أزمة ايقاف امداد مصر بالنفط وتأثيرها على المصريين ..

******

نجيب الموضوع من أوله زي كل مرة لكن نحاول نختصره بأقصى حد .. في تاريخ 09 ابريل 2015 .. نشرت الصحافة العالمية نقلا عن تصريحات الحكومة المصرية أن فيه عدد 20 اتفاقية اتوقعت بين مصر والسعودية في شخص ( سلمان والسيسي ) ..


******

ابرزهم مشاريع تنموية لسيناء حسب موقع وزارة التعاون الدولي بحجم استثمارات 1.135 مليار دولار .. ده غير موضوع تيران وصنافير .. واتفاقيات تانية مع الصندوق السعودي للاستثمار بقيمة 590 مليون دولار .. ومن ضمن الاتفاقيات دي اصل موضوعنا اللي بنتكلم عنه وهي ( اتفاقية توريد منتجات بترولية شهريا لمدة 5 سنوات بتسهيلات تصل لـ 15 سنة سماح وبائتمان 02 % ) .

مرجع لكامل الاتفاقيات (http://www.alarabiya.net/ar/arab-and-world/egypt/2016/04/09/%D8%A7%D9%84%D9%85%D9%84%D9%83-%D8%B3%D9%84%D9%85%D8%A7%D9%86-%D9%8A%D8%B5%D9%84-%D9%82%D8%B5%D8%B1-%D8%B9%D8%A7%D8%A8%D8%AF%D9%8A%D9%86-%D9%84%D9%84%D9%82%D8%A7%D8%A1-%D8%A7%D9%84%D8%B3%D9%8A%D8%B3%D9%8A.html)


******

وكالعادة مفيش مصدر موثوق للاتفاقيات دي كلها غير كلام وتصريحات المسئولين في مصر .. ولا حد شاف عقود موقعة ولا حاجة اتعرضت على مجلس الشعب من ادنى اتفاقية لأجعصها اتفاقية .. عموما وعشان منشغلش بالنا .. مفيش حاجة اتنفذت ولا ابتدت في الاتفاقيات دي كلها غير حاجتين لا ثالث لهم .. اولهم اعادة ترسيم الحدود بين مصر والسعودية لتؤول ملكية وسيادة ( تيران وصنافير ) للسعودية .. وثانيهم وهو ده موضوعنا ( اتفاقية الامداد بالمواد البترولية من شركة ارامكو ) ..

مرجع للاتفاقية البترولية وبنودها (http://aawsat.com/home/article/520396/%D8%AE%D8%A7%D8%AF%D9%85-%D8%A7%D9%84%D8%AD%D8%B1%D9%85%D9%8A%D9%86-%D9%8A%D9%88%D8%AC%D9%87-%D8%A8%D8%AA%D9%88%D9%81%D9%8A%D8%B1-%D8%A7%D8%AD%D8%AA%D9%8A%D8%A7%D8%AC%D8%A7%D8%AA-%D9%85%D8%B5%D8%B1-%D9%85%D9%86-%D8%A7%D9%84%D8%A8%D8%AA%D8%B1%D9%88%D9%84-%D9%84%D9%80-5-%D8%B3%D9%86%D9%88%D8%A7%D8%AA)



يتبع

تابع





خدوا بقى نبذة عن شركة ( ارامكوا ) امبراطورة النفط على مستوى العالم واكبر منتج ومصدر وصاحبة اكبر مخزون نفطي .. وبقيمة سوقية 2 تريليون دولار يعني قد قيمة اكبر شركة عالمية وهي ( ابل ) 4 مرات .. واضعاف قيمة اكبر شركات البترول في العالم مجتمعين وهم “Exon Mobil” و”Shell” و”BP”.حسب تقرير السي ان ان .. وبأكبر حجم احتياطي مسجل وهو 261 مليار برميل ..


******

وبما ان الشركة بالقوة والمكانة دي فمبتشتغلش بالبركة .. وطبعا مفيش منحة من ارامكو السعودية لمصر في شيء لان ارامكو بتعتبرها صفقة تجاربة بـ 23 مليار دولار ليس الا .. اما التسهيل في السداد فده ان الصندوق السعودي للاستثمار يدفع لشركة ( ارامكو ) فلوسها فوري .. وبعدين الصندوق نفسه هو اللي يتصرف مع وزارة البترول المصرية في السداد طويل الاجل ..

مرجع لقوة ارامكو 1: (https://en.wikipedia.org/wiki/Saudi_Aramco)


مرجع لقوة ارامكو 2: (http://arabic.cnn.com/business/2016/06/01/bs-010616-saudi-aramco-explainer)

مرجع للاتفاقية وكيفية السداد : (http://www.elmogaz.com/node/327742)




******

بالارقام مصر بتستهلك 6.5 مليون طن حسب تصريح وزير البترول المصري .. وبيجيلنا من السعودية حسب الاتفاقية دي 700 الف طن .. منهم 400 الف طن سولار .. 200 الف بنزين .. 100 الف زيت وقود .. وبما ان الاحتياطي الاجنبي في مصر بقى في ادنى معدلاته فيبقى النفط السعودي ملاذ كبير لتحقيق اكتفاء الحكومة والمواطنين من المنتجات البترولية .. واللي طبعا مفيش دولة تانية هتدي لمصر بالحجم ده وبالتسهيلات دي الا لو احتلت مصر مثلا ..:)

مرجع أزمة التوريد : (http://www.almasryalyoum.com/news/details/1022341)

يتبع

تابع



نجب نقول ان خبر ايقاف التوريد من السعودية مش امبارح زي ما الكل خد باله .. لأ .. يوم الجمعة اللي فاتت ( رويترز ) نزلت تقرير مفصل ان الشركات العاملة في مجال البترول في مصر بيشتكوا وقف دفعة البترول للشهر الحالي من السعودية ( بدون ابداء اسباب ) .. وان الحكومة بتدور جديا على حد تعمل معاه اتفاقية جديدة !!! ..


******

لكن المشكلة ظهرت امبارح لما مسئول حكومي رسمي سعودي اتواصل شفهي مع وزارة البترول المصرية وقالهم انهم وقفوا الامداد .. طب ايه السبب ؟ .. مفيش سبب .. طبعا الصحافة والاعلام المصري لازم يحطوا التاتش بتاعهم وطلعوا قالوا ده للشهر ده بس .. لحد ما طلع المتحدث الرسمي لوزارة البترول امبارح بالليل على برنامج لميس الحديدي وقال مجالناش رد وشكله ايقاف نهائي وطرحنا مناقصات عالمية للاستيراد ..

خبر رويترز الجمعة :


خبر المسئول السعودي : (http://ara.reuters.com/article/businessNews/idARAKCN12A13H?pageNumber=2&virtualBrandChannel=0&sp=true)


فيديو تصريح متحدث وزارة البترول : (https://www.youtube.com/watch?v=1GkiGVKWhcw&feature=youtu.be)



******

ازمة البنزين وانابيب الغاز ابتدت تهدى من اواخر السنة اللي فاتت لما ابتدت الاتفاقية دي تتنفذ .. وكمان رفع الدعم بصورة تدريجية على المنتجات البترولية وزيادة اسعارها في الميزانية الجديدة 2016 : 2017 .. لكن لما ينقطع البترول السعودي مع عدم وجود غطاء نقدي اجنبي فوري لتلافي العجز الحالي فايه اللي هيحصل ؟؟:rolleyes:..


******

هيبقى قدام حكومة مصر سلسلة من التنازلات والاساليب اللي مايعلم بيها الا ربنا زي التنسيق مع دول غربية اقربهم اسرائيل وروسيا ولعبهم بالاوراق السياسية والتبعية المباشرة لهم .. وللاسف امبارح ظهرت ابواق اعلامية بتأيد موضوع اسرائيل وروسيا ده .. خصوصا وان فيه ازمات لاكتر من شركة بترولية خليجية وعربية في مصر عشان شح الدولار .. منها ازمة شركة دانة غاز الاماراتية ..

سيناريوهات الازمة وحلولها : (http://www.moheet.com/2016/10/10/2484102/%D8%B3%D9%8A%D9%86%D8%A7%D8%B1%D9%8A%D9%88%D9%87%D 8%A7%D8%AA-%D8%A7%D9%84%D8%AD%D9%83%D9%88%D9%85%D8%A9-%D8%A7%D9%84%D9%85%D8%B5%D8%B1%D9%8A%D8%A9-%D9%81%D9%8A-%D8%AD%D8%A7%D9%84-%D8%A7%D9%84%D8%BA.html#.V_yMb4grLIU)


ازمة دانة غاز الامارتية : (http://www.masralarabia.com/%D8%A7%D9%82%D8%AA%D8%B5%D8%A7%D8%AF/1262576-%D8%AF%D8%A7%D9%86%D8%A9-%D8%BA%D8%A7%D8%B2-%D8%A7%D9%84%D8%A5%D9%85%D8%A7%D8%B1%D8%A7%D8%AA%D 9%8A%D8%A9-%D9%85%D9%86%D8%B2%D8%B9%D8%AC%D8%A9-%D9%85%D9%86-%D8%B9%D8%AF%D9%85-%D8%B3%D8%AF%D8%A7%D8%AF-%D9%85%D8%B3%D8%AA%D8%AD%D9%82%D8%A7%D8%AA%D9%87%D 8%A7-%D8%A7%D9%84%D9%85%D8%AA%D8%A3%D8%AE%D8%B1%D8%A9-%D9%81%D9%8A-%D9%85%D8%B5%D8%B1)


التلويح بورقة اسرائيل من الاعلام المصري : (http://www.thanwya.com/vb/%C3%98%C2%A7%C3%99%E2%80%9E%C3%98%C2%AA%C3%99%E2%8 0%9E%C3%99%CB%86%C3%99%C5%A0%C3%98*%20%C3%98%C2%A8 %C3%99%CB%86%C3%98%C2%B1%C3%99%E2%80%9A%C3%98%C2%A 9%20%C3%98%C2%A7%C3%98%C2%B3%C3%98%C2%B1%C3%98%C2% A7%C3%98%C2%A6%C3%99%C5%A0%C3%99%E2%80%9E%20%C3%99 %E2%80%A6%C3%99%E2%80%A0%20%C3%98%C2%A7%C3%99%E2%8 0%9E%C3%98%C2%A7%C3%98%C2%B9%C3%99%E2%80%9E%C3%98% C2%A7%C3%99%E2%80%A6%20%C3%98%C2%A7%C3%99%E2%80%9E %C3%99%E2%80%A6%C3%98%C2%B5%C3%98%C2%B1%C3%99%C5%A 0%20:)



يتبع

تابع

طيب هل الازمة حقيقي سياسية ؟؟ .. بما ان تاريخ خبر وقف البترول السعودي قبل تاريخ تصويت مصر المخالف للموقف العربي والسعودي في مجلس الامن .. فنقدر نقول ان ممكن تكون انها عثرة وهتعدي لما السعودية تعيد حساباتها .. لكن في العرف السياسي الدولي ممكن جدا يكون بسبب ميول الحكومة المصرية الاخير لاكثر من عدو للنظام السعودي زي ( النظام السوري ) ، ( روسيا ) ، ( ايران ) واخيرا العدو الايدلوجي ( اسرائيل ) ..


******

وده طبعا لان القرارات الدولية واتجاه التصويت يمكن استشفافه قبل ما يتم .. وتصريح المندوب السعودي في مجلس الامن ضد الموقف المصري لا يمكن يكون وليد اللحظة .. وده بسبب العلاقات المتينة السابقة بين مصر والسعودية .. وكمان الاعلام السعودي المرئي والمسموع والمقروء شبه واخد الاشارة الخضرا لنهج نفس السياسة الانعزالية من السعودية لمصر الفترة الجاية ..

تصريحات رسمية سعودية ضد الموقف المصري : (http://riyadhpost.live/8564)


سخرية على قناة المجد السعودية من النظام المصري ووصفه بمتسول الرز : (https://www.youtube.com/watch?v=WYRHjkVgpt4)



******

أخيرا .. الفهلوة في السياسة الدولية بدون رؤية ، مردودها السيء بيبقى سريع جدا على كل نواحي الحياة عالدولة والمواطن العادي .. واللعب على كذا وتر والتنطيط على اكثر من حبل مش هيبقى له نتيجة الا الوقوع على جدور الرقبة .. العالم دلوقتي عبارة عن تحالفات حسب عقيدة كل دولة ومصالحها .. اما اللي فاكر انه ممكن يرضي الكل ويستنفع من ورا الكل .. فده اللي رقص عالسلم .. وحتما هيخسر الكل وشعبه هيخسر اكثر معاه !!!