على يد سلطات الاحتلال الانجليزى
-و بعدين ؟
-و بعد كدة بعد تصريح استقلال مصر 28 فبراير سنة 1922 تم وضع دستور جديد للبلد سنة 1923 و اهم البنود اللى كانت فيه نصه على أن مصر دولة ملكية وراثية شكلها نيابى و لكن سنة 1930 لغى الملك فؤاد الدستور ده و حط الدستور المعروف بدستور 1930 لتهميش دور البرلمان كويس ؟
-كويس جدا كمل
-استمر الدستور ده 5 سنين بعدها تم الغاؤه و الرجوع لدستور 1923 مرة تانية و فضل دستور 1923 هو اللى مطبق حتى ألغته الثورة نهائيا فى 1952
-و بعدين ؟
-أصدرت الثورة فى يوم 10 فبراير سنة 1953 دستور مؤقت للعمل به أثناء فترة انتقالية و بعد 3 سنين تم اصدار الدستور المصرى النهائى 16 يناير سنة 1956
-هو ده بقى الدستور بتاعنا دلوقتى ؟
-لا ما انا جايلك فى الكلام
-ماشى
-بعد كدة صدر دستور الوحدة بين مصر و سوريا فى مارس 1958 و بعد ذلك انفصلت مصر عن سوريا و طلع دستور مؤقت سنة 1964
-مؤقت ؟؟
-ايه و بعد كدة طلع الدستور الموجود حاليا و طبعا بالتعديلات اللى هو دستور مصر الدائم اللى طلعه السادات فى 11 سبتمبر 1971 اللى حفظ بيه التوازن بين الحكومة و المعارضة او بين السلطة و اليسار الليبرالى
-جميل هو ده بقى اللى عندنا دلوقتى ؟
-اه تقريبا طبعا ما اتعدل من السادات سنة 1980 بعدم تعيين فترات رئاسية محددة بعد ما كانت محكومة بفترتين فقط و وضع مادة نصت على ان الشريعة الاسلامية هى مصدر التشريع بعدها طلب الرئيس المصرى الحالى محمد حسنى مبارك بتعديل هو اكبر تعديل لحزم دستورية فى التاريخ منذ 1882 بتعديل حزمة كبيرة من المواد
-يعنى مش المادة 76 بس ؟
-لا دى مواد كتير جدا
-زى ايه ؟
-اقولك يا سيدى اختصارا يعنى عشان ما تصدعش الرئيس عدل كل المواد اللى تحتوى على لفظ اشتراكى مثلا ..
المادة (1) كانت فى السابق تنص على :
جمهورية مصر العربية دولة نظامها اشتراكي ديمقراطي يقوم على تحالف قوى الشعب العاملة.والشعب المصري جزء من الامة العربية يعمل على تحقيقوحدتها الشاملة.
* و أصبحت بعد التعديل :
جمهورية مصر العربية دولة نظامها ديمقراطي يقوم أساس المواطنة .والشعب المصري جزء من الامة العربية يعمل على تحقيقوحدتها الشاملة.
-يعنى شال كلمة اشتراكية
-اه فى مواد كتير جدا لأن جمال عبد الناصر و تبعه السادات فكرهم كان اشتراكى ليس الاشتراكى بمعنى الشيوعية و لكن اشتراكى بالمعنى العام
-و ايه تانى ؟
-اتعدلت المادة (5) من الدستور بإضافة فقرة ثالثة لتصبح المادة بالشكل ده
" يقوم النظام السياسى فى جمهورية مصر العربية على أساس تعدد الأحزاب و ذلك فى إطار المقومات و المبادئ الأساسية للمجتمع المصرى و المنصوص عليها فى الدستور
. ينظم القانون الأحزاب الساسية
. و للمواطنين الحق فى تكوين الأحزاب السياسية وفقا للقانون و لا تجوز مباشرة أى نشاط سياسى أو قيام أحزاب سياسية على أية مرجعية دينية أو بناء على أساس دينى أو بناء على التفرقة بسبب الجنس او الأصل"
-و ايه كمان ؟
-مادة (82) اللى كانت تنص على
" إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية "
أصبحت بعد التعديل " إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس الوزراء عند عدم وجود نائب لرئيس الجمهورية أو تعذر نيابته عنه و لا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة "
-و ايه بقى المادة 76 كانت بتقول ايه و اتعدلت بقت ايه ؟
-دى بقى المرة الجاية عشان المحطة جات
-ماشى
-خلى بالك من نفسك
-ان شاء الله
-سلام عليكم
-و عليكم السلام و رحمة الله و بركاته

بعيد شوية عن بيومى و حوارى المطول معاه

دى المواد اللى اتعدلت فى الدستور بنص المادة القديم و المعدل

ياريت تقروها

النهاردة بكمل حوارى مع بيومى عن الدستور نسمع النهاردة كلامنا كان ايه
- السلام عليكم
- و عليكم السلام و رحمة الله و بركاته
- ازيك يا بيومى
- الحمد لله تمام
- و ايه اخبار الوعى ؟
- تمام بس لسه ما كملناش كلامنا
- احنا وقفنا لحد فين المرة اللى فاتت
- وقفنا عند المادة 76 من الدستور
- اه .. شوف يا سيدى المادة دى بقى المادة اللى بنتظم تولى منصب رئيس الجمهورية و طريقة الاختيار .... زمان كان بالاستفتاء الشعبى بعد مبايعة مجلس الشعب لكن فى تعديلات مايو 2005 تم التعديل عشان تكون طريقة تولى منصب الرئيس زى أى رئيس فى الدنيا بالانتخاب الحر المباشر و الاختيار المتعدد
- ايوة و حصلت الانتخابات فى سبتمبر 2005
- صح .. بس مش ده اللى قالته المادة بس
- امال ايه تانى ؟
- المادة نصت على شروط الترشح أن يحصل على موافقة مكتوبة من ‏250‏ عضوًا على الأقل من المنتخبين بمجلسي الشعب والشورى والمجالس الشعبية المحلية للمحافظات و لا بد لمرشحى الأحزاب أن يكون الحزب له نسبة 5% من مقاعد غرفتي البرلمان.
- اه كدة فهمت .. طب اسأل فى حاجة كمان ؟
- اتفضل
- واجبى ايه و حقوقى فين من الدستور
- كتيييييييييير هقولك اهم النقاط
- ماشى
- بص يا سيدى انت مواطن مصرى عربى المفروض انك تعمل على تحقيق الوحدة العربية طبقا للمادة (1) و كمان الشريعة الإسلامية هى مصدر التشريع القانونى للبلاد طبقا للمادة (2) كمان السيادة للشعب وحده يعنى ليا و ليك و احنا المفروض نحميها و نحافظ عليها طبقا للمادة (3)
- طب ازاى ؟
- يغنى نحمى سيادتنا بالاعتراض لو فيه حاجة غلط و بالتأييد لو فيه حاجة صح و مشاركتنا فى الانتخابات و حرية التعبير عن الراى و بحاجات كتير ممكن نحفظ و نصون سيادتنا دى اللى نص عليها الدستور
- جميل و ايه تانى ؟
- كل مواطن له الحق فى تكوين حزب بالرجوع لقانون الأحزاب شرط ما يكونش قائم على اساس دينى او تفرقة عنصرية بسبب الجنس أو الأصل طبقا للفقرة الثالثة فى المادة (5) كمان من حقك ان الدولة تكفل ليك تكافؤ الفرص فى التعليم و التعيين و جميع خدمات الدولة طبقا للمادة (8) المفروض كمان ان فيه تأمين صحى و اجتماعى الدولة بتكفله لكل مواطن و كمان فى حالة العجز عن العمل و البطالة و الشيخوخة ليك فى الحالات معاش تقبضه من الدولة وفقا للقانون ده اللى بتقوله المادة (17) من الدستور
- ههههههههههههههههههههههههههه
- بتضحك على ايه يا بيومى ؟
- لا ابدا ابدا كمل
- مش من حق اى حد مصادرة أموالك إلا بحكم قضائى طبقا للمادة (36) و كمان الضرايب فى البلد تقوم على شئ واحد و وحيد و هو العدالة الاجتماعية طبقا للمادة (38) كل المواطنين سواء أمام القانون و لا أحد فوق القانون بسبب سلطة او مال او جنس او عقيدة طبقا للمادة (40) و كمان مش من حق اى حد يحبسك او يأذيك أو يقيد حريتك إلا فى حالات التلبس فيضمن الدستور حرية شخصية لكل المواطنين و عدم إيذاءهم نفسيا او جسديا و لا يجوز تحديد الاقامة إلا بقرار من الجهات المختصة طبقا للمادة (41) و إذا كان الحبس بموجب القانون تجب معاملة الشخص المقرر عليه بالحبس معاملة تليق بكرامة الانسان مع عدم جواز ايذاءه بدنيا او معنويا أو حبسه فى غير الاماكن الخاضعة للقوانين الصادرة لتنظيم السجون
- ههههههههههههههههههههههههههههه
- برده بتضحك !!
- طبعا لازم اضحك عموما كمل
- حاضر يا سى بيومى طبقا للمادة (47) من الدستور اللى انت عمال تضحك على مواده من صباحية ربنا بتكفل حرية الرأى و التعبير و تكفل النقد الذاتى للأشخاص و النقد البناء بما يحافظ على سلامة الوطن
- هسألك سؤال ؟
- اتفضل
- انت متأكد ان ده دستور جمهورية مصر العربية ؟
- ايوة يا بيومى ليه
- و لا ليه و لا حاجة
- عموما خلاص انا نازل الدقى و بكرة نتكلم
- بكرة هنتكلم عن الناس اللى فوق بيعملوا ايه و اختصاصتهم ايه سيبك مننا احنا
- ماشى خد بالك من نفسك
- ان شاء الله
- السلام عليكم
- و عليكم السلام و رحمة الله و بركاته



و الحلقة الجاية آخر حلقات التوعية الدستورية

لغايه هنا تمام يابندق

وقول لبيومى يبطل ضحك

لغايه هنا تمام يابندق

وقول لبيومى يبطل ضحك


ما هو بينى و بينك

له حق يضحك و يموت من الضحك كمان

تمام اوي كيده و معلش مكنتش متابع علشان النت كان بايز عندي و سيب بيومي يضحك ::: أصل ليه حق يضحك زي ما انا ضحكت :d

تمام اوي كيده و معلش مكنتش متابع علشان النت كان بايز عندي و سيب بيومي يضحك ::: أصل ليه حق يضحك زي ما انا ضحكت :d
مش كدة و النبى له حق يضحك

انا برده قولت كدا

مشكور جدا علي موضوع هادف

ميرسى على المرور الجميل

طبعا بعد فترة ما شوفتش فيها بيومى اتكلمت معاه النهاردة عن التوعية الدستورية و شرح بعض مواد الدستور كان النهاردة الكلام فى حاجات مهمة و ده كان الحوار

-السلام عليكم
-و عليكم و السلام و رحمة الله و بركاته
-ازيك يا بيومى
-الحمد لله ايه الغيبة الطويلة دى
-ظروف بقى يا بيومى هنعمل ايه
-خير ان شاء الله
-نكمل كلامنا و لا انت زهقت
-بقى ده كلام .... نكمل طبعا
-احنا كنا وقفنا عند اختصاصات رئيس الجمهورية
-ايوة صح
-هقولك يا سيدى و هقولك على شوية طرائف للدستور عشان تضحك براحتك
-ماشى
-رئيس الدولة او رئيس الجمهورية اول مهامه فى المادة (73) هو حماية الوحدة الوطنية و العدالة الاجتماعية و مراعاة الحدود بين السلطات التنفيذية لضمان تأدية دورها فى العمل الوطنى و بعد كدة فى حالة الخطر الداهم على البلاد له الحق باتخاذ قرارات مصيرية باستشارة رئيس الوزراء و استفتاء الشعب فيها خلال ستين يوم من تاريخ صدورها و ده مضمون المادة (74)
-ممكن توضحلى ايه الخطر الداهم ده ؟
-يعنى مثلا يا بيومى لو حصلت كارثة طبيعية يتخذ الاجراءات اللى يشوفها مناسبة و يجرى استفتاء شعبى عليها و حاجات زى كدة
-جميل كمل
-الرئيس هو القائد الأعلى للقوات المسلحة طبقا للمادة (150) و رئيس السلطة التنفيذية طبقا للمادة (137) و الرئيس الأعلى للشرطة بمقتضى المادة (184) و رئيس مجلس الدفاع الوطنى المختص بالكوارث و تأمين سلامة البلاد وفقا للمادة (182) و يحق له حل مجلس الشعب و الشورى او إقالة الوزارة فيما لا يحق لمن ينوب عنه فى حالة غيابه أو مرضه أن يحل مجلسى الشعب و الشورى او يقيل الوزارة أو طلب تعديل الدستور طبقا للمادة و هو رئيس لجنة تضم رؤساء الهيئات القضائية طبقا للمادة (173)
-جميل اوى يعنى هو الكل فى الكل و رئيس كل حاجة و اى حاجة
-يعنى حاجة زى كدة
-كمل
-فى حالة غيابه يحل محله نائب رئيس الجمهورية أو رئيس مجلس الوزراء طبقا للمادة (82)
-كويس كدة انت مش محتاج تقولى وظائف و اختصاصات الناس التانية هو الرئيس كفاية اوى يمشى البلد فى كل حاجة
-انت شايف كدة
-انا مش شايف غير كدة
-عموما اسيبك بقى مع طرائف الدستور المصرى
-ماشى اهو الواحد يخفف على نفسه
-* المادة 190
تنتهي مدة رئيس الجمهورية الحالي بانقضاء ست سنوات من تاريخ اعلان انتخابه رئيسا للجمهورية العربية المتحدة.
* المادة 80
يحدد القانون مرتب رئيس الجمهورية.ولايسر تعديل المرتب اثناء مدة الرئاسة التي تقرر فيها التعديل.ولا يجوز لرئيس الجمهورية ان يتقاضى اي مرتب او مكافاة اخرى.

* المادة 95
لا يجوز لعضو مجلس الشعب أثناء مدة عضويته أن يشترى أويستأجر شيئاً من أموال الدولة، أو أن يؤجرها أو يبيعها شيئاً من أمواله أوأن يقايضها عليه، أو أن يبرم مع الدولة عقداً بوصفه ملتزماً أو مورداً أومقاولاً.

* المادة 112
لرئيس الجمهورية حق إصدار القوانين أو الاعتراض عليها.

* المادة (172 ) و (173 )
المادة 172
مجلس الدولة هيئة قضائية مستقلة، ويختص بالفصل في المنازعات الإدارية وفى الدعاوى التأديبية، ويحدد القانون اختصاصاته الأخرى.
المادة 173
تقوم كل هيئة قضائية علي شئونها‏، ويشكل مجلس يضم رؤساء الهيئات القضائية يرأسه رئيس الجمهورية‏،‏ يرعى شئونهاالمشتركة،‏ ويبين القانون تشكيله واختصاصاته وقواعد سير العمل فيه‏.
* و المادة (150) و (180)
المادة 150
رئيس الجمهورية هو القائد الأعلى للقوات المسلحة، وهو الذي يعلن الحرب بعد موافقة مجلس الشعب.
المادة 180
الدولة وحدها هى التى تنشئ القوات المسلحة‏،وهى ملك للشعب‏، مهمتها حماية البلاد وسلامة أراضيها وأمنها‏، ولا يجوز لأيةهيئة أو جماعة إنشاء تشكيلات عسكرية أو شبه عسكرية‏.
ويبين القانون شروط الخدمة والترقية في القوات المسلحة.
و فيه شوية كمان تقرى الدستور بقى و تفهمهم
-هههههههههههههههههههههههههههههههه
-مش قولتلك هتضحك للصبح
-حاجة تضحك فعلا
-يلا المرة الجاية كلامنا عن حاجة جديدة
-و انا مستنيك
-ماشى خد بالك من نفسك يا بيومى
-ان شاء الله
-السلام عليكم
-و عليكم السلام و رحمة الله و بركاته

بجد تسلم ايدك
موضوع رااااااااائع
جزاك الله خير على توعيه الشباب ده

السلام عليكم
انا بشكرك جدا يابندق على الموضوع الشيق دا
وطريقه الموضوع حلوه

السلام عليكم ورحمة الله وبركاته

أولا أحب أحيي حضرتك ع الموضوع الرائع ده

فعلا معروف عن المصريين إنهم ناس بتوع كلام وبس

ودى حقيقة مش كدب .

أنا اول مرة أدخل القسم ده

وبجد حبيت اوى الموضوع .

ومعاك بإذن الله .

أما بالنسبة إننا نبدأ بتغيير المنتدى .

أنا لسة متعينة جديد ف القسم .

بس ولله الحمد فعلا طبقت التغيير

بمعنى إن القسم كان 39 صفحة

أصبح 24 صفحة .

دورت ع كل المواضيع المتكررة والموقوفة وما إلى ذلك

وحذفتها أو نقلتها .

وبجد حاسة بالفرق .

معاك بإذن الله مش عشان خاطر بندق أو غيره

عشان خاطر إحنا بنحب مصر أوى أوى

مش احنا بس على فكرة .

لو سألت أى حد من الدول العربية هيقولك كده

عارف لما بقول أنا بموت ف مصر

لازم اتسأل : على ايه ؟

هى مصر عملت لنا إيه ؟

مش كفاية العيشة ؟؟؟؟؟

بجد لازم نعمل حاجة .

بس ياريت الموضوع يكمل مش يتوقف بالله عليكم .

وجزاكم الله خير الجزاء .

افتكر قوله تعالى :

( ومن أحياها فكأنما أحيا الناس جميعا ) .

وشكرا .......