مشاهدة النسخة كاملة : مسابقة من سيربح المليون
gomaa 04-04-2006, 04:51 PM لقد لاحت لى فكرة على الله تعجبكم وهى للطلاب الدارسين للكيمياء
فقد أخذت الفكره من موضوع العناكب للأستاذ/طارق وموضوع من سيربح المليون للأستاذ/مجدى والأستاذ/عبدالعظيم . وقلت لماذا لا نستغل الفكرة فى الموضوعات العلميه وتكون مراجعه كيميايئيه جميله
تجعل الطلاب لا ينسون أبدا" المعلومات
فعلى من يرغب أن يكون متسابق معى حيث أطرح عليه أسئله فى الكيمياء من المنهج ويجيب أن يسجل أسمه وسوف أخذ حسب ترتيب الردود
zizo2_2 04-04-2006, 05:17 PM فكرة أكثر من رائعة أحييك عليها بشدة استاذي الفاضل وأحيك على حرصك على المنتدى الذي انت دائما من الأفاضل به ويا ليت الجميع يكونون حريصين على المنتدى مثل حضرتك
sayed hasanin 04-04-2006, 06:46 PM فكرة رائعة ......... وجميلة
حياك الله .......... وسدد خطاك
الى ...... الأمام ......... يابطل
gomaa 04-04-2006, 08:26 PM الله يبارك فيكم يا أستاذ/عبدالعظيم جزاك الله كل الخير
وجزاك الله كل خير يا أستاذ/سيد لكن زى ما أنت شايف ولا طالب وافق
محمد البري 04-04-2006, 08:32 PM خطوة رائعه استاذ جمعه بس للاسف انا احياء
بس بجد والله فكرة رائعه جدا وشكرا لحضرتك
gomaa 04-04-2006, 09:08 PM شكرا" يا أخ محمد وأتمنى أن طالب ولا طالبه من اللى كانوا بيسئلونا طول العام يتجرأ ويتقدم
بس الظاهر أنهم خايفين
gomaa 04-04-2006, 09:16 PM أنتظر رد طالب ولا طالبه جرئ نبتدئ به
The_Relativistic200 04-04-2006, 10:25 PM سلام على افكارك يا استاذ جمعة
انا موافق ومنتظر اى حاجة
بس براااااااحة علينا شوية احنا غلابة
يا مسهل يا رب
Miss_CaR!zma 04-04-2006, 11:57 PM وانا كمان موافقه بالثلث
وجزاك الله على الفكره الفوق رائعه
بس استاذى انا لاحظت فى موضوع من سيربح المليون ان الاجابات كانت بتتأخر وده طبعا لظروف
يعنى مثلا وده مجرد اقتراح يعنى
ليه ماتكونش الاسئله على سبيل المنافسه بين اتنين او اكتر
يعنى روح التحدى دى اكيد بتفرق كتير
ونشوف الاجابه النموذجيه واللى ناخد بيها
وكمان مش نعطل الموضوعوطبعا حضرتك الحكم والفاصل فى الموضوع :)
وهى برده مجرد فكره :unsure:
coo_girl_ool 05-04-2006, 12:00 AM موضوع اكثر من رائع والفكرة ممتازة لكن للأسف انا احياااااااااء
gomaa 05-04-2006, 06:01 AM شكرا" على ردودكم جميعا"
وياهند خلينا الأول فى الطريقه اللى عرفنها
ونبتدئ بخالد ثم انت
السؤال الأول
هى كلمة تعنى إحتمال وجود الإلكترون فى كل الأبعاد والإتجاهات فى منطقة ما من الفراغ المحيط بالنواة هذه الكلمه هى :
أ) الأوربيتال
ب) الخاصية المزدوجه
ج)السالبيه الكهربيه
د)التأصل
The_Relativistic200 05-04-2006, 08:39 AM الاوربيتال طبعا :(
يا مسهل يارب :rolleyes:
Miss_CaR!zma 05-04-2006, 10:33 AM وانا معاكم للآخر
ومتابـــــــــــعـــــــــــه
ومنكم نستفيد ;)
وبحيى حضرتك على الفكره تانى :)
Miss_CaR!zma 05-04-2006, 10:34 AM بس ممكن حد يستفسر عن الاسئله؟؟؟؟ :unsure:
يعنى لو فى حاجه مش واضحه
the_sun_of_islam 05-04-2006, 12:10 PM الفكره دى جميله اوى وأنا معاكم انا كمان لكن يالللا انتوا وقفتوا ليييييييييه .......انا عرفه ان أستاذ جمعه عنده نزله برد على العموم ألف سلامه .....
gomaa 05-04-2006, 02:34 PM الأجابه صحيحة كسبت 100 تقطه
بس ممكن حد يستفسر عن الاسئله؟؟؟؟
يعنى لو فى حاجه مش واضحه
طبعا" يا هند
الفكره دى جميله اوى وأنا معاكم انا كمان لكن يالللا انتوا وقفتوا ليييييييييه .......انا عرفه ان أستاذ جمعه عنده نزله برد على العموم ألف سلامه .....
الله يكرمك الحمد لله بقيت تمام
السؤال الثانى
ما هو رقم التأكسد للكالسيوم فى مركب هيدريد الكالسيوم CaH2
أ) +1
ب)-1
ج)+2
د)-2
the_sun_of_islam 05-04-2006, 05:10 PM السلام عليكم ورحمه الله وبركاته
عدد تأكسد الكالسيوم فى caH2 هو +2
لأن الهيدروجين هيبقى -1 × 2 = -2 اذن الكالسيوم +2
the_sun_of_islam 05-04-2006, 05:11 PM حمدا لله على سلامتك يا أستاذ جمعه :) :)
gomaa 06-04-2006, 06:20 AM الله يسلمك يارب
وننتظر نشوف إجابة خالد على السؤال
The_Relativistic200 06-04-2006, 09:14 AM هى +2
ان شاء الله :(
وعايز اعرف هى الاسئلة كلها اختيارات
ولا حضرتك عاملها مفاجأة
ولا ايييييييييييييه :P
gomaa 06-04-2006, 01:14 PM إجابة صحيحة وكسبت 100 تقطه
رصيدك 200 نقطه
السؤال الثالث
لا توجد أيونات H موجبة فى المحلول لإرتباطها بأكسجين الماء بروابط
أ)هيدوجينية
ب)تساهمية
ج)تناسقية
د)أيونيه
The_Relativistic200 06-04-2006, 01:16 PM الاجابة ان شاء الله
تناسقية
:(
gomaa 06-04-2006, 01:47 PM الأجابه صحيحة رصيدك 300 نقطه
السؤال الرابع قيمته 200 نقطه
يمكن الحصول على غاز الأكسجين من الأنحلال الحرارى ل
أ)كربونات الصوديوم
ب)كربونات الليثيوم
ج)نترات الصوديوم
د)جزيئات الماء
The_Relativistic200 06-04-2006, 01:53 PM نترات صوديوم ان شاء الله :lol:
كربونات الصوديوم تنصهر دون ان تتفكك
كربونات الليثيوم
ينتج من تحللها Co2
وانا فى الانتظار : :unsure:
gomaa 06-04-2006, 02:08 PM وجزيئات الماء تنحل ولكن بالكهرباء
ولكن نترات الصوديوم متميعه تمتص بخار الماء من الجو ولكن هذا يعنى أن إنحلالها غير مصحوب بأنفجار لذلك لا تستخدم فى صناعة البارود
والأجابه صحيحة 100%
ومعك 500 نقطه
واستعد جيدا" للسؤال الأتى فهو من 500 نقطه
ولكن أترك الأن لتحضر نفسك
The_Relativistic200 06-04-2006, 02:10 PM اشكرك استاذى الفاضل :rolleyes:
وعايز اعرف هى الاسئلة اللى جاية اختيارات
برضو :P
gomaa 06-04-2006, 03:41 PM إختيارات لكن كل سؤال وراه معلومه بيوضحها وبيلاشى اللبس حولها
يعنى السؤال الفات ذكرنا تحلل الحرارى لأملاح المجموعه الأولى
السؤال الخامس
لماذا يتنج أكسيد حديد II وأكاسيد الكربون عند تسخين أكزلات الحديدII بينما عند نسخين كبريتات الحديدII
ينتج أكسيد الحديدIII هل
أ)لأن التسخين تم بمعزل عن الهواء فى حالة أكزلات الحديدII وفى الهواء فى حالة كبريتات الحديدII
ب)أول أكسيد الكربون عامل مختزل وأكاسيد الكبريت العاليه عوامل مؤكسده
ج)ثالث أكسيد الكبريت أكسد أكسيد الحديد II الناتج من تسخين كبريتات الحديدII إلى أكسيد حديدIII
د)أ+ب
The_Relativistic200 06-04-2006, 05:30 PM انا اتوكل على الله واقول انى
اعتقد ان الاجابة رقم د :(
لان اكسيد حديد II يتاكسد فى الهواء بسهولة لذا يتم التفاعل بمعزل عن الهواء
و واكاسيد الكربون تختزل اكسيد حديد III الذى قد يتكون الى اكسيد حديدII
وكذلك اكاسيد الكبريت فهى عوامل مؤكسدة قوية تؤكسد اكسيد حديدII
الذى قد يتكون الى اكسيد حديد III ولان التفاعل ايضا يحدث فى الهواء
وربنا يستر وانا حاسس انو سؤال مش ولا بد :angry:
gomaa 06-04-2006, 06:53 PM ثالث أكسيد الكبريت أكسد أكسيد الحديد II الناتج من تسخين كبريتات الحديدII إلى أكسيد حديدIII
إستبعدت لأن الأكسده تتم بأكسجين الهواء الجوى
والإجابه لذلك صحيحة 100%
ويكون رصيدك 1000 نقطه
ووالسؤال السادس قيمته 1000 نقطه
كم جزئ هيدروجين ينتج من إضافة 11.5 جم من فلز الصوديوم إلى حمض الهيدروكلوريك
أ)2.55 ×10^23
ب)3.01×10^23
ج)1.505 ×10^23
د)2 ×10^23
Miss_CaR!zma 07-04-2006, 12:39 AM اقول اقول اقول :P
The_Relativistic200 07-04-2006, 04:04 AM يعبر عن اضافة الصوديوم الى حمض الهيدروكلوريك بالتفاعل الاتى :rolleyes:
2HCl+2 Na---------- 2NaCl+H2
2جم 46جم
س 11.5جم
اذن س = 0.5جم
اذن س= 0.25 مول
اذن عدد الجزيئات = عدد المولات × عدد افوجادرو :rolleyes:
= 0.25 مول × 6.02×10^23
= 1.505 × 10^23 جزيئا
اذن الاجابة هى رقم ج :(
مع الشكر :P :angry:
gomaa 07-04-2006, 08:38 PM بارك الله فيك الإجابه صح
2000 نقطه والسؤال الأتى ب2000 نقطه
العامل الحفز
أ)يبدأ تفاعل يستحيل البدء
ب)يزيد من سرعة التفاعلات فقط
ج)لا يبدأ تفاعل يستحيل البدء
د)يؤثر على التفاعلات المتزنه
The_Relativistic200 07-04-2006, 11:40 PM دور العامل الحفاز انه يزيد سرعة التفاعل الطردى وسرعة التفاعل العكسى بنفس المقدار
فلا يغير من موضع الاتزان
اذن الاجابة رقم ب :(
والصراحة ا و ج
مش مريحننى ملحوظة اخيرة
انه توجد تفاعلات شديدة وسريعة جدا ويعمل العامل الحفاز على ابطاء التفاعل
وجزاكم الله خيرا
gomaa 08-04-2006, 12:24 AM يا أخ خالد
أنت ممتاز
بس عايز أقولك
حاجه خارج الموضوع وله علاقه بالموضوع
مش ممكن تخلى واحد مش عايز يعمل حاجه يعملها
لكن لو داخل هذا الشخص رغبه بسيطه أنه يعملها ممكن تجعله يعملها أسرع
وفى ذلك قول الله عز وجل أن يريدا إصلاحا" يوفق الله بينهما
وقوله عز وجل أن الله لا يغير ما بقوما" حتى يغيروا ما بأنفسهم
عايز أقولك كمان تفتكر أنا واضع كلمة فقط له بجانب يزيد سرعة التفاعلات
لكن على العموم السؤال كان صعب شوية
وإجابتك
هردلك يا خالد والله كان نفسى تكمل معايه
العامل الحفز لا يبدأتفاعل يستحيل البدء
قد يزيد أو ينقص من سرعة تفاعل يحدث لكن التفاعلات التى لا تحدث ليس بأمكانه أن يجعلها تحدث
وعلى العموم الجائزه بتاعتك
كتاب جميل خالص فيه مليون سؤال وجوابهم لكن لى طلب عندك بعد سحب الكتاب تعرفينى أنك سحبته عشان أرفعه من المرفقات لأن الجائزه لك لوحدك
أسحبه من المرفقات
gomaa 08-04-2006, 12:46 AM ملحوظه
تسحب الكتاب الأول وبعدين تفتحه بالوردword
The_Relativistic200 08-04-2006, 06:04 AM اشكرك جدا يا استاذى العزيز :lol:
وهو الواحد بيتعلم برضو ;)
والاسئلة دى هى اللى بتقيم مستوى الطالب B)
وجزاكم الله خيرا
وعايزين نشوف الى جاى بسرعة
وشكرا جزيلا مرة تانية
gomaa 08-04-2006, 08:15 AM ألف مبروك
يا خالد
الجائزة عجبتك
the_sun_of_islam 08-04-2006, 11:11 AM السلام عليكم ورحمه الله وبركاته
يا جماعه أنا اسفه جدا جدا :( :( :( والله انا مكنتش أعرف نظام المسابقه انا بحسب أسئله والأسرع هو اللى يجاوب الأول واسفه جدا جدا يا خالد انى رديت على سؤالك ومبروك.............. وشكرا ليكى يا هند انك نبهتينى .........</span>
السلام عليكم ورحمه الله وبركاته
<span style=\'color:blue\'> أختكم ......سهيله
gomaa 08-04-2006, 11:21 AM حصل خير يا سهيله
gomaa 08-04-2006, 11:24 AM مين
مين المستعد للمسابقه
ياريت نعرف هند مستعد ولا لأ
the_sun_of_islam 08-04-2006, 11:25 AM يا مستر أنا مستعده الوقتى لكن لو هند موجوده معنديش مانع انها تبدأ
the_sun_of_islam 08-04-2006, 11:30 AM ماشى يا مستر بإذن الله هبدأ بعد هند عشان اكون ذاكرت شويه وربنا يوفقها يا رب
gomaa 08-04-2006, 11:30 AM لكن أفضل ننتظر لأن أنا كنت قولت حسب ترتيب الرد حنرتب اللى حيشركوا
وأنت يا سهيله بعد هند مباشرة إلا إذا هند إعتذرت
Miss_CaR!zma 08-04-2006, 10:02 PM انا جاهزه :rolleyes:
ولكن انا احتمال تكون عندى ظروف اتاخر فسهيله تاخد مكانى
وربنا يستر
gomaa 09-04-2006, 12:08 AM ماشى الأخت سهيله جهزه
Miss_CaR!zma 09-04-2006, 12:32 AM و انا هتابع قدر الامكان
ودورى جى :)
The_Relativistic200 09-04-2006, 04:20 AM اييييييييه يا بنات :angry:
ما اى واحدة تتفضل :angry:
ولا انتو خايفين :P
ما نا كنت اسد :lol:
دخلت وخسرت اى نعم بس الموضوعمشى :D
لو كل واحدة قعدت تقول للتانية <_<
اتفضلى يا حبيبتى :huh:
لالالالالا يزيد فضلك اتفضلى انتى :unsure:
هخش المسابقة تانى واطلع وانتو مخلصتلوش رغى :lol:
وعالعموم اتمنى التوفيق لكمااخت هند وسهيلة
Miss_CaR!zma 09-04-2006, 09:45 AM آآآآآآآه
ده تحدى يعنى
اوكى
يللا بقى يا سهيله
يللا يللا يللا يللا :P
وفى انتظار اسئلة استاذ جمعه
gomaa 09-04-2006, 07:24 PM السؤال الأول
عدد يعبر عن عدد المستويات الفرعيه التى توجد فى كل مستوى أساسى
أ)عدد الكم الأساسى
ب)عدد الكم المغناطيسى
ج)عدد الكم الثانوى
د)عدد الكم المغزلى
Miss_CaR!zma 09-04-2006, 07:38 PM اجاوب انا بقى؟
لأن سهيله مش بتدخل الايام دى
بسم الله الرحمن الرحيم
الاجابه هتكون
ج
عدد الكم الثانوى
gomaa 09-04-2006, 09:07 PM صح وكسبت 100 نقطه
والسؤال الثانى
الميل الألكترونى للفلور أقل من الكلور بسبب
أ)صغر نصف قطر ذرة الكلور
ب)صغر نصف قطر ذرة الفلور
ج)وقوع الفلور أعلى يمين الجدول
د)كبر السالبيه الكهربيه للفلور
the_sun_of_islam 09-04-2006, 11:33 PM يا جماعه انا اسفه انا مكنتش اعرف انى انا اللى المفروض أدخل ع العموم اجدعنى يا دودو وربنا يوفقك بقى :) :) :)
Miss_CaR!zma 09-04-2006, 11:33 PM سهيله لو متواجده جاوبى
لأنى فعلا مش هدخل بدا من 15/4
The_Relativistic200 10-04-2006, 05:56 AM اشمعنى يعنى 15\4 :P
gomaa 10-04-2006, 07:03 AM حتعمل معسكر مغلق زى الفريق القومى
the_sun_of_islam 10-04-2006, 07:15 PM السلام عليكم ورحمه الله وبركاته .........
خلاص بإذن الله يا هند هأجب انا ميهمكيش ...... :) :) :) .
خلاص يا مستر جمعه انا مع حضرتك بدل هند ...
الاجابه هتبقى ...بسبب صغر نصف قطر ذره الفلور ودى من الشواذ حيث نظرا لصغرها الشديد فإن الاكترون الجديد يتأثر بقوى تنافر مع الالكترونات الموجوده بالنواه ...........
gomaa 10-04-2006, 08:37 PM الأجابة صح كسبت 200 نقطة
السؤال الثالث
الرابطه فى جزئ الماء
أ)أيونية
ب)تساهميه
ج)هيدروجينية
د)فلزية
ميادة محمد 10-04-2006, 08:54 PM [attachmentid=1445]ربنا معاكي يا سهيلة
ميادة محمد 11-04-2006, 07:44 PM [attachmentid=1548]انتي فين يا سهيلة
روحتي فين
The_Relativistic200 11-04-2006, 10:41 PM ينفع اخش تانى او اى حد من الاعضاء :rolleyes:
عشان الموضوع ماينمش :angry:
The_Relativistic200 11-04-2006, 10:42 PM ينفع اخش تانى او اى حد من الاعضاء :rolleyes:
عشان الموضوع ماينمش :angry:
ميادة محمد 12-04-2006, 01:35 PM [attachmentid=1560]السلام عليكم
لو أ/ جمعة يسمحلي أكمل فأنا مستعدة
!سمسم! 12-04-2006, 02:11 PM ممكن يا استاذ جمعه ميادة تخش تانى بعد اذنك يا استاذ جمعه
ميادة محمد 12-04-2006, 02:29 PM [attachmentid=1563]علي فكرة أنا مدخلتش أول علشان أدخل تاني
!سمسم! 12-04-2006, 03:13 PM انا اسف ميادة مكنتش اعرف
gomaa 12-04-2006, 03:53 PM طبعا" ممكن
ميادة محمد 12-04-2006, 08:02 PM مفيش داعي طبعا للأسف
انا بضحك
ميادة محمد 12-04-2006, 08:06 PM انا جاهزة وربنا يستر
ادعولي
فين السؤال
gomaa 13-04-2006, 12:37 PM السؤال أهوه
السؤال الثالث
الرابطه فى جزئ الماء
أ)أيونية
ب)تساهميه
ج)هيدروجينية
د)فلزية
ميادة محمد 13-04-2006, 02:23 PM [attachmentid=1576]الرابطة في جزئ الماء
تساهمية
gomaa 13-04-2006, 03:44 PM إجابه صحيحه
السؤال الرابع
السبيكه التى تستخدم فى مراوح دفع السفن
مكونه من
أ)نحاس وقصدير وفوسفور
ب)ألومنبوم وقصدير وفوسفور
ج)حديد وأنتيمون ونحاس
د)قصدير وبزموت ورصاص وكادميوم
ميادة محمد 13-04-2006, 08:01 PM [attachmentid=1579]سبيكة نحاس وقصدير وفوسفور
gomaa 13-04-2006, 08:24 PM صح 500
السؤال الخامس
مركب الهالوثان له الصيغه
أ)CHBrCl-CF3
ب)CHBrCl-CF2Cl
ج)CHBrCl-CFBr2
د)CHICl-CF3
ميادة محمد 13-04-2006, 08:33 PM CHBrClCF3
gomaa 14-04-2006, 02:06 PM الأجابه صحيحه
السؤال السادس 2000
القطب الذى يحدث عنه أكسده هو
أ)الأنود فى التحليلية والكاثود فى الجلفانية
ب) الأنود فىالجلقانية والكاثود فى التحليلة
ج)الكاثود فى الجلفانية والتحليلية
د)الأنود فى الجلفانية والتحليلية
starcom 14-04-2006, 09:09 PM السلام عليكم ورحمة الله وبركاته
انا اريد ان اشترك لو سمحتم
ممكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ميادة محمد 14-04-2006, 09:27 PM [attachmentid=1593]الاجابة
الانود في الخلية الجلفانية والتحليلية
ميادة محمد 14-04-2006, 09:31 PM ايه يا جماعة فين بقية الاعضاء
مبتدخلوش ليه عايزة تشجيعة انتوا فين
فين خالد وهند ورضوي والباقي فييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييينننننننننننننننننننننننننننننننن
The_Relativistic200 14-04-2006, 10:57 PM [COLOR=purple]
اهلى اهلى هو هو :lol:
اهلى اهلى هو هو :lol:
يا ستى انا معاكى متخافيش B)
بس ما ينفعش اجاوب مش كدة ولا اييييييييييييييييييييييييييييييييييييييييييه ;)
gomaa 14-04-2006, 11:31 PM هههههههههههههه
مظبوط صح
السؤال السابع 4000
إذا كان لدينا محلول تركيزة 2 مولر وحجمه 500 مل من هيدروكسيد الصوديوم يكون
أ)به 60 جم من هيدروكسيد الصوديوم
ب)به 20جم من هيدروكسيد الصوديوم
ج)به 40 جم من هيدروكسيد الصوديوم
د)به 80 جم من هيدروكسيد الصوديوم
The_Relativistic200 14-04-2006, 11:40 PM والله ما ينفع كدة :angry:
هياخدوا المليون
على قفايا :P
عايزين اسئلة صعبة شوية :P
Miss_CaR!zma 14-04-2006, 11:43 PM انا هنا مياده
ربنا معاكى
واسئله جميله اوى استاذى
والى الامام دائما
gomaa 15-04-2006, 01:07 AM شكرا" يا هند
أنا عضوة جديدة وعرفت إن أستاذ جمعة عندة نزلة برد على العموم ألف سلامة
ودى فكرة حلوة يلا نبدأ :rolleyes:
يا جماعة أنا عضوة جديدة وأسمى أمانى يلا أسالونى بسرعة
يا جماعة أسالونى أرجججججججججوووووووووككككككككووووووووووو
gomaa 16-04-2006, 07:36 AM أظاهر أن هدير أنسحبت
إذا كان ذلك يبقى مونا تكمل
ميادة محمد 16-04-2006, 09:09 AM لا انا منسحبتش
انا اسفة علي التأخير بس أنا مترددة في الاحابة
هقول بقي وربنا يستر
الاجابة 40جم من هيدروكسيد الصوديوم
gomaa 16-04-2006, 11:06 AM فى قانون بيقول
الكتله بالجرام = التركيز بالمولاريه ( المول/لتر ) ×حجم المحلول باللتر × قيمة المول بالجرام
= 2 ×1/2 ×40 = 40 جم
صح
على فكره هذا القانون تحسب منه أى مجهول من الأربعه بسهوله
السؤال ال الثامن (8000)
عبارة عن جزيئات من البروتين تتكون فى الخلايا الحيه وتقوم بدور العوامل الحفازه للعديد من العمليات
البيولوجيه والصناعيه
أ)الهرمونات
ب)الأنزيمات
ج)المخدرات
د)الأحماض الأمينية
gomaa 16-04-2006, 11:07 AM Originally posted by starcom@Apr 14 2006, 09:09 PM
السلام عليكم ورحمة الله وبركاته
انا اريد ان اشترك لو سمحتم
ممكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
96540
طبعا" ممكن ويحصل لنا الشرف
ميادة محمد 16-04-2006, 12:41 PM الاجابة
الانزيمات
gomaa 17-04-2006, 12:20 AM صح جزاك الله كل خير
السؤال التاسع 16000
ما ناتج تفاعل حمض البنزويك مع حمض الكبريتيك
أ)لا يحدث تفاعل
ب)يتكون حمض بنزين سلفونيك
ج)تدخل مجموعه السلفونيك على الوضع ميتا لحمض البنزويك
د)ب,ج صحيحان
ميادة محمد 17-04-2006, 07:48 AM الاجابة
ب و ج اجابة صحيحة
gomaa 17-04-2006, 12:37 PM كنت متأكد أنك حتقولى هذه الأجابه
عموما"
إذا تفاعل حمض الكبريتيك مع البنزين فيما يعرف بالسلفنه يتكون حمض بنزين سلفونيك
أما تفاعل حمض البنزويك مع حمض الكبريتيك فتتواجه مجموعة السلفونيك على الوضع ميتا
ويتكون ميتا سلفونيك حمض البنزويك
صحيح السؤال كان صعب جدا" وأى حد حتى لو عرفة ممكن يخطأ فيه سهوا"
هردلك
كنت أكثر من ممتازه
ميادة محمد 17-04-2006, 03:25 PM شكرا جدا لحضرتك أ/ جمعة
مين يا تري اللي بعدي
وربنا يعينه
gomaa 17-04-2006, 05:21 PM شكرا" يا هدير وأنا منتظر
the_sun_of_islam 18-04-2006, 11:13 PM مبرووووووووووك يا ميااااده :) :)
ميادة محمد 19-04-2006, 01:02 AM الله يبارك فيكي
وانتي منتيش ناوية تدخلي المغامرةدي
Miss_CaR!zma 19-04-2006, 05:06 AM الف مبروك يا دودى :)
ميادة محمد 19-04-2006, 10:16 AM الله يبارك فيكي
ايه ياجماعة محدش بيدخل ليه
فيه ايه
خايفين
لا متخفوش
ayaaa 22-04-2006, 11:20 AM الفكرة روعة وجميله جداااااااا وانا اعجبت بيها من ساعت ما قراتها
انا بقي مستعدة للمن سيربح المليون ف الكيمياء
وربنا يسهل ان شاء الله ويوفقنا جميعا
gomaa 22-04-2006, 11:34 AM توكلنا على الله
اسمك الأولنى فقط وليس أسم الأب أو الجد
والمحافظه وليس أسم المركز أو القريه
السؤال الأول
أوربيتالات المستوى الفرعى الواحد
(أ) متساويه فى الطاقه
(ب)يوجد إختلاف بسيط بينها فى الطاقه
(ج)يوجد إختلاف كبير بينها فى الطاقه
(د)جميع ما سبق
radwaa mahmoud 01-05-2006, 11:36 AM السلام عليكم
اسمى روان اخت تسنيم المشهورة برضوى
من القاهرة
هى متساويه فى الطاقه
وكمان السؤال ده موجود فى كتاب المدرسه فى الاختيارات وبصراحه انا حليته من الاول السنه كده
فلو الاجابه غلط حد يقولى انا لسه مسالتش وتاكد من اختى تسنيم
اصل انا كنت احياء وحولت
radwaa mahmoud 01-05-2006, 11:45 AM السلام عليكم
انا معرفش انه بتاع كيمياء انا اقتكرته زى برنامج
Miss_CaR!zma 01-05-2006, 11:48 AM انا بس يا مستر هقول اجابتى بعد ما روان جاوبت
انا اعتقد ان الاجابه هتبقى ان فى اختلاف بسيط فى الطاقه بينهم
لأنى معتقده ان المستويات الفرعيه هى المسئوله عن فرق الطاقه بين المستويات
فهل من الممكن انها تبقى متساويه؟؟
وانا حبيت اوضح اللى انا فهماه علشان استوضح من حضرتك
واتمنى ان مش فى حد يتضايق منى على التطفل :unsure:
The_Relativistic200 01-05-2006, 12:54 PM السؤال ده برضو قرفنى من اول السنة
بس اعتقد انهم مختلفين اخنلافا بسيطا
لان المستوى الفرعىاللى عنده 2 الكترون
مش زى اللى عنده 6 الكترونات او 10
صح ولا انا غلطان
وانا هعتبر اية طلبت راى الجمهور
radwaa mahmoud 01-05-2006, 06:15 PM السلام عليكم
انا تسنيم
من القاهرة
مدام اختى قالت على اسمى
هو يوجد اخلاف بسيط فى الطاقه
وشكرا
gomaa 01-05-2006, 07:17 PM لا يوجد إختلاف بينهم فى الطاقه
طاقة أوربيتالات المستوى الفرعى الواحد متساويه
فمثلا" طاقة 3px=3py=3pz
لكن المستويات الفرعيه التى تتبع مستوى أساسى واحد هى التى يكون بينها إختلاف بسيط فى الطاقه
F>d>p>s
4f>4d>4p>4s مثلا" المستويات الفرعيه التى تتيع مستوى أساسى الرابع
gomaa 01-05-2006, 07:27 PM توضيح لك يا خالد
طاقة المستوى الفرعى الواحد
الواحد
مثلا" أوربيتالات 3d الخمسه متساويه فى الطاقه ولكنها أى منها أقل فى الطاقه من أى أوربيتال فى
4d
يعنى لو كان أوربيتال مستوى فرعى مع أوربيتالات مستوى فرعى أخر فيكون الذى يوجد فى مستوى رئيسى أبعد هو الأعلى فى الطاقه مثلا" 2Px<3px لاحظ ليسوا أوربيتالات مستوى فرعى واحد فالأول 3p هذا مستوى فرعى يقع فى المستوى الأساسى الثالث أما 2p فيقع فى المستوى الأساسى الثانى
radwaa mahmoud 02-05-2006, 12:32 AM السلام عليكم
سؤال للاذكيه فقط
كيف تميز بين حمض الكبرتيك المركز وحمض الكبرتيك المخفف
عن طريق المعايرة هو السؤال مش فى المنهج
هو الى علينا انه نميزهم باضافه براده الحديد
الى كل منهاطبعا" كل واحد حيكون فى أنبوبه ونضيف عليه برادة حديد ختجدى أنبوبه منهما طالع منها
غاز لو قربت له شظيه مشتعله تجد هذا الغاز يشتعل بفرقعه . هذا الغاز هو عاز الهيدروجين وتكوم هذه الأنبوبه هى المحتويه على حمض الكبريتيك المخفف
الأنبوبه الأخرى تقوم بتسخينها على اللهب فيخرج منها غاز لو قربت له ورقه مبلله بثانى كرومات البوتاسيوم المحمضه بحمض الكيريتيك ستجد هذة الورقه يتحول لونها للون الأخضر . هذا الغاز هو غاز ثانى أكسيد الكبريت وبالتالى تكون هذه الأنبوبه هى المحتويه على حمض الكبريتيك المركز
وشكرا وده شرح الاستاذ جمعه بنص لما سالته فى السؤال ده
radwaa mahmoud 02-05-2006, 12:47 AM السلام عليكم
وانا عارفه طبعا ان كل اصحابى فى المنتدى اذكيه
Miss_CaR!zma 02-05-2006, 07:58 AM شكرا جدا ليك يا رضوى
او روان :rolleyes:
على السؤال الجميل
بس ايه اللى يمنع انه مش يجى فى الامتحان :unsure:
انا اعرفه من اول السنه
The_Relativistic200 02-05-2006, 09:12 AM انا برضو عارف السؤال ده من زمان :huh:
و عندى كام تحويلة حلوة :rolleyes:
كيف تحصل على
اكسيد حديدll و اكسيد حديد lll
نترات الصوديوم ونتريت الصوديوم
كبريتات الحديد ll من اكسيد الحديد lll
اكسيد الحديد lll من كلوريد حديد lll
كلوريد حديد llمن اكسالات حديد ll
الحديد من كبريتات حديد ll
هينفعوا برضو :rolleyes:
radwaa mahmoud 02-05-2006, 11:04 AM السلام عليكم
انا قصدى كيف تميز بينهم عن طريق المعايرة
للعلم هو مش علينا
radwaa mahmoud 02-05-2006, 11:05 AM السلام عليكم
انا قصدى كيف تميز بينهم عن طريق المعايرة
للعلم هو مش علينا
بنت الإسلام 10-05-2006, 12:36 PM السلام عليكم
ممكن اكون انا اللي بعد كده يا مستر
:P
aa44000 13-11-2009, 09:42 AM اناعايزة حد يقولى ازاى افتح الغرفة الصوتية:bosyht9:
(wanted) 14-11-2009, 02:20 AM انا هشترك بالمسابقة
بس انا مخلص الرابع بس
المجدة 13-12-2009, 12:12 PM فكرة جميله جدا ياريت نبدا بسرعة
ta_yo 13-12-2009, 02:12 PM موافق وان شاء الله ننتظر الاسئله
mohamed uosry 13-12-2009, 05:33 PM طبعا موافق وارجو هذا بسرعة
كنانو 13-12-2009, 09:48 PM يا جماعة الموضوع ده من 2006 انتوا بتحكوا فى ايه
πoữr-αlģђaЯiρ 13-12-2009, 10:49 PM .................................................. .
basbosa32 14-12-2009, 05:31 PM أنتظر رد طالب ولا طالبه جرئ نبتدئ به
الموضوع رائع جدا واتمنى التوفيق وان يكون عدد المشاركات اكبر واتمنى اكون الاول اللى يبتدى المسابقة يريت تقولولى امتى معادها وتبعتولى على الايميل وانا بأذن الله اكون جاهزة
:slap1qk6::stickjo4:
daisy rose 14-12-2009, 05:32 PM برافو يا مستر
وانا كمان معاكو
بالتوفيق للمتسابق 200
المجدة 16-12-2009, 02:06 PM انت ليه ما بدات يا gomma انا منتظرة استلتك ياريت بسرعة
mohamed uosry 16-12-2009, 04:42 PM iهي مواعيد المسابقة امتي
aboesha 23-12-2009, 06:46 PM انا عبقرى ومستعد لاية اسئلة
نعمةمحمد محمود 23-06-2010, 10:55 AM فكره جميله جدا معلش انا جيت اشترك معاكم
متأخره كتير بعد حوالى 4 سنوات
|