مشاهدة النسخة كاملة : عاوز(ة)تحل(ى) مشاكلك؟؟
Travel 02-09-2008, 09:01 PM عايز تحل مشاكلك ؟
يا ترى ايه هي المشاكل اللي بتعاني منها ؟؟
فكر مع نفسك كده و اكتب كل المشكل اللي انت حاسس انها بتعيق سعادتك و تقدمك ..
- الناس مش فاهماك ؟
- الظروف حواليك صعبة ؟
- المدير في الشغل مضايقك ؟
اكتب مشاكلك بسرعة في ورقة قبل ما تقرا الموضوع و هانرجعلها بعدين..
* * *
كتبت؟؟ جميل .. تعالى بقى نعرف ايه الحكاية..
عشان تحل جميع مشاكلك لازم أولا تفكر بأسلوب صح..لأن الباحثين اكتشفوا ان الفرق الحقيقي بين الناجحين والفاشلين هو نمط تفكيرهم..
فيه نمطين من التفكير هم اللي بيحددوا ما ذا كنت انسان ناجح و لا فاشل .. و النمطين دول يمكن تغييرهم بإرادتك..
نمط الفاشلين في التفكير
الفاشلين دايما بيميلوا انهم يهربوا من مواجهة مشاكلهم بحيلة ظريفة قوي.. و هي حيلة : (أنا ضحية الظروف و لا يد لي في حل مشاكلي !)
تلاقي الواحد من دول قاعد يلوم كل اللي حواليه.. أبوه لأنه كان بيعاقبه- الفرص لأنها غير متاحة – زوجته لأنها مش فاهماه - مديرة لأنه مش بيقدره - الجو لأنه مش مناسب !!
تلاقيهم فنانين في تأليف أسباب فشلهم و يبتدوا يدوروا على شماعات يعلقوا عليها فشلهم.. أي شماعات و خلاص .. أي شيء يلوموه إلا هم أنفسهم !
تلاقيه قاعد يلوم كل حاجه حواليه و يعتبرها سبب فشله و تعاسته.. و يعتبر نفسه ضحية وسط ظروف صعبة لا يد له فيها..
لو لقيت المشاكل اللي انت كتبتها انت دايما فيها الضحية .. فأنت في مشكلة و يجب أن تغير نمط تفكيرك !
نمط الناجحين في التفكير
الناجحين دايما بيفكروا بأسلوب مختلف عن كده ..
يقول ريتشارد باندلر: ( أنا مسئول عن عقلي , إذن أنا مسئول عن نتائج أفعالي..)
طريقة التفكير دي هي : أنا مسئول عن حياتي مش أي حد تاني ..
بدل ما يقول : مشكلتي هي ان الناس مش فاهميني..
يقول : مشكلتي هي إني مش قادر أخلي الناس تفهمني !
فاهم الفرق ؟
بدل ما يقول : مشكلتي هي ان المدير مش بيقدرني .
يقول : مشكلتي هي اني مش عارف أقنع المدير بقدراتي !
المشكلة حلها عندك انت مش عند الناس !
بدل ما تقول: مشكلتي ان الظروف صعبة.
قول: مشكلتي هي اني مش عارف أقهر الظروف !
عشان تنجح لازم تؤمن تماما ان لك سيطرة تامة على حياتك و انك مش ضحية ظروف و لا حاجه ..لو فيه مشكلة يبقى انت السبب فيها و انت اللي في ايدك حلها ..لوم نفسك انت مش تشوف شماعة تعلق عليها مشاكلك..
انت في ايدك تغير اي حاجه حواليك و اي مشكلة انت بنفسك ممكن تتولى حلها .. هي دي مهمتك طوال حياتك.. الناجحين بيفكروا بالأسلوب ده.
لو فكرت بأسلوب الضحية , هاتبقى فاشل و مش هاتغير حاجة لأنك – ببساطة – أقنعت نفسك ان قوى خارجية هي اللي بتتحكم فيك و تفضل تستحمل اللي بيجرالك و خلاص .. انما لو آمنت ان اي مشكلة بتحصل, حلها في ايدك انت مش في ايد اي حد تاني , هاتتحرك و تحلها و تبطل تلوم الظروف اللي حواليك.. لو لقيت نفسك بتلعب دور الضحية .. و لقيت نفسك قاعد تلوم شخص ما أو ظروف معينة.. اعرف ان آن الأوان تير طريقتك لأنها مش هتاخدك للاتجاه الصحيح..
انت مسئول عن حياتك و أي تغيير انت عايزه هاتحققه نفسك, مش بلوم الظروف و الأشخاص..
هي دي بداية تحقيق التغيير الايجابي اللي بتتمناه لحياتك..
C A N D Y 02-09-2008, 09:30 PM اى التوبيكات الجامدة دى
بجد كلام جميييل
و الفشلة هما اللى بيعلقو فشلهم ع الظروف
بدل ما يطوعو الظروف لنجاحهم
اه بس لو كنت مش عارفة..............
...................ما علينا:d
ثانكس ع التوبيك
ahmed2845 02-09-2008, 09:31 PM الموضوع جميل جدااا
بس هختلف معاكى فى حاجة وهى انت بتقولى متلومش الا نفسك على اى حاجة
طب افردى ان واحد جه الدنيا مثلا كفيف او يتيم واليتم ده هو سبب مشاكله مثلا ومش قادر يواجه كل المشاكل دى ومحدش فاهمه طب ده مثلا يعمل ايه يلوم نفسه بردو ؟؟؟؟؟؟؟؟؟؟؟
افردى ان واحد مثلا جه الدنيا لقى نفسه فى الشارع وملهوش اهل ونفسه يبقى حاجة كويسة ومش عارف ومحدش بيساعده يبقى ده بردو يلوم نفسه ؟؟؟؟؟؟
افردى ان واحد ذاكر طول السنة وفى الاخر جاتله امتحان من بره المنهج ومدخلش الكلية اللى عايزها ده بردو يلوم نفسه ؟؟؟؟؟؟؟؟؟؟
انا عارف ان كل حاجة قسمة ونصيب ولكن فى حالة زى دول الانسان مش هيلوم نفسه
اعتقد ان الظروف تستطيع ان تقهر اى شئ وان تخلق للانسان من المشاكل ما لا يستطيع مواجاتها مهما كانت طموحه واماله
ahmed2845 02-09-2008, 09:51 PM مش كده ولا ايه يا travel
Dr.diamond 02-09-2008, 10:07 PM جميل انك تبعد عن فكره انك ضحيه
وتتعامل مع الى حواليك من هذا المنطق ان انت مسئول عن قدراتك
بس فعلا فيه ناس الظروف بتعاندهم بجد
وممكن مش ييأسوا ويكملوا من المنطق انهم مسئولين
وفيه ناس اليأس بيتسرب ليهم بعد عده محاولات
خاصه لو كانت ظروفهم قاسيه صعب تغييرها او محتاج مجهود خرافى
شكرا يا ترافل عالتوبيك العسل ده
اوركيديا 02-09-2008, 10:08 PM يعنى موضوع جميل و كلام اجمل
بس الانسان ده طبعه
بيحب يعلق على غيره
نفسه كده يلاقى حد يطلعله من تحت الارض و يقله
انت انسان رائع و التانين هما اللى جهله
بس للاسف فعلا الحكايه دى بتبقى عيب فى الشخصيه و نقص جواها
انه مش قادر يتحمل نتايج افعاله
الكلام كتير و ليا عوده
عشان انا بحب الكلام النفساوى ده
فى رعايه الله
king mo7amed 02-09-2008, 10:11 PM شكرا يا ترافيل الموضوع بجد حميل وهايل
!!!دمعة حزن!!! 02-09-2008, 10:18 PM يعنى موضوع جميل و كلام اجمل
بس الانسان ده طبعه
بيحب يعلق على غيره
نفسه كده يلاقى حد يطلعله من تحت الارض و يقله
انت انسان رائع و التانين هما اللى جهله
بس للاسف فعلا الحكايه دى بتبقى عيب فى الشخصيه و نقص جواها
انه مش قادر يتحمل نتايج افعاله
الكلام كتير و ليا عوده
عشان انا بحب الكلام النفساوى ده
فى رعايه الله
كلامك مظبوط جدا
وميرسى ياترافل على الموضوع الهايل ده
توبيك هايل يا ترافيل
بس لو مفكرناش بطريقه الفاشلين منبقاش احنا
دايما بندور على مبرر لاى غلطة فى حياتنا
على شرط يكون المبرر ده مش احنا اى حد تانى
يا ريت تفكيرنا يتغير هنبقى احسن كتير
مرسى للموضوع يا قمر
:)
Travel 03-09-2008, 09:43 AM اى التوبيكات الجامدة دى
بجد كلام جميييل
و الفشلة هما اللى بيعلقو فشلهم ع الظروف
بدل ما يطوعو الظروف لنجاحهم
اه بس لو كنت مش عارفة..............
...................ما علينا:d
ثانكس ع التوبيك
مرورك هو الاجمل يا اندى
نورتى الموضوع
Travel 03-09-2008, 10:09 AM الموضوع جميل جدااا
بس هختلف معاكى فى حاجة وهى انت بتقولى متلومش الا نفسك على اى حاجة
طب افردى ان واحد جه الدنيا مثلا كفيف او يتيم واليتم ده هو سبب مشاكله مثلا ومش قادر يواجه كل المشاكل دى ومحدش فاهمه طب ده مثلا يعمل ايه يلوم نفسه بردو ؟؟؟؟؟؟؟؟؟؟؟
افردى ان واحد مثلا جه الدنيا لقى نفسه فى الشارع وملهوش اهل ونفسه يبقى حاجة كويسة ومش عارف ومحدش بيساعده يبقى ده بردو يلوم نفسه ؟؟؟؟؟؟
افردى ان واحد ذاكر طول السنة وفى الاخر جاتله امتحان من بره المنهج ومدخلش الكلية اللى عايزها ده بردو يلوم نفسه ؟؟؟؟؟؟؟؟؟؟
انا عارف ان كل حاجة قسمة ونصيب ولكن فى حالة زى دول الانسان مش هيلوم نفسه
بص هقولك
ربنا مخلقش عبد ونسيه
هنقول ده قدرنا وكده ماشى
بس برضه
فى حاجة اسمها مواجهة الحياة وظروفها
بتقول كفيف هيعمل ايه
(طه حسين) كان كفيف واحنا شايفينه وصل لفين هو اللى بنى مستقبله بنفسه
كان ممكن يقول انه كفيف وكانت ظروف الحياة وحشة جدا معاه
لكن الارادة هى اللى بتخلى الانسان يبنى مستقبله
واحد بيزاكر وربنا ما ارادش انه يدخل الكلية اللى هو كان بيتمناها
ربنا اكييد هيعوضه فى حاجة تانية وساعتها هيعرف ان ربنا مبيضيعش تعب حد
اللى فى الشارع برضه
لو اى حد اتحدى الظروف اللى قدامه هينجح
انا مصرة على راى برده
اننا مش نعلق على شماعة الاخطاء او ندور على اى عذر نلتمس بيه
اعتقد ان الظروف تستطيع ان تقهر اى شئ وان تخلق للانسان من المشاكل ما لا يستطيع مواجاتها مهما كانت طموحه واماله
مش اى ظروف
وبعدين احنا لو استسلمنا مكنش هيبقى ده حالنا
كل الحكاية ان يبقى فى تحدى ومواجهة للظروف
وشوية صبر
** ضي القمر ** 03-09-2008, 10:31 AM ايه الجمل ده
التوبيك تحفة
بس الانسان بطبعه مش بيحب يطلع نفسه غلطان
لازم الغلط يكون فى كل اللى حواليه انما هو لا
ميرسى ليكى يازوزو
bosy .. mostafa 03-09-2008, 04:58 PM شكراً يا ترافيل على الموضوع
و الفاشل دايماً بيقول (انا مش قادر اعمل الحاجه دي ..) او (مش عارف ايه ده)
مش بيحاول وفيه مقوله جميله اوي كانت بتقول
سُئل المستحيل أين تقيم فقال :في احلام الفاشل
شكراً مره تانيه و جزاك الله خيراً
Travel 03-09-2008, 07:58 PM جميل انك تبعد عن فكره انك ضحيه
وتتعامل مع الى حواليك من هذا المنطق ان انت مسئول عن قدراتك
بس فعلا فيه ناس الظروف بتعاندهم بجد
وممكن مش ييأسوا ويكملوا من المنطق انهم مسئولين
وفيه ناس اليأس بيتسرب ليهم بعد عده محاولات
خاصه لو كانت ظروفهم قاسيه صعب تغييرها او محتاج مجهود خرافى
شكرا يا ترافل عالتوبيك العسل ده
اهوا ده الكلام
مفيش ياس طول ما فى صبر وتفكير
نورتى الموضوع يا جوليت
Travel 03-09-2008, 08:36 PM يعنى موضوع جميل و كلام اجمل
بس الانسان ده طبعه
بيحب يعلق على غيره
نفسه كده يلاقى حد يطلعله من تحت الارض و يقله
انت انسان رائع و التانين هما اللى جهله
بس للاسف فعلا الحكايه دى بتبقى عيب فى الشخصيه و نقص جواها
انه مش قادر يتحمل نتايج افعاله
الكلام كتير و ليا عوده
عشان انا بحب الكلام النفساوى ده
فى رعايه الله
بالظبط
بيبقى نقص فى الشخصية وعيب فيها
ده اللى كتيير مش مصدقة وبيعانى منه
للاسف جيلنا الحالى ممكن يستسلم بسهولة
مش كلوا بس على المعظم الكلام ده
نورتى الموضوع لولو
وهستنى متابعتك للموضوع
Travel 03-09-2008, 08:38 PM شكرا يا ترافيل الموضوع بجد حميل وهايل
الملك فاروق منورنا
اقصد الملك محمد:d
(اهلا بالمماليك):d
مرورك هو الاجمل من الموضوع
Travel 03-09-2008, 08:45 PM كلامك مظبوط جدا
وميرسى ياترافل على الموضوع الهايل ده
مرسى لمرورك يا كوكو
نورتى الموضوع
Travel 03-09-2008, 08:52 PM توبيك هايل يا ترافيل
بس لو مفكرناش بطريقه الفاشلين منبقاش احنا
دايما بندور على مبرر لاى غلطة فى حياتنا
على شرط يكون المبرر ده مش احنا اى حد تانى
يا ريت تفكيرنا يتغير هنبقى احسن كتير
مرسى للموضوع يا قمر
:)
بجد كلامك تحفة يا فيفا
فعلا احنا كده بندور على اى شماعة نعلق عليها اخطائنا
واحنا مش حاسيين ان احنا كده بنزود غلطنا اكتر
نورتى الموضوع يا فيفا
Travel 03-09-2008, 08:58 PM ايه الجمل ده
التوبيك تحفة
بس الانسان بطبعه مش بيحب يطلع نفسه غلطان
لازم الغلط يكون فى كل اللى حواليه انما هو لا
ميرسى ليكى يازوزو
فعلا كل دى حاجات بنكشفها
بس للاسف احنا مش بنحس اننا بنعمل كده
لازم يكون جوانا هدف ان احنا نغير نفسنا وننسى الاساليب دى
لازم نبتدى بطريقة جديدة وتفكير جديد وهو ده بداية التخطيط السليم
نورتى الموضوع شيما
COoL HEaRT 03-09-2008, 08:59 PM لا حلو يا ترافل بجد موضوع كويس ... كتير مننا بيعلق فشله ع الناس تانيه معتقد بكده ان مشكلته اتحلت وان خلاص اتشال من ع عاتقه -حلوه عاتقه دى- حمل كبير بدام خلى الناس التانيه تاخده بداله
احيانا بيديكى شعور بالراحه انك مش انتى الغلطانه مش انتى الغلطانه
وعندك مثلا اللى يعلقك فشله ع الحسد كله بيعمل كده وانا احيانا بلجا لطريقه دى بس فى حلات نادره محدش كامل بس المهم
ان الواحد ميكنش كل حاجه كده ..واحيانا بتكون الظروف بتحكمك ..
سارة الزمردة 03-09-2008, 09:07 PM شكرا على الموضوع الجميل ده يا ترافيل
لازم الانسان يبقى عنده عزيمة وارادة
وطبعا اهم شئ التوكل على الله
Travel 03-09-2008, 09:09 PM شكراً يا ترافيل على الموضوع
و الفاشل دايماً بيقول (انا مش قادر اعمل الحاجه دي ..) او (مش عارف ايه ده)
مش بيحاول وفيه مقوله جميله اوي كانت بتقول
سُئل المستحيل أين تقيم فقال :في احلام الفاشل
شكراً مره تانيه و جزاك الله خيراً
ياااااااااااااه
جملة رائعة يا بوسى
فعلا ده السؤال اللى بيساله اى فاشل
ملوش اى هدف فى الحياة
محتاجين نغير تفكيرنا
علشان نعرف نتاقلم مع الجديد والواقع اللى احنا عايشينه
مش نعلق اخطائنا على شماعات الفشل
بجد مرورك اسعدنى كتيير
نورتى الموضوع
H.H.KH 03-09-2008, 09:46 PM بجد موضوع جميل جدا واكتر من رائع :)..........و فعلا ناس كتييييييير جدا تلاقيهم بيفكرو التفكير ده ويعلقوا فشلهم عالناس اللى حواليهم :(........لكن لو الناس شالت من دماغها الفكرة دى هيقدروا يحلوا مشاكلهم.........وشكرا عالموضوع الجامد ده ;)
Travel 05-09-2008, 11:54 AM شكرا ع التوبيك الهايل ده
الشكر لله
مرسى:d لمرورك فى الموضوع
Travel 05-09-2008, 11:58 AM لا حلو يا ترافل بجد موضوع كويس ... كتير مننا بيعلق فشله ع الناس تانيه معتقد بكده ان مشكلته اتحلت وان خلاص اتشال من ع عاتقه -حلوه عاتقه دى- حمل كبير بدام خلى الناس التانيه تاخده بداله
احيانا بيديكى شعور بالراحه انك مش انتى الغلطانه مش انتى الغلطانه
وعندك مثلا اللى يعلقك فشله ع الحسد كله بيعمل كده وانا احيانا بلجا لطريقه دى بس فى حلات نادره محدش كامل بس المهم
ان الواحد ميكنش كل حاجه كده ..واحيانا بتكون الظروف بتحكمك ..
المشكلة ان احنا جينا ومشينا ورا كلام زماااااااان
الحسد ده عينه وحشة والكلام ده
مبصناش فى مرة او فكرنا ان بايدينا نغير ده كلوا
ليه نعلق اخطائنا على شماعة الاخطاء بتاعة زمان
ليه منتغيرش
ما جيلنا كل شوية بيتغير ليه منتغيرش احنا كمان
الصراحة حلوة
ليه منبقاش كلنا كده
مرسى لمرورك سو;)
Sherif Elkhodary 05-09-2008, 03:13 PM شكرا ليكي يا ترافل
بجد موضوع روعة انا بجد قريته و استفدت بيه اوي
شكرا لكي
Travel 05-09-2008, 08:29 PM شكرا على الموضوع الجميل ده يا ترافيل
لازم الانسان يبقى عنده عزيمة وارادة
وطبعا اهم شئ التوكل على الله
الشكر لله سارة
كلامك مظبوط فعلا
اسعدنى مرورك:)
Travel 05-09-2008, 08:32 PM بجد موضوع جميل جدا واكتر من رائع :)..........و فعلا ناس كتييييييير جدا تلاقيهم بيفكرو التفكير ده ويعلقوا فشلهم عالناس اللى حواليهم :(........لكن لو الناس شالت من دماغها الفكرة دى هيقدروا يحلوا مشاكلهم.........وشكرا عالموضوع الجامد ده ;)
بجد اسعدنى مرورك جدا:)
الشكر لله
يارييت كلنا فعلا نبقى كده
مش نبص للى فات او نعلق فشلنا على غيرنا
نواجه الحقيقة هيبقى احسن
فارس الأحزان/ضياء الدين سعيد 05-09-2008, 08:40 PM موضوع جميل
لكن أكيد الظروف بتكون أقوى من أى شىء
وبالنسبالى انا مشكلتى للأسف أصبحت على المنتدى
لما ألاقى أهلى وأحبائى على المنتدى بدأت ثقتهم فيا تتلاشى
كل دا بسبب إيه؟
المهم
يا جماعه
انا ياريت اللى ليه مظلمه عندى
يتفضل يقولهالى فى رساله خاصه
وسأحقق كل أمالكم
لانى حاسس بجد
الدنيا دى مش تستاهل اى حاجه
شكرا للموضوع ترافل
|