مشاهدة النسخة كاملة : هل احنا بنخالف قوانين المنتدى...!!
MBM-MaDo 05-09-2008, 10:04 PM بسم الله الرحمن الرحيم
الاول احب امسى على اعضاء المنتدى...
و ندخل فى الموضوع على طول...
انا كنت باشوف مواضيع المنتدى و احواله دخلت موضوع (القوانين العامة للمنتدى)....
و فى كذا نقطة عايزين نناقشها مع بعض اعضاء و ادارة و مشرفين...
كلامى او ردى بالاخضر
أما بخصوص المشاركات
يُمنع منعا باتا كتابة موضوع يحمل إساءة مباشرة أو غيرمباشره للدين الإسلامي
أو للقرآن أو للنبي عليه الصلاة والسلام وبحال مخالفتك لهذه الشروط يتم إيقاف عضويتك وبشكل نهائي ودون الرجوع له
يُمنع الدخول بنقاشات دينيه وفتاوي وتخصيص موضوع لنقاش مسالة فقهية يعنى معنى كدة اننا خالفنا القانون ده فى مواضيع كتييير و اى حد يقدر يشوف الاقسام الدينية....انا نفسى ممكن اكون وقعت فى الخطا ده
يُمنع منعاً باتاً الإساءة للمشرفين أو الأعضاء
يُمنع منعاً باتاً الخوض في الأمور السياسية احنا هارين المنتدى مواضييع سياسية و محدش قلنا كدة غلط و لا انا برده فاهم الجزئية دى غلط...
يُمنع منعاً باتاً كتابة مواضيع مكررة وقديمة بالمنتدى
يجب على العضو تحري الدقة عند النقل فلا يحول المنتدى لسله يرمي بها كل ما يشاء بسم الله ما شاء الله انت ممكن تلاقى عضو كل مواضيعه منقوله طب ليه ما ناخدش اى تصرف معاه حتى لو كان انذار...و على الاقل نحاول نقلل من المواضيع المنقولة..
دى كانت جزئية كدة....
النقطة التانية...
القانون رقم .......2
على الجميع الحفاظ على الألفاظ والآداب العامة بمعنى أنه غيرمسموح باستخدام الألفاظ الغريبة او الغير الغير مهذبة ودائما نتذكر قول الله تعالى
يعنى هل معنى كدة ان لما اكتب كلمة شناكل دى فى اى رد بيبقى مخالفة للقوانين و زى ناس كتيير ما بتعمل...(مش نفس الكلمة بس حاجة زى كدة...)
القانون رقم .......3
هام جداااً
أعضاء المنتدى جميعا أخوه وأخوات تربط بينهم روابط المحبة والتقدير والاحترام
فلا يسمح باستخدام
1- العبارات العاطفية الغير مبرره " بحبك يافلان .. بحبك يا فلانه "
الكلام ده مالى قسم الفسحة و نوعيات من دى كتييير....
دى كانت مجرد ملاحظات و اتمنى انى ماكونش فهمت غلط...
و لو كنت مش شايف القوانين صح...
ممكن حد يتكرم و يشرحها و له جزيل الشكر....
و شكرا...(بلاش بقى شناكل)...
dr.zomba 05-09-2008, 10:08 PM طيب ننقل الموضوع لمكانه المناسب وبعدين نتكلم
MohammeD el_SadaT 06-09-2008, 12:27 AM الأول إسمحلى أرد عليك لأن تقريباً أنا اللى صغت القوانين دى
كلامى هيكون باللون الأزرق
اقتباس:
أما بخصوص المشاركات
يُمنع منعا باتا كتابة موضوع يحمل إساءة مباشرة أو غيرمباشره للدين الإسلامي
أو للقرآن أو للنبي عليه الصلاة والسلام وبحال مخالفتك لهذه الشروط يتم إيقاف عضويتك وبشكل نهائي ودون الرجوع له
يُمنع الدخول بنقاشات دينيه وفتاوي وتخصيص موضوع لنقاش مسالة فقهية يعنى معنى كدة اننا خالفنا القانون ده فى مواضيع كتييير و اى حد يقدر يشوف الاقسام الدينية....انا نفسى ممكن اكون وقعت فى الخطا ده وقت صياغه القوانين دى كانت كثره هذه النوعيه من المواضيع وحدثت فتن كثيره داخل المنتدى وبدأ يأخذ شكل طوائف ومين مع مين ومين على مين فكان لازم من وضع حد لتلك المهزله وقمت بإضافه هذا القانون للحد من تلك المواضيع وبعد كده بدأ الجو يهدى وبدأت تبقى المناقشات بتسير بشكل أكتر تحضر فمبقاش فيه داعى لحذفها لكن المشرف عادل "dr.zomba " عاد متمسك بالقانون ده لأن تقريباً اللى حدث زمان رجع تانى يعنى مواضيع المجاهد وناس تانيه كتير
يُمنع منعاً باتاً الإساءة للمشرفين أو الأعضاء
يُمنع منعاً باتاً الخوض في الأمور السياسية احنا هارين المنتدى مواضييع سياسية و محدش قلنا كدة غلط و لا انا برده فاهم الجزئية دى غلط... نفس اللى حصل فى مواضيع الفتاوى لكن دلوقتى تم عمل أقسام خاصه بالسياسه ولذلك القانون ده فعلاً يعتبر لاغى وأنا مش راجهة القوانين من زمان لذلك لم يتم حذفه
يُمنع منعاً باتاً كتابة مواضيع مكررة وقديمة بالمنتدى
يجب على العضو تحري الدقة عند النقل فلا يحول المنتدى لسله يرمي بها كل ما يشاء بسم الله ما شاء الله انت ممكن تلاقى عضو كل مواضيعه منقوله طب ليه ما ناخدش اى تصرف معاه حتى لو كان انذار...و على الاقل نحاول نقلل من المواضيع المنقولة.. على ما أعتقد إن القانون ده واضح جداااً هو مش ضد النقل البناء بل بالعكس أنا واحد من الناس اللى بتشجعه جداااً لو كان الموضوع فيه حاجه مفيده أما المواضيع الغير هادفه والمكرره فدى مسؤليه مشرفين الأقسام وهما الحمد لله شغالين كويس وأكيد هيسقط منهم حاجه سهواً وارد يعنى
دى كانت جزئية كدة....
النقطة التانية...
اقتباس:
القانون رقم .......2
على الجميع الحفاظ على الألفاظ والآداب العامة بمعنى أنه غيرمسموح باستخدام الألفاظ الغريبة او الغير الغير مهذبة ودائما نتذكر قول الله تعالى
يعنى هل معنى كدة ان لما اكتب كلمة شناكل دى فى اى رد بيبقى مخالفة للقوانين و زى ناس كتيير ما بتعمل...(مش نفس الكلمة بس حاجة زى كدة...)
القانون واضح جدااااااااً والمقصود بالكلمات الخارجه هى الكلمات الخارجه عن الأداب العامه زى " الشتيمه " ياريت تكون وصلت لحضرتك
اقتباس:
القانون رقم .......3
هام جداااً
أعضاء المنتدى جميعا أخوه وأخوات تربط بينهم روابط المحبة والتقدير والاحترام
فلا يسمح باستخدام
1- العبارات العاطفية الغير مبرره " بحبك يافلان .. بحبك يا فلانه "
الكلام ده مالى قسم الفسحة و نوعيات من دى كتييير....
وعشان كده طلبنا حذف القسم ولا حضرتك مش معانا فى المنتدى وعلى ما أعتقد غن الكلمات دى لما تتقال من بنت لبنت أو ولد لولد عادى والعكس بيتم الوقف
دى كانت مجرد ملاحظات و اتمنى انى ماكونش فهمت غلط...
و لو كنت مش شايف القوانين صح...
ممكن حد يتكرم و يشرحها و له جزيل الشكر....
و شكرا...(بلاش بقى شناكل)...
ياريت أكون قدرت أوضح لحضرتك وجهة النظر فى القوانين
MBM-MaDo 06-09-2008, 03:13 AM انا بجد اسف...
الظاهر انى عملت بوليكة على الفاضى....
بالنسبة للفترة بتاعة المواضيع الدينية و حدة النقاش انا حضرتها من حوالى سنتين ...
و برده جزء السياسة بس اظن دلوقتى طالما اتعمل قسم...
يبقى القانون يتحذف...
و بالنسبة لجرس الفسحة اخر اللى اعرفه انه يغلق فى رمضان وان ناس اقترحت لغيه بس مش عارفين رد الادارة....
و انا اكيد مش عبيط برده و عارف انه من ولد لولد عادى او بنت لبنت ...
و اكيد كدا عرفت قصدى...
و انا اسف لو كنت عملت من الحبة قبة...
و شكرا على اهتمامكم...
LA STELLA 06-09-2008, 09:23 AM ردى هيكون باللون دا
القانون رقم .......2
على الجميع الحفاظ على الألفاظ والآداب العامة بمعنى أنه غيرمسموح باستخدام الألفاظ الغريبة او الغير الغير مهذبة ودائما نتذكر قول الله تعالى
انا لفتت نظرى بقى الحتة دى
جزئية " الغريبة " يعنى حاجة متخيلش العين او شكلها غير مألوف
الملاحظ انه فيه كان كام عضو بدأو يمشوا بنظام الفرانكو اراب ،
وردود طويلة
فاعتقد ان دا بيتعب العضو اللى هيقرا ،
هل دى فيها حاجة ؟ زى ما الفيس بوك بيمنع فى التسجيل الاشكال الغريبة زى نص الحروف كابيتال ونصها التانى سمول ، وكدة يعنى
؟؟؟؟؟؟
احنا هنا بنتكلم ع الغريبة :)
والسلام عليكم ورحمة الله وبركاته
MBM-MaDo 06-09-2008, 09:27 AM ايه الفرانكو اراب ده يا حابى....
و انا كنت فاهم القانون غلط...
عادى بتحصل فى احسن العائلات...
LA STELLA 06-09-2008, 09:46 AM الفرانكو اراب = اللغة اللى بيكتبوا بيها كلام عربى بحروف انجلش
زى المنظر دا مثلا
=menawareen el montada ya gama3a=
لا انا بستفسر هل كلمة " غريبة " تشمل المنظر دا من الكتابة ولا لاء
Travel 06-09-2008, 10:01 AM الفرانكو اراب = اللغة اللى بيكتبوا بيها كلام عربى بحروف انجلش
زى المنظر دا مثلا
=menawareen el montada ya gama3a=
لا انا بستفسر هل كلمة " غريبة " تشمل المنظر دا من الكتابة ولا لاء
انا معاكى فى الجزئية دى خصوصا انى ساعات ببقى تعبانة اصلا
ومش ناقصة اللغة دى تكمل عليا عقبال ما اترجمعا
يا يكتبوا عربى يا انجلش (اللى احنا اتعلمناه)
انما اللغة الغريبة دى بلاش
فى ناس هتقول الكيبورد بتاعها مفيهوش عربى
يبقى خلاص يكتبوا انجلش (اللى اتعلمناه)
ياريييت تطلع اللغة دى من ضمن (الغريبة)
LA STELLA 06-09-2008, 10:05 AM لا بصى انا اللغة دى ممكن اتقبلها فى استثناءات
رسايل موبايل
حد داخل مسنجر من موبايل
حد قعد مرة من كمبيوتر مفهوش عربى - بس ع المسنجر
لكن منتدى
لا ثم لا ثم لا
غير ان الاعضاء اللى لاحظت بيعملوا كدة
لقيت لهم مشاركات ياما بالعربى
يعنى مش عملوها عشان عذر ولا حاجة ،، يمكن فى الحالة دى ممكن نعذرهم لو الجهاز خرف مرة ولا حاجة بس مشاركة تبقى فى المعقول مش طويلة ومعقدة ومكلكعة
لكن انها يتكب بيها ع سبيل تغيير الجو او انهم بيحبوا اعتقد مينفعش فى منتدى نهائى يعنى ناس كتير متواصلة مع بعضها
ومينفعش اكتر فى منتدى تعليمى
وجهة نظر مش اكتر ،،
بس كويس ان فيه حد بيحاول يفهم القوانين صح :)
hema_maf 06-09-2008, 10:08 AM شكرا على التوضيح - أنا معنديش أى تعليق.
Travel 06-09-2008, 10:14 AM لا بصى انا اللغة دى ممكن اتقبلها فى استثناءات
رسايل موبايل
حد داخل مسنجر من موبايل
حد قعد مرة من كمبيوتر مفهوش عربى - بس ع المسنجر
ماهى دى استثناءات علشان مبيبقاش فى ترجمة
لكن منتدى
لا ثم لا ثم لا
وانا معاكى
غير ان الاعضاء اللى لاحظت بيعملوا كدة
لقيت لهم مشاركات ياما بالعربى
اهاااا
يعنى مش عملوها عشان عذر ولا حاجة ،، يمكن فى الحالة دى ممكن نعذرهم لو الجهاز خرف مرة ولا حاجة بس مشاركة تبقى فى المعقول مش طويلة ومعقدة ومكلكعة
فى ناس بتتعمد انها تكتب بالفرانكوا ده كنوع من الهزار او الغلاسة:d
لكن انها يتكب بيها ع سبيل تغيير الجو او انهم بيحبوا اعتقد مينفعش فى منتدى نهائى يعنى ناس كتير متواصلة مع بعضها
ومينفعش اكتر فى منتدى تعليمى
تعليمى
!!!!
الكلمة دى شفتها فين قبل كده؟؟؟:rolleyes:
وجهة نظر مش اكتر ،،
بس كويس ان فيه حد بيحاول يفهم القوانين صح :)
يارييت الفرانكوا ده بجد يتحط ضمن القوانين لانه حاجة متعبة
مش على اللى بيكتبها
لا على اللى بيترجمها(ربنا يديله طوله العمر):d
wafa2y 06-09-2008, 03:32 PM انا معاكى فى الجزئية دى خصوصا انى ساعات ببقى تعبانة اصلا
ومش ناقصة اللغة دى تكمل عليا عقبال ما اترجمعا
يا يكتبوا عربى يا انجلش (اللى احنا اتعلمناه)
انما اللغة الغريبة دى بلاش
فى ناس هتقول الكيبورد بتاعها مفيهوش عربى
يبقى خلاص يكتبوا انجلش (اللى اتعلمناه)
ياريييت تطلع اللغة دى من ضمن (الغريبة)
أنا مش معا حضرتك
عشان في ناس مبتعرفش تكتب إلا بالطريقه دي
و أنا كنت واحد من الناس دي
و فعلا أنا لما الكيبورد بيبوظ مبعرفش أكتب إلا باللهجه دي
(و مش كل مره هشحت كيبورد)
:p:p:p:p
و في أنظمه زي linux مبعرفش أستب اللغه العربيه.
و بعدين لو كده طب ما تيجي نبص للعكس
كلمه زي:
أوك
نو بروبليم
نيفر مايند
_________
الكلام ده مش المفروض يكون عجيب بردوا!!!!!!
و معظم الأعضاء متعودين علي الطريقه دي بردوا
_______
و تقبلوا مروري
و أنا أسف و ياريت محدش يزعل مني
:d:d:d:d
رجب سعد محمود 07-09-2008, 12:41 AM أنا مش فاهم حاجة خالص من كلامكوا ..... القوانين ثابتة في جميع المنتديات ومحدش بيعمل بيها ..
king mo7amed 07-09-2008, 12:51 AM الالتزام حلو بردو ولا ايه
Hatem.HSK 07-09-2008, 02:30 AM فى ناس بتتعمد انها تكتب بالفرانكوا ده كنوع من الهزار او الغلاسة:d
يارييت الفرانكوا ده بجد يتحط ضمن القوانين لانه حاجة متعبة
مش على اللى بيكتبها
لا على اللى بيترجمها(ربنا يديله طوله العمر):d
ماشي ماشي مااااااااشي يا ترافل :d:d
انا عن نفسي الـ franco بالنسبالي اسهل مليون مرة لأن كل شغلي على الحاسوب ( قالوهالنا كدة في المدرسة :d ) بيبقى بالانجلش و العربي مش بكتب بيه الا هنا عالمنتدى .. وانا لما بكتب بالـ franco بيكون كلام هزار ولازم يتكب بسرعة انما الكلام الجد كله بكتبه بالعربي ..
وبس ...
الشفق الباكي 07-09-2008, 02:57 AM اعتقد انه موضوع مهم وموضوع الفرانكو اراب دا بيبقى رخم فى الترجمه اوى اوى
MBM-MaDo 07-09-2008, 11:35 AM انا معاكى فى الجزئية دى خصوصا انى ساعات ببقى تعبانة اصلا
ومش ناقصة اللغة دى تكمل عليا عقبال ما اترجمعا
يا يكتبوا عربى يا انجلش (اللى احنا اتعلمناه)
انما اللغة الغريبة دى بلاش
فى ناس هتقول الكيبورد بتاعها مفيهوش عربى
يبقى خلاص يكتبوا انجلش (اللى اتعلمناه)
ياريييت تطلع اللغة دى من ضمن (الغريبة)
الاول قبل ما نقول انها تبقى من ضمن الغريبة او لا...
نشوف اذا فعلا فى ناس بتعانى من مشكلة فى الكتابة بالعربى....
يبقى كدة ساعتها نعرف نحط لها قوانين....تحد من انتشارها...من غير ما تمنعه...
شكرا على التوضيح - أنا معنديش أى تعليق.
طب ليه مافيش تعليق....
يارييت الفرانكوا ده بجد يتحط ضمن القوانين لانه حاجة متعبة
مش على اللى بيكتبها
لا على اللى بيترجمها(ربنا يديله طوله العمر):d
انا من الناس اللى عدو بفترة ماكنتش باكتب غير فرانكو لانى كنت باعانى من مشكلة فى العربى....
فلازم ناخد بالنا من حتة زى دى....
أنا مش معا حضرتك
عشان في ناس مبتعرفش تكتب إلا بالطريقه دي
و أنا كنت واحد من الناس دي
و فعلا أنا لما الكيبورد بيبوظ مبعرفش أكتب إلا باللهجه دي
(و مش كل مره هشحت كيبورد)
:p:p:p:p
و في أنظمه زي linux مبعرفش أستب اللغه العربيه.
و بعدين لو كده طب ما تيجي نبص للعكس
كلمه زي:
أوك
نو بروبليم
نيفر مايند
_________
الكلام ده مش المفروض يكون عجيب بردوا!!!!!!
و معظم الأعضاء متعودين علي الطريقه دي بردوا
_______
و تقبلوا مروري
و أنا أسف و ياريت محدش يزعل مني
:d:d:d:d
انا مع حضرتك و مش معاك...
لو مابعرفش اكتب غير كدة يبقى ربنا يعوض علينا فى اللغة العربية...
لكن لما ابقى مضطر دى حاجة تانية خالص...
و فعلا لازم نبص للفرانكو انجلش..زى الفرانكو اراب...
ايه وضعنا من كلمات زى اللى حضرتك كتبتها...
و طبعا محدش يقدر يزعل ...لانه نقاش هادف و بكل احترام...
أنا مش فاهم حاجة خالص من كلامكوا ..... القوانين ثابتة في جميع المنتديات ومحدش بيعمل بيها ..
حضرتك اقرا الموضوع من الول و انت تفهم الفكرة بتتكلم عن ايه....
الالتزام حلو بردو ولا ايه
جميل اوى كلامك...بس على الاقل اتناقش معانا و قول رايك..
ماشي ماشي مااااااااشي يا ترافل :d:d
انا عن نفسي الـ franco بالنسبالي اسهل مليون مرة لأن كل شغلي على الحاسوب ( قالوهالنا كدة في المدرسة :d ) بيبقى بالانجلش و العربي مش بكتب بيه الا هنا عالمنتدى .. وانا لما بكتب بالـ franco بيكون كلام هزار ولازم يتكب بسرعة انما الكلام الجد كله بكتبه بالعربي ..
وبس ...
بالنسبة لحضرتك اسهل اوك...بس لغيرك اصعب لما يجى يقرا....
و لازم حضرتك تبقى عارف كل الطرق للكتابة حتى من باب العلم...
طب ما انا باعرف اكتب فرانكو بس مش باكتبه الا فى الياهو و ما الى ذالك لانى باقابل مشكلة النقل ما بين الانجلش و العربى...
و بعد ما عرفت ازاى اعالجها..مش باكتب بيها خالص..
و شوف هزار او جد الافضل اننا نكتب عربى...و نحاول ننهض باللغة و لوننا بنكتب عامى بس احسن من فرانكوا...و لا ايه.....
و فى الاخر دى وجهة نظر ممكن حد يخالفنى فيها و ممكن يأيد...
اعتقد انه موضوع مهم وموضوع الفرانكو اراب دا بيبقى رخم فى الترجمه اوى اوى
و ادى عينة من الناس اللى بتعانى من الفرانكوا...و انا عينة تانية برده...
-----------------------------------
شكرا على مروركم كلكم....و اهتماكم بالمنتدى ...و بس ...
شكرا..^_^
Travel 07-09-2008, 12:21 PM أنا مش معا حضرتك
عشان في ناس مبتعرفش تكتب إلا بالطريقه دي
و أنا كنت واحد من الناس دي
و فعلا أنا لما الكيبورد بيبوظ مبعرفش أكتب إلا باللهجه دي
(و مش كل مره هشحت كيبورد)
:p:p:p:p
ماشى هبقى اجيبلك انا واحد حاضر^_^
اناقلت فى ناس بتبقى عندها اعذار ان الكيبورد عندهم انجلش
يكتبوا انجلش اللى اتعلمناه
دى عادى ادينا بنشجعهم على تنمية اللغة:d
ماشي ماشي مااااااااشي يا ترافل :d:d
ماشى رايح فين:d
انا عن نفسي الـ franco بالنسبالي اسهل مليون مرة لأن كل شغلي على الحاسوب ( قالوهالنا كدة في المدرسة :d ) بيبقى بالانجلش و العربي مش بكتب بيه الا هنا عالمنتدى .. وانا لما بكتب بالـ franco بيكون كلام هزار ولازم يتكب بسرعة انما الكلام الجد كله بكتبه بالعربي ..
ماشى بس لو قلنا على سبيل الهزار او الجد
انا عينى والله كانت بتتعمى
وببقى قاعدة على النت اصلا وانا مهنجة ومش بعيد انى كنت مفيرسة كمان
انما العربى لغة رقيقة:d بتتفهم بسهولة
وبس ...
انا من الناس اللى عدو بفترة ماكنتش باكتب غير فرانكو لانى كنت باعانى من مشكلة فى العربى....
فلازم ناخد بالنا من حتة زى دى....
ماشى وانا قلت فى ناس بتبقى عندها المشكلة دى
بس لو بصينا
هنلاقى ان فى ناس كانت بتكتب فرانكوا
وقعدوا يقولوا انهم مش عربى والكيبورد والحاجات دى
بعد كده
خدوا الجنسية العربية وبقوا يكتبوا عربى;)
شكرا على مروركم كلكم....و اهتماكم بالمنتدى ...و بس ...
شكرا..^_^
الشكر لله
برضوا انا ضد الفرانكوا
محدش يقنعنى
انا نظرى ضعف بسبب الفرانكوا ده
هتدونى عينيكوا يعنى اقرا بيها الفرانكوا ده؟
MBM-MaDo 07-09-2008, 12:35 PM هو ممكن زى ما قلتى...
انه يكتب انجليزى...بدل الفرانكوا....
طب نفترض انه مش قوى فى الانجلش....
يعمل ايه....
بس ااعضاء اللى بعملوا زى ما بتقولى و فى الاخر ياخدوا الجنسية و يكتوبوا حلو...
يا اما المشكلة اتحلت,..
ياما هما من بتوع 300 رد و انا مش هاقدر اخش المنتىد عشان......
برده عايزين حل وسط...
Travel 07-09-2008, 12:44 PM هو ممكن زى ما قلتى...
انه يكتب انجليزى...بدل الفرانكوا....
طب نفترض انه مش قوى فى الانجلش....
يعمل ايه....
بس ااعضاء اللى بعملوا زى ما بتقولى و فى الاخر ياخدوا الجنسية و يكتوبوا حلو...
يا اما المشكلة اتحلت,..
ياما هما من بتوع 300 رد و انا مش هاقدر اخش المنتىد عشان......
برده عايزين حل وسط...
احنا ناخد كلة فرانكوا وكلمة عربى:d
معرفش بقى
بس انا بريح نفسى بصراحة
لما بلاقى فرانكو مش ببص خالص فيه
MBM-MaDo 07-09-2008, 01:15 PM انا شايف لحد دلوقتى بالنسبة لحكاية الفرانكوا...
انسب الحل...
انه يا يكتب عربى ياما يكتب انجلش...
و اللى عنده حل تانى يقول....
و اللى عنده مشكلة تانية برده عايز يتكلم فيها يتفضل ...
شناااكل..
wafa2y 07-09-2008, 02:17 PM انا شايف لحد دلوقتى بالنسبة لحكاية الفرانكوا...
انسب الحل...
انه يا يكتب عربى ياما يكتب انجلش...
و اللى عنده حل تانى يقول....
و اللى عنده مشكلة تانية برده عايز يتكلم فيها يتفضل ...
شناااكل..
حضرتك في ناس حلوه في الإنجبش
بس بردو مش لدرجة إنها تتكلم كل الكلام بيها
ومش هتعرف تعبر عن اللي عايزه تقولوا
و حاجه كمان
أنا مثلا عايز أكتب
شناااكل
أكتبها إزاي
;););)
و كلام من ده
و علي فكره ده أول موقع عربي أشترك فيه في حياتي
كل التعاملات بتاعتي مش هنا
بس كنا بنستخدم
shortcuts مش كل الناس هتفهما
و هنرجع للصفر تاني من حيث المبدأ
و مفيش زعل ولا حاجه
:d:d:d
MBM-MaDo 07-09-2008, 02:31 PM حضرتك في ناس حلوه في الإنجبش
بس بردو مش لدرجة إنها تتكلم كل الكلام بيها
ومش هتعرف تعبر عن اللي عايزه تقولوا
و حاجه كمان
أنا مثلا عايز أكتب
شناااكل
أكتبها إزاي
;););)
و كلام من ده
و علي فكره ده أول موقع عربي أشترك فيه في حياتي
كل التعاملات بتاعتي مش هنا
بس كنا بنستخدم
shortcuts مش كل الناس هتفهما
و هنرجع للصفر تاني من حيث المبدأ
و مفيش زعل ولا حاجه
:d:d:d
انا معاك فى الحتة دى.....
بس دلوقتى ايه الحل....
فيه ناس بتقول لا الفرانكو وحش...
طب و الل مش هايعرف يكتب عربى...
ميخشش منتديات بقى...
و فيه بيقول حلو...
طب بس فيه ناس بتعانى منه و انا منهم...و برده من اللى بيكتبوا فرانكوا عادى...
طب برده اللى هايكتب انجلش زى ما بتقول مش ملم بالانجليزى لدرجة انه يكتب زى مانا باكتب عربى كدة...
على ما اظن الحل هايكون....
يبقى الوضع على ما هو عليه و على المتضرر اللجوء لشراء كيبورد...
shanakl....;)
wafa2y 07-09-2008, 02:43 PM انا معاك فى الحتة دى.....
بس دلوقتى ايه الحل....
فيه ناس بتقول لا الفرانكو وحش...
طب و الل مش هايعرف يكتب عربى...
ميخشش منتديات بقى...
و فيه بيقول حلو...
طب بس فيه ناس بتعانى منه و انا منهم...و برده من اللى بيكتبوا فرانكوا عادى...
طب برده اللى هايكتب انجلش زى ما بتقول مش ملم بالانجليزى لدرجة انه يكتب زى مانا باكتب عربى كدة...
على ما اظن الحل هايكون....
يبقى الوضع على ما هو عليه و على المتضرر اللجوء لشراء كيبورد...
shanakl....;)
w momken n2ol
aw sha7toh men 7ad
aw travel tegeblena wa7ed
و في أمان الله
:d:d:d:d:d
MBM-MaDo 07-09-2008, 02:49 PM ترافل لو شافت ردك.....
بس تيجى هيا بس....
و عادى برده....
momken nsha7th men 7ad aw sabt....
shanakl
wafa2y 07-09-2008, 03:33 PM ترافل لو شافت ردك.....
بس تيجى هيا بس....
و عادى برده....
momken nsha7th men 7ad aw sabt....
shanakl
mhea in sha2 allah
mesh htfham 7aga men el kalam dah
m3a enha 3amletha fea abl keda
w fhmeto w kanet llty soda
:d:d:d:d
emshy m3ak el etnen aw talata aw araba3a
:p:p:p:p
MBM-MaDo 07-09-2008, 03:39 PM يعنى انت مش هاتبطل برده...
طب انا بقى هابقى اشرح لها....
و بعدين كدة الموضوع قلب هزار...
و مش عايزين نزعل الادارة منا...
لاننا فى بلد ديموقراطى...
LA STELLA 08-09-2008, 12:04 AM انا مش هقرا ردودكم
لان دخل فعلا فيها الفرانكو
وانا عينى مش ناقصة :)
و ع فكرة معظم واغلب اللى بيكتبوا فرانكو هنا بايدهم يكتبوا عربى
لانى امبارح شفت كتير نص المشاركة مثلا عربى والنص التانى فرانكو
ومحدش يقول لى معندوش عربى
اومال كتب بقية المشاركة عربى ازاى :)؟
ولو مشكلة كيبورد بس
الكيبورد مقدور تغييرها
لكن بتفرق لو مشكلة كمبيوتر
اعتقد يعنى المشكلة مش هتفضل كتير يعنى
وخير الكلام ما قل ودل
يبقى ميطولش فى المشاركة ويقول المفيد
دا عشان مشاركته تتقرى اصلا
ويوضح كدة فى الاخر او بلون تانى انه غصب عنه بيكتب كدة
وع فكرة
محدش دافع عن الفرانكو غير بعض من اللى بيكتبوه:)
انا عاوزة اشوف رأى ناس تانية بتتكتب عربى اصلا
ماشى احنا ممكن نمشيها فى كلمة ولا اتنين ولا سطر فى المشاركة
لكن المشاركة كلها ؟
ساعتها بدور ع اى عذر فى المشاركة ان الشخص دا عنده مشكلة مثلا فى الجهاز واضطر يكتب كدة لكام مرة بس
لكن مش بلاقى والاقى النظام دا بيتكرر والاقيه بيكتب عربى واُفاجأ كانت بنت امبارح مشاركة واحدة ليها نصها عربى ونصها فرانكو
طب ايه لزومه؟
يبقى سورى يعنى طالما حد مش مقدرنا وهيوجع لى عينى مش لازم اقرا رده ومش هيفرق معايا
يمكن اسلوبى هيتاخد بعصبية للناس اللى بتكتب فرانكو
بس هما مش عارفين بيعملوا ايه فى الناس :)
|