Bent 3bdo
06-09-2008, 03:52 PM
السلام عليكم
بجد يا جناعه انا احترت خلاص من الثانويه العاميه دى
أنا علوم ان شاء الله
ومحترة الماده الادبى أخدها ايه كنت هاخد اقتصاد واحصا
بس بعد نصايح بعض الاخوات ليا هنا فالمنتدى قررت ما خدهاش
دلوقتى بقى انى أسهل علم النفس ولا الفلسفه
انا شوفت كتاب علم النفس (كله دش والحمد لله:mad:)
بس معرفش حاجه عن الفسلفه:confused:
ياريت حد يساعدنى
ويقولى الفلسفه عامله ايه حفظ كتير ولا فهم ولا ايه:eek:
وشكرا
reham H
06-09-2008, 08:07 PM
وعليكم السلام ورحمة الله وبركاته
انا برضه محتارة زيك
وكنت عاوزة اخد اقتصاد واحصا بس كرهونة فيها والحمد لله
المهم قررت ان شاء الله علم نفس هو انا فعلا كرهاه لانى مبحبش اصلا المواد الادبية
بس بصى هو اهم حاجة الحفظ فيها بس بالنسبة لانك هتبقى متعودة على نظام العلمى هش هتعرفى تحفظى غير ما تفهمى دى ملحوظة يعنى وتقريبا كتاب المدرسة سايح على بعضه انا مشفتهوش بصراحة بس صحابى قالولى كدة
وكفى
realman0129
07-09-2008, 01:59 AM
علم النفس يا جماعة اسهل من الفلسفة بكتير والله انا مجرب الاثنين المادتين امتحانهم وال50 مضمونة ان شاء الله في اي المادتين بس الفلسفة محتاجة حفظ شديد
Sherif Elkhodary
07-09-2008, 06:39 PM
أنا علوم ان شاء الله
ومحترة الماده الادبى أخدها ايه كنت هاخد اقتصاد واحصا
بس بعد نصايح بعض الاخوات ليا هنا فالمنتدى قررت ما خدهاش
اكبر غلط علي فكره
معني كده انهم بيقولولك متاخديش اقتصاد و احصاء علشان متفكريش
و طاما علمي يبقي اكيد عندك فيزياء اللي هي التفكير كله
لو عاوزة اقتصاء و احصاء خديها و متخافي و توكلي علي الله
انا مش اقتصاد لاني مش ناويها من الاول مش بحبها اصلا مش موضوع امتحان صعب و سهل
و ربنا يوفقنا واياكي
Bent 3bdo
07-09-2008, 07:01 PM
اكبر غلط علي فكره
معني كده انهم بيقولولك متاخديش اقتصاد و احصاء علشان متفكريش
و طاما علمي يبقي اكيد عندك فيزياء اللي هي التفكير كله
لو عاوزة اقتصاء و احصاء خديها و متخافي و توكلي علي الله
انا مش اقتصاد لاني مش ناويها من الاول مش بحبها اصلا مش موضوع امتحان صعب و سهل
و ربنا يوفقنا واياكي
مش حكايه تفكير
وان هم مش عاوزنى أفكر
حكايه ان أسهلى يعنى
بس مش ناويها ازاى؟؟مش فاهمه
انا عندى أهم حاجه الماده اللى اجيب فيها درجات عاليه ومش عاوزة حفظ كتيير لانى بكره جدا ومش بعرف احفظ وكمان مش راسيه
سماء الاسلام
09-09-2008, 02:00 AM
علم النفس افضل بكتير من الفلسفة خاصة لطلبة العلمى لانك لازم تفهميه عشان تعرفى تحفظيه كويس وامتحانه بيجى سهل جدا أما الفلسفة معتمدة على الحفظ والدش بس ومالهاش أى فايدة بس برده امتحانها بيجى سهل والعموم ربنا يوفقك للى تختاريه باذن الله