المساعد الشخصي الرقمي

مشاهدة النسخة كاملة : لو داخل اولي جامعة اسأل مجرب

الصفحات : 1 [2] 3
vampire1188
28-09-2008, 10:33 PM
اصل انا لثا اول سنه بس تجاره انجليش اللى انا مش فاهم فيها حاجه

شئ طبيعي جدا انك متفهمش حاجة في الاول ..

ايش حال ان بتوع تجارة عربي لسه لا يفقهوا شئ لغاية دلوقتي .. بتوع انجليش هما اللي هايفهموا يعني ؟!

انتا هاتتلاقي نفسك معا الوقت ومرور الايام بدأت تخش في معمعة الدراسة وعز المحاضرات وهاتتلاقي نفسك بدأت تربط خيوط المحاضرات ببعض وهاتبقي الدراسة ماشية معاك حلاوة ..

لإنك لغاية دلوقتي يعتبر اصلا ماخدتش حاجة .. كل اللي انتا خدته المفروض يعني يكون بيتكلم عن ال accounting cycle وطبعا ماننساش الف باء محاسبة .. ال accounting equation اللي طبعا انتوا مش فاهمين فيها حاجة .. ومش عارفين يعني ايه assets ويعني ايه liabilities .. وقولتوا الراجل الدكتور دا بيرغي في ايه ؟! ..

كل دا عاااادي جدا .. انتا معا الوقت زي ماقولتلك هتاخد على الجو ..

مش عارف انا ليه بفكر اليومين دول احطلكوا موضوع للمحاسبة المالية ؟

عموما خليه بعدين مش دلوقتي .. اما تبقوا تخشوا في معمعة الدراسة نبقي نحطه

ومن الاخر المحاسبة المالية دي كلها كلمتين على بعض .. كل اللي بتاخدوه في المحاضرات دا انا شايف انه رغي اونطه .. لزوم اتمام عدد الساعات المطالب بيه بس مش اكتر ..

عيش حياتك انتا بس اليومين دول .. عشان ديتها اسبوعين وهاتبدأ تخش في الخنقة بقي ..
doody2
28-09-2008, 11:38 PM
هاي ياجماعه
صحيح يافامبير لما انت قولتلي علي الدكاترة ونظامهم في المجموعه بتاعتي مجموعه (و) فعلا انت عندك حق بس دكتور المحاسبه دة انا مش عارفه اعمله ايه الدكتور دة مش ناوي يدخلنا ابدااااااااا وبيقولوا انه بيدخل في الاخر خالص بيدي الامتحان وخلاص المشكله كلها بقي لما اطلع سنه تانيه مش عارفه ازاي يعني هافهم المحاسبه وانا اساسا مش متأسسه فيها من سنه اولي ودكتور الموارد اللي اسمه عبد المنعم دة فضيحه والله واول لما بيدخل في ناس بتخرج وناس بتنام وكل كلامه في المحاضرة محدش يكتب ورايا واشتروا الكتاب وكلمه اشتروا الكتاب دي تحتها الف خط ههههههههههههه والباقي بصراحه زي الفل
alaaoeldin1
28-09-2008, 11:42 PM
ياريت ايضا موضوع الرياضة البحتة لحسن الموضوع
مهيس والكتاب فية كمية رغى

انا مش فصدى منهج دكتور معين

انا عايز ملزمة او موقع يدى الخطوط العريض
vampire1188
28-09-2008, 11:52 PM
اولا .. احب اهنيكي على انك اهلاوية .. عشان انا اهلاوي انا كمان !

ثانيا .. > بالنسبة للبشبيشي .. اعرفي انه بيدي في المجموعة المميزة .. وانا علقت عليه كتير جدا في كلامي قبل كدا .. وهوا راجل محترم جدااااااا .. بس يمكن زي مانتي قولتي .. مشكلته انه شغال بنظام انجز في اخر 10 محاضرات واللي فهم فهم واللي مافهمش مافهمش .. وهاتنجح .. بس معني كدا انك مش تقضيها على اساس انك هاتنجحي وخلاص .. برده حاولي تركزي وتفهمي فيها كويس .. عشان دي مبني عليها محاسبة شركات الاشخاص في الترم التاني عندكوا بنسبة 50 % على الارجح ..

> بالنسبة لمحمد المحمدي .. زي ماقولتلك عليه قبل كدا شيخ وعايش في دور اسلمة المدرجات (يعني الولاد لوحدهم والبنات لوحدهم) .. وعايش في دور دكتور الايه يو سي اللي بيخش باللاب توب ويوصل في البروجيكتور.. وفي نهاية الامر مش هاتشوفوا حاجة ومش هاتسمعوا حاجة ومش هاتفهموا حاجة !! .. اه وبالمناسبة .. اما يشغلكوا الفيلم بتاع تشارل تشابلن و توم وجيري ابقي قوليلي ! .. وعلى فكرة مش بتريق والله .. هايعملها معاكوا غالباً .. دا ان مكانش عملها اصلا .. غير كدا بيرغي في مواضيع جانبية كتير .. وبيناقش الطلبة بأسلوب مستفز يضيع وقت المحاضرة .. وماشي بسرعة القطر المجري في شرح المنهج .. عشان كدا تابعي معاه اول بأول .. مش مهم تحضريله .. بس المهم اعرفي هوا شرح ايه عشان تبقي ماشية معاه اول بأول .. عشان المنهج بتاعه حوالي 18 فصل تقريبا على مافتكر يعني .. وبالمناسبة هوا كتابة نضيف جدا مقارنة بالكتب التانية .. بس مليان رغي وحشو كتير .. اقضيها ملازم في المادة دي .. وفي الامتحان .. امشي بمبدأ المختصر المفيد معاه عشان هوا مابيحبش الرغي ..

انا خصيت الدكتورين دول عشان الدكتورين دول هما اللي غالبا هايعملولك ازمة .. اما الباقيين فزي مانتي قولتي .. عاديين ..

ربنا معاكي ومعانا ،،،،،،
doody2
29-09-2008, 12:36 AM
اولا انا بردة بهنيك لان الاهلاويه دول اجدع ناس
اما بقي عن الدكتور بتاع المحاسبه دة فانا سايباها علي ربنا والله وبالنسبه لدكتور المحمدي بجد هايشغلنا توم اند جيري وشارل شابلن ههههههههههههههه طيب كويس دي هاتبقي محاضرة زي الفل بس المشكله انه نبهنا كتير اوووووي من نظام الملازم والكلام دة
اه في حاجه كمان الجامعه عامله منحه كدة لدراسه الكمبيوتر واللغات انا اخدت الورقه وكتبت اسمي بس مش عارفه اروح ولا لا؟ وهي معتمدة بردة ولا لا؟
وميرسي جدااااا يافامبير علي ردك وربنا معانا كلنا ياااااااااارب
vampire1188
29-09-2008, 01:16 AM
اه المنحة ؟ .. مش دي بتاعة ال ICDL اللي قدام مدرج جـ و د ؟

اه لسه شايفها النهارده والله بالصدفة ..

بس بصي .. كورسات الجامعة بتاعة اللغات من النوع الفيستك .. اللي مالوش لازمة

الكورس بيبقي ب 50 جنيه ويدوبك بيديكي اساسيات في الانجليش .. مش حاجة يعني

ويقولك دا الكورس مدعم ومش عارف ايه .. كلام فاضي والله

انتي تلاقيكي كنتي خدتي الورقة اللي كانوا بيوزعوها دي .. صح ؟

وهاتتلاقي عليها رمز الايه يو سي ويقولك بالتعاون معا كلية سياسة واقتصاد

على فكرة الاعلان قدامي اهو والله .. اقري الكلام اللي تحت كدا هاتتلاقي يقولك معتمدة من سياسة واقتصاد وكامبردج !! .. والله كلام فاضي ! .. واللي يأكدلك ان شوفي نمر التليفون .. هاتتلاقي مكانهم في سنتر في الدقي .. يعني المختصر المفيد كله تجارة في تجارة ..

نصيحة لوجه الله .. خدي كورسات الانجليش واللغات عامة .. معا المراكز المعتمدة والمشهورة .. اللي هيا بتبقي غالية زي الايه يو سي والاي بي اي والبريتش كاونسل و مراكز سوزان مبارك و القوات المسلحة ..

بس النظرية كلها تنحصر في انك المركز اللي هاتاخدي فيه هوا دا اللي انتي هاتكملي فيه ..

لإن كورس واحد في ليفل معين ماينفعش .. لازم تكملي والا كدا يبقي راحت عليكي .. دا الكلام دا لو انتي حاطه عينك على التويفل تيست والحاجات دي .. والكلام دا بيخش في اسعار عالية اوي

بمناسبة الكورسات .. معلومة كدا للتجاريين فقط بقي ها ؟؟

سألت النهارده في مركز البحوث التجارية اللي في ضهر العيوطي على كورس البورصة

قالولي ان فيه كورس تحليل فني Technical Analyzing ب 1000 جنيه

هوا مشكلته انه اوفر شوية في السعر .. بس جامد جداااااااااااا جدا جدا جدا جدا جدا جدا

عموما .. بالنسبة لل اي سي دي ال .. خديها .. مش مشكلة .. هيا اصلا معتمدة من اليونيسكو طبيعي .. لإن اللي بيدي الرخصى بتاعة تدريسها شركة الاتصالات اللي هيا اصلا متعاقدة معا اليونيسكو !! ..

احلي حاجة ان الحكومة بتتاجر علينا وربنا ! والمهم اني عارف انكوا مش فاهمين حاجة !!!

ماعلينا مش مهم ..
doody2
29-09-2008, 01:31 AM
لا يافامبير الكورس اللي انت قصدك عليه اوبمعني اصح الورقه اللي انت بتتكلم عليها مش هي اللي معايا بص هي الورقه اللي معايا كان مكتوب فيها ان الكورس دة في الهرم جمب خير زمان في شقه كدة في الدور التاني ومش مكتوب فيها اذا كانت معتمدة ولا لا؟ والورقه من فوق كدة مكتوب عليها منحه دراسيه والوش بتاع الورقه كله بيتكلم عن العنوان وعن ارقام تليفوناتهم وظهر الورقه فيها الكورسات الموجودة هناك حتي متقسمه جداول كدة واخر جدول عن اللغات اللي موجودة والجدوال اللي فوق واحد عن ال icdl وواحد عن صيانه الكمبيونر والجرافيك والكلام دة
علي العموم شكرا جدااااااااا يافامبير انا اسفه لاني تعبتك معايا جدااااااااا بجد شكرا جدا ليك
vampire1188
29-09-2008, 01:39 AM
يمكن .. الله اعلم ..

بس عموما انا قولتلك المفيد في حكاية الكورسات دي

الكورسات دي في الشغل بعد التخرج .. عاملة زي اعمال السنة كدا اللي بتتاخد عشان تسند السي في بتاعك اما تيجي تقدي للشغل .. وبالتالي اما تيجي تاخدي الكورسات دي وطالما انتي بقي هاتصرفي كاش ماني .. يبقي تصرفي في الحاجات المعروفة المفيدة اللي معتمدة فعلا ..

والكلام في الكورسات دا موال لوحده اصلا .. دا بيتهيألي يتعمله موضوع خاص بيه !!

اني واي .. ماتشتتيش نفسك بحكاية الكورسات دلوقتي .. انتي لسه اول خطوة ليكي في الجامعة ماكملتيش فيها اسبوعين .. ماتاخدكيش الحمية اوي في انك تنفضي لدراستك وتروحي تشوفي كورسات الانجليش والكومبيوتر والكلام دا ..

حطي في دماغك اني الاولوية عندي في التقدير .. لإنك اما بتيجي تقدمي لشغل او حاجة بيسألهوالك ايه ؟ .. انتا خريج ايه ؟ .. تجارة ؟ .. طب ورينا شهادة تخرجك .. تقديرك ايه ؟؟؟؟؟؟؟؟

هوا دا بقي المحدد الاساسي .. او زي مابيقولوا كدا الـ First Impression بعد كدا بقي يبدأوا يبصوا للحاجات التانية اللي معاك .. معاك كام لغة .. معاك كام كورس .. السكيلز بتاعتك ايه ؟ .. واخد تنمية بشرية ولا لأ .. كل دا بيبان من الانترفيو اللي بيتعمل .. لإن صاحب الشغل او البوس زي ما بعض الناس بتقول عليه .. مش اهبل عشان يعين واحد مالوش لازمة .. ولا ايه ؟؟؟؟
doody2
29-09-2008, 01:45 AM
صح عندك حق انا فعلا هاهتم دلوقتي بالمذاكرة والتقديرات وربنا معانا وفي الاجازات هابقي اشوف موضوع الكورسات وبجد انت فعلا افادتني جداااا وميرسي ليك جداااااااااا يافامبير وربنا يوفقك ويوفقنا جميعا
alaaoeldin1
29-09-2008, 02:52 AM
شئ طبيعي جدا انك متفهمش حاجة في الاول ..

ايش حال ان بتوع تجارة عربي لسه لا يفقهوا شئ لغاية دلوقتي .. بتوع انجليش هما اللي هايفهموا يعني ؟!

انتا هاتتلاقي نفسك معا الوقت ومرور الايام بدأت تخش في معمعة الدراسة وعز المحاضرات وهاتتلاقي نفسك بدأت تربط خيوط المحاضرات ببعض وهاتبقي الدراسة ماشية معاك حلاوة ..

لإنك لغاية دلوقتي يعتبر اصلا ماخدتش حاجة .. كل اللي انتا خدته المفروض يعني يكون بيتكلم عن ال accounting cycle وطبعا ماننساش الف باء محاسبة .. ال accounting equation اللي طبعا انتوا مش فاهمين فيها حاجة .. ومش عارفين يعني ايه assets ويعني ايه liabilities .. وقولتوا الراجل الدكتور دا بيرغي في ايه ؟! ..

كل دا عاااادي جدا .. انتا معا الوقت زي ماقولتلك هتاخد على الجو ..

مش عارف انا ليه بفكر اليومين دول احطلكوا موضوع للمحاسبة المالية ؟

عموما خليه بعدين مش دلوقتي .. اما تبقوا تخشوا في معمعة الدراسة نبقي نحطه

ومن الاخر المحاسبة المالية دي كلها كلمتين على بعض .. كل اللي بتاخدوه في المحاضرات دا انا شايف انه رغي اونطه .. لزوم اتمام عدد الساعات المطالب بيه بس مش اكتر ..

عيش حياتك انتا بس اليومين دول .. عشان ديتها اسبوعين وهاتبدأ تخش في الخنقة بقي ..

ياريت ايضا موضوع الرياضة البحتة لحسن الموضوع
مهيس والكتاب فية كمية رغى

انا مش فصدى منهج دكتور معين

انا عايز ملزمة او موقع يدى الخطوط العريض
vampire1188
29-09-2008, 02:57 AM
خلاص يا علاء اتس اوكي .. انا قريت ردك على فكرة قبل كدا

بس ماحبيتش ارد دلوقتي .. لإن الموضوع سابق لأوانه .. فاكتفيت بالصمت لغاية ماشوف الايام الجايه فيها ايه

وماتنساش اني في تانية .. يعني ورايا موال انا كمان !! ..
the_guilty
29-09-2008, 08:43 AM
انا بقى مشكلتى فى تجارة انجليش مش المحاضرات لانى فاهم معظمها كويس

انا مشكلتى انى خايف منهجنا يكون كبير وانسى معظمه وكنت عايز اساللك هى اهم مادة عندنا ايه فى توزيع الدرجات ؟

اللى المفروض ليها اولوية انى اخد فيها درس ]
vampire1188
29-09-2008, 09:13 PM
انا مشكلتى انى خايف منهجنا يكون كبير وانسى معظمه وكنت عايز اساللك هى اهم مادة عندنا ايه فى توزيع الدرجات ؟

لا ماتخافش .. مافيش حاجة اسمها منهج كبير ومنهج صغير ..

هانروح بعيد ليه ؟ .. عند منهج الرياضة في الثانوية العامة .. مش دا كان بالنسبالك كبير ؟

نسيته ؟! .. اكيد لأ .. ليه ؟ .. لإنك مداوم على التطبيق والحل في المسائل ..

زيك زي لاعب الكورة كدا اما بيقعد يتمرن على طول عشان تفضل اللياقة البدنية معاه

اما بالنسبة لأهم مادة في توزيع الدرجات .. المواد كلها بتتحسب من 20 درجة (جامعة القاهرة)

لكن السؤال هوا .. ايه هيا المادة اللي اركز عليها جامد ..

المحاسبة .. والرياضة .. ماتسيبهومش خلي عينك عليهم
wanda
30-09-2008, 01:31 AM
هو احنا هنستلم الكارنيها امتى وازاى انا سمعت اننا هنسلمة فى نص 10 او اول 11

اصل عددنا كبير اووى هل يا ترى هنقف طابور زى مقدمنا للكارنيه وناخدة

ولا هيبقى كل يوم لمجموعه معينه ولا مش فى المكان الى قدمنا فيه اصلا..؟؟!!
vampire1188
30-09-2008, 01:57 AM
لا بصي يا واندا ..

العرف ماشي في الكلية كالآتي .. ان انتي بعد مابتدفعي المصاريف في الخزنة وتروحي للشئون بالوصل عشان تعملي اثبات دفع المصاريف .. بتاخدي طبعا صورة معاكي في الشباك بتاع اولي انتساب .. وتديها للشخص اللي قاعد .. وغالبا تستني اسبوعين او تلات اسابيع .. وبعد كدا تروحي وتقولي اسمك للي قاعد وهوا هايدور ويدهولك .. بس بعد مايتأكد ان صورتك انتي اللي في الكارنيه .. انما شغل الطوابير دا عادي جدا !! .. طبيعي اصلا هايكون فيه طوابير لإن معروف ان شبابيك اولي بالذات بتبقي زحمة جدا ودا عشان بتوع اولي عددهم كبير .. انما لو تلاحظي الشبابيك التانية هاتتلاقيه مهوية ..
wanda
30-09-2008, 03:07 AM
اااااااه طب كويس والله

انا فات تقريبا اسبوعين كده اروح بعد العيد بقى اشوف النظام

بس هيعرف منين ان الصورة اللى فى الكارنيه بتاعتى

مهى شبهى بس على نضافة شوية يعنى شغل التصوير وكده بيغيرو فى الملامح

معايا البطاقة بتاعتى هرزعها فى وشة لو قالى مش انتى :d
vampire1188
30-09-2008, 03:08 AM
هههههههههههههههههههههههه

حلوة هارزعها دي .. محسساني انك في قسم امبابة !!!!
u4me
30-09-2008, 03:11 AM
مستعجله ع الكارنيه ليه يا بنتى

مسيرك هتاخديه

وهو تقريبا هيبقى بعد العيد

ومتخافيش مش هيقولك بطاقه ولا حاجة

الدنيا بتبقى زحمه اصلا

وما بيصدق انتى تديله وصل المصاريف

ويروح راميلك الكارنيه كدا والسلام

عشان ينجز
wanda
30-09-2008, 03:18 AM
طيب اما نشوف اتعلمت التشرد على ايد الجامعه

وانا اساسا دلوقتى بخش كده من غير وصل ولا حاجة

هما يومين بالعدد طلعت الوصل علشان ادخل بيه

بعديها حفظنى وحفظ شكلى تقريبا او علشان كونت باجى مع اخويا فحفظنى :d

مصلحة بردو ... بس كونت عايزة اسئل حاجة بالنسبه لتانيه

هو لو واحد فى تانيه ضاع منه كارنية السنه اللى فاتت هيستلم الكارنية الجديد عادى

ولا لازم القديم معاه ...؟؟!! سمعت شبه اشاعات انه لازم يكون معاه بتاع السنه اللى فاتت
u4me
30-09-2008, 03:26 AM
لأ طبعا

واديكى قلتى اهو اشاعات

انا رحت اول يوم

وقالولى تعالى بعد العيد

وبعديها منزلتش

بس محدش جاب سيرة الكارنيه القديم اصلا

يا بنتى ده اتسحب منى مليون مره ف الجامعه

وكذا مرة ف جامعات تانية
vampire1188
30-09-2008, 03:32 AM
لا مين قال

اصلا عشان بتوع سنة تانية يطلعوا اذن دفع المصاريف ..

لازم تديله الكارنيه عشان يكتب الاسم اللي في الكارنيه على الورقة الطويلة دي

بالتالي لازم الكارنيه بتاع سنة اولي القديم يكون معاك .. بعد كدا اما نستلم الكارنية الجديد

نبقي نولع في الكارنيه القديم بقي براحتنا !!

يا بنتى ده اتسحب منى مليون مره ف الجامعه

شكلك كنتي مشاغبة في المدرجات !
u4me
30-09-2008, 03:35 AM
ومتسحبش على حاجات مهمه يعنى

ادخل مجموعه من غير ما ادفع فلوسها

يقوموا ساحبين الكارنيه

لحد ما اجيب الوصل

وارجع اخده تانى

وحاجات من دى كتير

وبرا بقى

اروح اى جامعه ميرضوش يدخلونى

الا اذا خدوا الكارنيه بتاعى

واديهولهم والمفروض اخده قبل ما امشى

وانسى واسيبهولهم

وكدا بقى

منين ما امشى الاقيهم ياخدوه
u4me
30-09-2008, 03:38 AM
شكلك كنتي مشاغبة في المدرجات !

لأ والله ابدا اقرا ردى كدا

وهتفهم اتسحب ازاى
!!!دمعة حزن!!!
30-09-2008, 07:26 AM
.. واخد تنمية بشرية ولا لأ .


هى التنميه البشريه مهمه

لازم اخد كورسات فيها ولا عادى
elbahzy
30-09-2008, 03:18 PM
يا vampire


التقدير دلوقتى بقى مش مهم زى زمان دلوقتى عايزين واحد مدعم بالكوررسات والكمبيوتر او عنده واسطه حلوه اويكون تجاره انجلش واخر حاجه بيفكروا فيها التقدير
vampire1188
30-09-2008, 08:32 PM
هى التنميه البشريه مهمه

لازم اخد كورسات فيها ولا عادى


التنمية البشرية عبارة عن شوية كورسات بتقويكي وتوريكي طرق التعامل معا الناس وازاي تقنع اللي قدامك بحاجة معينة .. والكورسات دي مطلوبة جدا جدا جدا في سوق العمل ..

حكاية بقي انك لازم تاخديها او لأ .. دا يرجعلك انتي .. بس يفضل انك تاخدي فيها شوية كورسات .. على الاقل تاخدي فكرة عامة يعني :rolleyes:
vampire1188
30-09-2008, 08:39 PM
يا vampire


التقدير دلوقتى بقى مش مهم زى زمان دلوقتى عايزين واحد مدعم بالكوررسات والكمبيوتر او عنده واسطه حلوه اويكون تجاره انجلش واخر حاجه بيفكروا فيها التقدير

ياسيدي وهوا حد قال حاجة ؟!

بس برده هافضل اقول ان التقدير هوا واجهتك الامامية اما بتيجي تقدم لشغل ..

الكلام بقي اللي انتا قولته وهوا اني اكون تجارة انجليش .. اظن ان لو الناس ماشية بالنظام دا كان ال 48 الف اللي بيتخرجوا من كليات تجارة العربي كل سنة ماكانوش اشتغلوا !!!!

انما لو جيت تتكلم عن الكورسات والكومبيوتر والواسطة .. اه انا معاك في دي ..

بس الاولولية بتبقي للتقدير .. لإنك لو انتا ماكونتش شاطر وانتا في الكلية هاتبقي شاطر وانتا في الشغل ؟!

وعن تجربة شخصية .. فيه بعض المناطق بتشغل ابناء العاملين .. ومابيبصوش الا للتقدير .. او بمعني اصح الاولوية للي معاه تقدير ..
طمطومة
02-10-2008, 09:38 PM
السلام عليكم ورحمة الله وبركاته
كل سنة ونتم طيبيبن بمناسبة العيد وبدء السنة الدراسية
انا نزلت الجامعة اول اسبوع واخدت المحاضرات يعتبر كاملة والدكاترة الحمدلله كويسين ويارب زى مابيقولوا الجواب بيبان من عنوانه ويارب عنوانه مايتغيرش بس فى دكتور رغاى موت بره الشرح وبيتوه وبيربط مواضيع مالهاش علاقة ببعض كدا وعامل نفسه المصلح الاول وانه منزه عن الاخطاء بس يلا بقى الحمدلله على الباقى

المهم ياجماعة انا ماكنتش اعرف ان بتوع تجارة شعبة بيجوا على سنة تانية على طول المهم قعدوا جنبى بنات منهم
مش عارفة حسيت باحساس غريب يعنى وعارفة انه مش بايدى صراحة زعلت وحزنت جدا انهم بيساوا ناس دخلوا ثانوى بناس تانية وغير كدا هما بيبقوا جاين عندهم خلفية عن المناهج يعنى كمان بيبقوا افضل مننا
يعنى من الاخر فى نظرهم ثانويتنا مالهاش لازمة وده اللى حسيته من كلامهم
مش عارفة وجت لحظة عليا قولت ياريتنى دخلت زيهم وريحت دماغى وبدل ماكنت تعبت فى ثانوى وفيزيا ورياضة 2 وكلام زى ده كنت ريحت دماغى وصحتى واهلى وعملت زيهم وافتكرت انى اتظلمت فى ثانوى وصراحة كان اسبوع اسود اعمل ايه بقى بس لازم اتقبل الوضع
وده والله ماحقد بس حبيت افضفض معاكم واسفة لوحد هنا كان شعبة واوعوا كلامى يزعلكم
vampire1188
02-10-2008, 11:34 PM
الحمدلله انا مش معادلة :blush: !!


والله انا عن نفسي بحس ان بتاع الثانوية العامة اللي دخل الكلية .. بيبقي برستيج بمعني اصح .. بس في نفس الوقت مانقدرش نهضم حق طالب المعادلة في حق دخولة الكلية ..

ومجلس الجامعات اكيد مش هايطبق نظام غلط .. والا كان دكاترة الكلية نفسهم اعترضوا على النظام اللي ماشي ..

بعدين ماتنسيش ان طالب المعادلة دا .. مر بامتحان شامل .. وماتنسيش انه عشان يتسمحله دخول الامتحان دا لازم يكون مر عليه 5 سنين .. وبمجاميع عالية وفي مواد تجارية صرف !! .. فشئ طبيعي انه يكون اكثر تفوقاً ودراية من طالب الجامعة لإن فيه نقاط كتيرة خاصة في المحاسبة (عقدة الكلية) مرت عليه قبل كدا ..

والكلام دا زيه زي طالب الايه يو سي اللي بيعمل امتحان معادلة معادلة الانجليش اللي عن طريقه بيلتحق بالجامعة .. ودا حقه طبعاً .. لإن الجامعة بتبي عاملة الامتحان دا بطريقة ومتطلبات معينة .. وفي حالة مرور الطالب او الممتحن بنجاح في الامتحان دا.. بيبقي له الحق انه يلتحق بالجامعة زيه زي طالب الثانوية الامريكية بالظبط ..

فاحنا بلاش نيجي على حد او نظلم حد .. زي ماحنا لينا حق .. هما برده ليهم حق والمفروض نرحب بيهم برده :078111rg3: ..

بس حبيت افضفض معاكم

فضفضي براحتك وعادي جدا .. بس في الموضوع المختص بدا "يوميات تجاري مطحون" لمجرد بس منع تداخل الردود معا بعضها .. عشان انا عارف ان فيه 20 واحد بعدي هايخش يناقش الموضوع دا .. بالتالي عنوان الموضوع هايبدأ يفقد مغزاه ..

ياريت تكون نظريتي وصلت .. وكل عام وانتي بخير ،،،،،
egycool
03-10-2008, 03:27 AM
tank you very mach
vampire1188
03-10-2008, 03:48 AM
tank you very mach

احم احم :blush: ..

اهلا بيك يا محمد في قسم كلية التجارة .. ونورت القسم

بس اللي شدني من كل التعليقات دي كلها بأمانه تعليقك دا

ومتشكر جدا على اطرائك .. اي نعم انا ماعرفش انتا بتشكر مين .. بس ماعلينا

بس انتا مثلا .. مثلا يعني .. مش شايف ان tank دي معناها دبابة ؟!

و mach دي تبقي اختصار لكلمة machine ؟!

يعني ترجمت الجملة كلها على بعضها كدا

دبابة انتا آلة اوي !!!!!!!!!!!!!!

بجد انتا راجل تمااااااااااام :friendsxs3:

عموما .. دبابة وانتا بخير !! .. وعام سعيد عليك

وأأسف للجميع لو كانت المشاركة خارج سياق الموضوع .. بس بجد الكلمة شدتني مش اكتر ;)
طمطومة
04-10-2008, 02:29 AM
السلام عليكم ورحمة الله وبركاته
ياجماعة هتنزلوا ا يوم السبت ولاهتكملوا رابع يوم العيد

انا هانزل وخلاص ومتاكدة ان الناس هتنفض والدكاترة قبليهم بس هاروح
! MedOo
04-10-2008, 03:25 AM
عالعموم .. احلى حاجة انا عندى السبت اجازة والاحد محاضرات والاتنين 6 اكتوبر ..,!


والواحد بقى مش عارف يروح ولا لأ .. ايه القلقة دى ...؟! ;)
vampire1188
04-10-2008, 05:06 PM
اه والله .. وانا زيك يا ميدو ..

عندي برده محاضرات يوم الاحد ..

ومحتار .. بس انا اتلاقيت صحابي نازلين بكره .. قولت انزل وخلاص
طمطومة
04-10-2008, 09:00 PM
السلام عليكم ورحمة الله وبركاته
والله ماينفع كدا يعنى ينزلونى من بيتنا واروح اتبهدل فى الشمس والمواصلات
وفى الاخر ولادكتور من التلاتة يجى ده تهريج والله هما ايه فاكرين ان العيد 4 ايام

ياترى بقى هيكملوا بقية الاسبوع عيد ولا هيجوا ونتوا هتروحوا ولا ايه؟
vampire1188
04-10-2008, 10:06 PM
والله ماينفع كدا يعنى ينزلونى من بيتنا واروح اتبهدل فى الشمس والمواصلات
وفى الاخر ولادكتور من التلاتة يجى ده تهريج والله هما ايه فاكرين ان العيد 4 ايام

ههههههههههههههه .. بتحصل كتييييييييير .. عادي عادي

تحلي بالشجاعة عند سماعك خبر عدم مجئ الدكتور اللي ميعاد محاضرته الساعة 8 صباحاً !!

وتحلي بالشجاعة اكتر اما تكوني ساكنه في المعادي او المقطم !!!!!!!!!!!
jonna
04-10-2008, 10:44 PM
شئ طبيعي جدا انك متفهمش حاجة في الاول ..

ايش حال ان بتوع تجارة عربي لسه لا يفقهوا شئ لغاية دلوقتي .. بتوع انجليش هما اللي هايفهموا يعني ؟!

انتا هاتتلاقي نفسك معا الوقت ومرور الايام بدأت تخش في معمعة الدراسة وعز المحاضرات وهاتتلاقي نفسك بدأت تربط خيوط المحاضرات ببعض وهاتبقي الدراسة ماشية معاك حلاوة ..

لإنك لغاية دلوقتي يعتبر اصلا ماخدتش حاجة .. كل اللي انتا خدته المفروض يعني يكون بيتكلم عن ال accounting cycle وطبعا ماننساش الف باء محاسبة .. ال accounting equation اللي طبعا انتوا مش فاهمين فيها حاجة .. ومش عارفين يعني ايه assets ويعني ايه liabilities .. وقولتوا الراجل الدكتور دا بيرغي في ايه ؟! ..

كل دا عاااادي جدا .. انتا معا الوقت زي ماقولتلك هتاخد على الجو ..

مش عارف انا ليه بفكر اليومين دول احطلكوا موضوع للمحاسبة المالية ؟

عموما خليه بعدين مش دلوقتي .. اما تبقوا تخشوا في معمعة الدراسة نبقي نحطه

ومن الاخر المحاسبة المالية دي كلها كلمتين على بعض .. كل اللي بتاخدوه في المحاضرات دا انا شايف انه رغي اونطه .. لزوم اتمام عدد الساعات المطالب بيه بس مش اكتر ..

عيش حياتك انتا بس اليومين دول .. عشان ديتها اسبوعين وهاتبدأ تخش في الخنقة بقي ..

تصدق ان الaccounting دي اكتر حاجة بحسها لذيذة هى و math اذا كان finance or pureو economics شغال مش قايل لا business يعني الدكتور اصلا بحسة بيكلم ناس اميريكان يعني اسرع كمان من البريتيش
المهم عشان ما اطولش عشان لو اتفتحت ماحدش هيعرف يسكتني

انا عندي سؤال انا كنت رايحة ادفع المصاريف قبل العيد و ما لقيتش الوصل اللي عطيتهم الورق بتاعي بيه و كسلت اروح ادفع عشان كدة و مش عايزة اسال شئون الطلبة عشان رخامة الدنيا فيهم و دبيت معاهم عركة جامدة و بقيت مسجلة خطر و اول مرة اعمل الحكاية دي ف حياتي
jonna
04-10-2008, 10:47 PM
على فكرة انا كنت بكتب لك ماشاء الله عليك ((مش حسد ماتخافش عينيا اول ماتيجي على حاجة ما اقولكش )) كنت بشرب فيروز اعدت اكح اكح و كنت حموت سامحني بقى



(على فكرة انا بهزر و اللهي عمري ما حسدت حد)
bondok fady
06-10-2008, 12:53 AM
al accounting de a7san 7aga fe al sh3aba
wal math kaman gamel
bas ale sa3ab bagad hoow economics wel al edara mange
begad 7aga sa3aba ioooe

bondok
vampire1188
06-10-2008, 08:30 PM
طب والله كويس يا jonna انك حبيتي المحاسبة والرياضة ..

غيرك بيكرهها كره العمي .. وانا طبعاً وبلا فخر منهم !! .. بس نعمل ايه بقي !

بصي .. حب المادة اكيد شئ ايجابي طبعا .. بس مش حاجة اساسية انها تخلي الواحد ينجح

بس طالما انتي بتحبيها دا فأل كويس .. استغلي بقي النقطة دي ودوسي في المادة دي جامد .. عشان دي فعلا اساس كلية التجارة .. والمادة دي برده بتعتبر عامل اساسي جدا في ان تقديرك يبقي عالي او مش عالي ، بس في نفس الوقت برده ماتنفضيش للنظري .. لإن النظري دا بقي اللي بيلم الدرجات فعلا ..

اما بالنسبة لسؤالك انا كنت رايحة ادفع المصاريف قبل العيد و ما لقيتش الوصل اللي عطيتهم الورق بتاعي بيه و كسلت اروح ادفع عشان كدة .. صراحة مش فاهم فيه حاجة .. ياريت توضحي اكتر

وبالنسبة لتعليقك على فكرة انا كنت بكتب لك ماشاء الله عليك مش عارف صراحة دا ليا ولا مش ليا .. بس غالباً شكله مش ليا .. ماعلينا ..

economics wel al edara mange
begad 7aga sa3aba ioooe


منور يا عم بندق .. بص كل حاجة في اولها بتبقي صعبة .. بس اهم حاجة ركز انتا واتمرن جامد على المسائل .. وانتا ان شاء الله ربنا هايسهلها معاك
wanda
06-10-2008, 08:43 PM
على فكرة المواد كلها الحمد لله ابتديت افهم من تانى محاضرة

معادا المحاسبه علشان لسه مشرحش حاجة

والسلوكية كمان نفس النظام

هو الهوارى دهون دخلنا وقعد يقول الولاد فى نحية والبنات فى نحية وتقريبا مشرحش حاجة

وجايلنا الاربعاء اميرة الله واعلم بقى انا مش شوفتها بس مش بحب الا الرجالة فى شرحهم مش ناقصة نقطة

لو تعرف عنها حاجة يا فامبير قول لانى بجد خايفه مفهمش منها حاجة

وشكراا يا بندق اووى على زوقك

وصورتك الرمزية مخالفه على فكررة انا حبيت احزرك بس
طمطومة
07-10-2008, 02:26 AM
السلام عليكم ورحمة الله وبركاته

ياواندا على فكرة دكتور مبروك الهوارى ده شرحه ممتاز جدا
كان بيدينى فى اولى وجبت معاه 18

وموضع انه بيفصل البنات عن الولاد ده متهيالى عمله عندنا فى الترم التانى كان سايبهم عادى جنب بعض بعد كدا فصل

وربنا يوفقكم كلكم
MIRO200898
07-10-2008, 06:04 AM
هاى يا جماعه انا سنه اولى تجاره انتساب القاهره ممكن تقبلونى صديقه و نتعرف و ياريت لو حد معيا فى سنه اولى مجموعه ز يقولى و نتقابل فى الجامعه يلا بااااااااااى مستنيه ردودكم
bondok fady
07-10-2008, 01:02 PM
اولا: انا قلت اللى كان مفروض يتقال لوحده زى حضرتك متزعليش:mad:
انا اقول اللى يرضينى وميهمنيش اللى يزعل او ياخد موقف منى اووكى
دى طبعا كله الا.....فامبير دا رااااااااجل محترم ومش فى يقدر يغلط فيه

ثانيا: مش فى حد قلت تقولى رايك فى الصورة الرمزيه بتاعتى:stickjo4: دى حريه شخصيه ومش ليكلى الحق :mad:تقوليه ودا رايى اذا كان مش عجبك فدا رحتك مش هيلزمنى فى حاااجة خلاص:slap1qk6: خصوصا انتى مااااااااااشى ياااااا....:040vk0:
wanda
07-10-2008, 03:10 PM
على فكرة دية قوانين منتدى مش بمزاجى وده مجرد تحذير اى مشرف ادارى هيوجهلك نفس الكلام

وبنا يسامحك على كلامك.. وصورتك هتتلغى قريب..
wanda
07-10-2008, 03:14 PM
السلام عليكم ورحمة الله وبركاته

ياواندا على فكرة دكتور مبروك الهوارى ده شرحه ممتاز جدا
كان بيدينى فى اولى وجبت معاه 18

وموضع انه بيفصل البنات عن الولاد ده متهيالى عمله عندنا فى الترم التانى كان سايبهم عادى جنب بعض بعد كدا فصل

وربنا يوفقكم كلكم

طمنتينى يا طمطومة الله يطمنك انا بس مش فارقه انه يفصل بين الولاد والبنات

اللى مخوفنى انه كل ميدخل ميشرحش حاجة ويقعد يقول احنا فى محاضرة سلوكية المفروض فية سلوك حضارى وبس مبيتكلمش فى اى حاجة تانى ومشرحش حاجة بس كويس انك طمنتينى بجد:romarioxp6:
wanda
07-10-2008, 03:15 PM
هاى يا جماعه انا سنه اولى تجاره انتساب القاهره ممكن تقبلونى صديقه و نتعرف و ياريت لو حد معيا فى سنه اولى مجموعه ز يقولى و نتقابل فى الجامعه يلا بااااااااااى مستنيه ردودكم

انا يا قمر مجموعة ز اى خدعة وانت اكيد صديقة واخت كمان طالما اتكلمتى باحترام

مش زى ناس كده :mad::slap1qk6: وطبعا يشرفنى انك تكونى فى نفس مجموعتى

منورة طبعا:av4056bb7jp3:
MIRO200898
07-10-2008, 04:20 PM
شكرا يا واندا على الرد و انا كمان يشرفنى ان نكون اصدقاء و حظ جميل انك طلعتى فى نفس مجموعتى بس قوليلى انتى نازله بكره الجامعه و لا ايه:)
vampire1188
07-10-2008, 05:11 PM
بندق باشااااااااا .. انا بقولهالك على الملأ اهو .. اي مواضيع تتعلق بالأمور الشخصية يستحسن ماتظهرش على المنتدي هنا اوكي ؟ .. وياريت طريقة الكلام تكون اظرف شوية من كدا ..

وياريت الكلام الغير واضح زي اللي انتا قولته دا >> خصوصا انتى مااااااااااشى ياااااا....:040vk0: ياتوضحه يا ماتقولوش .. خلاص ؟

اما بالنسبالك يا واندا .. برده هارجع واقول عاملة ازمة من غير لازمة !! .. ماله الهواري ؟ .. اهي طمطومة قالتلك كان بيديها في مجموعة هـ السنة اللي فاتت (اللي هيا و حاليا) .. انا برده سمعت عنه قبل كدا وناس قالتلي انه شرحه حلو واهم حاجة تطبيقاته والكتابه وراه .. عموما انتي كل اللي تعمليه احضري وبس .. وحكاية الفصل بتاعة الولاد والبنات دا شئ عادي فيه دكاترة بيعملوه زي محمد المحمدي كدا .. وبعدين دانتي تفرحي مش تزعلي !! ..

بالنسبالك ياmiro200898
هاى يا جماعه انا سنه اولى تجاره انتساب القاهره ممكن تقبلونى صديقه و نتعرف و ياريت لو حد معيا فى سنه اولى مجموعه ز يقولى و نتقابل فى الجامعه يلا بااااااااااى مستنيه ردودكم


منورة المنتدي .. بصي الوحيدين اللي في المنتدي هنا في اولي ز .. واندا .. وتقدري تقولي انا .. بس انا مستغرب ميرو ازاي وانتي مجموعة ز ؟!! .. ماعلينا ..

>> يااا جماعة .. بليييييز .. اي خلافات شخصية مابين عضو وعضو هنا في المنتدي ياريت ماتظهرش في الردود والا هاحذف .. انا قولت ونبهت ومالييش دعوة
wanda
07-10-2008, 08:14 PM
شكرا يا واندا على الرد و انا كمان يشرفنى ان نكون اصدقاء و حظ جميل انك طلعتى فى نفس مجموعتى بس قوليلى انتى نازله بكره الجامعه و لا ايه:)


اه طبعا رايحة بكرة هتلاقينى مع اللى بيجوا متاخر ههههههههههههههههه

ومنورة المجموعة وزى مقال فامبير مفيش غيرى وغيرة مجموعه ز هو تانيه وانا اولى:romarioxp6:
jonna
07-10-2008, 08:18 PM
طب والله كويس يا jonna انك حبيتي المحاسبة والرياضة ..

غيرك بيكرهها كره العمي .. وانا طبعاً وبلا فخر منهم !! .. بس نعمل ايه بقي !

بصي .. حب المادة اكيد شئ ايجابي طبعا .. بس مش حاجة اساسية انها تخلي الواحد ينجح

بس طالما انتي بتحبيها دا فأل كويس .. استغلي بقي النقطة دي ودوسي في المادة دي جامد .. عشان دي فعلا اساس كلية التجارة .. والمادة دي برده بتعتبر عامل اساسي جدا في ان تقديرك يبقي عالي او مش عالي ، بس في نفس الوقت برده ماتنفضيش للنظري .. لإن النظري دا بقي اللي بيلم الدرجات فعلا ..
شكرا ع النصيحة انا بجد بعد تالت محاضرة حسة ان في مواد بدأت ترخم

اما بالنسبة لسؤالك .. صراحة مش فاهم فيه حاجة .. ياريت توضحي اكتر

يعني هما بيحتاجو الوصل اللي مكتوب فيه ايصال استلام الورق بتاع الثانوية العامة عشان و انا بدفع المصاريف

وبالنسبة لتعليقك مش عارف صراحة دا ليا ولا مش ليا .. بس غالباً شكله مش ليا .. ماعلينا ..
لا ليك انا كنت بقول ماشاء الله ع المعلومات اللي عندك بس شكل كدة اللي يزعلك ياعيني عليه
doody2
07-10-2008, 09:45 PM
بقولك ايه يافامبير معلش انا عارفه اني تاعباك معايا بس انا عايزة اعرف لو انا عايزة اجيب ملزمه للموارد علشان انا مش فاهمه ولا حاجه انا مجموعه و ومتقوليش من المكتبات لاني معرفش اصلا عي فين المكتبات دي ياريت تقولي هي فين او حمب ايه بالظبط؟ وانا هاحضر المحاضرات بردة علشان اعرف هو ادي ايه ولغي ايه
vampire1188
08-10-2008, 09:04 PM
بقولك ايه يافامبير معلش انا عارفه اني تاعباك معايا بس انا عايزة اعرف لو انا عايزة اجيب ملزمه للموارد علشان انا مش فاهمه ولا حاجه انا مجموعه و ومتقوليش من المكتبات لاني معرفش اصلا عي فين المكتبات دي ياريت تقولي هي فين او حمب ايه بالظبط؟ وانا هاحضر المحاضرات بردة علشان اعرف هو ادي ايه ولغي ايه


لا عادي لا تعب ولا حاجة .. وبعدين شئ طبيعي انك ماتكونيش عارفه المكتبات دي فين ..

لإن انا كنت زيك برده .. فمافيش كسوف يعني ..

بصي ياستي عشان تبقي عارفه النظام بس .. السنة اللي فاتت طبقوا نظام .. ايه هوا ؟

ان كل مكتبة من المكتبات بتوع بره تكون متخصصة في وضع ملازم لمجموعة معينة من مجموعات كلية تجارة ..

بمعني مثلا .. ان الفرقة الاولي (مجموعة و) كانت تبقي تبع مكتبة صقر .. والفرقة الاولي (مجموعة ز) تبقي تبع مكتبة بينجو والفرقة الاولي (مجموعة أ) تبقي تبع مكتبة عادل وهكذا ،،،

اما السنة دي بقي فاظاهر والله اعلم النظام اتشقلب .. وحكاية احتكار الملازم لمكتبة واحده اتلغت والتنافس مابين المكتبات اتفتح .. ودا انا لاحظته السنة دي .. لإن انا نزلت للفرقة الاولي (مجموعة ز) السنة دي لاقيت ان المكتبة اللي متولية وضع الملازم مش مكتبة واحده زي السنة اللي فاتت .. لأ دا كذا مكتبة كمان .. ودا كويس مش وحش ..

حتى عندي انا كمان في تانية كنت فاكر ان مكتبة واحده بس هيا اللي هاتنزل .. اتلاقيت فيه حوالي 3 مكتبات نازلة مره واحده .. وبقيت محتار اجيب منين .. بس طبعا بالنسبالي انا مش فارقة اوي لإن انا عارف انا هاتصرف ازاي ..

بالنسبة لسؤالك بقي عن طريق المكتبات .. بصي ياستي .. انتي تطلعي من باب تجارة وتدي ضهرك ليه .. هاتتلاقي الناحية التانية من الشارع لوحة كبير كدا ومكتوب عليها مطعم صبري .. وجنبيه زقاق صغير اوي كدا يدوبك يعدي منه اتنين بالعافية .. خشي في الممر دا .. هاتتلاقي مكتبات كتيرة .. اسألي اي مكتبة فيهم عن اسم المكتبة اللي انتي عايزاها .. وهما هايقولولك .. طبعا دا لإني ماعرفش انتوا مكتبة ايه اللي نازلالكوا .. ودا برده لإني مجموعة (ز) مش (و) !!
doody2
08-10-2008, 09:13 PM
ميرسي جدااااا والله انا اساسا مكسوفه من كتر طلباتي
وانا هاروح واشوف الموضوع دة بكرة ان شاء الله
ميرسي مرة كمان يافامبير علي تعبك معانا كلنا
vampire1188
08-10-2008, 09:16 PM
يعني هما بيحتاجو الوصل اللي مكتوب فيه ايصال استلام الورق بتاع الثانوية العامة عشان و انا بدفع المصاريف

هوا انتي كنتي بتقولي قبل كدا انك مش لاقيه الوصل .. تقدري تقولي ضاع .. بصي ومن الاخر .. ملاذك الاول والاخير شئون الطلبة .. هوا اان مش عايز افتي .. بس على حد علمي طالما ورقك عندهم يبقي ممكن يطلعولك وصل جديد بس اما يتأكدوا ان ورقك موجود .. لإن اعتقد ان دا زيه زي اذن دفع المصاريف كدا في تجارة عربي .. فعادي ممكن يطلع منه 50 نسخة ! مافيش مشاكل يعني !! .. والله اعلم .. بس انتي حاولي تتنازلي شوية واسألي في شئون الطلبة .. اي نعم انا عارف انهم باردين ويخنقوا ويجيبوا الشلل .. لإن انا النهارده كنت هاتشلللللللللل ! .. بس عادي تحلي بالصبر والايمان .. وخليكي شجاعة عند سماعك دقة الساعة 2 ظهرا وانتي واقفة على شباك شئون الطلبة وبتتمزجي في سماع صوت رزعة الشباك بيتقفل في وشك !!!!!

لا ليك انا كنت بقول ماشاء الله ع المعلومات اللي عندك بس شكل كدة اللي يزعلك ياعيني عليه

لا عادي .. هوا انا عصبي شوية بس مافيش مشاكل .. بهدا بعد كدا ..
vampire1188
08-10-2008, 09:20 PM
ميرسي جدااااا والله انا اساسا مكسوفه من كتر طلباتي

العفو .. وبعدين تتكسفي ليه ؟ .. بصي لإسم الموضوع وانتي ماتتكسفيش !
Hanoda
08-10-2008, 10:21 PM
انا عاوزة اعرف الكتب نزلت ولا لسه وايه اخبار الكارنيه
:049gc0:
wanda
08-10-2008, 10:28 PM
انا عاوزة اعرف الكتب نزلت ولا لسه وايه اخبار الكارنيه
:049gc0:

لسه الكتب منزلتش يا جميل بس بتروحى ومعاكى 90 جنيه للخزنه اللى قصاد مدرج د و ج على طول
النحية التانيه هتلاقى مكان فيه شبابيك وزحمة كده..

اخر شباك وتدفعى تمن الكتب وتقوليلة مجموعه اللى انتى فيها هيديكى ايصال تقريبا
ولما تنزل الكتب بتستلميها بيه بس تقريبا لازم تحجزى الكتب زى كده:)

واخبار الكارنيه لسة يوم البنات بكرة هروح واشوف لو جبته هاجى اقولك
لو انتى روحتى قدمتى للكارنيه قبل العيد روحى اسألى عليه دلوقتى ممكن تلاقيه اتعمل

يلا بالتوفيق
realman0129
08-10-2008, 10:34 PM
انا سمعت ان الكتب هتنزل من اول الاسبوع الجاي
wanda
08-10-2008, 10:45 PM
ايوة تقريبا هما قالوا كده بس الدكاترة كانوا بيقولولنا
"احجزوا الكتب" بس انا محجزتش واكيد هاخد الكتب بردو ولا هيمنعونى :d
Queen_dona
09-10-2008, 01:13 PM
انا مش عارفه ازاى يعنى احجز الكتب
vampire1188
10-10-2008, 02:05 PM
على فكرة يا جماعة .. انا سألت ناس صحابي .. قالولي ان الكتب نزلت فعلا .. فشوفوا انتوا هاتعملوا ايه بقي
طمطومة
10-10-2008, 06:52 PM
السلام عليكم ورحمة الله وبركاته

الكتب نزلت طب كويس
يارب مايعذبونا زى السنة اللى فاتت:abdoog8:
ادونا الكتب قطاعى لما قرفونى
المهم برضه هنقف طوابير وكدا ولا ايه وزى السنة اللى فاتت ولا غليت
vampire1188
10-10-2008, 07:22 PM
لا التمن زي ماهوا .. 90 جنيه .. جنيه ينطح جنيه :angry2:

بس حكاية القطاعي دي سببها احتمالين ..

> الاحتمال الاول ان عدد الكتب المطبوعة في الدفعة الاولي بيبقي اقل من عدد البشر اللي بيبقوا عايزين الكتب .. عشان كدا بيضطروا انهم يطبعوا دفعة تانية .. طبعا خلال الفترة اللي مابين الدفعة الاولي والتانية مش اقل من اسبوع !

> الاحتمال التاني بقي ان الدكتور مايكونش لسه خلص كتابه .. زي واحد اسمه عدلي بيدي موارد في اولي (ز) .. فاحلني بقي على بال مالدكتور يتكرم ويخلص البحث العلمي اللي بيعمله عشان يسلمه للمطبعة اللي بدورها تقعدلها سنتين على بال ماتطبعه .. وعلى بال بقي مايتم نقل الكتب من المطبعة اللي في اخر الجامعة لخزنة الكتب اللي عند المبني الرئيسي .. يكون الناس اتعقدت من حياتها !!
طمطومة
10-10-2008, 07:46 PM
السلام عليكم ورحمة الله وبركاته

صحيح انت مرة قولت على كورس البورصة هل ده فى الاجازات بس ولاممكن ناخده دلوقتى
ولو كدا هيبقى مستمر ولا البورصة مش فاضية ونسيبها باللى هى فيه ياعينى:078111rg3:
vampire1188
10-10-2008, 09:53 PM
يابنتي انتي محسساني انك مش في تانية خالص .. ولا كأنك عديتي على سنة اولي دي !!

عموما كورس البورصة دا كل اللي اعرفه انهم بيعلنوا عليه عشان الحجز .. بعد كدا اعتقد انه بيتم دراسته في اجازة نص السنة .. بس الكلام دا على ليفل 1 .. فيه بقي ليفل 2 نزل السنة اللي فاتت بس في اخر الترم التاني على الامتحانات كمان ! .. شغل تعجيز يعني ..

دلوقتي فيه كورس للتحليل الفني في مركز البحوث ب 1000 جنيه .. بس مش عارف بقي هايبدأ امتي .. بس باب الحجز مفتوح للي عايز ..

فيه بقي كورسات تانية بس دي تبع البورصة نفسها .. وبتبقي مجانية .. بس تخشي تحت مسمي المستثمرين الجدد .. بتقدمي عليها هناك وبميعاد مسبق معا بتوع العلاقات العامة هناك ..
طمطومة
11-10-2008, 01:24 AM
السلام عليكم ورحمة الله وبركاته

vampire1188
يابنتي انتي محسساني انك مش في تانية خالص .. ولا كأنك عديتي على سنة اولي دي !!

لو اسالتى بتضايقك انا اسفة ومش هسالك تانى خالص
vampire1188
11-10-2008, 01:53 AM
لو اسالتى بتضايقك انا اسفة ومش هسالك تانى خالص

اه هانتقمص بقي ونزعل .. لأ على ايه .. انا بس كل قصدي ان مش باين عليكي انك في تانية

يعني بتسألي عن الكتب .. بتسألي عن الكورسات .. المفروض دي حاجات معروفة لينا .. فا مجرد بستغرب بس مش اكتر .. لكن مالهاش لازمة الزعلة يعني !! .. وعموما سوري لو كان ردي فيه شئ زعلك ..
ahmedovich
11-10-2008, 02:21 AM
اه هانتقمص بقي ونزعل .. لأ على ايه .. انا بس كل قصدي ان مش باين عليكي انك في تانية

يعني بتسألي عن الكتب .. بتسألي عن الكورسات .. المفروض دي حاجات معروفة لينا .. فا مجرد بستغرب بس مش اكتر .. لكن مالهاش لازمة الزعلة يعني !! .. وعموما سوري لو كان ردي فيه شئ زعلك ..
وحشتنى يافامبير مش لاقى حد اشتمه :(
vampire1188
11-10-2008, 02:39 AM
الى العضو ahmedovich ،،،

كلام نهائي واخير .. اي تجاوز منك سواء باللفظ الصريح او بالتنويه عنه .. هايتم وقفك واظن انتا مجرب مرتين قبل كدا .. اللهم قد بلغت .. اللهم فأشهد
zikas rou2a
13-10-2008, 07:28 PM
السلام عليكم...ازيك يا فامبير وازاي كل اعضاء المنتدي....المهم انا كنت بس عايز اسالك سؤال...
دلوقتي في ناس كانت بتوزع ورق عندنا في المدرج مكتوب فيه ان في دوره في المحاسبه وكده لطلاب سنه اولي في مركز الشيمي والدوره دي لانتظام وانتساب عادي والحجز دفع رسوم 10 جنيه بس...ولو فات ميعاد الحجز ..لو عايز تقدم فيها هتدفع حوالي..300 جنيه.فا انت رايك ان الدوره دي مهمه والمفروض اخدها او هتفيدني ؟ولا انت شايف ايه ؟ مستني الرد وياريت بقي ابقي اشوفك في الجامعه لو بتنزل يعني ؟؟؟ اه نسيت اقولك كمان هو انت من الاخوان المسلمين في الكليه ؟؟؟:stickjo4:
zikas rou2a
13-10-2008, 07:51 PM
بقولك يا فامبير ياريت ترمي موضوع باك خالص اصلا من مواضيعي ياريت متنساش:::
amirab2008
13-10-2008, 08:53 PM
فامبير معلش عايزة أسألك سؤال

أنا فى أولى تجارة إنجلش و مقضية أيامى من ساعة ما بدأت فى تبيض المحاضرات و مش بذاكر خاااااااالص

و أحنا عندنا إمتحان الميد تيرم فى 11-9 و مش عارفة أعمل إيه

و كمان أنا معرفش الأسئلة ممكن تيجى إزاى


يا ريت لو تقدر تساعدنى حكون سعيدة اوى لانى بجد حاسة إنى تايهة
vampire1188
14-10-2008, 10:09 PM
السلام عليكم...ازيك يا فامبير وازاي كل اعضاء المنتدي....المهم انا كنت بس عايز اسالك سؤال...
دلوقتي في ناس كانت بتوزع ورق عندنا في المدرج مكتوب فيه ان في دوره في المحاسبه وكده لطلاب سنه اولي في مركز الشيمي والدوره دي لانتظام وانتساب عادي والحجز دفع رسوم 10 جنيه بس...ولو فات ميعاد الحجز ..لو عايز تقدم فيها هتدفع حوالي..300 جنيه.فا انت رايك ان الدوره دي مهمه والمفروض اخدها او هتفيدني ؟ولا انت شايف ايه ؟ مستني الرد وياريت بقي ابقي اشوفك في الجامعه لو بتنزل يعني ؟؟؟ اه نسيت اقولك كمان هو انت من الاخوان المسلمين في الكليه ؟؟؟:stickjo4:

اهلا زيكاس باشا .. منور ..

بيتهيألي اني شوفت الورقة بتاعة الدورة دي .. بس مش متأكد هيا ولا مش هيا ..

عموماً .. هيا مش دورة .. هيا درس بس هما بيقولوا عليها دورة عشان الناس ماتقولش انهم بيستغلوا وكدا .. شغل تجارة بقي :blush: .. هيا غالبا السكاشن دي بتبقي دروس في المحاسبة المالية .. بس بيني وبينك بتفهِّم عشان اللي بيشرحوا المادة معيدين وبيجيبوا من الاخر .. فماتخافش مش مضرة يعني .. فانتا عايز تاخدها اتس اوكي .. مش عايز برده اوكي بس احضر المحاضرات وافهم بقي ..

وياريت بقي ابقي اشوفك في الجامعه لو بتنزل يعني ؟؟؟

هاتتلاقيني عند الشبابيك اللي قدام مدرج العيوطي .. دا المقر الرسمي بتاعي :078111rg3:

اه نسيت اقولك كمان هو انت من الاخوان المسلمين في الكليه ؟؟؟

لا ياعم اخوان ايه اعوذ بالله ! .. لا انا ليبرالي مش تبع اي اتجاه ولا اي حزب ..
vampire1188
14-10-2008, 10:25 PM
فامبير معلش عايزة أسألك سؤال

أنا فى أولى تجارة إنجلش و مقضية أيامى من ساعة ما بدأت فى تبيض المحاضرات و مش بذاكر خاااااااالص

و أحنا عندنا إمتحان الميد تيرم فى 11-9 و مش عارفة أعمل إيه

و كمان أنا معرفش الأسئلة ممكن تيجى إزاى


يا ريت لو تقدر تساعدنى حكون سعيدة اوى لانى بجد حاسة إنى تايهة

ههههههههه .. طب تصدقي بالله .. انا زيك برده :blush: !!

بس هاعمل ايه .. اصل مافيش كتب نزلت لغاية دلوقتي .. والمكتبات عندنا كلها سايحة على بعضها والجد لسه ماجاش .. فعادي انا مقضيها لغاية اول 11 كدا ابقي ابدأ ابص بقي ..

بصي .. انتي بالنسبة للمحاسبة والرياضة .. اكتبي فيهم وماتفوتيش كلمة ..

اما باقي المواد .. فا عادي .. كله نظري .. والحفظ فيها مطلوب ..

بالنسبة لإمتحان الميد تيرم بتاعكوا .. دا مافيهوش مشاكل .. انتي الدكتور بييجي قبل الامتحان مثلا بييجي اسبوع كدا ويقولكوا يا جماعة ال hints اللي هاتيجي في الامتحان كذا وكذا وكذا ..

وكدا كدا اصلا ماتتخضيش من المقرر اللي عندكوا .. يعني مثلا لو افترضنا ان مادة زي المحاسبة دي في 22 شابتر .. مش هايتقرر منها الا ممكن 8 او 9 بالكتير اوي ..

في الميد تيرم .. غالبا في المحاسبة هايجبلكوا من اول شابتر وان لغاية ال journal entries

في الرياضة .. على حسب الدكتور اللي بيدرس عشان فيه دكاترة بيبدأوا بحاجة ودكاترة تانية بتبدأ بحاجة تانية

في ال managment هايبقي غالبا من شابتر وان .. لغاية مداخل الادارة ..

في ال economic ممكن من اول ماشرحلكوا لغاية الwheat دا ان كان مقرر اصلا -_-..

وهكذا .. انا مجرد بس بديكي امثلة .. هوا الدكتور قبل الميدتيرم هايحدد ويقول .. وقبل الفاينال برده هاييجي في الاخر ويقول ايه اللي مقرر وايه اللي متكنسل .. وشكل الامتحان هايبقي ايه وكام سؤال واحل ازاي .. فماتستعجليش .. هوا شئ طبيعي انك تبقي سايحة على نفسك .. بس انتي ان شاء الله اثبتي وتابعي المحاضرات كويس .. اي نعم انا عارف انك بتتخنقي عشان المحاضرة ساعةونص ! :redface:.. بس استحملي .. كله في سبيل انك تعدي .. وماتستغربيش من كلمة تعدي دي :blush:.. فيه ناس كتيرة جدا بتشيل مواد وفي اللي بيدبلر السنة !! :eek: .. فانتي الترم الاولاني حاولي بقدر الامكان تطلعي صافي باي طريقة .. والترم التاني العبي في التقدير لإن التاني اسهل من الاولاني .. مش عشان المناهج اقل .. لأ عشان انتوا هاتكونوا خلاص خدتوا على النظام وعرفتوا .. وربنا معاكوا :)
بلوتو
15-10-2008, 08:30 PM
هى مجموعة متميزة فيها نسبة حضور ومودها فيها تغير عن العادية و ممكن حد ينزلهلنا هنا
vampire1188
16-10-2008, 07:45 PM
هى مجموعة متميزة فيها نسبة حضور ومودها فيها تغير عن العادية

مجموعة متميزة أظن سبق واتكلمنا عليها كتير .. بس مافيش مشاكل هانرجع تاني ونقول

المجموعة دي السنة اللي فاتت كانت لتانية وتالته ورابعة بس .. انما السنة دي نزلوها لسنة اولي

بالنسبة للناس اللي لسه داخلين اولي .. جايين من ثانوية عامة يعني ..

الجامعة بتاخد منهم في حدود اعلى 200 واحد في المجاميع ويكون انتظام وعربي (مش انجليش)

عشان تكمل في المجوعة دي طوال السنين اللي جايه .. يشترط حصولك على جيد جدا على الاقل ..

بمعني انك اذا جيبت جيد جدا بتخشها على طول ..

بس مش هانسي اقول ان المجموعة دي بتقدم عليها من خلال اسمتارة بتتسحب من شئون الطلبة..

يعني مش بيتم تحويلك تلقائي ليها .. لازم انتا تروح وتحول نفسك

بالنسبة للغة الدراسة .. هى اللغة العربية ..

اما اماكن الدراسة فابتبقي في مبني الشعبة الانجليزية لكلية تجارة (جامعة القاهرة)

بالنسبة للمواد .. فهيا هيا بتاعة الناس العادية .. 5 مواد برده
prince man
17-10-2008, 10:56 PM
معلش يا فامبير باشا هاتقل عليك بس كان عندى سؤال
يا ريت لو تعرف حاجه عن السكاشن بتاعه سنه اولى و على فكره انا مجموعه (د)
عاوز اعرف هتبتدى امتى و فين
بس خلاص
vampire1188
18-10-2008, 10:14 PM
يا ريت لو تعرف حاجه عن السكاشن بتاعه سنه اولى و على فكره انا مجموعه (د)
عاوز اعرف هتبتدى امتى و فين
بس خلاص

مستعجل اوي ؟! ..

>> السكاشن دي ياسيدي بتنزل على اخر شهر قبل الامتحان .. وبجدول معروف لكل مجموعة من مجموعات " انتظام " زي جدول المحاضرات كدا .. واللي بيدرس فيها معيدين مش دكاترة .. والسكاشن بتبقي في المواد العملي بس (محاسبة ورياضة ترم اول) و (شركات و accounting ترم تاني) ..

>> اماكن السكاشن غالباً مابتبقي في قاعات الامتحانات عشان القاعات هناك ماشاء الله كتيرة اوي .. حوالي 8 قاعات في الدور الواحد .. والمبني كله على بعضه 4 ادوار غير البدروم .. كل قاعة منهم تشيل بالظبط 150 طالب .. عشان كدا امتحانات الترم عدد كبير من الطلبة من الكلية عندنا ومن كليات تانية زي حقوق واعلام بيمتحنوا فيها ..

>> بالنسبة لاوقات الجداول اللي بتتحط .. غالباً مابيتحطلك الجدول بتاع السكاشن بتاعتك في يوم واحد ..
prince man
19-10-2008, 02:35 PM
مستعجل اوي ؟! ..

مش موضوع مستعجل بس انا فى التوهان و مش فاهم حاجه من الدكاتره فى المحاضرات و الامل بقى انى افهم من السكاشن:049gc0:
و شكرا يا برنس على المعلومات
هو كان فى سؤال كده:confused:
انت بتجيب المعلومات دى كلها منيييييييييييييييييييييييييين:romarioxp6:
اوعى لتكون شغال فى امن الدوله:p
Queen_dona
19-10-2008, 04:20 PM
جدول السكاشن نزل امبارح هو لكل مجموعه يوم من ايام اجازتها
فى فى كل المواد الا الموارد مش عارفه ليه
ومكان الجدول جنب الباب بتاع مدرج ج ود
بلوتو
19-10-2008, 10:50 PM
كنت عايز اعرف ايه حكاية الامتحانات التمهيدية دي عليها درجات و ايه و كمان عايز اعرف احنا بنمتحن نص السنة و اخر السنة ولا بنمتحن ثلاث مرات كل مرة الثلث:confused:
vampire1188
19-10-2008, 11:35 PM
هو كان فى سؤال كده:confused:
انت بتجيب المعلومات دى كلها منيييييييييييييييييييييييييين:romarioxp6:
اوعى لتكون شغال فى امن الدوله:p

هههههههههههههه .. لأ شغال تبع امن نفسي !!

جدول السكاشن نزل امبارح هو لكل مجموعه يوم من ايام اجازتها

اها .. انا سألت برده ناس صحابي في تانية انتظام قالولي انه نزل .. بس مافيش ولا دكتور قالهم ان فيه سكاشن .. بالتالي هاتبقي معا وقف التنفيذ والله اعلم ..

فى كل المواد الا الموارد مش عارفه ليه

لإن الموارد مش مادة تجارية .. واللي بيقوم بتدريسها دكاترة منتدبين من كلية الاداب ..

وفي الترم التاني هايبقي عندك برده مادتين .. اقتصاد / قانون تجاري

الاقتصاد هايدرسلك فيها دكاترة منتدبين من كلية سياسة واقتصاد

والقانون التجاري دكاترة من حقوق .. اما باقي المواد فابيبقي دكاترة من تجارة ذات نفسها
prince man
20-10-2008, 12:23 AM
ربنا يحميك لمصر يا فامبير
بجد انت راجل جدع و بتساعد الناس
ربنا معاك يا برنس
vampire1188
20-10-2008, 12:29 AM
ربنا يحميك لمصر يا فامبير

يااااااااه لمصر بحالها ؟! .. طب قول لمنطقة الهرم .. لمنطقة الجامعة ..

عموما .. ربنا يخليك دا من زوقك بس
doody2
20-10-2008, 08:39 PM
انا كنت عايزة لسالك سؤال يافامبير وانا عارفه اني بقيت رخمه جدا بس انا عايزة اعرف دلوقتي دكتور محمد عنتر بتاع الادارة مسافر واللي هايدينا مؤقت دكتور المحمدي وانا بصراحه بقيت مش بفهم منه حاجه عايزة اعرف اذا كان دكتور محمد هايرجع تاني ولا لا؟ ودي اول مرة يعملها؟
ثاني سؤال هل التطبيقات بتاعت دكتور المحمدي كفايه اني ازاكر منها وهايجي منها الامتحان ولا لا بردة ؟
prince man
20-10-2008, 09:40 PM
.. طب قول لمنطقة الهرم


أنا بصراحه كان نفسى أقولك الهرم بس خوفت لأحسن تفهمنى غلط:slap1qk6:
هههههههههههههههههههه
على العموم انا كنت عاوز اقولك حاجه
معرفش ليه حاسس ان انا فى التوهان و مش قادر اركز خااااااااااااالص و مش فاهم اى حاجه فى اى حاجه
بالعربى كده بطاطس:giljotiiniug3:
يا ترى دى حاجه طبيعيه و لا انا اللى يمكن منفض حبتين
vampire1188
20-10-2008, 09:56 PM
دكتور محمد عنتر بتاع الادارة مسافر واللي هايدينا مؤقت دكتور المحمدي وانا بصراحه بقيت مش بفهم منه حاجه عايزة اعرف اذا كان دكتور محمد هايرجع تاني ولا لا؟

والله انا مش كنت قريبه عشان اعرف هاييجي ولا مش هاييجي !!

ودي اول مرة يعملها؟

الله اعلم .. ادعي بس ان محمد المحمدي مايسافرش هوا كمان .. عشان السنة اللي فاتت سابنا وراح يحج !!!!

ثاني سؤال هل التطبيقات بتاعت دكتور المحمدي كفايه اني ازاكر منها وهايجي منها الامتحان ولا لا بردة ؟

بصي محمد المحمدي رغاي في محاضراته اوي .. هاتيجي تمسكي تطبيقاته هاتتلاقيها رغاية اكتر .. فانتي نصيحتي ليكي اعملي حركة حلوة اوي .. الجأى للملازم مؤقتاً دلوقتي .. بعد كدا اما تستلمي الكتاب اقري فيه .. وحاولي تلتزمي بأسلوبه في الكتابه .. بحيث اما تيجي تكتبي في الامتحان تكوني كاتبه اسلوبه بطريقة كوبي بيست .. عشان اي دكتور يحب اوي ان الطالب يكون كاتب بنفس اسلوبه .. فاذا كان الدكتور بيحب كدا .. ظبطيه !!

حكاية التطبيقات دي لمجرد القراية بس .. عشان اصلا هيا تطبيقاته اما بتنزل بتبقي محلولة بمعني انها نازلة بطريقة سؤال واجابة .. هيا نوعاً ما لذيذة .. بس هاتتلاقيها كتيرة .. وبعدين السنة اللي فاتت تطبيقاته نزلت متأخرة .. الله اعلم السنة دي هاتنزل امتي .. بس هوا المحمدي اهم مايميزة ان الكتاب بتاعه نضيف جدا مقارنة بالكتب التانية

اذا كنتي مزنوقة اوي في الكتاب وعايزة تلحقي تدحي .. غالبا هاتتلاقيه في السايت بتاعه

http://www.almohamady.com/ .. خشي واتفرجي براحتك بقي ..

بس بجد .. السلوكية ماتسيبيهاش لإنها طويلة خاصة في اخر 4 فصول فيها .. وهوا اصلا كمان صاروخ فيها .. ممكن يشرح بالفصلين في المحاضرة الواحده !!
vampire1188
20-10-2008, 10:03 PM
بالعربى كده بطاطس يا ترى دى حاجه طبيعيه و لا انا اللى يمكن منفض حبتين

هيا حاجة طبيعية انك تبقي بطاطس ! .. بس ماتسيبش نفسك لغاية ماتبقي بطاطس مهروسة !!

بمعني انك اكيد مش فاهم حاجة في المحاسبة .. واكيد هاتستلم الكتاب وهاتنح قدامه عشان هاتتلاقيه حوالي 500 صفحة وانتا ساعتها هاتبقي مطالب انك تخلصه في اقل من شهر ونص .. واكيد انتا سايح على نفسك عشان مش عارف تذاكر منين !

كل دي حاجات طبيعية جدا اي freshmen زيك لازم يمر بيها .. بس اعراض الكلام دا المفروض انه بيستمر لغاية ماتستلم الكتب .. اذا استلمت الكتب كدا انتا مالكش حجة .. عشان ساعتها المكتبات برا بتبدأ تشتغل صح .. فانتا لازم تبقي مدرك للي حواليك وعارف ايه اللي بيتشرح وايه اللي بيتقال .. ولو مثلا انتا عايز تفهم اوي في المحاضرة .. حضر قبليها .. يعني اقرا المحاضرة قبل ماتخشها من الكتاب .. واحضر .. 90 في الميه هاتبقي عارف ايه اللي بيتقال وهاتفهم كويس اوي ..
prince man
22-10-2008, 12:29 AM
ربنا يستر و نعدى السنادى على خير
cool sara
03-11-2008, 01:04 PM
:039uw8::039uw8:احلي حاجة فيك يا مجرب اخراجك للكلام بتصوره صح الكلام دة كلوا في الجامعة بيحصل
dr.zomba
03-11-2008, 07:12 PM
بقولك يا حج فامبير

هو ممكن الواحد يشيل مادة ويقدر يدخل انتظام ؟

بمعني اوضح ممكن واحد يشيل ماده ويجيب في باقي المواد تقديرات حلوه ويكون التقدير العام جيد ؟

سؤال ليك بقي يا باشا

انت انتساب ولا انتظام؟
vampire1188
03-11-2008, 08:13 PM
احلي حاجة فيك يا مجرب اخراجك للكلام بتصوره صح الكلام دة كلوا في الجامعة بيحصل

اديكي شوفتي بنفسك .. اصل اول ماكتبت الموضوع دا اتلاقيت ناس مهاجماني كتير

بس اديكي شوفتي وحكمتي .. وهما نفسهم شافوا وحكموا .. بس يالا .. ربنا يهدي الجميع

بقولك يا حج فامبير

حج ؟ .. يسمع من بقك ربنا يا دولة !!

هو ممكن الواحد يشيل مادة ويقدر يدخل انتظام ؟

هع هع هع هع .. لا طبعاً ..

يعني بالعقل كدا .. انتا هاتشيل مادة في اولي وتيجي تحول انتظام

طب اما تيجي تمتحن مادة الرسوب .. هاتمتحنها تبع مين .. انتساب ولا انتظام ؟!

ماتجيش طبعا .. ماهو عشان كدا بتوع انتساب بيموتوا ويحولوا انتظام

اللي هوا انا واحد منهم :blush: !!

بمعني اوضح ممكن واحد يشيل ماده ويجيب في باقي المواد تقديرات حلوه ويكون التقدير العام جيد ؟

تؤتؤ .. بص من الاخر

عشان سيادتك تحول انتظام .. لازم تحقق الشرطين دول >>

تجيب جيد على الاقل .. وتكون صافي .. غير كدا ماينفعش بأي طريقة من الطرق

انت انتساب ولا انتظام؟

انتساب للافس ! .. حلوة للافس دي :bosyht9:
dr.zomba
03-11-2008, 08:53 PM
اديكي شوفتي بنفسك .. اصل اول ماكتبت الموضوع دا اتلاقيت ناس مهاجماني كتير

بس اديكي شوفتي وحكمتي .. وهما نفسهم شافوا وحكموا .. بس يالا .. ربنا يهدي الجميع



حج ؟ .. يسمع من بقك ربنا يا دولة !!



هع هع هع هع .. لا طبعاً ..

يعني بالعقل كدا .. انتا هاتشيل مادة في اولي وتيجي تحول انتظام

طب اما تيجي تمتحن مادة الرسوب .. هاتمتحنها تبع مين .. انتساب ولا انتظام ؟!

ماتجيش طبعا .. ماهو عشان كدا بتوع انتساب بيموتوا ويحولوا انتظام

اللي هوا انا واحد منهم :blush: !!



تؤتؤ .. بص من الاخر

عشان سيادتك تحول انتظام .. لازم تحقق الشرطين دول >>

تجيب جيد على الاقل .. وتكون صافي .. غير كدا ماينفعش بأي طريقة من الطرق



انتساب للافس ! .. حلوة للافس دي :bosyht9:

الله يبشرك :giljotiiniug3:

يا عم دا حاسس اني عامل زي كوز الدرا المشوي اللي برد ومش فاهم حاجه في اي حاجة:slap1qk6:

والله فعلا مش عارف ابدأ منين :(

الرياضة والمحاسبة امرهم سهل

بس المواااااااااااااااااااد الــــــــــــــــــــــنــــــــــــظــــــــــــ ــري هي المصيبه
vampire1188
03-11-2008, 09:18 PM
يا عم دا حاسس اني عامل زي كوز الدرا المشوي اللي برد ومش فاهم حاجه في اي حاجة

ياعم اهون من اما تحس انك زي اللي واقف في جبل ..

ومتعلق بإيد .. والايد التانية مجروحة .. وتيجي دبانة تزن فوق مناخيرك !!!!!!

الرياضة والمحاسبة امرهم سهل

طب خير خير .. دا هما دول اجمد مادتين ..

بس المواااااااااااااااااااد الــــــــــــــــــــــنــــــــــــظــــــــــــ ــري هي المصيبه

ياراجل حرام عليك !! .. انتا شكلك كنت علمي يا دولة .. صح ؟

ماهما بتوع العلمي دايما كدا .. بيتخنقوا من الحفظ

بس والله العظيم دا النظري سهل جدا .. هوا يمكن اللي رخمة شوية السلوكية

انما الادارة لذيذة جدا .. والموارد معلومات عامة ..

عيش حياتك ياعم .. بالا وجع دماغ
dr.zomba
03-11-2008, 09:57 PM
ياعم اهون من اما تحس انك زي اللي واقف في جبل ..

ومتعلق بإيد .. والايد التانية مجروحة .. وتيجي دبانة تزن فوق مناخيرك !!!!!!


ايه التشبيه العجيب دا :huh:

طب خير خير .. دا هما دول اجمد مادتين ..

لا مش قصدي انهم سهلين بس قصدي اني ان شاء الله هقدر المهم

ياراجل حرام عليك !! .. انتا شكلك كنت علمي يا دولة .. صح ؟

ماهما بتوع العلمي دايما كدا .. بيتخنقوا من الحفظ

بس والله العظيم دا النظري سهل جدا .. هوا يمكن اللي رخمة شوية السلوكية

انما الادارة لذيذة جدا .. والموارد معلومات عامة ..

عيش حياتك ياعم .. بالا وجع دماغ

لا والله انا كنت ادبي بس تانيه كنت علمي

وفعلا هي السلوكية مشكلتي مش عارف اعمل معاها ايه

:giljotiiniug3:
ربنا يستر
vampire1188
04-11-2008, 02:19 PM
وفعلا هي السلوكية مشكلتي مش عارف اعمل معاها ايه

انا هاجاوب على سؤالك باني اسألك ..

انتا كدا بتذاكر علم النفس في الثانوية العامة ازاي ؟
dr.zomba
05-11-2008, 12:19 AM
انا هاجاوب على سؤالك باني اسألك ..

انتا كدا بتذاكر علم النفس في الثانوية العامة ازاي ؟

من ملازم المدرس بتاع الدرس :d
vampire1188
05-11-2008, 12:38 AM
من ملازم المدرس بتاع الدرس

شيل بقي كلمة المدرس وحط كلمة المعيد .. وشيل كلمة الدرس.. وحط كلمة مكتبة
dr.zomba
05-11-2008, 12:57 AM
شيل بقي كلمة المدرس وحط كلمة المعيد .. وشيل كلمة الدرس.. وحط كلمة مكتبة

ماشي كويس

المعيد دا تبع مجموعات التقويه

واشتريت تطبيقاته

بس انت تقصد المكتبة المركزيه ولا مكتبات الكلية ولا اللي برا الكلية ؟
vampire1188
05-11-2008, 01:03 AM
ايه يا عادل في ايه يابني ؟!

والله العظيم انتا عامل ازمة من غير لازمة خاااااااالص

دلوقتي انتا مش عارف تذاكر عشان محتار صح ؟

بالنسبة للكتاب .. اتطلع عليه وخده كقراية وثقافة هاتتلاقيه ماشي معاك حلو اوي

بالنسبة للتطبيقات والملازم .. هيا دي الحاجات بتاعة غل الامتحانات الفعلي بقي ..

والحاجات دي اللي بيبعها المكتبات بتاعة برا اللي قدام باب تجارة

فانتا شوف مين المكتبة اللي مختصة بمجموعتك وروح اشتري منها ورق سين و جيم

وهاتمشي معاك كويس ان شاء الله

بس السلوكية ماتهملهاش .. لإنك لو اهملتها مش هاتعرف تلمها في الاخر ..
dr.zomba
05-11-2008, 01:12 AM
ايه يا عادل في ايه يابني ؟!

والله العظيم انتا عامل ازمة من غير لازمة خاااااااالص

دلوقتي انتا مش عارف تذاكر عشان محتار صح ؟

بالنسبة للكتاب .. اتطلع عليه وخده كقراية وثقافة هاتتلاقيه ماشي معاك حلو اوي

بالنسبة للتطبيقات والملازم .. هيا دي الحاجات بتاعة غل الامتحانات الفعلي بقي ..

والحاجات دي اللي بيبعها المكتبات بتاعة برا اللي قدام باب تجارة

فانتا شوف مين المكتبة اللي مختصة بمجموعتك وروح اشتري منها ورق سين و جيم

وهاتمشي معاك كويس ان شاء الله

بس السلوكية ماتهملهاش .. لإنك لو اهملتها مش هاتعرف تلمها في الاخر ..

ههههههههههههههههههههههههههههههههههه

عصبتك انا معلش

خلاص ياريس وصلت

والله يا ابني انا تاعبك معايا:slap1qk6:
vampire1188
05-11-2008, 08:16 PM
والله يا ابني انا تاعبك معايا:slap1qk6:

لا تعب ولا حاجة .. بس اهم حاجة ماتضربش :friendsxs3:

طب تصدق بالله .. انا لغاية دلوقتي مافتحت ولا مادة غير المحاسبة ..

والحياة كوول اوي معايا .. بالرغم من اني ولا فاهم اي حاجة في اي حاجة .. بس ضارب الحياة بالجزمة !
مصطفى كريم
05-11-2008, 09:28 PM
معلم معلم معلم
ahmed abo baker
06-11-2008, 04:43 PM
هههههههههههههه ازيكم يا جماعه عاملين ايه ازيك يا فمبير الكتب نتزلت فى كليه تجاره عين شمس للفرقه الاولى ما عدا اللغه الاجنبيه

اه صحيح نسيت اقولكو شكل الكرنيه ههههههههههههههههههههه شكله مصخره اوى حته ورقه بيضه هههههههههههههههههههههههههههههههههههههههههههههههههه ههههه
اميراواى
13-11-2008, 12:06 PM
ههههههههههههههههههههههه دا انا لو قعدت اقرأ كل اللى انتوا كاتبينه هكون خلصت سنه رابعه بس بصراحه الكلام ده كويس جدا ياعم المشرف اصل انا لثا اول سنه بس تجاره انجليش اللى انا مش فاهم فيها حاجه بس دخلتها عشان اعوض هندسه اللى ضاعت منى على درجه
طب ومادخلتش هندسه خاصه ليه مادام تجاره انجلش مش عاجباك اوى كده مالاتنين بفلوس عموما لازم تحب تجاره انجلش مادام دخلتها عشان تطلع منها لانك لو محبتهاش هتفضل فيها وربنا يوفقك:)
bondok fady
13-11-2008, 04:19 PM
والله يجماعه اتا عاملين ازمه من غير لازمه
الاول اصبح على عمى فامبير
وبع كده اقول اعمل اللى عليك وربنا هيسترها فى مش تقعد تلطم من الاول وقول ربنا يستر واعمل اللى عليك
Queen_dona
13-11-2008, 04:37 PM
ازيكم يا جماعه عاملين ايه

انتم خايفين ليه وعاملين قلق ان شاء الله خير

يعنى اللى يخلينا نعدى من ثانوى مش هنعرف نعدى من اولى تجاره
vampire1188
14-11-2008, 03:18 PM
الاول اصبح على عمى فامبير

منور يا بندق باشا ..

يعنى اللى يخلينا نعدى من ثانوى مش هنعرف نعدى من اولى تجاره

مش شرط على فكرة .. انتي ممكن تكوني دحيحة في ثانوي .. وتيجي تتوكسي في تجارة !

وهاتلاحظي دا في الاعداد الكبيرة بتاعة انتساب السنة دي ..

السبب في دا ان نسبة كبيرة سقطت السنة اللي فاتت .. فابتعيد معا الطلبة الجدد

وبالتالي عدد الفرقة الاولي الحالي مش الطلبة المستجدين بس ..

لأ دا الطلبة المستجدين واللي واقعين كمان ..

بصي .. الطلبة عندنا بيتصنفوا عدة تصنيفات ..

اللي ميه ميه .. ودا اللي جايب من جيد لجيد جدا صافي ..

المقهور .. اللي جايب جيد وشايل مادة او مادتين (وغالباً بتبقي مادة)

المقروص .. اللي جايب مقبول وطالع بمادة ومادتين ..

اللي مرزوع قلم على وشه .. ودا اللي عايد السنة ..

حتى اما تيجي تشوفي اي حد عايد السنة تتلاقي وشه قتم كدا ومخنوق من حياته !!
dr.zomba
15-11-2008, 12:39 AM
[quote=vampire1188;893937]المقهور .. اللي جايب جيد وشايل مادة او مادتين (وغالباً بتبقي مادة)

[QUOTE]

ازاي بقي يا عم الحج جايب جيد وواقع في مادة ؟

هو ينفع؟!!!
vampire1188
15-11-2008, 09:29 PM
ازاي بقي يا عم الحج جايب جيد وواقع في مادة ؟
هو ينفع؟!!!

اه ينفع .. ودي حصلت معايا انا شخصياً

وهوا ان ان مجموعك النهائي اللي في اخر السنة يبقي مابين الـ 130 لـ 159

بس تبقي شايل مادة ..

هوا اي نعم مش هايتكتبلك التقدير العام بس انتا فعلا مجموعك يجيب الجيد

وياسلام بقي لو كنت انتا انتساب .. هاتعيش احلي عيشة ومش هاتعرف تحول انتظام !!
rawan_k
18-11-2008, 07:34 PM
موضوعك جميل جداااااا وانا فعلا بشوف الاشكال دى فى الجامعه وصح زى مقلت

ساعات بحس انى انا ماشيه فى معرض بس بجد لو ماشيه محترمه الحمد لله محدش يقدر يكلمنى نص كلمه

وشكرا للافاده
نيو
20-11-2008, 07:41 PM
مساء التهاييس -
طبعاَ ده تانى رد لى فى المنتدى - اللى لسه عاثر عليه من يومين-
طبعاَ انا تايه من كل البشر اللى هنا بس شكل الاخ مصاص الدماء ض1ض هو اللى مسئول هنا
نرغى بقى
اولاَ الواحد - اللى هو انا هروح فى داهية - عندى شوية استفسارات كده -
نوضح اكتر قبل ما نستفسر انا فرقة اولى عين شمس مجموعة 2 -
1\ اللغة طبعاً لحد دلوقتى ما نزلت , ومش عندى المحاضرات بتاعة اللغة لأنه بصراحة الواحد مبيقدرش يحضر للدكتورة اللى بتدينا - مش فاكر اسمها - ,, والملازم اللعينة لمجموعة 2 فى اللغة لسه منزلتش - اعمل ايه ؟!
2\ لأن الواحد بيشعر بالضياع , ومش عارف اى حاجة , الجدول بينزل أمتى .. أعنى متى تبدأ الأمتحانات عشان الواحد ما يتفأجا من الأمتحانات
3- هما لغوا ايه لحد دلوقتى من المناهج ؟
بس كده ولما افتكر حاجة تانية هبقى اجى وارغى
نيو اللعين - اكيد متعرفهوش -
ahmed abo baker
26-11-2008, 11:18 PM
ازيكو يا رجاله ازيك يا فمبير باشا هو امتحانات اولى تجاره شمس امتى ا
reddragon1100
23-12-2008, 08:47 PM
هااااي يا جماعة الموضوع شغال بس انا مدبلر سنة اولي ولسة فيها وياريت تدعولي ان انجح فيها السنادي عشان متسوحش وكمان مبعتبش الجامعة دية عشان تقريبا مليش اصدقاء هناك بتبقى حاجة رخمة جدا لما تكون لوحدك طبعا بالنسبة للشباب الغير اجتماعيين او الي بيتعرفوا ببطئ على الناس الي هما زي حلاتيوياريت نطلع بكام صاحب كويسين من السيت الجميل دة :)
reddragon1100
23-12-2008, 08:59 PM
ازيكوا يا شباب انا اول لما دخلت الجامعة سالت على المذكرات والحاجات دية وفي ناس كتير قالولي اني الافضل فيهم كارفن وانا الصراحة محتار ودية تاني سنة لية في اولي ويارب انجح السنادي دعواتكم معايا يا شباب مصر :
ahmed abo baker
24-12-2008, 02:26 AM
اهلا بيك اخى انا احمد ابو بكر اولى تجاره مجموعه3 يسعدنى ان اتعرف عليك واكون صديق ليك

هو الافضل فى كله كارفن وده بنصيحه ناس شغاله فى جو الملازم والجاحات ديه ما عدا الاقتصاد كلو بيفضل abcوانا جيبها وهى تمام اوى الحمد لله

و ربنا يفوقك فى دراستك و يعدى السنه ديه علينا بخير قول يا رب


و ان شاء الله اول ما تنذل ارقام الجلوس هنزلها فى موضوع خاص بيها

سلام يا جميل

اخوك :احمد
sara_gm90
24-12-2008, 07:32 PM
جمييييييييييييييييييييييييييل
sara_gm90
24-12-2008, 07:34 PM
ربنا معانا كلنا
SALATINOO
25-12-2008, 02:15 AM
لو سمحتوا ممكن حد يقولى اية نظام المجموعات اللى اتعمل فى كلية تجارة عين شمس وازاى اعرف مجموعتى انا فى سنة اولى انتساب وكنت بشترى ورق فلقيت اربع مناهج لكل مادة ياريت حد يقوى هو قسموا الطلاب على اساس اية وشكرا
vampire1188
25-12-2008, 02:34 AM
ياريت حد يقوى هو قسموا الطلاب على اساس اية وشكرا

قسموا الطلاب على اساس الترتيب الأبجدي ..

انتساب متقسمة لمجموعتين (مجموعة 3 ، مجموعة 4) ..

اول حرف من اسمك هوا اللي هايحدد انتا مجموعة 3 ولا 4
SALATINOO
25-12-2008, 08:01 PM
انا اول حرف من اسمى واو يبقى اكيد المجموعة الرابعة مش كدة
jeme.89
07-02-2009, 07:30 PM
vampire1188 موضوعك ده جامد يا معلم حقق نجاح عالي يا مان تستاهل بوسه عليه
kheles
10-04-2009, 10:41 PM
yaaaaaaa bgd kalamak mokne3 awi w 3ndek 7a2 el walad byb2a 3ayez yesa7b w 5las :(
ana aslan fe 3rd secondary w 3yza tegara english ya RAB tb2a men naseeby
المش مهندس اسلام
31-05-2009, 10:49 PM
بعد ازنك يامجرب كنت عاوز اسالك سؤالين كده ممكن تججاوبنى انا لسه فى 3 ثانوى رياضه وامتحاناتى بعد اسبوعين هى تجارة انجلش القاهرة او عين شمس نظام مصاريفها ايه بالظبط وياترى ممكن طال يتعفى منها ولا دى اجبارى ولازم تتدفع
vampire1188
02-06-2009, 08:43 PM
تجارة انجلش القاهرة

تجارة انجليش انتا عشان تقدم فيها بتقدم في تجارة عربي (انتظام)

بعد كدا بتطلب منهم انك تسحب ملف للشعبة الانجليش .. دا بـ 100 جنيه

بتملي الملف وتقدمه للشئون الطلبة بتاعة تجارة انجليش هناك .. وتستني النتيجة

بالنسبة للمصاريف التوتال كدا 5000 جنيه

عين شمس

ماتسألنيش عن عين شمس .. لإن انا في القاهرة مش عين شمس

وياترى ممكن طال يتعفى منها ولا دى اجبارى ولازم تتدفع

مش عارف تتعفى او ماتتعفيش دي ايه نظامها

بس اللي متأكد منه ان فيه تقليل للمصاريف عشان فيه صندوق اجتماعى جوا الكلية
almgk10
06-06-2009, 10:46 AM
انتو بصراحة عجبتونى جدا جدا مع انى لسة هادخل السنة دى الكلية بس بجد مش عارف اقولكم اية على العموم ان شاء الله لما ارجع مصر عايز اعرف منكم ولو دلوقتى اية احسن جامعة فى مصر لانى مش عارف حجات كتير عن مصر لانى اديلى 5 سنوات عايش برها فيريت تضمونى صديق متجوبونى :romarioxp6:
vampire1188
06-06-2009, 10:20 PM
عايز اعرف منكم ولو دلوقتى اية احسن جامعة فى مصر

لو عايز رأيى انا .. الجامعة الامريكية بدون مناااااااازع
ymymym
06-06-2009, 10:26 PM
بس بس بس بس جامعه بني سويف يا بني

هههههههههههههههه لو رحت هناك هتضيع

ازيك يا فامبير عامل ايه ؟
الامتحانات عامله ايه ؟
انا 3 امتحانات كانا معقدين واتنين الحمد لله خير ان شاءالله
vampire1188
09-06-2009, 07:00 PM
بس بس بس بس جامعه بني سويف يا بني

خليه يروح .. يابنتي دانا سمعت ان الجامعة عندكوا بتقفل الساعة 3 العصر !!

ازيك يا فامبير عامل ايه ؟
الامتحانات عامله ايه ؟


لغاية دلوقتي تمام .. الله اعلم في المحاسبة الحكومية (اخر امتحان) هايبقي شكلها ايه

انا 3 امتحانات كانا معقدين واتنين الحمد لله خير ان شاءالله

انا 4 امتحانات تمام والحمدلله .. لكن المادة الخامسة بقي اللي هيا الحكومية دي ربنا يستر فيها بجد

صعبة جدا وتقيلة جدا جدا جدا .. ربنا يستر يارب
mo7amedshiko
11-06-2009, 03:11 PM
عندك حق والله انا الدكتور بتاعى اسمة هشام البحيرى فى التيرم الاول قالنا ان شاف بنت بترقص لولد

برة المدرج
ههههههههههههههه
واخد الكارنيهات منهم
wanda
11-06-2009, 09:40 PM
هههههههههههههههههه ده كان واحنا فى المحاضرة بس مش اخد الكارنيهات ده قال دة منظر جامعيين

والكلام ده قاله علشان متنرفز من الناس اللى مش بتحضر وقاعدين برة بس كان دكتور سكررررررررررر
wanda
11-06-2009, 09:45 PM
اه وازيك يا فامبير

انا امتحاناتى كلهم زفت خالص مفيش غير القانون ومادة تانية اللى حليت فيهم كويس الباقى زفت خالص
vampire1188
14-06-2009, 03:11 AM
اه وازيك يا فامبير
انا امتحاناتى كلهم زفت خالص مفيش غير القانون ومادة تانية اللى حليت فيهم كويس الباقى زفت خالص



فامبير يابنتي خلااااااااص .. جاب جاز

طلع عيني في الامتحانات وخلاص مابقتش قادر اعمل اي حاجة في اي حاجة

بس اهو الحمدلله ربنا ستر في الامتحانات .. قولي يارب نحول انتظام بقي ونخلص
طمطومة
14-06-2009, 05:30 PM
السلام عليكم ورحمة الله وبركاته

الحمدلله ربنا خلصنا بالسلامة
ربنا معانا فى النتيجة
واvampireاللى حولوا انتظام اخدوا ايه
انا حولت وياريتنى ماحولت
vampire1188
14-06-2009, 08:09 PM
واvampireاللى حولوا انتظام اخدوا ايه
انا حولت وياريتنى ماحولت

فيه ناس كتيرة فعلا قالتلي ان انتظام مقرفة وغبية وان انتساب اسهل بكتير

بس مش عارف .. هما هنا في البيت عمالين يقولولي حول انتظام اما خنقوني

عموما انا لو طلعت صافي الترم التاني دا ان شاء الله يبقي كدا هاحول ..

ربنا يستر
bondok fady
19-06-2009, 01:36 AM
لالالا والله انتظااااام ذى الحلاوه ياهرااااااااااش ياخويه

وبينى وبينك الدنيا ذى الفل فى الكل
bondok fady
20-06-2009, 02:24 AM
azeak ya fambaer 3amel aya fe al agaza de
ab2a tamney 3leak
bondok fady
20-06-2009, 02:55 AM
يااااااااااااعم امتحااااااااانات ايه بقى ونتيجه ايه بقى وكليه ايه بقى

عيشلك يومين قبل ماااااااا عزرااااااااااااااااائيل:giljotiiniug3::040vk0: المذااااااكره ييجى

وبعدين انا يبقى عيد ميلادى النهااااااارده وبتتكلموا على الامتحاااااانات عيب عليك:039uw8: يااااااااااااافامبير دا انا حبيبك

bondok fady:p
vampire1188
22-06-2009, 10:55 PM
وبعدين انا يبقى عيد ميلادى النهااااااارده

ياراااااااااااجل .. كل سنة وانتا طيب يا معلم ..

مش تقول ياعم كنا جيبنالك تورته ولا جاتوه ولا عملنا اي واجب
bondok fady
24-06-2009, 01:57 AM
ياااااااارااااااجل ما التورته وصلت من زمااااااااااان وعملنا مع بعض احلى احتفاااال ههههههه
متأخدش فى بالك يهراااااااش يااااااااخويه
mostafa_music
07-07-2009, 02:21 PM
شوفتو اخر اخبار النتيجه
النتيجه بتاعه سنه اولى احتمال تطلع النهارده
ونتيجه سنه تانيه على يوم الخميس اللى جاى او يوم الجمعه الصبح زى السنه اللى فاتت
ونتيجه سنه تالته على يوم السبت(اول الاسبوع اللى جاى)
وسنه رابعه على اخر الاسبوع اللى جاى
vampire1188
07-07-2009, 08:24 PM
شوفتو اخر اخبار النتيجه
النتيجه بتاعه سنه اولى احتمال تطلع النهارده
ونتيجه سنه تانيه على يوم الخميس اللى جاى او يوم الجمعه الصبح زى السنه اللى فاتت
ونتيجه سنه تالته على يوم السبت(اول الاسبوع اللى جاى)
وسنه رابعه على اخر الاسبوع اللى جاى

مفاجأة كبيرة اوي بجد ان النتيجة تظهر بالسرعة القصوى دي !!

انا تنحت وربنا اول ماشوفت اللينك مكتوب فيه النتيجة هنا ..
عصفورالجنة
08-07-2009, 05:56 AM
لو سمحت 8 vampire118 عايزة اعرف منك حاجات كتيرة بس متزهقش منى اولا انا لسة هدخل كلية السنادى انشاء الله بس انا جايبة فى تانية ثانوى 77%وطبعا وحش جدا واتهيألى السنادى الى هيا تالتة يعنى ممكن اجيب برده مجم<ع وحش بس هزيد انشاء الله عن80% بس ادعولى لان التاريخ يعتبر ضايع معايا خالص لانى بكرهه كدراسة بس ادعولى بس انا من طنطا فعايزة اعرف انا عايزة حوالى كام فى المية عشان ادخل تجارة او اداب سواء انتظام او انتساب عادى مشهتقرق معايا وبرده عايزة اعرف اهنى اللى بتاخد اكتر تجارة القاهرة ولا تجارة طنطا فى المجموع طبعا بس ياريت تقولى كام فى المية وهل لو انا دخلت تجارة القاهرة ينفع اقضى اول سنة فيها وبعدين احول لطنطا بسهولة ولا في شروط وايه هى الشروط وبرده عايزة اجابات لاسئلة تانية انه الاحلى من حيث السهولة اداب انجلش ولا تجارة انجلش ودى او دى لازم تاخد درجة كام فى الانجليزى للسنتين والمجموع الكلى برده بس ياريت تجاوبلى على كل الاسئلة ديت من فضلك وتقولى ياريت تجارة او اداب عربى برده بتاخد كام فى المية ضرورىىىى عزرا على الاطالة وجزاك الله كل خير على هزا الموضوع الرائع جدا جدا جدا وعزرا مرة اخرى على الاطالة
not lost
08-07-2009, 03:06 PM
اهلا vampire اولا شكرا جدا على المجهود الجميل اللى انتا بتعمله هنا انا عندى سوال لو سمحت انا دخلت السنه اللى فاتت تجاره انجليش المنصوره و خدت الكارنيه وكل حاجه بس للاسف مدخلتش الامتحانات خالص فى الترمين بسبب ظروف معينه :confused: فانا عايز اعرف وضعى هيبقى ايه يعنى لو دخلتها تانى هيبقى محسوب انى ساقط سنه ولا انى مدخلتش الامتحانات وهل هاقدم الاوراق من تانى ولا لا معلش الاسئله كتير بس شكرا على مجهودك فى المنتدى؟
d00ry
08-07-2009, 07:33 PM
على فكرة انا لسة رايحة تانية ثانوى بس عنى سؤال ....
هو فعلا فى الجامعة هيبقى البنات بيكلموا الصبيان كده عادىويقفوا مع بعض و يبقوا اصحاب ؟؟؟؟؟؟
اصل عندنا فى المدرسة بيقولوا ان احنا هنبقى مجبرين على ده
vampire1188
08-07-2009, 08:55 PM
انا من طنطا فعايزة اعرف انا عايزة حوالى كام فى المية عشان ادخل تجارة

انتي بما انك من طنطا .. فايبقي اكيد مالكيش الا جامعة طنطا عشان قريبة ليكي

جامعة طنطا فيها انتساب وانتظام ..

انتساب عندك بتتراوح مابين الـ 76 % لـ 81%

انتظام بتتبدأ ممكن من الـ 83 % وانتي طالعة فوق بقي

اهنى اللى بتاخد اكتر تجارة القاهرة ولا تجارة طنطا فى المجموع طبعا بس ياريت تقولى كام فى المية

اكيد تجارة طبعا باعتبارها الجامعة الأم ..

القاهرة يمكن عشان انا فيها اقدر اقولك انها بتتاخد من انتساب ممكن من حدود الـ 79 او 80% لـ ممكن 85%

وانتظام من حدود الـ 86% لفوق

وهل لو انا دخلت تجارة القاهرة ينفع اقضى اول سنة فيها وبعدين احول لطنطا بسهولة ولا في شروط وايه

لا ماهو طبعا فيه حاجة اسمها النطاق الجغرافي ..

بمعني انك طالما انتي جايبه المجموع اللي بيه تقدري تلتحقي بالكلية اللي انتي عايزاها وطالما الكلية دي موجودة في الجامعة اللي نطاق سكنك يبقي انتي لا يحق ليكي الا انك تخشي الجامعة دي ..

وبالتطبيق على حالتك ..

بما انك في طنطا .. وانتي ان شاء الله هاتجيبي مثلا مجموع انتساب تجارة على الاقل يبقي مالكيش غير جامعة طنطا اللي هيا في نطاق السكن بتاعك .. لإن جامعة طنطا فيها كلية التجارة سواءا انتساب او انتظام

اذا انتي بقي عايزة تخشي تجارة القاهرة .. دي بقي فيه حركة حلوة ممكن تعمليها بس دي لو انتي جايبه مجموع عالي اوي يقدر يدخلك اعلام او سياسة واقتصاد .. ازاي بقي ؟؟؟

دلوقتي اعلام وسياسة مش موجودين خالص في اي جامعة حكومية في مصر الا في جامعة القاهرة .. فانتي هاتكتبي في الرغبات انك عايزة تخشي مثلا اعلام .. وبما ان مافيش اعلام في مصر غير في جامعة القاهرة فهايدخلوكي جامعة القاهرة غصب عنهم بصرف النظر عن النطاق الجغرافي (لان لو فيه اعلام في طنطا كانوا دخلوكي هناك) .. وبعد كدا بتعملي تحويل داخلي من كلية لكلية تانية في نفس جامعتك .. يعني تحولي من اعلام لتجارة في نفس الجامعة (اللي هيا القاهرة) .. ودي حركة حلوة للي عايز يخش جامعة القاهرة وهوا في اي محافظة تانية بس لازم يكون جايب مجموع عالي

انه الاحلى من حيث السهولة اداب انجلش ولا تجارة انجلش

اقدر اقولك ان الاتنين تقريبا زي بعض .. لانك في اداب بتدرسي ترجمة وشعر ونثر وكلام متعلق بالانجليش كله .. لكن في تجارة بتدرسي جميع المواد التجارية اللي بيدرسوها بتوع تجارة عربي بس مترجمة لانجليش وعليها شوية اضافات تانية خفيفة

دى او دى لازم تاخد درجة كام فى الانجليزى للسنتين

تجارة انجليش شروطها انك تكوني جايبه في الانجليش درجة لا تقل عن 40 من 50 في السنتين (يعني 80% من مجموع المادة الكلي) .. اما اداب انجليش فدا بيبقي على حسب المجموع الاعتبارى والتنسيق الداخلي بتاع كلية اداب عشان بيقبلوا اعداد قليلة .. وغالبا لا يقل عن 48 من 50 في السنتين

لو فيه اي استفسار تاني انا تحت امرك
vampire1188
08-07-2009, 09:03 PM
فانا عايز اعرف وضعى هيبقى ايه يعنى لو دخلتها تانى هيبقى محسوب انى ساقط سنه ولا انى مدخلتش الامتحانات وهل هاقدم الاوراق من تانى ولا لا

طالما انتا اصلا مادخلتش الامتحان بيكتبوك غائب في الامتحان وبيحطوا جنبيك حرف (غ) في الكشف بتاع اثبات الحضور ..

وبما انك غائب فاما النتيجة بتظهر من المفترض انه بيتكتب جنب كل مادة انتا غيبتها حرف (غ) برده ..

وسواءا كدا او كدا دا يعتبر انك ماحضرتش المادة وبما انك مامتحنتهاش اصلا فدا يعتبر انك ساقط فيها ..

الا اذا كنت انتا بقي مقدم قبل الامتحانات على طلب تأجيل او اي حاجة ..

لكن من ناحية الاوراق لا دي عادي مش هاتقدم اوراق ولا حاجة لإنك لسه مقيد في الكلية عندك ..

بس هاتعامل معاملة الراسب .. يعني قدامك فرصة اللي هيا السنة الجايه ..

لو سقطت فيها تاني يبقي انتا كدا باي باي من الكلية ويحق ليك انك تخش اي كلية تانية

ودا بيبقي على حسب تنسيق الثانوية العامة بتاع السنة بتاعتك (مش السنة الحالية)
vampire1188
08-07-2009, 09:07 PM
هو فعلا فى الجامعة هيبقى البنات بيكلموا الصبيان كده عادىويقفوا مع بعض و يبقوا اصحاب ؟؟؟؟؟؟
اصل عندنا فى المدرسة بيقولوا ان احنا هنبقى مجبرين على ده

هههههههههههههه .. والله دا بيبقي على حسب شخصيتك انتي

وبعدين مافيش حاجة في الجامعة اسمها انك مجبرة على دا ..

طالما انتي دخلتي الجامعة يبقي انتي حرة اعملي اللي تعمليه ..

عايزة تقفي معا شباب اقفي ، عايزة ماتقفيش معا شباب ماتقفيش
not lost
08-07-2009, 10:28 PM
اوك يا مان شكرا بس سوال اخير هى النقطه دى هتاثر مستقبلا يعنى لو جبت مثلا تقدير حلو فى الاربع

سنين تبقى اتظبطت و تشكر انا رايح بكره الجامعه اظبط اوراقى ..
vampire1188
08-07-2009, 10:58 PM
اوك يا مان شكرا بس سوال اخير هى النقطه دى هتاثر مستقبلا يعنى لو جبت مثلا تقدير حلو فى الاربع سنين تبقى اتظبطت

اه ان شاء الله .. حتى لو شيلت مواد .. المهم المجموع ..

لإنهم بيمشوا بنظام المجموع التراكمى (سنة اولي+تانية+تالته+رابعة)

معا مراعاة انك لو شيلت مادة واحده بس في السنة مابيتحطلكش تقدير حتى لو مجموعك يجيب جيد

بس دا بيفيدك في التراكمى لان كل سنة بيتضاف مجموعك على السنة اللي بعدها وهكذا

عشان يطلعلك تقدير كلى في النهاية اللي بيتحط في شهادة التخرج
ماهينور 2
09-07-2009, 03:25 AM
سؤال ليك يااستاذ فامبير هو التحويل لانتظام بيبقي ازاي
يعني بالمجموع ولا بحاله اني طالعه صافيه في كل المواد
يعني انا جايبه 133 جيد تقريبا بس شايله مادتين ينفع احول ولا مليش امل
وسؤال تاني عشان اقدم لالتماس الوقت المناسب امتي وياتري هاخد حقي ولا ايه نظامه في الكليه مفيش دكتور بيطلع نفسه غلط
ياريت الاجابه علي السؤالين
اسفه للاطاله
d00ry
09-07-2009, 11:59 AM
انا قصدى ان البنات ممكن يتقال عليها كلام وحش لو كلمت اولاد فى الجامعة ولا ده عادى زى ما بيقولو
vampire1188
09-07-2009, 07:26 PM
سؤال ليك يااستاذ فامبير هو التحويل لانتظام بيبقي ازاي
يعني بالمجموع ولا بحاله اني طالعه صافيه في كل المواد
يعني انا جايبه 133 جيد تقريبا بس شايله مادتين ينفع احول ولا مليش امل

لا ماينفعش .. شرط انك تحولي لانتظام انك تكوني جايبه جيد وصافي في كل المواد

بدليل ان اما نتيجتك طلعت مكانش مكتوبلك تقدير وقالك انك منقولة بمادتين .. صح ؟

وبالتالي مالكيش تقدير السنة دي .. اي نعم مجموعك جايب جيد بس مالكيش تقدير

انما دا هايفيدك في المجموع التراكمي بتاع التخرج بقي

وسؤال تاني عشان اقدم لالتماس الوقت المناسب امتي وياتري هاخد حقي ولا ايه نظامه في الكليه مفيش دكتور بيطلع نفسه غلط

من الاخر .. نااااااادر جدا ان نتيجة الالتماس تطلع ايجابية معاكي ويتم قبولها ..

لإن ممكن على مستوى الدفعة كاملة اللي هيا فيها اكتر من 12000 طالب .. ممكن يقبلوا التماس 3 او 4 طلاب

والورقة اللي قدام شباك شئون الطلبة تثبت دا .. روحي شوفيها وانتي تعرفي

اما عن الميعاد بتاع تقديم الالتماس فدا بيبقي بعد ظهور النتيجة بحوالي اسبوعين
vampire1188
09-07-2009, 07:26 PM
انا قصدى ان البنات ممكن يتقال عليها كلام وحش لو كلمت اولاد فى الجامعة ولا ده عادى زى ما بيقولو

لا عادي ماتاخديش في بالك .. طالما انتي في الجامعة ماحدش يقدر يقولك تلت التلات كام
ماهينور 2
10-07-2009, 01:36 AM
طيب شكرا ليك استاذ فامبير علي المعلومات
ليه استفسار اخر
واحده صاحبتي جايبه 145 جيد يعني بس جايبه في القانون 7 واترفعت طبعا ل10
هي ممكن بكده تحول انتظام ولا ايه
وفي التخرج هتاخد درجات الرافه ولا لا
سؤال اخر
هو اللي شايل ماده او اتنين مش بياخد في السنه التانيه في المادتين دول غير درجه النجاح وبس ولا عادي بياخد درجاته عادي
كانه اول مره يمتحنها
ارجو الايضاح
vampire1188
10-07-2009, 02:49 AM
ليه استفسار اخر واحده صاحبتي جايبه 145 جيد يعني بس جايبه في القانون 7 واترفعت طبعا ل10 هي ممكن بكده تحول انتظام ولا ايه

اكيد طبعا تحول .. طالما مكتوبلها تحت في النتيجة تقدير وفيه كلمة (جيد) يبقي تحول

لكن لو فيه كلمة (مقبول) او (منقول بمادة ) او (منقول بمادتين) يبقي مالهاش تحويل

هو اللي شايل ماده او اتنين مش بياخد في السنه التانيه في المادتين دول غير درجه النجاح وبس ولا عادي بياخد درجاته عادي كانه اول مره يمتحنها

اللي شايل مادتين بس يبقي ناجح ويفضل شايلهم للسنة الجايه وبيمتحنهم في السنة اللي بعديها عادي جدا زي مانتي عارفه

بس اما بييجي يحسبوا الدرجة بقي .. بيبقي اقصي حاجة بتتحسبله هيا 13 من 20 .. يعين مقبول

مهما ان جاب اعلي من كدا مش هايتحسبله .. حتى لو جاب العشرين من عشرين .. هايتحسبله 13 برده

ودا بيقي عقابا ليه عشان هوا شايل المادة يعني
karimnet
10-07-2009, 02:58 PM
من فضلك انا شايل مادتين و مستخدموليش درجات الرأفة و جايب 7 و 6 فيهم

مع العلم فى واحد صاحبى جايب 7 بس فى مادة واحدة و اترفت له من 7 الى 10

شكراً على الافادة
Hanoda
10-07-2009, 06:43 PM
اناللاسف الشديد جايبة 127 يعني مقبول
وجيد من 130 ياتري فيه درجات رأفة ترفعني واجيب جيد
مع اني جبت في البيزنس 7 واترفعت ل10
ياتري ممكن اجيب جيد ولا لأ وازاي احصل علي درجات الرأفة دي وامتي؟؟؟؟؟؟؟؟؟؟؟؟؟؟؟؟؟؟؟؟؟

اهئ اهئ اهئ اهئ اهئ اهئ
SOMA_2010
10-07-2009, 11:50 PM
موضوع بجد روعة

ربنا يكرمك يارب ويجعله فى ميزان حسناتك

وربنا يهدينا جميعا


على فكرة انا لسة حدخل كلية السنة دى ان شاء الله وربنا يستر



و اهم حاجة يكون كل واحد ف حالة
vampire1188
11-07-2009, 12:14 AM
من فضلك انا شايل مادتين و مستخدموليش درجات الرأفة و جايب 7 و 6 فيهم مع العلم فى واحد صاحبى جايب 7 بس فى مادة واحدة و اترفت له من 7 الى 10

استفسارك بينقسم لجزئين .. قسم مختص بيك وقسم مختص بصاحبك

القسم المختص بيك .. دا ياسيدي هايبقي كالآتى

دلوقتى قانون الرأفة بيقول ايه ؟؟؟

ان كل طالب ليه 4 درجات فقط بيتم استخدامهم في حالات تحويل الحالة من راسب الى ناجح أو من مقبول الى جيد

طبعا القاعدة دي مش سداح مداح كدا اهو .. لا ليها قواعد جزئية

القواعد الجزئية دي هيا حاجتين :

1- ان الأربع درجات عمرهم مايتحطوا في مادة واحده

2- ماينفعش نحط درجات رأفة الا للمادة اللي يبدأ تقديرها من ضعيف فيما فوق (من 7 لغاية 9)

بتطبيق القواعد دي على حالتك مش هايجوز لييييه ؟؟

انتا جايب في مادة 7 .. ومادة تانية كمان 6

في المادة الاولانية يحق ليك انك تاخد التلات درجات بتوعك من الاربع درجات بتوع الرأفة (يعني متبقيلك درجة)

المادة التانية لا يحق ليك لسببين :

1- ان رصيد الاربع درجات مش متبقي منهم الا درجة واحده

2- ان تقديرك في المادة دي ضعيف جدا (واحنا قولنا ان درجات الرأفة مش بتحط الا من بداية 7 لغاية 9)

3- الاربع درجات عمرهم مابيتحطوا في مادة واحده

هاتيجي انتا تقولي حاجة بديهية جدا دلوقتي

طب ليه بتوع الكنترول الوحشين مادوليش التلات درجات بتوعي في المادة اللي جايب فيها 7 .. وكنت ساعتها نجحت فيها وطلعت السنة الجايه بمادة واحده ؟؟

هاقولك اطلع فوق وبص في القاعدة اللي لونها أزرق وانتا تعرف

القسم التاني بقي اللي بيخص صاحبك :

دا فعلا يحق ليه انه ياخد التلات درجات ليه ؟

اطلع فوق وبص في القواعد اللي كاتبهالك وطبقها عليه بنفسك وانتا هاتلاقي ان كلامي سليم
vampire1188
11-07-2009, 12:19 AM
اناللاسف الشديد جايبة 127 يعني مقبول
وجيد من 130 ياتري فيه درجات رأفة ترفعني واجيب جيد
مع اني جبت في البيزنس 7 واترفعت ل10
ياتري ممكن اجيب جيد ولا لأ وازاي احصل علي درجات الرأفة دي وامتي؟؟؟؟؟؟؟؟؟؟؟؟؟؟؟؟؟؟؟؟؟

والله تصدقي زعلتلك .. كدا انتي للأسف مش هاتكملي في المجموعة المميزة

يالا خيرها في غيرها بقي وربنا أرادلك كدا

بصي ياستي .. مبدأيا مش هاينفع انك تجيبي جيد .. ليه ؟

لان انتي كنتي شايلة مادة اصلا (البيزنيس) واترفعتلك وجيبتي فيها 10

يعني استخدمتي 3 درجات من رصيد الاربع درجات بتوعك ..

ومع ذلك بعد ماتم استخدامهم مجموعك فضل برده في حيز الـ 127 ..

وبالتالي مش هاينفع لإن انتي عايزالك كمان 3 درجات تانيين عشان تجيبي الـ 130

عارفه لو انتي ماكنتش شايلة البيزنيس دا وكنتي جايبه في التوتال 127 ؟ ..

كان زمانهم حطولك الـ 3 درجات الرأفة على الـ 127 وجيبتي جيد

عشان ساعتها مجموعك هايبقي 127 + 3 رأفة = 130 (تقدير جيد)

يارب تكون المعلومة وصلت .. وعموما نصيبك كدا وماتزعليش وارضي بما قسمه الله لك

بس شدي حيلك السنة الجايه عشان تقيلة وعايزة مذاكرة جامد .. وربنا ان شاء الله يوفقك
vampire1188
11-07-2009, 12:21 AM
موضوع بجد روعة ربنا يكرمك يارب ويجعله فى ميزان حسناتك وربنا يهدينا جميعا على فكرة انا لسة حدخل كلية السنة دى ان شاء الله وربنا يستر و اهم حاجة يكون كل واحد ف حالة

ربنا يخليك يا سوما .. والف شكر على مرورك ونورتي الموضوع
Hanoda
11-07-2009, 06:12 PM
ميرسي جدا يا فامبير علي التوضيح

بس انا عاوزة اعرف هو اللي جايبين في مادة 7 ليه مترفعوش ل10 تلقائيا زي كده
واللي مترفعوش هيترفعوا ازاي

وانا لما جبت النتيجة كانت الدرجة قبل التعديل 7 وبعدى التعديل 10 (وفي نفس الوقت ليا اصحابي جابو 7 قبل التعديل و7 بعد التعديل)

فهل ده ممكن يكون كان خطأ من الكنترول ولسه ليه درجات الرافة؟؟؟؟؟؟؟؟؟؟؟؟


والله تصدقي زعلتلك .. كدا انتي للأسف مش هاتكملي في المجموعة المميزة

والله انا لاول مرة في حياتي احس بالفشل والندم الفظيع ده بعد مادخلت المجموعة المميزة وشوفت النتيجة
مع اني كنت بذاكر كويس وفي الترم الاول جبت تقدير جيد وقولت انشاء الله هشد حيلي الترم اللي جاي بس للاسف حصلت ظروف وكنت تعبانة جدا وماكنتش قادرة ادخل الامتحانات
وانا بحمد ربنا علي كل شئ وعلي اني جبت تقدير صافي وقدر الله وماشاء فعل

((وقل لن يصيبنا الا ماكتب الله لنا))
vampire1188
11-07-2009, 07:08 PM
بس انا عاوزة اعرف هو اللي جايبين في مادة 7 ليه مترفعوش ل10 تلقائيا زي كده

من المؤكد انهم شايلين مادتين تانيين معا المادة اللي جايبين فيها 7 دي .. وغالبا ممكن يكون جايبين فيها 8

عشان كدا بيدوا الاولوية للمادة اللي فيها 8 .. فياخدوا درجتين رأفة وتترفع تبقي 10

ويتبقي درجتين رأفة تانيين .. عشان كدا هوا دا السبب اللي خلا مادة الـ 7 دي ماتترفعش

زائد ان احنا قولنا ان الرأفة بتتحط في حالة تغيير الحالة ..

سواءا من رسوب لنجاح او من شيل مواد لصافي او تغيير التقدير من مقبول لجيد

لكن لو مادتين متشالين واحده 8 والتانية 7 دا ماينفعش ومش هايحطوا حاجة

عشان دا منافي للقاعدة اللي بتقول ( في حالة تغيير الحالة )

لإن في الحالة دي حتى لو اتحطلهم درجات رأفة دا مش هيخليها تطلع صافي او ناجح او تغيير تقدير

لكن لو هوا مادة واحده شايلينها وجايبين فيها 7 ..

يبقي دا ماينفعش ولازم يروحوا الكنترول ويشوفوا ايه الموضوع بقي لإن دا حقهم

لان في الحالة دي هايتم تغيير الحالة من (منقول بمادة) لـ (صافي)

وانا لما جبت النتيجة كانت الدرجة قبل التعديل 7 وبعدى التعديل 10 (وفي نفس الوقت ليا اصحابي جابو 7 قبل التعديل و7 بعد التعديل)

مانا زي ماقولتلك هما بيبقوا 4 درجات رأفة وبيتسحب منهم على حسب المواد اللي متشالة

لو هما شالين مادة تانية معا مادة الـ 7 دي يبقي مش هايتحط درجات رأفة وفي الحالة دي يبقي الكنترول صح

لو هما شايلين مادتين معا مادة الـ 7 دي .. وواحده من المادتين دول فيهم 8 ..

يبقي بيرفعوا الـ 8 يخلوها 10 وتطلع السنة اللي بعدها بمادتين وبيتكتبلها (منقول بمادتين)

لو هما شايلين مادة واحده بس اللي هيا الـ 7 دي .. في الحالة دي يحق ليهم الرأفة غصب عن اي حد
Abu-Ragab
12-07-2009, 11:28 AM
vampire ... بروفّ والله ،،، شكلك خبرة كبيرة فـ توجارة
كلامك صح مية المية >> بس فيه حاجة .. اللى بيدبّلّرفـ مادة ويمتحنهآ السنة اللى بعدها بياخد بس درجات فـ حدود 12 مش 13 يعنى ما بيشوفش جيد .
أنآ بس كنت عاوز أسألك >> أنآ جيبت فــ القانون التجارى 10 .. مع انها أكتر مادة حرتت فيها وكان متهيألى ما انزلش عن 15
خليل فيكتور ده شكله فاكس .. وانا بفكّــر أئد إلتمآس >> ولا إشترى دماغى واحلق للحوار
تحياتى ،،
vampire1188
12-07-2009, 07:48 PM
أنآ بس كنت عاوز أسألك >> أنآ جيبت فــ القانون التجارى 10 .. مع انها أكتر مادة حرتت فيها وكان متهيألى ما انزلش عن 15
خليل فيكتور ده شكله فاكس .. وانا بفكّــر أئد إلتمآس >> ولا إشترى دماغى واحلق للحوار
تحياتى ،،

ههههههههه .. انتا تلاقيك كنت يا مجموعة "د" يا مجموعة "ز"

عموما فعلا خليل فيكتور السنة دي بهدل العيال في الدرجات .. مش عارف في ايه بجد

وبرده ليا صحابي كانوا حالين كويس جدا وعملوا زيك وجابوا الـ 10

انا عن نفسي جايب فيها 16 والحمدلله ..

بس صراحة كدا ومن الاخر .. الالتماسات حواراتها فاكسة زي مانتا قولت

لإن شوف كام بني ادم حوالي 12 الف .. احتمال كام في الميه انك تطلع تكون غلطان في الدرجات

وبعدين الالتماس دا بيعملوا مجرد مراجعة على الدرجات مش اكتر .. يعني اعادة تصحيح انسى !!

ياعم ارضى بما قسمه الله لك .. واحمد ربنا انك نفدت منها وخلاص

وعموما .. لو كنت مجموعة "ز" يبقي انتا زميلي .. ولو كنت مجموعة "د" يبقي هاتبقي زميلي

عشان انا هاحول السنة دي ان شاء الله
محمود12345
12-07-2009, 10:12 PM
بص ياا اابو الزمل انا طااااااالب لسة خارج من ثااانوى وشوفت موضوعك اللى بالعربى كدة دخل دماااغى وكانت ايام امتحانات

ومينفعش ارد عليك ولا اية رايك !!!!!

المهم جرت الايااام وخلصت الثانوية العامية يااا ابو الزمل وانا ادينى فااضيلك من الاخر موضوعك بعض الكلام فيه صح والتانى

غلط

من ناحية المذاكرة انا اعتقد ومتاكد انها هاتكون صبااااح تكبير الدمااااااغ واخر طناااش وعلى كيفك لان السبب بعد الكلية مش

هتلاااااااقى يوم وااحد فااضى لانة هيكون فى جواااااز وشغل وعياااال واخر قرف يعنى من الاخر الكلية هى اجمل سنين العمر

ومن نااحية البنات كلامك صح 70% بس يااااا ابو الزمل لو سبنا البنات احنا هانضيعو فين الورق والتلخيصااااااات والتوقعات والكلام

دة كلة مينفعش من غير البنات صح ولا اية رايك !!!!!!!

ومن حيث كلامك للبنات دة كلام خااص بيهم ملنااش دعوة ..

المهم شكرا يااااااا عم على الكلام الحلو دة


انا محمود حودة اسكندرانى طول عمرى نفسى ادخل كلية التجارة لية مش عارف والله !!!!!!!
vampire1188
12-07-2009, 11:07 PM
انا محمود حودة اسكندرانى طول عمرى نفسى ادخل كلية التجارة لية مش عارف والله !!!!!!!

برنس يابني والله .. نورتني .. ونورت القسم كله
realman0129
13-07-2009, 10:01 PM
ممكن اعرف التحويل لانتظام بيبدء امتي
vampire1188
14-07-2009, 05:40 PM
ممكن اعرف التحويل لانتظام بيبدء امتي

في نص اغسطس
ماهينور 2
14-07-2009, 08:08 PM
طيب ممكن اعرف هو انا لما امتحن المادتين هامتح مع الدكتور اللي كان بيديني
ولا تبع المجموعه الي كنت فيها بغض النظر عن مين بيديها
ماهينور 2
14-07-2009, 08:09 PM
وسؤال كمان لو هايبقي مع الدكتور اللي كان بيديني
مثلا القانون كان بيديني دكتورين انا هامتحن تبع مين فيهم
مع العلم ان ممكن الاثنين دول مش هايدوا مع بعض تاني
vampire1188
14-07-2009, 08:37 PM
طيب ممكن اعرف هو انا لما امتحن المادتين هامتح مع الدكتور اللي كان بيديني
ولا تبع المجموعه الي كنت فيها بغض النظر عن مين بيديها

لا انتي بتخشي السنة الجديدة تبع مجموعتك عادي جدا ..

والدكتور اللي بيديكي في مجموعتك هوا اللي انتي ملتزمة بيه

مالكيش دعوة بالدكتور اللي كان بيديكي السنة اللي فاتت

التزمي بمجموعتك بغض النظر عن اسم الدكتور
realman0129
15-07-2009, 12:30 AM
بجد يا فامبير عامل شغل جامد
المفروض التوبيك ده يسموه
اسأل فامبير وما تسألش طبيب
vampire1188
15-07-2009, 08:55 PM
بجد يا فامبير عامل شغل جامد
المفروض التوبيك ده يسموه
اسأل فامبير وما تسألش طبيب


هههههههه ربنا يخليك يا حبيبي ..

والله يابني انا عامل الموضوع دا تقدر تسميه كدا شئون الطلبة الالكتروني !!
عاشق التاريخ الاسلامى
16-07-2009, 10:11 PM
اصلى با كبير على الكلام الجامد ده والف شكر على النصائح ديه كلها

نسلم يا صاحبى
عصفورالجنة
17-07-2009, 02:22 PM
لو سمحت vampire عايزة اعرف منك حاجتين اولهم اننا جبت77.8% فهل ينفع ادخل اداب او تجارة انتساب ولو مينفعش لقدر الله ايه الكلية الحلوة اللى ادامى وهل برده كلية التربية النوعية ادامى ينفع ادخلها ولا ايه من الاخر عايزه اعرف الكليات كلها اللى ادامى و ممكن ادخلها وثانيا ممكن اعرف التنسيق بيظهر امتى من بعد ظهور النتيجةوعلى موقع ايه بس رد عليا ضرورى اول ماتدخل وجزاك الله كل خير
الله أعلم
17-07-2009, 09:26 PM
أنا عايزة اسأل ان كان مجموع 92.3ينفع ألسن
صديقة الذكريات
18-07-2009, 12:23 AM
هى كلية تجارة خارجية حلوة واية اقسامها وشروطها
وفرصة الشغل لية عاملةاية
اشتغل اية يعنى
وشكرا على مجهودكم:078111rg3:
vampire1188
18-07-2009, 02:44 AM
لو سمحت vampire عايزة اعرف منك حاجتين اولهم اننا جبت77.8% فهل ينفع ادخل اداب او تجارة انتساب ولو مينفعش لقدر الله ايه الكلية الحلوة

طبعا انا ماعرفش انتي ادبي ولا علمي .. بس شكلك تقريبا أدبي

هوا ينفع انتساب .. لو حظك حلو هاتخشي انتساب مرحلة اولي .. لو مش اوي هاتخشي مرحلة تانية ..

لكن لو آداب مجموعك ان شاء الله يجيبها .. بس اعتقد انتساب برده .. ولو حظك حلو يبقي يجيبها انتظام

وعشان نبقي بنتكلم صح .. اجيبلك بالأرقام والمجاميع

- بالنسبة لتجارة :

في 2008 كان اعلى تنسيق لتجارة في جامعة بني سويف >> انتظام 356.5 (86.6%) - انتساب 327 (79.7%)

دا طبعا مرحلة اولي .. وفيه انتساب مرحلة تانية وتالته واكيد المجموع بينزل عن كدا ..

وانتي اصلا كدا كدا احتمال كبير تخشي مرحلة تانية

- بالنسبة لآداب :

2008 كان اعلى كلية اداب كانت في جامعة حلوان >> انتظام 326 (795%) - انتساب 320 (جامعة اسوان)

ودا برده مرحلة اولي ..

من الاخر عايزه اعرف الكليات كلها اللى ادامى و ممكن ادخلها

عندك كليات التجارة (انتساب) وآداب (انتساب وانتظام) ..

و حقوق (انتظام وانتساب) ودار علوم (انتساب وانتظام) وخدمة اجتماعية وتربية نوعية

ممكن اعرف التنسيق بيظهر امتى من بعد ظهور النتيج

بعديها بحوالي اسبوع او 10 ايام بالكتير .. مستعجلة على ايه ؟!

السنة اللي فاتت التنسيق فتح يوم 19/7 .. ونتيجة المرحلة الأولى ظهرت يوم27/7

وعلى موقع ايه

على موقع الحكومة الإلكترونية ..

http://www.tansik.egypt.gov.eg/application/

وكل العمليات المتعلقة بالتنسيق (تسجيل رغبات/تعديل رغبات/اطلاع على النتيجة لحظة ظهورها)

بيبقي من خلال اللينك اللي فوق دا
vampire1188
18-07-2009, 02:53 AM
أنا عايزة اسأل ان كان مجموع 92.3ينفع ألسن

والله هوا في سنة 2005 .. كانت السن عين شمس واخده 92.4 .. والسن المنيا واخده 92.1

وفي 2004 كانت السن عين شمس واخده 92.6 % .. والمنيا واخده 92.4 %

من اول سنة 2006 لغاية 2008 والمجموع بقي بيتراوح مابين 93 % لـ 94.5 %

ادعي ربنا يكون نصيبك زي تنسيق 2005 وتخشيها
vampire1188
18-07-2009, 03:01 AM
هى كلية تجارة خارجية حلوة واية اقسامها وشروطها

دي مش كلية .. دا عبارة عن مجرد قسم موجود في جامعة حلوان تابع لكلية التجارة

يعني زيه زي قسم المحاسبة والادارة والتامين .. الخ الخ

والتخصص فيه بيبقي من سنة تالته .. ومافيش شروط ولا حاجة لدخول القسم .. كله بالرغبات

اشتغل اية يعنى

والله انا نفسي ماعرفش .. هما كاتبين على الموقع انك هاتشتغلي باحث اقتصادى

ايه بقي باحث اقتصادي دي ماتفهميش !! ..

بس اللي غالبا هاتتلاقي فرص شغله كتيرة جدا هوا قسم المحاسبه
perfect-girl
18-07-2009, 04:39 AM
انا جبت مجموع قليل جدا جبت تقريبا 91%
ودرجتى فى الانجلش 48.5 والمستوى 9
حينفع ادخلها فى اسكندريه
وحيبقا الحد الادنى كام معلش
للعلمى
mahmoudyakout
18-07-2009, 08:57 AM
هى تجارة انتساب تاخذ كم
vampire1188
18-07-2009, 10:14 PM
انا جبت مجموع قليل جدا جبت تقريبا 91%
ودرجتى فى الانجلش 48.5 والمستوى 9
حينفع ادخلها فى اسكندريه
وحيبقا الحد الادنى كام معلش
للعلمى



لا ان شاء الله مجموعك يجيب .. لإن انتى اولا ان شاء الله هاتجيبي مجموع تجارة اسكندرية انتظام

وبالنسبة للانجليش عندكوا في اسكندرية بيقبلوا اقل شئ 45 من 50 ..

اذن الشرطين متوافرين معاكي .. وبالتالى ان شاء الله تخشيها .. فيه امل يعني
vampire1188
18-07-2009, 10:16 PM
هى تجارة انتساب تاخذ كم

على حسب انتا جامعة ايه .. بس هيا عشان تبقي عارف بتنزل مرحلة اولي ومرحلة تانية ..

وممكن تنزل مرحلة تالته او ماتنزلش (انتا وحظك)

بس هيا في انتساب بتاخد مرحلة اولي في حدود الـ 81% .. ومرحلة تانية ممكن تنزل لـ 79%
shery 2008
20-07-2009, 10:17 AM
انا جايبة 373 ( بدون مستوى ) بس علمى علوم وفى الانجليزى 48 ومستوى رفيع انجليزى 9 ممكن الحق تجارة انجليزى المنصورة ولا لأ
vampire1188
21-07-2009, 12:50 AM
[quote]انا جايبة 373 ( بدون مستوى ) بس علمى علوم وفى الانجليزى 48 ومستوى رفيع انجليزى 9 ممكن الحق تجارة انجليزى المنصورة ولا لأ /quote]

ان شاء الله .. اللي هايسندك ممكن الاربع درجات بتوع المستوي .. ادعي بس انتي كدا
Dr.Gehad
21-07-2009, 01:10 AM
الكلام دا فـــــــل اخر حاجه
وانت كدا تمام
واهم حاجه الباضى والجينز دا يا بنااااااات الاسلام
وخلى بالك من مزاكرتك ومستقبلك
وكل سنه وانتو طيبين
وعقبالك عندكو
ولولولولولووووى
perfect-girl
21-07-2009, 07:40 AM
لا ان شاء الله مجموعك يجيب .. لإن انتى اولا ان شاء الله هاتجيبي مجموع تجارة اسكندرية انتظام

وبالنسبة للانجليش عندكوا في اسكندرية بيقبلوا اقل شئ 45 من 50 ..

اذن الشرطين متوافرين معاكي .. وبالتالى ان شاء الله تخشيها .. فيه امل يعني


شكرا على اهتمامك
يارب ادخلها بقا
fady_m
21-07-2009, 05:23 PM
لو سمحت عايز اعرف الفرق بين تجارة انتظام و انتساب
( من ناحية كل حاجة )
nour16
21-07-2009, 09:36 PM
هااااااااي فامبير
انا اولي اداب ونجحت بمادتين
المهم بقي ان انا عايزه احول تجاره انا كنت جايبه في ثانوي 358.5 انا كنت علمي رياضه
وكنت جايبه في الانجليزي 47.5
ينفع احول تجاره انجليزي
وبليز لو تعرف المصاريف تقريبا كام
ولو ينفع احول ده حيبقي امتي
وشششششكرا جدا انا عارفه ان انا رغيت كتير وياريت ترد عليه
vampire1188
21-07-2009, 09:40 PM
لو سمحت عايز اعرف الفرق بين تجارة انتظام و انتساب

فيه بعض الفروق .. زي :

1- مصاريف انتظام اقل من مصاريف انتساب

2- مجموع انتظام في الثانوية العامة اعلي من مجموع انتساب

3- انتظام ليهم سكاشن .. لكن انتساب مالهومش

4- انتظام امتحاناتها اصعب من امتحانات انتساب

فيما عدا ذلك .. انتظام زي انتساب
nour16
21-07-2009, 09:41 PM
سؤال تانيييييييييييييي
لو منفعش انجليزي
ينفع تجاره عربي
vampire1188
21-07-2009, 09:54 PM
انا اولي اداب ونجحت بمادتين

زي مابيقولوا اول القصيدة كفر !!

ماينفعش طبعااااا ..

يشترط للتحويل من كلية لكلية تانية الآتى :

1- في حالة النجاح .. لازم تكونى ناجحة صافي في كل المواد ..

2- في حالة الرسوب .. لازم تكونى استنفدتى كل فرص الإعادة ..

يعني مثلا انتي في اولي وعيدتي السنة مرتين وسقطي ..

في تلك الحالة يجوز ليكي التحويل لأى كلية تانية

وعموووما .. القاعدة العامة للتحويل هوا انك بتمشي بتنسيق سنة حصولك على الثانوية العامة

الخاصة بيكي انتي لوحدك .. مالكيش دعوة بالسنة الحالية

ينفع احول تجاره انجليزي

في حالتك دي مش هاينفع طبعا عشان انا قولتلك السبب

لكن عموما .. اه ينفع ..

بس دخولك تجارة انجليزي هايبقي متوقف على مجموع الثانوية العامة بتاعك

بس يشترط انك تكوني جايبه مجموع تجارة انتظام لسنة 2008 (سنة حصولك على الثانوية العامة)

وساعتها بيتم تحويلك لتجارة انتظام .. ومن هناك بتقوليلهم عايزة اسحب ملف شعبة ..

والاجرائات بتمشي عادي جدا زيك زي اي حد داخل تجارة انجليش جديد

وبليز لو تعرف المصاريف تقريبا كام

حوالي 4500 بالكتب طبعا ..

ولو ينفع احول ده حيبقي امتي

المفروض انه هايبقي خلال اليومين الجايين دول ..

ونصيحة .. حاولي خلال الكام يوم دول تروحي تستفسري في الكلية احسن ..

قبل زحمة التقديم بتاعة دفعة سنة اولي الجديدة ..

سؤال تانيييييييييييييي لو منفعش انجليزي ينفع تجاره عربي

اكيد .. ما انتي اصلا عشان تخشي تجارة انجليزي طبيعي لازم تمري بتجارة عربي

بس هارجع تاني واقولك شرط تحويلك لتجارة انجليش انك تكونى جايبه مجموع تجارة انتظام

في سنة حصولك على الثانوية العامة ..
nour16
21-07-2009, 10:59 PM
شكرا ع الرد مع انه زعلني شويه (علي فكره انا شيلت المادتين دول لان انا اصلا مكنتش حبه الكليه )
وهي فعلا كده شكلها اولها كفر يعني الواحد بعد ما قعد يذاكر سنتين
اكيد طبعا حتقول مذاكره ايه دي اللي تخليكي ت دخلي اداب
بس طبعا انت عارف الامتحانات جت ازاي السنه اللي الفاتت
رياضه 2 امتحاناته كانت يااااه سهله جدا مقولكش بقي علي التفاضل والميكانيكا و..............................
ده غير الفيزيا ء وجمالها
علي فكره انت قلبت عليه المواجع زي ما بيقولو وانا مش عارفه كتبت الحوارات دي كلها ليه بس اهو احسن اني اتكلمت مع حد
بس يلا خيرها في غيرها
وكمان مره شكرا جدااااااااااا علي انك رديت عليه
vampire1188
22-07-2009, 12:15 AM
علي فكره انت قلبت عليه المواجع زي ما بيقولو

هههههههه .. عادي بقي .. مانا نفسي داخل تجارة مش عشان بحبها طبعا ..

لا عشان انا ماكانش قدامي غيرها ..

قاعدة عامة .. تقريبا ماحدش بيخش دار علوم او اداب او حقوق او تجارة الا عشان مجموعه مكانش يجيب الا كدا

بس الاحسن بقي انك مش تقعدي تعقدي في نفسك وتقولي انا كان المفروض اذاكر وانجح واخش هندسة

لا ارضي باللي ربنا قسمهولك .. وحاولي تتعاملي معا الكلية اللي انتي فيها ..

مش هاقولك حبيها .. لكن اقلمي نفسك عليها .. وعيشي حياتك .. (دانتي في اداب يابنتي !!)

بس يلا خيرها في غيرها

وهوا فين غيرها ؟!

وكمان مره شكرا جدااااااااااا علي انك رديت عليه

العفو ياستي .. انا تحت امر اي حد في القسم هنا
dragonkoko911
22-07-2009, 08:19 AM
أنا جايب 82% علمى رياضة للأسف بس جايب 48 فى النجليزى و 9 مستوى انجايزى
أقدر أخشها وهو فيها انتساب ولا لأ ؟
dragonkoko911
22-07-2009, 08:20 AM
تجارة انجليزى
معلش نسيت أكتبها
fady_m
22-07-2009, 04:39 PM
فيه بعض الفروق .. زي :

1- مصاريف انتظام اقل من مصاريف انتساب

2- مجموع انتظام في الثانوية العامة اعلي من مجموع انتساب

3- انتظام ليهم سكاشن .. لكن انتساب مالهومش

4- انتظام امتحاناتها اصعب من امتحانات انتساب

فيما عدا ذلك .. انتظام زي انتساب


شكرا لردك واهتمامك
معلش فى حاجة تانى هما بتوع انتظام بيحضروا يعنى وانتساب لا ولا ايه
vampire1188
22-07-2009, 08:13 PM
معلش فى حاجة تانى هما بتوع انتظام بيحضروا يعنى وانتساب لا ولا ايه

انتظام وانتساب بيحضروا محاضراتهم عادي جدا .. لكن الفرق في السكاشن بس
earth
24-07-2009, 05:12 PM
لو سمحتم سؤال :


هوه اقسام تجارة انجلش موجودة فى كل كليات تجارة فى كل الجامعات ولا فى عين شمس و القاهرة و بس


ارجو الرد

و جزاكم الله كل خير
vampire1188
24-07-2009, 05:56 PM
هوه اقسام تجارة انجلش موجودة فى كل كليات تجارة فى كل الجامعات ولا فى عين شمس و القاهرة و بس

اه بالظبط كدا .. موجودة في كل الجامعات ..

حتى الجامعات الخاصة هاتتلاقي فيها انجليش برده
mina_totti65
28-07-2009, 11:56 PM
نا مرحلة اولى جايب 332.5 وانجلش 40/50
وجتلى اداب القاهرة وعايز احول تجارة عين شمس
هل ينفع +هل رياضة اللى فيها سهلة ولاصعبه وهل كله رياضه ولا فيه نظرى
JOUDI ANA
30-07-2009, 10:37 AM
ana ray7a 1 gam3a w nfsy ad5ol tgara english m3rfsh ezay
ana mgmo3y 90.2 y3ny 370 bs el english hwa al moshklah gbt 39.5 wallahy m3rf gbt al al dargah deh leh mnoh llah elly kan el sabb:angry2:

al mohm

ana al tansi2 gbly tgara 3yn shams arabic english no tb3n

ana 3awza a3rf ana momken at2bl a2alem wla l2 w lw at2blt ht2bl fe gam3t eh w ynf3
a7wl 3yn shams lw gbt t2der fe 1


so2al tani m3lsh

eh a2sam tgara arabic w english

please, yagma3a ana m7taga al rd drooooooooooooooory
vampire1188
30-07-2009, 07:05 PM
نا مرحلة اولى جايب 332.5 وانجلش 40/50 وجتلى اداب القاهرة وعايز احول تجارة عين شمس هل ينفع

اه ان شاء الله ينفع .. طالما مجموعك جايبها يبقي خلاص ..

انتا بتستني لما المرحلة التانية تخلص ونتيجتها تظهر ..

وحركة التحويلات بتقوم شغالة بقي .. فانتا ظبط نفسك بقي وحول

هل رياضة اللى فيها سهلة ولاصعبه

فيه نوعين من الرياضة .. رياضة سنة اولي ورياضة سنة تانية

رياضة اولي دي كويسة .. زيها زي الاحصاء بتاعة الثانوية العامة كدا

اما رياضة سنة تانية فادي رياضة بنوك .. بتعرف يعني فايدة ويعني ايه دفعات

وازاي احسب الشيكات ولو حد اتأخر ازاي اعمل فايدة التأخير واحسبها .. كدا يعني

وهل كله رياضه ولا فيه نظرى

لأ طبعا مش كله رياضة .. فيه جزء نظري .. انتا المفروض على الاقل كل ترم بتاخدلك مادة محاسبة

والباقي بيبقي نظري .. بتبقي مواد ادارية واقتصادية وعلم نفس ..

حاجات لذيذة والله مش صعبة ولا حاجة
vampire1188
30-07-2009, 10:05 PM
ana 3awza a3rf ana momken at2bl a2alem wla l2 w lw at2blt ht2bl fe gam3t eh w ynf3

ياريت بليز تبقي تكتب الجملة دي بالعربي احسن السؤال مش واضح

eh a2sam tgara arabic w english


هما 3 اقسام اللي مشهورين وموجودين في اي جامعة تقريبا .. محاسبة وادارة اعمال وتأمين واحصاء
طمطومة
31-07-2009, 12:09 AM
السلام عليكم ورحمة الله وبركاته
بيقولوا عميد الكلية اصدر قرار بان الطلبة تمتحن المواد فى الصيف كلام صحيح ولا اشاعة؟
JOUDI ANA
31-07-2009, 01:24 PM
[quote=vampire1188;1458839]ياريت بليز تبقي تكتب الجملة دي بالعربي احسن السؤال مش واضح


انا عاوزه اعرف انا ممكن اتقبل اقاليم ولا لا ولو اتقبلت ايه الجامعات اللى ممكن اتقبل فيها
انا مجموعى 370 والانجليزى 39,5
ولو جبت تقدير اول سنه ممكن احول عين شمس ولا ايه النظام؟
معلش هتعبك معايا يا vampire
mina_totti65
31-07-2009, 02:46 PM
انا قريت دلوقتى فى مصراوى و جريدة الجمهوريه ان طلاب المرحله التانيه شغلوا كل التجارة الانتساب انا مرحله اولى وجتلى اداب القاهرة وكنت عايز احول تجارة انتساب عين شمس معنى كده ان خلاص بالنسبه لى مفيش امل خالص صح ؟
لميا نبيل
31-07-2009, 03:22 PM
ممكن لو سمحتىتقولى هقدم امتى انا مرحله اولى
عندليب اسوان
31-07-2009, 08:11 PM
انا جاتلي تجاره اسيوط انتضام وعايز احول تجاره قنا هل لما احول هتجيلي انتساب ولا انتضام هو انا مجموعي341 وتجاره قنا تاخذ من 448.5 ارجو الرد سريعا من فضلك
vampire1188
31-07-2009, 10:12 PM
بيقولوا عميد الكلية اصدر قرار بان الطلبة تمتحن المواد فى الصيف كلام صحيح ولا اشاعة؟

ههههههه .. لا طبعا .. اللي بيمتحنوا في الصيف دول الناس بتوع سنة رابعة اللي شايلين مواد

بيبقي اسمهم دور سبتمبر ..

لكن اي حد شايل مواد في اولي او تانية او تالته .. بيمتحنها في السنة اللي بعدها

سواءا دور يناير او دور مايو على حسب هوا شايل المادة ترم اول ولا ترم تاني
vampire1188
31-07-2009, 10:16 PM
انا عاوزه اعرف انا ممكن اتقبل اقاليم ولا لا ولو اتقبلت ايه الجامعات اللى ممكن اتقبل فيها انا مجموعى 370 والانجليزى 39,5

مبدأياً مش هاتعرف تخش تجارة انجليش اصلااااا .. لإن درجتك في الانجليش ضعيفة

لو كنت زيدت نص درجة فيها كان زمانك تقدر تقدم فيها .. لكن بدرجتك دي ملفك هايترفض اصلا

ولو جبت تقدير اول سنه ممكن احول عين شمس ولا ايه النظام؟

اه بس المهم يتوافر حاجتين :

1- ان عين شمس تكون في النطاق الجغرافي بتاع سكنك ..

عشان ساعتها هاتخش تحت بند تقليل الاغتراب

2- انك ماتكونش شايل اي مواد في سنة اولي .. يعني طالع صافي
vampire1188
31-07-2009, 10:17 PM
ممكن لو سمحتىتقولى هقدم امتى انا مرحله اولى

انا ماعرفش انتي جامعة ايه ..

بس عموما المفروض ان التقديم هايبدأ من اول الاسبوع دا (2/8/2009)
vampire1188
31-07-2009, 10:18 PM
انا جاتلي تجاره اسيوط انتضام وعايز احول تجاره قنا هل لما احول هتجيلي انتساب ولا انتضام هو انا مجموعي341 وتجاره قنا تاخذ من 448.5 ارجو الرد سريعا من فضلك

عشان تحول لازم يكون سكنك في النطاق الجغرافي بتاع جامعة قنا طبعا

ولو حولت هاتحول انتساب مش انتظام ..

والتحويلات هاتفتح من بعد ظهور نتيجة المرحلة التانية ان شاء الله ..

وبالتوفيق دايماً
JOUDI ANA
31-07-2009, 10:23 PM
ميرسي جدا ياvampire تعبتك معايا انا اساسا اتقبلت فى تجارة عين شمس عربى بس كان نفسى ادخل انجلش حتى لو اقاليم
بس هى شكلها رست على عربى الحمدلله
طب سؤال تانى معلش لو جبت اول سنه تقدير فى عربى مينفعش احول انجلش ؟
vampire1188
31-07-2009, 10:27 PM
طب سؤال تانى معلش لو جبت اول سنه تقدير فى عربى مينفعش احول انجلش

لأ .. الشعبة بتتحدد من سنة اولي على طول .. يا عربي يا انجليش يا فرنساوي
esraa bakeer
02-08-2009, 02:02 AM
السلام عليكم
انا جبت 342.5 وجتلي تجاره بنها و انا عاوزه احولها الي عين شمس انتساب
و لكن البعض بيقلي ان مود عين شمس اصعب و اما بنها تقدري تجيبي درجه حلوه و كمان حد ثاني يقلي لو جيت اقدم الي شغل يفضلوا بتوع تجاره عين شمس عن بنها وانا اريد ادخل عين شمس
اريد راي حضرتك مشرف قسم كليه تجاره و قسم الجامعات الخاصه
كوكو القمر
02-08-2009, 06:51 AM
يا جماعة امتا تقديم كلية تجارة انجليزى بسوهاج:bosyht9:
كوكو القمر
02-08-2009, 06:54 AM
ارجوكم ردو علية بسرعة
كوكو القمر
02-08-2009, 07:07 AM
ارجوك يا فامبير قلى تجارة انجليزى سوهاج انا مجموعى يدخلنى وكمان الفلوس موجودة والحمد اللة لكن عايز اعرف بتاخد من كام فى الانجليزى ارجوك رد بسرعة وانا مستنيك قبل ما يخلص التقديم ويفوتنى
كوكو القمر
02-08-2009, 07:15 AM
رد بسرعة يا فامبير:028ja7:
salomeh
02-08-2009, 10:14 AM
لو سمحت انا جبت 334 وقدمت مرحله اولى وجتلى اداب القاهره وعاوزه احول تجاره انتساب القاهره برده وقالوا استنوا المرحله التانيه تخلص وبعد كده احول بس انا خايفه انى السنه دى الاقبال على تجاره كتيييييييييييير ياترى ممكن مش ينفع ؟؟؟؟؟؟؟؟؟؟؟
realman0129
02-08-2009, 11:02 AM
اعتقد انك ممكن تحولي عادي بعد المرحله التانيه

السنه اللي فاتت في ناس اصحابي كانو في اداب وحولو تجاره انتساب مش تقلقي


علي ما اعتقد يا كوكو لازم تكوني جايبه فوق ال40 في الانجلش ومجموعك يدخلك انتظام
vampire1188
02-08-2009, 07:37 PM
لو سمحت انا جبت 334 وقدمت مرحله اولى وجتلى اداب القاهره وعاوزه احول تجاره انتساب القاهره برده وقالوا استنوا المرحله التانيه تخلص وبعد كده احول بس انا خايفه انى السنه دى الاقبال على تجاره كتيييييييييييير ياترى ممكن مش ينفع ؟؟؟؟؟؟؟؟؟؟؟

لأ ان شاء الله هاتحولي ماتخافيش
نسمه عبد اللطيف
04-08-2009, 12:38 AM
ايه اخباركوا يا جماعه عاملين ايه انا بقالي كتير اوي مدخلتش انا نسمه 3د وبسلم علي كل صحابي وازيك يا مصطفي وازيك يا فامبير ودودي وكوين وشوشو ومحدش يزعل لو نسيته السلام للكل هي الجداول نزلت عايزين نشوف مين اللي هيدينا ربنا يستر
thestar2020
05-08-2009, 02:50 PM
كنت عايزه اسال عن الانتساب الموجه والدراسه هتبقى عامله ازاى وغير كده فى مواد بالانجلش ولا كلها بالعربى وايه هى اقسام كليه تجاره والفرهق ما بنهم
vampire1188
05-08-2009, 06:24 PM
كنت عايزه اسال عن الانتساب الموجه والدراسه هتبقى عامله ازاى

دراسة عادية جدا .. حاجة ايزي وكوول اوي

وغير كده فى مواد بالانجلش ولا كلها بالعربى

اه فيه .. بس في الترم التاني مش الاول (بالنسبة لجامعةا لقاهرة)

وايه هى اقسام كليه تجاره والفرهق ما بنهم

محاسبة .. دي هاتطلعي محاسب .. يعني تشتغلي في الحسابات

ادارة .. دي هاتطلعي مدير مبيعات او مندوب .. اي حاجة متصلة بالشغل الاداري

تأمين .. هاتشتغلي في اي شركة تأمين
lovely_rose
06-08-2009, 05:38 AM
هو انهى احسن تجاره ولا علوم؟؟؟؟؟عشان انا خلاص زهقت ودماغى ضربت
ولو خلت تجاره انا مليش فى المواد النظرى ومعرفش ايه نظام الدراسه
ولو اتخرجت منها هطلع ايه؟؟؟؟؟
lovely_rose
06-08-2009, 07:27 AM
وقريت كده شويه كلام عن المجموعه التميزه بس تقريبا مش فهمت حاجه دى ممكن تاخد من مرحله تانيه وبيبقى الحد الادنى ليها من كام فى تجاره بورسعيد؟؟؟؟
lovely_rose
06-08-2009, 08:07 AM
انا عارفه اننا غلست والله بس اعمل ايه كنت عامله حسابى على كليه تانيه خالص وجاتلى تجاره يلا نصيب المهم هى المجموعه المتميزه دى بتاخد على حسب اللى يقدم الاول ولا على حسب المجموع مع العلم اننا جبت فى 91.1 وعلمى وطبعا مرحله تانيه:(
vampire1188
06-08-2009, 05:58 PM
هى المجموعه المتميزه دى بتاخد على حسب اللى يقدم الاول ولا على حسب المجموع مع العلم اننا جبت فى 91.1 وعلمى وطبعا مرحله تانيه:(

المجموعة المميزة موجودة في جامعة القاهرة بس ..

ماعنديش اي معلومات عن وجودها في بورسعيد
zagus
06-08-2009, 07:19 PM
يا جماعة دى اول سنة ليا تجارة حلوان انتساب و فى ناس بيقولوا صبعة و كنت عايز اعرف رايكم
و اى المواد اول سنة واعمل اى شكرا
thestar2020
07-08-2009, 10:29 PM
الانتساب الموجه ليه سكاشن بس والدراسه بالانجلش بالنسبه لجامعه عين شمس فيه ولا لا
vampire1188
07-08-2009, 10:37 PM
يا جماعة دى اول سنة ليا تجارة حلوان انتساب و فى ناس بيقولوا صبعة و كنت عايز اعرف رايكم و اى المواد اول سنة واعمل اى شكرا

دا رابط الموضوع المختص بطلبة تجارة حلوان

http://thanwya.com./vb/showthread.php?t=140893

تقدر تخش وتستفسر هناك براحتك
vampire1188
07-08-2009, 10:39 PM
الانتساب الموجه ليه سكاشن بس والدراسه بالانجلش بالنسبه لجامعه عين شمس فيه ولا لا

مش فاهم سؤالك خاااالص

دلوقتى بالنسبة للسكاشن .. فهيا معمولة لانتظام بس .. يعني لمجموعة 1 و 2 بس

لكن انتساب مالهومش .. يعني مجموعة 3 و 4 مالهومش

اما بالنسبة لانجليش .. فا لو انتي شعبة انجليش هاتدرسي بالانجلش (ومافيش ولا حرف عربي)

لكن لو عربي هاتدرسي بالعربي .. معا وجود بعض المواد بالانجليش هاتقابلك
thestar2020
07-08-2009, 10:42 PM
ناس قلولى ان الانتساب الموجه بيحضر سكاشن بس ومالوش محاضرات خالص ده كلام صح ولا غلط ولو غلط ايه الصح
thestar2020
07-08-2009, 10:44 PM
عايزه اسال ايه الفرق بين تجاره انجلش وتجاره عاديه بالنسبه لمجالات الشغل بعد التخرج
vampire1188
07-08-2009, 10:59 PM
ناس قلولى ان الانتساب الموجه بيحضر سكاشن بس ومالوش محاضرات خالص ده كلام صح ولا غلط ولو غلط ايه الصح


لا غلط طبعا

انتساب بيحضر محاضرات زيه زي انتظام بالظبط .. لكن انتساب مالهومش سكاشن زي انتظام

انتساب يقدروا يحضروا سكاشن معا انتظام .. بس دا هايبقي في الخفاء .. يعني شئ مش قانوني

يعني لو بتاع انتساب اتقفش انه بيحضر معا انتظام .. هايخرج بره ومش هايكمل السيكشن


عايزه اسال ايه الفرق بين تجاره انجلش وتجاره عاديه بالنسبه لمجالات الشغل بعد التخرج

تجارة انجليش احسن .. لسببين :

1- ان عدد طلبة تجارة انجليش اقل .. فدا بيساهم في ان درجة استيعاب طالب انجليش تبقي احسن من طالب عربي .. والشركات طبعا بره بتاخد في اعتبارها الموضوع دا .. عشان كدا بيفضلوا انجليش عن عربي

2- ان تجارة انجليش مناهجهم في المحاسبة بالذات على الطريقة الامريكية .. ودي اللي بتتماشي معا وضع السوق العملي .. خاصة في البنوك والشركات .. برده عشان كدا بيفضلوا انجليش عن عربي

انما بقي حكاية ان بتوع تجارة انجليش لغتهم احسن من بتوع عربي .. فادي معلومة غير صحيحة .. لإن فيه ناس في عربي الانجليش عندهم احسن من طلبة تجارة انجليش بمرااااحل .. فدا مش عامل يعني من العوامل
fady_m
08-08-2009, 04:15 PM
بقولك ايه هو موضوع التخصص اللى انت كنت بتقول عليه ده
( محاسبة - ادارة - تامين )
بيبقى من سنه اولى ولا ده فى البكالوريوس
kheles
08-08-2009, 04:49 PM
hii Vampire
ana 3yza a3rf emtaa natigtt tansi2 tegara english 3en shams 7ytla3????????
asl law m2btlsh english 7atsw77 l2ny mesh 3yza tegara 3rabyy 5aless...
ana magmoo3y el e3tbary 453


w kaman eh 7war el kashf el teby da a3melo emta

thnx:)
vampire1188
08-08-2009, 05:16 PM
بقولك ايه هو موضوع التخصص اللى انت كنت بتقول عليه ده
( محاسبة - ادارة - تامين )
بيبقى من سنه اولى ولا ده فى البكالوريوس

بيبقي على حسب الجامعة .. في القاهرة وعين شمس بيبقي في البكالريوس ..

لكن حلوان بيبقي من سنة تالته
vampire1188
08-08-2009, 05:17 PM
ana 3yza a3rf emtaa natigtt tansi2 tegara english 3en shams 7ytla3????????

فى الغالب بيبقي على اول اسبوع من شهر 9

w kaman eh 7war el kashf el teby da a3melo emta

الكلية بتحدد ميعاد للكشف الطبي .. تابع الاخبار عندك وشوف مواعيدهم امتي واما ييجي الميعاد روحه
esraa bakeer
11-08-2009, 01:27 AM
طيب و الي داخل انتساب ده طبعا مش عياخذ سكاشن طيب هو عيمتحن فيها و لا لا
لو عيمتحن فيها عيزكرها ازي و عيحل ازي اساسا و هو ماخدهش
realman0129
11-08-2009, 08:02 PM
المنهج كله هتخديه في المحاضرات وهتذاكري من الملازم والتطبيقات اللي بينزلها الدكتور
لكن السكاشن ده يعتبر حاجه زياده لانتظام في الشرح مش اكتر
do3aa
11-08-2009, 10:35 PM
انت بجد ملكش حل واللة شكرا جدا على مجهودك وانت دماغك حلوة جدا ماشاء اللة
بس انا كنت عايزة سوال انا قدمت انجلش انا جايبة 91 بس انا عارفة انى مش هتقبل
فا كنت عايزة اضمن حتى المجموعة المميزة دى مش عارفة اروح اقدم امنى لو تعرف
اى حاجة ممكن تقولى ولا اصلا مجموعى دى كمان ميجبهاش ؟؟؟؟؟؟؟
salomeh
12-08-2009, 01:59 AM
بليز انا عاوزه اعرف مصاريف اولى انتظام وانتساب والمجموعه المتميزه كااااااااااااااااااام؟
salomeh
12-08-2009, 02:00 AM
بليز ممكن تقولى مصاريف اولى انتظام وانتساب والمتميزه كام لو سمحت؟