تخفيفا عن هموم الكادر
من مدونة إبحار لفهمي إبراهيم

*****
أنا عملت حوار بين اتنين مدرسين
لو تكرمتم حاولوا تقرأوه
دلوقتى عايز أعمل حوار مع الوزير ومدرس
إيه رأيكم ؟؟ ولاَّ أقولكم :
استنوا عليَّ شوية يمكن أقابله بصحيح
وأعمل معاه حوار حقيقي
ويابخته من قابل الوزير


*****

ولان معاليه لن يقابلني
لأن كلكم عارفين يعني إيه مقابلة وزير
هوه مش حلم و لا حاجة
و لكن كل حاجة لها طقوس
و إعدادات وترتيبات و مواعيد
من تحت لفوق و من واحد لواحد أعلي منه
حتي تصل إلي النهاية ..قصدي إلي الوزير
و الآن ونظرا لضيق الوقت
وتخفيفا عن هموم الكادر
وامتحاناته ونتائجه
حاولوا أن تقرأوا هذا السيناريو
*****
تصوَّروا لو الوزير وافق
وأعطى لنا لحظاتٍ من وقتِهِ الذهبُ
ووافق أنه يقابلني
عشان أتناقش معه
في حكاية الكادر و امتحاناته
طبعا ده مش حا يحصل
حتى ولا في الأحلام
بالله عليكم
مدرس ثانوي يريد مقابلة الوزير
عشان يناقشة في تطوير التعليم ؟؟
مستحيل طبعا!!!
طب لو عملها الوزير ووافق!!?
أبقي أنا رحت في داهية
لأني ساعتها ركبي حاتسيب
وسوف تنهار أعصابي
وسوف أكون غير قادر علي حمل نفسي
ومفاصلي سوف تصطك وتصطدم ببعضها
وتحدث طرقعة مثل طرقعة الأصابع
أما بطني والقولون فحِّدثْ ولا حرج
و ح أبقي مش عارف دي طرقعة أيه ولاَّ إيه
ومش حا بقي حاسس
إذا كنت ماشي لقُدَّام ولاَّ لورا
وحابقى مش عارف
إذا كانت الدنيا هيَّ إللي مطّرِت
ولاَّ أنا اللي مش واخد بالي إننا في الصيف
ولاَّ أنا في إسكندرية ولاَّ في القاهرة

*****

أثناء المقابلة
وبعد الدخول علي الوزير
حاتلاقيني رحت مندفع وقايل له
بأعلى صوت :
هوإحنا حانلاقي أحسن منك فين .. يا معالي الوزير
ولاَّ أحسن من الكادر إللي الريس قال عليه فين
واللي وافق عليه مجلس الشعب الموقر
يعني أصبح قانون
و إللي أنتو خليتوه زي الفل
يعني أبيض خالص
يعني مش باين منه حاجة
و زودتّوا عليه بكرمكم الامتحانات
عشان الامتحانات دي حتطورنا
وتطور مصر بحالها
وتخلينا في مصاف الدول المتقدمة
وحا تخلي الطلبة
يموّتوا نفسهم عشان يحضروا المدرسة
وحاتخلي الدراسة تنتظم
من أول يوم لآخر السنة
إلَهي يخليك ويخلي الكادر
سيبك من المدرسين إللي زعلانين
وما تاخدش علي كلامهم
هم حايزعلوا شوية!
بس بعد كده ولا واحد حايزعل منك
وحا يروقوا لوحديهم!!
طب و النعمة الشريفة دول بيحبوك
و عايزينك تطور التعليم
و عايزين الكادر و امتحاناته
ومش عايزين الفلوس بتاعته
فلوس إية وبتاع إيه يا راجل
قصدى يا معالي الوزير
طب ماإحنا ممكن نزود دخلنا
من الكلام اللي أنت فاهمه
والناس أهي بتدفع
تقوم حضرتك كمان تدفع لنا
والله دي ماتجيش يا شيخ
قصدي يا معالي الوزير
هو صحيح مش كل المدرسين
بس أهو بيحصل
بيحصل من قلة قليلة مش م الكل
طب والله وما لك عليَّ حلفان
تلاقيك أكيد إنت عارف كل اللي بيحصل
ما هو لازم الوزير يكون عارف
وفاهم الكبيرة و الصغيرة
أما الحاجات اللي بتحصل
وما فيش حد بيقولك عليها
لامن الناس اللي حواليك
أو اللي تحت منك لغاية اللجان أو المتابعين
هي دي تبقي التايهة اللي لو عرفتها
أو أحكي لك عليها
حا تتأثر قوي ومش عارف ح يحصلك إيه
عشان انته قلبك طيب و حنين
ومايستحملش يا عيني الحاجات الوحشة
اللي بتحصل للمدرسين
وما يهونش عليك أبدا أنهم يبقوا متشحتفين بالدرجة دي
ويقولوا ملاليم تسند المدرسين
عشان مايخروش مغشياعليهم
دول حايصعبوا عليك قوي
وحا تقول لهم خدوا الفلوس
وخدوا كمان إجابات امتحانات الكادر!!
*****
لحظات من الصمت الرهيب
و يسأل معالي الوزير
وعلي شفتيهِ ابتسامةٌ حانية
: طيب أنت عايز إيه تاني ؟؟
والمدرسين دول عايزين إيه؟؟
ساعتها مش حا اقدر أقوله غير :
عايزين سلامتك !! وسلامة الكادر !!
داكفاية إن أنا شفتك بس !
دي رؤيتك عندي بالدنيا
دا لو كل المدرسين شافوك ....
التعليم لوحده حايتطور
وحنبقي فل الفل
وآخرتمام
بس لما نشوفوك يامعالي الوزير


لم يكتمل السيناريو

كل عام أنتم بخير

ونعم المدرسين رجاله يامصر طول عمر ولادك رجاله

متزعلش منى يا استاذ فهمىولكن احب افكر الزملا باول سوال نزل فى امتحان الكادر وهو فى اللغه العربيه وكانت اجابته اصبح المصريون منشغلين وهو ده الهدف ان يجعلونا منشغلينالا بالحق هى يجعلونا منشغلين كده صح ولا يجعلونا منشغلونمش عارفه بتهيالى الاولى ياريت اعرف راى الجمهور

طيب هذه المقابلة قبل النتيجة والا هتكون بعد النتيجة؟؟

كل ده من الكادر

متزعلش منى يا استاذ فهمى


ولكن احب افكر الزملا باول سوال نزل فى امتحان الكادر

وهو فى اللغه العربيه وكانت اجابته اصبح المصريون منشغلين
وهو ده الهدف ان يجعلونا منشغلين
الا بالحق هى يجعلونا منشغلين كده صح ولا يجعلونا منشغلون
مش عارفه بتهيالى الاولى ياريت اعرف راى الجمهور






الأستاذة الفاضلة amal_amm

كل عام وانتم بخير
ورمضان كريم
هذا حوار باسم لواقع أليم
شوف تستشفين ما أقصده من بين السطور
هكذا أنا فيما أكتب
إن هذا الحوار يعبر عن الواقع المرير لبعض الناس
الذين يقولون مالا يفعلون
أويفعلون عكس ما يقولون
وما أكثرهم بيننا
ونسأل الله أن نكون من أفضل الناس
الذين يستمعون القول فيتبعون أحسنه
الأخت الفاضلة
تطلبين راي الجمهور في أشياء إختيارية هذا هو الصواب
أما فيما ثبتت قواعده فإن القاعدة تبين الصح من الخطأ
ولا يغير منه أو فيه راي الجمهور
فجملة يجعلونا منشغليين صحيحة
لأن (جعل) فِعْلٌ يفيد الرَّجْحَان وينصبُ مَفْعُولَيْن
إذن إنتهينا من هذه
وأما حكاية يلهونا ويخلونا منشغلين علي الفاضي
عشان مانفكرش في حاجة مفيدة أو نافعة
أو حاجة تؤذي الناس اللي فوق كما يقول البعض
فلاأعتقد ذلك
وهنا يمكن أخذ الأراراء أوالتكهن يعني التخمين
أتفقنا ولا لسّة
وبعدين ماذا فعلْتِ أيتها الأخت الكريمة لكي أزعل منك
بالعكس أنتِ نورتينا وشرفتينا
وأنا تحت أمرك
ولن أتردد في تنفيذ أي طلب
في حدود إمكانياتي ويكفيني شرف المحاولة
فأن أصبت ( من الصواب ) فبها ونعمت
وأن أصبت من الإصابة ( والعياذ بالله)
فأرجو من الله أن يكون وقعها خفيفا علينا
وأن يلطف بنا الله

يا أستااااااااااااااااااااذ فهمي ـــ حضرتك نسيت تقوله ـ قصدي تقول لمعالي الوزير :::::
الواد محمد عبد العظيم أبو لسان زالف ــ قلبه طيب قوي ـ وسيبك من الشعارات اللي رافعها والكلام الفارغ دا ــ وسيبك من كلامه على الكادر ــ دا لو وقف قدام معاليك زي ما أنا واقف دلوقتي هيقول فيك شعر أكتر من اللي انا قولته ــ بس هوه متحمس شويه وروح الشباب هيه اللي هتوديه في داهيه ــ وياريت تشوفلنا قبل ما أمشي اتنين كيلو كادر من اللي وصى عليهم لقمان الحكيم ــ كيلو ليا ـ وكيلو للواد محمد عبد العظيم أبو لسان زالف عشان يسكت ـ اطعم الفم تستحي العين بقا ـــ
ويجعله عاااااااااامر

ياحبيب قلبي
الوزير هوه اللي قلبه طيب
إنت ناسي وقفته معانا
وسؤاله علينا أول الإمتحانات
وبعدين نحن لا نستجدي أحدأ
ولاتستحي عيوننا عن المطالبة بحقوقنا
وأنا أطلب حقي بكل طريق شريف
وباعمل اللي عليَّ والباقي علي الله
وبعدين إللي أوصي به لقمان الحكيم
يعدل المزاج
إنما اللي بتقول عليه ده يقلب الدنيا
وبعدين فين هوه الشعر
اللي أنت ناوي تقوله
ما تسمعنا ياسيدي

وبعدين فين هوه الشعر
اللي أنت ناوي تقوله

ما تسمعنا ياسيدي

طبعا انت عايز تسمع الشعر اللي عايز اقوله للوزير ــ
حااااااااااااااااضر
اسمع يا سيدي

إليك يا سيادة الوزير هذا الشعر الجاهلي الرصين الذي تمخضت عنه صلات المجد الشعري القديم بالروعة والجمال للشعر الحديث ..
اسمع بقا يا سيدي
هاقوله :

الحلـــــــــــــــــــــــــزونه يا أمه الحلزونه
إديلوا يا امه ــ الكادر في الحلزونه

ويجعله عااااامر

طيب خد عندك هذين البيتين
وممكن تكون عدة أبيات
بس تقولي رأيك

مــــاذا أقـــــولُ له لــو جــاء يسْالُـني ..ماحــالُ كــــادرنِا عا النــتِ والياهــــــــــو
راح أقولّه ذاكرْ يابيه دي الأسئلة هايفة ..وإن قالي ما اعرفْهاش ح اديه علي قفاهُ


طبعا كلام موزون ومقفي
ويحمل بين ثناياه ويضم بين طياته جرسا موسيقيا
يبعث الراحة والطمانينة
في قلوب العذاري قصدي المدرسين
ويجعلهم هائمين في دنيا الكادر

[quote=mr fahmy;751684]طيب خد عندك هذين البيتين

وممكن تكون عدة أبيات
بس تقولي رأيك

مــــاذا أقـــــولُ له لــو جــاء يسْالُـني ..ماحــالُ كــــادرنِا عا النــتِ والياهــــــــــو
راح أقولّه ذاكرْ يابيه دي الأسئلة هايفة ..وإن قالي ما اعرفْهاش ح اديه علي قفاهُ


طبعا كلام موزون ومقفي
ويحمل بين ثناياه ويضم بين طياته جرسا موسيقيا
يبعث الراحة والطمانينة
في قلوب العذاري قصدي المدرسين

ويجعلهم هائمين في دنيا الكادر


بجد ــ رائعة ــ وزجل ممتااااااااااااااااااااااااز
وعموما ـــ خلاص يا مستر فهمي ــ روح انت نجحت في الكادر
جبتهالك من الكنترول ـ واسنتا بقا التنسيق

أما بالنسبالي إن شاء الله السنه اللي جايه بقا لو كان لينا عمر
ولو قولتلي اشمعنى اخدوك انت ناجح وانا لأ ؟؟؟
هاقولك حظظظظظظظظظظظك يا عم طلعت من العشره في الميه
العشششششششششششششششششره الطيبة

ربنا يطول في عمرك
وينجحك يارب
والله انا ثقتي في شباب مصر كبيرة جدا
وبلدنا مش حاتتطور الا بالشباب اللي زيكوا
الشباب الواعي المثقف
وبعدين انا ماكنتش باحسبك واصل قوي كده
انا قعدت اضرب نفسي بالأقلام ( ألطم يعني )
عشان أحس إن أنا عايش
لأني مش مصدق أني نجحت
وبقيت محظوظ وبقيت من العشرة في المية
مش قلت لك قبل كده أنا متعود علي المصايب
إنما الأخبار الحلوة ممكن تعمل معايا حاجات مش كويسة
دانت من ساعة ما قلتلي كده
وانا عمال ألطم الخدود وأشق الجيوب إللي هي مشقوقة أساسا
بس عارف يا أستاذ محمد
أنا برضُه خايف من التنسيق لأنه حيوديني عا البيت
دا إن مادخلنيش السجن والعياذ بالله
ألاَّ قول لي هى العشرة الطيبة
دى مسرحية بتاعة سيد درويش
ولا بتاعة الوزارة

الله الله الله
رائع

عاوزين تخفيفا عن هموم النتيجة يا استاذ فهمي

فينك يا فيلسوف المنتدي
انت فين يامستر فهمي
لك وحشه والله العظيم

تغيب تغيب وترجع بفكر جديد .. روح ياشيخ دا انت عجيب

ههههههههههههههههههههههههههههههههههههههههههههه

مستر فهمي
واحشنااااااااااااااااااااااااااااااااااااااااااااا ااا جدا

أستاذ فهمي
انت فين
فين مواضيعك الهادفة
ومشاركاتك الرائعة والصائبة
وتعليقاتك المهذبة
عايزين نعرف رأيك وتقول لنا
نعمل إيه بعد النتيجة
سواء كانت كده او كده

والله حضرتك دمك خفيف مش عيب انك تحلم اهم حاجة تحول الحلم الى حقيقة مع العلم ان بلدنا مش ممكن حتى تفكر فى اللى بيفكر وانت تنفذ مش دى حاجةتهلك من الضحك وعلى العموم انت مشكور علشان خليت الواحد يضحك