|
مشاهدة النسخة كاملة : أرجو المساعدة بسرعة ahlymisr 07-09-2008, 12:44 AM أنا كنت مقدم علي تجارة إنجلش في عين شمس لكن ماقبلتش فيها وفرقت علي 5 درجات أنا المجموع الإعتباري بتاعي 402 أعمل إيه هل أحول لحلوان أو بنها و هل هقبل فيهم ولا لاء وهل تجارة عربي عين شمس أفضل من تجارة إنجلش حلوان وبنها ,مش عارف أعمل إيه أرجو الرد سريعا قبل ما يحصلي حاجة minerva 07-09-2008, 12:55 AM عايز تقول ان عين شمس اخدت من 407 بس باب التحويل لحلوان اتقفل النهارده ahlymisr 07-09-2008, 01:38 AM فعلا عين شمس خدت 407 طيب أنا أعمل إيه وشكرا علي المساعدة ahlymisr 07-09-2008, 01:52 AM طيب أنا أعمل إيه وشكرا علي المساعدة وعين شمس خدت 407 minerva 07-09-2008, 01:56 AM انا كمان محتاسه زيك بس انا 413 ahlymisr 07-09-2008, 02:44 AM ربنا معانا كلنا وشكرا علي مساعدتك ليا Hanoda 07-09-2008, 03:54 AM انا محتاسة ومصدومة اكتر منكم انا (واعوذ بالله من كلمة انا) متقبلتش في تجارة انجليش القاهرة للاسف بسبب درجة واحدة درجة واحدة درجة واحدة درجة واحدة انا جايبة 414 وتجارة القاهرة واخدة من 415 فعلا اللي يعيش ياما يشوف وكل واحد مش بياخد غير نصيبه ahlymisr 07-09-2008, 04:10 AM فعلا كل واحد بياخد نصيبه(قدر الله وماشاء فعل)ومين عارف الخير فين ahlymisr 07-09-2008, 04:12 AM و يجماعة بلاش الكآبة دي سيبوها علي الله ymymym 07-09-2008, 05:41 AM فيها ايه يا جماعه لو متقبلتوش خلاص اخر الدنيا لأ طبعا بس لازم نبقي اقوي من كده يعني المهم شدي انتي حيلك او شد انت حيلك في الكليه دي تجاره عربي ماشي وربنا يسهلنا جميعا انا برضه زيكم بس انا بني سويف لسه حتي باب التقديم مقفلش وبقول حتي لو مقبلتش عادي نصيبي خليكوا كده فريش خدوا الحياه كده عادي ahlymisr 07-09-2008, 06:01 AM يا جماعة قولولي أعمل إيه بسرعة blackjoker15 07-09-2008, 09:00 AM عايز تقول ان عين شمس اخدت من 407 بس باب التحويل لحلوان اتقفل النهارده هو باب التحويل لحلوان كان مفتوح اصلا انا حاولت كتير و كان ردهم انى لازم اكون واخد الثانويه العامه من هناك (حلوان) او ساكن هناك لاكن تحويل عادى مينفعش ربنا معانا انا برضوا مقبلتش فى القاهره على درجه ونص كنت جايب 413.5 ymymym 08-09-2008, 04:08 AM بص يا اهل يحاول انك تحول لو منفعش خلاص نصيبك انك تدخل عربي جايز ربنا كاتبلك حاجه حلوه فيها صح ولا ايه ؟؟؟؟؟؟؟؟؟؟ ahlymisr 08-09-2008, 01:04 PM كلامك صح الصح وشكرا علي المساعدة OWN_style1 14-09-2008, 02:25 AM لو عرفت حاجة ابقى قولى عشان انا زي زيك more work 14-09-2008, 03:50 AM يا جماعة احتمال كبير اللى متقبلش يتقبل على اول السنة هما بيكلموهم ويقولولهم لو هبقبلوهم سيبوها على ربنا وربنا مبيجيبش حاجة وحشة |