مشاهدة النسخة كاملة : محتاج رايكم ضرورى جدا


محترم افندى
06-09-2008, 07:03 PM
انا ثانوية عامة بس على قاعد كرسى متحرك لسة طالع نتيجتى انهاردة قبلونى فى معهد فنى تجارى

بس انا مش عاوز اخش معهد فى مدرسين قالولى عشان حالتك المرضية هيدخلوك الكلية اللى انتا عاوزها

انا عايز كلية مناسبة لحالتى المرضية ف انا مش عارف اخش كلية تجارة ولا اداب ولا اخش معهد فنى تجارى

وخلاص وانا عايز اللى هخشة يكون مش صعبة يعنى يكون فى مستوى الطالب المتوسط



ارجو رايكم فى اسرع وقت عشان التقديم بكرا:(

ّنغمّ
06-09-2008, 08:59 PM
عايزة اقولك حاجة
معهد فنى تجارى لسة قدامك سكه سفر لو دخلته علشان تجارة
اختار كليه تعجبك
ممكن تطلع محاسب او مدير مالى او اى مهنه تحس انك ممكن تكمل بقيه حياتك فيها بدون ملل
ممكن تتخصص فى قسم معين وتركز فيه وتبقى الاول فى المجال ده *ويمكن يطلبوك بلاد برة زى دكتور فاروق الباز فى مجال الفلك لانهم بيهتموا بالعلم اوى*
او زى دكتور مجدى يعقوب اكبر جراح عالمى
دى نصيحة اختك يارب تفيدك بحاجة
بيلا

محترم افندى
06-09-2008, 09:22 PM
ربنا يخليكى يارب شكرا على نصيحتك

ممكن اعرف اية الفرق بين معهد فنى تجارى و كلية التجارة

ّنغمّ
06-09-2008, 09:26 PM
لو مجموعك كويس تدخل تجارة على طول اربع سنين* 4 سنين*
لو مجموعك قليل تدخل معهد فنى تجارى سنتين بعدها تدخل تجارة اربع سنين *6 سنين* على حسب مجموعك بس

محترم افندى
06-09-2008, 09:49 PM
اسف عشان كترت عليكى فى الاسئلة بس بخصوص الكليات انا عملت تقرير طبى وممكن اخش كلية

بس انا محتار اختار كلية التجارة ولا الاداب هيا التجارة هتنفع عشان انا على كرسى متحرك والوظايف هتكون على

مكتب او شركة يعنى وظيفة مش محتاجة حركة كتير بس خايف التجارة تكون صعبة واندم انى دخلتها


والاداب انا بحب علم النفس وبيقولو الاداب حلوة وسهلة بس انا بقول ازاى هكون بعد التخرج مدرس وقاعد على

كرسى متحرك المدرس لازم يشرح ويكتب على السبورة وكدة يعنى


واختى بتقول خش معهد فنى تجارى وخلاص مش لازم كلية بس انا مش مقتنع بالمعهد

معلش عشان سالت كتير اوى

ّنغمّ
09-09-2008, 01:44 PM
ادخل اللى مقتنع بيه ولا يهمك راى حد
ولا حتى رايى
تجارة ادخلها من الطريق السهل
احسن ما تلف كتير
بس
ده راى حد تانى بلاش انا