shouaeb
05-09-2008, 01:56 AM
:confused:لقد حصلت على الثانوية العامة منذ عام 2003 الشعبة الادبية ثم حصلت على ليسانس اداب عام 2007
وانا الان اريد ان اعيد الثانوية العامة حتى التحق بالشعبة العلمية حتى استطيع دخول احدى الكليات العلمية
فكيف يمكن ذلك
ارجوكم :rolleyes::rolleyes:لا تبخلو على بالرد
ممنوع كتابة اية ايميلات او ارقام تليفونات
من يستطيع مساعدتى عن طريق المنتدى او البريد الالكترونى
***star***
05-09-2008, 03:24 AM
انا مش عايز افتي...بس بنسبه كبيره ادام اخدت شهاده الثانويه يبقي مينفعش تعيدها تاني....
CoMMaNdo
05-09-2008, 02:18 PM
اول مرة اشوف حد عايز يعيد الثانوية:d
دا احنا مصدقنا خلصنا منها
على العموم متهيالى زى مقال اسلام مينفعش !
محمد.فوكس
05-09-2008, 02:30 PM
السلام عليكم..
انا معرفش الحقيقة ..
بس انا نفسي فكرت في الموضوع ده و لقيت ..
ان واضح ان من السنادي و رايح الامتحانات هتبقى صعبة و السنادي كانوا بيجربوا فينا.
ثانيا تعب و اعصاب و مجهود الثانوية العامة مفيش حاجة مستاهلة لكل ده.
و بعدين ينفع تضيع سنين من عمرك تاني.. المفروض الواحد يشوف مستقبله بقى.
و بعدين يعني اللي دخلوا الكليات العلمية عملوا ايه .. مفيش فرق.
فاضل حاجة واحدة .. اللي هي حب العلم مش مجرد البحث عن وظيفة .. و دي موجودة عند بعضنا و اعتقد ان انا منهم ..
بس الظروف احيانا " و الروتين الحكومي" بيقف قدام طموحنا .
يعني انا بفكر احول من علوم لتجارة ..
و في الاخر ربنا يقدملك اللي في الخير
شريف ابوالنصر
05-09-2008, 02:33 PM
لو عاوز تعيدها لازم ترجع تانى من سنة اولة ثانوى هترجع سنتين ورا هتبقى مع الى داخلين اولى ثانوى الستادى
shouaeb
06-09-2008, 01:51 AM
السلام عليكم ورحمةالله وبركاتة
شكرا لاخوانى الذين لم يبخلو على بالرد
انا فعلا محتاج اعرف الامر دة ضرورى لا انا بعد ماخلصت الليسانس كنت ناوى اكمل درسات عليا بس المشكلة ان الدراسة مافيهاش جديد والمواضيع بتتعاد يعنى الواحدلا يحس انة بيدرس حاجة جديدة يعنى انا من بعد سنة تانية فى الكلية كل المواد اللى كنت بدرسها شبة بعض وفيها نفس المواضيع مكررة وكمان لو كملت درسات عليا هادرس تانى نفس المواد
فعشان كدة انا عايز ادرس مجال تانى حبا فى العلم وخصوصا انى هاكون بحبة ان شاء الله
ودة طبعا هايكون بجانب الشغل لا ن مش عاينفع ماشتغلش
بس المهم يكون ينفع
ومن فضلك ياخ شريف ابو النصر انت قلت انة ينفع وانا موافق ارجع من اولة ثانوى بس هل انت متاكد وياريت معلومات اكتر تساعدنى بحيث الحق ابداا السنادى
وبعدين ياخ محمد انت عايز تحول من علو لتجارة لية اذا كان انا كن نفسى ادخل علمى علوم وادخل كلية العلوم بس مالقتش اللى يوجهنى ويرشدنى
shouaeb
06-09-2008, 04:57 PM
ارجوكم يجماعة حد يرد عليا باجابات مفيدة ولو حتى من مشرفين المنتدى اعتقد انهم لديهم معلومات اكثر
اخوكم
shouaeb
07-09-2008, 05:35 PM
اية اللى حصل يجماعة ماحدش فى الموقع كلة عندة اى معلومات ممكن يفدنى بيه
ا
محمد.فوكس
07-09-2008, 05:42 PM
اصل الموضوع غريب شوية
غير ان انا حاسس الوزراة اصلا عايزة تطفش الناس من الثانويةالعامة.
على فكرة انا كان معايا في الدروس ناس كبار .. بس معرفش بقى دول بيعيدوها ولا مدخلوهاش اصلا و عايزين يكملوا تعليمهم.
انا عندي معلومة كده مش جديدة بس يمكن تفيدك مع انها صعبة.
ممكن اي حد يعمل دراسات عليا في اي مجال حتى لو مش تخصصه .. المشكلة بس انه مش هيبقى عنده خلفيه فيها.
و بالنسبة ليا انا بحب كليه العلوم جدا .. بس المشاكل اللي قدامي هي اللي مخلياني بفكر اسيبها بس ان شاء الله تتحل.
shouaeb
08-09-2008, 01:59 AM
شكرا يمحمد فوكس على الرد
هو فعلا ممكن تحضر فى اى كلية تانية دراسات عليا بس مش كلها يعنى اعتقد هايكون ليا الكليات الادبية فقط
وانا عايز اكمل دراسة كاملة فى اى كلية علمية زى علوم او زراعة مثلا
وعشان كدة عايز ابدا من الاول
وربنا معاك وان شاء الله تكمل فى علوم
ارجوكم يجماعة عايز حد يفدنى فى الموضوع
اين المدرسين والمشرفين عن المنتدى اكيد عندهم معلومات
شكرا
اخوكم