مشاهدة النسخة كاملة : من السهل ان تضحى من اجل صديق ولكن من الصعب ان تجد صديق يستحق التضحية
noor_20 04-09-2008, 01:05 AM احنا بنواجه يا جماعة مشكلة كبيرة وهى ان فعلا ما فيش اصدقاء مخلصين انا مثال لحد عمرى ده وانا لا املك صديقة بمعنى الكلمة كلهم بيتكلموا على بعض وبيغيروا من بعض وحتى لما الاقى صديقة بتضحى عشانى الاقيها بتعمل كده عشان مصلحتها الدنيا كلها مصالح انا ما لاقتش حد عنده اصدقاء بجد ممكن حد منكم او من الناس عامة فاكر ان له اصدقاء بس لو دورتوا وفكرتوا هتلاقوا ان ما فبش اصدقاء وده انا اعتقد لان معنى الصداقة اتمحى من الوجود والدنيا بقت كلها مصالح وكل انسان بيدور على مصلحته وبس ولو حتى ذل نفسه راحوا فين الاصدقاء يا ترى فى اصدقاء مستنيه رايكوا وردودكم الحلوة يمكن حد يكون له صديق بجد:lol:
Prof.Dr/A.T.M 04-09-2008, 01:10 AM فعلا الصداقة الحقيقية شبه معدومة دلوقتى كل الناس بقيت بتقول يلا نفسى
شكرا على الموضوع
noor_20 04-09-2008, 01:14 AM شكرا جزيرا على الرد
بصى هى الاغلبيه فعلا بقت بتدور على مصلحتها
وحقيقى بقى صعب جداااااا تلاقى حد مخلص
بس اكيد لسه فى ناس كويسه ومخلصه
هو صعب لكن مش مستحيل
انا كمان ملقتش صديقه كويسه ومخلصه لحد دلوقتى
بس طول ما انا عايشه هفضل ادور عليها واكيد هلاقيها
ربنا يوفقك
hatem abdo ahmed 04-09-2008, 01:33 AM ياجماعة بلاش التفكير التشائمي دا الانسان يدور علي الصديق الكويس ويتعرف علية بس ياريت نختار اصدقائنا من المكان الكويسوكما قال الرسول"المرء علي دين خليلة فلينظر احدكم من يخالل"اي ينتقي من يصاحبة
noor_20 04-09-2008, 01:37 AM ما هى المشكلة ان احنا بندخدع فى المظاهر الكدابة على اعتبار ان صديقتى من مكان وبيئة كويسة وتكتشف العكس
Dr|shereen 04-09-2008, 03:26 AM فعلاوالله الصداقه الحقيقيه بقت عمله نادره تكاد تنعدم انا حاسه بجد ان مبقاش فى اصدقاء كل واحد بيحب نفسه وبس ويعمل اى حاجه عشان يوصل لمصلحته حتى لو على حساب صاحبه يعنى ادينا فى رمضان ما فيش ولا واحده من اللى عامله نفسها صحبتى تتصل تقول لى كل سنه وانتى طيبه معلشى عشان طولت بس بجد كنت متضايقه وشكرااا بجد
noor_20 04-09-2008, 01:33 PM عندك حق الصداقع اصبحت عملة لاتباع وشكرا على مرورك
noor_20 04-09-2008, 01:35 PM :(الصداقة معلش كتبتها غلط
Cray_Bird91 04-09-2008, 05:01 PM عارفة انتى جيتى على الجرح:(
انا بجد مصدومة فى كل اللى فاكراهم اصدقائى بمعنى الكلمة
لكن للاسف نهار لما تحصلى مصيبة واى واحدة منهم مشغولة واطلبها انى اشوفها اللى عندها الاول وبعدين انا
فى حين لما واحدة منهم يحصلها مصيبة اجرى واقف جنبها
انا فعلا وربي يشهد ضحيت بس ملقيتش اللى تفتحلى ذراعها وتحسسنى ان الدنيا دى صغيرة
عارفة بتمنى الاقى واحدة تفهمنى وتحسسنى ان انا هى وهى انا
بس كل ده مش حيققه غير ربنا سبحانه وتعالى
انا اسفة جدا طولت عليكى
بس فتحتى الجرح:(
موضوع حلو
تقبلي مرورى:)
Mohamed_AmeesH 04-09-2008, 05:19 PM ليس المهم ان تكون صديقى
المهم ان تكون صادقا معى
بس للاسف فعلا ما فى اى صديقى بمعنى الصداقه بس هنقول ايه يا مسهل
وبعدين المصلحه فعلا هى اللى ماشيه اليومين دول كل واحد يقول يلا مصلحتى
H.H.KH 04-09-2008, 08:26 PM فعلاوالله الصداقه الحقيقيه بقت عمله نادره تكاد تنعدم انا حاسه بجد ان مبقاش فى اصدقاء كل واحد بيحب نفسه وبس ويعمل اى حاجه عشان يوصل لمصلحته حتى لو على حساب صاحبه يعنى ادينا فى رمضان ما فيش ولا واحده من اللى عامله نفسها صحبتى تتصل تقول لى كل سنه وانتى طيبه معلشى عشان طولت بس بجد كنت متضايقه وشكرااا بجد
على فكرة انا زيك برده مفيش الا اتنين تقريبا اللى قالولى كل سنة وانتى طيبة الباقى كله ولا كأنهم يعرفونى...عالعموم مضايقيش نفسك ;)وكل سنة وانتى طيبة;).....انا كنت فاكرة ان انا بس اللى مش لاقية اصحاب كويسين بس طلع ان معظم الناس كدة .........وشكرا عالموضوع اللى بيقلب المواجع ده....هههههه.....لا بهزر بجد موضوع جميل جدا وتسلمى
ENG:3assoma 05-09-2008, 12:02 AM مش دايما والله انا بصراحه ليا أصدقاء بجد وممكن أعمل أي حاجه علشانهم ... وشكرا على الموضوع
noor_20 05-09-2008, 05:34 AM شكرا اخوانى على المرور ويا ريت ما اكون ضايقتوا بهذا الموضوع بس ادينا بنفضفض
Basma2 05-09-2008, 05:48 AM جيتى على الجرح المفتوح
بجد مافيش صاحب ممكن تديله كل حاجة والا هتكونى الهبلة الوحيدة فى الدنيا
هما بيقولوا كدة
بس يالا لازم تكون صرحة والا.......................
يا جماعه والله العظيم فى صداقه
وجامدة اوى كمان
وممكن تضحى بحياتها عشان صحبتها
وانا مجربه
يعنى ممكن افدى صحبتى بحياتى
ةالعكس هى كمان كدا
بس انتوا دوروا ع الصداقه بطريقه صح
وانت هتلاقوا ان شاء الله
انا عايزة اقولكوا
انى مصاحبه وحدة بقالنا 7 سنين مع بعض
وان شاء الله لحد ما نموت
هنفضل صحاب برده
MBM-MaDo 05-09-2008, 08:04 AM يا جماعة الموضوع ده بيلمس كل واحد و واحدة فينا....
بس احنا فاهمينه غلط...
انتى عارفة انا كان عندى نفس المشكلة و اقوى مليار مرة....
بس عارفة لقيت الغلط فين...
عمرك ما تلاقى صديق او صديقة حقيقى بانك تدور عليه....
لكن بتيجى بالصدفة لوعايزين تسموها كدة او القدر او موقف حصل ما بينكم....
لكن انا دورت لما تعبت و مالقيتش حد...
و اما لقيت اتصدمت فيه صدمة عمرى...
و اخر مايئست دورت تانى ...
و لقيت بس بردوا اتصدمت...
و زى ما قال الفنان الكبير سيد حلبوكة....
(انا موصلتش لحاجة من اللى حلمت بيه سوء اختيار ده و لا سذاجة و لا ايه)....
و اما وصلت معايا لاخرها احباط و كئابة و جو من ده...
لقيت نفسى و بدون سابق انذار قابلت واحد و التانى...
و باقينا تلاتة مش بنفارق بعض...
بجد لقيتهم من غير ما ادور عليهم...
ده حتى طلعنا برج واحد ....
و يعتبر تفكيرنا واحد ...
بجد مهما تدور مش هاتلاقى لكن اصبر بكرة تنول...
(حاجة كدة ع الماشى من تاليفى..)
يا رب اكون ساعدت بما فيه الكفاية فى اظهار الصورة كاملة...
و ان شاء الله متابع معاكم الموضوع للاخر اما نشوف هانوصل لفين...
لانى بجد عايز اقول كتييييييييييير بس مش عايز اطول عليكم....
فيه كذا نقطة ممكن تخليك مش قادر تقابل الصديق (مش الصاحب اللى بتاع يومين و يخلع)...
فيه فرق ما بين صديق و صاحب...
و ان شاء الله هاناقش كل ده...
طولت مش كدة...
سورى بقى الكلام اصله خادنى...:mellow:
شناكل...-_-
rose 2010 05-09-2008, 04:07 PM انتى لو حاولتى تبقى صديقه بجد هتلاقى اصدقاء مخلصين ممكن انتى اللى تبدئىالاول بالصداقه دى........تقبلى مرورى
ahmed abobakr 05-09-2008, 04:32 PM انا الحمد لله عندى اصدقائى من اولى ابتدائى مع بعض وخلصنا الثانوى مع بعض ومفيش بيننا مصالح ...
الصداقة كنز لا يفنى
Ahmed Salah 05-09-2008, 04:41 PM عايز تلا قي صديق بجد
خليك /ى انت صديق بجد وبعيد عن كل المصالح اكيد هتلاقي
وشكرا علي الموضوع الرائع
noor_20 05-09-2008, 08:16 PM شكرا على المرور
Dr|shereen 06-09-2008, 03:21 AM على فكرة انا زيك برده مفيش الا اتنين تقريبا اللى قالولى كل سنة وانتى طيبة الباقى كله ولا كأنهم يعرفونى...عالعموم مضايقيش نفسك ;)وكل سنة وانتى طيبة;).....انا كنت فاكرة ان انا بس اللى مش لاقية اصحاب كويسين بس طلع ان معظم الناس كدة .........وشكرا عالموضوع اللى بيقلب المواجع ده....هههههه.....لا بهزر بجد موضوع جميل جدا وتسلمى
طب انتى على الاقل 2 من صحابك قالو لك كل سنه وانتى طيبه انا مفيش غير واحده اللى بعتت لى مسج على لموبايل انتى عارفه انا قابلت واحده من صحباتى اللى زعلانه منها عشان متصلتش تسال عليا ولما قابلتها لاقتها بتكلمنى عادى وازيك ووحشتينى تقريبا كده ان الطبيعى ان صحابك ميسالوش عليكى حاجه غريبه واللى يعيش ياما يشوف.....................................عجبى
رونالدينهوو 06-09-2008, 03:52 AM انا الحمد لله لية 4او5 اصدقائى ميتعوضوش ممكن نضحى بأى شيء علشان بعض
الحمد لله على الصحبة السليمة
king mo7amed 06-09-2008, 10:36 AM مفيش اصدقاء الزمن ده كله مصلحته وبس
noor_20 07-09-2008, 10:01 PM مش ديما اللى بيعمل كده بيلاقى لان احنا فى زمن صعب انا كنت ومازلت مخلصة لصديقاتى لكن اللى فى طبع ما بيغيرهوش كل واحده عيوبها غير مقبولة وانا ما زلت بحاول اغير لحد ما فقدت الامل من ان فى اصدقاء يا جماعة انتوا عارفين يعنى صديق يعنى تحكيلوا كل حاجة عنك واسرارك معاه يعنى الصديق مش بالمده انت ممكن تلاقى صديق فى يوم احسن من اللى معاك مليون سنة مافيش صديق تقدر تقوله كل حاجة وده لان المفاهيم عندنا اتغيرت الاصدقاء كانوا زمان معلش طولت عليكوا بس ما تزعلوش دى الحقيقة
ayooosh 07-09-2008, 10:13 PM لا على فكره والله فى صداقه بجد
وموجوده جدااا بس اللى يدور
وصداقه كمان جامده جداااا
وانا والله عندى صحبتى بقالنا اربع سنين مع بعض
وجدعه جدا ووقفت معايا كتير وضحت علشانى
وانا طبعا وقفت جنبها فى حاجات كتير
وهى والله عامله زى اختى واكتر
والصداقه موجوده دايما وفى ناس مخلصين كتير
وشكرا على طرحك الموضوع الجميل ده
noor_20 07-09-2008, 10:38 PM شكرا على مروركيا تيمون
|