بسم الله الرحمن الرحيم

السلام عليكم اصدقائى فى المنتدى

انا وعدت انى اعمل الموضوع ده فى المشاركة السابقة وادى الموضوع

بسم الله نبدأ
******************************
بس عشان تبدأ لازم تتأكد ان عندك القدرة على المواصلة وبتركيز ...

************************
المتطلبات ..
سى دى روم
او
سى دى رايتر
و
اسطوانة ويندوز
*******************
1 - ندخل اسطوانة الويندوز .. ثم اعادة تشغيل هتظهر لنا شاشة سوداء مكتوب فيها pres any key to boot from cd ...
نضغط على اى مفتاح من اللوحة .

هتيجى شاشة زرقاء هيعد شوية حاجات كده لما تخلص هيجيب الشاشة دى
http://i35.tinypic.com/ff0h0z.gif

هنضغط enter لتسطيب نسخة جديدة .

*****************************************
2 - هتظهر لنا صفحة الترخيص نضغط f8 للموافقة .
http://i33.tinypic.com/fmkkzd.gif

************************
3 - دى اهم واخطر خطوة لانها التعامل الوحيد مع الهارديسك وهى عمل الفورمات .
بنختار المكان اللى هنسطب فيه الويندوز ودائما هو البارتشن رقم 1 او c
http://i33.tinypic.com/igenx1.gif

************************************************** *

4- فى هذه الخطوة اختيار نوع الفورمات .

http://i37.tinypic.com/fe2vwj.gif

********************************
5 - يطلب منك الضغط على F للفورمات او اى مفتاح اخر غالبا بيكون F ثم enter حسب الكلام اللى هيكون موجود ..
http://i35.tinypic.com/osrbs0.gif

****************************
6 - فى النافذة التالية يتم نسخ الملفات

http://i37.tinypic.com/1h9rgn.gif

*************************************

7 - بعد الانتهاء من نسخ الملفات هيعمل ريستارت ولا نضغط على مفتاح عند اعادة التشغيل

http://i37.tinypic.com/1p6k8x.gif

*******************************
8 - بداية النهاية بعد الريستارت

http://i36.tinypic.com/rldwnp.gif

****************************
9 - نافذة اكمال الإعدادات

http://i34.tinypic.com/ajqgrt.gif

***************
10 - الخطوات القادمة من 10 الى 19 تستخدم مع نسخ الويندوز الاصلية وبعض النسخ المعدلة غير موجود فيها هذه الخطوات المهم اننا نعرفها عشان لو قابلتنا نعملها .

اولا : اعدادات اللغة .

http://i37.tinypic.com/os7694.gif

*********************
11 - إختر customize لتعديل دعم اللغة العربية سوف تظهر النافذة التالية :
http://i34.tinypic.com/ivkfnb.gif

*********************
12 - بعد التعديل نضغط ok وننتظر

http://i36.tinypic.com/2qsnqc2.gif

********************
13 - بعد تثبيت ملفات اللغة إختر الخيار التالي advanced وإختر من القائمة
المنسدلة إسم دولتك ولغتك ثم أشر على كل خيار به Arabic كالتالي :
نختار arabic Egypt

http://i33.tinypic.com/16kx1j7.gif

***************************
14 - بعد إختيار جميع العربية اذهب لأول خيار Regional options واختر دولتك في القائمتين المنسدلتين ثم إضغط على ok كالتالي :

احنا هنختار مصر طبعا .

http://i33.tinypic.com/2hqsaog.gif
***********************************
15 - سوف تظهر النافذة التالية ضع بها أي شي إسمك أو شي تريده

http://i36.tinypic.com/32zlun7.gif

************************
16 - الآن ضع ال****** نمبر أو مفتاح القرص في النافذة التالية :
وال****** ده هيا ارقام تسجيل النسخة من ميكروسوفت

وده ****** اضافى
wcbg6 - 48773 - b4byx - 73kjp - km3k3
http://i37.tinypic.com/219yzo2.gif

*********************************
17 - ضع إسم الكمبيوتر كالتالي

http://i33.tinypic.com/2i66u9.gif

***************************
18 - عدل إعدادات الوقت والتاريخ والمنطقة الزمنية بالنسبة لتوقيت القاهرة نختارها من القائمة .
http://i36.tinypic.com/3589wgh.gif

***************************
19 - إتركه ليكمل الإعداد
ممكن هنا يطلب اعدادات network دى عبارة عن تعريف الجهاز على الشبكة لو موجودة ودى سهلة جدا

http://i33.tinypic.com/2rr9qae.gif

وباقى الخطوات القادمة موجودة فى كل انواع الويندوز .

**********************
20 - الآن هي الإعدادات النهائية إضغط على زر Next بالأسفل كماهو موضح أدناه
http://i34.tinypic.com/zsprsw.gif

***************************
21 - إتركه ليكمل الإعداد


والآن إضغط Skip وذلك من أجل إلغاء التسجيل في مايكروسوفت .

http://i36.tinypic.com/2iurjt3.gif

ثم نضغط next
http://i38.tinypic.com/rc1xtz.gif
نكتب اسم المستخدم

http://i37.tinypic.com/21n3xac.gif

ثم next و finish

$$$$$$$$$$$$$$$$$$$$$

congratulations

نحن على سطح الوندز تم الإنتهاء ولكن لاتوجد إلا أيقونة سلة المهملات على
سطح المكتب أين باقي الأيقونات لذلك أنا أضفت هذه الخطوات الإضافية
لإظهارها وهي عن طريق الضغط بالزر الأيمن للفارة وإختيار properties آخر
خيار لتظهر لك النافذة التالية إختر خيار Desktop ثم بالأسفل إختر
costumize Desktop

http://i34.tinypic.com/j9lb15.gif

http://i36.tinypic.com/2iau87p.gif

***********************************
فى الختام اتمنى انى اكون وفقت فى هذا الموضوع
ولازم نجرب عشان نبقى 100/100 ممكن يكون فى مشاكل فى الاول بس بعد كده اوك .
تم التطبيق على نسخة windows xp professional sp2
ومفيش خطوات اكتر من الخطوات اللى شرحتها
واى استفسار او طلبات اخرى انا فى الخدمة

******************************
تم الإنتهاء بحمد الله

شكرااا لكم


A * A * A
&
EGYPTAIN PHARAON


***********************

جزاك الله خيرا على جهد الرائع بس عندي سؤال

هل اقدر اسطب الويندوز على كمبيوتر عليه اصلا ويندوز يعني لو عوزة اجرب ينفع اجرب على كمبيوتر متسطب عليه اصلا ويندوز؟؟؟؟؟؟؟

هل طريقة تسطيب ويندوز xp زي ويندوزvista؟



في الخطوة الاولى لما بحط السي دي بيبقى الكمبيوتر مفتوح عادي وبعدين انا بعمل restart؟؟؟؟؟؟؟!!!!!

و اخر سؤال

لما اسطب الويندوز على الكمبيوتر هل الحاجة اللي عليه بتتمسح؟؟؟؟؟؟؟!!!!!!!

بس كدة :)

وشكرا جدا على اهتمامك

اولا - ايوة ينفع تسطيب وندوز على جهاز عليه وندوز .

ثانيا - كل انواع الويندوز بتمر بالخطوات دى . xp و visita

ثالثا - عند الضغط على زر تشغيل الجهاز مباشرة نضع الاسطوانة فى السى دى روم عشان يبدأ يقراها . لو جاب pres any key نكمل لو مجبهاش نعمل ريستارت تانى .

رابعا - فى بارتيشن مخصص للوندوز ده بيتعمله فورمات يعنى كل اللى عليه بيتمسح وهوا Local Disk( c بس . يعنى اى حاجة على Desktop او داخل البارتشن هتتمسح . وباقى الهارد زى ما هوا .

ولا شكر على واجب ................:d

ربنا يكرمك بس في استفسار

لو انا سطبت الويندوز على ال(c)فده معناه ان كل البرامج الاساسية اللي عليها هتمسح زي الاوفس و برنامج الانتي فيرس فكدة انا لازم انزلهم من جديد صح كدة ولا انا ممكن اسطب الويندوز في مكان تاني بحيث البرامج دي متتمسحش؟؟؟؟؟؟

و في سؤال ساذج كمان بعد اذنك :)

هوة اسطوانة الويندوز دي ممكن اجبها من اين؟؟؟؟؟؟؟؟؟؟

و شكرا

اولا ..بجد يعني موضوع جمييل جدا وبسيط والناس كلها تفهمه باذن الله وجزاك الله كل خيرااا .....اما بالنسبه للسؤال بتاع (اجيب

الاسطوانه منين ) هو في حلين الاول انك تشتري اسطوانه من ميكروسوفت اللي هي قانونيه يعني ودي مش غاليه اووي يعني

من200 الي 500 باختلاف النسخه هههههههههههه (رخيصه اوي يعني )وطبعا مفيش حد بيعمل كدا لان مفيش حد يقدر علي

السعر دا وغير كدا هيروح يجيبها من القاهره ...الحل التاني اسطوانه من عند اي حد من أصحابك او قرايبك ممكن تكون اصليه

فعلا يكون هو شاريها ولا حاجه او ممكن تكون بقي اسطوانه من اللي هي ملعوب فيها يعني نازله ببرامج وحركات وكدا بس دي

في الغالب بتضرب وندوز بسرعه لان الاسطوانه الاصليه بتيجي من غير اي برامج ...دور يعني عند حد من أصحابك وهتلاقي باذن

الله .........يا رب يكون الكلام نفعك

ربنا يكرمك بس في استفسار

لو انا سطبت الويندوز على ال(c)فده معناه ان كل البرامج الاساسية اللي عليها هتمسح زي الاوفس و برنامج الانتي فيرس فكدة انا لازم انزلهم من جديد صح كدة ولا انا ممكن اسطب الويندوز في مكان تاني بحيث البرامج دي متتمسحش؟؟؟؟؟؟

و في سؤال ساذج كمان بعد اذنك :)

هوة اسطوانة الويندوز دي ممكن اجبها من اين؟؟؟؟؟؟؟؟؟؟

و شكرا

كل البرامج هتتمسح ونسطبها بعد الوندوز الجديد . ده لو الوندوز اتعمل فى c .

اما لو اتعمل فى بارتيشن تانى مش هيمسح البرامج طبعا . بس هيمسح اى حاجة فى البارتيشن ده .

والوندوز ممكن تلاقيه فى اى مركز كمبيوتر او سايبر .. فى بلدنا النسخة ب 5 جنيه .

او ممكن تتحمل من النت .

الأول شكرااا للموضوع
ثانيا عايز اضيف حاجه بسيطة فى البداية

ممكن بعد ما تحط السى دى فى الدرايفر بتاعه وتعمل ريستارت بردوه مش هتلاقى كلمة press any key ده معناه إن السى دى روم مش فى الـ boot sequence
طيب يعنى أيه الأول boot sequence ؟

الـ boot يعنى المكان اللى هيبدأ الجهاز يقرأ منه السيستم بتاعه اللى هو ممكن يكون ويندوز أو دوس أو أي سيستم تانى وعليه فإن الـ boot sequence هى ترتيب لبعض الأماكن اللى الجهاز ممكن يقرأ منها السيستم بتاعه غالبا بتكون بالترتيب ده
floppy disk
harddisk
cd rom أو writer

بيختلف طبعا الترتيب ده بس الترتيب ده معناه ايه ؟
معناه أن أول الجهاز ما يقوم هيبدأ يبص على الـ floppy disk driver يدور فيه على أى سيستم لو لقى هيبدأ منه مفيش هيشوف اللى بعده يلاقى الهارد ديسك يشوف لو عليه سيستم سواء ويندوز أو لينكس أو يونكس أو أى سيستم هيبدأ يحمل منه مفيش يشوف الـ cd rom ويدور على سيستم فيه لو لقى هيبدأ منه مفيش خلاص بقى هيعمل ايه ؟؟ " يجيب تخته من بيتهم ؟؟ "
وهتكون النتيجة هنا إنه هيديك رساله boot failure أو أى نوع من الرسايل دى
طيب نرجع بقى لمرجوعنا الأول
واحنا عايزين نسطب ويندوز لو كان الترتيب السابق ده هو الموجود وكان فى ويندوز على الجهاز طبعا مش هيعبر السى دى فى أى حاجه وهيدخل علطول لو مفيش ويندوز ساعتها بقى هيبص على السى دى روم
طيب لو السى دى روم مش موجوده فى الـ boot sequence ده بردوه مش هيدور عليها هيفتى يعنى ؟
طيب الحل بقى نعمل ايه ؟؟

اقولك اعمل ريستارت وفى البداية خالص اضغط على زرار delete اضغط أكتر من مره لحين ما تظهر شاشة زرقاء كده اسمها شاشة الـ motherboard setup ودى بتختلف باختلاف نوع البورده بتاعتك
ممكن يكون مش الـ delete هى اللى بيوديك للشاشة دى ممكن يكون f2 أو أى حاجه تانيه هو هيقولك عليها فى أول شاشة بتظهر for Bios press f2 أو ممكن تكون for setup press del كده يعنى
بس عموما هتلاقى فيه اختيار اسمه boot sequence أو boot configuration خليك معاه لغاية ما توصل للـ boot sequence ومنها خلى الـ first boot هو السى دى روم واضغط f10 علشان حفظ التغييرات وبعدين Esc أو أيا كانت طريقة حفظ التغيرات حسب نوع البوردة بتاعتك كده بقى انت ضامن 100% تلاقى جملة press any key بتاعة السى دى لو كانت السى دى اصلا موجودة فى الدرايفر بتاعها


حد فاهم حاجه ؟؟؟
.
.

طبعا كلامك صح 100/100 ومش هيشتغل من غيره بس العمل فى البيوس بيحتاج دقة عالية لأن اى غلط ممكن يعمل مشكلة . وانا مرضيتش اتكلم فيه على افتراض ان ترتيب البوت

cd rom
hard disk
floppy disk

عند كل الناس . على حسب اخر وندوز اتسطب .

بالظبط لازم ننبه أن أى غلط ممكن يعمل مشكله فعلا

شكرا ليك على الموضوع
.
.

طيب كدة هيبقى في سؤال مهم

ايه البرامج اللي لازم انزلها على ال(c) بعد ما اسطب الويندوز؟؟؟؟!!!!

انا عرفة ان اسالتي كترت بس سامحوني (الجهل وحش :( )

البرامج اللى انتى هتستخدميها فى الجهاز هيا اللى هتتسطب .
وبرنامج انتى فيرس ( نود 32 او كاسبرسكاى ) وبرامج الصوت مثل winamp و كودك لتشغيل الافلام مع الميديا بلير اللى بتنزل مع الويندوز وبرنامج winrar لفك الملفات المضغوطة . دى اهم حاجة والباقى حسب الطلب .

البرامج اللى انتى هتستخدميها فى الجهاز هيا اللى هتتسطب .
وبرنامج انتى فيرس ( نود 32 او كاسبرسكاى ) وبرامج الصوت مثل winamp و كودك لتشغيل الافلام مع الميديا بلير اللى بتنزل مع الويندوز وبرنامج winrar لفك الملفات المضغوطة . دى اهم حاجة والباقى حسب الطلب .

انا مش فهمة :mellow:

يعني البرامج المهمة هتتسطب لوحدها؟؟؟؟؟؟؟؟

اما البرامج التانية اللي هية الانتي فيرس و winamp و الميديا بليز انا الي هنزلها صح؟:(

هوة ممكن انزلها من النت؟؟؟؟؟؟!!!!!!!!

ممكن البرامج دى تكون موجودة فى الوندوز المتعدل بس .... اما الوندوز الاصلى مفيش معاه برامج خالص ..

دى اهم البرامج اللى بيطلبها اى جهاز ولا غنى عنها ... ودى لو مش عندك تتنزل من النت .. فى منتديات برامج

كتير ...

windows media player دى موجودة فى اى نسخة وندوز ..

جميل جدا
شغل رائع بصراحة
وتعاون طيب
ربنا يبارك لكم جميعا :)

شكرا لكم جميعا على الردود الطيبة هما مش كتير بس ده الموجود والحمدلله ان كل اللى دخل القسم من طلبة الحاسبات قال رأيه واستفساره .. وان شاء الله نقدر نتعاون مع بعض ايام الدراسة .

شكرا لكم جميعا على الردود الطيبة هما مش كتير بس ده الموجود والحمدلله ان كل اللى دخل القسم من طلبة الحاسبات قال رأيه واستفساره .. وان شاء الله نقدر نتعاون مع بعض ايام الدراسة .
لا هو بص طلبة حاسبات مش كتير اصلا فى البلد لما هيتجمعوا فى المنتدى كلهم :d
بس العدد معقول كبداية ان شاء الله
وباذن الله القسم يكبر بينا اكتر فى الدراسة :)
بالتوفيق،،

جزاك الله كل خير على اهتمامك

هوة انا قلت ان الموضوع رااااااااااااااااااااائع ؟؟؟؟!!!!!!!!!!! :)

بس بجد ده اخر سؤال

لو سطبت الويندوز و عيزة بقى انزل البرامج المهمة من النت النت هيبقى شغال عادي؟؟؟؟؟؟؟؟و لا هيبقى محتاج برنامج يتنزل عشان يشتغل ؟؟؟؟اقصد المتصفح هيبقة موجود على الكمبيوتر؟؟؟؟

ان شاء الله هحاول ادور على السي دي عند اي حد و اجرب بقه بس ادعولي لحسن ابهدل الدنيا :(

جزاك الله خيراً
على المجهود الرائع ده
ربنا يجعله فى ميزان حسناتك إن شاء الله

لو سطبت الويندوز و عيزة بقى انزل البرامج المهمة من النت النت هيبقى شغال عادي؟؟؟؟؟؟؟؟و لا هيبقى محتاج برنامج يتنزل عشان يشتغل ؟؟؟؟اقصد المتصفح هيبقة موجود على الكمبيوتر؟؟؟؟


المتصفح بينزل مع الوندوز اساسى فى كل نسخة Internet explorer 6 or 7

والنت بيكون شغال عادى بس لو كارتة النت بتحتاج تعريف مش هيشتغل الا بعد تعريفها .

مش فاهمة !!

فى كروت صوت وفيجا ونت .. دول ممكن يتعرفوا من الوندوز وفى نوع تانى مش بيتعرف

بييجى مع الجهاز اسطوانة تعريف ليهم بتكون عبارة عن برنامج لكل كارتة من دول بنسطبه وتشتغل .

لو فى اى استفسار تانى انا موجود ...:d

طب خلاص
ربنا يوفقك انا كدا خلصت استفسارتي

لو غبت عنكم كتييييير ابقوا اعرفوا اني خربت الدنيا :)

شـــــــــــــــــــــــــــــــــــــــــــــــــ ــــــــــــــكـــــــــــــــــــــــــــــــــــ ــــــــــــــــــــــــــــــــرا

شــــــــــكـــــرا على المجهود والشرح .

لا شكر على واجب يا باشا واحنا هنا عشان نساعد بعض امال سموه منتدى ليه .

شكرا على الموضوع المهم دا يا باشمهندس احمد

جزاك الله خيرا

http://www.ayam.ws/wp-content/uploads/lion.jpg

بمناسبة التعب الشمعة تحترق لتضىء لغيرها

الله يديك العافية وياريت تجيب كيف توصيف كارت الشاشة والصوت بالصور لو سمحت شكرا

طب انا عندى اتنين ويندوز واحد على الـــ c وواحد على الـــ d ومحتاج الويندوز الى على الــ c جداااااااا
وفى نفس الوقت الوينذور الى على الــ d بدأ يهيس وعايز اسطب واحد مكانة بدون مبوظ الى الوينذوز الى على الــ c
وبردة مش عايز افرمت الــ d علشان معنديش غير اتنين برتشن بس c و d ولو فرمت الــ d فرمت كل حاجة على الجهاز
ارجوا الاجابة على سؤالى واكون شاكر ليك جدااااااااااااااااااااا
اسف على اسئلتى الكتير والله يجاذيك خير
والدال على الخير كفاعلة

مشكوووووووووووووووووور