مشاهدة النسخة كاملة : هل تقبلين أن يكون زوجك أصغر منكِ ؟؟ هل تقبل أن تكون زوجتك أكبر منكَ ؟؟
eng.midosaid 03-09-2008, 02:53 AM قرأت في احدى المجلات سؤال
لفت نظري وبشده ....
وتأملت لعلي اجد ردا مقنعا من ردود البعض الذين وجه لهم السؤال ولم اقتنع طبعا
ولا بأي رد ...
السؤال يقول
هل تقبلين أن يكون زوجك أصغر منكِ ؟؟
هل تقبل أن تكون زوجتك أكبر منكَ ؟؟؟
وانتوا بتحبوا بعض كتير
سؤالين وبطريقتان ولكنهما يؤديان الى نفس المعنى ...
وبما اننا في مجتمع شرقي ..تحكمه قوانين محددة خاصة في مسألة تحديد شريك الحياة ... وتفرض أحياناً التقاليد والأعراف شروط للاختيار بعضها يعتبر من المسلمات ويندرج بينها عمر الزوج الذي يجب أن يتجاوز عمر الزوجة ... إلا أن بعض حالات الزواج تمردت على هذه القاعدة بعضها لأسباب خاصة تحيط بظروف الإرتباط والبعض الآخر لقناعتهم بأن الفارق العمري لصالح أحد الأطراف لايشكل عائق أمام الزواج السعيد ...
لكن يبقى المجتمع العربي محتفظاً بنظرته لمثل هذه الزيجات ...
فهل تقبلين أن يكون زوجك أصغر منكِ؟؟؟؟؟...
وأنتَ هل تقبل أن تكون زوجتك أكبر منكَ ؟؟؟
وما هى الدوافع التى تجعلك تقبل او تقبلين ..........بهدا الزوج او الزوجه ؟؟
اتمنى انه موضوعي يكون عجبكم و رجاءا الرد بأسلوب مقنع..!!
ولاتحرموني من ردودكم
ولا تنسو ان السيده خديجه رضي الله عنها اكبر من الرسول صلى الله عليه وسلم بكتير !!!!
الضوء الشارد 03-09-2008, 03:01 AM أنا لأقبل زوجتى تبقى أكبر منى لكن ممكن تبقى أصغر منى لأن الست لو كانت أصغر منها هاحس باملل من حياتى معاها لما تكبر
rose 2010 03-09-2008, 03:04 AM هل تقبلين ان يكون زوجك اصغر منك؟؟؟؟ لا معتقدش لازم يكون اكبر منى بسنتين اوحتى بعشر سنين........تقبل مرورى
بص انا لا اقبل ان زوجي يكون اصغر مني
و انت زكرت سيدنا محمد لي الله عليه وسلم و السيده خديجه رضي الله عنها بس دي حاله خاصه جدا و مش معني ان جوازهم كان ناجح ان الجوازات التانيه اللي بالشكل ده هتنجح
تقبل مروري و رايي
Dr.taz l0gic 03-09-2008, 03:11 AM الموضوع مش بالسن بالتفكير والنضج
وطبعا كلنا نعرف زواج سيدنا محمد - صلي الله عليه وسلم - بالسيدة خديجة ودا اروع مثال ممكن يكون في الموضوع ده
بس دي عادات وتقاليد واهية وانا شايف ان الموضوع عادي
كل التقدير والاحترام
rose 2010 03-09-2008, 03:15 AM اسفه نسيت اقول مقبلش ليه! ممكن علشان احنا فى مجتمع شرقى وغير اللى هيفضل يتقال بقى...خدها على ايه...دى حتى اكبر منه..والبقيه معروفه
اوركيديا 03-09-2008, 03:33 AM مش فاهمه فيها ايه
واحد تفكيرنا متقارب خلاص
اكبر منى اصغر منى قدى
مش فارقه
الغرب مش حيبقو احسن مننا فى الحته دى
مع اننا عندنا اروع مثال عن ان السن مش يفرق
مادام عارفين يفهمو بعض
و كمان الاخت اللى بتقول حاله خاصه
لا طبعا
ربنا ادالنا المثال ده عشان نقتدى بيها
يبقى كده كل حاجه الرسول (ص) عملها نقول عليها حاله خاصه
احنا اللى بنفذ غلط
و نقول اعراف و تقاليد
فى رعايه الله
C A N D Y 03-09-2008, 03:42 AM لا طبعا
لازم يكون فى فرق سن
اقل حاجة 5 سنين
او يوم ما يكون مفيش يبأى 3
و زى ما جبتو الرسول مثل
شوفو اى حد اتجوز واحدة اكبر منه
اكيد معظم الزيجات دى بتفشل
و ان كان بعد وقت طويل كان او قصير
الرسول عليه الصلاة و السلام كان اكمل الناس عقلا
يعنى مش هنقارنه بحد من دلوقتى
و بعدين دى واحدة بس من 9!!!
لما يبأى 8 اصغر و واحدة اكبر يبأى اكيد القاعدة الصح ان هى تبأى اصغر
و بعيدا عن شرق او غرب
و بعيدا عن كلام الناس اللى بيأخر..و عمرى ما مشيت وراه
الصح ان الزوجة تكون اصغر
و عمر ما اتنين فى نفس العمر هيكون تفكيرهم متقارب
فما بالك بواحدة اكبر من زوجها!!
( لؤلؤة الإسلام ) 03-09-2008, 03:57 AM عادي ما فيش مانع لو الفرق مش كبير
بس الاهم ان التفكير يكون متقارب ..
انا اعرف ان البنت لازم تكون اصغر .. لأن تفكير الستات فمراحل معينة بينضج اسرع من الرجالة ..
MBM-MaDo 03-09-2008, 06:22 AM عجبنى اوى الموضوع...
انا من راى ان السن مش مهم طالما الزوجة مش اكبر بفرق كتيير...
المهم الفرق السنى بين التفكري ده و التفكير ده...
و كمان فيه عامل مهم اسمه الحب....
ده كان راى...
شناكل..
maldeno 03-09-2008, 06:53 AM طبعا لازم يكون الراجل اكبر
لانهم مش عايشين لوحدهم
مش حيخلصو من كلام الناس
احسنلهم يسافرو او يهاجرو
king mo7amed 03-09-2008, 10:34 AM عندي مش فارقه ومش عارف ليه بعض الاعضاء بيقولوا انها هتفشل
النجاح والفشل يقاس بالحب بس
**تسابيح** 03-09-2008, 12:02 PM لا مينفعش ان زوجي يكون اصغر مني
ممكن مش نقدر نتاقلم مع بعض
وكمان المراة بتكبر بسرعة
والرجل بيحتاج انها تكون ف نظرة
حلوة ع طول لما يكون اصغر اكيد
هيسبها ويتجوز غيرها
وكمان احنا عمرنا ما هنوصل
للرسول صلي الله عليه وسلم
هو لو حصل جواز زي دا مش هيبقي حرام
او حتي عيب بس ممكن احنا من الضغط
اللي هيكون حولنا هنبعد عن بعد
ميرسي ع الموضوع العثل دا:d
باسم باشا 03-09-2008, 01:36 PM لازم يكون في تفاهم بين الزوج وزوجتة ولاكن مش لازم يكون الزوج اكبر عشان يكون فيه تفاهم
والموضوع دا كان عادي قبل ما توصانا افكار الغرب المتخلفة ومش السن الى بيحدد في تفاهم او لا
النبي صلى الله عليه وسلم لما كان عنده 6 سنين وماتت امه راح لام ايمن وقالها انتي امي بعد امي
ولما كبر وتبنى زيد قبل الاسلام وكان ذيد يعتبر ابنه فزوج النبي صلى الله عليه وسلم ام ايمن لزيد
وتخيل الفرق بينهم
انا عادي ايوه اقبل الزواج الزواج من اي واحدة اكبر مني
** MR.SmilE ** 03-09-2008, 01:58 PM ثانكس علي الموضوع
فكرته هايلة
الاهم يكون في تفاهم بين الاتنين بغض النظر مين الاكبر
بس برضو ميكونش الفرق جامد يعني سنة او اتنين مش هتفرق جامد
باسم باشا 03-09-2008, 02:22 PM لا مينفعش ان زوجي يكون اصغر مني
ممكن مش نقدر نتاقلم مع بعض
وكمان المراة بتكبر بسرعة
والرجل بيحتاج انها تكون ف نظرة
حلوة ع طول لما يكون اصغر اكيد
هيسبها ويتجوز غيرها
وكمان احنا عمرنا ما هنوصل
للرسول صلي الله عليه وسلم
هو لو حصل جواز زي دا مش هيبقي حرام
او حتي عيب بس ممكن احنا من الضغط
اللي هيكون حولنا هنبعد عن بعد
ميرسي ع الموضوع العثل دا:d
ليه يعني مش هيبقى فى تاقلم ليه يعني
على فكرة الصورة الرمزية دي حلوة قوي :d
د/صديق 03-09-2008, 02:45 PM اقبل متاسيا فى ذلك بالنبى
Dr.Nobel 03-09-2008, 02:54 PM طيب وايه المانع انا مش بيفرق معايا السن
المهم ان يكون الفردين بيحبو بعض
ومحدش يتكلم عن الشكل والحلاوة والكلام ده لان طالما الراجل اتجوز واحدة عشان بيحبها يبقي مش فارق معاه شكل ولا حاجة
وهيكون فيه تاقلم وكل حاجة بس احنا اللى مجتمعنا بيفكر ان الراجل لازم يبقي اكبر
واكبر دليل زواج الرسول صلي الله عليه وسلم من السيدة خديجة برغم فرق السن الكبير بينهم
احمد فاروق1991 03-09-2008, 02:58 PM طبعا لا
اعتقد على الاقل نكون فى سن واحد او انا اكبر بس غير كدة معتقدش
Prof.Dr/A.T.M 03-09-2008, 04:59 PM لا مش هقبل يكون اصغر منى
فجر الإسلام 03-09-2008, 05:17 PM أنا شايفة إن الموضوع عادي طالما هناك تفاهم بين الطرفين
وأنا عندي مثال لكده وما شاء الله الوقتي عايشين في أحسن حال
أهم حاجة ألا يهتموا بكلام الناس
كلمه حب 03-09-2008, 10:25 PM بجد فكرة الموضوع حلوه اوى تسلم ايدك:):):) بس انا شايفه ان الاساس فى موضوع الارتباط
ده الحب والتفاهم وارتباط القلب والعقل مع بعض يبقى ده معناه ان الطرفين عندهم القدره
لتحمل المسئوليه وانهم يواجهو أى صعوبات ممكن تواجههم بعيد بقى عند موضوع السن
وكلام الناس علشان من الاخر الناس مش بتبطل كلام أبدا مهما حصل يعنى لو العروسه قمرررر
هيقولو ايه اللى يغصبها تتجوز واحد ذى ده وياحرام هتتظلم كده:mad: ولو العريس هو اللى امور بقى
وواد جنتل كده هتلاقيهم بيقولو ملقاش غير ................ علشان تشاركه حياته:mad: ولو العريس كبير
بكام سنه يقولولك ياعينى البنت بقت عانس علشان تقبل تتجوز واحد أكبر منها !!!!!!:mad: ولو هى اكبر
احنا طبعا عارفين الكلام الجميل اللى بيتقال بس لو مشينا ورا كلام الناس مش هنعمل أى حاجه فى
حياتنا لا كويسه ولا مش كويسه هنفضل واقفين فى مكاننا وخايفين من نفسنا حتى مش معنى ده
اننا نهمل المجتمع اللى احنا عايشين فيه أكيد لا بس لازم مش ياخد أكبر من حجمه ومش الناس هى
اللى تتحكم فى مصيرنا وتقررلنا أهم حاجات فى حياتنا يبقى لازم نتعلم نتحمل مسئوليه قرارتنا أيا كانت
وبعدين الارتباط ده قدر ونصيب من ربنا بس أنا لو اتحطيت فى الموقف ده هأقبل صحيح هتبقى صعبه
شويه بس أبقى باستغنى عن تقاليد خرافيه شكلها المجتمع على مزاجه وبكسب حياتى ومستقبلى
( بيتهيألى دى حاجه تستاهل انى أتخلى عن الحاجه دى لان مستقبلى اهم وطالما لقيت الراجل
اللى بجد يحسسنى بالامان يبقى مش مهم أى حاجه تانيه بقى والتوفيق من عند ربنا )
وايه رايكو ياجماعه لو البنت أكبر مثلا بشهر او حاجه كده بسيطه والفردين فى سنه دراسيه واحده
بس ظروفهم مناسبه وبيحبو بعض فعلا تفتكرو يسيبو بعض علشان كلام الناس ويضيعو حلمهم ؟؟؟؟؟
سورى على الاطاله بس بصراحه الموضوع عاجبنى جدااااااااااا ميرسى عليه بجد .:rolleyes::rolleyes::rolleyes:
Eng_Hegazy91 03-09-2008, 11:09 PM اولا الف شكر على المجهود الرائع
ثانيا بما اننا من الجتمع الشرقى المسلم فإنى ارى انه وجب علينا التأسى بسيدنا محمد صلى الله عليه وسلم
الذى تزوج من ام المؤمنين السيده خديجه والتى كانت اكبر منه صلى الله عليه وسلم ب 15 سنه
يعنى احنا اخطأنا فى مفاهمنا وعادتنا وتقاليدنا حتى خالفت هدى رسول الله
وارجو ان يتقبل مرورى
اشراقة 04-09-2008, 12:20 AM الفرق السنى عامل مهم جدا بين اى اتنين سواء اصدقاء اخوات معارف اى حاجة لتحديد الفكر المتبادل
فما بال الزوجين
فمن رايي اذا كان الفكر متقارب ويوجد بينهما الفة فالسن مهما كان صغير او كبير مش هيغير حاجة
ولو ما فيش فكر متقارب حتى لو سن الزوج اكبر مش هيحل مشكلة
حد يقول رايه فى اتنين بيحبوا بعض من ابتدائى لحد ثانوى(حب ارتباط مستقبلى ) ولسة بس هى اكبر منه ب عشر ايام
بالذمة هما ذنبهم ايه
noor_20 04-09-2008, 01:12 AM الزوج عقله لازم يبقى اكبر من الزوجة وده يحصل نتيجة كبر السن لان المراة عقلها بينضج قبل الرجل وكل سنة وانتو طيبين
happiness_sadness7 04-09-2008, 01:02 PM اولا احب ارحب بيكم
وبجد شكرا عالموضوع
موضوع رائع
واحب اقولك علي وجهة نظري
ايوة اوافق علي اني اتزوج من امرأة
اكبر مني سنا
ده لو بحبها وهي بتحبني
ياريت اتزوج من واحدة اكبر مني
ده كفاية ان الرسول اتزوج من السيدة خديجة وكانت اكبر منه بحوالي 15 عام
ده انا اتمني
وشكرا تاني عالموضوع
وتقبل مروري ;););)
رونالدينهوو 04-09-2008, 01:15 PM السلام عليكم ورحمة الله وبركاته
شكراااااااا على الموضوع
انا موافقش ان زوجتى تكون اكبر منى ابدااااااااا لازم تكون اصغر منى على الاقل 3او اربع سنين وعلى الاكثر فرق 10سنين وبعدين الزوجة اللى تخدها صغيرة تكبر واللى تاخدها كبيرة تموت بسرعة او تعجز
صح:lol::p:p:p
eng.midosaid 05-09-2008, 01:07 AM شكرا على تفاعلكم مع الموضوع
وانا بصراحه رايي ان فعلا عقل الرجل لازم
يكون سابق عقل المراة لان هوا المفروض قائد الاسره
وقراراته هي القرارات الحاسمه في كل الامور
وشكرا مرة تانيه على ردودكم الجميله
**تسابيح** 06-09-2008, 05:40 AM ليه يعني مش هيبقى فى تاقلم ليه يعني
لان لو كنت اكبر مني ممكن تكون عقليتي اكبر منه و مش دا
صفات الراجل اللي ممكن ارتبط بيها ف حياتي
لان الزواج مش يوم او اثنين دا حياة كاملة وعمر ثاني
أما بالنسبة لزواج الرسول صلوات الله عليه من أم المؤمنين خديجة
ظروف بيئتهم اختلفت تماما ... الشاب في سن العشرين كان يتحمل مسئولية
بيوتا وليس بيتا واحدا بينما الآن ؟! لا يستطيع الشاب في العشرين ان يتحمل
مسئولية نفسه فمابالك ببيتا وعائلة ؟
اختلاف الرأي لا يفسد للود قضية :rolleyes::rolleyes::rolleyes::rolleyes:
على فكرة الصورة الرمزية دي حلوة قوي :d
ميرسي اتفضلها:d:d
semsema_semsema 06-09-2008, 05:48 AM انا عن نفسى ماأفضلش ان زوجى يكون اصغر منى بل بالعكس ماعنديش مانع انه يكون اكبر منى بكتير بس مش اوى بردو
بس دا مايمنعش ان فى حالات بتكون الست اكبر من الراجل والعكس وبتنجح الزيجات دى لكن من رايى الشخصى لاء ماحبش انة يكون اصغر منى لان احتمال احس ان فى تفاوت فى التفكير والنضج واحساس انى اكون انا الاكبر مش حلو بردو
هنا الفقي 06-09-2008, 09:19 AM طبعا هي الحكاية مش بالسن خالص بس بالنسبة لي وانا طبعا لا اقبل بتبقى مسالة احتواء يعني الزوج لازم يحسس زوجته باحتوائه ليها
وده فكل حاجة بقى
طبعا ف المكانة العلمية اولا فوق كل شيء وبعد كده نشوف التفاهم واصل لحد فين وبعد كده نتكلم ف السن
ومحدش يقول ان الرسول كان اصغر من السيده خديجة سنا
لان ده الرسول ....الرسول مفيش كلمة تتقال اكتر من كده
شكرا
باسم باشا 06-09-2008, 09:38 AM طبعا هي الحكاية مش بالسن خالص بس بالنسبة لي وانا طبعا لا اقبل بتبقى مسالة احتواء يعني الزوج لازم يحسس زوجته باحتوائه ليها
وده فكل حاجة بقى
طبعا ف المكانة العلمية اولا فوق كل شيء وبعد كده نشوف التفاهم واصل لحد فين وبعد كده نتكلم ف السن
ومحدش يقول ان الرسول كان اصغر من السيده خديجة سنا
لان ده الرسول ....الرسول مفيش كلمة تتقال اكتر من كده
شكرا
وبعدين مين قال ان النبي
بس دا كمان زيد لما
تزوج من ام ايمن
واني كمان بتقولي احتواء
وموضوع النضج والعقل دا مش بالسن
ابدا خاصتا في الزمن دا ;)
منى ذكى 06-09-2008, 12:29 PM يمكن دلوقتى اعد اقول لا استحالة اتجوز ولد اصغر منى بس ممكن لو لقيت شخصية محترمة بعد كدا وفى تفاهم وحب بينا يبقا ليه لا؟ شكرا على الموضوع
نبض الحياه 06-09-2008, 12:45 PM انا الصراحة مش عندى مانع انو يكون اصغر سنة او شهورلكن اكتر من كدة مش ينفع عارفين لية؟؟؟؟؟؟؟؟؟؟؟عشان احنا فى مجتمع مصروانتو عارفين الباقى بقا
نبض الحياه 06-09-2008, 12:47 PM انا الصراحة مش عندى مانع انو يكون اصغر سنة او شهورلكن اكتر من كدة مش ينفع عارفين لية؟؟؟؟؟؟؟؟؟؟؟عشان احنا فى مجتمع مصروانتو عارفين الباقى بقا
..حدوتة.. 06-09-2008, 02:20 PM لا طبعا ماينفعش يبقى اصغر منى هى حفلة لازم يكون اكبر منى ع الاقل ب3 سنين عشان نقدر نتفاهم مع بعض لان معروف ان البنت بتنضج قبل الولد وده اللى بيخلى تفكيرها سابق تفكيره
الشفق الباكي 07-09-2008, 01:17 AM مقدرش احكم دلوقتى
الانسان عمره مايحكم على حاجه وهو خارج الموقف
راى الانسان بيختلف 180لما يلاقى نفسه فى الموضوع
the black rose 07-09-2008, 01:23 AM انا افضل انه يكون اكبر منى
عشان احس بحنانه
بس ايه المانع انه يكون اصغر
بصراحة لما اتحط فى الموقف ممكن احدد
لكن دلوقتى مقدرش
tamer_7887 07-09-2008, 05:56 AM يعني ايه جواز أصلا من وجهة نظر كم ؟
|