السلام عليكم

حبيت أسأل هي عادة نتيجة تنسيق الشهادات المعادلة بتطلع بعد أد ايه من أنتهاء التقديم


هما هيوقفوا يوم خمسة تسعة


تقريبا يعني بتطلع في حدود كم يوم بعدها ؟؟


أتمنى لو حد عنده فكرة يقولي لإن الوضع مقلق جدا خصوصا مع ارتفاع النسب اللي حاصل السنة دي نص الناس جايبين مية في المية !!..

السلام عليكم .....

أنا أحمد ... حبيت أشترك في المنتدي لما شفت الموضوع .. و خصوصا اني كمان شهادة معادلة و نازل من السعودية .... ووو أنا صراحة بردة مستني نتيجة التنسيق زيك بالظبط ... و هو مش كان آخر يوم للتنسيق الالكتروني يوم الحد وو قالوا هنتظهر يوم السبت .. انا صراحة مش عارف ليه في موقع التنسيق لسة قائمة الرغبات محطوطة .... أنا قريت في الجرايد ان نتيجة المرحلة الثالثة و الدور الثاني هيظهروا الخميس يمكن نكون معاهم .... على العموم لو عرفت حاجة نتكلم ان اشء الله .......

هو سما الوجدان معلش ( بنت ) و لا ( ولد ) ........ وشكرا

أهلا
وعليكم السلام

أنا (بنت) ..

كنت قارية في الجرايد أول ماأعلنوا عن فتح التنسيق لينا أنهم هيفتحوه مرة ثانية عشان الناس اللي عندهم دور ثاني

احنا في السعودية اختبروا الدور الثاني بعد الامتحانات النهائية على طول
لكن بقيت دول الخليج معتقدش إنهم عملوا كده
فيمكن هما بيفتحوا التنسيق تاني عشانهم
بس امبارح كان نازل موضوع في جريدة الأهرام وقايلين إن مكتب التنسيق يغلق أبوابه وماجابوش سيرة إنه هيفتح لحد خمسة تسعة لأنه لو فتح أكيد مش هتطلع نتيجتنا ع الأسبوع الجاي

معندكش فكرة إذا إحنا مع المرحلة الثالثة ولا مالناش دعوة بيهم ؟؟

بقولكم ايه خليها على الله وهى تفرج
وتحياتى لكل اصحاب الشهادات المعدلة انا ......
ميرو الرومانسى والباقى منسى

السلام عليكم ........

و الله أنا قرأت الجرايد النهاردة ملقتش أي خبر عن التنسيق بس هو أمبارح الي شفت في ( المصري اليوم ) كاتبين أن نتيجة طلاب الدور الثاني مع المرحلة الثالثة هتظهر بكرة الخميس ........ أما أحنا فا مش عارف يمكن يكون يوم السبت أو معاهم

بس أنا بفتح كل يوم موقع التنسيق الالكتروني مبلقيش فيه حاجة أتغيرت .. يعني أحنا قاله آخر يوم كان الأحد و مع ذلك لسة مفتوح لتعديل الرغبات لحد دلوقتي .. و كمان بتوع الدور الثاني خلصوا أمبارح كان آخر يوم و مفيش تعديل في الموقع .. يعني انا فاكر يوم الثانوية كانوا كاتبين ( ترقبوا النتيجة )

و على فكره زي ماطلعت نتيجة المستوى الرفيع كدة فجئة كمان هتكون نتيجة التنسيق .. و كمان لخبطونه مش عارفين هيرسلوا جواب الترشيح كدة بالبريد عادي و لا ندخل على الموقع نشوف النتيجة ....

ويا ( سما ) ربنا يسهل ومتقلقيش . هو صح في ناس كتير جايبة 100% بس ان شاء الله ربنا هيخترلنا الي كويس لينا

و يا ( ميرو الرومانسي ) .. أحنا مخلينها على الله طبعا .......... ( سلام )

جزاك الله خير أخ ميرو

أسعدني ردك,,

شكرا يا أحمد ,,

على قولتك ربنا هيختارلنا الخير بإذن الله ..

السلام عليكم ..
انا مغتربة بردو بس جاية من الامارات
بس احنا عكس السعوديه لأن النسب نزلت جدا عندنا السنه دي بسبب تغيير المناهج لمناهج كندية معربه
ووبردو مستنية نتيجة التنسيق على ناااااار وسمعت انها هتنزل في مصر يوم 15-9 بس هتنزل في دول الخليج قبلها بكم يوم كده
وربنا يوفقكم جميعا
جهاد ,,

( jahooda ) خم 15 تسعة كتير قوي ... دة الواحد مستني تكون بالكتير يوم السبت انتي عرفتي كدة منين ؟ ... يعني تبقى قبل الكليات بخمس أيام بس ..... مش عارف صراحة .. على العموم الي يعرف حاجة يقول . لاني بصراحة أشتركت في المنتدى علشان الموضوع دة بالذات .... شكرا

السلام عليكم ورحمة الله
انا كمان مغتربه بس جايمه من السودان
وانا بقدم اوراقى سألت فى مكتب التنسيق وقالولى النتيجه من يوم 20 ل 25 /9 مش عارفه ليه بيأخروها اوى كده
يلا ربنا يوفقنا جميعا

يااه عشرين لخمسة وعشرين ده متأخر جدا

هي مش الدوامات هتبدأ يوم عشرين ؟؟؟

معتقدش يا أحمد إنها ممكن تطلع السبت لإن هما عادة بيطلعوها قبل الدراسة بكم يوم يعني ممكن على خمسطاشر تسعة زي أما بتقول جهاد ولو إننا نتمنى تكون بدري زي توقعاتك ,,

جهاد مفهمتش إزاي هتنزل في دول الخليج قبلها بكم يوم ؟؟
هتنزل فين يعني ؟؟

وأعتقد مفيش داعي تقلقي بالنسبة لموضوع النسب النازلة لإن أنتم تنسيقكم غير تنسيقنا ومن زمان والكويت والإمارات بيدخلو بمجاميع أقل بكثييير من بتوع السعودية


بالتوفيق,,

السلام عليكم .......

هو أنا لسة فاتح موقع التنسيق الالكتروني لقيت بس غيروا وكتبه ( ينتهي التسجيل لطلاب الشهادات المعادلة الساعة 1 ظهراً يوم الخميس 4-9

و كمان لطلاب المرحلة الثالثة و الدور الثاني كتبه نفس الكلمه ... مع العلم ان نتيجة المرحلة التالتة هتظهر النهاردة ....... فأنا مستني بعد 1 يمكن يغيروا ويكتبوا ترقبوا النتيجة يوم كذا ... ( يار ب )

علشان مش ناقصه انتظار اكتر من كدة يريت بس يحددوا اليوم علشان نرتاح وعقبال النتيجة ان شاء الله

ترقبوا ظهور نتائج الشهادات المعادلة

دي آخر حاجة مكتوبة في موقع ( التنسيق الالكتروني ) ... فيمكن نكون ان شاء الله مع المرحلة الثالثة يعني يريت تكون في خلال يومين ......

سما البنات تنسيقهم غير الولاد لكن بالنسبة للولاد 98 يخش ايه تقريبا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا عارفة إن الأولاد غير البنات

بس إنت 98 بالمستوى الرفيع ولا بدون ؟؟

أخوي قبل سنتين كان 98 بالمستوى الرفيع ودخل هندسة

معرفش السنة دي هيدخل ولا لا لإن النسب مرتفعة بما إنه مفيش امتحانات وزارة

ربنا يقدرلك الخير ,,

والله ياسما انا بقالي كام يوم نايم اودام الجهاز عشان الموضوع اللي جاي عليهم انهم كاتبين ترقبوا ظهور النتيجة طيب هوه يوم 25 ده قريبا حاجه تشل وفعلا انا قلقان جداااا لان مجاميع السعودية مرتفعة جدااااا ياريت ياجماعة اللي عنده فكره عن اي حاجه ميبخلش:p وانا سعيد بالرد على الموضوع :d

السلام عليكم ورحمة الله
يا جماعه موضوع 20 ده الراجل اللى كان قايلى عليه مش انا بس انا ليه طلب عندكم لو اى حد يعرف اى حاجه عن الاعداد اللى متقدمه من السودان او التنسيق هيكون نظامه ايه يا ريت يقولى عليها
لانى قلقانه جدا ونفسى النتيجة تظهر انهارده مش بكره

وكل سنه وانتم طيبين

وأنا أسعد بردك يا dodo

invisble_girl كان نفسي أفيدك ,,

بس للأسف معرفش حد جاي من السودان ,,

عموما اتوكلي على ربنا وربنا يقدرلنا الخير ,,



كم واحد من اللي رادين هنا جاب 100% ؟؟..;)

السلام عليكم .......

يا ( invisble girl ) و الله فنفسنا نفيدك بس بجد أحنا منعرفش حاجة عنا ( اللي جاييت من السعودية ) ...... و أصلا كمان شكل الناس الي شغالين في مكتب التنسيق مبيعرفوش أي حاجة و بيقدمولك الخدمة بالعافية .....

هو ممكن لو حد أصلا من القاهرة يروح يسأل

و يا سما هو بجد أمتحانات البنات في السعودية بتكون أصعب ... أنا بسمع كدة ان المدرسات معقدين الدنيا و أن مفيش بنت أتعدت 99% ...... و لو سمحتي هو أخوكي نتيجة تنسيقه بانت قبل دخول الكلية بقد ايه يعني ........ ووو شكرا

بيقولي مش فاكر :confused: ,,,

بس لي وحدة قريبتي دفعة السنة اللي فاتت بتقولي طلعوها قبل الدراسة بيومين ,,

هو صح البنات اختباراتهم معقدة عن الأولاد بس المدارس الأهلية معندهمش تعقيد وبالتالي النسب من عندهم هتكون مرتفعة ,,

أنا كنت في نظام مقررات مدرسة حكومي والحمدلله جبت 100 % بس نقصت في المستوى الرفيع ,,

ياجماعة حد يعرف حاجة عن تنسيق سلطنة عمان؟؟؟

أنا سمعت بالنسبة لميعاد النتيجة أكثر من اشاعة اللي بيقول هتظهر يوم 20/9 قياسا على السنة اللي فاتت ظهرت مع الدراسه !!! واللي بيقول هتظهر قبل يوم 10/9 او هتظهر بدري علشان التسجيل كان عالنت!!! مفيش حد عارف حاجه!!!:huh::huh:

السلام عليكم يا جماعة,انا اختكم شروق,اولا كل سنة و انتم طيبين,تاني حاجة اللي بيقرا الجرايد هيعرف ان نتيجة الشهادات المعادلة بالنسبة للتنسيق طبعا,هتطلع ابتداءا من بكرة لنهاية الاسبوع ده انشاءالله,يعني كمان كام يوم هنعرف ربنا اراد ندخل ايه,يعني اطمنوا وباذن الله احنا معانا وقت كبييييييييييير قبل دخول الكلية,اما النتيجة اتاخرت السنة اللي فاتت عشان كان في مشاكل كتييير عن الاقامات و كدة,فطبعا النتيجة جت متاخر علي ما القضايا المرفوعة اتحلت غلي خير,اما السنة دي الحمدلله مفيش اي تعقيدات في تقديم الورق,يعني هتطلع في ميعاد مناسب انشاءالله.......علي فكرة انا امتحنت في المدرسة السودانية في ليبيا,ادعولي ياجماعة ادخل صيدلة الزقازيق باذن الله......مخبيش عليكوا انا اعصابي بايظة اخر حاجة..و متدمرة,بس ثقتي كبيرة في ربنا انه اكيد هيختارلنا الاحسن لينا و لاهلنا....ربنا معاكوا جميعا :d;) اطمنوا,النتيجة كمان 3 ايام انشاءالله,و متنسوش الحلاوة بقي :p

السلام عليكم ........

أهلا بيكي يا شروق ( كل سنة و أنتي طيبة ) ...... و يارب يكون فعلا النتيجة كمان كام يوم و متتأخرش .... و يا رب تدخلي صيدلة الزقازيق

واضح جدا ان كلنا مشاركات بسيطة في المنتدى علشان الموضوع دة و الي بيعرف حاجة يكتبها و نشارك بعض

و يا سما ما شاء الله عليكي و متخافيش من المستوى الرفيع و ان شاء الله تدخلي الي نفسك فيه ....... أنا كمان جبت 9 ونص في الجغرافيا مش عارف ليه بس الحمد لله ...

و يا نور الاسلام انتي بتسألي عن ايه بالظبط في التنسيق بتاع سلطنة عمان ؟ لو عن الميعاد .. فكله بيكون مع بعض

بسو يا جماعة انا لما رحت اودي درجة المستوى الرفيع في القاهرة سالت قالتلي انة يوم 15 دة على حد الي اتقلي
بس بردة متعرفش حاجة لانك أكيد أكيد في مصر

السلام عليكم
انا عرفت ان جوابات الترشيح هتوصل ع البيوت يوم 15-9 من مكتب التنسيق
بس النتيجه هتوصل في دول الخليج تقريبا على شكل ملاحق مع الجريده الرسميه
يعني في الامارات هتيجي ملحق للمصريين المقيمين في الامارات مع جريدة الخليج
بس ياريت تظهر قبل الدراسه
شكرا للجميع
جهاد ,,

على فكرة يجماعة موضوع ان نتيجة الشهاده المعادلة هتطلع اول في الجرايد الخليجية ابل اي حاجه في مصر صحيح متستغربوش ايوه انا ليا وحده قريبتي من سنتين كانت دايخة على نتيجيتها زينا كده لغاية وانا بدور بالصدفة لقيتها على جريدة الوطن الكويتيه مع انها كانت واخداها من السعودية
فأنا بدور في الأول في الجرايد الخليجية بشكل عام

وربنا يستر انشاء الله ،،،

نتيجة المرحلة التالتة بانت


عقبالنااا

نتيجة المرحلة التالتة بانت


عقبالنااا


يارب،،،،،،،،،

معتقدش ياجماعة إن حكاية الجرايد الخليجية دي هتكون السنة دي قبل أما تطلع في مصر
لإن نتيجة التنسيق هتطلع ع النت وأكيد هتطلع فيه قبل أما تطلع في الجرايد لإن زمان كان اللي بيأخر النتيجة البريد فبتظهر في الجرايد الأول ,,

بالتوفيق ,,

معتقدش ياجماعة إن حكاية الجرايد الخليجية دي هتكون السنة دي قبل أما تطلع في مصر
لإن نتيجة التنسيق هتطلع ع النت وأكيد هتطلع فيه قبل أما تطلع في الجرايد لإن زمان كان اللي بيأخر النتيجة البريد فبتظهر في الجرايد الأول ,,

بالتوفيق ,,
الجرايد الكويتية والاماريتية بيهتموا أوي بحكاية النتيجة وبتظهر فيهم الأول

يا جماعة التنسيق اول مرة يبقى الكتروني بيقولوا حتطلع كمان تلت ايام مش 15-9 فال الله ولا فالك على رأي مصطفى كامل يا ((عم قول يا رب)):p

في مشكلة تانية حتواجهنا اللي حيجيلوا مكان بعيد عن بلده حيلاقي صعوبة في انوا يلاقي سكن فلازم الكل يفهم ده ويعمل حسابه وربنا يوفق

السكن مقدور عليه ممكن سكن خاص لفترة مؤقيتة وبعدين تروح المدينة الجامعية وكلها سنة او سنتين وتحول

بس النتيحة تطلع

ههههههههههههههههههه
احلى حاجة اننا مش عارفين اي حاجة في اي حاجة
انا الحمد لله كنت في اسوء و اعقد مدرسة في السعودية
وده مش كلامي طبعا دا كلام اللي يعرفها وشرب من كاس المرار بتاعها
عشان كدة انا خايفة من المجاميع اوي وانا سمعت انها هتبان يوم 5/9
بس لو بانت كدة هتبقى بدري عن السنه اللي فاتت بكتير
انا مش عارفة حاجة ربنا يستر

ما فيش جديد أي حد يعرف أي معومة يبلغنا أصل أنا على أعصابي وسجلت مخصوص علشان الموضوع ده وشكرا

ما فيش جديد أي حد يعرف أي معلومة يبلغنا أصل أنا على أعصابي وسجلت مخصوص علشان الموضوع ده وشكرا

يا جماعة أنا شفت ( المصري اليوم ) ... و ( الأهرام ) ... و يا ( mnagd ) مفيش أي حاجة جديدة كل الجرايد بتتكلم عن المرحلة الثالثة بس و المجاميع وكدة و ان بكره يبدأ التحويل لهم ... و مكتبوش أي سطر علينا

و كلنا منتظرين و ربنا يستر ......

قال الدكتور هاني هلال وزير التعليم العالي في خبر حصري لمجلتنا (في البطيخ)ان نتيجة الشهادات المعادلة حتطلع مع نتيجة الترم الاول في الكليات لكي يستطيع الطلبة اللحاق بالترم التاني ووجود مساحة قبل امتحان الترم التاني

ههههههههههههههههههههههه حلوه دي
هي شكلها اخرتنا كده والله يا جماعه
في البطيخ p:
ربنا يستر احنا كلنا على اعصابنا

بصوا سيبوها على ربنا
وبعدين يعني احنا مستعجلين على الدراسه اوي للدرجادي احنا بنموت في الدراسه مستنينها على نار ؟؟؟
بكرة تيجي وهنزهق
اليومين دول بتوعنا احنا لازم نفرفش فيهم على قد منقدر لأن بعد كده مش هنقدر نفوق من الدراسه الا بعدييييييين

وانشاء الله النتيجة هتطلع على يوم عشره زي مالموظف بتاع مكتب التنسيق قالي
وربنا يسهل

والله الراجل ده بيتكلم كلام زي الفل لازم نفرفش خدوا النكتة ده ( شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟)ههههههههههههههههههههههههههههههه بس النكتة ده مش للفلصه (هو فاهم)

قديمه اساسا هههههههههههههههههههههه

السلام عليكم ورحمة الله وبركاته

اولا أخب أفول كل سنه وانتم طيبي وينعاد علينا وعليكم ان شاء الله كل الاعوام

ثانيا بالنسبه للموضوع الي الكل بيتكلم فيه والكل مش عارف فيه ايى حاجه في اي حا جه

احب اقول واطمنكم

7

7

7

7

7

7

7

انا كمان مش عارف حا جه خالص زيكمن بالظبط:d ههههه

بس انا وانا بقدم نتيجه المستوى الرفيع وسالت عن بطاقات الترشيح قلي تبدا تنظرها من 20/9 يعني بعد دخول المدراس

وربنا يوفق الجميع ان شاء الله
والكل لازم يحط في باله ان الخيره فيما اختاره الله يعني الي فيه الخير لينا ربنا هيقدمهلنا ان شاء الله ولازم الكل يرضى بلي هيجلوا


يا جماعهع ربنا من دلوقتي كاتب كل واحد هيروح فين

وربنا يوفق الجميع ويستر ان شاء الله وخلي املكم في ربنا كبيييييير وان شاء الله خير ان عارف ان الكل متوتر وعاوز يعرف هيدخل ايه وانا والله زيكم بالظبط المثل بيقولوفوع البلى ولا انتظاره بس ان شاء الله مش هيكون بلى وهيكون خير ان شاء الله



بعد هذا لا يسعني سوى قول :

الى متى سننتظر نتيجه شهادات المعادله؟؟؟؟؟

هل سيطاعطف معنا احد من المسؤولين ويخبرنا بالموعد ؟؟؟؟؟


ام سنظل على هذا الحال ؟؟؟؟


هذا ما سنعرفه ان شاء الله في الوقت الذي لانعرفه

وشكرا



كان معكم :-

كريم الفارسي مغترب من السعودية

طب خبط قبل ما تدخل يا كيمو ههههههههههههه
هي سايبه ولا سايبه
وبعدين اسمها (سيتعاطف مش سيطعاطف ) ههههههههه
انت شكلك كده لغه عربيه هههههههههههه
وربنا يسهل ومتقلش 20=9 دي تاني
هي ان شاء الله على 15 بالكتير

بصوا يا جماعة أنا زى مقلت فى موضوع تانى بردوا عايز اقلكم خليكم هاديين فى غيركم دلوقتى مستعدين للسنة الجاية و بعدين برده عايز اقلكم الترتيب بتاع الظهور
1- النت = و ده هيكون عن طريق انك تدخل رقم الإيصال مسبوق بكود الدولة
2- الجرايد بتاعت بلدك = و هما الكويت عن طريق جريدة الأنباء ( حببتى) و الإمارات عن طريق جريدة (الخليج تقريباً ) و دول هيعلنوا اسماء الناس الحاصلين على شهادةى كويتية او اماراتية بس
وعلى العموم بالتوفيق للجميع

شكرا جدا يا goldenbelal_007 (http://www.thanwya.com/vb/member.php?u=45898)
وربنا يطمنا يارب
هانت يا جماعه
فاضل كمان 3 عيال وتخلص عملية الولاده ههههههههههه

شكر يا ( ah2009noor2008elislam (http://www.thanwya.com/vb/member.php?u=148872) ) على اهتمامك وأي خبر ا جماعة محتش يبخل علينا

النهاردة الخبر الي مكتوب في الجرايد على لسان المشرف على تنسيق الأزهر ان النتيجة بتعتهم هتظهر يوم 17 / 9 و دة علشان ينتظموا في العام الدراسي من البداية .......

فيارب كمان يبان لنا مشرف يقلنا ميعاد التنسيق أو حتى يكتبوه في الموقع .....

وعاوز أقلكم حاجة يا جماعة انكم داخلين مرحلة جديدة في الجامعة و هتعيشوها في مصر فلازم تتعودوا على الفوضى وعدم الأهتمام و احترام الناس و أديكم شفتم مكتب التنسيق كان عامل ازاي طوابير و3 قاعدين في مكان واحد معندهمش حتى كومبيوتر يحسبه بيه .. دة في ناس كتير قوي لخبطلهم في النسب ..

و يا ميدو و الله أحنا سيبنها على ربنا في النتيجة .. بس عاوزين نعرفها و الكل بيحضر نفسه علشان الكلية و احنا لسة منتظرين ..

ايوه والله كلامك مضبوط لازم نتعود عالفوضى عشان احنا في بلد النظام:wacko:
احنا طول ما احنا مستنيين النتيجة مش هتبان
لازم نضحك على نفسنا ونقول مش عايزينها تبان تاني يوم بالكتير هتلاقي مسج
جايلك بيقولك مبروك:d

السلام عليكم ورحمة الله وبركاته
إذيكم يا جماعه يا رب تكونوا جميعا بخير أنا زيكم برده جايه من السعودية وبجد قلقانه اوووي ونفسي أعرف النتيجة هتظهر إمتي أعصابي باظت وكمان المجاميع عالية أوووي ودي حاجه قلقاني علي العموم ربنا يستر بقي وتبان لحسن أنا معدش فيا أعصاب خالص
وربنا يوفقنا كلنا

وعليكم السلام ورحمة الله وبركاته بنرحب بكل الاعضاء الجدد (نحن السابقون وانتم اللاحقون) احنا بقالنا اسبوعين في المنتدى ولسا مفيش اي حاجة نزلت اوعوا تيأسو دول بيشتغلونا

اهم حاجه يا ايمي انم ملكيش دعوه بأي ناس فلصو هنا ههههههههه
يعني اساسا خليكي معايا انا
يلا ورايا
<< عاشت الدور دي ولا ايه
وع العموم كلنا على اعصاب بعض فهاتي اعصابك على اعصابنا ونعمل انهيار عصبي سوا هههههههه

ممكن تنسو شوية الموضوع دة بس انا حابب اعرف هيا المجمويع مرتفعة بنسبة للجين من السعودية وعددهم كام

يعني انا او حابب ادخل طب اسنان ولا صيدلة يبقى مجموعي كام

بصي يا هدى هي المجاميع مرتفعه جدا جدا وربنا يستر انا واخدها من السعوديه والمجاميع على اخرها 100%

وربنا يوفقك يا رب وتدخل الكليه اللي نفسك فيها

تحيااااااااتي

( سيرة الحب ) .. أنت متفائل جدا .. هما فعلا هيبعتولك رسالة .. أنا واحد صاحبي هو ثانوي عادي قالي أنهم مبعتوش رسائل الا لبعض الناس و حتى على الايميل وصلت تاني يوم من ظهور النتيجة

و أهلا بيكي يا emy في الموضوع دة الي بنحاول نفيد فيه بعض .....

أهلا بيك وربنا يوفقنا جميعا ونخلص بقي من تعب الأعصاب ده
وأهلا يا جهاد هما مين الناس الفلصو دول هههههههههه وبعدين انا معاك يا جميل البنات لبعضيهم

هاي يا شباب ازيكم ؟؟؟
انا احمد من اسكندريه جي من البحرين
مجموعي 87% انا عارف انو قليل بس مناهج البحرين صعبه ...
اولا: انا لم رحت القاهره ئالولي يوم 9 ففا مش عارف امته بئه ...
لكن انا عاوز اطمن هو في حد معايه هنا من البحرين و يدردش معايه عشان اعرف ميوله ايه و انا عاوز ايه عشان نظبط مع بعض واعرف الحيجيلي...
ثانيا : يا سوما 18 انا ليه واحد اعرفه زميل اختي دخل صيدلة اسكندريه ب 96 من الكويت بس الكويت ما اظنش فيها ناس كتير وافدين قريبه من البحرين... ويا رب يوفقك وانتي لم تسئلي اسئلي عاوزه صيدله اي محافظه...
ثالثا: ما تتعبوش نفسكم اهي طالعه طالعه...ريحو
رابعا: انا اختي كانت السنه الاقبل الفاتت جايه من البحرين جالها صيدلة المنيا بعد الدراسه ب تئريبن اكتر من شهر ..
بس انشاء الله السنادي تطلع بدري عشان كله طلع بدري ئولو يا رب........ادعولي بليز عاوز هندسه
صباح الظعابيط
خدو بالكم من نفسكم.....
ما تئلئوش.......

يا جماعا السعوديه ديه مش مناهج ؟؟؟؟
كله جايب فوق ال100 p: للبيسئل ....بس هو في حد من البحرين؟

ya gma3a e3melo zy gehad kda...5eleko cooool>>;p......ah wallhy

يا عم برده مناهج السعوديه مش سهله اوي زي مانت فاهم لا كل منمهج وليه نقاط قوته وضعفه بس الحمد لله

ويا جماعه لو حد عايز يتناقش معايا من اللي واخدينها من السعوديه انا في الخدمه على طول


noureal-islam@hotmail

بص مناهج ما تئولش غير ...لكويت البحرين الامارات بس وغيرهم بطيخ p:
ولو مش سهله ازاي كله بيجيب 100 يا عم احنا زي مصر الفرق في طريقة التعليم و المدارس بس ...
بس نقاش سخن p:

احنا مجتهدين الى حد ما يعني

والحمد لله الحظ محالفنا

يمكن؟ ؟؟؟؟؟؟؟؟؟؟؟؟؟؟

بص مناهج ما تئولش غير ...لكويت البحرين الامارات بس وغيرهم بطيخ p:
ولو مش سهله ازاي كله بيجيب 100 يا عم احنا زي مصر الفرق في طريقة التعليم و المدارس بس ...
بس نقاش سخن p:
لا مش سهل أوي للدرجادي والله أنا كنت بتعب بزاكر وبسهر وفي حاجات كانت صعبة وده لأن مدرستنا مكنش فيها نظام تحديد المهم وحذف الصعب لا كان كل حاجه معانا وكانت في مدارس أي كلام بس مش كتير
ودي الحقيقه والله هي أه أسهل من مصر بس مش سايبه زي ما إنتوا فاكرين
وبعتذر علي المداخله وربنا يوفقك

لا عادي...بس كل البسمه انها سهله وكده هي اكيد مش مصر بس انا بكلم عادي ...سوري لو كنت زعلتكم

كل عام وانتم بخير
ادينا بنسلي صيامنا
حد ثانويه سودانيه عددهم كام

ممكن تسلو نفسكوا في الموضوع ده عقبال النتيجة ما تظهر

http://www.thanwya.com/vb/showthread.php?p=750465

يا جماعة سبكم من الحوار دة أحنا خلاص النسب طلعت و مستنين دلوقتي الكلية .....

بس هو الموقع دلوقتي أتغير و بقى موجود التسجيل لطلاب الشهادات المعادلة المتخلفين

دة معناه اننا هنستناهم كمان لما يخلصوا

و لا دة دليل على ان بكرة النتيجة و انها قربت

....... ربنا يستر

عمرها ما هتطلع بكره
وقولو جهاد قالت
ابقوووووا قاااااااابلوووووووني

هي أكيد مش هتطلع بكرة خصوصا انهم فتحوا التسجيل المتخلفين !!!...


على فكرة المناهج السعودية مش سهلة ابدددن انا كنت في نظام مقررات وهلكت عبال اما جبت المية في المية

يعني الموضوع مش بالبساطة دي

بس اللي معلي النسب بزيادة هو المدارس الأهلية ,,

ربنا يسهل,,

هاي يا شباب ازيكم؟؟
في الموقع بتاع التنسيق شالو ترقبو ( http://www.tansik.egypt.gov.eg/application/ )
وحطو :تسجيل الشهادات المعادلة للمتخلفين
والله ما انا عارف مين المتخلف.....
هل هذا يلمح بشيء ؟؟؟؟
لو كان عندك رد بليز بليز ...
ما توفرهوش لنفسك...
فلفل باشا...

على فكره يا جهاد انتي .........

هاي يا جماعة ازيكوا ... أنا جاية من البحرين و قلقانة أوي عالنتيجة
أنا مولودة في البحرين و معايا جنسيتها ( بس محتفظة بالمصرية طبعا) و جالي بعثة في البحرين هندسة مدنية بس أنا مش عايزاها و كاتبة في التنسيق المصري طب و صيدلة .
ادعولي أن تجيلي واحدة منهم لأن لو ما جتليش واحدة فيهم هاضطر ادرس هنا هندسة :(
بس يا رب تطلع النتيجة قبل الخميس ده لأن آخر موعد لتثبيت البعثات يوم الخميس ، علشان أعرف راسي من رجلي خصوصا أن الدراسة هنا هتبتدي الأحد الجاي.
استر يالي بتستررررررررر.

اهلا بيكي يا ويمز منورا المنتدى

ربنا يوفقك ولازم تتمسكي طبعا ببلدك الاولى مصر

لو لم اكن مصريا لوددت ان اكون مصريا ولا ايه؟؟؟؟؟؟؟؟

ميرسي يا روميو العاطفي ده نورك
طبعا لوددت أن أكون مصرية

على فكره يا جهاد انتي .........

انا ايه ؟ ؟؟؟؟؟؟

اهلا بيكي يا ويمز وربنا ينولك اللي فبالك
:)

أنتي متفائلة جدا يا جهاد ....

و أنا مع سما ان المناهج مش سهلة و الاهم من دة ان النظام اتغير وكان احنا أول ناس يتطبع عليها

و يا ( ويمز ) قرار صعب جدا فعلا و يارب تطلع قبل كدة ان شاء الله

ميرسي أوي يا جماعة ... ربنا يوفقنا و إياكم

طبعا لوودت ان اكون مصريا لكن مش حود اكون منوفيا ههههههه(يا فلصووووو يا رب ما تحطي صورتك) والشاب الفكهاني اللي عمال يقولك في السعودية بطيخ انت يا عم انت ايه اللي عرفك هو رغي وخلاص ومحدش يغلط في بتوع السعودية وانا موجووود

مفيش أخبار جديدة ؟؟ :(

أهلا يا نور الاسلام انا من سلطنة عمان زيك انتي جبتي كام؟ وكنتي فين في عمان ؟ نا كنت في صلالة

من فضلكم لو عرفتم اي حاجه عن وقت ظهور نتيجة التنسيق لسلطنة عمان بلغوووووووووني بليز :confused:

لان مش كله بيظهر في وقت واحد

شميت ريحة خيااااااانه
حد جاب سيرة المنوفيه هنا
هقطع خبره وهقررقش عضمه

بتزعلي من سيرة المنوفية طب المنوفية المنوفية المنوفية هههههه على فكرة انا اتخنقت من نظام المنتدى والرد اللي بييجي في ساعة

بقلكو ايه يا جماعة
ما تقلبو اليفطه :d

قلبنا اليفطة عشانك مكتوب حاجة تانية خالص المنوفية المنوفية المنوفية هههههههههههه ايه اليفطة العجيبة ده انتي شكلك مطبقة من امبارح زيي اشطة

اقلبو اليفطه يعني غيروا المووضوع
وبعدين المنوفيه فوق راس الكل
لو لم اكن منوفيا لوددت ان اكون منوفيا :p

ايوه هو ده هدفهم اننا ننسى محور الموضوع الأساسي الي احنا مجتمعين فيه هنا ونشوف بقه موضوع كل واحد منين وخناقات مصر تشتغل وهما يرتاحوا مننا شوية ومن الزززززززززن

وبعدين يعني الجملة " لو لم اكن مصريا لوددت ان اكون مصريا " انا عن نفسي لو لم اكن مصر لما وددت ان اكون مصريا مع احترامي للكللللللللللللللللللللللللللللللللل

hi ya gama3a ana ahmed from UAE and am just like all ofu waiting 4 the natega i wish u all good luck
by the way where r u from ya jahooda

one more thing all of u guys out there do we have anyone who is IGCSE in this conversation???????????

بالنسبة لبتاع السعودية ده طبعا بتوع السعودية أسهل والمجاميع تدل على كده
وبالنسبة لعديم الانتماء اللي بيقول لو لم اكن مصريا لما وددت ان اكون مصريا أحب اقوله ان مصر مش عاوزاه أساسا مش ناقصين بلاوي

يا كيمو دي وجهة نظره و ليها أحترامها ميدو حر في كدة ........

و بعدين يا جماعة عنوان الموضوع فوق .. فبلاش الحورارت عن أي دولة أسهل و مصر أم الدنيا و الكلام دة ...

خلينا يا ريت في الموضوع بتاعنا و الي يعرف حاجة يقلها .. و شكرا

ووووو يا ( أحمد ) أهلا بيك ..... و مظنش فيه حد هنا ig

هدوا اعصابكم يا جماعه براحه شويه احنا هنا علشان نتعرف على بعض ونتسلى على النتيجه متطلع مش نمسك في بعض ومصر هي مصر وعلى رايك يا كيمو احنا مش ناقصين الحمد لله

تحيااااااااااتي

يا جماعة دي معلومات قرئتها في الأهرام .. مش على نتيجة تنسقنا بس على مواعيد الأمتحانات و الأجازات وكدة .. لما ندخل الكلية كدة ان شاء الله ........

قرر المجلس الأعلي للجامعات الغاء مادة الحاسب الآلي من اللوائح الدراسية بجميع الكليات علي الطلاب المستجدين ابتداء من العام الدراسي الجديد‏2008‏ ـ‏2009‏ واستبدالها بحصول الطالب قبل تخرجه علي الرخصة الدولية لقيادة الكمبيرتر‏Icdl‏ أو مايقابلها مع توفير الجامعات للمعامل المناسبة لتدريب الطالب وتسليمه المادة العلمية علي قرص مدمج‏.‏ كما قرر المجلس الاعلي للجامعات في اجتماعه برئاسة الدكتور هاني هلال وزير التعليم العالي والدولة للبحث العلمي ـ ان تبدأ امتحانات نهاية الفصل الدراسي الأول بالجامعات من السبت‏17‏ يناير المقبل مع مراعاة ان تكون نهاية هذه الامتحانات قبل بداية اجازة نصف العام الدراسي التي ستبدأ من السبت‏31‏ يناير المقبل لمدة اسبوعين علي أن تستأنف الدراسة وبداية الفصل الثاني السبت‏14‏ فبراير

وبدء امتحانات نهاية الفصل الدراسي الثاني‏30‏ مايو المقبل علي أن تقوم الجامعات بمراعاة ظروف بعض الكليات الجامعية التابعة لها فيما يتعلق بتحديد مواعيد الامتحانات الفصلية وبما يتناسب مع طبيعة الدراسة بهذه الكليات‏

3ala el 3omom 7abet asal
rabena yesabarna kolena

اهلا بيك يا أحمد وادينا مستنين الفرج من عند الله يااااااااااااااارب يااااااااااااااارب

اهلا بيكي ياقطرات الندى أنا كنت في صلالة في مدرسة البدائع أنتي جبتي كام ؟؟؟علمي ولا أدبي؟؟؟ وأسمك الحقيقي ايه؟؟ ممكن نكون عارفين بعض!!:d:lol::lol::)

what do u want 2 study ya romeo?

نفضوا بقى شويه وتعالوا نطلع من الجو ده ونلعب مع بعض شويه

اللعبه ديه هتعجبكم يلا بينا
http://www.thanwya.com/vb/showthread.php?p=752590#post752590

يا قطرات ندى متعرفيش عدد اللي واخدين الثانوية من عمان؟؟! وأنا جبت %86

اهلا بيكي يا نور الاسلام

وعلى فكره نور الاسلام ده اسم الايميل بتاعي وانا معجب بالاسم ده جدا واخيرا لقيت حد بيسمي نفسه نور الاسلام زيي اهلا بيكي

أهلا بيك ياروميو وان شاء الله ربنا يوفقنا جميعا

أهلا بيكي يا نور الاسلام :d.... بالنسبة لأسئلتك


أنتي جبتي كام ؟؟؟

جبت 95 تقريبا


علمي ولا أدبي؟؟؟

علمي


وأسمك الحقيقي ايه؟؟

مقدرش اققول اسمي الحقيقي هنا


ممكن نكون عارفين بعض!!

ممكن جدا أنا شبه متأكده :rolleyes:


متعرفيش عدد اللي واخدين الثانوية من عمان؟؟

لا والله معرفش :(



أنا كنت في مدرسة خولة بنت حكيم انتي بقى اسمك ايه ؟ ومنين في مصر؟ متهيالي انك علمي؟!


لو عندك ايميل ممكن نتكلم من عليه؟ :wub:



مع تحياتي ....( ش)

يا جماعة نظراً لأن الدراسة الجامعية هتبدأ لسنة أول قريب ( على اساس كلية طب عين شمس) 13-9 يا ريت اللى حاسس انه هيجلوا الكلية اللى كتبها يروح يداوم ممكن اديكم range للطب مثلاً ده غالباً طب على اساس الناس اللى كانوا معايا معادلة من الخليج
الكويت و الإمارات ابتداء 96%
عمان و البحرين ابتداء من 90%
اليمن كان فى واحد والله معانا بيقول انه جايب 99% بس اظن انه كان بهرج و علقتى به بصراحة بقت معدومة هو للأسف شال ال 4 مواد الأساسين بس على العموم معرفش اليمن نظمها ايه

soa2l baseet geda ya gama3a hoa leh 3ala el maoke3 shalo kareban nategt shehadat el mo3adlaتسجيل الشهادات المعادلة للمتخلفين we 7ato

يارب سهل علينا الهم ده والنتيجة بيقولو يوم 12

:dالنتيجة بتاعت المعادلة خلاص ظهرت يا عالم شفوها اتطمنوا

enta motaked ya 3am enta waa beteshta3'alna ba3den 3ala el maoke3 mafesh 7aga

ظهرت بجد ولا إيه

3ala fekra ya gama3a mesh tlba hezar 5ales ya ret lao el natega zaharet teolo esm el maoke3 ely zaharet 3aleh deh mesh a5lak abadan

lao sama7t ya THE FIRST ool esm el maoke3

يعني ده كله هزار يا جماعه لو سمحت مش عايزين حد يلعب بأعصابنا إحنا تعبانين والله لوحدنا

ويمز ازيك ؟ ......
عامله ايه ؟
انا كمان جي من البحرين كنت عايش في المنامه .. وانتي؟
المهم انتي مجموعك كام عشان نعرف ايه الممكن يجيلك ؟
وعلى فكره قليل اوي المن البحرين ... دونت وري
بس انا معايه الجنسيه المصريه p:

3ala fekra deh mesh a5lak 5ales keda we yaret el zorafa ely shayfeen nafsohom lotaf awy ye5alo el latafa deh 3alehom hom

mesh keda wala eh ya love_queen_emy

هاي ويمز ازيك؟
انا كمان جي من البحرين بس عاوز هندسه
وا بنتي بعثه هندسه مدنيه روعه ... ديه اكتر مجال مطلوب و كمان بعثه..
ما تخديش فلوس البعثه و روحيها بليز مش عشان حاجه بس والله والله احسن من صيدله و طب في مصر و مجال شغلها اهلى بكتير و ربنا يوفئك يا رب
بس انتي جايبه كام؟
بس ما تئلئيش قليييييييييييييل اوي الجي من البحرين ..

سوري اتبعتت مرتين كنت افتكرها ما اتبعتتش...

يا جماعه احنا مشتركين في الموقع داه عشان النتيجه مش عايزين تهريج ...
والعاوز يسئل حاجه بليز يا جماعه مش كل ما اخش عض اشوف كل ده ....
مشرف المنتدى

هو كل واجد حيصحى من النوم بدري حيقولنا النتيجة طلعت هههههههههههه على راي المثل المنطبق جدا على الموضوع دع (على اد لحافك مد رجليك)اتعلمي يا جهاد انا بديكي العلم اللي تنتفعي بيه طول حياتك هههههههههههه

هاي يا 3awez tan9e2y أنا من المنامة برضة و كنت دارسة في مدرسة خولة و جبت 98% و بعد المعادلة 98.4%
أنا عارفة أن هندسة حلوة بس مش ميولي و لا أنا شاطرة في الرياضة ولا بحبها
انت كنت عايش فين بالضبط في المنامة و خريج أي مدرسة ؟؟؟

:wacko::blink: شكلنا هنستنا كتير

الظاهر كده يا سيرة الحب الموضوع هيطول ربنا يستر

على فكره انا اعت كتبن كتير و بعدين النت فصل فا مش حعيد كلو بس خودي الموفيد...
انا من القديبيه جمب الحواج..انا في الهدايه الخليفيه لو عرفاها
انا لو مكانك كنت خد فلوس البعثه
و جيت هنا طب
ويا رب يا ب تجيلك طب في المحافظه بتاعتك من البي والله...مش بنت البحرين ..هههههه
بس انصحك طب عشان انا عندي 2 خوات ف صيدله و مجال شغالها مش زي تعبها والله نفس صعوبت طب بس شغلها مرتبه مفيش ولاحتىفع في البحرين لكن تنفع الولد في مندوب ادويه
بسأسمعي كلامي طب وبس
يلا ربنا يوفئك يا رب

انا شايف ناس كثير جايين من السعودية ... ايه الموضوع يا جماعه ....؟؟ تعبنا واحنا مستنيين النتايج ... انا قريت انها هتكون في 10/9 بس لقيناهم حطين التسجيل للمتخلفين ... يبقى النتيجة هتكون امتى ؟؟ ... ربنا يسهل بس وكل واحد يدخل الكلية اللي هوا عايزها

متخف ان شاء الله النتيجه قريب اوي

انتظروووووووووووووووووووووونا

ازيك يا 3awez tan9e2y أنا ساكنة في القضيبية برضه بس قدام سينما أوال لو تعرفها أو جنب برادات حسن محمود ....
أنا متشكرة على اقتراحك بس المشكلة أن البعثة واخداها على أساس أن أنا بحرينية بس أنا مقدمة في مصر بالجواز المصري ... و الوزارة مش هتديني الفلوس كاش هما اللي هيحولوهالي للجامعة فهيلاقوا أن جنسيتي مختلفة و تروح مني البعثة .
أما بالنسبة لصيدلة فانا منشنة على قسم جديد في صيدلية القاهرة اسمه الصيدلة الاكلنيكية و مطلوب جدا في الخليج و أوروبا يعني هالاقي شغل ما تقلقش.
أنا من القاهرة وانت؟؟؟

النتيجة ظهرت النهارة الساعة 1 الظهر وانا شوفت نتيجتي ودخلت صيدلة عين شمس شوفو النتيجة بتاعتكم وربنا يوفق الجميع

ظهرت مين يا عمنا ؟؟؟ دللي ظهرت هي نتيجة الثانوية المصرية مش المعادلة ... ماتاخدناش في دوكة ... بالراحة يا عمنا ...

يا عم الواحد مش ناقص تعب اعصاب كفاية بقي
طب هوا انت بتتكلم جد

اه طبعا عارف برادا حسن محمود ..ئريبه مني...
المهم ل ن شاسفه القسم داه حلو خلاص ربنا يكرمك يا رب..
لا ان ما اعرفش حكايت البعثه ديه بس اظن انك ممكن تاخدي فلوس البعثه كلها..
معرفش؟؟
بس مشعارف والله شوفي انتي كده ايه المصحه ليكي و اعليه وادرسي الموضوع..
بس فيرئييتكلي في البحرين احسن عشان انتي معاكي الجواز...
مش عاف ؟ انتي حيرتيني d:
اه انا من اسكندريه

النتيجة طلعت بجد ولا انتم بتهزروا ؟؟؟؟

لا يا بنتي داه واد بيهوي بيكتب اي حاجه...عشان يشد انتباهنا
هو في ناس مخلوئه عشان كده...
لسه مفيش حاجه...
وهو مش حيكون احسن من موقع التنسيق..
صح؟

اة عندك حق وللة في ناس مخلوقة علشان ترخم كدة

تمام كدا ,,, انا على طول عالموقع ولسى مكلم الحكومة الالكترونية عالتلفون بتعاهم وقالوا لي .. لحد دلقتي مفيش جديد ... خلوكم على انتظار ... ربنا يسهل ومفيش حد يثق في اي كلمة تنقال تاكد بنفسك

هوا في حد من قطر هنا؟؟؟

انا وصلني كلام ان هي بكره وانا بقول تاني كلام كلام....عشان مليش دعوه

انا من البحرين انفع......هههههههه

هههههههههه و صلك من فين بقي؟؟؟؟
واللة اتمني انها تكون بكرة

واحد صحبي اتصل بيه...
وانا كمان والله بس هو في القاهره و بيسئلو على طول ئولو ا رب
انا مش ئلئان والله
اليجيبو ربنا كويس يا جماعه محدش حياخد اكتر من نصيبو
بس اواحد يئدر يعملو
يااااااااااااااااااااااااااااااااااااااااااااااااا ااااااااااااا ربي

يا رب تكون بكرة انا حاسة انها قريب ان شاء الله

يا رب يا رب

*=== (( ما يلفظ من قول إلا لديه رقيب عتيد )) ===*
حكمه والله
اليقول النتيجه بكره
يبئه على اد كلامه

اة صح واللة بس هيا ان شاء اللة قريب فعلن
ربنا يستر و يوفقنا كلنا و يحقق لنا هدفنا ان شاء اللة

الخبر السيء
الغاء نتيجة المستوى الرفيع للشهادات المعادلة
الخبر من الوزير على موقع مصراوى
ولا حول ولا قوة الا بالله

يا 3awez tan9e2y بما انك كنت في الهداية تعرف واحد اسمه محمد علي الصيبعي أو محمد يوسف شكر الله ؟؟؟

يعني هيتحسب لينا الدرجات ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الغاء ايه هي بالسهولة ديه ولا ايه ؟؟؟؟ يعني تعب الاعصاب اللي انا كنت فيه ده وما زلت يروح كدا ؟؟؟!!!

على فكرة ياجماعة مع احترامي لحكومتنا العظيمة جدا واللي بتوافر جميع وسائل الراحة لشعبها ابتداء من الجاكوزي إلى أسئلة الثانوية العامة اللي اتفه ما يمكن
ماجتش عالينا يتقلو علينا شويا عشان يطلعوا عنينا صح
تحياتي:rolleyes:

عايزة اعرف امتى هتطلع النتيجة

حكاية ان المستوى الرفيع ده اتلغى دا كلام فاضي وياريت كمان محدش يدخل يقول اي كلام لأننا على اعصابنا
واللي اعرفه ان العلمي اللي جاين من برا مش حيمتحنوا مستوى رفيع إلا في المواد العلمية يعني أحياء كمياء فيزيا كده يعني
تحياتي:):):eek::lol:

انا قلت كده برده يا مريهان............ وربنا يوفق الجميع

هاي يا جماعة
انا بصراحه مش عارف حتطلع امتى النتايج بس آخر حاجه سمعتها انها يوم 12 - 9 :)
يا ريت اللي يعرف حاجه يقوله و يطمن الكل علشان بجد احنا قلقانين :huh:
و لو سمحتو بلاش إشاعات :mad:
حد هنا من الكويت ؟؟؟

يا جماعه خليكو كول كووووووووووووووول..
وحكايت النستوى الرفيع ديه طلعوها نت دماغكو..
كله هجس

(ويمز)
ايه يا بنتي الاسامي ديه ؟
انا اول مره اسمع عنها...
ديه اسامي مدرسين ول طلاب
مش عارف ولا واحد فيهم ..
بس انا اعرف كل دفعتنا الفي المدرسه الاسامي ديه في ولا طلاب ولا مدرسين
هم صحابك؟

(ويمز)
لو كان أظدك على بحرينيين يبئا لا ما اعرفهمش انا علاقاتي كلهم مع المصريين مش بحب اتعامل مع البحرينيين مع انهم احسن هههههه:)

يا جماعه
يا ناس
يا هوووووو

بالعقل كده...
ازاي نمتحن و نتعب و نزاكر و نروح القاهره نسجل الدرجه و ناخد شهاده وكل داه وبعدين يلغوه ..... اه في بعض الحجات متخلفه بس ما اظنش خالص انها توصل للدرجه ديه لو فكرتم معايه حتلائو الحكايه ديه عبيطه من اولها وتلائي الاخترعها واحد فاضي عاوز يقول أي حاجه....

انا من الكويت ومستني النتيجه تظهر لو حد عرف يا ريت يقولنا وعلى العموم تقريبا هاتظهر في جرايد الكويت الأول زي كل سنة وبالذات جريدة الوطن
على العموم انا كل يوم بفتح الجرايد كلها المصرية والكويتية والموقع بتاع التنسق ولو ظهر حاجة هابلغكوااا

انا مسجل مخصوص عشان الموضوع ده وانا متابعو بقالي كتييييييييييييييييير بس قولت اخش ارغي معاكو

انشاء الله لم تظهر والله عني انا اول حاجه اخش اديكو الينك على طول بس في ناس بتطنش بدال خدو النتيجه خلاص يكتيمو...

لألألأ ازاي عيب عليك يا مان انا وعد مني أول ما اجيبها هاقولكو بس ادعولي أخش هندسة

فعلا يا جماعه بقي إحنا نذاكر مستوي رفيع ونتعب ونورح نمتحن ونسجل الدرجة في القاهرة وفي الأخر يلغوه ده يبقي حرام والله هما بيعذبوا فينا كده ليه فاكرينا عايشين في الخليخ بقي علي ريش نعام فبيدفعونا التمن هنا ولا إيه ما يسيبونا في حالنا بقي شوية وربنا يستر علينا جميعا

عاوز اعرف النتيجة امتى بالضبط

يا love_queen_emy (http://www.thanwya.com/vb/member.php?u=150562) يا جماعه حيتحسب مش عاوزين قلقل ازاي نمتحن وكل داه و ماتتحسبش
مش للدرجه ديه يعني...

صح و كمان اكيد الموضوع دة هيطبق علي السنة اللي جية مش علينا ان شاء اللة

جمااااااعة آخر كلام إن النتيجة يوم السبت القادم الكلام دة من جريدة المصري اليوم ودة الرابط

http://www.almasry-alyoum.com/article2.aspx?ArticleID=178046

شكرا يا أم الدنيا ع الخبر ,,,

بس مافهمتش قصدهم ايه بحكاية المستوى الرفيع ؟!!!..

حد يقرى ويفهمني ,,

الأنا فهمته..
ان النتيجه يوم السبت داه ..ديه واضحه ..
وحايت المستوى هو بيقول
(علي إلغاء أداء الطلاب الحاصلين علي الشهادات المعادلة من الدول العربية، امتحان مادة المستوي الرفيع، مع طلاب شهادة امتحان الثانوية العامة المصرية.)
ألغاء اداء يعني للسه حيئدي الامتحان مش الأداه خلاص داه على حد علمي و المنطقي...حد فاهم حاجه غير؟

أعتقد كلامك صح ,,

يعني تقريبا هيلغيها من السنة الجاية مش هيمتحنوا اصلا ,,

عموما أنا مش فاهمة ايه مصلحتهم من كده اصلا بتوع مصر تنسيقهم ملوش دعوة بينا ولو كلنا مااختبرناش مستوى رفيع مش هتفرق معانا ,, يمكن هتكون في صالح البعض ,,

اصل يا جماعا لو فكرتم فيها كده...
لو اتلغت حتتلغا على اكل يعني كله حيقل نفس النسبه..
يعني مفيش قلقل خالص تتحسب ما تتحسبش ايه الفرق ماهو هو الحيطبء على كولو.

ياجماعة انا شبه متأكده انهم قصدهم السنة الجاية لأن هما بيقولوا إن هما حيلغوا المستوى الرفيع نهائيا
لأنهم كانوا بيقولوا ان بعد كده حيمنعوا ان العلمي يمتحنوا المواد الادبي بس رجعوا في كلامهم وقالوا حيلغوا على اساس السنة الجاية
فهمتوا

اصلا يعني حيلغوا امتحان 14 ألف متوقعش ابدا

هيه محدش عندو اخبار جديدة:rolleyes::huh:

لا اخبار جديدة ... وآخر خبر واتوقع الكل شافه ان موقع التنسيق قفل باب تسجيل المتخلفين وكتب .. ترقبوا النتيجة
واحنا قاعدين نترقب وربنا يسهل

لأ لو لاحظت دا كاتبها مرتين
ربنا يستر ومايرأعوناش بومبه زي المرة اللي فاتت

ههههههههههه اكتر من بومبة السنا دية ... اول مبمبة لما جانا خبر في السعودية انهم مش هيقبلوا شهاداتنا
يلله ربنا يسهل الحال ... بس نقول ياااااااااا رب

أه والله يا محمد كانت حتة بومبه لما قالوا مش هيقبلوا شهادتنا دا أنا أيامها إنهارت ما هو مش معقول بالساهل كده الواحد يذاكر ويتعب وبعدين يقولوا مش مقبول والحمد لله طلعت إشاعات وربنا يسهل بقي و النتيجه تبان وخير إن شاء الله لينا كلنا أنا متفائلة

نقول يا رب يا love_queen_emy وربنا يوفق الكل وكل واحد ياخد نصيبه اللي ربنا كتبهوله ... يا رب

أنا جايب 96.99% من السعودية وعايز أدخل هندسة المنصورة .. . في أمل ولا لأ
؟؟؟؟؟

:(

إن شاء الله في أمل

يارب ................... :)

السلام عليكم

ازيكم يا شباب المعادله ان شاء الله تكونوا بخير

انا عوزة اقلكم متقلقوش خالص واستغلوا الفرصه للدعاء في رمضان انكم تخشوا الكليات الي بتحبوها:rolleyes:

وعوزة اقلكم انا كنت شهاده معادلة من الكويت السنة اللي فاتت واللي حصل انو شهادات السعودية طلعت قبل مننا بس مش بكتير:o

وعوزة اقلكم الكليات اللي فيها اقسام زي تربية لازم ينجزو بدري في الاوراق عشان يلحقوا التنسيق الداخلي ويبدأوا الدراسة بدري شوية ;)

لانو زي كل حاجة في مصر اهمال وتاخير :(

ويارب يدخلكم الكليات اللي عوزينها واحنا في ايام تفتح فيها السماء يارب :wub:

السلام عليكم,
انا كنت في الامارات احب اقولكم ان نتيجة الشهادات المعادلة ما بين يوم 15/9 ليوم 20/9 وده خبر انا متأكد منه لأني اتصلت بواحد شغال في مكتب التنسيق وهو اللي اكدلي الخبر ده.
ومع تمنياتي للجميع بالتوفيق

السلام عليكم,
انا كنت في الامارات يعني شهادة معادلة زيكم احب اقولكم ان النتيجة ما بين يوم 15/9 ويوم20/9 وده خبر واحد شغال في مكتب التنسيق اللي قالي عليه وانا على اتصال معاهمن قبل ما التنسيق يفتح.
مع اطيب امنياتي للجميع بتوفيق:)

تسجيل التخلفين في الشهادات المعادلة قفل يوم الاربعاء باذن الله خلالخمس ايام او اسبوع ومش هتوصل ليوم 20/9 وربنا يوفقكم جميعا يا شباب المعادلة واللي هيدخل اقتصاد وعلوم سياسية يقولي علشان يكون زميلي

يا جماعة بليز في حد من الامارات هنا بليز حد يرد عليا

عندنا أمل إنها تطلع السبت زي أما كتبوا في جريدة المصري اليوم ,,

هااااااااااااااي

يا جماعه انا رجعت تاني الحمدلله

لاني انا كنت مظلوم في اللي حصل وبعتب على الاداره لانها وقفت الكل مش اصل المشكله لكن على العموم المسامح كريم وده اسمي الجديد

وان شاء الله النتيجه السبت اكييييييييييييييييد يااااااااااارب استر

لان الجرائد مهتكتبش الا اذا كانت واثقه


تحيااااااااااااااااتي:روميو العاطفي

السلام عليكم جميعا يا احلى شباب.

انا كنت عاوز اتكلم على موضوع تانى بس هو فى نفس اطار الشهادات المعادلة . الموضوع يهم اى واحد كان بيسال على موضوع انو جاب مجموع كذا هل حيخش الكلية كذا .

بالنسبة لنا طلاب الشهادات المعادلة احنا تنسيقنا يعتبر تنسيق مستقل بذاته ومختلف تماما عن تنسيق الثانوية العامة , بمعنى ان مثلا السنى دى كليه الهندسة فى المرحلة الثانية اخدت من 91 مينفعش انت تكون جايب مجموع اكبر من كدة فى اى دولة عربية مثلا 95 وتقول خلاص انا ضمنت انى حدخل .

عادة تنسيق الشهادات المعادلة بيعتمد على 1- النسبة الفاضية الى موجودة فى كل كلية , بمعنى ان كليات الصيدلة فى الجمهورية كلها حتاخد السنة دى حوالى 80 واحد اما كليات الهندسة حتقبل حوالى 980 فبالتاكيد الى كاتب هندسة حيكون فرصته اكبر واحسن بسبب الاماكن بغض النظر عن المجموع.

2- الاعداد المتقدمة لكل كلية ,بمعنى ان مثلا كليه الصيدلة محتاجة 80 طالب بس المتقدم لها 70 فبالتاكيد حينزل المجموع الموهل للكلية دى وممكن الطالب يخشها بمجموع اقل من التنسيق المصرى وده نادر بس بيحصل.

3-مجموع الطالب.

* وفى الاول وفى الاخر توفيق ربنا .
*يارب الموضوع يكون افاد الجميع.

في حد ادبي هنا
انا باذن الله عاوز ادخل اقتصاد وعلوم سياسية في حد داخلها

صباح الظعابيط..............ازيكم؟

صباح النور إذيكم كلكم يا جماعه يا رب تكونوا بخير وربنا هيطمنا إن شاء الله قريب

يا رب يا رب يا رب

باذن الله النتيجة يوم السبت لاني قريت النهاردة انهم قفلوا باب التسجيل في المدن الجامعية ( جامعه القاهرة - جامعه كفر الشيخ )
طبعا الخبر قريته فجريدة المصري اليوم ..... عدد يوم الخميس 11/9 .... ودعواتنا للكل بالتوفيق

يا رب النتيجة تطلع يوم السبت زي ما بتقول علشان نستريح

ثانكس يا m7mmed masoud (http://www.thanwya.com/vb/member.php?u=150935)

انا اما سمعت الخبر دة دلوقتي قلت اتصل ب 19468 علشان اتاكد ان النتيجة يوم السبت و كالعادة اخدوا رقم الموبيل و الاسم و رقم الجلوس و علمي ولا ادبي و العنوان و تلفون البيت و في الاخر قلي واللة معندناش اي خبر رحت قولتلو طب و اللي وكتوب في الجريدة دة قلي معندوش اصل عندنا
انا بس نفسي اعرف حاجة هما بيعملو فينا كدا لية!!!!!!!!!!
هيخسروا اية اما يقولوا وقت محدد
و ازاي الجامعة الاسبوع الجاي و احنا مش عرفين احنا هنعد في اي حتة او ندخل اي جامعة او اي كلية واللة دة حررررااااااااااااام

أنا لما رحت علشان أسلم درجة المستوي الرفيع قالولي أنوا النتيجة بعد 20 من الشهر بس مش عارفه كل يوم يطلعوا بكلام جديد وشكلنا هندخل الجامعة متاخر زي كل سنة

يا جماعه انا من كتر تعب الأعصاب والتوتر بقيت بااااااااااااااارده عادي وقت ما تيجي تيجي وإن شاء الله كله خير خليكوا ريلاكس خالص أصل مصر عايزة إللي يعيش فيها يبقي ريلاكس يا إما هيموت في عز شبابه وإن شاء الله بإذن الله خير أنا حاسه إن ربنا هيكرمنا بس قولوا يا رب ومن قلبي ربنا يوفقكم كلكم

نصيحه اعملو زي love_queen_emy (http://www.thanwya.com/vb/member.php?u=150562)
حتستفادو ايه من التفكير

أنا مش مستغرب دة يا ( nan0 ) لان أحنا في مصر عادي خالص ... مش هيكون فيه فوضى أكتر من يوم أستلام المظاريف و يوم تسليم الشهادات .... و لسة يا ما هنشوف أحنا يا جماعة داخلين كلية ان شاء الله

بس أنا متفائل انها تكون يوم السبت مش أكتر من كدة ......

و بعدين هما كدة لازم يحسسوك انهم بيقدمولك حاجة كبيرة مع ان لو في أي دولة تاني كانوا كتبوه جنب ترقبوا .. اليوم .. لاكن عادي

و يا ( كوين ) صدقيني و الواحد سهل جدا يكون كدة لاننا في بلدنا زي ما بتقولي

هااي يا جماعه أنا عضوة جديدة هنا وحبيت أشترك مخصوص في المنتدى عشان الموضوع ده لأني زيكم شهادة معادلة من السعودية و أوعدكم إن شاء الله لو لقيت النتيجة طلعت حبلغكم علطوول بس أنا حبيت أتعرف عليكم يمكن أكون زميلة ليكم في الجامعه أنا من اليكس واتشرفت بمعرفتكم

أهلا بيكي يا قمراية أنا كمان شهادتي معادله من السعودية بس انا مش من اليكس انا من الغريبة وإتشرفت بمعرفتك

قرر المجلس الأعلي للتعليم قبل الجامعي برئاسة الدكتور يسري الجمل ـ وزير التربية والتعليم ـ إلغاء امتحان الطلاب الحاصلين علي الشهادات المعادلة من الدول العربية في مادة المستوي الرفيع‏ .‏

ويؤكد موقع الثانوية العامة المصرية أن ذلك القرار سيتم تطبيقه على الطلبة الخريجين من العام القادم وليس على طلبة هذا العام

وأكد الوزير أن الهدف من القرار تحقيق تكافؤ الفرص بين الطلاب المصريين في الداخل والخارج بعد ,وهذا الكلام تم نشره في هذا الموقع فلا تقلقوا

http://www.thanwya.com/arabic/

ميرسيي ليك هو إحنا كنا فاكرين إنه علينا إحنا بس إمبارح طمونونا وقالوا علي الدفعه الجاية وربنا يستر علينا كلنا

كليات الصيدله هتاخد 375 واحد مش 80واحد زي مابيقول keros

يااااااااااه من كل العدد ده هياخدوا دول بس ربنا يستر علينا بقي ويوفقنا ويا جماعه عايزاكم تهدوا خير إن شاء الله كل واحد ربنا هيقدملوا اللي فيه الخير ليه خليكوا مؤمنين بكده وربنا معانا وهيوفقنا إن شاء الله

في حد من الكويت

انا عارف النتيجة امتى؟؟؟؟؟؟؟؟؟؟؟؟؟؟؟؟؟؟؟؟؟
والله اكيد

السلام عليكم جميعا يا احلى شباب.

انا كنت عاوز اتكلم على موضوع تانى بس هو فى نفس اطار الشهادات المعادلة . الموضوع يهم اى واحد كان بيسال على موضوع انو جاب مجموع كذا هل حيخش الكلية كذا .

بالنسبة لنا طلاب الشهادات المعادلة احنا تنسيقنا يعتبر تنسيق مستقل بذاته ومختلف تماما عن تنسيق الثانوية العامة , بمعنى ان مثلا السنى دى كليه الهندسة فى المرحلة الثانية اخدت من 91 مينفعش انت تكون جايب مجموع اكبر من كدة فى اى دولة عربية مثلا 95 وتقول خلاص انا ضمنت انى حدخل .

عادة تنسيق الشهادات المعادلة بيعتمد على 1- النسبة الفاضية الى موجودة فى كل كلية , بمعنى ان كليات الصيدلة فى الجمهورية كلها حتاخد السنة دى حوالى 80 واحد اما كليات الهندسة حتقبل حوالى 980 فبالتاكيد الى كاتب هندسة حيكون فرصته اكبر واحسن بسبب الاماكن بغض النظر عن المجموع.

2- الاعداد المتقدمة لكل كلية ,بمعنى ان مثلا كليه الصيدلة محتاجة 80 طالب بس المتقدم لها 70 فبالتاكيد حينزل المجموع الموهل للكلية دى وممكن الطالب يخشها بمجموع اقل من التنسيق المصرى وده نادر بس بيحصل.

3-مجموع الطالب.

* وفى الاول وفى الاخر توفيق ربنا .
*يارب الموضوع يكون افاد الجميع.


جميل جدا متعرفش الطب هياخد كام واحد خصوصا طب اسكندرية؟ وايه مصدر معلوماتك ديه؟ :rolleyes:

شكرا ليكي يا love_queen_emy على الترحيب وخلينا كلنا يا جماعه ندخل كل يوم هنا و نشوف يمكن حد فينا يلاقي الموقع فتح فيبلغ الباقي وياارب تطلع قريب لأني والله أعصابي تعبانه جدا و قلقانة قوي نفسي أخلص خاصة ان كله دلوقتي بيطلع اشاعات على معاد طلوع النتيجة في ناس تقول 15 وناس قالت 10 وناس قالت 20 أنا نفسي في معاد معين ويكون صح وبجد مش اشاعات

انا عارف النتيجة امتى؟؟؟؟؟؟؟؟؟؟؟؟؟؟؟؟؟؟؟؟؟
والله اكيد
طظ:lol: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ها

ااه ونسيت أسألكم يا جماعة صحيح لو تعرفوا طب اسكندرية حياخد كام واحد والمجموع من كام ؟؟؟ وكمان الصيدلة حتاخد من كام وطب الأسنان .. اللي يعرف يبقى يبلغنا لو سمحتم

لا والله يا كليوباترا معنديش خلفيه عن الموضوع ده بس كل شئ هيبان قريب إن شاء الله

يااارب ان شاء الله أنا زهقت من الانتظار بقى نفسي في فعل أكتر من الكلام

ااه ونسيت أسألكم يا جماعة صحيح لو تعرفوا طب اسكندرية حياخد كام واحد والمجموع من كام ؟؟؟ وكمان الصيدلة حتاخد من كام وطب الأسنان .. اللي يعرف يبقى يبلغنا لو سمحتم

أهلا بيكي يا كيلوبترا ....... كلنا مستنين و على أعصابنا بس ربنا يسهل

انا بردة من السعودية ..........

يا ريت كنا نعرف الأجابات على الأسئلة دي ..... بس الحجات دي بتختلف من سنة لسنة

جماعة هو في حد هنا من الاسماعيلية ؟

مش عارفه بس مفتكرش حد قال إنه من الإسماعيليه
ياااااااااااااااارب توفقنا جميعا يااااااااااااااااااااااارب

ادعوا ربنا كل واحد يجيله اللي هوا عاوزه ... عشان صراحة بعد تعب اعصابنا ده حاسس نفسي بقيت مش فارقه معايا لاني بجد تعبت من التفكير وتيجي زي ما تيجي ...واهلا وسهلا بيك كيلوباترا منورانا

هاي انا من السعوديه جايبه 99.6وخايفه جدا ده غير 10في المستوي الرفيع تفتكرو هدخل ايه

حمامة ايه اول 3 رغبات كتبتيها ؟؟؟؟

أهلا بيكي يا حمامة السلام ....

ربنا يوفقك يا حمامه السلام وإن شاء الله يبقي طب ومنورانا في المنتدي

اهلا يا جماعه .. انا عضو جديد عارف اني جي متأخر بس عدوهالي :) متابعكم من زمان والله ..
معاكم عمر من اسكندرية شهادة معادلة من السعودية ... :)
نفسي وبتمنى وعايز اخش اسنان بس ربنا يستر ..
والامنية الاكبر ان التنسيق يطلع بقا عشان زهقت اوي :)

أهلا وسهلا بيكي يا حمامة وأهلا وسهلا بيك يا عمر انتوا الاتنين منورين وشكرا ليك يا محمد مسعود على ترحيبك وده نورك انت والله ....وعلى فكرة كلنا ما بقتش فارقة معانا خلاص زي ما تيجي تيجي بس المهم نخلص من القلق اللي احنا فيه ده ونستريح ..أنا بس كل اللي مخوفني اني ما لقيش كلية تقبلني في اسكندرية لاني اعرف اسكندرية تنسيقها عالي شوية بس ربنا يستر بقى

الله يخليكي يا كيلو باترا .. اه والله على رايك انا جبت اخري انا كمان وبرضو الي مخوفني اني مخشش اسكندرية واتحدف فأي حتة برة سعتها تبقى كملت :) يلا ربنا يستر

تقدم لمكتب التنسيق 14 ألف طالب وطالبة والمقاعد المتاحة في الكليات هيه>> الصيدله 375\ الطب 335 \ أسنان 87 \الطب البيطري 93 \هندسه 940 والموضوع ده كان موجود عالمنتدى ومأخوذ من جريدة الأهرام

ربنا يستر يآآآآآآآآآآرب

وقال عبدالحميد سلامة، وكيل أول وزارة التعليم العالي، المشرف العام علي التنسيق، إن اليوم يعد الفرصة الأخيرة لتسجيل رغبات الطلاب «المتخلفين»، وطلاب المرحلة الثالثة الراغبين في تحويلات «تقليل الاغتراب»، مشيراً إلي أنه سيتم إغلاق الموقعين اليوم في تمام الساعة الخامسة مساء، حتي يتمكن المكتب من إعداد النتائج وإرسالها للكليات، علي أن يقوم الطالب بطبع بطاقة الترشيح للكلية التي تم ترشيحه إليها.
ومن جانب آخر، أكد المشرف العام علي التنسيق، أن مكتب التنسيق سوف يعلن نتيجة تنسيق الشهادات المعادلة العربية والأجنبية يوم السبت المقبل

http://www.almasry-alyoum.com/article2.aspx?ArticleID=178046 هذا هو موقع المعلومة السابقة

انا ثانوية سودانية يا جماعة لو حد زيي بليييييييييييييييييييييز يرد عليا مع تحياتي :pوهم الزمان

تخيلوا يا جماعة أيه هيكون شعور الواحد لما يفتح بكرة ان شاء الله موقع التنسيق و يلاقي مكتوب ( الآن نتائج تنسيق الشهادات المعادلة ) ..... مش عارف اول حاجة الواحد هيفكر فيها هتكون ايه ؟ ......

متجي يا جماعة كل واحد يكتب هو عاوز ايه ان شاء الله ... و بالنسبة لمحافظته و أيه أقرب المحافظات الي كتبها بعديها ..... و ربنا يسها كدة .....

شعوري اعتقد اني مش هيبقي في شعور اصلا ربنا يستر علينا

والله معرفش ممكن يبعبقى شعوري ايه !ممكن من الخضه انسى ابص انا دخلت ايه بس خايف والمصحف يلا ربنا يستر :)

انا حاسة انها مش هتكون بكرة ,,

أو زي اما تقولوا بقنع نفسي انها مش بكرة عشان لو جيه بكرة ومطلعتش مااتصدمش ,,


{{هيكون اجمل لو استبدلنا "والمصحف" بـ "ورب المصحف " أو أي حلف آخر لإن الحلف بغير الله محرم -وإن كان الأفضل ترك الحلف ككل (ولاتجعلوا الله عرضة أيمانكم )- }}

هيوكون شعور اللي مستني مستقبله بس ربنا يوفق الكل

شعورنا هيكون صعب جدا (خوف.......رهبه........رعب........دعاء)

بعد منشوف النتيجه

اما شعور (الفرحه..........السعاده........الفوز.......واستقب ال التهاني من الاهل) وان شاء اله يكون ده شعورنا كلنا



واما شعور(...................) ربنا ما يحكم على حد بيه

اسف يا سما الوجدان بلاش حلفان من اصلو...:) بس عندي سوال هي لو طالعه النتيجه بكره انشاء الله حتطلع الساعه كام؟ ممكن تبقى 12 انهارده!

مظنش يا عمر انها ممكن تطلع النهاردة الساعة 12 .....

هو بالنسبة لاي تغير حصل في الموقع كان بيبقى الساعة واحد الظهر .....

و الواحد أهو مستني و ربنا يسهل .....

ياااااسلااااااااااام فعلا فعلا لو طلعت بكرة مش عارفه حعمل ايه بس كل اللي نفسي يحصل انها تطلع الاول ان شاء الله وبعدين حتطلعها ان شاء الله من ورا بابا وماما واروح اجيب كيكة كبيره قوي و افاجيئهم كلهم واصوت واصرخ واعيط بس يارب يطلع اللي انا عاوزاه يااااااااااااااارب عشان مش عاوزة اتصدم يااارب ما حدش تجيلوا صدمه

ربنا يستر انا حاسه ان هيحصلي حاجه و ركبي بتخبط ع الجيران :(

ااه كمان عاوزة اقولكم لو طلعت بإذن الله بكرة ان شاء الله كلنا ندخل ونقابل بعض هنا وكل واحد يكتب كليته ايه ؟؟ عشان كلنا نبقى زملاء مع بعض في الجامعه....هههههههههه

هاي كيلوبترا ازيك..
كويس في ناس جديده دخلت ...
اصل في ناس من ممللها ما تت....
زي البتخبط رجليها على الجيران كده...
نورتي..

شكرا ليك ربنا يخليك وده نورك انت والله وربنا معاك ومعانا ان شاء الله

يااااااااااااااااارب...من قلبي والله
انا كمان على فكره من اسكندريه بس جي من البحرين...
عاوز هندسه ..
آدعولي..

ااه طيب ربنا معاك ان شاء الله ..أنا كتبت أول رغبة طب اسكندرية بس يااارب بقى تيجي عشان خايفة المجموع يقصر معايا ويوديني محافظة تانية ربنا يستر

انتي جايبه كام 100%..عشان انا اعرف كذا واحد صحبي من السعوديه جيبين 99 و 100% و وعوزين طب اسكندريه ..انا مش بعئدك والله انا بئلك الأعرفه..

أيوة تقريبا مجموعي في الرينج ده بس المشكلة في أعداد الطلاب اللي عاوزين طب أعدادهم كبييرة على حد علمي وهما بياخدوا مش بالمجموع بالأعداد أكتر زي ما مكتب التنسيق فهمني

اه طيب كويس..ربنا يسهل يا رب و نولك مورادك...
بس انا مش فاهم ليه كولو بيجري على طب...
يا بنتي عندك كليات بالهبل مثلا فنون جميله عماره...
هندسه قسم كمبيوتر..
حجت بالهبلبدال ما اظيع نفسي في حاجه 7 سنين وبعدين اه حكون دوكتور بس يا بنتي احنا في عالم التقدم بعدين حيلغو الدكاتره p :

أنا اساسا حاسه اني مش حتجيلي طب بس كتبت بعدها صيدلة يعني على أساس أن أهلي اساسا كانوا رافضين فكرة الطب على رأيك أنها 7 سنين وكده بس أنا صممت عليها لأني بحب المواد اللي هي أحياء و كيمياء أكتر مش بحب الرياضيات قوي وبعدين هما لغوا اعداي في طب فده شجعني أكتر اني اكتبها .