بجد بقت حاجة وحشة أوي .. إنك تشوف مجهودك بيضيع قدامك .. أو مجهود زميل ليك .. أو صديق .. أو حتى نجم بتحبه ..

الموضوع ما بقاش مقتصر على انك تشوف الفيلم اللي في السينما على الانترنت وتعملوا داونلود وتشوفوا بكواليتي أقل ما توصف بيه إنها رديئة وماتليقش حتى باللي نزلها من النت ..

العملية بقت تجارة ..

الفيلم اللي في السينما بقى بيتعرض قدام السينما على الرصيف .. تصوير كاميرا ..

الغريب ان في ناس بتشجع الكلام ده .. (مش عارف إزاي) بس ده اللي بيحصل

يا جماعة الساكت عن الحق شيطان أخرس .. وطالما انت ما بتحبش لنفسك ضرر في شغلك وحياتك .. برضه ما ترضاهوش لغيرك ..

ما هو الفيلم ده ظهر في السينمات نتيجة ان في ناس سهرت وتعبت وبجد ربنا يكون في عونهم ..
وآخرت المتمة يجي واحد يصور الفيلم من داخل قاعات العرض بكاميرا ويطلع يوزعها هنا وهناك عشان يستفيد ويفيد ..

فين الافادة لما تهرب حاجة ناس تعبوا فيها .. بجد حاجة تخنق .. واللا ايه .. ما اظنش ان في حد موافق على الكلام ده ..


في مقال كتبته "منى نادر" بعنوان
الأفلام المعروضة في السينما تباع علي الرصيف بـ 20 جنيهًا
-----------
منتديات الإنترنت ترفع شعار: «لا تذهب إلي السينما هذا الصيف وسنحضر لك كل الأفلام الجديدة»
-----------
لموضوع يتضمن تفاصيل عن بيع اسطوانات أفلام الصيف كلها
بواسطة باعة الأسطوانات الأفلام جديدة وفي أسطوانات مدمجة DVD كما تعرضها مواقع ومنتديات علي شبكة المعلومات الدولية، وصارت عبارة «لا تذهب إلي السينما هذا الصيف لأننا سنحضر كل أفلامها الجديدة إليك في بيتك» غير مقصورة علي شعار قناة فضائية جديدة ، إنما لسان حال موقع www.++++.com الذي يطرح نسخًا DVD من أحدث الأفلام التي تعرضها صالات العرض السينمائية ، واستطاع أكثر من 14 ألف شخص ، ويطرح الموقع أول بأول الأفلام اللي بتتجدد في دور العرض ، لدرجة إن في أفلام بتبقى لسه بدأ عرضه بصالات السينما مؤخرا، وذلك بالتزامن مع طرح هذه الأفلام علي أسطوانات DVD للبيع في الشوارع.
يقول أحد باعة الاسطوانات في الإسكندرية: «أحصل علي الأسطوانة الواحدة من الشركة بعشرة جنيهات وأبيعها بعشرين أو خمسة وعشرين جنيها وأعتقد أن هذا مبلغ زهيد قياسا لسعر تذكرة السينما».
وتكشف إحصائيات دور السينما وشركات الإنتاج أن إيرادات بعض هذه الأفلام تجاوزت مليوني جنيه في أسبوع واحد لكن هذه الإيرادات باتت معرضة للاهتزاز في ظل تداول هذه الأسطوانات، وكشف باعة أسطوانات أن هذه الأفلام يتم تصويرها من شاشة السينما بمجرد بدء عرضها <


التعليقات على الموضوع ..

خلى الغلابه تشوف السيما يعنى لا اكل ولا تشوف السيما ده دلوقتى الفيلم احسن من رغيف العيش مش هقول غير لا اله الا الله ولا حول ولا قوة الا بالله
++++++++++++++++++++++++

ليه نساعد اللاتكال والاستهبال
ازاي نتكلم على الموقع ونكتب عنوانه احنا بنساعد المواقع دي بالشكل ده وبنخرب بيوت ناس تانيه وكمان بنساعد الناس على التعود ان كل حاجة تيجي الظلام كفاية غش ورشاوي واتكال على السرقة في كل حاجة نسرق مكان في ركنه نسرق زميل صورته قصاد زمايلنا نسرق مجهود واحد في مشروع أو فكرة وغير كدة احنا اتعودنا على ان احنا نغش من كبيرنا لصغيرنا تاجر يسرق الناس ويزود السعر مدرس يسرق ويدي دروس وغيره الواحد قرف يا رب اهدي نصلح انفسنا وأولهم انا
++++++++++++++++++++++++

هذة قرصنة وسرقة
++++++++++++++++++++++++

ممكن اعرف الافلام دى بتتباع فين
++++++++++++++++++++++++

هذة مهازل يبخثوا بايرادات الفيلم بالحركات دي


...... مستني تعليقاتكم وردودكم

نفسى اشوف ارائكم

احنا مش بناقش هنا اي مواضيع تتعلق بالفن