مشاهدة النسخة كاملة : انتوا معايا ولا مع الناس التانيين؟؟
Dr.diamond 02-09-2008, 02:18 PM ازيكوا يا جماعه عاملين ايه يارب تكونوا بخير
انهارده قمت من النوم على تليفون جالى من واحده صاحبتى واتكلمنا فى حاجات لحدما دخلنا فى موضوع مهم جدا اختلفنا فيه بشده فقلت اخد رأيكوا فيه وكل واحد يقول مين الصح فينا
واليكم الحوار:
هى:الو ازيك عامله ايه ؟؟:d
أنا: تمام الحمد لله ؟:)
هى :شوفتى يا بنتى واحده صاحبتى جايبه مجموع طب وهتروح علاج طبيعى شوفى الهبل ؟
أنا:طيب وايه الهبل فى كده ؟
هى :ازاى يعنى تبقى جايبه مجموع كليه قمه وتروح كليه تانيه ؟
أنا :مش هى اساسا كانت بتذاكر عشان تروحها يبقى لما تجيب مجموع كبير تروح كليه تانيه ليه يعنى ؟؟:mad:
هى:يا بنتى تسيب كليه قمه وتروح كليه اى كلام؟:mad:
أنا :اولا انا اساسا مش مقتنعه ان فيه حاجه اسمها كليه قمه.يعنى ايه قمه ؟عشان بتاخد اعلى مجموع يعنى؟ طيب وايه يعنى ؟هى بتاخد مجموع عالى عشان تتحكم فى العدد الى داخلها مش اكتر ؟
هى:يعنى هى مش تعبت فى الدرجات دى والمفروض تستغلها ؟;)
أنا:طيب مهى تستغلها فى الكليه الى نفسها فيها ايه الى يخليها تروح كليه اقل ولا هى لازم كانت متتعبش نفسها عشان الكليه الى داخلاها بتاخد مجموع قليل .:eek:
هى:لا تذاكر برضه.;)
أنا :وبعدين لما تجيب مجموع عالى تروح كليه اعلى من الى بتذاكر عشانه مش كده ولا تبقى هبله مش كده ؟:confused:
هى :اه تبقى هبله :p:p
أنا : يا سلام . وافرضى بقى طلعت دكتوره فاشله فى مجالها استفادنا ايه بقى احنا ولا هى استفادت ايه غير وجع القلب عالفاضى .انتى عارفه دفعه كليه الطب فى كل جامعه بتطلع كام دكتور فى السنه ؟كتير مش كده ؟
هى :اه
أنا :مين فيهم دكتور شاطر ناجح فة مجاله يتعد وا على الصوابع
أنا :طيب ماهى لو دخلت عاج طبيعى ونجحت فيها تبقى حاجه كويسه . ولا ايه ؟؟:mad:
هى :مش عارفه بقى بس انا مقتنعه ان فى حاجه اسمها كليا قمه ميختلفش عليها اتنين .
أنا :طيب حاجه تانيه
أنا :معنى كده ان اى حد فى ادبى المفروض ميتعبش نفسه وميذاكرش عشان الكليات بتاخد مجموع قليل وبلاش بقىالشاطر يجيب 97 و 98 خساره بقى كان دخل علمى احسن مش كده ؟؟
هى : اه كان دخل علمى احسن :p:p:p
أنا : يا سلام . وانتى مين قالك انه بيحب الكيميا الفيزيا مش يمكن بيحب التاريخ ولو كان اخد كيميا كان سقط فيها وبعدين هو لا زم البلد كلها تبقى دكاتره ايه مفيش محاميين ومحاسبين وكل ده ؟:mad:
هى :.............
أنا : انتىبتفكرى زى جدتى وجدى وبرضه مقتنعتيش بكلامى
هى : بصراحه مقتنعش . وبعدين اختلاف الرأى لا يفسد للود قضيه
أنا : لا هيفسد بقى :mad::p
هى : خلاص غيرى الموضوع
أنا : ما علينا . انتى صحتينى من النوم وخلاص:(:(
هى : طب روحى نامى بقى:mad:
أنا : ماشى سلام :)
هى سلام :)
وانتوا يا جماعه ايه رأيكوا ؟؟
ahmed2845 02-09-2008, 02:33 PM انا شايف والله ان نظام كليات القمة ده نظام ظالم وفيه طلبة كتير بتتظلم فيه
وانا شايف كمان ان مفيش فرق بين طب ولا هندسة ولاعلوم ولاتجارة وكل الكليات زى بعضها
بس الناس هى كل حاجة يقولك ده دكتور وده مهندس
والطالب اللى نفسه يبقى حاجة كويسة فى مجال تانى غير الطب والهندسه كانه كفر وكل الدنيا تغلطه
نفسى بقى نبطل الحاجات دى ونتحضر ونبطل التفكير اللى من ايام العصر الحجرى ده
لكن اللى بنبات فيه بنصحى فيه
طـفـلـة الامـس 02-09-2008, 02:34 PM كل دى مكالمة
وانا كل ما اكلمك يدينى مشغول
مش تقولى انك كنتى بتتكلمى
انا بصراحة لو كنت جبت مجموع طب كنت ممكن افكر ادخلها عشان مجموعى مش علشان انا عايزاها
بس بصراحة مجموعى قطع عليا الطريق ده فدخلت صيدلة علطول
وانتى عارفة انا كنت عايزة صيدلة من الاول بس الشيطان بقى يدور للانسان عن الحاجة اللى مش فى ايده عشان يضايقه ويزعجه
وبعد ماجالى الصيدلة وكنت خايفة جدا انها ماتجليش قلت لماما انا عايزة احول اسنان اقاليم
عارفة نظام عايزة اللى مش فى ايدى وخلاص وبعد ماتجيلى الاسنان عايزة حاجة تانية
بس المفروض ان فعلا كل واحد يدخل اللى هو عاوزه وبس مهما كان مجموعه
كنت لسة برده بتكلم مع واحدة صحبتى فى الموضوع ده
بتقولى ان معظم اللى فى الرمل جايبين مجاميع طب وداخلين صيدلة وهى مش عاجبها الموضوع ده
اصل هى دخلت طب
واساسا احنا شكلنا مش هانلاقى حتة نقف فيها طلبة طب السنة دى 800 واحنا 1200 يعنى ماشاء الله
شكرا يارورو على موضوعك الجميل
Dr.diamond 02-09-2008, 03:08 PM انا شايف والله ان نظام كليات القمة ده نظام ظالم وفيه طلبة كتير بتتظلم فيه
وانا شايف كمان ان مفيش فرق بين طب ولا هندسة ولاعلوم ولاتجارة وكل الكليات زى بعضها
بس الناس هى كل حاجة يقولك ده دكتور وده مهندس
والطالب اللى نفسه يبقى حاجة كويسة فى مجال تانى غير الطب والهندسه كانه كفر وكل الدنيا تغلطه
نفسى بقى نبطل الحاجات دى ونتحضر ونبطل التفكير اللى من ايام العصر الحجرى ده
لكن اللى بنبات فيه بنصحى فيه
فعلا بجد عندك حق وده نفس رأيى
أنا مش فاهمه ايه الى سمى الكليات دى قمه اساسا
وشايفه ان كل واحد ممكن يبقى قمه فى مجاله مش بالكليه الى داخلاها
Dr.diamond 02-09-2008, 03:26 PM كل دى مكالمة
وانا كل ما اكلمك يدينى مشغول
مش تقولى انك كنتى بتتكلمى
انا بصراحة لو كنت جبت مجموع طب كنت ممكن افكر ادخلها عشان مجموعى مش علشان انا عايزاها
بس بصراحة مجموعى قطع عليا الطريق ده فدخلت صيدلة علطول
وانتى عارفة انا كنت عايزة صيدلة من الاول بس الشيطان بقى يدور للانسان عن الحاجة اللى مش فى ايده عشان يضايقه ويزعجه
وبعد ماجالى الصيدلة وكنت خايفة جدا انها ماتجليش قلت لماما انا عايزة احول اسنان اقاليم
عارفة نظام عايزة اللى مش فى ايدى وخلاص وبعد ماتجيلى الاسنان عايزة حاجة تانية
بس المفروض ان فعلا كل واحد يدخل اللى هو عاوزه وبس مهما كان مجموعه
كنت لسة برده بتكلم مع واحدة صحبتى فى الموضوع ده
بتقولى ان معظم اللى فى الرمل جايبين مجاميع طب وداخلين صيدلة وهى مش عاجبها الموضوع ده
اصل هى دخلت طب
واساسا احنا شكلنا مش هانلاقى حتة نقف فيها طلبة طب السنة دى 800 واحنا 1200 يعنى ماشاء الله
شكرا يارورو على موضوعك الجميل
لا طبعا كل واحد محدد هدفه لازم مش يغيره علشان المجموع
وهو اساسا كان بيذاكر ليه
مش عشان يجيب مجموع ويدخل الى هو عايزه
شكرا لمرورك يا جميل
* dr.sara* 02-09-2008, 03:56 PM انا مع كلامك يا جوليت تماما بس تقولى ايه فيه ناس تفكيرها غريب جدا
المفروض ان الواحد بيكون محدد هدف من الاول يحققه مهما كان
يعنى انا وليا صحابى كتير زيى مجماعينا تجيب طب بس دخلنا صيدلة لانها هدف حاطينه فى دماغنا من الاول والشاطر واللى عنده شخصية قوية اللى مينازلش عن هدفه مهما كان انا اصلا كان هدفى من البداية انى اجيب مجموع عالى يجيب اى كلية ده اولا ثانيا انى ادخل صيدلة والحمد لله ربنا حققلى الهدفين
وبعدين ما هى الاولى على الجمهورية السنة اللى فاتت دخلت السن ترجمة فورية وهى علمى ليه لان اكيد ده هدفها من الاول وقررت انها متتنازلش عنه
وشكرا يا رورو على الموضوع الجميل
Dr.diamond 02-09-2008, 04:11 PM انا مع كلامك يا جوليت تماما بس تقولى ايه فيه ناس تفكيرها غريب جدا
المفروض ان الواحد بيكون محدد هدف من الاول يحققه مهما كان
يعنى انا وليا صحابى كتير زيى مجماعينا تجيب طب بس دخلنا صيدلة لانها هدف حاطينه فى دماغنا من الاول والشاطر واللى عنده شخصية قوية اللى مينازلش عن هدفه مهما كان انا اصلا كان هدفى من البداية انى اجيب مجموع عالى يجيب اى كلية ده اولا ثانيا انى ادخل صيدلة والحمد لله ربنا حققلى الهدفين
وبعدين ما هى الاولى على الجمهورية السنة اللى فاتت دخلت السن ترجمة فورية وهى علمى ليه لان اكيد ده هدفها من الاول وقررت انها متتنازلش عنه
وشكرا يا رورو على الموضوع الجميل
والله انا مش عارفه الناس بقت بتفكر ازاى
الطمع وصل حتى للمجموع
مستخسرين المجموع فى مقابل انهم يحققوا هدف ليهم
ربنا يهديه جميعا
شكرا لمرورك الرائع
براءة 02-09-2008, 04:21 PM وهيا كلية علاج طبيعى وحشة ؟ :d
لو هيا شارية الكلية يبقي طبعا تدخل اللى بتحبه
بلا قمة بلا يحزنون .. اخرتها بيت جوزها
ده حتى علاج طبيعى هتتجوز بدرى :d
Dr.diamond 02-09-2008, 09:51 PM وهيا كلية علاج طبيعى وحشة ؟ :d
لو هيا شارية الكلية يبقي طبعا تدخل اللى بتحبه
بلا قمة بلا يحزنون .. اخرتها بيت جوزها
ده حتى علاج طبيعى هتتجوز بدرى :d
ههههههههههههه
يا بنتى مش حكايه جواز ولا بتاع
انا بتكلم عالمبدأ نفسه
شكرا للمرور
C A N D Y 02-09-2008, 10:32 PM اولا ثانكس ع التوبيك لان بجد فى ناس كلامها (يفقع) من ناحية الموضوع دا
ثانيا انا اخر واحدة المفروض ارد فيه
ليه بأى؟
انا لما نزلت مصر عشان ثانوية عامة كان هدفى هندسة
و برا هندسة دى مفيش زيها
و بالتحديد كان نفسى فى هندسة طيران
(مش عارفة اصلا بيقبلو بنات فيها ولا لأ :p)
المهم
انا قلت لمامما كدا م الاول
انا داخلة ثانوية عامة عشان ابأى مهندسة
و هى بأى دحكت عليا و خدتنى على اد عقلى:mad:
قالتلى براحتك اللى انتى عايزاه اعمليه
انا اصلا لما عرفت النظام
قلت كدا كدا هدخل هندسة
لانى ضامنة اجيب مجموعها
بس مش ضامنة اجيب مجموع طب مثلا
بس هى كانت عارفة ان انا هجيب مجموع كبير
ثقة بأى:p
المهم اتنيلت على عينى جبت مجموع طب
بس بردو كنت ناوية ع هندسة
هى بأى بانت على حقيقتها:mad:
و جابت كل اللى تعرفهم
مش مبالغة
كل قرايبى و كل معارفها ف الجامعة و الحكومة و حتى اللى ماشيين ف الشارع:d
المهم اتنيلت كملت علمى عاوم
بس بصراحة كنت اقتنعت ان علمى علوم احسن
بس شرطى ان مهما كان مجموعى مش هدخل غير صيدلة(هههههه عرفتى بأى يا هبلا:p:p)
و لتانى مرة دحكت عليا:mad:
قالتلى براحتك اللى انتى عايزاه مش عندى مانع
المهم الحمد لله ربنا كرمنى
و كتبت صيدلة اول رغبة
اولا طب...متشال م الحسبة عشان دادى دوكتور و عارف مشواره الرخم
رجعت مامما تانى تقوللى طب اى رايك فى طب اسنان:mad::mad:
ساعتها قولتيلها ان انا بفكر فى صيدلة او بيطرى:d:d
المهم اعدنا نفكر كتير
بس ف الاخر اقنعتها بصيدلة عشان دى اللى انا حباها و عايزاها
بس انى واى قليل اوى من صحابى اللى عملو كدا
معظمهم كانو ناويين ع حاجة و جابو مجموع اكتر ف(استخسروه) او تحت ضغط الاهل
و دول اللى غالبا بيفشلو
مش قلتلك ناوية على رغى:p
بس اهو تفربغ طاقات
الحمد لله دخلت صيدلة
و الحمد لله بردو انها مكانتش هندسة
...و بس:p
soka sabry 02-09-2008, 10:33 PM انا يا جماعة الناس التانييين
انا اللى كنت بكلم dr juliut و بدايه الكلام كل واحد له رايه بلاش تخلوها تلعب فى دماغكوا
ليه لما واحد يكون جااايب مجموع طب يستخسره و يدخل علوم او حاجة تانيه
و انا مبقللش من باقى الكليات بل بالعكس مؤيدة لمبدا ان كل كليه هى كليه قمة بالنسبه للشخص شرط ان يحقق النجاااح فيها
بس برضه صوابعك مش زى بعضها يعنى انا لومجموعى كان يجيب طب و انا نفسي فى علوم كنت دخلت طب طبعا لان مفرطش فى الفرصه اللى غيرى مش عارف يطولها
غير ان هناك طلبه بتفرق معاهم بين كليات القمة و غيرها من الكليات التانيه نصف درجه
و انا بحترم كل انسان ناااجح فى عمله دون النظر الى كليته سواء قمة او غير قمة بس انا لسه عن مبدا لو جايب مجموع كليه قمة يبقى تدخل و بدون تردد
انا عاوزة حد يدخل و يايدنى (انا الناااس التانيه)
ماشى يا جوليت الظاهر ان ده تحدى
حنشوف راي الاعضاااااء
اوركيديا 02-09-2008, 10:34 PM مع التانيين طبعا
لا بجد انا برده مش مقتنعه خالص بحوار كليه طب و الكلام ده و انها احسن كليه
و حكتلك انا على العيله الكريمه
يعنى انا مثلا فعلا بابا كان عايزنى فى صيدله بس انا اللى مردتش
و كنت حدخل اسنان بس لقتها فى المنيا بعيده
المهم اخيرا استقر بيا الحال فى طب
بس مش عشان استخسار المجموع الواحد صراحه عمره ما عمل حاجه عشان الكليه
بس عشان هو اللى يتحكم فى المجموع مش المجموع اللى يتحكم فيه
بس هو ده اللى بقوله
مالها علوم
انا شايفاها فعلا من احسن الكليات اللى بتقدم العلم فعلا
و كنت بفكر ادخلها
عادى يعنى مفيش حاجه اسمها مجموع كبير يبقى خلاص الكليات الباقيه ممنوعه
هو المصيبه اولا و اخيرا فى المجتمع هو اللى بيعمل كده
يلا بقى رغيت كتير انتى عارفانى
فى رعايه الله يا حبيبتى
C A N D Y 02-09-2008, 10:39 PM انا يا جماعة الناس التانييين
انا اللى كنت بكلم dr juliut و بدايه الكلام كل واحد له رايه بلاش تخلوها تلعب فى دماغكوا
ليه لما واحد يكون جااايب مجموع طب يستخسره و يدخل علوم او حاجة تانيه
و انا مبقللش من باقى الكليات بل بالعكس مؤيدة لمبدا ان كل كليه هى كليه قمة بالنسبه للشخص شرط ان يحقق النجاااح فيها
بس برضه صوابعك مش زى بعضها يعنى انا لومجموعى كان يجيب طب و انا نفسي فى علوم كنت دخلت طب طبعا لان مفرطش فى الفرصه اللى غيرى مش عارف يطولها
غير ان هناك طلبه بتفرق معاهم بين كليات القمة و غيرها من الكليات التانيه نصف درجه
و انا بحترم كل انسان ناااجح فى عمله دون النظر الى كليته سواء قمة او غير قمة بس انا لسه عن مبدا لو جايب مجموع كليه قمة يبقى تدخل و بدون تردد
انا عاوزة حد يدخل و يايدنى (انا الناااس التانيه)
ماشى يا جوليت الظاهر ان ده تحدى
حنشوف راي الاعضاااااء
no comment:)
Dr.diamond 02-09-2008, 10:48 PM اولا ثانكس ع التوبيك لان بجد فى ناس كلامها (يفقع) من ناحية الموضوع دا
ثانيا انا اخر واحدة المفروض ارد فيه
ليه بأى؟
انا لما نزلت مصر عشان ثانوية عامة كان هدفى هندسة
و برا هندسة دى مفيش زيها
و بالتحديد كان نفسى فى هندسة طيران
(مش عارفة اصلا بيقبلو بنات فيها ولا لأ :p)
المهم
انا قلت لمامما كدا م الاول
انا داخلة ثانوية عامة عشان ابأى مهندسة
و هى بأى دحكت عليا و خدتنى على اد عقلى:mad:(كلهم بيعملوا كده )
قالتلى براحتك اللى انتى عايزاه اعمليه
انا اصلا لما عرفت النظام
قلت كدا كدا هدخل هندسة
لانى ضامنة اجيب مجموعها
بس مش ضامنة اجيب مجموع طب مثلا
بس هى كانت عارفة ان انا هجيب مجموع كبير
ثقة بأى:p
المهم اتنيلت على عينى جبت مجموع طب(للأسف زيى)
بس بردو كنت ناوية ع هندسة
هى بأى بانت على حقيقتها:mad:
و جابت كل اللى تعرفهم
مش مبالغة
كل قرايبى و كل معارفها ف الجامعة و الحكومة و حتى اللى ماشيين ف الشارع:d
المهم اتنيلت كملت علمى عاوم
بس بصراحة كنت اقتنعت ان علمى علوم احسن
بس شرطى ان مهما كان مجموعى مش هدخل غير صيدلة(هههههه عرفتى بأى يا هبلا:p:p)(عرفت يا حبيبتى يا عسل:d)
و لتانى مرة دحكت عليا:mad:(مين فينا الى اهبل)
قالتلى براحتك اللى انتى عايزاه مش عندى مانع
المهم الحمد لله ربنا كرمنى
و كتبت صيدلة اول رغبة(انا ماما كانت بتقولى اكتبيها ومش هتجيلك لو كنت سمعت كلامها كان زانى متدبسه ومش هاعرف احول اذا كنت مش عارفه اقنعها انى مكتبهاش كنت هاقنعها انى احول صيدله;))
اولا طب...متشال م الحسبة عشان دادى دوكتور و عارف مشواره الرخم
رجعت مامما تانى تقوللى طب اى رايك فى طب اسنان:mad::mad:
ساعتها قولتيلها ان انا بفكر فى صيدلة او بيطرى:d:d
المهم اعدنا نفكر كتير
بس ف الاخر اقنعتها بصيدلة عشان دى اللى انا حباها و عايزاها
بس انى واى قليل اوى من صحابى اللى عملو كدا
معظمهم كانو ناويين ع حاجة و جابو مجموع اكتر ف(استخسروه) او تحت ضغط الاهل
و دول اللى غالبا بيفشلو
مش قلتلك ناوية على رغى:p
بس اهو تفربغ طاقات
الحمد لله دخلت صيدلة
و الحمد لله بردو انها مكانتش هندسة
...و بس:p
عارفه
انا مبقولش ان الطب وكليات القمه وحشه
بس شرط النجاح يها ان الانسان يكون حاببها
والا هيكره نفسه والكليه والطب والعيانين وهيطلع غيظه فيهم عشان هيبقى دكتور فاشل
لو كل واحد دخل الى حابه
هيبدع فيه ويتفوق
ويبقى مستقبله هو الى محدده ومرتاحله
مش ماشى تبع أهواء الاخرين
عشان مجموع كبير جابه
شكرا يا رغايه وجعتيلى دماغى
اوركيديا 02-09-2008, 10:49 PM انا يا جماعة الناس التانييين
انا اللى كنت بكلم dr juliut و بدايه الكلام كل واحد له رايه بلاش تخلوها تلعب فى دماغكوا
ليه لما واحد يكون جااايب مجموع طب يستخسره و يدخل علوم او حاجة تانيه
و انا مبقللش من باقى الكليات بل بالعكس مؤيدة لمبدا ان كل كليه هى كليه قمة بالنسبه للشخص شرط ان يحقق النجاااح فيها
بس برضه صوابعك مش زى بعضها يعنى انا لومجموعى كان يجيب طب و انا نفسي فى علوم كنت دخلت طب طبعا لان مفرطش فى الفرصه اللى غيرى مش عارف يطولها
غير ان هناك طلبه بتفرق معاهم بين كليات القمة و غيرها من الكليات التانيه نصف درجه
و انا بحترم كل انسان ناااجح فى عمله دون النظر الى كليته سواء قمة او غير قمة بس انا لسه عن مبدا لو جايب مجموع كليه قمة يبقى تدخل و بدون تردد
انا عاوزة حد يدخل و يايدنى (انا الناااس التانيه)
ماشى يا جوليت الظاهر ان ده تحدى
حنشوف راي الاعضاااااء
اولا الحكايه مش فرص و لا حاجه
انتى بتقولى مستنيه راى الباقى
اقلك بقى انا
انا عندى اخين واحد اكبر منى بسنتين و التانى اصغر بسنه
المهم
انا اخويا الكبير كان جايب كام فى تانيه 204 يعنى اعتقد بمنطقك على طب حدف
بس هو راح فين
رياضه
و ياريت دخل بيها هندسه و لا حاجه
لا دخل بيها حاسبات
التانى جاب برده السنادى 204 و الزن اشتغل على ودنه
بس برده هو اصر على انه يدخل رياضه
و لما نشوف حيروح انهى كليه
انا بقى اللى اعتبر اقل واحده فيهم
فى تانيه 203.5
دخلت احياء و كملت و الحمد لله قبلت طب بمزاجى
مع انى كنت كاتبه فى الاستماره رياضه
انا بقول الكلام ده ليه
عشان انا شايفه اخويا دلوقتى فى حاسبات الاول سنتين ورا بعض
معتقدش انه كان حيعرف يحقق الكلام ده فى طب مثلا
بس هى دى وجهه نظرى
خليك مع اللى تحبه حتنجح فيه
بس
فى رعايه الله
soka sabry 02-09-2008, 10:59 PM ايه دى يا جوليييت انتى الظاهر سحرتيهم هو محدش معايا و لا ايه
Dr.diamond 02-09-2008, 10:59 PM انا يا جماعة الناس التانييين ( يا اهلا بالاعداء )
انا اللى كنت بكلم dr juliut و بدايه الكلام كل واحد له رايه بلاش تخلوها تلعب فى دماغكوا
ليه لما واحد يكون جااايب مجموع طب يستخسره و يدخل علوم او حاجة تانيه
و انا مبقللش من باقى الكليات بل بالعكس مؤيدة لمبدا ان كل كليه هى كليه قمة بالنسبه للشخص شرط ان يحقق النجاااح فيها(يا شيخه ؟؟)
بس برضه صوابعك مش زى بعضها يعنى انا لومجموعى كان يجيب طب و انا نفسي فى علوم كنت دخلت طب طبعا لان مفرطش فى الفرصه اللى غيرى مش عارف يطولها (طيب غيرك نفسه فيها بس مش طايلها يبقى انتى مالك بيه بتعوضيه مثلا ؟؟ اذا كنتى انتى مش عايزاها )
غير ان هناك طلبه بتفرق معاهم بين كليات القمة و غيرها من الكليات التانيه نصف درجه
و انا بحترم كل انسان ناااجح فى عمله دون النظر الى كليته سواء قمة او غير قمة بس انا لسه عن مبدا لو جايب مجموع كليه قمة يبقى تدخل و بدون تردد(ليه ان شاء الله بدون تردد ميفكر براحته ولما يفشل فى الكليه مين هينفعه كل الى قالوا له ادخل ولا هيعرفوه وهيطالبوه بالنجاح يبقى ليه بقى ؟؟)
انا عاوزة حد يدخل و يايدنى (انا الناااس التانيه)
ماشى يا جوليت الظاهر ان ده تحدى
حنشوف راي الاعضاااااء
مانتى شايفه يا حبيبتى باقى الاعضاء الاراء
مفيش داعى للمقاومه استسلمى
soka sabry 02-09-2008, 11:03 PM مش حستسلم يا جولييييت
انا لسه عند رايي
مصره
دماغى جزمة قديمة
Dr.diamond 02-09-2008, 11:04 PM مع التانيين طبعا
لا بجد انا برده مش مقتنعه خالص بحوار كليه طب و الكلام ده و انها احسن كليه
و حكتلك انا على العيله الكريمه
يعنى انا مثلا فعلا بابا كان عايزنى فى صيدله بس انا اللى مردتش
و كنت حدخل اسنان بس لقتها فى المنيا بعيده
المهم اخيرا استقر بيا الحال فى طب
بس مش عشان استخسار المجموع الواحد صراحه عمره ما عمل حاجه عشان الكليه
بس عشان هو اللى يتحكم فى المجموع مش المجموع اللى يتحكم فيه
بس هو ده اللى بقوله
مالها علوم
انا شايفاها فعلا من احسن الكليات اللى بتقدم العلم فعلا
و كنت بفكر ادخلها
عادى يعنى مفيش حاجه اسمها مجموع كبير يبقى خلاص الكليات الباقيه ممنوعه
هو المصيبه اولا و اخيرا فى المجتمع هو اللى بيعمل كده
يلا بقى رغيت كتير انتى عارفانى
فى رعايه الله يا حبيبتى
هو المجتمع التعبان ده:mad:
بس لو يفهموا ان كل واحد ليه ميول وقدرات مكنش بقى ده حالنا
لا لازم كله يبقى دكاتره
والى ميدخلش يبقى عبيط واهبل:d
ناس غريبه
ربنا يهدى:rolleyes:
شكرا يا عسل
Dr.diamond 02-09-2008, 11:11 PM مش حستسلم يا جولييييت
انا لسه عند رايي
مصره
دماغى جزمة قديمة(مانا عارفه:d:d
انتى حره
بس رأيك ده مش سليم
ياريت تعيدى نظر فيه
خليكى بنت انهارده مش امبارح
soka sabry 02-09-2008, 11:19 PM يا جمااااعة ساااعدونى بليييييييييييييييييز
Dr.diamond 02-09-2008, 11:22 PM يا جمااااعة ساااعدونى بليييييييييييييييييز
الواثق من نفسه ميقولش كده:lol:
صعبتى عليا والله
ههههههههههه
the black rose 02-09-2008, 11:58 PM انا معاكى يا جوليت
الواحد يدخل الكلية اللى هوشايف نفسه فيها
انا اعرف اتنين كانوا علمى و جايبين حوالى 97
دخلوا تجارة بس ما شاء الله اثبتوا نفسهم
هما دول اللى بيطلعوا الاوائل كل سنة
الله اعلم لو كانوا دخلوا كليه تانية يبقى ايه مصريهم
و بعدين كل دى مكالمة انتى رغاية اوى ههههههههه
المهم مين اللى متصل
soka sabry 03-09-2008, 12:28 AM مااااااااااااااشى والله مانا لاعبة
Prof.Dr/A.T.M 03-09-2008, 12:36 AM بصى يا دكتورة مفيش حاجة اسمها كلية قمة في حاجة اسمها مجال بحبه وان شاء الله هتفوق فيه
مش معنى ان مجموعى عالى يبقى ادخل اعلى كلية ده مفهوم غلط
يعنى هل مثلا نخلى كل الاذكياء طب وهندسة والباقيين يدخلوا الكليات التانية لا طبعا احنا محتاجين ناس محترفة فى مجالها يعنى احنا محتاجين المدرس الذكى اللى يطلع اجيال مش معقول الدكتور بس هوا اللى كويس بل انى شايفة ان فى مهن فى نفس اهميتها
كل انسان يدخل الكلية اللى يحس انه هيقدر يتفوق فيها ويحقق اعلى نتائج وشكرا على الموضوع
Dr.diamond 03-09-2008, 12:44 AM انا معاكى يا جوليت
الواحد يدخل الكلية اللى هوشايف نفسه فيها
انا اعرف اتنين كانوا علمى و جايبين حوالى 97
دخلوا تجارة بس ما شاء الله اثبتوا نفسهم
هما دول اللى بيطلعوا الاوائل كل سنة
الله اعلم لو كانوا دخلوا كليه تانية يبقى ايه مصريهم
و بعدين كل دى مكالمة انتى رغاية اوى ههههههههه
المهم مين اللى متصل
الحمد لله كلنا متفقين عالمبدأ
لو حد دخل الكليه الى مش عاوزها عشان مجموعه يبقى مش هينجح عمره
شكرا يا شيرى عالرد وعلى فكره هى الى طالبه:d:d
Dr.diamond 03-09-2008, 12:47 AM بصى يا دكتورة مفيش حاجة اسمها كلية قمة في حاجة اسمها مجال بحبه وان شاء الله هتفوق فيه
مش معنى ان مجموعى عالى يبقى ادخل اعلى كلية ده مفهوم غلط
يعنى هل مثلا نخلى كل الاذكياء طب وهندسة والباقيين يدخلوا الكليات التانية لا طبعا احنا محتاجين ناس محترفة فى مجالها يعنى احنا محتاجين المدرس الذكى اللى يطلع اجيال مش معقول الدكتور بس هوا اللى كويس بل انى شايفة ان فى مهن فى نفس اهميتها
كل انسان يدخل الكلية اللى يحس انه هيقدر يتفوق فيها ويحقق اعلى نتائج وشكرا على الموضوع
قلنا كده قالوا اطلعوا من البلد;)
كل واحد يدخل الى هو عاوزه مش بالمجموع
شكرا للرد والمرور
** MR.SmilE ** 03-09-2008, 01:01 AM شكرا يا جولييت علي الموضوع
اما حكاية المجموع فهو مش اساس لتحديد الكلية والاهم هو ميول الطالب
فانا اعرف ناس جايبة 98% و دخلت هندسة و ماشية بامتياز
وثانيا العلاج الطبيعي مش وحش و لكنه مطلوب اوي الايام دي
و يعني مش في الاخر الناس بتقوله يا دكتور ! :d:d
Dr.diamond 03-09-2008, 02:10 AM شكرا يا جولييت علي الموضوع
اما حكاية المجموع فهو مش اساس لتحديد الكلية والاهم هو ميول الطالب
فانا اعرف ناس جايبة 98% و دخلت هندسة و ماشية بامتياز
وثانيا العلاج الطبيعي مش وحش و لكنه مطلوب اوي الايام دي
و يعني مش في الاخر الناس بتقوله يا دكتور ! :d:d
كويس اوى
فيه مؤيدين كتير
الحمد لله الناس متفقه عالمبدأ
بس مش عارفه ليه حاسه ان ممكن تتغيروا لو اتحطيتوا فى الموقف ده
اما كل دول موفقين
مين الى بينضغط عليه وبيطمع فى المجموع:confused:
soka sabry 03-09-2008, 03:53 AM لى فكرة الاخت اللى قالتلى يا دكتورة انا مش دكتورة انا فى هندسةو اكيد حلاقى حد يؤيدنى مش البلد كلها يعنى معاكى يا جوليييت
soka sabry 03-09-2008, 03:55 AM حاضر بس لما اشوفك يا جولييييت
طـفـلـة الامـس 03-09-2008, 12:23 PM فيه مؤيدين كتير
الحمد لله الناس متفقه عالمبدأ
بس مش عارفه ليه حاسه ان ممكن تتغيروا لو اتحطيتوا فى الموقف ده
اهو ده اللى انا بقول عليه
انا لمااتحطيت فى الموقف ده كنت محتارة برده
ربنا يوفق الجميع للى فى الخير
د/ ماجدولين 03-09-2008, 12:57 PM أية يا جوليت وسوكا
اتخانقوا بتحضر شوية:mad:
بصى يا سوكا
موضوع استخسار المجموع دة
انا مبقللش من باقى الكليات بل بالعكس مؤيدة لمبدا ان كل كليه هى كليه قمة بالنسبه للشخص شرط ان يحقق النجاااح فيها
ومين بقى قالك انها هتتفوق فيها؟؟؟؟؟؟!!!!!!
هى اساسا عينها ع كلية تانية:d
وبعدين يا بنوتة الطب مشوارة مرهق بجد:(
ولو البنت دى مش بتحب الطب كدراسة ومجال تخصص ومؤمنة بالمهنة دى;)
يبقى العوض على الله:(
مش هتفرق كتير عن ألوف بيدخلوا الكلية كل سنة
وفى الآخر..........................................:(
طبعا لان مفرطش فى الفرصه اللى غيرى مش عارف يطولها
لأ طبعا ياعمرى.مش دة المقياس خالص:(
أنا انسان مختلف
خلقنى الله بعقلية مختلفة وميول مختلفة
ولولا أن البشر مختلفين فى ارائهم وطباعهم............مكناش اتقدمنا ابدا
ومش كل حاجة الناس بتعملها أنا اعملها
أمال فين شخصيتى المستقلة;)
لو جايب مجموع كليه قمة يبقى تدخل و بدون تردد
عفوا يا حبى
لو سمحتيلى
الكلية كلية:)
مفيش كلية قمة ولاقاع:mad:
طب انتى عارفة كلية الشعب(كلية الحقوق)
من كليات القمة فى أوربا..............والواحد بيطلع عينوا عشان يدخلها:d
وكذلك كلية العلوم هى كلية العلماء;)
كليات القمة دى احنا اللى عملناها
ومن الآخر هى ثفافة ملهاش معنى:cool:
بتعمل ضغط ع طلاب الثانوية بلا سبب
أنا الحمد لله دخلت طب
مش لأنها كلية قمة:p
لآ ............لأنى بحبها وطول حياتى بتمنى أنى اكون طبيبة مسلمة وناجحة:)
سوكا
ياريت نغير بجد افكار اجدادنا
اللى جابتنا لورا
تلاقى طالب الثانوية العامة بينتحر
عشان مش هيلحق كلية قمة
فى حين أنة ممكن يكون لية ميول تانية
وحاجة تانية كمان
ممكن تلاقى واحد مش بيحب طب مثلا
وأهلة يجبروة ...........أنة يدخل الطب استخسارا فى مجموعة:(
والولد يدخل.......ويعانى ...ويكرة حاجة اسمها الطب:confused:
فى حين أن ممكن يكون واحد تانى عندة ميول طبية
بس مثلا حصلتلة ظروف مرضية ليلة الأمتحان
ومقدرش يجيب مجموع الطب:confused:
وضاعت علية الفرصة
عشان زميلىة صاحب المجموع العالى والميول غير الطبية خد مكانة:(
ودخل كلية هو مش بيحبها
هو كمان بردوا هيعانى.........وهيكرة حياتة
فاهمة قصدى يا قمر:)
سوكا فى النهاية
فعلا اختلاف الرأى لايفسد للود قضية;)
ودى وجهات نظر........وكل واحد لية وجة نظر
بس دة ميمنعش أنى لما الاقى وجهة نظرى غلط
احاول أغيرها:d:)
وفى النهاية كلمة موجهة للجميع
طلام احنا مش بنتناقش فى مسلمات دينية أو علمية
يبقى كل حاجة محتمل تكون صح أو غلط:)
ولهذا
يعنى الموضوع مش خناقة
مين مع جوليت ومين مع سوكا
لأ
أحنا مع الصح من وجهة نظرنا
اتمنى ان ردى دة يكون خفيف ع قلب جوليت وسوكا
لأنهم أخواتى:)
Dr.diamond 03-09-2008, 01:03 PM يعنى الموضوع مش خناقة
مين مع جوليت ومين مع سوكا
لأ
أحنا مع الصح من وجهة نظرنا
اتمنى ان ردى دة يكون خفيف ع قلب جوليت وسوكا
لأنهم أخواتى:)
على فكره هى مش خناقه خالص
احنا بس كنا بنتناقش فى الموضوع واختلفنا فى الرأى
فعرضناه عليكوا نشوف رأيكوا انتوا كمان
وردك مقنع جدا
شوفى كليه الطب بتطلع كام واحد فى السنه
وكام واحد فيهم بيبقى دكتور شاطر وناجح
قليل جدا
وتلاقى تلات تربع الباقى داخلين عشان يبقوا دكاتره وخلاص
شكرا يا عسل عالرد
فى رعايه الله
mena1990 03-09-2008, 01:13 PM للعلم انا منش بقتنع بحاجه اسمها كليات قمه
عادى طب والله انا اعرف واحده مهندسه
وواحده فى معهد خدمه اجتماعيه
اللى هى دكتورة كانت بتعدى وخلاص
انما التانيه الوقتى بسم الله ما شاء الله
بقت معيده فى المعهد والتانيه عادى فى منها كتير
ياجماعه فى حاجه اسمها بحب مجال وهنجح
فيه وفى حاجه تانيه اسمها انا داخله كليه طب مثلا
عشان ماما وبابا ومظهرى وكلام عجيب والله
الواحد بيسمعه ربنا يرحمنا انا معاكى للعلم
جوليت فى كل كلمه قولتيها
وحرام بقى هى مصر باظت من شويه
Dr.diamond 03-09-2008, 01:18 PM للعلم انا منش بقتنع بحاجه اسمها كليات قمه
عادى طب والله انا اعرف واحده مهندسه
وواحده فى معهد خدمه اجتماعيه
اللى هى دكتورة كانت بتعدى وخلاص
انما التانيه الوقتى بسم الله ما شاء الله
بقت معيده فى المعهد والتانيه عادى فى منها كتير
ياجماعه فى حاجه اسمها بحب مجال وهنجح
فيه وفى حاجه تانيه اسمها انا داخله كليه طب مثلا
عشان ماما وبابا ومظهرى وكلام عجيب والله
الواحد بيسمعه ربنا يرحمنا انا معاكى للعلم
جوليت فى كل كلمه قولتيها
وحرام بقى هى مصر باظت من شويه
ماهو ده الى احنا بنقوله
كل واحد يدخل الى بيحبه علشان ينجح فيه
شكرا للمرور الرائع
فى أمان الله
عندك حق ف كل كلمه و بعدين انتوا نستوا انى احنا ف مصرررررررررر
Dr.diamond 03-09-2008, 07:13 PM عندك حق ف كل كلمه و بعدين انتوا نستوا انى احنا ف مصرررررررررر
عندك حق فعلا
شكرا للمرور
فى رعايه الله
ayooosh 03-09-2008, 09:05 PM انا فعلا مقتنعه ان كل شخص حابب حاجه وناوى ينجح ويتفوق فيها يدخلها
وانا الصراحه رايى ان الاهل ميتدخلوش فى مستقبل ولادهم
مش مثلا اعرف واحده دخلتى علمى علوم عشان اهلها عايزنها دكتوره مع انها كان نفسها علمى رياضه عشان تخش هندسه
وكانت شاطره اوى فى الرياضه
وكملت علمى علوم عشان اهلها و دخلت طب خاص بعد ما خلصت تالته ثانوى وخلصت الملحق وكده
ليه البنت ما تخشش ايه اللى هى عوزاه
تفتكرى كده هتنجح فى كليتها بعد ما دخلت طب مش بارادتها مش هتتفوق فى الكليه كده
انا طلعت بره الموضوع شويه
بس انا مقتنعه ان مفيش حاجه اسمها كليات قمه
كل الكليات زى بعضها بس الفرق التفوق
ممكن واحد يبقى فى حقوق مثلا ويتفوق فيها ويبقى محامى كبير احسن من دكتور فاشل
وشكرا ع الموضوع يا جوليت
Dr.diamond 03-09-2008, 10:40 PM انا فعلا مقتنعه ان كل شخص حابب حاجه وناوى ينجح ويتفوق فيها يدخلها
وانا الصراحه رايى ان الاهل ميتدخلوش فى مستقبل ولادهم
مش مثلا اعرف واحده دخلتى علمى علوم عشان اهلها عايزنها دكتوره مع انها كان نفسها علمى رياضه عشان تخش هندسه
وكانت شاطره اوى فى الرياضه
وكملت علمى علوم عشان اهلها و دخلت طب خاص بعد ما خلصت تالته ثانوى وخلصت الملحق وكده
ليه البنت ما تخشش ايه اللى هى عوزاه
تفتكرى كده هتنجح فى كليتها بعد ما دخلت طب مش بارادتها مش هتتفوق فى الكليه كده
انا طلعت بره الموضوع شويه
بس انا مقتنعه ان مفيش حاجه اسمها كليات قمه
كل الكليات زى بعضها بس الفرق التفوق
ممكن واحد يبقى فى حقوق مثلا ويتفوق فيها ويبقى محامى كبير احسن من دكتور فاشل
وشكرا ع الموضوع يا جوليت
وشكرا على مرورك الرائع
king mo7amed 06-09-2008, 02:17 AM كل اللي انا عاوز اقوله اتقال برافو يا اعضاء ومشكووووووووووووووووووووور
Hamset_Etab 06-09-2008, 08:27 AM بصى هو انتى كلامك صح بدون شك
بس مجتمعنا بيرفض الموضوع ده تماما مش عارفه ليه تقريبا اختلالات سلوكيه
انا عن نفسى فى واحده قريبتى مجموعها جاب صيدله وهى دخلت علوم ايزى يعنى
بس بصراحه عند اهلها مكنش ايزى خالص
ثانكس على التوبيك
MBM-MaDo 06-09-2008, 08:50 AM انا من راى مافيش حاجة اسمها كليات قمة و كليات قاع...
دى تفرقة عنصرية....
و تفكير رجعى....
و جهل طبقى....
(ايه الكلام الكبير ده ياض يا احمد انت اتهبلت عشان تقول كلام زى ده...),,,,,
المهم انا اهو نفسى باذن الله و توفيق من عنده اخش هندسة حتى لو جبت مجموع طب...
ان اصلا مش باحب طب....
و حكاية جاب مجموع عالى يبقى يدخل اعلى كلية تقبل مجموعه...
اكيد هايبقى فاشل ...
لانه مش داخل حاجة هو مستعد ان يدى لها من كل قلبه و عقله...
و هايبقى مجرد روتين ...
و هى البلاد بقت ايه غير شوية اشاعات و رووووووتين....
ده كان راى...
سلااام...
بصوا بقى
ازيكو الاول كده
طبعا هو المفروض كل واحد يدخل الكلية اللى نفسه فيها عشان يقدر ينجح لكن للاسف الناس بتبص لخريج صيدلة مثلا مش زى خريج طب فده اللى بيخلي الواحد دايما يدخل كلية قمة
انا مثلا مجموعى جاب طب وكان نفسي ادخله بس مش عشان اى حاجة غير ان يكون اسمى دكتورة وانا ف ابتدائى بابا (الله يرحمه) وماما كانو يقولولي ذاكرى عشان تبقي دكتورة بس مغيرتش رايي غير لما دخلت ثانوى ومحبتش البيولوجى ولقيت نفسي ف الكيميا
وبعدين كله قعد يقولى انتى بنت وصعب تقعدى تدرسي طوووووووول عمرك عشان تبقى دكتورة شاطرة فدخلت صيدلة وريحت نفسي م الدراسة دى
ولحد دلوقتى كتييييير يقعدو يقولولى هتبقى بياعة ف صيدلية وبس ...................
يبقى من حق الطالب انه يفكر فعلا يدخل كلية قمة عشان اللى بيشوفه بعد كده م الكلام والتريقة
بس ف النهاية هتكون فترة وتعدى والناس تاخد ع الوضع وتبقى الحكاية عادى
يعنى الخلاصة انا معاكى بس كل اللى حوالينا بيفكرو كما لو كانو مع الناس التانيين
بس لما تفشلي ف كلية انتى مش حباها الناس دول مش هينفعوكى
في رعاية الله
الشفق الباكي 07-09-2008, 01:35 AM لالالالالالالالالالالالالالالالالالالالالالالالا
مفيش حاجه اسمها كليه قمه
كليه القمه دى انت اللى بتتحددها بميولك ونجاحك فيها
ايه يعنى تدخل طب
والسبع سنين تاخدهم عشره ولا تطلع ب.,,,,,,,,,,,,,,,,,,,,,,,,,,بلاش
ولا صيدله والسنه تاخدها سنتين ...............الخ
الكليه اللى تنجح فيها وتحقق ذاتك هى دى كليه القمه ودا راى
طمعانة فى رضاك يا رحمن 07-09-2008, 01:53 AM انا مش مقتنعه بكلام صحبتك نهائي
انا حلمي في كليه معينه وبذاكر عشانها ولما اوصلها اتبطر عليها عشان ادخل حاجه اساسا مكنتش في حلمي
عشان بس اكون في قمه
لا طبعا
الانسان يدخل في الحاجه اللي حببها عشان يتفوق فيها وينتج فيها احسن
مش الحاجه اللي الناس شيفها احسن عشان الناس بتقول قمه
لا طبعا
انا مجموعي كان يجيب تجاره والتجاره اعلي من اداب
وانا دخلت اداب
مدخلتش ليه بقي تجاره عشان مستوها احسن
عشان انا بحب اداب وحلاقي نفسي فيها ان شاء الرحمن
انا معاكي في كلامك
شكرا ليكي لطرح الموضوع
Dr.diamond 07-09-2008, 02:26 AM بصوا بقى
ازيكو الاول كده
طبعا هو المفروض كل واحد يدخل الكلية اللى نفسه فيها عشان يقدر ينجح لكن للاسف الناس بتبص لخريج صيدلة مثلا مش زى خريج طب فده اللى بيخلي الواحد دايما يدخل كلية قمة
انا مثلا مجموعى جاب طب وكان نفسي ادخله بس مش عشان اى حاجة غير ان يكون اسمى دكتورة وانا ف ابتدائى بابا (الله يرحمه) وماما كانو يقولولي ذاكرى عشان تبقي دكتورة بس مغيرتش رايي غير لما دخلت ثانوى ومحبتش البيولوجى ولقيت نفسي ف الكيميا
وبعدين كله قعد يقولى انتى بنت وصعب تقعدى تدرسي طوووووووول عمرك عشان تبقى دكتورة شاطرة فدخلت صيدلة وريحت نفسي م الدراسة دى
ولحد دلوقتى كتييييير يقعدو يقولولى هتبقى بياعة ف صيدلية وبس ...................
يبقى من حق الطالب انه يفكر فعلا يدخل كلية قمة عشان اللى بيشوفه بعد كده م الكلام والتريقة
بس ف النهاية هتكون فترة وتعدى والناس تاخد ع الوضع وتبقى الحكاية عادى
يعنى الخلاصة انا معاكى بس كل اللى حوالينا بيفكرو كما لو كانو مع الناس التانيين
بس لما تفشلي ف كلية انتى مش حباها الناس دول مش هينفعوكى
في رعاية الله
شكرا على مرورك يا قمر
فى أمان الله
|