القصة دى جميله قووي وعجبتني فحبيت تشاركوني فيها وانزلها هنا في المنتدي
انا بهدي القصه دي لكل بنوتة بتبدا حياتها وكل شاب بيبدا حياته ولكل ----- خليها مفاجاة !!

الابطال
ياسمين والدها اسمه احمد ومامتها اسمها ايمان واخوها اسمه عمر

كريم ووالده اسمه مصطفى ومامته اسمها هالة واخوه اسمه معتز

على فكرة احمد ومصطفى اخوات وكمان هالة وايمان ولاد خالة

يعنى كريم وياسمين ولاد عم



القصة دي منقوله من منتدي عمرو خالد من عضوه اسمها بحبك ياربي



الحلقة الاولي


ياسمين وحبيبة راجعين من الجامعة وفى الاتوبيس


ياسمين \ كان يوم مرهق جدا انهاردة


حبيبة\ انا مدغدغة اصلا ورجلى روحت البيت لوحدها ونامت خلاصhttp://1.1.1.1/bmi/forum.amrkhaled.net/images/smilies/icon_cheesygrin.gif


ياسمين\انا وقفت ارسم حوالى 3 ساعات اصلا والفطار بتاع الصبح ده محوقش معايا خالص


حبيبة \ وانا كمان بس انا روحت فى ال break الكافتيريا وشحنت جامد جدا
اه صحيح انتى كنتى فين ياياسمين مشوفتكيش


ياسمين \ سكتت وشكلها اتغير


حبيبة \ ايه يابت انتى مش سامعانى بقولك كنتى فين فى ال break


ياسمين \ كريم اتصل بياhttp://1.1.1.1/bmi/forum.amrkhaled.net/images/smilies/marsa50.gif


حبيبة \ كريم مين ان شاء الله ؟؟؟http://1.1.1.4/bmi/forum.amrkhaled.net/images/smilies/sunshine1.gif


ياسمين \ ابن عمى


حبيبة \ وكان عايز ايه؟


ياسمين \ بصى بقى انا هاحكيلك لحسن انا مش عارفة افكر خالص


حبيبة\ قولى انا بقول من الصبح فى حاجة


ياسمين \ بصى ياستى انا كنت نازلة ال break اجيلك على الكافتيريا لقيت الموبايل بيرن ونمرة غريبة فرديت كنت فاكراها نهى لانها غابت النهاردة وقلت تكون بتسئلنى فى sec التالتة ولا لأ المهم رديت وبمرح وعادى بقول سلام عليكم


كريم \ وعليكم السلام


ياسمين\ ايوة مين حضرتك


كريم \ ياسمين انا كريم ابن عمك


ياسمين\ اه اسفة ازيك عامل ايه


كريم \ الحمد لله تمام


ياسمين \ وعمو وخالتو عاملين ايه ؟


كريم \ الحمد لله بيسلموا عليكى


كريم \ بعد برهة ياسمين كنت عايز انا عايز اتكلم معاكى ضرورى لو سمحتى . انا تحت عند الباب ممكن تيجى


ياسمين \ ايه عند الباب بتاعنا


كريم \ ايوة تحت ياياسمين انتى عندك ال break امتى ؟


ياسمين \ ال break انا عندى break دلوقتى


كريم \طيب كويس مش هاخرك متقلقيش انا عند بوابة 3 يلا لا اله الا الله


ياسمين \ محمد رسول الله --- ياترى خير فى ايه


ياسمين وهى نازلة افتكرت ياه كريم


وهما عيال فى ابتدائى كان هو اكبر منها بخمس سنين وكان فى عيال رخموا على ياسمين واصحابها وكريم كان بيلعب مع اصحابه وطبعا العيال الرخمين دول مخدوش فى ايد كريم وصحابه غلوة فكان بالنسبة لها الواد اللى بيساعدها علطول.


ولما كبروا شوية وهى فى مرحلة اعدادى وهو فى ثانوية عامة كانوا دايما هما الاتنين اكتر ناس شاطرة فى العيلة ودايما الحفلات بتاعة النجاح بتكون عشانهم وكانوا وهما عند جدهم تلاقيهم يقولوا لبعض مسائل وفوازير رياضية ويحاولوا يحلوها مع بعض
ولو التانى مش عارفها الاول يقوله اوعى تقول الحل انا هحلها ولو معرفش يحلها فى القاعدة دى يفضل يفكر فى المسالة طول الاسبوع لحد مايشوف التانى الاسبوع اللى بعده ويقولوا الاجابة


وفى فترة لما كريم دخل الجامعة كان مشغول اوى او مطحون بمعنى اصح او يمكن عشان كبروا ومبقوش يجوا مع اهلهم عند جدهم كان بيزور جده لوحد وقليل جدا لو جيه يوم التجمع


اما ياسمين فكانت بدات تلتزم كانت لابسة حجاب واسع والوانه هادية وبدات تحضر دروس فى المسجد مع انتيمتها حبيبة وكانت فى ثانوية عامة ودروس وسهر وصعب جدا برضه تيجى يوم التجمع


لكن لما كان بيجى الوقت ويشوفوا بعض صدفة كانوا دايما بيحسوا انهم فاهمين بعض


لكن كان التزامهم بالدين واحساسهم انهم خلاص كبروا دلوقتى مبقوش الصغيرين اللى بيضحكوا مع بعض علطول فكان كلامهم فى وسط القاعدة مقتصر على السلام والسؤال عن الدراسة واحوالها


ومر الوقت وكريم خلص دراسته وخلاص اصبح رسميا اسمه الدكتور كريم
اما ياسمين فدخلت فنون جميلة قسم عمارة وديكور


وكان دايما بين الوقت والتانى لما بتيجى سيرة ياسمين ادام كريم كان لازم يبتسم اول مايفتكر شقاوتها وهى صغيرة وجرئتها وهى بدافع عن اصحابها واول ماتنضرب تنده لكريم علطول ويطلعلها كانه سوبر مان ينقذها وتعد هى تضحك على العيال اللى كريم وقعهم فى الارض . يقوم كريم جررها من ايدها لحسن العيال خلاص هتقوملها تكولهااhttp://1.1.1.1/bmi/forum.amrkhaled.net/images/smilies/engry1.gif


وكمان ياسمين اول ماتسمع اسمه او تشوفه صدفة بتفتكر جرئته وعناده والتحدى اللى عنده اللى مالوش حدود وازاى كانت تقوله اى مسالة ميرضاش ابدا انها تقوله الحل لازم هو اللى يحلها لوحده وهى تعد تغيظه انه مش عارفهاhttp://1.1.1.3/bmi/forum.amrkhaled.net/images/smilies/marsa193.gif



ياه وفاقت ياسمين لاقت نفسها كريم بيشور لها وقالها---------



يتبع

انا حطيتها في القسم دا عشان حسيت انه ملائم اكتر هنا.

انا مش هكمل غير لو لقيت ردود مشجعة لكن لو ملقيتش كالعاده اعتبروها حلقه واتحطت غلط في المنتدي:(

جميله جدا القصه ياريت تكملى

جزاكى الله خير

لا حلووووووووووووه جداااااااااااااا عاجبنى لسبب معين كملى بقى

حلوة جدا بليز كملى

ايه ده معقول حد رد:o

انا كنت خلاص فقدت الامل

ميرسي بجد علي ردودكو بجد شجعتني اني اكمل القصه:rolleyes:

الفصل الثاني

ياه وفاقت ياسمين لاقت نفسها كريم بيشور لها وقالها
***************
كريم \ سلام عليكم ازيك يا ياسمين

ياسمين \ وعليكم السلام الحمد لله

كريم \ ياسمين انا هقولك علطول عشان عارف ان ال break قرب يخلص

كريم \ ياسمين انا خلاص بشتغل الحمد لله وعايز اجى اكلم بابا كى نعمل خطوبة لحد مانتى تخلصى كمان 3 شهور وفيهم نكون خلصنا تجهيز الشقة وبعد النتيجة نتجوز علطول

ياسمين \ وشها جاب 7000 لون ومش عارفة تقول ايه ؟ وايه المفاجات دى ؟ده خلص الفيلم فى كلمتين !


كريم \ انا اتعاهدت مع نفسى انى متكلمش معاكى فى حاجة الا لما اكون اد الكلام اللى بقوله واكون راجل عمى يحتلرمه وبيثق فيه واقدر اشيل مسئولية ونعرف نبدا حياتنا من غير معوقات كنت الحمد لله بركز فى الدراسة جامد وربنا كرمنى واشتغلت وكل ده
عشانك انتى

ياسمين خلاااااااص مش قادرة وكمان ال break خلص ووراها sec

كريم \ http://1.1.1.4/bmi/forum.amrkhaled.net/images/smilies/mo--.gif طيب بالراحة خلاص مش هاتكلم تانى كل اللى عايز اقوله انى هكلم باباكى ويارب مترفضنيشhttp://1.1.1.4/bmi/forum.amrkhaled.net/images/smilies/icon_cool.gif

ياسمين \ ال sec هيبدا دلوقتى

كريم \ خلاص يبقى السكوت علامة الرضا خدى بالك من نفسك وان شاء الله اشوفك قريب جدا سلام عليكم

ياسمين \ وعليكم السلام

حبيبة \http://1.1.1.4/bmi/forum.amrkhaled.net/images/smilies/gr--.gifده واضح انه واقع ع الاخر
ياسمين \ بت انتى اسكتى ولا الحق عليا انى قلتلك
حبيبة \ طيب خلاص هنتكلم جد وانتى اكيد فرحانة مش كدة
ياسمين \ :http://1.1.1.1/bmi/forum.amrkhaled.net/images/smilies/marsa187.gif انا مش عارفة افكر ولا حاسة باى حاجة دلوقتى
حبيبة \ انتى تلائيكى عشان مكلتيش فى ال break بس مش عارفة تفكرى
ياسمين\ بت انتى يلا مع السلامة خلاص بيتك جيه يلا اتكلى على الله

حبيبة \ ماشى بس بكرة هتبقى تكمليلى يلا سلام عليكم

يتبع

قصة حلوة بس هى 30 حلقة زى مسلسلات رمضان ولا ايه

الموضوع حلو جدا وياريت تكملى

جميله
منتظرين الحلقات الباقيه

منتظرة البقية...........

منتظر الجزء الثاني

قصه رائعه جدا

في انتظار الباقى

ميرسي ليكو بجد علي الردود

بجد القصه احلوت كتيير بمروركو:)



الفصل الثالث

المشهد الاول

كريم واحمد والد ياسمين فى كافتيريا

كريم \ ياعمى انا جيت انا اللى اكلمك فى الموضوع ده قبل بابا عشان اشرحلك كل احوالى وان شاء الله بابا وماما هيكلموا حضرتك فى التفاصيل اللى جاية

احمد \ كريم انت عارف انك زى عمر ابنى وربنا يعلم وان يكون بينى وبين مصطفى نسب دى حاجة تفرحنى جدا لكن ياحبيبى الجواز مسئولية ودى حياة لازم تكون مقدر وواعى لكل خطوة فيها

كريم \ فعلا وانا والله ماردتش اقول لبابا او اى حد على الموضوع ده الا لما اكون جاهز فعلا واد الكلام اللى بقوله

احمد \ طيب انت دلوقتى اشتغلت بس ناوى تعمل ايه بعد كدة

كريم \ انا بصراحة كل اللى معايا هما 10 الاف جنيه هما دول اللى معايا بابا ساعدنى وجمعيات وتحويشات والمرتب بتاعى حوالى 700 جنيه ان شاء الله نجيب شبكة ب الفين وبعدين مش عارف بقى 8 الاف جنيه هيكفوا ايه ولا ايه شقة ولا فرش

احمد \ هيكفوا ان شاء الله ---- انا ان شاء الله شايل لياسمين 5 الاف يبقوا كل اللى معانا 15 ان شاء الله ربنا هيبارك فيهم --- توكل على الله وهنعرض الكلام ده على ياسمين وربنا يعمل اللى فيه الخير

المشهد التانى

ايمان والدة ياسمين واحمد ابو ياسمين فى البيت

ايمان \ ايه بتقول ايه يااحمد 10 الاف بس دول يعملوا ايه دول

احمد \ ياستى صلى على النبى كدة وهدى نفسك عشان نعرف نتفاهم

ايمان \ نتفاهم فى ايه يااحمد انت عايز ترمى البت الرمية دى كدة ليه ولا عشان ابن اخوك هنبهدلها كدة

احمد \ نبهدل مين ونرمى مين ياستى انتى ماتعقلى شوية مش عارف اقول كلمتين على بعض

ايمان \ بص يااحمد لكلمة ولا كلمتين انت تقوله ان كان شارى ياسمين يستنى شوية لما يجهز نفسه يسافر ولا اى حاجة احنا مش مستعجلين ياسمين دى هدية والف مين يتمنوها ويقلوها بالدهب مش تقولى 10 الاف وفرحان بيهم دول يجيبوا ايه دول شقة ولا فرش دول مايجيبوش نوم وصالون والشقة هيعملوا فيها ايه ولا هيعدوا فى الشارع !

احمد\ ايمان خلصتى كل اللى عندك خلاص ياستى عرفت ان ياسمين زى الفل وماترميش بنتنا ويستنى وفلوسه ماتجيبش حاجة ووو---
كل الكلام ده مالوش لازمة وكلام ناس متعرفش ربنا فى ايه ياايمان ياستى انتى ناسية احنا اتجوزنا ازاى ولا ايه ؟ الواد كويس وعارفينه وشاريين بعض وياستى احنا شايليين كام ليها يعنى 100 الف مهما 5 الاف وانتى عارفة يعنى كله 15 ربنا ياستى هيبارك ويبداوا حياتهم وربنا هيفتح عليهم قدام

ايمان \ انا عارفة هو الواد قعد معاك واقنعك بالكلمتين دول ياراجل هو احنا عندنا كام بنت عشان نخليهم يتبهدلوا كدة

احمد\ ياام عمر اتق الله انتى عندك ولد وعلى وش جواز شايلالوا كام انتى بقى عشان الناس ترميلوا بناتها ؟؟؟
ياايمان احنا عايزين راجل يسعدها يكون بيحبها وشاريها واخلاقه ودينه نطمن عليهم ولا انتى نسيتى كلام حبيبك سيدنا النبى عليه الصلاة والسلام
ايمان \ عليه الصلاة والسلام

احمد \ اذا جاءكم من ترضون دينه وخلقه فزوجوه الا تفعلوا تكن فتنة فى الارض وفساد كبير
وبعدين ياحبيبتى دى حياتها هى اللى تختارها وف ايدها القرار هنعرض عليها واحنا من جهتنا -----

ايمان \------موافقين -----

بجد قصه جميله جدا
ومنظر الباقي ان شاء الله
جزاكم الله كل الخير

جزانا واياكم القصه نورت بمرورك:)

محدش تاني عجبتو الحلقة دي ولا ايه؟:huh:

قصة جميلة أوى مستنيين الباقى

الفصل الرابع

جيه كريم واهله وياسمين قدمت العصير بس وسلمت وخرجت مش شرط يعد معاها لانه عارفها واتفقوا على الشبكة وهينزلوا يشتروها كمان يومين واحلى حاجة فى الموضوع انهم اهل وفاهمين الدين كويس وكل طرف شارى التانى يعنى محمد عمره ماقال لكريم انا عايز شبكة بكذا ولا كذا لان محمد ومصطفى اتفقوا ان مفيش مشاكل ان شاء الله واحنا متفقين كريم فعلا راجل ومحمد بيثق فيه جدا وماجاش وهو بيدرس وقال لابوه انا بحبها او قالها هى كدة وبعدين انا مش عارف اعمل ايه !



اما ياسمين فقنوعة جدا وحقيقى هى عندها كريم بالدنيا لو حتى هيتقدملها بخاتم حديد ولا صفيح هيبقى عندها احسن من الالماظ كفاية رجولته ودينه واحساسها انه بيحبها وعايز يسعدها
واشتروا غويشتين وخاتم ودبلتين وكان معاد الخطوبة يوم الجمعة

كريم كان طاير من الفرحة ان ياسمين خلاص هيبقى خطيبها ادام كل الناس ويلبس دبلتها وبعد شهور هتبقى انيسه فى ايامه صاحبته اللى يكلمها وحبيبته اللى يشكلها واخته اللى يشاكلها وكان نفسه يقولها كل الكلام ده لكن قال خلاص مش فاضل غير ليوم الجمعة وبعدين هايبقى يكلمها ان شاء الله على موبايلها مادام مش هيكلمها كلام over وقعد يشغل باله بالتخطيط لحياته معاها من بعد يوم الجمعة والهدايا اللى نفسه يجبهالها والتعابير اللى عايز يقولها لها من غير ماتتكسف وتعبر عن اللى جواها كمان وكلها كام شهر اصبر ياعم


وبدات ياسمين تجهز نفسها وكانوا عاملين خطوبتها عندهم فى البيت reception بتاعهم واسع وممكن يتعمل فيه الحفلة وياسمين كانت بتقول لمامتها هى عايزة ايه وهما يتفقوا مع كريم والغريبة انهم كانوا متوافقين فى تفكيرهم من غير مايقولوا لبعض

كان الفرح صغير بس عازمين فيه قرايبهم واصحابهم وطبعا بشكل حلو عشان يكون فرح اسلامى ومن غير فصل بس من غير اختلاط

ياسمين وكريم قاعدين على كنبة الصالون وهى كنبة واسعة وكوكتيل الاغانى اللى شغال جميل وكل معانيه رائعة ------- ومرت الليلة على خير والحمد لله

كريم كان عارف وقت ال break بتاعها كان لازم كل يوم يكلمها فيه حتى لو مش هايقول حاجة بس يسلم عليها وماكانش بيرضى انها تكلمه ابدا لو اتصلت بيسبها ترن للاخر وبعدين يتصل هو بيها فعلا انسان رقيق جدا و jentle اوى كل يوم ياسمين بيزيد اعجابها بيه بس كريم كان معاهد نفسه ان مشاعره وكلمه اللى نفسه يقوله هيستنى عليه شوية لمدة 3 شهور فقط

البنات فعلا بياثرهم الاهتمام وبيرضيهم جدا ومن بموت فى دباديبك وكلام الافلام ده ده انا رنة كريم عليا بس بتعايشنى فى عالم تانى فترة الخطوبة دى حلوة جدا انى اعرفه اكتر واسمع كلامه واعرف طريقة تفكيره ويشعرنى اهتمامه من باب وقدموا لانفسكم واى حاجة عرف من ماما انى محتاجاها عشان المشروع كان بيساعدنى علطول من غير ماطلب وانا من طبعى اى حد يعملى حاجة لازم اشكره وطبعا بيقولى العفو وبيبقى مبسوط من شكرى ليه وتقديرى لمساعدته الا كريم كان بيزعل اوى ويقولى ياسمين لو قلتى كدة تانى انا هازعل بجد انتى بتشكرينى ؟

ياسمين \ انا كمان كان نفسى اخلص بقى وتعدى الامتحانات على خير

واخيرا ظهرت النتيجة كان كريم عايز يجبهالى بس انا خفت لحسن الدرجة متكونش حلوة اوى وانا نفسى اكون ادام كريم على الاقل احسن واحدة فى الدنيا فروحت انا قبله عشان اجيبها رغم انى ماكنتش هاكدب عليه لكن برده مردتش انه هو يروح وجبت جيد جدا مرتفع كنت فرحانة جدا ان الحمد لله تعبى مضاعش على الفاضى وسهر الليالى ورجلى اللى اتكسرت على اللوح ويوم والتانى وانا مبنامش عشان المشاريع تخلص كل ده راح اول ماشفت النتيجة الحمد لله وكمان كريم وشه حلو عليا

وعملنا حفلة صغيرة كدة مع خلاتو وطبعا كريم حضرها ومامتو واباه ومحدش جابلى هدية ولا بابا ولا ماما ولا خالتو هالة ولا عمو مصطفى وف وسط الحفلة لاقيت كريم قايم بكل شجاعة وجراة وباسلوبه اللذيذ ودمه الخفيف ووقف فى وسط ال reception وقال

كريم \ انا عايز اسمع دلوقتى احلى زغرودة وانا بلبس ياسمين الخاتم ده

والناس بقى هيه وضحك وزغاريد بس عشان اسلوبه

وراح عند ياسمين وكانت مامته قاعدة جمباها قام اداها الخاتم وهو باصص لياسمين وقالها احلى خاتم لاحلى ياسمين بس اخر خاتم ماما اللى تلبسهولك الدور عليا انا بقى

وبعدين قام عمو ابو ياسمين وقال ياجماعة ان شاء الله كلكم معزومين عندنا اول خميس الشهر اللى جاى عشان فرح ياسمين وكريم

بجد جميله اوى
انا اول مره اقراها بس عجبتنى مووووووووووووووووت
مستنين الباقى ومتتأخريش علينا بقى

يارب تكمل ع خير عارفه لو القصه طلعت حزينه والنهايه ماساويه والبت تموت ويطلقوا والافلام دى بجد هزعل

يارب تكمل ع خير عارفه لو القصه طلعت حزينه والنهايه ماساويه والبت تموت ويطلقوا والافلام دى بجد هزعل


نفس رايك يا بنوته اهلاوية

قصه جميله جداا فى انتظار باقى الموضوع

حلوة جدا ياريت تكملى بسرعة

الفصل الخامس



كريم وياسمين واحمد وايمان وعمر وهالة ومصطفى قاعدين فى بيت ياسمين

ياسمين \ كريم الاودة دى كبيرة اوى ومبالغ فيها وصدقنى مش عايزاها

كريم \ لا طبعا يا ياسمين مينفعش اودة النوم دى مسئوليتى وان شاء الله هجيبها مالكيش دعوة

عمر \ يابنى صلى على النبى فى ايه هى الاودة دى مش بتاعتكوا انتوا الاتنين ابقى ياعم جبلها اودة نوم بتاعة يوليوس قيصر دهب خالص ياسيدى اوول ماربنا يفرجها ان شاء الله

كريم \ ياعمر افهم ان شاء الله هاعمل جمعية واقبض الاول واكمل على اللى معايا واجبهاا لياسمين

ياسمين\ ياكريم هندخل كدة فى ديون جامدة علينا واحنا لسة نبدا وبعدين اصبر بقى انا هاعملك design محصلش

احمد\ كريم بص يابنى انت ياحبيبى مقصرتش وجايب الشقة والصالون الحمد لله يعنى هى مشكلة اودة النوم بس هتحلها ياسمين واحنا علينا المطبخ والرفايع واتكلوا على الله

حبيبة وياسمين فى بيت ياسمين

حبيبة \ صحيح يا ياسمين انتوا اخدتوا شقة فين ؟ تلاقيها جنب مامة كريم ولو انتى جامدة بقى تبقى اقنعتيه تخدوا شقة جنب مامتك

ياسمين \ لااااااااااا احنا خرجنا من ضيق المدينة الى سعة الاحياء الجديدة ---الشقة فى اكتوبر ان شاء اللهhttp://forum.amrkhaled.net/images/smilies/icon_cheesygrin.gif

حبيبة \ اكتوبر يابنتى ده فيها مواصلات اقله ساعة وبعدين لسة جديدة ياياسمين يعنى الخدمات مش زى هنا والاهم هتبقى بعيدة عن مامتك

ياسمين \ والله ياحبيبة احنا ربنا كرمنا اوى الحمد لله الشقة واسعة والجو هناك تحسى انه نضيف اوى وكل المنطقة هناك ناس لسة متجوزين جداد واهم حاجة ان صاحبها كرمنا اوى فى السعر ايجار جديد ودفعنا 3 الاف وبعدين ايجار 200 جنيه

حبيبة \ اه لو امى تسمعك ياياسمين مياكلش معاها الكلام ده خالص انتى عارفة انجى اختى قعدت مخطوبة سنتين وشوية عشان ماما مش راضية على شقة فى حتة جديدة ووالله لدرجة ان الموضوع كان هيتفركش لولا قرايبنا ادخلوا وفى الاخر برضه حى جديد واللى اتغير بس ان الايجارزاد عليهم
ياسمين \ انتى عارفة ياحبيبة والله لو روحتى هناك هتلاقى المكان يرد الروح وحتة انها جديدة والخدمات قليلة فمش هتفرق معانا اوى احنا قدامنا على الاقل 7 سنين على مانحتاج مدرسة مثلا وبعدين احنا مش قاعدين فى صحرا فى ناس كتير عايشة هناك ومبسوطة الحمد لله

حبيبة \ بس كدة ياياسمين انتوا ريحتوا كريم على الاخر يعنى كان المفروض يدفع دم قلبه عشان يعرف مقامك ويحافظ علكى ويعرف انه مش واخدك بالساهل لكن انتوا اتنازلتوا فى حاجات كتير اوى

ياسمين \ عارفة ياحبيبة انا بحس دايما ان احنا فينا افكار بتعقد حياتنا والموضوع بسيط مش مستاهل ابدا وبعدين ايه اتنازلتوا والكلام ده هو انا قاعدة فى الشارع ونايمة على الارض ؟ !! الحمد لله ربنا رزقنا شقة جميلة وف مكان كويس ولعلمك قى انا كل سم فى حاجتى اغلى عندى من مال قارون

حبيبة \http://forum.amrkhaled.net/images/smilies/mo--.gifعموما ياحبيبتى ربنا سبحانه وتعالى هيرضيكى مدام انتى راضية كدة وعلى فكرة الواد كريم بقى امه داعياله!!!!:wub:

جمييييييييييييييييله اوى ومستنين الباقى

شكرا على القصة الجميلة دى وتسلم ايديكى ياقمر ومنتظرة الباقى
الحلقات كلها تحفة تقبلى مرورى

بصراحة قصة ملهاش حل
ياريت تكمل بسرعة لانى اندمجت فيها جاااااااااااااااااااااااااااااااامد

الجزء السادس (اللي قبل الاخير)

بحبك ياستانلى !!!:wub::wub:

ياسمين فى اكتوبر!

ياسمين \ ياه عمرى ماهنسى ابدا يوم فرحى كان يوم رائع بجد الواد كريم كان شكله جامد اوى وابسامته ليا حلوة جدا اول مرة يمسك ايدى واحنا فى الزفة حسيت انه بيدفيها وانه مش بيدينى ايده ده بيرميلى قلبه !http://forum.amrkhaled.net/images/smilies/icon_redface.gif

انا فاكرة شكله وهو بيرقص مع اصحابه موتنى من الضحك اول مرة اشوفه بالانطلاق ده http://forum.amrkhaled.net/images/smilies/C_laugh.gif

واللى فعلا مانسهوش اننا وحنا فى وسط الفرح لقيته مرة واحدة ماسكلى بوكيه كله ورد احمر جامداوى وبيديهولى http://forum.amrkhaled.net/images/smilies/marsa193.gifمعرفش كان جيبه منين من غير ماعرف

انا لسة شايلة البوكيه ده عندى رغم انه بقى مجفف خلاص بس انا شايلاه فى كيس وكاتبة عليه التاريخ وكتبت رسالة منى لكريم لحد دلوقتى هو مقرهاشhttp://forum.amrkhaled.net/images/smilies/smile.gif

الشقة بتاعتى جميلة اوى لان كل ركن فيها ليه فيه ذكرى حلوة مع كريم الحاجة الوحيدة اللى مضايقانى منها انها بعيدة عن شغل كريم اوى ومحتاج 10 جنيه مواصلات رايح جاى عشان كدة بيضطر يبيت عند مامته عشان يبقى جنب الشغل --بيجى اكتوبر يوم الخميس بعد الشغل ويعد الجمعة والسبت والاحد --والاتنين بيروح على هنا برضه والثلاثاء والاربعاء والخميس بيكون عند مامته

كريم \ ياسمين بتوحشنى اوى وانا مش عارف اعمل ايه فى المواصلات دى ومش هاين عليا ابدا انها تعد لوحدها كدة فى البيت ياه ده انا نفسى اجيبلها الدنيا كلها صابرة معايا اوى واحدة غيرها كانت عيطتلى وقلتلى عايزة اروح لماما !!http://forum.amrkhaled.net/images/smilies/busted_red.gif
والماهية دى صغيرة اوى وحتى فلوس المواصلات بتفرق معانا !! ادى 200 جنيه الايجار و500 جنيه طول الشهر لما 10 يروحوا فى مواصلات كل يوم هيبقالنا كام ؟ 200 جنيه ! يعنى كل يوم 15 جنيه !!!http://forum.amrkhaled.net/images/smilies/engry1.gif

ياسمين \ اجمل حاجة فى كريم انه رومانسى جدا وبيحب الحياة ويحب الخروجات والفسح ومعيشنى كاننا اتنين مراهقين بنحلم ببكرةhttp://forum.amrkhaled.net/images/smilies/marsa193.gifويهديلى اغنية بيحبها ولا الورد ده مفيش خروجة الا وفى وسطها الاقى وردة حمرا وهدية وعليها كلمة بتاثرنى بجد!!!http://forum.amrkhaled.net/images/smilies/icon_redface.gif

كريم \ رغم ان الفلوس قليلة لكن ياسمين دى كلها بركة وخيربحس ان الفلوس معاها بتضاعف لما بيجى نص الشهر بحط ايدى على قلبى واقول اكيد الفلوس خلصت مع ياسمين اروح الاقيها عملالى الاكلل اللى بحبه وعمرها ماشتكت ابدا ان الفلوس على الادhttp://forum.amrkhaled.net/images/smilies/tha--.gif


ياسمين \ واما احلى خروجة بقى مع كريم كانت لما روحنا اسكندرية انا فاكرة كل كلمة قلهالى فيها كانت اجمل مفاجاة عملهالى لحد دلوقتى

خدنا قطار الساعة 6 الصبح وقبل مانمشى كنت عاملة حسابى ربع كيلو جنة على نص خيار وبطاطس بيوريهوعصير رتقال كنت عاملاه وتورمس الشاى وكان كاجوال اوى شال الحاجة فى الشنطة وعلقها على ظهره وكل واحد نظارته الشمس وانطلقناhttp://forum.amrkhaled.net/images/smilies/co--.gif

لعبنا شطرنج لما هريت كريم وكانت المنافسة فظيعة ويقولى يابنتى انسى اقوله لاااا انت محتاج كورسات عشان توصل لمستوايا ده انا بلعب اللعبة دى من قبل ماتتولدhttp://forum.amrkhaled.net/images/smilies/biggrin.gif

وفضلنا طول الطريق مبطلناش كلام والطريق كان شكله يجنن الخضرة والسما تحسى كانك بتحضنى الكون كريم قالى تعالى نعمل مسابقة لمدة ربع ساعة نشوف مين هيقدر ياخد ثواب اكتر قلتله اظبط ساعتك

ومفيش خمس دقايق ولقيت كريم عينه بدمع ابتسمتله كدة وضحكتوقلتله مش هارحمك انا اللى هاكسبhttp://forum.amrkhaled.net/images/smilies/icon_cheesygrin.gif
ضحك وقالى قعدت احمد ربنا على نعمه اللى مالهاش حد عليا لحد ماوصلت ليكى وبقيت مش عارف اشكره انك معايا ازاى http://forum.amrkhaled.net/images/smilies/tha--.gif

انا بقى كنت بدعيلك بعدد حبات المطر اللى روت الارض دى وبعدد كل خلية فى النباتات دى http://forum.amrkhaled.net/images/smilies/smile.gif

ونزلنا من القطر اول مرة احس انى مش تعبانة بعد السفر وطلعنا على البحر ولعبنا ركت وقطعت كريم بس هو عشان اطول منى معرفتش اقطعه اوى يعنىhttp://forum.amrkhaled.net/images/smilies/icon_cheesygrin.gif واتمشينا على البحر وخدنا اكتر من شاطىء مشى
وكنا بنصلى كل صلاة فى مسجد ونقول هتشهدلنا يوم القيامة الارض دى اننا صلينا عليها

وجيه الليل وطلعنا على كوبرى استانلى
وقالى كريم فاكرة زمان لما جينا هنا مع خلاتو وقعدنا نطير بلالين وطارت راحت الناحية التانية تيجى نعملها دلوقتى ؟؟
ياسمين \ طيب ماشى بس هاتها كبيرة وحمراء
كريم \ ياواد ياكريم ياجامد معايا ياباشا وايه مطابقة للمواصفات
وطير كريم بالونة كبيرة كانت على شكل قلب واعدنا نبص عليها وهى طايرة والناس قعدت تتفرج علينا وعليها لان البالونة كان مكتوب عليها بحبكhttp://forum.amrkhaled.net/images/smilies/icon_redface.gif

http://forum.amrkhaled.net/images/smilies/smile.gifواتصورنا صور جميلة جدا على الموبايل كريم صورنى صور جامدة ساعة الغرو ب على البحر وانا كمان روقته برضه واتصورنا مع بعض فى ستانلى بس شوية صور تجنن

وبعدين قضينا طول الليل فى خالد ابن الوليد واتعشينا سندوتشات حواوشى جامدة اوى وطلع الفجر علينا قلتله كريم تيجى نفطر فول بس من العرية وبصل بقى واديله وفعلا والفول عمل عمايله معايا قلتله بس كدة تمام ياكريم على الا مكروباص بقى وعلى مصر انا النوم كبس علياhttp://forum.amrkhaled.net/images/smilies/sl--.gifhttp://forum.amrkhaled.net/images/smilies/sl--.gifhttp://forum.amrkhaled.net/images/smilies/sl--.gif

ياه ربنا يخليك ليا ياكريم كنت حاسة اننا مخطوبين ومن زمان واحنا مش بنام فى المصيف مع قرايبنا بس المرة دى غير غير يعنى
وكوبرى ستانلى ده بجد بعشقه وكل مكان روحته معاه المساجد فى رمضان ودريم بارك فى العيد وحتى الجنينة اللى قدام بيتنا اللى بنتعشى عنده ذرة مشوى!!

جمييييييييييله اوى
بس انا زعلانة انها هتخلص بسرعه اوى كده:mad:

الفصل الاخير

انوار وكهرباء مضاءة رجال ونساء تغشاهم الرحمة والسكينة الكل يبكى بمختلف الاعمار والمستويات الاقارب والغرباء يسمعون قول الحق سبحانه وتعالى


(وسيق الذين اتقوا ربهم الى الجنة زمرا حتى اذا جاؤها وفتحت ابوابها وقال لهم خزنتها سلام عليكم طبتم فادخلوها خالدين-- وقالوا الحمد لله الذى صدقنا وعده واورثنا الارض نتبوء من الجنة حيث نشاء فنعم اجر العاملين--وترى الملائكة حافين من حول العرش يسبحون بحمد ربهم وقضى بينهم الحق وقيل الحمد لله رب العالمين )


بصتلها اخر نظرة وعينى مليانة بالدموع --لقيتها بتبتسم !!اكيد انا مش شايف كويس مسحت دموعى بكمى وبصتلها تانى --- ده كل وشها بيضحك كانها بطمنى عليها وعايزة تقولى حاجة بس انا مش عارف ايه هى
قمت ابتسمت اول ماشفتها وماحسيتش بنفسى الا وانا ساجد بعيط واقول الحمد لله انا لله وانا اليه راجعون

احسبك شهيدة ياياسمين !!
النهاردة الخميس كنت جيلك على البيت ومش رايح لماما

وكان ماما عارفة ايه اللى فى دماغى لقيتها بتقول وهى بتبكى/
قلتلها فى التليفون الصبح وهى بتصبح عليا عادى زى كل يوم عمك تعبان شوية ياياسمين وانا لوحدى مش عارفة اعمل ايه

ياسمين \ متقلقيش ياخالتو --مفيش حاجة تلاقيها شوية برد ولا حاجة انا جيالك ياحبيبتى مسافة السكة علطول متتصليش بكريم ولا معتز عشان ميقلقوش هو باذن الله هيبقى زى الفل تامرى بحاجة وانا جاية

هالة \ لا سلامتك يابنتى متتاخريش

وبعدين لقينا تليفون بيقولنا الخبر وصاحب العربية اللى عمل الحادثة قعد يعيط ويقولنا والله العظيم هى اللى كانت مش واخدة بالها من الطريق انا معملتلهاش حاجة والله

والغريبة لقيت ناس معرفهاش جاية تعزى مرات البواب بتاعة العمارة وحتى ناس من السوق قاعدين فى العزا وهما بيبكوا ويقولوا كانت ست كلها انسانية ولسانها حلو وعلطول تضحك فى وشنا وتكرمنا ربنا يرحمها يارب --صدقة ياياسمين ده الفلوس كانت على الاد خالص دلوقتى عرفت ربنا كان بيبارك فيها ازاى

ولما رجعت البيت اول مرة ارجع ومالقهاش فيه لقيت الشقة جميلة والاكل اللى بحبه كانت عملاه ولقيت ورقة سيبهالى مكتوب فيها

وحشتنى ياحبيبى --عمو عنده شوية برد صغيرين ايه رايك نعد معاهم النهاردة ونتعشى النهاردة سميط وبيض على النيل ؟؟ اكلة نفسى فيها بقالنا كتير مرحناش النيل --اتغدى براحتك ونام شوية وتعالالنا باليل

متتاخرش

مستنياك

مستنياك --ياه هى دى الكلمة اللى وشها كان بيصرخ بيها ليا !!

طول السنين اللى فاتت دى وانا فى السعودية كلمتها ليا كانت ادام عينى بقى كل املى انى اعمل خير واسعى فى الدنيا دى علشان اقابلها نفسى اكون معاها فى درجتها فى الجنة او اعليها وتبقى معايا واول ماربنا فتحها عليا قررت انى احقق حلم ياسمين عملت الشركة اللى كانت دايما فى خيالها وسميتها على اسمها ودلوقتى بقى سهل اوى على كل اتنين متجوزين انهم يبداوا حياتهم ويفرشوا بيتهم ببساطة وكل حد مايشترى من الشركة واشوفه هو وخطيبته بفتكر تضحيتها معايا اللى محدش يرضى بيها غيرها واصبر نفسى بكلمتها مستنياك
وشقتنا اللى فى اكتوبر مسبتهاش مقفولة خليتها حضانة وكانت اول حضانة متطورة تتفتح فى المنطقة وبمصاريف بسيطة --كنت عايز اطفال يتعلموا فيها الحاجات الحلوة اللى ولاد ياسمين كانت اكيد هتبقى فيهم

وكل الافكار دى جاتلى لما كنت بتفرج على صورنا واحنا مع بعض وخصوصا عند كوبرى ستانلى وعنيا دمعت وحضنت الصور لقيت الفكرة دى اتنقلت جوايا ومليت عليا كيانى

كل صلاة وكل عمرة زكل صدقة بفتكرك ياياسمين وبحس انك معايا فيها وفى نيتى زى مكنا مع بعض علطول كل ده نصه ليا ونصه ليكى

لما بتوحشنى باقوم اصلى ركعتين وابكى وانا ساجد وادعى ربنا سبحانه وتعالى واقول

يارب ياودود ياانيس من لا انيس له
الحمد لله انك الباقى --ياحى لا يموت
اللهم اغفر للمسلمين والمسلمات والمؤمنين والمؤمنات الاحياء منهم والاموات
اللهم بلغها مبالغ الشهداء والحقنى بها ياواسع العطاء

تمت بحمد الله



ياريت محدش يزعل من النهاية دي انا عارفه انها مأساوية بس هي الحياه كده لازم يكون فيها ابتلائات واكيد موتها دا احسن من انها تتطلق او ان يكون في مشاكل زوجية بينهم والاجمل من كده لو اتجمعو تاني مع بعض في الجنه:wub:
ويارب مغزي القصه والدروس المستفاده منها
تكون وصلتلكو:rolleyes:
وشكرا لكل اللي تابع القصه معايا:)



انا عندي قصه كده شبيهه بيوميات اتنين مخطوبين (سارة وعمر) بس اسمها خناءات اتنين مخطوبين (احمد وندي);)
دي قصه حقيقيه وحلوة كتيير ونهايتها مش ماساويه لو تحبو ممكن انزلهلكو بس هستني اسمع ارائكو

عاجبك كده ادينى عيطت
انا نفسي يوم فى حياتى يعدى من غير ما ابكى بقى
والله القصة جميلة جدااااااا جدااااااااااااااااااا
شكرا ليكـى ع الموضوع

قصه بجد عجبااانى مووووووووووت
تحفه
شكرا ليكى;)

شكرا على القصة التحفة وربنا يسامحك على ان نهايتك كده
وياريت تنزلى اللى قلتى عليه
ومشكورة على المجهود الرائع

ليه النهاية دى والله زعلت
شكرا على القصة الرائعة دى

يانهار ابيض ليه النهاية دى والله عينى كانت هتدمع أنا ماكنتش عارف معنى كلمة مستنياك ... بس نهاية صعبة اوى شكرا ليكى على القصة الممتازة

يارب محدش يزعل ده انا ع اخرى منك بجد .........بس هنفرض جدلا ان شاء الله ياسمين هتعيش وهتكمل مع كريم وهيجيبوا عيال قطاقيط وتعجز بعد متشوف احفادها هى دى النهايه :d ودمتم

وجعتى قلبى يسامحك ربنا
merciاوى على القصة .................. والله تعبتينى

ليه كدا
موتها والله زعلت
يالا بقي البقاء لله
بس قصة حلوة اووووووووووي

قصة جميلة اوووى
بس النهاية حزينة اووى
ربنا يرحمها
جزاكى الله خيرا
ياريت تنزلى القصص اللى بتقولى عليها
بارك الله فيكى

ميرسي علي المرور والحمد لله انها عجبتكو

واللي زعلان ياريت ميزعلش هي نهايتها كده اعمل ايه:(

وان شاء الله هنزل اللي قلتلكو عليه قريب:cool:

جميله اووي

تنشيط الموضوع
عشان موضوع حلو فعلا

في رعاية الله