كلية التجارة جامعة المنوفية [الأرشيف] - بوابة الثانوية العامة المصرية

l.d

08-09-2008, 12:54 AM

:cool:انا عندي ناس اعرفم اوي من بلدي في الكليه في سنه تانيه وفي رابعه وسالتهم عن الدكاتره
وكانت الاراء بالاجماع عن بعض الدكاتره الاشهر في الكليه اللي بيدرسوا للطلاب
بدايه
علي حسب الصفات المشهورين بيها
اولهم
أ .د / رأفت عبد المطلب رضوان تبع محاسبه
ده يا بخته اللي يديله بينجح وامتحاناته سهله وكتابه كويس مع شرحه الرائع وقبل الامتحان بيحددلك اطار الامتحان .

أ .د / ثناء على حسين القبانى
بتقرا من كتابها دايما والكل شغالين دردشه
شرح كويس مفيش

د / إسماعيل أحمد عصر
د / محمود عبد الوهاب مصطفى
د / محمد عبد الحميد مطاوع
ملهومشي لزمه واللي يقع تحتهم مش حيفهم حاجه وكتبهم مش كويسه مع شرحهم
مواد تتشال

قسم الاداره
أ .د / محمد محمد إبراهيم
راجل ممتاز بكتابه بشرحه ومعاملته مع الطلاب

أ.د / أحمد احمد عبد الله اللحلح
ده وكيل الكليه لشئون الطلبه الراجل المحترم ده تسمع منه كلام كبير ورائع لكن تنفيذ في المشمش ودايما بيكلم عن نفسه وعن انجازاته ومواقفه الرفيعه المستوي

أ .د / محمد محمد مصطفى البنا
دكتور محترم كتاب ممتاز شرح ممتاز معاملته ممتازه ومن الراجل ده تتعلم بجد يعني ايه اقتصاد

أ .د / سهير محمد السيد
بتعشق تهزأ اي حد ميفوتشي محاضره الا وتهزا وتسحب كارنيهات حد مع نهزيئه طبعا بسبب او بدون سبب وساعات متشرحش وتقعد المحاضره كامله تشتم وتهزا في الكل لكن برضه كتابها هايف وامتحانها اللي بيعدي فيه اي حد ذاكر اسبوع قبله .

د / سيد على طه حسين

بدون قصد سب ده حمار شغل يقعدك الثلاث ساعات كامله قاعد يشرح في تفاصيل التفاصيل ومتكبر جدا مغرور لكن دكتور بيشتغل صح صح 300% زياده عن اللزوم
وقاللك لو انت متكيفتش مع الراجل ومع اسلوبه
ده يبقي حتقعد الاربع سنين متعقد منه ومن محاضراته

د / محمود أحمد المتيم

ده اول مره اتشاف تاني مره اتشتم من الطلبه ومفيش محاضره يخشها الا والكل يجري يهرب منها ايا كان طالب فاشل او متفوق

أ .د / محمد فؤاد محمد حسان

بيخش معاه ورق محضره عي البروجيكتور بالظيط كاننا في درس خصوصي ويخلص من هنا ويهرب

أ .د / بيومى بيومى صقر

ده الكل بيحبه وبينجح وبيشرح كويس ومعاملته كويسه من الاخر حتنجح حتنجح

أ .د / عبد الحليم عبد الله القاضى

بيشرح للصبح في وادي واحنا في وادي لان شرحه بالاجماع :eek:

د / النعمانى عبد الحافظ النعمانى
دكتور احصاء ممتازكتابا وشرحا من النوعيه اللي تحضرله حتنجح بسهوله

الباقيبن حنعرفهم لما نخش
ان شاء الله

vampire1188

08-09-2008, 01:08 AM

ايه دا .. انتا طلعت منوفي يا i.d ؟

طب والله كويس .. وعلى فكرة شرحك للدكاترة شيق ولذيذ ..

معا تحفظي طبعا على بعض الالفاظ اللي انتا قولتها ..

عشان الدكاترة اللي زي دول .. انتا ماتعرفش عملوا ايه عشان يوصلوا لمنبر الدكتور في المدرج ..

ناس زي دي مهما كانت بتعرف تشرح او لأ .. مش هاييجي واحد زيي او زيك طالب لسه .. ويقول عليهم كلام زي دا ..

ياريت تتقبل كلامي بهدوء وبعقلانية ..

وابقي قولي بقي انتا منين من المنوفية ..

محمد يسري خالد

12-09-2008, 12:32 AM

شكرا يا جماعة

memo_90

12-09-2008, 04:04 AM

انا تجارة السادات اهلا وسهلا بيكم واتمنى ااننا نتعرف على بعض ونبقى اصحاب

محمد يسري خالد

12-09-2008, 02:37 PM

ان شاء الله .......... انت منين

OWN_style1

14-09-2008, 01:47 AM

هو ممكن حد يرد عليا هى تجارة انجليزى بتاخد من كام

OWN_style1

14-09-2008, 01:49 AM

عندكوا فى شبين يعنى

memo_90

14-09-2008, 03:39 AM

انا من البحيرة وانت

memo_90

14-09-2008, 04:36 PM

ايه يا شباب اومال فين الناس
معقول بتوع تجارة السادات قليلين للدرجة دى

mR . mOstafa Fathi

14-09-2008, 04:44 PM

مش هتلاقى حد
اسمع الكلام
وتجارة شبين اصعب من هندسة
وبكره تقولى كلامك صح يا مصطفى

memo_90

14-09-2008, 04:53 PM

اتحداك ان بتوع الكلية هيظهروا دلوقتى
يللا يا شباب

* sweetheart *

15-09-2008, 05:08 PM

السلام عليكم و رحمه الله و بركاته ..

انا تجاره شبين يا جماعه ..

بس تجاره عربى ..

و رايحه تالته ان شاء الله ..

و بالنسبه لوصفك للدكاتره ..

فــ د - سيد طه .. انا بحترمه جداً .. اى نعم شيلنى مادته فى اولى .. بس عادى .. :d ..

و د - عبد الحليم القاضى .. دايماً بشيل الماده اللى بيديهالى ..

فى اولى شلت مادته .. و فى تانيه كانت رفع و نزلت .. :d ..

د - سهير .. بموت فى محاضراتها .. المحاضره بتاعتها بيبقى دمها خفيف .. يمكن علشان بتهزأ الكل .. :d ..

د - ثناء .. اللى يحضرلها مش هيفهم منها حاجه .. بس كــ امتحانات و كــ تصحيح .. فــ هى كويسه ..

د - احمد اللحلح .. دايماً بجيب فى مواده جيد .. مع انى مش ببقى عارفه فيها اى حاجه .. :d ..

د - حاتم الشعراوى .. كويس جداً و امتحاناته كويسه .. و متهيألى مش بيسقط حد ..

د - مصطفى مظهر .. بقلق من امتحاناته و تصحيحه ..

د - شبل البرى .. دكتور تمام اوى الحمد لله .. الامتحانات بتاعته بتيجى كويسه و فى مستوى الطالب اللى مش فاحت .. :d .. زيى يعنى .. :) ..

لو حد ادانى تانى و افتكرته .. هبقى اقولكوا ..

بس يا ريت كل واحد يقول هو فرقه كام ..

memo_90

15-09-2008, 07:15 PM

انا فرقة اولى بس فى تجارة السادات المفروض انى رايح تانية بس بقيت معيد فى اولى

memo_90

16-09-2008, 07:09 PM

ايه يا جماعة فين الناس

dodomusic

17-09-2008, 11:44 AM

هاى يا جماعه
دى اول مره اشارك فى المنتدى ده
بس لقيتكوا بتتكلموا عن تجاره المنوفيه قولت اشارك
انا لسه رايح سنه اولى انا من القاهره اصلا

محمد يسري خالد

17-09-2008, 02:49 PM

ممكن اعرف اية نظام الدراسة في سنة اولى واية المواد اللي انا هدرسها

! MedOo

20-09-2008, 01:30 AM

ياشباااب

انا معاكم

اولى تجارة انجليزى شبين الكوم .

ها ؟ حد هناك .. عايزين نظبط يانااس

ومحدش يفهمنى غلط من ناحية هنظبط.... ^_^

عالعموم نظام الكلية فى انجليزى بالذات

لازم علشان تتقدم تكون داخل انتظام وتكون معدى ال 38/50 فى الانجليزى . . انا يدوب قبلت عالحركرك اصل جايب 48 هههههه

والمصاريف بتتدفع كل ترم على حده 700 كتب و1500 مصاريف

يعنى كل ترم 2200 والسنة كلها حوالى 4500 جنيه ( ولاد التييييت )

مش عارف بس يارب بعدما ادفع الفلوس دى اشتغل شغلانة عدلة

ولا ايه رأيكم ؟

ganaqueen

20-09-2008, 03:13 PM

انا تجارة بس عربى مش انجليزى وفعلا تجارة انجليزى مصارفها كتير ومزكرتها كتير وفى الاخر لو عندك وسطه هتلاقى شغلانه كويسه ولو مش عندك بقى يبقى عليه العوض هى تعب سنين الدراسه

! MedOo

20-09-2008, 04:05 PM

هوه صراحة انا ناوى اخود اول سنة انجليزى فى شبين

واحول جامعة القاهرة

فى اقصساام هنااك جامدة اووى ويارب يوفقنى وادخلها

يلا ياجماعة بقى عايزين نقفل المجمع واحنا رايحين

ههههههههه

محمد يسري خالد

20-09-2008, 04:39 PM

تجارة انجلش مستقبلها كبير الوي

mohey slama

20-09-2008, 11:43 PM

ياااااااااااااااااااااااااااااااااااااة
اخيرا ممكن الاقى حد فى تجارة السادات ويا حبذا لو انجلش دة انا كنت حاسس باحباط رهيب يلا ربنا يوفقنا كلنا
ونتعرف عى بعض تجارة عربى او انجلش ونعمل رابطة جااااااااااااااامدة كيك وياريت نتواصل عن طريق الاميلات ودة اميلى للتعارف
ويشرفنى اتعرف على اى زميل او زميلةتبقىالحياة قشطةهناك فى السادات او شبين لان اصحابى كلهم هناك وياريت اشوف الردود من الناس الى زى الفل

محمد يسري خالد

21-09-2008, 05:04 PM

عملت اية النهاردة في كلية التجارة شبين او السادات؟؟؟؟؟؟؟؟؟؟؟؟

* sweetheart *

21-09-2008, 05:37 PM

السلام عليكم و رحمه الله و بركاته ..

بالنسبه لسؤال محمد يسرى خالد ..

المواد اللى هتدرسها فى اولى الترم الاول ..

محاسبه ماليه .. و دى سهله اوى .. و لو احتجت اى حاجه انا تحت امرك .. ممكن اقولك تاخد كورس فيها فين و كده ..

رياضه تطبيقيه .. برده دى ماده لذيذه جداً .. انا اه كنت شيلاها بس كانت حلوه اوى .. :d .. و برده لو عايز تاخد فيها كورس ممكن اقولك تاخد عند مين و كده ..

اقتصاد جزئى .. تحس انه اقتصاد من بتاع الثانويه العامه .. يعنى من ماده الاقتصاد و الاحصاء و لو كنت اخدتها هتبقى الماده زى الفل معاك ان شاء الله ..

اداره اعمال .. معظم مواد الاداره بيحبوا الرغى الكتير .. يعنى فى الامتحان زرق اكبر مساحه ممكنه من ورقه الامتحان .. :d ..

اقتصاديات موارد و تطور .. مش فاكره الماده دى خالص .. :( :huh: ..

رياضه بحته .. طبعاً لو كنت ادبى .. و دى ماده فى اللذيذ كده .. و ثانويه يعنى لو لا قدر الله شيلتها .. مش بتأثر على نتيجتك .. بتاخدها كل سنه لحد ما تعدى فيها ..

مدخل قانون .. كانت ماده تقيله على قلبى بس الامتحان بتاعها جه جامد جداً .. 3 اسئله و نختار منهم اتنين .. كان جميل اوى .. معظم دفعه انجلش بيشيلوها .. مش عارفه ليه .. :huh: ..

نصيحه يعنى .. سنه اولى سهل اوى اوى انك تجيب فيها تقدير .. متضيعهاش من ايدك الفرصه دى ..

احضر المحاضرات و بلاش تنفيض .. انا الترم الاول فى اولى .. كنت بحضر بس مش بذاكر .. دخلت الامتحان عندى معلومات عن المواد لانى حضرت قبل كده و فاكره حاجات .. الترم التانى محضرتش و دخلت الامتحان بقيت عامله زى الجاهله اللى مش عارفه تعمل ايه فى الامتحان ..

فــ بلاش تحط نفسك فى الموقف ده .. و احضر من الاول و اكتب المحاضرات .. و ركز مع الدكاتره ..

المواد بتاعت اولى دمها خفيف .. بس حسب الدكتور اللى بيديك .. مقدرش افيدك فيهم اوى ..

و ربنا يوفقك ان شاء الله .. و يوفقكوا كلكوا ..

heshoooo

21-09-2008, 06:48 PM

انا معاكوا
انا في سنه تالته
اهتحبوا الكليه اوي اوي

بس محدش يدخل المدرج مش لزيز خالص

متنزلوش الابعد العيد استوني لحد ما اجيلكو

;)

heshoooo

21-09-2008, 06:52 PM

مع احترامي ليكي sweetheart
noooooooooooooooooooo way
الاقتصاد صعب وسهير بتصعبه اكتر وعايزه كرفات اكتر
انا شلته في الترم الاول من اولي
وشلته في تانيه الترم الاول والترم التاني كمااااان
مش فاهم مع دفعتنا سهير بتطلع معانا كل سنه
انا مش متفائل
وربنا يستر

* sweetheart *

21-09-2008, 08:06 PM

السلام عليكم و رحمه الله و بركاته ..

على فكره انا كمان شيلت اقتصاد فى اولى بس الترم التانى ..

و اقتصاد فى تانيه الترم الاول ..

و الترم التانى انا كنت مذاكره الاقتصاد كويس اوى .. و كانت د - سهير اللى بتدينا .. و جبت جيد فيها ..

و هى بتحب المنحنيات اوى ..

انا فاكره فى امتحان الاقتصاد الجزئى بتاعها فى اولى .. رسمت ما لا يقل عن 27 منحنى فى الامتحان .. :d :d ..

بس تحس ان مواد الاقتصاد مش بتتغير هو هو نفس الكلام بس زياده شويه .. كل ترم عن اللى قبله ..

! MedOo

21-09-2008, 08:21 PM

معظم دفعه انجلش بيشيلوها .. مش عارفه ليه .. :huh: ..

هههههههههه

عيب كده انا انجليزى ولسة سنة اولى

من اولها

صوبااااااااع الغير ياجدعان

انا النهاردة على مادخلت المجمع كانت الساعة عشرة ونص وفاتتنى محاضرة د/سهير

وهى قالت للعيال ان اللى يغيبلها 4 محاضرات بتسقطه فى مادته .. ايه سفنى ايه

وسمعت انها هزأت كام واحد كده .. كمسح زور ^_^

بس احنا عندنا مش بيدونا انجليزى الناس ولاد التيت دول

يعنى هنخش نندب فى حاجات اول مرة ناخودها وبلغة مختلفة

بس احلى حاجة انى كنت علمى رياضة وواخد اقتصاد واحصاء .. فأعتقد ممكن ربنا يسهلها ان شاء الله

بس بجد ياجدعان .. النهاردة فى دفعتى كان عندنا مهرجان ازياء الدفعة بتاع 150 واحد وتلتهم صبيان والباقى بنات ..يعنى فلة الواحد كان هيفطر

والدكاترة بتوعنا كلهم شكلهم كدهو يفتح الله .. هيسقطونا

يعنى د/ (سهير- شبل - محمد مطاوع - محمد ابراهيم )

يااارب ..

memo_90

21-09-2008, 11:46 PM

يا شباب انا سنة اولى معاكم فى السادات
ياريت اتعرف على الناس اللى معايا وانا ايميلى

memo_90

21-09-2008, 11:48 PM

هيشو انت بتاع الكورة اللى بتبقى فى الملعب بتاع الكلية على طول صح
انا عارفك على فكرة ...........................
عايزين نظبط دورات كورة يا معلم

heshoooo

22-09-2008, 01:51 AM

انا فعلا ببقي ورا في الملعب بس مش بلعب كووره خالص
انتا عارف ليه
لاني مش بحبها ومش بعرف امسكها اصلا
ههههههههههههههه

انا فاشل

متقلقشي هتلعب كوره كتير
انتا صحيح انتا قلت انك تعرفني ؟

منين بقي
هههههههههههههههههههههههههههههه
;););)

heshoooo

22-09-2008, 01:58 AM

sweetheart
ياستي اصلا الماده دي نحس
انا اشتهرت بالاقتصاد
انا كان قبل الاسبوع بتاع امتحان الدكتوره سهير كنت بصعب علي صحابي وبيتصلوا بيا يدوني الورق
ده انا زهقت
اعمل ايه ياارب بس
اسيب تجاره بسببها
هههه
والمشكله ان الجدول نزل
انا منزلتش الجامعه بس شوفته علي الانترنت
لقيت سهر بتديني الاقتصاد بتاع تانيه يانهااااااااااااار اسود مش بقولكوا مش متفائل
بس ود/سيد وشبل السنادي معانا
يلا اهوه اي حاجه
ياااااااااارب ننجح ونخرج علي خير

وانتوا ياجماعه الجداد اللي داخلين تفائلو.............. اوي اوي
انزل كليتك علي 11.5
وايااااااااااك تحضر هتكره نفسك
والعب وهزر مع صحااابك
وشكرا
اشط عليكوا ياجماعه
we all in the same boat
loooooooooooooooooooooooooooooooool

memo_90

22-09-2008, 02:36 AM

بتوع تجارة السادات الدراسة يوم التلات ياريت اللى يروح ويجيب الجدول يديهولنا هنا
الفرقة الاولى

mR . mOstafa Fathi

22-09-2008, 02:50 AM

* sweetheart *

22-09-2008, 03:17 AM

السلام عليكم و رحمه الله و بركاته ..

متقلقش يا ميدو هو معظم دفعه انجلش بتشيل المواد العربى اللى بياخدوها .. :d ..

بس ان شاء الله خير ..

هيشو انت رايح تالته ان شاء الله .. ؟؟ ..

انا فى اللجان الاخيره اوى .. :d .. انا قبل لجان المتبقين للاعاده .. :d :d ..

مصطفى باشا .. انت فى فرقه كام .. ؟؟ ..

و محمد يسرى خالد فى الفرقه الاولى عربى .. و ميدو الفرقه الاولى انجلش ..

مين تانى يا شباب و فى فرقه كام .. ؟؟ ..

mR . mOstafa Fathi

22-09-2008, 03:23 AM

مصطفى باشا .. انت فى فرقه كام .. ؟؟
انا اتاخرت سنه يلا منه لله اللى كان السبب
فرقة اولى بس مش تجارة بل حقوق ههه

heshoooo

22-09-2008, 03:54 AM

اها انا رايح تالته مظبوط كده
وبمتحن في الدور الخامس حقوق
وربنا ميطلعكوا الصالات اللي فوق دي
هوه انتي اسمك اكيد بيبدا بحرف اخير
صح ؟

! MedOo

22-09-2008, 05:41 AM

متقلقش يا ميدو هو معظم دفعه انجلش بتشيل المواد العربى اللى بياخدوها .. :d ..

هو احنا عندنا مواد عربى .. واحنا انجليزى ولا ايه ..؟!

صراحة انا اتاخدت غيااب عند ستنا سهير .. دى كانت اول محاضرة لينا

وقالت للعيال اللى هيغيبلى 4 محاضرات هشيله المادة

وانا غبت واحد .. هيهههههههه

على فكرة ياجدعان اللى راحو منكم المدمع بتاعنا ( مجمع ^_^ )

كان رخم اووى ونيلة وكان فيه عيااال بالعبيط شايفة نفسها

ربنا يعدى الكلية دى على خير

heshoooo

22-09-2008, 06:46 AM

للاسف المجمع عندنا
مرمرم اووووي وفلاحين بالعبيط وحاجه سيس خالص
ده غي القرف اللي بيحص في المدرجات والجري وراء بعض
والالفاظ العاديه خاااص منتي السفاله
اومال انا مبحضرش ليه
وكل واحد عاملك نفسه فيها بتاعه
وناس مش من الكليه بتيجي
كانهم داخلين كوكي بارك بالظبط
ومعاكسات وحاجات غريبه موت
ايه الللي ضايقك ياميدو النهارده ؟؟؟؟:confused::confused:

ganaqueen

22-09-2008, 12:53 PM

فعلا هناك تحس ان اغلبيه الشباب بيروحو عشان يعكسو البنات
انا دلوقتى فى تانيه بس وانا فى اولى من كتر اللى كان بيحصل فى المدرحات
والجامعه عموما انا كنت بروح اخد المحضرات من صحابى وبمشى علطول
كنت بحس انهم رايحين يتفسحو وفى بقى شباب اساتذه فى انهم يدايقو البنات
والاغلبيه من المنوفيه مع احترامى للشاب المحترمين اللى من المنوفيه

* sweetheart *

22-09-2008, 04:32 PM

السلام عليكم و رحمه الله و بركاته ..

ايوه انا كمان فى الدور الخامس حقوق .. اسمى ياسمين ..

اصلاً على ما بطلع بكون نسيت اللى مذكراه .. :d :d ..

ميدو .. احضر يا باشا احسن .. انجلش مش زى عربى و الله ..

و هتاخد مواد مشتركه مع عربى .. زى مدخل قانون كده .. هى ماده عربى اصلاً .. و بتبقى مشتركه بين عربى و انجلش ..

ربنا يوفقك ان شاء الله ..

memo_90

22-09-2008, 05:47 PM

بسم الله الرحمن الرحيم
عايزين نعرف يا شباب مين هنا تجارة السادات ومين تجارة شبين للتوضيح
انا تجارة السادات عربى

heshoooo

22-09-2008, 06:13 PM

كنت بحس انهم رايحين يتفسحو ا
فعلا والله العظيم والذوق العام هابط
وتحسي بالقرف كده اعوز بالله
والاستظراف بقي خفه دم
ربنا يرحمنا

heshoooo

22-09-2008, 06:16 PM

sweetheart
يبقي انتي كده ياياسمين معايا في نفس اللجنه علي فكره

انا اللي اسمهم ياسمين في نفس لجنتي ؟
انا اسمي هشام
ممكن نكون نعرف بعض ؟

معتز على عطية

22-09-2008, 11:57 PM

انا تجارة انجليزى شبين فرئة اولى ويريت حد يفدنى

معتز على عطية

22-09-2008, 11:59 PM

انا تجارة انجليزى فرقة اولى ويريت حد يفدنى

معتز على عطية

23-09-2008, 12:21 AM

انا فرقة اولى ورحت النهاردة والدكتور مجاش

heshoooo

23-09-2008, 03:18 AM

طيب اتعود علي كده
انتا زعلان ليه ؟

وهنفيدك احنا في ايه ؟
جدولك معاك مدرجج عندك
الدكاتره مبيجوش معلش
بعد العيد هيجوا

الكتب هتستلمها
الجامعه وحشه بكره تتحسن
ايه بقي اللي مضايقك
نفيدك في ايه
:o:confused::confused:
be coooool man

ganaqueen

23-09-2008, 02:37 PM

يجماعه انا فرقه تانيه وعايزة اعرف اذا كان الدراسه بدات بجد
ولا استنى واروح بعد العيد عشان انا من القاهرة
ياريت اللى راح وعرف النظام ايه هناك يبقى يرد عليا

محمد يسري خالد

23-09-2008, 03:39 PM

الدارسة دلوقتي اي كلام الدراسة بجد بعد العيد لان الطلبة بتحضر والدكاترة مبيحضروش

محمد يسري خالد

23-09-2008, 04:02 PM

في حد حضر الحفلة بتاع كلية التجارة في شبين الكوم النهاردة

heshoooo

23-09-2008, 06:31 PM

حفله ايه ياسيدي هيا دي جامعه حفلات ؟

حتي لو عملوا اي حاجه بتكون حاجه تكسف....
;);)

عماد العمدة

23-09-2008, 10:01 PM

انا تجارة القاهرة

عماد العمدة

23-09-2008, 10:02 PM

بليز ممكن سؤال

عماد العمدة

23-09-2008, 10:03 PM

انا سمعت عن حاجة اسمها الجوالة عايزة اعرف اية نظامها وازاى بشترك

عماد العمدة

23-09-2008, 10:04 PM

:dوميرسى كتتتتتتتتتتتتتتير

vampire1188

23-09-2008, 10:45 PM

الجوالة ؟ .. يااااااه فكرتيني باللذي مضي !! .. كانت ايام والله ..

بصي انتي باين عليكي ماكونتيش متابعة معانا من الاول .. بس انا فعلا سردت القصة بتاعتهم دي في موضوع (لو كنت اولي جامعة اسأل مجرب) ..

عموما .. انا عملتلك كوبي بيست للكلام اللي كنت كاتبه هناك .. عشان الفايدة تعم

" بالنسبة للناس اللي في جامعة القاهرة (داخل الحرم الجامعي) "تجارة/حقوق/اداب/دار علوم" .. اول ماهتيجوا تخشوا .. هاتتلاقوا ناس نضيفة كدا لابسه لبس الكشافة لو تعرفوه (قميص ابيض وحاجة كدا زي الكرافته خضرا) .. ولاد وبنات من كلا الجنسين ..

المهم .. الناس دي تبع فريق اسمه فريق الجوالة .. الفريق دا بيختص بالرحلات والانشطة الثقافية والاجتماعية ومايتصل بذلك من مواضيع .. الناس دي دائما ما بتستلم الناس بتوع اولي ويروحوا لكل واحد ويسمعوه الاسطوانه المشروخة بتاعة مزايا الجماعة ونشاطاتها .. ومن ضمن المزايا اللي تجذبك انه هايقولك هانديك كارنية عضوية لمدة سنة في نادي البحرية اللي في الجيزة .. طبعا انتا هاتفرح اوي .. كارنية نادي بقي وكدا .. هايقولك عهشان تشترك معانا لازم تحرر استمارة .. الاستمارة دي بكام ياعم الحاج ؟ بجنيه واحد فقط .. هاتروح زي الزبون تدفع الجنيه ويقولك تعالانا بكره ومعاك صورة .. هاتيجي بكره ومعاك الصورة .. هايخدها منك ويقولك تعالانا بعد شهر بقي .. يعدي الشهر .. وتيجي تدور عليهم ماتلاقيهومش !!

هما مش نصابين عشان ماظلمش حد .. بس اللي عايز يعيش في دور الانشطة والرحلات وكدا الطريق مفتوح قدامه من خلال المجموعة دي .. ومجموعة تانية اسمها المجموعة العلمية "

وربنا معاكي ومعانا .. وكل سنة وانتي طيبة

memo_90

24-09-2008, 03:21 AM

فين الناس بتوع تجارة السادات معرفناش عملوا ايه في اول يوم

عماد العمدة

24-09-2008, 08:06 AM

ميرسى ليك على الرد ويارب تكون سنة سعيدة

Stiffler

24-09-2008, 08:39 AM

يا حلاوه يا ولاد و الله انا فرحان الي الكليه بتاعتنا ليها موضوع هنا :d

انا كنت مشترك هنا زمان بس مش فاكر لا اليوزرنيم و لا الباسورد -_-

يجماعه انا فرقه تانيه وعايزة اعرف اذا كان الدراسه بدات بجد
ولا استنى واروح بعد العيد عشان انا من القاهرة
ياريت اللى راح وعرف النظام ايه هناك يبقى يرد عليا

انا بروح من اول الاسبوع محدش من الدكاتره دخل غير سهير دخلت قعدت علي المكتب ، رسمت دايره علي البروجيكتور و قالت انا لو كنت اعرف انكو شويه صغيرين كده مكونتش جيت ... و مشيت :d

Stiffler

24-09-2008, 08:51 AM

في حد حضر الحفلة بتاع كلية التجارة في شبين الكوم النهاردة
انا كنت قاعد مع زمايلي في المدرج و كان فاضي و مستني لو في محاضره (فرقه تانيه) لقيت مره واحده المدرج اتمي و ناس شايلين كراسي و معاهم واحد شايل عود

في ايه يا جماعه؟؟ قالولي دي حفله ... قلت حلو ، اهو بدل الملل ده و كل ده فاكر انها حفله لسنه تانيه

لقيت احمد اللحلح داخل ... احب ارحب بطلاب القرقه الاولي هيييييييه

فرقه اولي؟؟ :eek: ... و اتكشفت بعد شويه ان كل الي في المدرج فرقه اولي معادا انا و فضلت محبوس جوه لحد اما خلصت الحفله :d

و طبعا قالو فيها كلام كل سنه ... كليه التجاره احسن كليه ، و كل الطلبه بيطلعو من الاوائل ، و دكتور شبل يقول انا بابي مفتوح لكل الطلبه (عشان محدش يبص من الخرم :lol: ) و دكتور عبد الحليم يقول محدش يشتري مزكرات من عند اوسكار احسن بيحلو التمارين غلط

نفس الكلام بسمعه للمره التاتله ... سنه اولي كلاكيت اول مره ، سنه اولي كلاكيت تاني مره (علشان 3 مواد بس و منهم لله الي كانو السبب :D) ، و السنه دي

بفكر مروحش تاني غير بعد العيد بقي ، او احتمال اروح يومين في نص الاسبوع الجاي

ganaqueen

24-09-2008, 11:16 AM

شكرا يجماعه على الرد

memo_90

24-09-2008, 12:33 PM

يا جماعه الدراسة اخبارها ايه في تجارة السادات

* sweetheart *

25-09-2008, 09:19 PM

السلام عليكم و رحمه الله و بركاته ..

انا تجاره شبين يا جماعه .. و انتساب .. :d ..

السنه اللى فاتت اللى هى و انا فى اولى .. كان معايا هشام فى اللجنه ..

لكن السنه دى اللى هى تانيه .. كانوا فى لجنه تانيه غير بتاعتى ..

Stiffler

25-09-2008, 09:37 PM

السلام عليكم و رحمه الله و بركاته ..

انا تجاره شبين يا جماعه .. و انتساب .. :d ..

و عليكم السلام ...

و انا كمان ، و انتساب ... اجدع ناس :d :p

heshoooo

25-09-2008, 11:08 PM

ok

looooooool
;);)

memo_90

26-09-2008, 12:53 AM

هوكله شبين مفيش حد تجارة السادات ولا ايه

محمد يسري خالد

26-09-2008, 01:01 PM

يجماعة ممكن نتعرف ونتقابل في الكلية في شبين

heshoooo

26-09-2008, 02:42 PM

yes sweetheart
انا ناسي انتوا في اللجنه اللي جنبنا علطول انتوا علي شمالنا

يفصل بيننا خيمه حمراء ههههه

ومش عارفين نحل اي حاجه في اي حاجه

انا بقعد امتحن في الممر اللي في النص في اللجنه وببقي مش عارف
الالف من كوز الذره زي مابيقولوا
وكلمه من هنا علي كلمه من هناك
بس الامتحانات صعبه

:mad::mad:

! MedOo

28-09-2008, 03:06 AM

انا موافق عالتعارف يا جدعان
انا هتلاقونى صايع فى المجمع .. مفيش خرم الا اما دخلته

الدكاترة المحترمين محدش بيخش واللى بيخش بيبقى صبح صبح .. هو دكتور ولا اتنين اللى بيخشو من 7 دكااترة

يعنى الحالة قشطة

عالعموم احنا رايحيحن يكرة

لو عايزين نتقابل

انا معاكم

Stiffler

28-09-2008, 04:40 AM

ابقو قولولي علشان اجي معاكو :d

(,^^)

محمد يسري خالد

28-09-2008, 03:37 PM

المهم هنعرف بعض ازاي

! MedOo

28-09-2008, 08:48 PM

هنلبس كلنا احمر
ههههههههه

memo_90

28-09-2008, 09:37 PM

فين الناس بتوع تجارة السادات ولا ده شبين بس

memo_90

28-09-2008, 09:59 PM

فين الناس بتوع تجارة السادات ولا ده شبين بس

Stiffler

29-09-2008, 05:56 AM

فين الناس بتوع تجارة السادات ولا ده شبين بس

عنوان الموضوع: كلية التجارة جامعة المنوفية

اظن ده يشمل شبين الكوم و السادات ، بس تقريبا المشكله ان مفيش ناس كتير من السادات بتدخل هنا :)

ممكن تشوف جروبات علي الفيس بوك ، و لو ان كلهم مش قد كده (حتي جروبات شبين الكوم) بس اهو احسن من مفيش :p

كويس اصلا ان في ناس في الكليه عندهم نت :d

heshoooo

29-09-2008, 06:20 PM

happie eid 3lekoooo:p;):rolleyes:

kellma

30-09-2008, 10:43 AM

------- انا تجاره شبين رايح تالته من القاهره --------- ------- كل عام وانتم بخير------

memo_90

01-10-2008, 06:40 PM

كل عام وانتم بخير

معتز على عطية

02-10-2008, 12:04 AM

كل سنة وانتو طيبين انا تجارة انجليزى وسهير يوم السبت مشرحتش

معتز على عطية

02-10-2008, 12:06 AM

انا ياجماعة الى عايزنى اول مدرج يقول يامعتز
واى خدمة ممكن اعملها انا من الغربية بس المجموع هو الى رمانى

Royal Slayer

04-10-2008, 08:05 AM

انا رايح تانيه تجارة شبين يا جماعه

دبلرت تانيه للاسف وكنت مدى الكلية طنش عالاخر :078111rg3:

انا اصلا من طنطا بس مش عارف ان شاء الله احول بعد ما اعدى ولا ايه

مش عارف الواحد مش طايق الكلية دى ليه بجد :mad:

عموما ربنا يكرم ولو حد يعرف حد بيدى كورسات كويس يقولى عليه عشان الواحد على كف عفريت السنه دى

وربنا يستر

Stiffler

04-10-2008, 01:59 PM

happie eid 3lekoooo:p;):rolleyes:

و عليك :p

يلا اخيرا العيد خلص و الزحمه الي في الشارع بــح

انا مكونتش بتخنق من الزحمه قد اما بتخنق من تصرف الناس الي ماشيه ، تحس انهم جايين من كوكب تاني .. مخلوقات كده مبتظهرش غير في المناسبات الرسميه و الاعياد ... لا و دايما تلاقيهم بيمشو في قطيع ههههههههه. :d

يلا كل سنه و انتو طيبين و عقبال رمضان و العيد الجايين ان شاء الله :)

انا رايح تانيه تجارة شبين يا جماعه

دبلرت تانيه للاسف وكنت مدى الكلية طنش عالاخر :078111rg3:
رايح تانيه و مدبلر تانيه؟؟

تقصد يعني هتدخل تانيه تاني يعني ، طيب هو انت شلت المواد كلها و لا ايه نظامك :d

او محتاج كورسات في مواد ايه

Royal Slayer

04-10-2008, 03:04 PM

رايح تانيه و مدبلر تانيه؟؟

تقصد يعني هتدخل تانيه تاني يعني ، طيب هو انت شلت المواد كلها و لا ايه نظامك :d

او محتاج كورسات في مواد ايهمعايا اربعه فى الترم الاول رياضه ومحاسبه وادارة انتاج واحتياجات

والترم التانى معايا احصاء واقتصاديات نقود ورياضة تمويل :(

تفتكر ايه اللى محتاج كورسات ؟؟

ان شاء الله التزم لانى مكنتش بعمل ابحاث ولا الحوارات دى

Stiffler

04-10-2008, 06:05 PM

معايا اربعه فى الترم الاول رياضه ومحاسبه وادارة انتاج واحتياجات

والترم التانى معايا احصاء واقتصاديات نقود ورياضة تمويل :(

تفتكر ايه اللى محتاج كورسات ؟؟

ان شاء الله التزم لانى مكنتش بعمل ابحاث ولا الحوارات دى

سيبك بقي من الترم التاني دلوقتي و خلي تركيزك كله في الترم

انا عن نفسي هاخد كورس محاسبه و وياضه ، لسه مش عارف عند مين بس اكيد هاخد فيهم كورس ان شاء الله ... مع الشيتات و اعمال السنه ان شاء الله تعدي. :)

heshoooo

04-10-2008, 09:11 PM

العيد خلص و الزحمه الي في الشارع بــح

انا مكونتش بتخنق من الزحمه قد اما بتخنق من تصرف الناس الي ماشيه ، تحس انهم جايين من كوكب تاني .. مخلوقات كده مبتظهرش غير في المناسبات الرسميه و الاعياد ... لا و دايما تلاقيهم بيمشو في قطيع ههههههههه
***

**

دي حاجه زي الزفت
ده كان عيد مش كويس خالص
انا قاعد في البيت ولما كنت بنزل بليل حاجه تقرف
ومتنساش علب الكشري المقدسه اللي الناس بتاكلها في العيد

الكوتشي بتاعي انا دست في علبه كشري بقي زفت ومرمي هنا اهوه في البلكونه

خدت بالك يامان من الالوان الجامده
اخضر في احمر في اصفر بصلي في برتقاني هههههههههه:abdoog8:

الناس دي عايزه كرباج
ولا ايه ههههههههههههه

عيد مش سعيد عليااااااااا

سعيد عليكو
nice to meet you
انا في تالته شبين علي فكره وانتا stiffler

i wait your replay
loooooooooooooooooooool
bye

Royal Slayer

05-10-2008, 12:30 AM

سيبك بقي من الترم التاني دلوقتي و خلي تركيزك كله في الترم

انا عن نفسي هاخد كورس محاسبه و وياضه ، لسه مش عارف عند مين بس اكيد هاخد فيهم كورس ان شاء الله ... مع الشيتات و اعمال السنه ان شاء الله تعدي. :)

انا رايح انهارده ان شاء الله اجيب الكتب واظبط حالى

ولو عرفت واحد بتاع كورسات كويس قولى لان جارى مخلص تجاره هناك وكان بيقولى على واحد ممتاز هشوف كده وربنا يكرم ان شاء الله

بقولك ايه رأيك مثلا لو شيت معرفتوش تقولى عليه عشان نظبط لانى ممكن محضرش محاضره ومعرفش ايه المطلوب تمام؟

egycool

05-10-2008, 08:11 AM

هااااااااااااااااااااااااااااااااااااااااااااااااا ااااااااااااااااااااااااااااااااي

وفاء البحر

05-10-2008, 05:08 PM

:078111rg3::078111rg3::078111rg3::078111rg3::07811 1rg3::078111rg3:السلام عليكم ورحمه الله وبركاته ازيكم يا جماعه انا في تجاره شبين الفرقه الاولي
الواحد كان داخل متفائل :av4056bb7jp3::)وفرحان ماشاء الله قلبتولي الصوره تماما:angry2::(الله يبشركم بالخير
3/4 الجروب هنا اللي شايل واللي مدبلر مفيش حد طالع صافي يطمني ولا ايه
بجد يا جماعه حد يكلمني بجد انتوا كده خليتوا الحياه سوده طحن قدامي :bosyht9::bosyht9:
انا لو ذاكرت كويس وحضرت المحاضرات حمشي في الكليه ولا لاه وبعدين انا مش عايزه اعدي كده وخلاص
وفعلا الكلام اللي الدكاتره الافاضل قالوه صح ولا لاه يعني هما قالولنا ماتخدوش كورسات وبالاش الملخصات اللي بتجيبوها من بره عشان فيها غلطات كتييييييير
وان المعيدين هيشتغلوا معانا كويس في السكاشن بليز حد يطمني يا جماعه
يلا سلاموز بالموز

Stiffler

05-10-2008, 08:21 PM

nice to meet you
انا في تالته شبين علي فكره وانتا stiffler

i wait your replay
loooooooooooooooooooool
bye
المفروض كنت ابقي في تالته بس حاليا في تانيه ... انت لو مش مدبلر قبل كده تبقي دفعتي :022yb4:
Nice to meet you too :)

وفاء البحر ... محدش قلب صور ولا عمل حاجه ... في ناس كتير بتنجح ، و تطلع صافي و بتقدير كمان ، لو كانو في انتساب بيدخلو انتظام.

بس الكليه دي عامله زي السكه الحديد ... القطارات الي فيها بتوصل كل يوم ، بس لما واحد بيتقلب بيكون باين اكتر

بس المشكله ان في كليتنا القطارات الي بتتقلب كتير ، بس اكيد في بيوصل سليم ... مش كتير اوي يعني بس اكيد موجود :p

وفاء البحر ... انا مش عارف انت ولد ولا بنت... بس عموما مع الوقت انت/انتي لسه معداش عليك/عليكي شهر في الكليه ، و مع الوقت هتعرف النظام بشكل عام ماشي ازاي (الحضور ، الشيتات ، السكاشن ، اعمال السنه ، الدكاتره ، الملخصات ، اوسكار ، الكورسات ، الامتحانات ، التصحيح ... إلخ) حاجات كتير قوي يعني بعد اما هتعرفها هتقدر تحكم صح! :)

heshoooo

06-10-2008, 12:33 AM

:angry2::angry2:
noooooooo
حرام عليك يا stiffler
فال الله ولا فالك
الحمد لله مش مدبلر
انا معاك اني شايل السنادي مادتين اقتصاااااد يابوب
انا اتعقدت
وكرهت الاقتصاد خالص
كنت ناوي اكون راجل اقتصااادي هههههههه:049gc0:
بس خلاص شلت الفكره

ربنا معانا

وبالنسبه لوفاء البحر متقلقش الجامعه جامد هتزاكر او مش هتذاكر كلنا في المركب سوا
الجامعه مش حنينه خااالص وخصوصا لو كنت او كنتي انساب
بيعجزوانا اووووي اووووي بس ربنا معانا

وبالنسه للدكاتره نفض اي كلام بيتقال
بيقولوه لكل دفعه تدخل
مفيش كرسات ومفيش مذاكرات والمذكرات غلط
المكتبه اللي بتنزل غلط اوسكار
بتنقل من الكتب والكتب بيبقي فيها الاخطاء دي ههههههههههه

والكورسات بالنسبه للمحاسه والرياضه والاحصاء مهما
مهما كنتي متفوقه مع احترامي ليكي

بس ضروريه وبقيت المواد والانجلش وكده علي حسب قدرتك
وعلي العموم انا هنا لو فيه اي مشاكل كلنا في مركب واحده
اشطه عليكوا

spend nice day for allllllll

bye bye:romarioxp6:

FADDA

06-10-2008, 09:41 PM

سلام عليكم ازيكم يا شباب ويابنات اولا انا اول مرة ادخل المنتدى هنا وكان نفسى من زمان الاقى منتدى لينا يعنى لطلابة تجارة منوفيه شبين انا 3 شبين وعندى فكرة كويسه جدا وعاوز اعملها من زمان بس مش لاقى اللى يشجعنى عاوز اعمل منتدى لينا بس يكون تابع لموقع الكليه واد محتاج موافقة من ادارة الجامعة ومحتاج حد معايا يكون عارف كل حاجة عن المنتديات وكدة يعنى واللى ممكن يسعدنى فى الموضوع دا ياريت يقولى وبجد احنا لازم نشوف بعض فى الكليه صدقونى بجد لو عرفنا ننفذ الفكرة دى هنساعد ناس كتير و وهنتعرف على بعض اكتر وكمان هنستفاد ماديا من الاعلانات على شان ان شاء الله هنعمل عاليه اعلانات وان شاء الله هنعمل عاليا شات ويارب الاقى اللى يشجعنى على الفكرة دى مستنى ردكم انا اخوكم رامى وياريت نضبط يوم نشوف بعض فيه فى الكليه نتفق على مكان ومعاد معين جوة الكليه معلش طولت عالكم شويه يارب ماتضيقوش منى

Stiffler

07-10-2008, 02:26 AM

Good idea FADDA... I've been thinking about it, But no support, you know. So i just gave up :d

Well, I have a good PHP/ASP/HTML and other web developing languages experience. Its not hard for me to set a website up. I guess it can be established as an un-official website first before making it more official.

But all what i need is ummm... more ideas and people who actually know or at least got a background about web developing :)

Stu

محمد يسري خالد

08-10-2008, 03:55 PM

ع فكرة الجدول الدراسي اتغير بعد العيد

* sweetheart *

08-10-2008, 08:28 PM

السلام عليكم و رحمه الله و بركاته ..

ازيكوا يا شباب .. ؟؟ ..

بعد انقطاع دام لاكتر من 3 شهور .. نزلت الكليه انهارده ..

و يا ريتنى ما نزلت .. بقيت ادور على اى حد اعرفه .. بس و لا الهوا .. كلهم من الدفعه الجديده .. :078111rg3: :078111rg3: ..

ان شاء الله نويت الحضور .. و نازله بكره ان شاء الله اشوف ايه النظام كده ..

بالنسبه لوفاء البحر .. الكليه مش صعبه بس مش عايزه تطنيش متهيألى ..

ربنا يوفقك ان شاء الله .. و اطمنى اهم حاجه الحضور و المتابعه ..

fadda .. heshoooo .. اهلاً يا زمل .. :078111rg3: ..

stiffler .. منور يا باشا .. و شد حيلك بقى ..

محمد يسرى خالد .. ايه اخبار الكليه معاك .. ؟؟ ..

اى حد يا شباب عايز اى معلومات عن اى كورس .. ممكن اقدر افيده ..

على فكره الموضوع ده وحشنى بجد .. :) ..