مشاهدة النسخة كاملة : أنا ساقط
M.Sherif 05-09-2008, 06:02 AM صحيت م النوم لقيت يسري عارض كادر
ولما فوقت م الاحلام
وشميت ريحة امل
وحسيت انه مش عابر
يا واد يا شرشر هيص افرح
ده الفرح نادر
سألت ع المنهج
وقولت لنفسي قوم ذاكر
دي فرصة عمري
وانا دحاح وانا شاطر
ذاكرت لحد ما الليل راح
وقولت لنفسي مش قادر
هنام دلوقتي
وم الفجرية هطير علي الكلية
من باكر
انا الصابر
انا الشاكر
انا حافظ انا مذاكر
أتاري الغم والتكدير مع الكادر
زي اللي صام الدهر وف الاخر طلع فاطر
ومهما حاولت بالتركيز وبعصر النافوخ ابادر
لكن حيلك ما تتعبش
سؤال ومن بعديه اخر ماكر
وبعد خلاف مع مراقب وبعد خناق مع مراقب
ماينفعش لواحد زميلي اشاور
وضاع الوقت ....
والتعجيز ده شئ جاير
اربعة في سؤال
يختلف عليهم العلما
دانا مذاكر
وبعد الحسرة
والنظرة ورا النظرة
احاول افتكر
ومش فاكر
ومش خابر
قعدت لاخر الوقت
وانا مكابر
وهصبر ع النتيجة تنكشف منا الصابر
خسارة م الجهتين
بقيت ساقط
ومهما عملت مش هاخد اكيد كادر
انا اللي استاهل
اليوم ده مكانش مستاهل
طالع عينا ومش طامر
ولا مشكور ولا شاكر
يا ساتر علي تكديرنا يا وزيرنا
يا ساتر
فاتنة 05-09-2008, 01:11 PM كلامك حكم والله يا عم شرشر
عبد الجيد وهبه 05-09-2008, 01:15 PM الله ينور عليك وعلى كلامك
علاء بيه 05-09-2008, 01:25 PM ربنا يكرمك ياعم شرشر أنا شفت لك حلم وكانت النتيجة فيه ناجح ياشاطر
امين المصري 05-09-2008, 01:36 PM كلامك عجبني المرادي يااخ شرشر مع اني زعلان منك لانك اخطأت في حقي وفي شخصي وانا ماتناولتش شخصك باي غلط ....عموما ربنا يسامحك
RABIAFAYED 05-09-2008, 01:52 PM كلام جميل يا اخ شرشر
M.Sherif 05-09-2008, 02:23 PM الي الاخ امين المصري
ماتزعلش مني يا باشا
انا اسف ورمضان كريم
مانت عارف المدرسين دلوقتي بقوا ماشيين يشدوا في شعرهم اعذرني
* واحد مدرس خلف بنت سماها «كوادر».
* مدرس ضبط زوجته ماشية مع الكادر بتاعها قتلها وغسل عاره.
* أم العروسة للعريس المدرس: إحنا عندنا الشقة وكل شيء، ومش مطلوب منك حاجة.. إحنا بنشتري «كادر».
* المدرس لحبيبته: بصراحة يا حبيبتي أنا مش «كادر» أتقدم دلوقتي وظروفي صعبة خالص.
* طلب وظائف: مؤسسة تعليمية كبري تطلب عدد ٤ مدرس «بكادر» وعدد ٣ مدرس «بنصف كادر».
* فرصة: مؤسسة تجارية كبري تعلن عن توافر «كوادر» للمعلمين.. جميع المقاسات بجميع الأسعار.
* إعلان: لدينا «كادر» استعمال خفيف بحالة الزيرو.
* تلميذ بيسأل مدرسه: هو «الكادر» بتاعك يا أستاذ لونه إيه؟
* تنبيهات ناظر المدرسة: كل مدرس يعلق «الكادر» الخاص به علي صدره منعاً للإحراج.
* عاجل عاجل: مدرسة تطلب «كادر» مستعملاً وارد الخارج بترخيص سنة.
* الأب: تقدر تقول لي الدرجات ضعيفة ليه الشهر ده.
الولد: أصل المدرس بتاعنا معاه «كادر» صيني!
* واحد مدرس طلق زوجته لأنها بعد سنين عمر مش عارفة تجيب له «كادر»!
fathy5274727 05-09-2008, 02:45 PM اللة يفتح عليك و اللة كلام جميل .. و يمكن دى الحسنة الوحيدة للكادر انة اظهر لنا مواهب جميلة..
M.Sherif 05-09-2008, 02:59 PM الي الاخ e-a فتح الله عليك ايه ياعم الجمال لحقت تالف النكت دي امتي... اما الشعب المصري ده عليه حاجات
الي الاخ fathy
جزاك الله كل خير علي روحك الحلوة وعلي مرورك الذوق دوما
وربنا يجبر بخاطرك
aya sayed 05-09-2008, 03:03 PM اية الحلاوةدى يعم
مستر ايمن 05-09-2008, 04:19 PM هههههههههههههه عسل والله
نور السيد محمد 05-09-2008, 04:44 PM الكادر ليك وهتنجح ماتخفش كلامك واضح
وانتا كمان مذاكر ودحاح وواضح
وياريت ماتنسى اخوك واضح
M.Sherif 05-09-2008, 04:49 PM هههههههههههههه
اشكرك علي التفاؤل يا ابو واضح
Mr_ibrahim Mustafa 05-09-2008, 05:42 PM موهبة رائعة
ننتظر أعمال جديدة والاستمرار على الكادر
إبراهيم البدوي صابر 05-09-2008, 06:08 PM روعععععععععععععععععه
marodewedar 05-09-2008, 06:28 PM هههههههههههههههههههههه
فعلا شر البلية ما يضحك
الله ينور عليكم:d:d:d
سيف سالم 05-09-2008, 09:21 PM رائع بس انت متأكد من
وبعد خلاف مع مراقب وبعد خناق مع مراقب
ماينفعش لواحد زميلي اشاور
M.Sherif 05-09-2008, 09:25 PM ايوة فعلا والله اتخانقنا مع مراقبي اللجنة عشان ورق الامتحان جالنا بعد ساعة ونصف من زمن بدء الامتحان
وجات علي دماغنا محدش عرف يبربش
ظاظا مدير عام 05-09-2008, 09:33 PM ايه الحلاوة دى احنا عندنا مدرسين والله مافيه زيهم المدرس المصرى ده عبقرى تاخد منه افكار وشغل 100%
سيف سالم 05-09-2008, 09:41 PM ايوة فعلا والله اتخانقنا مع مراقبي اللجنة عشان ورق الامتحان جالنا بعد ساعة ونصف من زمن بدء الامتحان
وجات علي دماغنا محدش عرف يبربش
ارجو المعذرة فهمي القرائي الغير مباشر وداني ان الخناق كان علشان حاجة تانية مش محتاجه لخناق
هدى ناصر احمد 05-09-2008, 09:56 PM جميل جدا كلامك انت كفاية عليك الكتابة والكلام الجميل والموهبة دى
بلا كادر بلا تكدير
walidbadr 06-09-2008, 04:53 AM أحلى مسة على الناس المغمسة
مية مية على الناس المستحمية
محمدمصطفى مصطفى 07-09-2008, 01:20 AM زجل جميل فتح الله لك
ناصر الفخرانى 07-09-2008, 01:41 AM الأخ : وليد بدر
الرجاء الالتزام بأسلوب حوار راق ، ولا داعى للكلمات الخارجة
ولا تنس أنك مدرس لا يجب أن تكون تعلقاته كهذا ......
ولك تقديرى ...
ناصر الفخرانى 07-09-2008, 01:42 AM الأخ : وليد بدر
الرجاء الالتزام بأسلوب حوار راق ، ولا داعى للكلمات الخارجة
ولا تنس أنك مدرس لا يجب أن تكون تعليقاته كهذا ......
ولك تقديرى ...
برج الدلو 07-09-2008, 02:04 AM وانا كمان
مش فارقة كتير
والله مافارقة
|