السلام عليكم
انا في 3ث السنة دي وعايز حد يكون مجهز جدول مذاكرة ويصوره ويرفعه علي الموقع هنا يفيدني ويفيد الجميع
وياريت كمان لو حد يصور الكشاكيل الي بيذاكر فيها المواد عشان نفيد بعض

جدول مذاكرة يصلح لمن يريد دخول كلية الطب


السبت

file:///C:\Users\ADMINI~1\AppData\Local\Temp\msohtmlclip1\ 01\clip_image001.gifقراءة
نصوص
نحو
أدب
قصة
بلاغة وتعبير

لغة انجليزية

فيزياء

جيولوجيا

الاحد
لغة فرنسية

أحياء

كيمياء

الاثنين
لغة انجليزية

فيزياء

جيولوجيا

الثلاثاء
لغة فرنسية

أحياء

كيمياء

الاربعاء
لغة انجليزية

فيزياء

جيولوجيا

الخميس
لغة فرنسية

أحياء

كيمياء

الجمعة
مراجعة شاملة + راحة وترفيه


كيف تتعامل مع الثانوية العامة؟في البداية : - لا تنسي الصلاة علي الحبيب .
وأكثر من الاستغفار:قال رسول الله صلي الله عليه وسلم "من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب"الاستغفار يؤثر على حسب نية المستغفر أي لأي شيء تستغفر لطلب مال - نجاح- توبة.. فعلى نية المستغفر يكون الأثر بإذن الله- ملاحظات على الجدول
البعض ممكن أن يتساءل :
كيف يمكن تنفيذ هذا الجدول رغم إن إحنا عندنا دروس كل يوم وخاصة إن اليوم فيه أربع مواد ؟
إجابة هذا السؤال تتلخص في أن مذاكرة المادة في اليوم الواحد لن تكون بكمية كبيرة فمثلا : مادة اللغة العربية ( كل يوم فرع )
مادة اللغة الانجليزية تذاكروا نصف وحدة أو نصف فصل قصة وهكذا لا بد أن يكون هناك راحة ( إن لبدنك عليك حق ) ويكون يوم الجمعة يوم راحة أكثر ما يكون يوم مراجعة
- أنا كطالب في الثانوية العامة بسأل نفسي شوية أسئلة زي مثلا :أزاي أحصل علي أعلي الدرجات وأكون من أوائل الطلبة - وأزاي أذاكر صح - وأزاي معنوياتي تبقي عالية – وأزاي أبقي متقبل المذاكرة - وأزاي أشعر براحة نفسية ,أزاي أنهي مذاكرة المنهج علي أكمل وجه ،مع العلم أن الطالب مطلوب منه أن يعمل اللي عليه ،والمجموع دي حاجة بتاعة ربنا ،مختصر الكلام يدور حول النقاط الآتية :"عليك أن تفعل الأشياء التي تعتقد أنه ليس باستطاعتك أن تفعلها"..
النقطة الأولي :
1- طاعة الله:الكل يعلم أن مستقبلنا بيد الله فلا بد أن نكون مع الله وأن نحافظ علي ( الصلوات الخمس في المسجد وخاصة صلاة الفجر – وقراءة القران – الأذكار وخاصة أذكار الصباح والمساء وقيام الليل ولو ركعتين ، يقول الرسول صلي الله عليه وسلم "أحب الأعمال إلي الله الدائم وان قل".
2- كلنا عارفين أن العمل طاعة علشان كده لازم نهتم بمذاكرتنا ،لمصلحتك والله العظيم ،ما تشوف شباب اليومين دول أسلوبهم وتفكيرهم بقي عامل أزاي ،عارفين السبب ،السبب يا مهذب منك ليه أنهم بعاد عن ربنا ومن ثم بعاد عن طاعة الله ،وعلي فكرة الراحة النفسية والمعنويات العالية وتقبلك للحياة والسعادة الحقيقية في طاعة الله .
3- نصيحتي لك في الحياة كطالب (كن مع الله - ذاكر – عافر – احلم فالحلم بكره هيبقي حقيقة – ركز وما تسرحشي- افرح – كن متفائل دائما- وحب لأخيك المسلم كما تحب لنفسك – وتواضع فالتواضع قوة وليس ضعف).
"أكتب أهدافك لتحول الأماني إلى احتياجات والمستحيل إلى ممكن والأحلام إلى واقع، أكتبها ... ماذا تنتظر"
النقطة الثانيةأهم شئ في الحياة النظام ،ولذلك يجب علي طالب الثانوية أن يكون منظم في مذاكرته وذلك بعمل جدول يومي ،في حد هيسألني ازاي أعمل جدول يومي:
أول شئ : هات ورقة وقلمتاني شئ :حط لكل يوم مادة واحدة ،هتقولي مادة واحدة فقط ،هقول لحضرتك لأه في حاجات تانية هتضاف مع المادة وهتتعرف عليها في النقطة الرابعة ما تخافشي دي حاجات بسيطة جدا ،وجدد النية وذاكر علي فترات الصلاة يعني قول بينك وبين نفسك أنا عندي 4 فترات في اليوم(الفترة الأولي من الفجر إلي الظهر – الفترة الثانية من الظهر إلي العصر – الفترة الثالثة من العصر إلي المغرب – الفترة الرابعة من المغرب إلي العشاء)
واحد هيقول يعني هذاكر من الفجر إلي العشاء أزاي طيب ،أكيد لأه طبعا ،كمل قراءة الكلام لحد النهاية ،واحد تاني هيقول ما أنا عندي مدرسة ،وواحد هيقول ما أنا عندي درس ،بص حضرتك الوقت أللي حضرتك عندك مدرسة أو درس هياخذ فترة من الأربع فترات تبقي 3 فترات لحضرتك.
"إذا لم تغير ما تفعله دائماً،، فلن تغير النتائج التي تحصل عليها دائما"النقطة الثالثة :لازم يبقي لك حجرة خاصة بك وتكون بعيدة عن الأطفال وأي تشويش،والأفضل ولمصلحتك والله بلاش تلفزيون وخاصة الطلبة أل بتذاكر أمام التلفزيون ممكن الطالب منا يقعد 16 ساعة بيذاكر أمام التلفزيون والشيطان يهيئله أن كده بيذاكر أكبر عدد من الساعات ،لكن دي مشكلة كبيييييييرة لأنهم ما بيستفيدوش أي شئ من أللي ذاكروه ،وبمناسبة عدد الساعات مش الطالب اللي بيجيب في الثانوية مجموع كبير هو اللي بيذاكر عدد ساعات كتير ،بعد التوفيق من الله طبعا هو الطالب اللي بيكون حريص أنه يذاكر أول بأول وعقله شغال ولايشتت عقلهزي بمعني مثلا أنه يذاكر من كذا مكان ويفكر في كذا حاجة وهو بيذاكر– وبلاش كمبيوتر ولا الموبايل هتقلي بلاش الموبايل لاه ،هقول لحضرتك علشان النت والفيس وأصحابك أللي ممكن تضيع معاهم وقت كثير في كلام غير مفيد ،واحد هيقول لو أستاذي أو أصدقائي عاوزين يكلموني علشان ميعاد درس ولا أي شئ مهم هقول لحضرتك أعطيهم رقم تليفون المنزل ،وواحد تاني هيقول أه يا عم انت بتعقدنا ولا أه ،هو اليوم كله هيبقي مذاكرة ولا أه ،ولا تلفزيون ولا موبايل ولا فيس ،لأه طبعا يا مهذب ،حط لنفسك في الجدول اليومي وقت فراغ خاص بك أعمل فيه أل أنت عايزه (يعني مثلا أخرج مع أصحابك) ،وبالمناسبة لا تقعد تذاكر فترات طويلة ،الأفضل أنك تذاكر 50 دقيقة وتأخذ 10 دقائق راحة.
"يلوم الناس ظروفهم على ما هم فيه من حال.. ولكني لا أؤمن بالظروف فالناجحون في هذه الدنيا أناس بحثوا عن الظروف التي يريدونها فإذا لم يجدوها وضعوها بأنفسهم".النقطة الرابعة :خاصة بالمواد الدراسية ،تدور حول كيف تتعامل مع مواد الثانوية العامة .
أوعي تسمع لأي حد يقول لك أن الثانوية العامة صعبة ،أنت صاحب القرار ،والله لو ذاكرت الثانوية العامة هتبقي سهلة وجميلة ،ولو أهملت في المذاكرة وقلت يا عم كبر دماغك هتبقي صعبة جدا ومعقدة وخلي بالك السنة دي مهمة جدا ممكن تقول عليها أهم سنة في حياتك،لأنها هي ال بتحددلك دراستك وكمان بتغير من طلبة كتير أوي أما للأفضل لو ذاكرت أو للأسوأ لو مذاكرتش ،ما شاء الله كلنا عارفين أن الثانوية العامة سمعتها سبقاها مختصر الكلام في النقطة دي مش أي كلام يقال تصدقه.
يعني مثلا :
1- العربي :أنا بفضل انه يتذاكر كل يوم ،أزاي يعني:قسم العربي لجزأينالجزء الأول :يشمل النصوص والقراءة والبلاغة والتعبير في يوم الجزء الثاني :يشمل نحو وأدب وقصة في يومما أنت حضرتك عندك الأسبوع 7 أيام ،وبالتالي حضرتك هتذاكر فروع العربي خلال أل 7 أيام ،هتقلي طيب ما أنا عندي مذاكرة دروس أخري ،هقول لحضرتك خذ كميات بسيطة من كل فرع يعني مثلا لو عندك مذاكرة درس أدب والدرس فيه 12 سؤال مثلا يبقي حضرتك هتوزع الدرس علي مدار الاسبوع ،ما أنت عندك 3 أيام تقريبا في الاسبوع بتذاكر فيهم أدب وبالتالي هتذاكر في كل يوم خاص بالأدب 4 أسئلة فقط وما أظن إن ده حاجة بسيطة خالص يا ال عندك مشكلة مع العربي وفروعه.
ملحوظة :اهتم بالتعبير بحفظك ل(مقدمة – خاتمة – أبيات شعر – قران – أحاديث) لان في طلبه كتير ممكن تقفل في كل الفروع وبتنقص في التعبير لأنها ما بتعرفشي تكتب الموضوع كامل+ اهتم بالثوابت الإعرابية علشان تعرف تعرب.
2- الإنجليزي :المهارات اهتم بها ، تبقي معاك يوميا أل هي (المواقف – السبيكر – الترجمة – البرجراف) هتقول أزاي - خذ حاجات بسيطة من كل فرع كل يوم ،يعني مثلا
- بالنسبة للمواقف ذاكر واحدة من أي كتاب خارجي أو أي ملزمة + حل 4 مواقف علي مدار اليوم كله.
- بالنسبة للسبيكر أحفظ 4 أماكن وشخصياتهم من أي كتاب خارجي أو أي ملزمة + حل 4 سبيكرعلي مدار اليوم كله.
- بالنسبة للترجمة أحفظ 4 ترجمة عربي – إنجليزي + 1 إنجليزي عربي من أي كتاب خارجي أو أي ملزمة علي مدار اليوم كله.
- بالنسبة للبرجراف حاول تحفظ تعبيرات وكلمات علشان تقدر تكتب في البرجراف.
والكلمات والجرامر في اليوم الخاص بالإنجليزي.
3- الفيزياء والكيمياء :أهم حاجة الحل الكثير،حل من كتاب و اثنين وثلاثة ،ذاكر من مذكرة واحدة فقط ، وحل المسائل ووزعها علي مدار الأسبوع بحيث المسائل تبقي معاك كل يوم،النظري في اليوم الخاص بهم ،وكذلك الأحياء والجيولوجيا والفرنساوي أهم شئ الحل الكثير. "لا أقول مستحيل مطلقاً لأي أحد أو لأي شئ"الجدول اليوميالسبت :
- فيزياء مثلا (حط المادة ال أنت عوزها).
- العربي (نصوص + قراءة+بلاغة وتعبير)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل الأحد :
- فرنساوي مثلا(حط المادة ال أنت عوزها).
- العربي (نحو + أدب+قصة)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل الاثنين :
- جيولوجيا مثلا (حط المادة ال أنت عوزها).
- العربي (نصوص + قراءة+بلاغة وتعبير)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل الثلاثاء :
- كيمياء مثلا (حط المادة ال أنت عوزها).
- العربي (نحو + أدب+قصة)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل الأربعاء:
- إحياء مثلا (حط المادة ال أنت عوزها).
- العربي ((نصوص + قراءة+بلاغة وتعبير)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل الخميس :
- إنجليزي مثلا(حط المادة ال أنت عوزها).
- العربي (نحو + أدب+قصة)علي مدار اليوم كله.
- المهارات إنجليزي (مواقف – سبيكر – برجراف – ترجمة) علي مدار اليوم كله.
- حل المسائل الجمعة :
يكون يوم راحة أكثر ما يكون يوم مراجعة.
نصائح :
1- لو عندك أي حاجة متراكمة عليك في الدروس ،أتبع الأتي :
عد عدد صفحات الدروس المتراكمة عليك في مادة ما وقسمها علي فترة معينة (10أيام مثلا) بحيث تأخذ كل يوم كمية بسيطة جدا من الصفحات.
2- راجع باستمرار ،فكثرة المراجعة تؤدي إلي ثبوت المعلومة.
3- التزم بالجدول اليومي.
4- يقال أن من أفضل طرق المذاكرة هو المذاكرة علي السبورة ،فأنصحك إن يبقي عندك سبورة خاصة بك في الحجرة.
5- كن متفائلا دائما.دمتم بحفظ الرحمن

الف شكر يا أ. محمود ربنا يجعله في ميزان حسناتك . تسلم والله انا كنت مش عارف ابدا ازاي بس انت سهلتلي الحكاية الف شكر

انابس فاضلي اعرف الاحياء اذاكرها ازاي؟ والفيزياء برضوا.
هل هحتاج مثلا الخص كل درس في كشكول وكدا وبعدين احل
والف شكر ليك ا . محمود

من فضلك يا أستاذ أنا عايز جدول مذاكرة يومي علمي علوم

جزاكم الله خيرا

رائع جدااا شكرا

لك جزيل الشكل استاذى الفاضل

الحمد لله رب العالمين

رائع جدا أستاذنا الفاضل

جزاك الله خيرا و بارك الله فيك