|
مشاهدة النسخة كاملة : الالتحاق بكليتين في وقت واحد همسة حلم 21-09-2016, 03:38 PM السلام عليكم أنا في كلية الطب و بحب كليتي الحمد لله بس بحب علم النفس جدا وعاوزة كمان ادرس في كلية اداب علم نفس هو ينفع الالتحاق بكليتين في وقت واحد ؟؟؟ يعني أكون تانية طب وأولى آداب قسم علم نفس ... انتساب أو تعليم مفتوح حتى؟؟؟؟؟ nagar3321 21-09-2016, 06:42 PM الناس مش طايلة كلية واحدة وانتى عايزة اتنين مينفعش بعد الطب ممكن تدرسى دراسات عليا فى علم النفس وائل نور 23-09-2016, 01:00 AM وبعد الطب ممكن تتخصصي فى الطب النفسي همسة حلم 23-09-2016, 11:02 AM وبعد الطب ممكن تتخصصي فى الطب النفسي ماهو انا مش عاوزة أكون دكتورة نفسية .. بس ﻷني بحب علم النفس كنت عاوزة ادرسه لنفسي بس همسة حلم 23-09-2016, 11:05 AM الناس مش طايلة كلية واحدة وانتى عايزة اتنين مينفعش بعد الطب ممكن تدرسى دراسات عليا فى علم النفس يعني ممكن أحضر دراسات عليا في علم النفس من كلية آداب بعد طب عادي .. وانا اصلا مش خريجة آداب علم نفس؟! حمزة سعيد احمد 25-09-2016, 11:17 PM عادى طالما انك حاصلة على مؤهل عالى yarab yarab 28-09-2016, 01:37 PM ربنا يوفقك يارب ويوفقنا جميعا والمسلمين همسة حلم 28-09-2016, 11:07 PM عادى طالما انك حاصلة على مؤهل عالى تمام ..شكرا :) Hacker97 30-09-2016, 12:02 PM من رأيي .. الأفضل عشان متضيعيش وقتك فى عمل دراسات عليا مش هتستفيدى منها بعد التخرج خصوصاً فى مصر , هو أنك تبتدى تقرى و تشترى كتب عن علم النفس من دلوقتى كأنها هوايه يعنى :D أصل انتى مش لسه هتقعدى 7 سنين عشان تبتدى تقرى عن الحاجه اللى بتهويها :D أكيد بعد الفتره دى كلها تفكيرك هيتغير و ممكن اصلاً متهويش علم النفس تانى. If you want to do something then do it now because life is short and you never know if you'll get that chance to do it. على فكره المفروض أصلاً تخصص الطب النفسى فى مصر يكون تابع لكلية الطب البشرى زيه زي تخصصات العيون , الأورام , جراحه , عظام .. إلخ بس ده سوء تنظيم من الجهات اللى بتنظم التعليم فى مصر ... يعنى فى الدول خارج مصر بتدرس الطب النفسى تبعاً لكلية الطب :D بس عادى دى حاجه طبيعيه بما أنك فى مصر تلاقى سوء تنظيم فى كل حاجه مثلاً عندك كليات زى حاسبات و معلومات و كلية الهندسه تخصص الحاسبات :D أتمنى أكون أفدتك. همسة حلم 06-10-2016, 11:39 PM من رأيي .. الأفضل عشان متضيعيش وقتك فى عمل دراسات عليا مش هتستفيدى منها بعد التخرج خصوصاً فى مصر , هو أنك تبتدى تقرى و تشترى كتب عن علم النفس من دلوقتى كأنها هوايه يعنى :d أصل انتى مش لسه هتقعدى 7 سنين عشان تبتدى تقرى عن الحاجه اللى بتهويها :d أكيد بعد الفتره دى كلها تفكيرك هيتغير و ممكن اصلاً متهويش علم النفس تانى. If you want to do something then do it now because life is short and you never know if you'll get that chance to do it. على فكره المفروض أصلاً تخصص الطب النفسى فى مصر يكون تابع لكلية الطب البشرى زيه زي تخصصات العيون , الأورام , جراحه , عظام .. إلخ بس ده سوء تنظيم من الجهات اللى بتنظم التعليم فى مصر ... يعنى فى الدول خارج مصر بتدرس الطب النفسى تبعاً لكلية الطب :d بس عادى دى حاجه طبيعيه بما أنك فى مصر تلاقى سوء تنظيم فى كل حاجه مثلاً عندك كليات زى حاسبات و معلومات و كلية الهندسه تخصص الحاسبات :d أتمنى أكون أفدتك. شكرا جدا ع التشجيع والكلام الرائع ... هو موجود تخصص أمراض نفسية وعصبية في كلية الطب بس انا مش عاوزة التخصص دة . ودة طبعا الاخصائي النفسي . ان شاء الله هبدأفعلا اشتري كتب علم نفس وأقرأها واعلم نفسي لأن فعلا الحياة قصيرة والكلية لسة طويلة أبوحمزه 08-10-2016, 02:35 PM والله انت نموذج للعلم النافع والثقة بالنفس أبوحمزه 08-10-2016, 02:36 PM وايه سبب حبك لعلم النفس ولا دى غريزة همسة حلم 08-10-2016, 05:46 PM وايه سبب حبك لعلم النفس ولا دى غريزة شكرا لحضرتك... -أنا بحب علم النفس لأنه فعلا المجال دة يتحب ... لأنه حتى لو مش هيفيدي في حياتي المهنية بعدين أكيد هيفيدني في كل مجالات حياتي وفي التعامل مع اللي حواليا بحكمة وهيوسع أفقي أكتر ويفيدني كمان في تربية أولادي مستقبلا و في كل حاجة |