مشاهدة النسخة كاملة : بلد بتاعة شهادات ؟؟
CoMMaNdo 06-09-2008, 05:50 AM السلام عليكم ورحمة الله وبركاته
بلد بتاعة شهادات ؟؟
اكيد كلنا فاكرين الجمله دى فى مسرحية شاهد مشافش حاجه
بس لما اتقالت كانت فى الستينات متهيالى
واالايام دى فعلا كانت بلد بتاعة شهادات
لانهم كانوا بيقولو
الراجل دا مهندس
الراجل دا ظابط
الراجل دا محامى
...
لكن دلوقتى يقولك الراجل دا عنده شركه عنده عربيه .. الخ
مش مهم بقى هوا متعلم ولا لا وواخد شهادة ايه ولا مش واخد
يعنى مثلا فيه ناس ماسكه البلد وعندهم شركات ومصانع وهما اصلا مش معاهم شهاده
يعنى راجل كان سباك بقى عنده شركات حديد عالميه
ما علينا
ودلوقتى بنشوف الجوائز الى بتروح لفريق كرة القدم
وبتروح للعيبه الى متعرفش هما متعلمين ايه ولا جاين منين
ملايين بتتقدم ليهم عشان لعبوا شوية كوره
ما علينا برضه
طب الملايين دى كلها
ليه متروحش تبرعات وتروح للغلابه
او لتحسين التعليم
وفيه حاجه برضه عايز اقولها
انتو عارفين البحث العلمى فى جامعة القاهره بيتصرف عليه كام فى السنه ؟
بيتصرف عليه 22 الف جنيه
وجامعة بنها 3 الاف جنيه
ونيجى نسال فين العباقرة و فين العلماء :D
وبرضه الفلوس الى بتروح فى الهوا وبتتصرف على السينما
والكلام الفاضى دا
مليارات والله واحنا مش حاسين
بس نشوف بقى دلوقتى ناس معاها شهادات ويمكن تكون احسن شهاده فى البلد
وبرضه تلاقيهم قاعدين على القهاوى
بس بقى الشاب من دول لو راح يمثل او يلعبله شوية كوره هياخد ملايين
طب ليه بقى ؟؟
عشان احنا بلد بتاعة تفاهات مش شهادات
ياريت تكونوا فهمتوا قصدى من الموضوع ومستنى تعليقاتكم وردودكم
ومستنى رايكم
هل لسه احنا بلد بتاعة شهادات ؟؟
وكل عام وانتم بخير
C) Devils Team )
TOTY_R 06-09-2008, 06:00 AM لا دا كاان زمان هى فعلا زى ما قولت بقيت بلد بتاعت تفاهات مش شهادات
بس هو انا عندى سؤال كدا المفروض احنا نتبع انهى سير بتاع الشهادات والكلام اللى مابيكلش عيش دلوقتى ولا بتاع التفاهات واللى ماشى؟؟!!
اعتقد ان لا يصح الا الصحيح يعنى لو هما بتعو تفاهات نتمسك احنا بمدئنا لاننا احنا الصح
وعلى الاقل لو الشهاده دى مش عامله ليك قيمه دلوقتى بين الناس المهم انت قدام نفسك المهم متخصرش احترامك ليك
يعنى لو هما مش عارفين قيمتك انت عارفها كويس ولازم تكون فاخور انك انسان متعلم مهما كانت الظروف والواقع بيتتطلب ايه دلوقتى
وشكرا ليك عالموضوع الجامد دا
!!!دمعة حزن!!! 06-09-2008, 06:05 AM عشان احنا بلد بتاعة تفاهات مش شهادات
عجبتنى الجمله ده
بكره ان شاء الله ادخل اعلق على الموضوع
اصله موضوع رائع وعاوز تركيز وانا مش مركزه
ربنا معاك
_GUIDE_ 06-09-2008, 06:09 AM طيب أنتا عارف ان ده مخطط ليه
فى ناس مش عايزه البلد دى تنهض
احنا اقصى نهضة ممكن نوصلها انك تنهض من نومك الصبح
وهو ده مشروع نهضة مصر اللى كنت اتكلمت فيه قبل كده
موضوع ان بئا البحث العلمى بيتصرف عليه كذا الف وهيفاء بتاخد فى حفلتها مليون جنيه ولا انا اللاعيب الفلانى ادفع فيه كذا ولا الفيلم الفلانى اتصرف على انتاجه كذا
ده مش هنتكلم فيه لان دى ارزاق :d اوعدنا يارب
اللى عايز اقوله ان انتا عايش فى بلد القائمين عليها مش بيشجعه العلم لان اولا واخيرا العلم مبقاش بياكل فلوس
اضربلك مثال بسيط
جايزة نوبل مليون دولار
عمرو زكى راح ويجان اعارة سنة ب2.5 مليون دولار
يبئا انتا تفضل تفكر وتخترع طول حياتك ومتعرفش اذا كنت هتطلع مخترع ولا لا ويمكن تفشل ومشروعك يتسرق
ولا تدخل اى مدرسة كورة سنة وتطلع لاعيب سوبر
مبقاش في حد بيقدر العلم ولا العلماء مش فى مصر بس فى جميع انحاء العالم على فكرة
بس انتا عارف الفرق بنا وبنهم ايه ان الكورة او الفن بيتصرف عليه مليارات هنا والبحث العلمى بيتصرف عليه ملايين
انما احنا بنصرف ملايين على الفن والكورة (ويارتهم عدليين الا حاجة تعر وتكسف ) وبنصرف على البحث العلمى شوية جنيهات
شوفت الفرق بئا :rolleyes:
CoMMaNdo 06-09-2008, 06:44 AM لا دا كاان زمان هى فعلا زى ما قولت بقيت بلد بتاعت تفاهات مش شهادات
بس هو انا عندى سؤال كدا المفروض احنا نتبع انهى سير بتاع الشهادات والكلام اللى مابيكلش عيش دلوقتى ولا بتاع التفاهات واللى ماشى؟؟!!
اعتقد ان لا يصح الا الصحيح يعنى لو هما بتعو تفاهات نتمسك احنا بمدئنا لاننا احنا الصح
وعلى الاقل لو الشهاده دى مش عامله ليك قيمه دلوقتى بين الناس المهم انت قدام نفسك المهم متخصرش احترامك ليك
يعنى لو هما مش عارفين قيمتك انت عارفها كويس ولازم تكون فاخور انك انسان متعلم مهما كانت الظروف والواقع بيتتطلب ايه دلوقتى
وشكرا ليك عالموضوع الجامد دا
فعلا كلامك صح يا توتى
الشهاده دى برضه ليها احترامها وتقديرها
وشكرا على ردك ومشاركتك
CoMMaNdo 06-09-2008, 06:48 AM عشان احنا بلد بتاعة تفاهات مش شهادات
عجبتنى الجمله ده
بكره ان شاء الله ادخل اعلق على الموضوع
اصله موضوع رائع وعاوز تركيز وانا مش مركزه
ربنا معاك
شكرا على الرد ومنتظر بكره
طيب أنتا عارف ان ده مخطط ليه
فى ناس مش عايزه البلد دى تنهض
احنا اقصى نهضة ممكن نوصلها انك تنهض من نومك الصبح
وهو ده مشروع نهضة مصر اللى كنت اتكلمت فيه قبل كده
موضوع ان بئا البحث العلمى بيتصرف عليه كذا الف وهيفاء بتاخد فى حفلتها مليون جنيه ولا انا اللاعيب الفلانى ادفع فيه كذا ولا الفيلم الفلانى اتصرف على انتاجه كذا
ده مش هنتكلم فيه لان دى ارزاق :d اوعدنا يارب
اللى عايز اقوله ان انتا عايش فى بلد القائمين عليها مش بيشجعه العلم لان اولا واخيرا العلم مبقاش بياكل فلوس
اضربلك مثال بسيط
جايزة نوبل مليون دولار
عمرو زكى راح ويجان اعارة سنة ب2.5 مليون دولار
يبئا انتا تفضل تفكر وتخترع طول حياتك ومتعرفش اذا كنت هتطلع مخترع ولا لا ويمكن تفشل ومشروعك يتسرق
ولا تدخل اى مدرسة كورة سنة وتطلع لاعيب سوبر
مبقاش في حد بيقدر العلم ولا العلماء مش فى مصر بس فى جميع انحاء العالم على فكرة
بس انتا عارف الفرق بنا وبنهم ايه ان الكورة او الفن بيتصرف عليه مليارات هنا والبحث العلمى بيتصرف عليه ملايين
انما احنا بنصرف ملايين على الفن والكورة (ويارتهم عدليين الا حاجة تعر وتكسف ) وبنصرف على البحث العلمى شوية جنيهات
شوفت الفرق بئا :rolleyes:
بيعجبنى فيك يا اسلام انك بتجيب مالاخر
وعندك حق فى كلامك
بس ايوه دى ارزاق
بس ياريت تكون حلال :d
وعندك حق برضه مبقاش حد يقدر العلم
بس مش عارف هنفضل كدا لحد امتى
وشكرا على ردك ومشاركتك يا اسلام
هنا الفقي 06-09-2008, 08:35 AM و احنا لسه بلد شهادات ودي حاجة مش كويسة لا دي وحشة جدا
بس انا لما بكلم مع حد ما بقولش احن بلد شهداتلأ بقول احنا بلد شهادات وحراميه ...... ده الفرق
اوركيديا 06-09-2008, 12:32 PM انا برده مش مع ان الواحد بالشهادات بس
يعنى اللى مش معاه شهاده بس اثبت نفسه و عرف
ليه بنستعر منه و نقول ده وده
وحكايه العلم و الكلام ده راح عليه خلاص
محدش بقى بيعتبر اللى اتعلمه علم باى مقاييس
يعنى انت بتقضى كام سنه فى التعليم
شوف بقى 2 كجى
و 5 ابتدائى
و على 3 اعدادى
و كمان 3 عذاب
و مع تحبيشه 5 كليه فى المتوسط
يعنى من الاخر حوالى 22 سنه من عمرك بتتعلم
فى الاخر بتطلع ايه
ابيض من الصينى بعد غسيله و الحمد لله
حاجه تشل بجد لما الواحد بيفكر فيها
و احنا فعلا بلد العالم الفاضيه
فى رعايه الله
**تسابيح** 06-09-2008, 01:14 PM لا هي فعلا بلد تفهات مش شهادات
بس احنا اللي وصلنا البلد لكدا
ع طوللل نسكت !!!!!
بيتاكل حقنا ونسكت ونتسرق ونسكت
حتي التعليم خله ع مصالحهم الخاصة
عشان محدش يفلح عشان برده نبقي فاشلين لعلمك دي اصلا
سياسه اسرائيل واحنا ماشين وراهم
كل لما نقول حاجة نقول امين امين
كمان عشان احنا بنتعب لما مش بنتسرق
لما مش بنمشي وراكم
دلوقتي معاك قرش يبقي تساوي القرش دي
مش معاك يبقي روح العب بعيد احسن
الشهادات مش بقي ليه قيمة دولة
دا اللي جابنا لوراه
لاننا لما بنتعلم كل لما نقدر ندافع عن بتنا وحياتنا
ووطنا
ميرسي ع الموضوع:d:d:d
يارب بس مش اتمسك النهاردة:d:d:d
CoMMaNdo 06-09-2008, 02:55 PM و احنا لسه بلد شهادات ودي حاجة مش كويسة لا دي وحشة جدا
بس انا لما بكلم مع حد ما بقولش احن بلد شهداتلأ بقول احنا بلد شهادات وحراميه ...... ده الفرق
فعلا لازم عشان يعرف يشتغل بالشهاداه يكون حرامى
شكرا على مرورك
CoMMaNdo 06-09-2008, 02:58 PM انا برده مش مع ان الواحد بالشهادات بس
يعنى اللى مش معاه شهاده بس اثبت نفسه و عرف
ليه بنستعر منه و نقول ده وده
وحكايه العلم و الكلام ده راح عليه خلاص
محدش بقى بيعتبر اللى اتعلمه علم باى مقاييس
يعنى انت بتقضى كام سنه فى التعليم
شوف بقى 2 كجى
و 5 ابتدائى
و على 3 اعدادى
و كمان 3 عذاب
و مع تحبيشه 5 كليه فى المتوسط
يعنى من الاخر حوالى 22 سنه من عمرك بتتعلم
فى الاخر بتطلع ايه
ابيض من الصينى بعد غسيله و الحمد لله
حاجه تشل بجد لما الواحد بيفكر فيها
و احنا فعلا بلد العالم الفاضيه
فى رعايه الله
اه والله عندك حق
انا خلصت ثانوى اهو بس مش عارف استفدت ايه
استفدت انى دخلت جامعه بس يارب بقى استفيد منها :d
شكرا على مرورك
CoMMaNdo 06-09-2008, 03:04 PM لا هي فعلا بلد تفهات مش شهادات
بس احنا اللي وصلنا البلد لكدا
ع طوللل نسكت !!!!!
بيتاكل حقنا ونسكت ونتسرق ونسكت
حتي التعليم خله ع مصالحهم الخاصة
عشان محدش يفلح عشان برده نبقي فاشلين لعلمك دي اصلا
سياسه اسرائيل واحنا ماشين وراهم
كل لما نقول حاجة نقول امين امين
كمان عشان احنا بنتعب لما مش بنتسرق
لما مش بنمشي وراكم
دلوقتي معاك قرش يبقي تساوي القرش دي
مش معاك يبقي روح العب بعيد احسن
الشهادات مش بقي ليه قيمة دولة
دا اللي جابنا لوراه
لاننا لما بنتعلم كل لما نقدر ندافع عن بتنا وحياتنا
ووطنا
ميرسي ع الموضوع:d:d:d
يارب بس مش اتمسك النهاردة:d:d:d
هههههههههههههههههه
لا تتمسكى ايه انتى فى موضوع كوماندو
يعنى هنتمسك كلنا متخافيش :d
فعلا والله بلد تفاهات
شكرا على مرورك يا تسابيح
SmSm Basha 06-09-2008, 03:12 PM ايوا طبعا بلد تفاهات .... الشهادات دي مش ليها قيمة خلاص للاسف ...... المهم معاك فلوس تقدر تعمل بيها اي حاجة مش مهم الفلوس دي حلال او حرام المهم معاك فلوس
..Just Stop 06-09-2008, 03:18 PM التاريخ بيعيد نفسه
بلد بتاعت شهادات
هيا الجملة قديمة بس واقعية
ودا بيرجع لحال البلد اللى احنا مش واخدين بالنا منه
مش هنقول بتوع الكورة واللا عمرو واللا تامر
هنقول فين العلم احنا فين منه وهو فين منا ( عنوان موضوع على العام )
بحث علمى ايه قول نحت علمى
مين هيوجع دماغه على العلم محنا بنتعلم خدنا ايه من التعليم
غير شهادة بتتعلق على الحيط وياريتك هتقدر تجيب المسمار اللى هتتعلق عليه ( والبركة فى حديد عز )
عالية الوم ( حلوة عالية دى ) فى مصر دبلومات زراعة
والباقى اخره يفك الخط
تقدر تقول بلد بتاعت مصالح
علم ايه بس اللى هنتكلم عنه بلا نيلة
العالمة ( بالمعنى الوضيع ) هما اللى ممشيين البلد مش العلماء
::::::::::::::::::::::
شكرا على الموضوع ودمتم فى رعاية الله
CoMMaNdo 06-09-2008, 04:09 PM ايوا طبعا بلد تفاهات .... الشهادات دي مش ليها قيمة خلاص للاسف ...... المهم معاك فلوس تقدر تعمل بيها اي حاجة مش مهم الفلوس دي حلال او حرام المهم معاك فلوس
شكرا على مرورك يا سمسم
التاريخ بيعيد نفسه
بلد بتاعت شهادات
هيا الجملة قديمة بس واقعية
ودا بيرجع لحال البلد اللى احنا مش واخدين بالنا منه
مش هنقول بتوع الكورة واللا عمرو واللا تامر
هنقول فين العلم احنا فين منه وهو فين منا ( عنوان موضوع على العام )
بحث علمى ايه قول نحت علمى
مين هيوجع دماغه على العلم محنا بنتعلم خدنا ايه من التعليم
غير شهادة بتتعلق على الحيط وياريتك هتقدر تجيب المسمار اللى هتتعلق عليه ( والبركة فى حديد عز )
عالية الوم ( حلوة عالية دى ) فى مصر دبلومات زراعة
والباقى اخره يفك الخط
تقدر تقول بلد بتاعت مصالح
علم ايه بس اللى هنتكلم عنه بلا نيلة
العالمة ( بالمعنى الوضيع ) هما اللى ممشيين البلد مش العلماء
::::::::::::::::::::::
شكرا على الموضوع ودمتم فى رعاية الله
عندك حق هتتعلق على الحيط فى الاخر
وقليل الى بيستفيدو منها
والى بيستفيد بيبقى معاه وسطه او بيدفع اكتر
شكرا على مرورك يا محمود
براءة 06-09-2008, 04:21 PM بص
شهادات او مش شهادات
طول عمرى شايفة ان الفيصل حاجة واحدة وهو ؛ التميز ؛
بتعرف تفكر صح وتستغل امكاناتك سواء استغليت شهادتك او لأ
اللى بيعليك اوى او يجيبك الأرض هو هل انت متميز عن غيرك ولا ؟؟؟
CoMMaNdo 06-09-2008, 06:36 PM بص
شهادات او مش شهادات
طول عمرى شايفة ان الفيصل حاجة واحدة وهو ؛ التميز ؛
بتعرف تفكر صح وتستغل امكاناتك سواء استغليت شهادتك او لأ
اللى بيعليك اوى او يجيبك الأرض هو هل انت متميز عن غيرك ولا ؟؟؟
ماشى مانا اديت مثال زمان كان التميز بالشهاده
لكن الايام دى التميز بالفلوس
شكرا على مرورك يا رحمه
COoL HEaRT 06-09-2008, 07:30 PM السلام عليكم ورحمة الله وبركاته
وعليكم السلام ورحمه الله وبركاته
بلد بتاعة شهادات ؟؟
اكيد كلنا فاكرين الجمله دى فى مسرحية شاهد مشافش حاجه
بس لما اتقالت كانت فى الستينات متهيالى
واالايام دى فعلا كانت بلد بتاعة شهادات
لانهم كانوا بيقولو
الراجل دا مهندس
الراجل دا ظابط
الراجل دا محامى
...
لكن دلوقتى يقولك الراجل دا عنده شركه عنده عربيه .. الخ
مش مهم بقى هوا متعلم ولا لا وواخد شهادة ايه ولا مش واخد
طب مفعلا مش مهم خلاص موضه الشهادات خلصت خلاص زى مانت قلت بالظبط انها حاجه من الستينات
دلوقتى روح اتقدم لواحدها اول سؤال انت ياابنى عندك شقه
لا يا اونكل بس انا معايا شهاده انا متخرج من كليه الطب
الرد الطبيعى طب خلاص ياابنى شكلك ليك مستقبل بتشتغل ايه
انا لسه بدور ع شغل
خلاص بص يا بابا روح كده وتعالالنا بعد خمس ست سنين
اطلع من شقتهم هيدخل واحد وراك الاخ كان معاك فى الابتدائى مثلا
مدخلش ثانوى عام
ومكملش تعليم
اشتغل مع والده فى الورشه
واه بقى لو باباه كان عنده شر كه ولا بتاع
الواد عمله كام صفقه كده بقى معاه مبلغ انت لو قعدت طول عمرك مهتعرف تعمل زيه
الاب هياخد مين .؟؟
اكيد الاجابه معروفه
ملحوظه انا مقصدش حد بالكلام ده مثال عادى :d
يعنى مثلا فيه ناس ماسكه البلد وعندهم شركات ومصانع وهما اصلا مش معاهم شهاده
اه وزيره الصناعه ولا القوى العامله مؤهل متوسط :d
يعنى راجل كان سباك بقى عنده شركات حديد عالميه
ما علينا
مين ده ليكون قصدك ع عز الدخيله :p
ودلوقتى بنشوف الجوائز الى بتروح لفريق كرة القدم
متحقدوش ع الناس دى ارزاق :d
بس تعرف الحاجه الوحيده اللى بتفرحنا يا كوماندو
مش لاقيه اجه تانيه
وبتروح للعيبه الى متعرفش هما متعلمين ايه ولا جاين منين
ملايين بتتقدم ليهم عشان لعبوا شوية كوره
ما علينا برضه
كان نفسي اكون لاعب كوره هههههههه كان زمانى نغنغت المنتدى ده وكان زمانى اشتريته كومان
طب الملايين دى كلها
ليه متروحش تبرعات وتروح للغلابه
او لتحسين التعليم
محنا قلنا التعليم بقى فى الحضيض
واللى اتعلموا اخدوا ايه
وفيه حاجه برضه عايز اقولها
انتو عارفين البحث العلمى فى جامعة القاهره بيتصرف عليه كام فى السنه ؟
بيتصرف عليه 22 الف جنيه
وجامعة بنها 3 الاف جنيه
ونيجى نسال فين العباقرة و فين العلماء :D
ياابنى الناس مش عارفه حاجه واصل
اسال اى طالب جامعه فى الشارع مين اوباما
لو مقلكش انه علبه دوا تبقى يجى تقلنا
وبرضه الفلوس الى بتروح فى الهوا وبتتصرف على السينما
والكلام الفاضى دا
مليارات والله واحنا مش حاسين
بس نشوف بقى دلوقتى ناس معاها شهادات ويمكن تكون احسن شهاده فى البلد
وبرضه تلاقيهم قاعدين على القهاوى
اه دول ياما:d
بس بقى الشاب من دول لو راح يمثل او يلعبله شوية كوره هياخد ملايين
طب ليه بقى ؟؟
عشان احنا بلد بتاعة تفاهات مش شهادات
بالظبط :d
ياريت تكونوا فهمتوا قصدى من الموضوع ومستنى تعليقاتكم وردودكم
ومستنى رايكم
هل لسه احنا بلد بتاعة شهادات ؟؟
وكل عام وانتم بخير
C) Devils Team )
فرقتكم جميله يلا بالتوفيق ليكو ان شاء الله ... انا ردى فوق كفايه صح :d
CoMMaNdo 06-09-2008, 08:48 PM طب مفعلا مش مهم خلاص موضه الشهادات خلصت خلاص زى مانت قلت بالظبط انها حاجه من الستينات
دلوقتى روح اتقدم لواحدها اول سؤال انت ياابنى عندك شقه
لا يا اونكل بس انا معايا شهاده انا متخرج من كليه الطب
الرد الطبيعى طب خلاص ياابنى شكلك ليك مستقبل بتشتغل ايه
انا لسه بدور ع شغل
خلاص بص يا بابا روح كده وتعالالنا بعد خمس ست سنين
اطلع من شقتهم هيدخل واحد وراك الاخ كان معاك فى الابتدائى مثلا
مدخلش ثانوى عام
ومكملش تعليم
اشتغل مع والده فى الورشه
واه بقى لو باباه كان عنده شر كه ولا بتاع
الواد عمله كام صفقه كده بقى معاه مبلغ انت لو قعدت طول عمرك مهتعرف تعمل زيه
الاب هياخد مين .؟؟
اكيد الاجابه معروفه
ملحوظه انا مقصدش حد بالكلام ده مثال عادى :d
عندك حق الاجابه معروفه وهيختار الى معاه فلوس طبعا
اه وزيره الصناعه ولا القوى العامله مؤهل متوسط
هههههههه
هوا انتى فاكره ان الحكومه هيا الى ماسكه البلد ؟
دول ناس بس محطوطين وخلاص
حكومه صوريه يعنى
لكن الى ماسكين البلد التجار ورجال الاعمال
ياابنى الناس مش عارفه حاجه واصل
اسال اى طالب جامعه فى الشارع مين اوباما
لو مقلكش انه علبه دوا تبقى يجى تقلنا
اوباما مين
طب وهنروح بعيد ليه
اساليهم مين حسنى مبارك :d
فرقتكم جميله يلا بالتوفيق ليكو ان شاء الله ... انا ردى فوق كفايه صح
شكرا على ردك ومشاركتك الجميله دى يا بنوته
بندق__2007 07-09-2008, 12:14 AM موضوع بجد مهم انا فعلا ملاحظه و كويس انك فتحته
موضوع الشهادات زمان كان اساس و كان لازم يكون معاك شهادة محترمة
عشان تكون موظف و تشتغل شغلانة كويسة تتجوز بنت ناس كويسين
لكن دلوقتى عشان تشتغل شغلانة كويسة بالواسطة تشتغل فى اجدعها حتة
حتى لو ساقط اعدادية و يدوب بتفك الخط
اما الجواز فالفلوس تجوزك ست الستات و تحط رجل على رجل زى الباشا و تتشرط
حتى لو انت ميكانيكى ( مع احترامى للمهنة طبعا ) و هى بكاليورس هندسة
خلاص الشهادة ماتت من زمان
حتى لو قلنا هناخدها عشان الفهم فالتعليم خلاص بقى زى قلته
و خلص الكلام
MohammeD el_SadaT 07-09-2008, 12:40 AM المفروض إن ردى دلوقتى أقول إيه
بجد حرقت دمى
لدرجه إنى مش عارف اتكلم ولا أرد على الموضوع
فعلاً
تحيا مصر
يمهل ولا يهمل
بس أرجع أقول فى الآخر إحنا اللى عملنا كده فى نفسنا
من الأول
لما شوفنا صوت الحق بتكمم وقفنا نتفرج بعنا نفسنا للى يسوى واللى ميسواش بقى مبدأنا فى الحياه يلا نفسى
وفى الآخر بنعيب على الزمن
رغم إن والله المفروض الزمن هو اللى يعيب علينا
وفعلاً
صدقت المقوله دى
ال يافرعون إيه فرعنك ال ملقتش حد يصدنى
:(
صدقت المقوله دى
ال يافرعون إيه فرعنك ال ملقتش حد يصدنى
جبت من الاخر يا محمد العيب فينا احنا اولا
قال شهادات قال مبقاش موجود الكلام ده خلاص زمان
كان الولد ولا البنت تتسال انتى فى كلية ايه ترد بكل كسوف وتقول تجارة ولا اداب ولا حقوق
دلوقتى هات شاب حلو كده من بتوع اليومين دول وقول له انت بتدرس فى ايه
هتلاقيه يجاوب وبكل فخر واعتزاز بالنفس
فى معهد سنجر:d
والله حاجة تضحك
تقبل مرورى
CoMMaNdo 07-09-2008, 02:27 PM موضوع بجد مهم انا فعلا ملاحظه و كويس انك فتحته
موضوع الشهادات زمان كان اساس و كان لازم يكون معاك شهادة محترمة
عشان تكون موظف و تشتغل شغلانة كويسة تتجوز بنت ناس كويسين
لكن دلوقتى عشان تشتغل شغلانة كويسة بالواسطة تشتغل فى اجدعها حتة
حتى لو ساقط اعدادية و يدوب بتفك الخط
اما الجواز فالفلوس تجوزك ست الستات و تحط رجل على رجل زى الباشا و تتشرط
حتى لو انت ميكانيكى ( مع احترامى للمهنة طبعا ) و هى بكاليورس هندسة
خلاص الشهادة ماتت من زمان
حتى لو قلنا هناخدها عشان الفهم فالتعليم خلاص بقى زى قلته
و خلص الكلام
والله كل كلامك جميل يا بندق وعندك حق
وشكرا على مرورك
CoMMaNdo 07-09-2008, 02:36 PM المفروض إن ردى دلوقتى أقول إيه
بجد حرقت دمى
لدرجه إنى مش عارف اتكلم ولا أرد على الموضوع
فعلاً
تحيا مصر
يمهل ولا يهمل
بس أرجع أقول فى الآخر إحنا اللى عملنا كده فى نفسنا
من الأول
لما شوفنا صوت الحق بتكمم وقفنا نتفرج بعنا نفسنا للى يسوى واللى ميسواش بقى مبدأنا فى الحياه يلا نفسى
وفى الآخر بنعيب على الزمن
رغم إن والله المفروض الزمن هو اللى يعيب علينا
وفعلاً
صدقت المقوله دى
ال يافرعون إيه فرعنك ال ملقتش حد يصدنى
:(
شكرا على مرورك
ومتاسفين على حرقة دمك
بس دا الواقع هنعمل ايه
CoMMaNdo 07-09-2008, 06:59 PM دلوقتى هات شاب حلو كده من بتوع اليومين دول وقول له انت بتدرس فى ايه
هتلاقيه يجاوب وبكل فخر واعتزاز بالنفس
فى معهد سنجر:d
والله حاجة تضحك
تقبل مرورى
فعلا عندك حق
ههههههههههه
شكرا على مرورك
شهادات مين بقى يا راجل دلوقتى
دول الدكاتره والمهندسين بقوا اكتر من الشحاتين اليومين دول
CoMMaNdo 08-09-2008, 03:06 AM شهادات مين بقى يا راجل دلوقتى
دول الدكاتره والمهندسين بقوا اكتر من الشحاتين اليومين دول
هههههههههههه
اه والله فعلا
اوعى حد يزعل مننا
شكرا على مرورك يا بيوب
أسيل رزق 25-03-2009, 08:09 PM السلام عليكم ورحمة الله وبركاته
وعليكم السلام ورحمة الله وبركاته
بلد بتاعة شهادات ؟؟
اكيد كلنا فاكرين الجمله دى فى مسرحية شاهد مشافش حاجه
أنا أعترض .. قالها عادل إمام قبل كده فى فيلم أنا وهو وهى مع فؤاد المهندس
بس لما اتقالت كانت فى الستينات متهيالى
واالايام دى فعلا كانت بلد بتاعة شهادات
لانهم كانوا بيقولو
الراجل دا مهندس
الراجل دا ظابط
الراجل دا محامى
كله رجالة ولا إيه!!
...
لكن دلوقتى يقولك الراجل دا عنده شركه عنده عربيه .. الخ
مش مهم بقى هوا متعلم ولا لا وواخد شهادة ايه ولا مش واخد
يعنى مثلا فيه ناس ماسكه البلد وعندهم شركات ومصانع وهما اصلا مش معاهم شهاده
يعنى راجل كان سباك بقى عنده شركات حديد عالميه
ما علينا
ودلوقتى بنشوف الجوائز الى بتروح لفريق كرة القدم
وبتروح للعيبه الى متعرفش هما متعلمين ايه ولا جاين منين
ملايين بتتقدم ليهم عشان لعبوا شوية كوره
ما علينا برضه
طب الملايين دى كلها
ليه متروحش تبرعات وتروح للغلابه
او لتحسين التعليم
الكوسة يا أستاذ الكوسة
وفيه حاجه برضه عايز اقولها
انتو عارفين البحث العلمى فى جامعة القاهره بيتصرف عليه كام فى السنه ؟
بيتصرف عليه 22 الف جنيه
وجامعة بنها 3 الاف جنيه
طيب بلاش أقولك فى عين شمس بيتكلف كام ..الواحد يدور على عروسة ويجهز نفسه ويعمل الفرح بالمبلغ بتاع البحث
ونيجى نسال فين العباقرة و فين العلماء :d
وبرضه الفلوس الى بتروح فى الهوا وبتتصرف على السينما
والكلام الفاضى دا
مليارات والله واحنا مش حاسين
بس نشوف بقى دلوقتى ناس معاها شهادات ويمكن تكون احسن شهاده فى البلد
وبرضه تلاقيهم قاعدين على القهاوى
بس بقى الشاب من دول لو راح يمثل او يلعبله شوية كوره هياخد ملايين
طب ليه بقى ؟؟
عشان احنا بلد بتاعة تفاهات مش شهادات
أيون بلد بتاعة تفاهات صحيح
ياريت تكونوا فهمتوا قصدى من الموضوع ومستنى تعليقاتكم وردودكم
ومستنى رايكم
هل لسه احنا بلد بتاعة شهادات ؟؟
وكل عام وانتم بخير
وانت بالصحة والسلامة
c) devils team )
أكيد حالياً البلد مش بتاعة شهادات والكلام ده خالص
لان بقى نسبة كبيرة من الشعب متعلمين و إحنا بنشوف دلوقتى فى الجامعات لو هنفرض مثلاً كلية التجارة المجموعة الواحدة فى الفرقة حوالى 7000 طالب إضربها فى 10 مجموعات .......... والبلد أصلاً مش محتاجة لكل الكم ده من المحاسبين فا بالتالى هيكون مكانهم القهاوى دا لو لحقوا مكان أصلاً
لكن زمان كان مثلاً القرية اللى متعلم فيها حوالى 50 ويمكن أقل كمان فا لما الواحد يطلع محاسب ولا محامى ولا أى حاجة دا يبقى شىء عظيم .. بلد بتاعة شهادات
لكن دلوقتى الشهادات بقت فى متناول الجميع يمكن دلوقتى فى حاجتين بس هما اللى تتغير بيهم الجملة
بلد بتاعة تفاهات صحيح زى ما قلت
أو
بلد بتاعة خبرات صحيح
الأولى منتشرة والحمد لله أما التانية فا مصارفها صعبة جداً وبتاخد وقت كبير جداً
فا الأسهل هى الأولى والأوفر و الأكثر إنتشاراً
إيه الكلام المكلعك اللى بقوله ده!!
كفاية رغى كده
موضوع كويس يا حاج محمد
تسلم الأيادى وربنا يوفقك وتبقى مستشار
هانى الشرقاوى 25-03-2009, 08:12 PM قال شهادات قال
هههههههه
يا ريتها كانت كده
كان زمان فسه شوية امل
vampire1188 26-03-2009, 12:00 AM لا والله يا محمد .. احنا برده مازلنا بلد بتاعة شهادات .. وهانفضل بلد بتاعة شهادات ..
ممكن يكون الوضع اختلف دلوقتي .. بس دا للناس اللي سوري في اللفظ (حمير) !
انتا في الموضوع بتاعك بتقول واحد سباك وبقي صاحب شركة عالمية في الحديد
قصدك احمد عز يعني من الاخر ..
بالنسبة لأحمد عز اصلا الاقاويل كترت عليه .. بس مش مهم اتعلم او ماتعلمش
الراجل تاجر شاطر وفاهم وعارف شغله .. ومجهودة هوا اللي وصله لدا .. فوي تلك الحالة نرفعله القبعة
لكن لو كان حرامي بقي .. يبقي في تلك الحالة نديله بالجزمة ..
انا معاك في اننا بلد تفاهات وهبل حالياً ..
الكل بيجري ورا حلم ابو تريكة نمبر 2 .. وهاني سلامة الجزء التاني
وفيه ناس بتعمل عمليات زرع شعر صدر عشان تطلع زي تامر حسني !!
بس في نفس الوقت ما زال في ناس برده لسه عندها حلم انها تبقي احمد زويل ويحي المشد
البلد لسه فيها خير .. وطالما الخير موجود ولو بنسبة قليلة اعرف انه هاينتصر لا محالة
كون ان الواحد يقعد يحبط ويقول احنا فاسدين احنا فاشلين احنا دول عالم تالت دا مش هايقدمنا ولا هايأخرنا
الأهم اننا ناخد خطوة للأمام عشان نبدأ المشوار ونرجع لعصرنا تاني ..
smoke 26-03-2009, 01:44 AM مهزلة بكل المقاييس
هههههههههههههههههههههههههههههههههههههههههههههههههه هههههههههههه
عفوا لم اقصد السخرية والتهكم ولكن تذكرت المثل الشعبي هم يضحك وهم يبكي
واعتقد ان موضوعك من النوع الثاني وبما اننا تعودنا على السخرية من واقعنا والهروب منه بالتهكم عليه والضحك منه،ويقولك يا سلام الشعب المصري ده استاذ دايما بيضحك وينكت حتى لو كان مدبوح وبينزف، يا فرحتي.
المهم اتفق واختلف معك ومع البعض منمن شاركوا في الرد على هذا الموضوع،ولكنني احب ان اقول عندما ضربت مثل السباك الذي اصبح صاحب شركة الحديد..............الخ
فربما لا يكون حاصل على اعلى الشهادات وربما يكون معظم هؤلاء النخبة يدوب بيعرفوا يفكوا الخط او بصمجية،فاذا كانوا يملكون شركات ومصانع ،ولكن لا يمكن ان نغفل هذه الحقيقة ايضا فلابد من وجود : محاميين ، استشاريين، مهندسين، دكاترة،سكرتارية،محاسبين، اداريين ،فنيين، تقنيين،.............................. الخ فلولاهم ما قامت لاي شركة او مصنع او مستشفى ...................................الخ قائمة حتى لو كان صاحبها يمتلك مليارات الجنيهات، وحتى لاعبي الكرة والممثليين لابد ان يكون لهم هيكل اداري كسكرتارية ومدير اعمال، وبالطبع يجب ان يكونوا على ارقى مستوى من التعليم،مشكلة التعليم في مصر مشكلة عويصة لا حل ولا مهرب منها فكل وزير ياتي بدلا من ان ينهض بالتعليم ،يفعل العكس ،،واعتقد انه لا يعلم شيئا عن الوزارة الا اذا كان هناك تسجيل في التليفزيون،او في مجلس الشعب او لقاء صحفي طبعا ا،وللاسف تكون الضحية هم الاف من الشبا ب العاطلين الذي لفظت بهم الجامعات والمعاهد الى سوق العمل الذي لا يستطيع استيعاب هذا الكم الهائل، وعدم وجود دراسة لمتطلبات سوق العمل من عرض وطلب ،وطبعا لعدم وجود تنسيق بين وزارة التعليم،ووزارة التنمية والموارد البشرية التي اعتقد ان القائمين عليها من اكبر لاصغر واحد مازالو لا يعلمون ما المغزى من هذه الوزارة.وطبعا العديد من الوزارات الاخرى التي لاتهتم ولن تهتم .
نعم سيدي مصر ما زالت وستظل بلد شهادات، ولكننا نحن من يصنع التفاهات،فما زال الانسان المتعلم المثقف له مكانته بين الاخرين ،
فالى كل متعلم ومثقف ارفع راسك عاليا ولك الفخر حتى لو كنت لا تملك خمسة قروش في جيبك،فنحن لم ولن نكون فاشلين واذا كان هناك من يتمنى ان تغرق مصر في بحر من الجهل ،فهذا لن يحدث ابدا مع كل هذا الوعي من الشباب المصري،واذا قالوا عن مصر انها من دول العالم الثالث فنحن ايضا نعلم جيدا من وضعنا في هذا التصنيف،ولماذا!!!!!
لا تتمسكى ايه انتى فى موضوع كوماندو
يعنى هنتمسك كلنا متخافيش :d
طيب ربنا يطمنك بس يا ريت اللي بره يبقوا يفتكرونا بعيش وحلاوة ويجعله عامر!!!!!!!!!!!!!!!!
مشكور كوماندوز على الموضوع المهم ده ويا ريت اكون قدرت اوصل وجهة نظري حتى لو اختلف البعض معي.
تحياتي
CoMMaNdo 27-03-2009, 09:18 PM أكيد حالياً البلد مش بتاعة شهادات والكلام ده خالص
لان بقى نسبة كبيرة من الشعب متعلمين و إحنا بنشوف دلوقتى فى الجامعات لو هنفرض مثلاً كلية التجارة المجموعة الواحدة فى الفرقة حوالى 7000 طالب إضربها فى 10 مجموعات .......... والبلد أصلاً مش محتاجة لكل الكم ده من المحاسبين فا بالتالى هيكون مكانهم القهاوى دا لو لحقوا مكان أصلاً
لكن زمان كان مثلاً القرية اللى متعلم فيها حوالى 50 ويمكن أقل كمان فا لما الواحد يطلع محاسب ولا محامى ولا أى حاجة دا يبقى شىء عظيم .. بلد بتاعة شهادات
طيب مهو المفروض يبقى الوضع احسن
يعنى بتقولى زمان كان 50 واحد بس متعلم مثلا
لكن دلوقتى قليل لما تلاقى حد جاهل
فالمفروض يبقى وضع البلد احسن
لكن العكس هوا الى حاصل
لكن دلوقتى الشهادات بقت فى متناول الجميع يمكن دلوقتى فى حاجتين بس هما اللى تتغير بيهم الجملة
بلد بتاعة تفاهات صحيح زى ما قلت
أو
بلد بتاعة خبرات صحيح
مهى الخبرات دى هيجيبها منين
اذا كان الى بيدرسلوه مش عنده خبره كبيره
الأولى منتشرة والحمد لله أما التانية فا مصارفها صعبة جداً وبتاخد وقت كبير جداً
فا الأسهل هى الأولى والأوفر و الأكثر إنتشاراً
إيه الكلام المكلعك اللى بقوله ده!!
كلام مكلكع اوى حته كلمة مكلكع مكلكعه اصلا
:d
كفاية رغى كده
موضوع كويس يا حاج محمد
تسلم الأيادى وربنا يوفقك وتبقى مستشار
ربنا يخليكى يا مها
نورتى الموضوع والله
قال شهادات قال
هههههههه
يا ريتها كانت كده
كان زمان فسه شوية امل
ياريتها والله اه
شكرا على مرورك يا هانى
CoMMaNdo 27-03-2009, 09:30 PM لا والله يا محمد .. احنا برده مازلنا بلد بتاعة شهادات .. وهانفضل بلد بتاعة شهادات ..
ممكن يكون الوضع اختلف دلوقتي .. بس دا للناس اللي سوري في اللفظ (حمير) !
انتا في الموضوع بتاعك بتقول واحد سباك وبقي صاحب شركة عالمية في الحديد
قصدك احمد عز يعني من الاخر ..
مش شرط احمد عز الامثله كتير لو انت دورت هتلاقى كتير كانوا كدا
بالنسبة لأحمد عز اصلا الاقاويل كترت عليه .. بس مش مهم اتعلم او ماتعلمش
الراجل تاجر شاطر وفاهم وعارف شغله .. ومجهودة هوا اللي وصله لدا .. فوي تلك الحالة نرفعله القبعة
لكن لو كان حرامي بقي .. يبقي في تلك الحالة نديله بالجزمة ..
انا معاك في اننا بلد تفاهات وهبل حالياً ..
الكل بيجري ورا حلم ابو تريكة نمبر 2 .. وهاني سلامة الجزء التاني
وفيه ناس بتعمل عمليات زرع شعر صدر عشان تطلع زي تامر حسني !!
بس في نفس الوقت ما زال في ناس برده لسه عندها حلم انها تبقي احمد زويل ويحي المشد
ونبى يا حودا مين دول
انت لو سالت حد اصلا مين احمد زويل مش هيعرف
يعمى الحال متدهور خالص
البلد لسه فيها خير .. وطالما الخير موجود ولو بنسبة قليلة اعرف انه هاينتصر لا محالة
كون ان الواحد يقعد يحبط ويقول احنا فاسدين احنا فاشلين احنا دول عالم تالت دا مش هايقدمنا ولا هايأخرنا
الأهم اننا ناخد خطوة للأمام عشان نبدأ المشوار ونرجع لعصرنا تاني ..
دا الى لازم يحصل
بس مين يبدا الخطوه دى !
نورت الموضوع يحودا
مهزلة بكل المقاييس
هههههههههههههههههههههههههههههههههههههههههههههههههه هههههههههههه
عفوا لم اقصد السخرية والتهكم ولكن تذكرت المثل الشعبي هم يضحك وهم يبكي
واعتقد ان موضوعك من النوع الثاني وبما اننا تعودنا على السخرية من واقعنا والهروب منه بالتهكم عليه والضحك منه،ويقولك يا سلام الشعب المصري ده استاذ دايما بيضحك وينكت حتى لو كان مدبوح وبينزف، يا فرحتي.
المهم اتفق واختلف معك ومع البعض منمن شاركوا في الرد على هذا الموضوع،ولكنني احب ان اقول عندما ضربت مثل السباك الذي اصبح صاحب شركة الحديد..............الخ
فربما لا يكون حاصل على اعلى الشهادات وربما يكون معظم هؤلاء النخبة يدوب بيعرفوا يفكوا الخط او بصمجية،فاذا كانوا يملكون شركات ومصانع ،ولكن لا يمكن ان نغفل هذه الحقيقة ايضا فلابد من وجود : محاميين ، استشاريين، مهندسين، دكاترة،سكرتارية،محاسبين، اداريين ،فنيين، تقنيين،.............................. الخ فلولاهم ما قامت لاي شركة او مصنع او مستشفى ...................................الخ قائمة حتى لو كان صاحبها يمتلك مليارات الجنيهات، وحتى لاعبي الكرة والممثليين لابد ان يكون لهم هيكل اداري كسكرتارية ومدير اعمال، وبالطبع يجب ان يكونوا على ارقى مستوى من التعليم،مشكلة التعليم في مصر مشكلة عويصة لا حل ولا مهرب منها فكل وزير ياتي بدلا من ان ينهض بالتعليم ،يفعل العكس ،،واعتقد انه لا يعلم شيئا عن الوزارة الا اذا كان هناك تسجيل في التليفزيون،او في مجلس الشعب او لقاء صحفي طبعا ا،وللاسف تكون الضحية هم الاف من الشبا ب العاطلين الذي لفظت بهم الجامعات والمعاهد الى سوق العمل الذي لا يستطيع استيعاب هذا الكم الهائل، وعدم وجود دراسة لمتطلبات سوق العمل من عرض وطلب ،وطبعا لعدم وجود تنسيق بين وزارة التعليم،ووزارة التنمية والموارد البشرية التي اعتقد ان القائمين عليها من اكبر لاصغر واحد مازالو لا يعلمون ما المغزى من هذه الوزارة.وطبعا العديد من الوزارات الاخرى التي لاتهتم ولن تهتم .
نعم سيدي مصر ما زالت وستظل بلد شهادات، ولكننا نحن من يصنع التفاهات،فما زال الانسان المتعلم المثقف له مكانته بين الاخرين ،
فالى كل متعلم ومثقف ارفع راسك عاليا ولك الفخر حتى لو كنت لا تملك خمسة قروش في جيبك،فنحن لم ولن نكون فاشلين واذا كان هناك من يتمنى ان تغرق مصر في بحر من الجهل ،فهذا لن يحدث ابدا مع كل هذا الوعي من الشباب المصري،واذا قالوا عن مصر انها من دول العالم الثالث فنحن ايضا نعلم جيدا من وضعنا في هذا التصنيف،ولماذا!!!!!
لا تتمسكى ايه انتى فى موضوع كوماندو
يعنى هنتمسك كلنا متخافيش :d
طيب ربنا يطمنك بس يا ريت اللي بره يبقوا يفتكرونا بعيش وحلاوة ويجعله عامر!!!!!!!!!!!!!!!!
مشكور كوماندوز على الموضوع المهم ده ويا ريت اكون قدرت اوصل وجهة نظري حتى لو اختلف البعض معي.
تحياتي
حضرتك نورت الموضوع والله
ورد جميل جدا وانا اتشرفت بيه
وعلى فكره مش شرط بتاع الحديد على احمد عز يعنى
BaNZeR 27-03-2009, 10:15 PM الواحد مش عارف حيقول ايه اكتر من كده
هي فعلاً بلد تفاهات
CoMMaNdo 28-03-2009, 04:57 AM الواحد مش عارف حيقول ايه اكتر من كده
هي فعلاً بلد تفاهات
كويس ان حد موافقنى عالجمله دى
شكرا على مرورك
مجرد إنسانه 29-03-2009, 01:30 AM شهادات ايه بقى
دااحنا جيل
2009
ههههههههههههههههههههههه
توييك رائع وهداف
دمت بخير
محمد على ابوزياد 14-06-2009, 11:59 AM جاء رجل إلى رسول الله صلى الله عليه وسلم
يسأل عن الساعة . . . قال صلى الله عليه وسلم
إذا ضيعت الأمانة فانتظر الساعة ، قال : وكيف إضاعتها ؟
قال : إذا وسد الأمر إلى غير أهله فانتظر الساعة " ( رواه البخاري)
_GUIDE_ 14-06-2009, 12:05 PM طيب أنتا عارف ان ده مخطط ليه
فى ناس مش عايزه البلد دى تنهض
احنا اقصى نهضة ممكن نوصلها انك تنهض من نومك الصبح
وهو ده مشروع نهضة مصر اللى كنت اتكلمت فيه قبل كده
موضوع ان بئا البحث العلمى بيتصرف عليه كذا الف وهيفاء بتاخد فى حفلتها مليون جنيه ولا انا اللاعيب الفلانى ادفع فيه كذا ولا الفيلم الفلانى اتصرف على انتاجه كذا
ده مش هنتكلم فيه لان دى ارزاق :d اوعدنا يارب
اللى عايز اقوله ان انتا عايش فى بلد القائمين عليها مش بيشجعه العلم لان اولا واخيرا العلم مبقاش بياكل فلوس
اضربلك مثال بسيط
جايزة نوبل مليون دولار
عمرو زكى راح ويجان اعارة سنة ب2.5 مليون دولار
يبئا انتا تفضل تفكر وتخترع طول حياتك ومتعرفش اذا كنت هتطلع مخترع ولا لا ويمكن تفشل ومشروعك يتسرق
ولا تدخل اى مدرسة كورة سنة وتطلع لاعيب سوبر
مبقاش في حد بيقدر العلم ولا العلماء مش فى مصر بس فى جميع انحاء العالم على فكرة
بس انتا عارف الفرق بنا وبنهم ايه ان الكورة او الفن بيتصرف عليه مليارات هنا والبحث العلمى بيتصرف عليه ملايين
انما احنا بنصرف ملايين على الفن والكورة (ويارتهم عدليين الا حاجة تعر وتكسف ) وبنصرف على البحث العلمى شوية جنيهات
شوفت الفرق بئا :rolleyes:
ايه الكلام الفاضى ده :d
شهدالجنة 14-06-2009, 01:25 PM مش عارفة بصراحة الاقى كلمة شر بجد
على الموضوع الرائع انا من رايى مابقتش
تفرق ياوماندو ممكن تلاقى واحد معاه بكالوريوس علوم
وبيبيع انابيب وواحد فران وفجاة بقى صاحب شركة
الدنيا باقت وسة والله بجد
MOHAMEDSHOMAN 16-06-2009, 11:40 PM حكومتنا يا جماعه خلتنا بلد الشهادات وهى إللى تقدر تخلينا نرجع بلد العلم والعلماء...فالتعليم يجب أن يكون من أجل التعليم....وليس من أجل المجموع والشهاده...
مستر محمود صادق 18-06-2009, 02:01 PM واذا سئلت عن الكنانة ...قل لهم اناس تلهو وشعب يلعب
دا الموضوع ده مدوخ الشعب كله
يعنى ما ينفعش نقول : وراحت عليكى يا دنيا وراح زمن الشهادات
|