بسم الله الرحمن الرحيم
أولا مبروك لكل الطلاب اللي خلصوا ثانوية عامة

وقبلوا في كليات الصيدلة

وبما إن فيه طلاب كتير بيستفسروا عن كلية الصيدلة .. وعن كيفية الدراسة

ونظام المواد وتوزيعات الدرجات ..

وطريقة المذاكرة ...

فحبيت اننا نساعدهم بما أننا أخذنا خبرة إلى حد ما وممكن نفيدهم بشكل أو بآخر

بالنسبة للمواد عموما .. فهي إلى حد ما مش صعبة وأجمل حاجه انك متسمعش لحد يقولك السنة الفلانية دي صعبة والكلية دي معقدة أو انها سهلة زيادة عن اللزوم أو مش محتاجة مذاكرة ...... أو أو ...

خليك لحد ماتشوف بنفسك وتجرب أول سنة وبعد كده تبقى تحكم وتقول ...

فيه نقطة كمان ...

انت لازم تحدد انت دخلت كلية الصيدلة ليه ... وإيه هدفك منها

هل هو مجرد دخول كلية من كليات القمة ... وهي 5 سنين وأتخرج .. وآخد لقب دكتور وخلاص .. ؟؟

اوعى يكون هو ده السبب اللي خلاك تختار الكلية دي ...

خلي عندك هدف أسمى من كده وهوا انك تقدر تعمل حاجه مفيدة ... لغيرك .... لبلدك ..

بالنسبة للتدريب في الصيدلية ... فأنا بفضل انك تنزل صيدلية من دلوقت .. ولو مجرد إطلاع ومشاهدة مش أكتر ... هتسمعلك كم اسم دواء وتقرأ كم روشتة ... وتشوف الأمور ماشية إزاي ... وكمان هتكسبك ثقة في نفسك ... بس أنصحك تختار صيدلية فيها دكتور عنده استعداد انه يفيدك ويعلمك ... مش واحد يبقى متضايق من وجودك..

دي البداية وان شاء الله هنكمل كلامنا لاحقا ...

بخصوص الدراسة في السنة الإعدادية



في البداية لازم يكون معاك قاموس ... ويفضل يكون قاموس طبي سواء إلكتروني ...أو كتاب ... أو حتى على الموبايل ...



لأنك هتحتاجه بشكل كبير خصوصا في الأول



لأن زي ما احنا عارفين الدراسة هتكون بالإنجليزي ومعظم المصطلحات هتكون مصطلحات علمية .. وإوعر تتردد في انك تسأل دكاترتك ومعيدينك عن أي كلمة أو مصطلح مش فاهمه .. عشان تبقى فاهم كل حاجه ومتابع خطوة بخطوة ومتحسش إنك تايه وضايع ومش عارف تجمع ...



المواد غالبا بتكون عبارة عن ( لغة ونبات وحيوان وفيزياء وكيمياء )

بالنسبة للنبات فهو بيكون فيه حفظ بكمية كبيرة وبيكون شبه مادة الأحياء اللي درستها فالثانوي



الحيوان بيكون فيه مصطلحات كتير جديدة وبيكون فيه جزء تشريح ضفادع ... والتعرف على أجزاء الجسم



الفيزياء والكيمياء ... مش هيختلفوا كتير عن اللي درسته فالثانوية العامة بس مع توسع إلى حد ما ... وطبعا باختلاف اللغة اللي درستهم بيها وممكن عشان تقوي نفسك فيهم تاخد حاجه اسمها ( رفع كفاءة ) بتكون الكلية عاملاها .. وهي بتكون زي دروس خصوصية كده بس بتتاخد فالكلية واللي بيدرسوها معيدين عندكم فالكلية ...



واللغة دي بتكون ماده من خمسين درجه سهلة أوي ومافيهاش حاجه .. وهي عبارة عن قواعد إنجليزي خفيفة كده ..

اولا الموضوع منقوووول
و لو عجبكم انشاء الله اكمله

الموضوع مكرر اختى في نفس المندى

الموضوع مش مكرر
لانى بكلم على النظام القديم اللى هو فى اسكندرية
لكن الموضوزع التانى بيكلم على النظام الحديث
و اعتقد انك نظام قديم
و كنت لسة هكلمم انشاء الله على مواد النظام القديم
ارجوكم لو مقرر حد يقوللى عشان الموضوع طيل و اقدر افدكم بحاجة تانية انشاء الله

موضوع جميل جدا انا استفدت كتير
طب بالنسبة للقاموس فيه قواميس طبية كتير
لو فيه قاموس كويس ممكن تقوليلي عليه

جزاك الله خيرا
انشاء الله هكمل و اسالك عن قاموس

في قاموس طبي اسمه

MARASHI'S

Pocket Medical Dictionary

للدكتور محمد أسامة مرعشي .. ده كويس ممكن تسأل عنه فالمكتبات

خلينا نكمل ...

بخصوص كيفية الدراسة والمذاكرة .....

[لازم على مدار الأشهر تجرب كذا طريقة وأكتر من وقت للمذاكرة وتشوف أنسب الطرق وأكثرها فائدة وتركيزا بالنسبة ليك ... ولازم تعرف أن مذاكرة الثانوية العامة حاجة ... ومذاكرة الكلية حاجة تانية خالص ...

أكيد فيه ناس بتسأل .. طب أذاكر منين ؟؟ مفيش كتب وزارة ولا حاجه ؟؟

بالنسبة للسنة الإعدادية يفضل إنك تحضر محاضرات .. تخطط ورا الدكتور وتذاكر من الكتاب ..

وتبعد عن أي ورق تلاقيه فالمكاتب عشان غالبا بيكون خاص بالسنة اللي قبلها ..

ولو فاتك حاجه ممكن تصور محاضرات من واحد زميلك شاطر ..

فالبداية هتحس بنوع من التوهان وإنك مش هتنجح السنة دي و...و...
بس لازم تعرف إن الإحساس ده طبيعي جدا وكلنا حسينا كده فالأول ... وفي نهاية السنة جبنا أحلى التقديرات .

المهم إنك تحاول تقرأ اللي أخدته وتترجم المصطلحات الجديدة أول بأول ..ومرة في مرة هتحس إن

الأمور اتحسنت كتير وثقتك في نفسك زادت ..

فيه إيه كمان ممكن نتكلم عنه ...

بخصوص النشاطات والأسر والحاجات دي ..

أنا بصراحة مش من مشجعينها ، خصوصا في البداية .. لانها هتاخد من وقتك كتير وهتشتت تفكيرك .. خلي كل تركيزك في مذاكرتك .

وبعد ماتثبت نفسك وتكون رحت كليتك الأساسية ، ابقى شوف نظام الأنشطة هناك إيه .. ولو فيه حاجه لقيت نفسك فيها .. انضم ليها .. مع إني عن نفسي بفضل إنك تشغل وقتك في دورات خارجية ( كمبيوتر ومحادثة ولغات ... )

كل الحاجات دي هتساعدك في دراستك وكمان تكون معاك شهادات تنفعك لما تتخرج في مجال الشغل ..

فيه نقطة كمان


وهي موضوع الصداقة والصحوبية ..


كلنا فالأول حسينا إن إحنا لوحدنا وإن كل أصحابنا اللي كانوا معانا فترة الثانوي سابونا وكل واحد

راح لكلية أو حتى جامعة مختلفة


وخصوصا طلاب شهادات المعادلة يعني اللي أخدوا ثانوية عامة من بلد تانية غير مصر .. هيحسوا

بأحاسيس صعبة شويتين ..


المهم


مش شرط تصادق حد من أول سنة خليها مجرد زمالة


واتفرج على اللي حواليك واتعرف على طباعهم

وسيبك من نظام الشللية دي


وبعد كده ان شاء الله هتلاقي الصديق المناسب أو الأصدقاء يعني اللي هتكمل معاهم الخمس سنين

دول


بس المهم في الموضوع إنك ماتستعجلش الاختيار واختار صح



على كل الأحوال ده الكلام اللي جه في بالي دلوقت

ولو فيه نقطة معينة عايزين تعرفوها أو نناقشها سوا ... فأنا فالخدمة



مع تمنياتي للجميع بالتوفيق

والله انا حضرتك عامل مواضيع فيها نظام الدراسة بكل كليات الصيدلة

قديم وحديث وجديد وكله موجود والحمد لله

جزاكي الله خيرا
شكرا على المساعدة انا استفدت منك كتير

شكرا انا استفدت كثيرا منك

فعلا محتاجين الكثير من النصاءح
وارجو لمزيد من الفعل

يا جما عة كل واحد يعمل موضوع مشكور عليه

والله انا حضرتك عامل مواضيع فيها نظام الدراسة بكل كليات الصيدلة

قديم وحديث وجديد وكله موجود والحمد لله

انا عرفة ان مشاء الله مواضيعك كلها جميلة
بس انا مشفتش موضوع ليك فيه نفس الكلام ده
انا اقصد لما انت تقول معلومة و انا اقول معلومة كله يستفيد
و على العموم جزاك الله خيرا على المرور

جزاكي الله خيرا
شكرا على المساعدة انا استفدت منك كتير

جزاك الله خيرا
و انا بجد فرحانة انى افدتك الحمد لله

شكرا انا استفدت كثيرا منك

فعلا محتاجين الكثير من النصاءح
وارجو لمزيد من الفعل

جزاكى الله خيرا يا نشوى و الحمد لله انك استفدتى من النصئح
و ربنا يوفقك

يا جما عة كل واحد يعمل موضوع مشكور عليه

بس ياريت نبطل أنانية واللي هيرد ييقول كلمة حلوة لصاحب الموضوع ييتفرج ويسكت

جزاك الله خيرا على المرور و ربنا يوفقك
و انشاء الله مفيش انانية و لا حاجة
و كل اللى عنده معلومات انشاء الله يفيد غيره
و كلنا خوات

خلص الكلام

يا جماعة مفيش اى حاجة خالص
ليه بتكبروا المواضيع
تانى حاجة يا دكتور احمد انك كلمتنى باسلوب يوحى باننا مش عايزين منك حاجة
و هو ده اللى لفت نظرك مع انى عملت مواضيع تانية
انا دورت على الموضوع ده فى المنتدى و ما لقيتهوش
و لو اتشال انا حطيته تانى محصلتش حاجة يعنى

بس ياريت نبطل أنانية واللي هيرد ييقول كلمة حلوة لصاحب الموضوع ييتفرج ويسكت
والله احنا مش قصدنا حاجة بجد فارما موضوعاتها كلها جميلة اوى بس الموضوع ده فعلا قريته هنا بالنص قبل كده وبعدين انا مقصدش انى اقولها كلامك مش له لازمة بس لفت انتباه لان الموضوع مكرر وبس يبقى حضرتك يا ريت تنتقى كلامك عشان متحاولش توقع بين الاعضاء وبعض ولو مش مصدق شوف ردودى ف الموضوعات التانية
انا هنا ف المنتدى مش بس بقرا واقول شكر لا انا بحاول اساعد المشرفين حتى لانى مش قد مسئولية الاشراف بس احب ان يكون منتدانا اجمل منتدى تمام؟
وعموما اسفة يا فارما لو كنتى زعلتى

يا دكتورة

هو ما يقصدش حضرتك

والله احنا مش قصدنا حاجة بجد فارما موضوعاتها كلها جميلة اوى بس الموضوع ده فعلا قريته هنا بالنص قبل كده وبعدين انا مقصدش انى اقولها كلامك مش له لازمة بس لفت انتباه لان الموضوع مكرر وبس يبقى حضرتك يا ريت تنتقى كلامك عشان متحاولش توقع بين الاعضاء وبعض ولو مش مصدق شوف ردودى ف الموضوعات التانية
انا هنا ف المنتدى مش بس بقرا واقول شكر لا انا بحاول اساعد المشرفين حتى لانى مش قد مسئولية الاشراف بس احب ان يكون منتدانا اجمل منتدى تمام؟
وعموما اسفة يا فارما لو كنتى زعلتى

انا عرفة والله انك متقصديش حاجة بس فعلا انا دورت على الموضوع و ما لقيتهوش
و لو موجود خلاص احذفوه لو عايزين
انا بس لما شفت الموضوع عجبنى قلت انقله و معرفش انه مكرر زى ما انتو بتقولوا
و على العموم انا مش زعلانة منك خالص انا حتى بحبك و بحب اقرا مشاراكتك
و بعدين ليه نظن سوء فى الاخ اللى قال انانية مش يمكن بيهزر و هو كمان ما يقصدقيش انتى اصلا
انتوا كبرتوا الموضوع اوى



يا دكتورة

هو ما يقصدش حضرتك

و بعدين يا دكتور احمد مكنتش اعرف انك بتزعل اوى كدة
مش يمكن صحبك و بيهزر معاك
ليه اخدت الموضوع بحساسية كدة
و بعدين يا سيدى لو الموضوع مش عجبك او مكرر
فى والله مواضيع تانية حلوة
و على العموم متزعلش و انا كمان مش زعلانة من حد
احنا فى رمضان حتى

شكرا علي الموضوع استفدت منه بجد

شكرا علي الموضوع استفدت منه بجد

جزاكى الله خيرا و ربنا يوفقك

جزاك الله خير هذا من افضل المواضيع بالمنتدى

انا داخل صيدلة اسماعيلية (شهادة معادلة)

ana da7'alt saydala QAHERAA w begaad ana estafat kteer menek begad shokran bas ana 3ayza ata2ked menek men 7aga howa ana a7'od dars fi el Organic wala amshy fiha 3ady 2sl fi nas men rab3a 2aloly en ana lazem 2ases nafsy kowayes men el 2awel ana asfa en ana tawelt 3aliky Bye Bye .:huh::rolleyes:

ميرسي اوي يا دكتورة وبجد كلامك حلو اوي وياريت متقلبوش الموضوع خناقة واحنا معاكي وخليكي انتي كمان معانا وشكرا مرة تانية ع المجهود العظيم ده